Nuus Archives - Page 1159 of 1583

Reitz-studente ‘gaan berou toon’

Prof. Jonathan Jansen, rektor van die Universiteit van die Vrystaat, sê die sogenaamde Reitz-4 gaan voor die einde van die maand in die openbaar verskoning aanteken.

Jansen het Vrydag tydens ‘n noenmaal by die Kaapse Persklub op die vraag gereageer of die studente nie berou moes toon voor hulle weer tot die kampus toegelaat word nie.

“Ek dink dit sou ideaal wees as hulle berou toon en om verskoning vra,” het Jansen gesê.

“En ek glo dit gaan binne die volgende twee weke gebeur. Jy gaan ‘n proses sien wat die land geweldig gaan transformeer.”

Hy het gesê die proses het baie min met hom te doen, maar dat hy bevoorreg is om deel daarvan te wees.

Jansen is geloof en gekritiseer toe hy aangekondig het dat die vier studente vergewe is en weer aan die universiteit kon studeer.

Die vier studente, wat inwoners van die Reitz-koshuis was, is geskors nadat hulle ‘n satiriese video gemaak het waarin swart skoonmaaksters aan die universiteit kos geëet het waarin daar na bewering geürineer is. Dit het agterna geblyk dat dit aanmaaklemoensap was, maar dié feit is deur sowel plaaslike as buitelandse media geïgnoreer.

мозаика Данильченко Харьков

Rassistiese tirade van dronk regter

‘n Vertaling van ‘n klankopname toon dat regter Nkola Motata wel rassistiese stellings gemaak ná hy dronk bestuur het en teen ‘n muur gebots het.

Die Mail&Guardian het ‘n klankopname, wat die aand van die ongeluk in 2007, ontleed en van Sotho na Engels vertaal.

Motata het aan omstanders gesê: “Almal van julle, laat ek vir julle sê, my broers en susters – die mense moet ons nie vang nie. Laat ons lewe. Ons is die meerderheid en dit is ons land. Dit is nie die land van die boere nie, al het hulle ‘n groot liggaamsbou.”

Later sê hy: “Ek word gevang deur die boere, ek gee nie om vir hulle nie. Ek wil nie met hulle praat nie…Hulle moenie dink hulle het my met iets gevang nie, dit gaan nie gebeur nie.”

Motata het telkemale aan Richard Baird, die eienaar van die huis waarteen Motata gebots het, gesê: “F–k hom” of “f–k jou”.

Hy sê ook: “Moet julle nie oor die wittes bekommer nie, dis die waarheid wat moet seëvier.”

Die burgerregtegroep AfriForum het ‘n klag van rassistiese wangedrag teen Motata by die Geregterlike Dienskommissie (GDK) ingedien.

Kallie Kriel, uitvoerende hoof van AfriForum, het aan Sapa gesê al die klankopnames is na die GDK gestuur.

“Ek kan bevestig dat die vertaling waaroor die Mail&Guardian berig, akkuraat is,” het Kriel gesê.

“Ons het die inligting aan die GDK deurgegee en ons glo daar is gronde om teen hom op te tree.”

Marumo Moerane, woordvoerder van die GDK, het aan Sapa gesê dié liggaam het verlede maand vergader en het besluit om te wag tot Motata “al sy kriminele hulpmiddels uitgeput het”.

“Die GDK sal in April weer vergader, maar in die tussentyd sal ‘n sub-komitee van die RDK na die inligting wat kyk aan hom gestuur is.”

Moerane kon nie bevestig of die GDK die klankopname ontvang het nie.

Die DA het Vrydag weer gesê Motata moet bedank.

“‘n Regter wat skuldig is aan ‘n oortreding kan nie ander veroordeel wat die wet verontagsaam nie. Ons verwag dat regters onberispelik moet optree in hul persoonlike en professionele hoedanigheid,” het die DA in ‘n verklaring gesê.

“Dié voorval gee die regbank ‘n slegte naam en regter Motata is dit aan die res van die regbank en die land verskuldig om homself te verwyder, selfs voor AfriForum se klagtes die GDK bereik.”

Motata is in September in die Johannesburgse landdroshof skuldig bevind aan dronkbestuur en ‘n boete van R20 000 of ‘n jaar tronkstraf opgelê. Sy aansoek om verlof tot appèl teen sy skuldigbevinding en vonnis is verlede maand in dieselfde hof van die hand gewys.

Die Mail&Guardian berig dat Motata se regspan intussen aangedui het dat hulle regter-president Bernard Ngoepe in nóg ‘n poging om appèl gaan nader.

стенд для

‘Thatcher is dood’

“Thatcher is dood”

Só het ‘n SMS gelui wat vir ‘n oomblik diplomatieke verwarring onder die lede van die Kanadese parlement en hul raadgewers tydens ‘n formele geleentheid veroorsaak het, het die Kanadese media Vrydag berig.

Dié nuus het soos ‘n veldbrand gedurende ‘n seremonie vir militêre families versprei.

Sowat 2 000 geskokte gaste het gesê hulle beter op die dood van die ystervrou van Brittanje reageer.

Die Kanadese premier se kantoor het die Buckingham-paleis en die presidensiële hoofkwartiere, 10 Downing Street, gebel om Thatcher se dood te bevestig,

Dié oproep het talle Britse amptenare op hol gehad, het die CanWest-nuusagentskap berig.

Dit het egter later aan die lig gekom dat John Baird, die Kanadese minister van vervoer, ‘n boodskap aan iemand by die geleentheid gestuur het om die persoon in kennis te stel dat sy kat (16), vernoem na Margaret Thatcher (84), gesterf het.

Die ontvanger het die boodskap versprei.

‘n Woordvoerder vir die premier, Stephen Harper, was nie beskikbaar vir kommentaar nie.

Godsell weer terug?

Dit lyk of Bobby Godsell op pad terug is na Eskom.

Barbara Hogan, minister van openbare ondernemings, en Godsell, wat Maandag bedank het as Eskom se voorsitter, gaan die naweek ontmoet.

Hogan se kantoor het egter gesê daar kan nie verder kommentaar gelewer word nie omdat die ontmoeting nog nie plaasgevind het nie.

“Dis eintlik Godsell se keuse of hy wil terugkeer na Eskom se direksie toe,” het me. Ayanda Shezi, woordvoerder van die departement van openbare ondernemings, gesê.

Dit volg nadat Hogan op Radio 702 gesê het sy sal bly wees as Godsell sy posisie sou heroorweeg.

Godsell het Maandag bedank nadat die nou voormalige uitvoerende hoof van Eskom, mnr. Jacob Maroga, aanvanklik geweier het om te gaan nadat die direksie sy bedanking aanvaar het.

Godsell het bedank nadat hy met pres. Jacob Zuma vergader het.

Selfoontariewe binnekort laer

Genl. Siphiwe Nyanda, die minister van kommunikasie, het met sy aankondiging in die parlement die “vrywillige” verlaging van die tarief vir interkonneksie vir selfone as ’n Kers- en Paasfeesgeskenk vir die verbruiker bestempel. Interkonneksie-tariewe gaan met 36c daal.

Die interkonneksie-tarief is die bedrag wat een netwerk aan ’n ander moet betaal om ’n oproep na die ander netwerk oor te skakel. Dié tarief is van die hoogste in die wêreld.

’n Verlaging in dié tarief sal die selfoonnetwerke in staat stel om ook gewone selfoontariewe te verlaag.

Dit volg nadat die Onafhanklike Kommunikasie-owerheid van Suid-Afrika (Okosa) voorgestel het dat die netwerke self met mekaar onderhandel en ’n laer tarief beding.

Nyanda moes verlede maand egter ’n nuwe beleidsvoorskrif by die parlement indien omdat selfoonoperateurs traag was hulle winste in te boet.

Die portefeuljekomitee gemoeid met die kwessie wou interkonneksie-tariewe met tot 60c verlaag. Netwerke het daarna dadelik onderneem om nuwe en bekostigbare kleinhandelprodukte reeds in Desember vanjaar in te stel.

MTN en Vodacom het die 36c voorgestel omdat ’n drastiese verlaging in tariewe hul sakemodelle sou beïnvloed en voorgestel dat die tariewe eerder stelselmatig verlaag moet word.

Nyanda het gesê dié verlaging sal meer mededingendheid in die mark sal bring.

Nyanda het sy beleidsvoorskrif onttrek om die proses verder aan te help.

“Ons is bly dat die bedryf ’n vroeë oplossing gevind het tot die kwessie van laer selfoon-interkonneksie-tariewe,” het mnr. Shameel Joosub, besturende direkteur van Vodacom Suid-Afrika gesê.

Vodacom en Cell C se tarief sal van R1,25c tot R0,89c in spitstye verlaag word en dit sal reeds in Februarie van krag wees.

MTN se verlagings tree eers in Maart in werking.

каталки детские

Nota is net ‘n rapliedjie

‘n Vooruitstrewende rap-kunstenaar, wat daarvan beskuldig word dat hy gedreig het om op ‘n wilde skietery te gaan, beweer die nota waarop aanklaers hulle saak baseer slegs die lirieke van ‘n liedjie is.

Volgens hom is hy geïnspireer deur geweldadige lirieke deur Bob Marley en Johnny Cash.

Die hoofbewysstuk in die saak teen Olutosin Oduwole, ‘n Amerikaanse burger met ‘n Nigeriese paspoort, is ‘n nota wat in sy motor gevind is en wat aandring op betaling op ‘n PayPal rekening.

“As hierdie rekening nie $50 000 in die volgende sewe dae bereik nie, gaan ‘n dodelike stormloop, soortgelyk aan die VT skietery, by nog ‘n universiteit met baie mense plaasvind. Dit is nie ‘n grap nie!,” het die brief gelees.

Oduwole se prokureurs dring daarop aan dat die nota eintlik lirieke is en hulle sal Donderdag aan die regter vra om die klagtes op grond van vryheid van spraak te laat vaar.

Moorddadige, eerste-persoon vertellings kom in rock-musiek en reggae, sowel as ander genres voor,” het Jeffrey Urdangen in ‘n opsomming geskryf.

“Die algemeenheid van sulke uitlatings oor verskeie musiek-genres heen beteken dat geen redelike lid van ons gemeenskap die lirieke wat deur mnr. Oduwole geskryf is as ‘n uitdrukking van ‘n bedoeling om dood te maak of te beseer sal interpreteer nie.”

Oduwole was gedurende die tyd ‘n student by die Universiteit van Suid-Illinois.

Volgens amptenare het hulle ammunisie in sy motor gevind en ‘n gelaaide handwapen in sy woonstel op die kampus.

Aanklaers argumenteer dat die nota, wat hulle vier maande nadat ‘n student 32 mense doodgemaak en 25 beseer het voordat hy homself op Virginia Tech se kampus doodgemaak het gevind het, duidelik ‘n uitlating met ‘n doel is.

проект бани топкарго кидалы

Matrieks beseer in eksamengeweld

Twee matriekleerders aan die Lagunya Finishing School in die Wes-Kaap is beseer nadat hulle deur rubberkoeëls getref is.

Die polisie het rubberkoeëls gebruik om ‘n groep ontstoke betogers wat die matriekeksamen by die Langa Sekondêre Skool ontwrig het, in bedwang te bring.

“Dit het erg geraak. Volgens inligting wat van die distrik ontvang is, is twee leerlinge in die geweld beseer. Polisie moes rubberkoeëls gebruik om die groep in bedwang te bring,” het Bronagh Casey, ‘n woordvoerder van die departement van onderwys gesê.

Polisie kon nie die beserings bevestig nie.

“Ons wag nog vir die Langa polisie om ‘n verslag aan ons te gee, maar ons is besig om ondersoek te doen,” het kapt. Nomathemba Muavha gesê.

Die groep het Donderdagoggend na Langa Primêre Skool betoog terwyl matrikulante hul Engelse vraestel geskryf het. Hulle het die klaskamer binnegedring.

“Daar is skade aan die skool. Die leerders sal in ‘n latere stadium dié vraestel moet oorskryf,” het Casey gesê.

Chaos het losgebars oor die departement van onderwys se besluit om moontlik die Lagunya Finishing School te sluit, aangesien die huidige model vir skole in die land nie voorsorg tref vir die bestuur van afrondingskole nie.

Casey het gesê die openbare konsultasieproses oor ‘n besluit om dié skool te sluit is nog nie gefinaliseer nie en dat geen besluit nog geneem is nie.

Talle ander skole, waaronder Kulani Sekondêre Skool, is ook deur dié betoging ontwrig.

Die polisie het die groep betogers toegang tot die skool geweier.

Dié groep het ook probeer om die matriekeksamen by die Ikamvalethu Sekondêre Skool en die Isilimela Sekondêre Skool te ontwrig.

“Die LUR het ‘n beroep gedoen op alle partye wat geraak is om beheersing uit te oefen en om dit te vermy om met opset emosies rondom die Lagunya kwessie op te stook om politieke punte te wen,” het Casey gesê.

камин в частном доме

Britte die lelikste op aarde

Volgens ‘n kontroversiële nuwe webtuiste, Beautifulpeople.com, is die Britte van die lelikste mense op aarde.

Dié webtuiste gee alleenlopers die kans om lewensmaats te vind, maar met een groot verskil. Net mooi mense mag deel word van hierdie “eksklusiewe” diens.

Slegs een uit elke agt Britse mans en drie uit elke twintig Britse vroue, wat aansoek gedoen het om deel te word van die webtuiste, is aanvaar.

Die webtuiste vereis dat elke persoon wat wil aansluit ‘n foto instuur. Dan moet die persone wat reeds lede is binne 48 uur stem en besluit of die nuwe lid toegelaat mag word tot die netwerk van mooi mense.

Bestaande lede moet kies tussen die volgende opsies as hulle stem; “Ja verseker”, “Hmm ja, Okei”, “Hmm nee, nie regtig nie” en “Beslis nie”.

Hoe vorder die res van die wêreld?:

“Sweedse mans vorder die beste met 65% van alle aansoeke wat aanvaar word. Die vroue van Noorweë het ‘n allemintige 76% suksessyfer,” het ‘n woordvoerder van die webtuiste gesê.

Die Britte se grootste probleem is glo die feit dat hulle nie na hulself omsien nie. “Hulle kort afrondingswerk en moet bietjie meer tyd aan hulle voorkoms spandeer.”

Russiese en Poolse mans kry ook maar swaar en sukkel om deel te word van hierdie webtuiste. Russiese vroue het egter ‘n 44% suksessyfer.

Die Duitsers stuur glo die lelikste foto’s in. “Hulle sal beter doen as hulle mooier foto’s instuur.”

Die webtuiste is reeds in 2002 in Denemarke bekendgestel maar het eers verlede maand vir die res van die wêreld se mooistes sy deure oopgemaak. Sedertdien het sowat 1.8 miljoen aansoekers reeds die trekpas gekry.

Tokyo se straler staan reg

Tokyo Sexwale, minister van huisvesting, het een van sy privaatstralers op bystand gesit vir sy adjunkminister wat in die hospitaal is.

Zou Kota-Fredericks is op 1 November ernstig beseer in ‘n trompop-botsing 20km buite Leeu-Gamka naby Beaufort-Wes.

Chris Vick, Sexwale se spesiale adviseur, sê Fredericks se toestand het verbeter, maar sy is steeds in die intensiewesorgeenheid.

Sexwale, wat later ‘n besoek aan Kota-Fredericks sal aflê, het gesê hy hoop sy word gou beter sodat sy oorgeplaas kan word na Kaapstad.

Hy het “een van sy privaatstralers” op bystand gesit indien dit nodig is om haar huis toe te bring.

tennis first

Britte wil immigrante wegwys

Gordon Brown, die Britse premier, het Donderdag gesê dokters en werkers in ander professies wat vanuit lande buite Europa afkomstig is, sal binnekort nie meer toegelaat word om poste in dié land te vul nie.

Brown het Donderdag belowe om die immigrasiestelsel van die land, wat bepaal watter immigrante in Brittanje mag werk, nóg strenger te maak.

Brown het vandag ‘n groot toespraak oor immigrasie gelewer.

“Een van die redes waarom immigrasie sal afneem, is die opskerping van die puntesisteem en die sisteem sal oor die volgende paar maande al hoe strenger word,” het Brown gedurende ‘n onderhoud met die Daily Mail gesê.

Brown het gesê immigrasie het gedien as ‘n “ekonomiese, sosiale en kulturele sterkpunt vir Brittanje”, maar vrese oor die invloed van ‘n groeiende bevolking op indiensneming, salarisse en kostes rondom behuising wek egter kommer.

Brown het gesê hy is bewus van die burgers van die land se bekommernis oor die uitwerking van immigrasie op hul salarisse en die toekoms van hul kinders.

Brittanje het egter ‘n tekort aan dokters en verpleegsters gehad toe Brown se Arbeidersparty in 1997 aan bewind gekom het en duisende is uit oorsese lande aangestel.

“Ons het gevorder wat die opleiding van die nuwe generasie mediese praktisyne in ons land betref,” het hy gesê.

“Ons poog om die tekort aan vaardighede in die land te vernou sodat mense nie meer vanuit ander lande aangestel hoef te word nie.”

“Immigrasie sal afneem,” het die premier beaam.