Buthelezi deur Amakhosi in die rug gesteek

IVP-president Mangosuthu Buthelezi, het ‘n belangrike posisie as die voorsitter van die Zoeloelandhuis van Tradisionele Leiers verloor hierdie week. Mangosuthu Buthelezi beweer dat die ANC die Amakhosi omgekoop het om hom van die politieke kaart te vee.

Hy het Woensdag gesê dat die uitslag nie demokraties was nie. Buthelezi, die voormalige voorsitter van die Huis, is deur ‘n ANC-tradisionele leier, Hoofman Landokwakhe Ntshangase verslaan.

Hy het gesê hy is bekommerd oor die agendas wat die uitslag van die verkiesing beïnvloed het.

“Op een of ander manier glo hulle dat my ondersteuning in duie sal stort sonder my tradisionele leierskap.”

Hy het gesê dat die ANC herhaaldelik dmv wetgewing probeer het om hom te verdryf, om hom te dwing om te kies tussen sy posisie as ‘n LP en sy voorsitterskap van die Huis van Tradisionele Leiers van KwaZulu-Natal.

Maar, het Buthelezi gesê, hierdie wetgewing, wat gebaseer is op bymotiewe, het misluk in die hof.

“Op die oog af moet hierdie verkiesings geprys word as vry en regverdig in terme van die OVK (Onafhanklike Verkiesingskommissie) se proses. Maar agter die skerms, is mense voorberei om op ‘n sekere manier te stem. Die Departement van Samewerkende Regering en Tradisionele Sake het steun verleen aan hierdie plan.

Daarbenewens, het hy beweer, is ‘n tradisionele leier wat dikwels gebruik word as ‘n gevolmagtigde deur ANC-gesinde LUR’e, voorsien van fondse om ander leiers met R5 000 se omkoopgeld oor te haal”.

“Dit is duidelik dat die ANC geen steen onaangeroer gelaat het om te verseker dat ek nie weer verkies word nie,” het hy gesê.

Die ANC het sy bewerings verwerp as “belaglik” en “ongegrond”.

лобановский политик

Betogers val pa en seun aan in Durban

Een betoger is dood en ander ernstig beseer nadat ‘n pa desperaat probeer het om weg te kom van oproeriges wat hom en sy seun wou aanval tydens ‘n diensleweringsopstand in Durban Donderdag.

Sowat 500 inwoners van die Puntans Hill-informele nedersetting het om 03:00 begin amok maak, omdat die munisipaliteit onwettige elektriese verbindings vroeër hierdie week verwyder het.

‘n Man is geskok toe hy probeer het om die drade weer aan te sluit, wat verder bygedra het tot die spanning, en na ‘n vergadering, het die inwoners glo besluit om te betoog.

Polisiebronne het gesê betogers het motoriste in Alpineweg geteiken, motors voorgekeer, vensters gebreek en probeer om mense te dwing om uit hul voertuie te klim.

Die bron het gesê ‘n motoris, wat met sy seun op reis was, is gedwing om te stop.

“Die motoris is omring en sy seun is uit die motor getrek en geslaan deur die skare.

“Die motoris het probeer om sy seun te beskerm en wegry oor twee van die betogers. Die polisie het die bebloede seun aangetref waar hy erg aangerand in die middel van die pad gelê het.

Een betoger het gesterf. Die ander een en die seun is na die hospitaal geneem. Albei het volgens bronne sleg seergekry.

Clive Brookes, wie se seuns Travis en Mitchell probeer het om ‘n gesin wat aangeval word, te help, het gesê dat die gebied was ‘n “no-go” gebied.

“Mense gebruik brandende bande en blokkeer die paaie. Die motor van die ander gesin is regtig baie erg beskadig.

“Hulle vensters is gebreek en hulle is uitgesleep en geslaan. Almal was bebloed en beseer,” het hy gesê.

Metro-polisie-woordvoerder, Senior Superintendent Eugene Msomi, het gesê die polisie het verslae ontvang van twee betogers wat deur motorvoertuie tydens die geweld getref is.

Twee mense is ook beseer nadat hul motor deur betogers aangeval is, het hy gesê.

“Hulle almal ontvang behandeling by verskeie hospitale.

Sthembiso Mpanza, die voorsitter van die Puntans Hill-informele nedersetting, is in hegtenis geneem op openbare geweld-verwante klagtes. Nog twee mense is in hegtenis geneem.

Hy het gesê die gemeenskap is woedend dat betogers raakgery is.

“Ons het net probeer om die boodskap oor te dra aan die burgemeester, die hoof van die departement van behuising en die hoof van die elektrisiteit-afdeling, wat ons dienslewering belowe het. Ons veg nie teen ons plaaslike raadslid nie. Ons veg teen die mense in beheer van die departemente wat voortgaan om leë beloftes te maak.”

Praag wil lesers se aandag vestig op die SAPA-berig wat Nuus24 geplaas het oor dieselfde voorval. Let op hoe dit aangebied word asof daar geen rassespanning tydens die oproer geheers het nie.

топкарго

Monopolistiese media bedreig mediavryheid sê SAKP

Die hoofsekretaris van die Suid-Afrikaanse Kommunisteparty, Blade Nzimande, sê ‘n gebrek aan diversiteit in media-eienaarskap is die grootste bedreiging tot mediavryheid in die land.

Volgens RGS het Nzimande by die party se nasionale kongres by die Universiteit van Zoeloeland teen monopolistiese media-eienaarskap gepleit.

Nzimande sê nog een van die probleme is buitelandse inmenging dmv die media. Hy meen Suid-Afrika behoort dit te oorweeg om buitelandse mediabesit ook te beheer.

Nzimande het gesê Suid-Afrika staar kruipende Amerikanisering van die politieke toneel in die gesig.

“Die eerste is die pogings om ons interne leierskapsverkiesingsprosesse te verander na ‘n soort van Amerikaanse presidensiële primêre verkiesing. Dit manifesteer deur [onder andere], ongeduld met organisatoriese prosedures en protokolle en in plaas daarvan om ‘n verkiesing as ‘n soort van individuele skoonheidskompetisie te sien,” het Nzimande gesê.

Hy het bygevoeg dat, soos in die VSA, word die inmenging dikwels bemiddel deur geldbelange en ryk individue wat agter hierdie tendens sit. Hy het gesê alliansielede moet hierdie Amerikanisering weerstaan.

Nzimande het gesê dat nog ‘n bedreiging vir die land se politiek nie-politieke en sogenaamde burgerlike formasies is wat deur internasionale skenkers befonds word.

“Hierdie bedreiging, wat aangebied word as die beste beskermheer van ons demokrasie … manifesteer in die teenwoordigheid van enkelkwessie-gebaseerde nie-regerings-organisasies, hoofsaaklik befonds deur buitelandse en imperialistiese donateurs, dikwels met die verskoning dat ons demokrasie en die grondwet bedreig word.”

Hy het gesê dat ‘n aantal van hierdie NRO’s ‘n politieke agenda het om die regering te diskrediteer. Gekoppel aan hierdie bedreigings, sê Nzimande, is verhoogde uitdagings aan die regering se besluite. Hy het gesê dit is dikwels ‘n poging om ‘n “nie-verkose parallelle regering te skep wat slegs aan die verkose rade van baie van hierdie organisasies verslag doen, wat paradeer as bewaarders van demokrasie en die grondwet”.

Nzimande het ook ingeklim in die Suid-Afrikaanse media.

“Auckland Park is ‘n skande, elke dag, vir ontbyt, middagete en aandete, SABC gebruik die platform om met afvalliges wat uit die beweging geskors is, te hardloop,” sê Nzimande .

Hy het ook gesê die media is uiters monopolisties, wat diversiteit smoor. Hy het gesê die monopolie van die media is ‘n bedreiging vir die vryheid van die media.

Intussen het die SAKP se nasionale voorsitter, Gwede Mantashe, gesê hy sal bly op die sentrale komitee indien verkies.

Die ANC-jeugliga is ‘n fel kritikus van Mantashe omdat hy die kommunistiese agenda deur middel van sy posisie as sekretaris-generaal van die regerende party glo bevorder.

Александр Фильчаков прокурор

Xenofobie vlam weer in Kaapstad op

Vier spaza-winkels wat deur buitelanders besit word, is in Beacon Valley in Kaapstad met petrolbomme aangeval in die jongste voorval van xenofobiese geweld.

‘n Spaza-winkel in Valhalla Park, Bishop Lavis, wat deur buitelanders besit word, is Woensdag ook geplunder en met petrolbomme bestook.

Ahmed Ibrahim-Abram, ‘n winkelier, het aan die koerant gesê hy is nou vir drie maande in die land en is reeds gewaarsku dat geweld teen buitelanders heers.

“Ek het nooit gedink hulle sal probeer om ons met vuur dood te maak nie.”

Фильчаков прокурор отзывы

Wit Afrikaners kry die skuld vir mislukte staat

Die jongste uitgawe van die tydskrif Foreign Policy bevat die 2012-uitgawe van die Mislukte State-indeks. In samewerking met die Fund for Peace, word Suid-Afrika op die indeks aangedui as ‘n grensgeval mislukte staat. 

En die skuld daarvoor moet op wit Afrikaners gepak word, sê ‘n politieke ontleder.

Daar is heelwat konsensus oor wat presies ‘n mislukte staat behels, veral as dit by lande soos Somalië kom wat vanjaar bo-aan die indeks staan. Lande in Afrika is baie goed verteenwoordig op die indeks.

Die dinkskrum in Washington, Fund for Peace, beskou nie ‘n enkele staat in Afrika eens as “stabiel” nie. Suid-Afrika is ook nie alleen ‘n grensgeval nie. Botswana, die Seychelles en Ghana is die ander sukkelaars op ‘n kontinent waar klaaglike mislukkings volop is.

Dit is die agtste jaarlikse poging om ‘n versameling mislukkings uit te wys.

“Dit is ‘n ondersoek na die broosheid van lande,” sê een van die samestellers. “Dit is ‘n voorstelling van die vatbaarheid van die staat om te misluk, met besondere aandag aan die risiko’s wat betrokke is.”

Die dinkskrum definieer ‘n mislukte staat soos volg. “Een van die mees algemene [eienskappe van ‘n mislukte staat] is die verlies van fisiese beheer oor grondgebied of ‘n monopolie op die wettige gebruik van geweld. ‘n Ander is legitieme gesag om gesamentlike besluite te maak, ‘n onvermoë om redelike openbare dienste te voorsien, en die onvermoë om te kommunikeer met ander lande as ‘n volle lid van die internasionale gemeenskap.”

Suid-Afrika is 115 uit die 177 lande wat bestudeer is, ‘n daling van een plek van verlede jaar se uitgawe, met ‘n telling van 66,8. Die risiko word gemeet deur die voorkoms van korrupsie en kriminele gedrag, die staat se onvermoë om belasting te verhaal of andersins op burgerlike ondersteuning staat te maak, grootskaalse onwillekeurige ontwrigting van die bevolking, skerp ekonomiese verval, groeps-gebaseerde ongelykheid, geïnstitusionaliseerde diskriminasie of vervolging, ernstige demografiese druk, breindrein, en omgewingsverval.

Dit klink baie na die soort kwessies waarmee Suid-Afrika daagliks worstel.

Politieke ontleder Ebrahim Fakir dink egter nie so nie. Hy is baie bekommerd oor hoe die indeks saamgestel word. “As hierdie data inderdaad afkomstig is van berigte in die media, dan moet ons in gedagte hou dat die hardste klaers oor menseregteversuime en diensleweringsprobleme in Suid-Afrika, wit Afrikaners is,” het hy aan Daily Maverick gesê. “Diegene wat onder die grootste tekortkominge van die staat ly, het dikwels nie toegang tot die media nie, so daar is ook ‘n skewe beeld van wat Suid-Afrika se uitdagings behels.”

‘n Wankelrige samelewing is nie ‘n mislukte staat nie, sê Fakir.

“Die teenwoordigheid van swakhede is nie dieselfde as om te sê jy is op die rand van ‘n mislukking nie,” sê hy. 

 

 

 

данильченко юрій броніславович

Minderhede se probleme moet buitelandse aandag geniet, sê Mulder

“Dit is belangrik dat die probleme wat minderhede in Suid-Afrika ondervind nou reeds in die buiteland bekend gestel word al irriteer dit tans die ANC. Dit is ‘n versekeringspolis vir die toekoms,” het dr. Pieter Mulder, VF Plus leier, na ‘n besoek aan België gesê.

Dr. Mulder het in België onder andere onderhoude gevoer met Piet de Bruyn, Belgiese senator en Karel Uyttersprot, lid van die Belgiese Federale Parlement.

“Die wêreld moet op hoogte gehou word van die positiewe en negatiewe gebeure in Suid-Afrika. Dit is deel van die internasionalisering van Suid-Afrika se situasie. As daar ‘n krisis in Suid-Afrika sou kom, moet die internasionale wêreld ingelig wees ten einde die nodige besluite betyds te kan neem. Dit is te laat om tydens ‘n krisis eers te begin met ‘n buitelandse inligtingspoging,” volgens Mulder.

Positiewe verwikkelinge soos die nuwe taalwet in Suid-Afrika asook die toename van korrupsie, misdaad en die negatiewe ekonomiese gevolge van regstellende aksie is tydens die gesprekke bespreek. Moontlike opvolgaksies is ook met die Parlementslede bespreek

“In Brussel het alle strate twee name ten einde die Frans- en Vlaamssprekende dele van die bevolking te akkommodeer. Die Belge het meer begrip vir die probleme in Suid-Afrika vanweë hulle eie taal- en kultuurverskille,” het Mulder gesê.

Dr. Mulder het ook die veertiende vergadering van die UNPO presidensie in Brussel bygewoon. By die vergadering het hy die aanwesiges ingelig oor die algemene politieke toestand in Suid-Afrika, oor die huidige posisie van Afrikaans asook oor geweld en plaasmoorde.

Dr. Mulder is in 2009 tydens ‘n kongres in Rome tot lid van UNPO se dagbestuur verkies. Die huidige UNPO president, Ngawang Choephel, is van Tibet. UNPO is ‘n internasionale organisasie wat optree in belang van minderhede regoor die wêreld. UNPO het tans ongeveer 50 lede wat meer as 200 miljoen mense van regoor die wêreld verteenwoordig. (Vir meer info oor UNPO kyk http://www.unpo.org)

топкарго отзыв

NBU wil hof toe oor R6 miljard se ‘onwettige belastings’

Daar was Dinsdag ‘n gesamentlike vergadering van die belastingbetalersverenigings, oftewel BBV’s, van Port Elizabeth, Oos London , St Francisbaai, Jeffriesbaai en nog ‘n paar ander klein dorpies in die omgewing, sê mnr. Jaap Kelder, voorsitter van die Nasionale Belastingbetalersunie, die NBU, oor belastings wat glo onwettig op inwoners gehef is.

Daar is eenparig by die vergadering besluit dat die kwessie van nie-promulgasie en derhalwe die onwettige hef van eiendomsbelasting in die hele Oos Kaap op ‘n vergadering op Cradock op 4 Augustus met alle rolspelers in die Oos Kaap verder bespreek sal word.

Die BBV’s dreig met regstappe omdat hul munisipaliteite na bewering eiendomsbelastingtariewe op ‘n onwettige wyse hef.

Van die munisipale verordenings oor die hef van eiendomsbelastingtariewe is eers in 2009 gepromulgeer. Daar was tot dusver geen aanduidings gevind dat van die tariewe (waarvan sommige bedrae tot R6 miljard beloop) van 2005 tot op hede gepromulgeer is in die Staatskoerant soos vereis deur die Wet op Munisipale Eiendomsbelasting (Wet 6 van 2004) nie.

Die vereniging gaan so gou doenlik ‘n hooggeregshofaansoek oor die kwessie bring.

Die ANC se LUR vir plaaslike regering en tradisionele sake, Mlibo Qoboshiyane, het by monde van sy woordvoerder, Mvusiwekhaya Sicwetsha, gesê “dit sal geld wegneem van dienslewering indien die belastingbetalersverenigings hof toe gaan”.

топкарго развод

Bevolkingsontploffing gaan voedselsekerheid in Afrika striem

‘n Bevolkingsontploffing dwarsoor die wêreld sal voedselsekerheid ondermyn en dringende maatreëls is nodig, het die Landbank Woensdag gesê.

Hoofuitvoerendebeampte Phakamani Hadebe, het gesê ‘n nuwe benadering is nodig om voedselsekuriteit te handhaaf vir die 22ste eeu.

“Ons het regtig nodig om die manier waarop ons sake doen, te hersien. Voedselsekerheid sal nuwe denke en ‘n nuwe benadering vereis.”

Hadebe het ‘n inligtingsessie vir verslaggewers in Centurion gehou by die ondertekening van ‘n multi-miljardrand landbouleningsooreenkoms tussen die bank en landbougroep Afgri.

“Vir die wêreld om in staat te wees om genoeg kos te produseer, sal ons ons tegnologie moet verbeter. Ons moet ons produktiwiteit verhoog. Ons moet ook slimmer te werk gaan.”

Sonder voldoende voedsel, sal oorgrensmigrasie vinniger aangroei, het hy gesê.

“Die grense wat ons het, sal met verloop van tyd vervaag, wat beteken dat ons soos baie migrasielande wat beter (ekonomies) vaar, meer mense sal lok.”

Die Verenigde Nasies se voorspellings het aangedui dat die wêreld se bevolking waarskynlik nege miljard sal bereik teen 2050, met die grootste groei in ontwikkelende lande. Faktore soos watertekorte, klimaatsverandering, en die stygende groeikoerse in ontwikkelende lande sal ook voedselsekerheid in gevaar stel.

“Suid-Afrika is besig om die impak van die tekort aan water te voel met die land se bevolking wat teen 2050 tot 55 tot 60.000.000 miljoen mense kan wees. Hoe gaan ons hierdie doelwit bereik (van voedselsekuriteit)?”

Hadebe het gesê die Landbank/Afgri-transaksie is voordelig nie net vir Suid-Afrika nie, maar die hele Afrika-kontinent.

Afgri se uitvoerende hoof, Chris Venter het gesê Suid-Afrika se florerende bevolking sal binnekort druk plaas op die vasteland se kos-reserwes.

“Ons wil voortgaan om ons voetspoor in Afrika uit te brei. Ons het hierdie vennootskap om die volhoubaarheid van voedselsekuriteit te verseker nodig want ons kan dit nie op ons eie doen nie.”

Venter het gesê sy maatskappy is aktief in ondersteunende boerdery in lande soos Zambië en Zimbabwe.

“Deur ons betrokkenheid in Zimbabwe, het ons ‘n verbetering in landbou-aktiwiteite in die suiker (produksie) en tabak kant gesien, maar die land het nog steeds ‘n lang pad van waar dit was.

“Daar is ‘n algemene positiwiteit in terme van landbou oor die Afrika-kontinent heen. Meer Afrika-regerings besef dat hulle nodig het om voedselsekuriteit te verseker,” het hy gesê.

Verlede week het die Landbank aangekondig dat R1 miljard van die Afrika Ontwikkelingsbank beskikbaar gestel sal word, asook ‘n verdere R830 miljoen van Suid-Afrikaanse kapitaalmarkte.

Фильчаков Харьков

Die nuwe joernalis se naam is Al

Die nuwe verslaggewer op die Amerikaanse mediatoneel neem nie ‘n koffiepouse nie, kry nie griep nie, lewer artikels teen die spoed van lig, en werk sonder pensioenvooruitsigte.

Noem hom sommer Al, ‘n afkorting vir algoritme!

Dit is omdat dié verslaggewer nie ‘n mens is nie, maar ‘n rekenaaralgoritme, geslyp om rou data oor korporatiewe verdienste en sporttellingvooruitsigte in leesbare prosa te vertaal.

Algoritmes word in die vervaardiging van ‘n groeiende aantal artikels vir koerante en webwerwe gebruik.

Narrative Science, wat in die vervaardiging van sulke algoritmes spesialiseer, het byvoorbeeld die volgende geproduseer:”Wall Street is high on Wells Fargo, expecting it to report earnings that are up 15.7 percent from a year ago when it reports its second quarter earnings on Friday, July 13, 2012,” wat op Forbes.com verskyn het.

Terwyl rekenaars nie die subtiliteite van elke storie kan ontleed nie, kan hulle groot hoeveelhede rou data neem en dit na nuus omskakel, sê ontleders.

“Dit kan werk vir enigiets wat basies is en op formules staatmaak,” sê ‘n ontleder by ‘n media navorsingsgroep.

En met die mediamaatskappye onder geweldige finansiële druk, kan die skuif om nuusproduksie te outomatiseer “die herbou van die koste-ekonomie van joernalistiek beteken”.

Stephen Doig, ‘n joernalistiek-professor by die Arizona State University, wat rekenaarstelsels gebruik om te sif deur data wat dan aan verslaggewers gegee word, het gesê die nuwe rekenaar-gegenereerde nuus is ‘n logiese volgende stap.

“Ek het nie ‘n filosofiese beswaar teen hierdie soort van skryf wat uitgekontrakteer word aan ‘n rekenaar nie, indien die verslaggewer die tyd nuttig kan gebruik vir iets meer interessant,” sê Doig.

Ontleders sien dit as “die volgende generasie van inhoudskepping.”

“Oor die volgende 12 tot 24 maande, sal elke media-maatskappy ‘n mate van ‘n outomatisasie strategie nodig hê,” het ‘n ontleder aan AFP gesê.

Om die effek van die tuisdorpkoerant na te boots, sal sekere maatskappye wat in dié soort nuus spesialiseer, artikels genereer met ‘n ander “tonaliteit”, afhangende van die leser se voorkeur of plek.

Данильченко Юрий отзывы

SA se grootste koerantgroep te koop

Independent News and Media (INM), die land se grootste koerantgroep, is te koop, het Business Day berig.

Die nuus het tot heelwat gerugte gelei dat kopers met politieke doelstellings besonder baie daarin belangstel om die groep te koop.

INM besit koerante soos The Star, Cape Times en Sunday Independent.

Volgens die Financial Times is Cyril Ramaphosa se Shanduka Group en Iqbal Survé se Sekunjalo Investments onder die maatskappye wat waarskynlik die titels sal koop. Daar is egter baie ander belangstelling ook.

Tony Howard, hoof-uitvoerende beampte van INM SA, kon nie vir kommentaar bereik word nie.

Dit is alombekend dat gedrukte koerante wêreldwyd oor die afgelope drie jaar die helfte van hul inkomste moes inboet aan advertensieverliese wat die bedryf onvermydelik op ‘n afwaartse glybaan plaas.

Joernaliste het bekommerd gereageer op die nuus en gesê hulle vrees vir hulle werk omdat die transaksie waarskynlik tot grootskaalse afleggings sal lei.

Volgens toekomskundiges sal dié posbeskrywing aanstons verdwyn soos wat nuwe media groei.

Лобановский