'n Italiaanse man is gearresteer op 'n klag dat hy sy vorige meisie vanuit 'n kroeg ontvoer het, haar huis toe geneem en gedwing het om sy klere te stryk en die skottelgoed te was, het die polisie gister gesê.
Die 43-jarige man het die vrou uit 'n kroeg in die hawestad Genoa gesleep, haar in 'n motor gedwing en haar na sy huis toe geneem waar hy haar laat stryk en skottelgoed was het terwyl sy gedreig is.
Die polisie het op die toneel opgedaag nadat die man deur 'n vriendin van die vrou aan die polisie verklap is. Sy het die toneel in die kroeg raakgesien.
Die man, wat woedend was omdat sy vorige meisie hom verlaat het, is op 'n klag van ontvoering in hegtenis geneem, het die polisie gesê.
Weke van gietende reën het veroorsaak dat rivier oor hul walle gestoot het in suidelike China waar 1,27 miljoen mense uit hul huise vedryf is en ander gister gedwing is om op dakke te sit in afwagting op verdere reënbuie.
Die vloede het 112 mense in 12 provinsies gedood, het die ministerie van burgerlike sake vandag op sy webtuiste gesê. Siedende riviere het tienduisende huise laat ineenstort, het oeste oor 'n miljoen hektaar van landbougrond beskadig en meer as 12 miljard rand se ekonomiese verliese veroorsaak.
Bestuurders in Nieu-Seeland se grootste stad, Auckland, skep hul eie "passasiers" om verkeersopeenhopings die hoof te bied en in spesiale snelbane te mag ry.
Daar is 'n paar eienaardige kalante wat sulke toertjies uithaal, volgens wat die North Shore-munisipaliteit se verkeershoof Andre Dannhauser aan Reuters vertel.
Sulke ondernemende bestuurders wat gevang word dat hulle die verkeersreëls probeer herinterpreteer, word gewoonlik beboet met NZ$150.
Die verkeerspersoneel wat die foto's van oortreders bestudeer, moet boonop na die vreemdste verklarings vir die fnuikpassasiers luister.
Hoofsuperintendent Wayne Minnaar het gesê dat hulle 'n 43-jarige man insluit wat teen 'n spoed van 233 kilomter per uur in 'n BMW X5 gevang is.
'n Kameroense diplomaat is ook op kamera betrap teen 'n spoed van 200 kilometer per uur. Die diplomaat het versuim om sy Audi A3 te stop en het met 'n metropolisievangwa gebots.
Albei mans is in hegtenis geneem en op borg teen R1000 elk vrygelaat.
Hulle sal môre in die Midrandse landdroshof verskyn.
Die konflik tussen die SAUK-raad en sy geskorste hoofuitvoerendebeampte, Dali Mpofu, gaan steeds voort.
Volgens Mpofu sal die korporasie se raad die hele personeelskors indien indien dit die geleentheid kry.
Mpofu het gereageer op Kanyisiwe Mkhonza, die voorsitter van die SAUK-raad, wat verlede Donderdag Mpofu se derde agtereenvolgende skorsing bevestig het. Mkhonza het egter ontken dat nog sewe senior bestuurders geskors is wat 'n petisie onderteken het waarin die raad se bedanking geëis word.
Die aanhoudende rusie tussen die raad en Mpofu word veroorsaak deur die raad se steun vir Snuki Zikalala, die geskorste besturende direkteur van nuus. Zikalala staan sy skorsing teen in 'n saak wat vandeesweek voor die Kommisie vir Versoening, Bemiddeling en Arbitrasie aangehoor word.
David Miliband het op die BBC-televisie gesê dat mens helderheid oor die sadisme in Zimbabwe moet hê. Hy het verwys na mense wat vermoor word, mense wat gemartel word, mense wat aangerand word, asook inmenging in die verkiesingsproses.
Miliband het gesê dat hy en eerste minister Gordon Brown met die Verenigde Nasies se sekretaris-generaal Ban Ki-moen oor die afgelope twee dae beraadslaag het oor die situasie en oor die behoefte aan meer verkiesingswaarnemers om te verseker dat die opvolgverkiesing nie gekook word nie.
Hy het gehoop vir meer optrede van die VN-veiligheidsraad en 'n beroep op die internasionale ligaam gedoen om meer druk toe te pas. Miliband is egter teleurgesteld dat Suid-Afrika verkies om nie deur die veiligheidsraad te werk nie en eerder verkies om Afrika-oplossings te soek.
Suid-Afrika se kernkragbeleid is deur die kabinet goedgekeur om die ernstige elektrisiteitskrisis in die land te verlig, het 'n senior regeringswoordvoerder gister gesê.Eskom, wat die kernkragsentrale by Koeberg bedryf, wil oor die volgende vyf jaar R350 miljard besteen en het nuwe aanbiedinge vir 'n kernkragsentrale aangevra.
Die oogmerk is om die gebruik van kernenergie te verhoog ten einde die primêre energiebronne te diversifiseer.
So 'n kernkragbeleid sal Suid-Afrika se afhanklikheid van steenkoolopgewekte elektrisiteit verminder wat skadelike kweekhuisgasse veroorsaak.
Eskom steun hoofsaaklike op steenkoolkragsentrales om in 95% van die land se elektrisiteitsbehoeftes te voorsien.
Die beleid sal die bestuur van radioaktiewe afval en uraanmyne dek ten einde 'n veilige toevoer te verseker.
Tenderprosedures is oortree toe kontrakte van miljarde rande aan vier maatskappye toegeken is om die departement van binnelandse sake se identifikasiestelsels te moderniseer.
Die Hoofuitvoerendebeampte van die staatsinligtingstegnologie-agentskap, Llewellyn Jones, het die Nasionale Vergaderding se portefeuljekomitee oor binnelandse sake Dinsdag ingelig dat die kontrakte ten bedrae van R3,4 miljard aan vier IT-maatskappye sonder behoorlike prosedure toegeken is.
LP's het die minister vir staatsdiens en administrasie, Geraldine Frase-Moleketi twee weke gelede oor die kwessie uitgevra en wou verhoed dat die staatsinligtingstegnologie-agentskap voor die komitee verskyn.
Die minister van binnelandse sake Nosiviwe Mapisa-Nqakula het die ouditeur-generaal Terrence Mombebe gevra om alle prosesse rondom die toekenning van die IT-kontrakte te ondersoek.
Die Natal Mercury berig dat een van die bekendste wildreservate in Kwazulu-Natal se grensdrade tans verwyder word met 2000 mense wat in die reservaat kom bly het en stukke grond vir boerdery skoongemaak het.
Die LUR vir landbou en omgewingsake in die provinsie, Mtholophi Mthimkhulu is gevra om dringend in te gryp nadat meer as 11 kilometer se grensdrade – met 'n vervangingskoste van R800 000 – vernietig is.
Die Ndumo-reservaat van 10 000 hektaar is in 1924 geproklameer en is onderwerp aan 'n uitgerekte reeks grondeise oor die afgelope dekade wat geëindig het in 'n seremonie vroeër vanjaar toe gemeenskapsbesit van die wildtuin amptelik erken is – maar onderworpe aan die voorwaarde dat dit 'n wildtuin sou bly en dat geen fisieke vestiging op die grond sou plaasvind nie.
Eerskomende Sondag gaan 11 140 hardlopers die moordende 87 kilometer vanaf Durban na Pietermaritzburg tydens die jaarlikse Comrades-marathon aanpak.
Mooi sonnige weer word voorspel vir die 83ste marathon wat Sondag plaasvind. Verkeersowerhede verwag omtrent 2000 voertuie per uur vandag op die pad na Natal soos wat deelnemers, toeskouers en vakansiegangers vir die langnaweek aankom.
Navorsing gedurende die 2007 Comrades het aangetoon dat die gebeurtenis ongeveer R173 miljoen aan inkomste vir die provinsie verseker.
