Nuus Archives - Page 1059 of 1583

Aristide ry lekker op SA soustrein

“Dit is totaal onaanvaarbaar dat die Suid-Afrikaanse belastingbetalers steeds jaarliks bykans R3 miljoen moet spandeer om mnr. Jean-Bertrand Aristide, voormalige president van Haiti, asook sy familie en gevolg in die land te onderhou,” sê Dr. Pieter Mulder, leier van die VF Plus. Mnr. Aristide woon sedert Februarie 2004 reeds langer as ses jaar in Suid-Afrika terwyl ’n nuwe president reeds in Mei 2006 in Haiti ingehuldig is.

Die Suid-Afrikaanse regering spandeer tans maandeliks dieselfde bedrag geld wat ’n Suid-Afrikaanse kabinetsminister kos op mnr. Aristide. Die koste sluit in behuising, vervoer, kantoorpersoneel en veiligheidspersoneel. Hierdie inligting blyk uit ’n antwoord van die Minister van Buitelandse Sake, me. Maite Nkoana-Mashabane, op ’n vraag wat dr. Mulder aan haar in die Parlement gestel het.

Die Minister weier egter, soos haar voorganger, me. Nkosazana Dlamini-Zuma, om openlik te verklaar wat die totale koste vir Aristide se verblyf in die land sedert sy aankoms in Februarie 2004 beloop. ‘n Los beraming van die bedrag kan moontlik soveel as R15 miljoen wees.

“Terwyl Suid-Afrikaanse burgers ‘n sukkel-bestaan voer leef Aristide en sy familie in luuksheid. Hy lewer geen bydra tot die ontwikkeling van die land nie, maar leef op die geld van belastingbetalers wat eerder vir ons eie burgers aangewend kon word,” meen dr. Mulder.

Aanvanklik is deur die Suid-Afrikaanse regering gesê dat mnr. Aristide net tydelik in Suid-Afrika geakkommodeer word tot na die verkiesing in Haiti . Haiti het op 7 Februarie 2006 ‘n verkiesing gehou waar mnr. Rene Preval as nuwe president verkies is. Mnr. Preval is in Mei 2006 ingehuldig as president van Haiti en het toe reeds in die openbaar gesê dat mnr. Aristide welkom is om na sy land terug te keer.

”Volgens die Minister sal Aristide en sy familie as gaste in Suid-Afrika bly totdat die Afrika Unie, CARICOM (Caribean Community and Common Market) en ongeïdentifiseerde sleutelrol spelers anders besluit het. Indien die rolspelers wil voorskryf dat mnr. Aristide in Suid-Afrika moet bly, moet hulle bereid wees om die koste te dra en dit nie van die Suid-Afrikaanse belastingbetalers verwag nie. Dit is weer eens ‘n nuwe houding jeens Aristide se tydperk van verblyf in die land. Soos die VF Plus aanvanklik gewaarsku het, is die Suid-Afrikaanse regering nou hier vasgevang in ’n situasie wat nog vir jare kan duur en die belastingbetaler nog meer miljoene kan kos sonder werklik enige voordeel vir Suid-Afrika,” het dr. Mulder gesê.

тамбов техно Фильчаков прокурор

Israel wys vinger na Turkse aktiviste

Turkse aktiviste wat Israel se aanval op hul konvooi na Gasa oorleef het, kan verwag om as helde terugverwelkom te word met hulle terugkeer, maar die agentskap wat miljoene dollar gekanaliseer het in die bote en hul lading is in omstredenheid gehul.

Die Stigting vir menseregte en vryhede en humanitêre hulp, bekend in die Turkse afkorting as IHH, kry groot aftrek vir die Palestynse saak in die Turkse gemeenskap.

Sy etos is meer Moslemgerig as wat ‘n sekulêre Turkye aan gewoond is. Gestig in die 1990’s, was die IHH se vroeë werk gerig op die ondersteuning van Moslems in Bosnië. Dit het sedertdien onder die wakende oog van ‘n Turkse regering wat fundamentalisme vrees, gekom en is deur die weermag uitgesluit van amptelike pogings om die slagoffers van die 1999-aardbewing te help.

Israel sê die IHH het ‘n geskiedenis van gewelddadige ekstremisme en selfs skakels na Al Kaida. Israel se regering wys op intelligensieverslae van die 1990’s wat sê dat die IHH gerig is op die “werwing van veteraansoldate in afwagting op die komende heilige oorlog” en stuur manne slagveld toe om ondervinding in Bosnie, Tsjetsjenië en Afghanistan te kry.

Vanaf sy hoofkwartier in Istanbul se Fatihdistrik, het die IHH ‘n mobiele hospitaal aan die Irakse stad van Fallujah na die VSA-bombardement gestuur. Die president, Bülent Yildirim, dring daarop aan om ook met Hamas te skakel.

Die organisasie steun ook gesondheidsprojekte in Afrika-lande en het steun aan Haïti gestuur na die aardbewing.

Die IHH se personeel en hulpbronne word befonds deur ryk sosiaalkonserwatiewe Anatoliese sakemanne wat ook natuurlike ondersteuners van Turkye se regerende AK-party is.

Polities is die IHH die naaste aan die Saadet-party, maar sy direksie sluit ook ten minste een AK-lid in. Alkoewel die regering sê hulle kondoneer nie die IHH se pogings nie, het die organisasie hulle vorige steun aan Gaza gestuur mbv die nasionale karweier, Turkish Airlines. Die Mavi Marmara is gekoop van die staat se veerbootmaatskappy, IDO.

wedding necklaces лобановский политик

Kaapstad kla oor nuwe Koeberg

Faktore soos die gesondheidsrisiko’s en ‘n ontruimingstrategie, is glad nie in ag geneem met die beplanning van die kernkragsentrale wat langs Koeberg gebou gaan word nie, berig IOL News.

Die stadsraad van Kaapstad se portefeuljekomitee oor beplanning en omgewing (Pepco) het Eskom se verslag aangaande die kragsentrales se omgewingsimpak bespreek.

Volgens die komitee is gesondheidsrisiko’s, kernafval, sekuriteit en ekonomiese groei nog nie onder die loep geneem nie.

Die groot kwessie draai om die noodplan van die stad. Die impak wat só ‘n sentrale moontlik op die inwoners mag hê, is nog nie behoorlik nagevors nie, sê die stad se strategiese beplanner Keith Wiseman.

Eskom het drie moontlike stukke grond uitgesonder vir die projek, naamlik Thyspunt (Oos-Kaap), Bantamsklip and Duynefontein langs Koeberg.

100 online прокурор Фильчаков

Duisende polisiewapens weg of gesteel

Die afgelope twee jaar het meer as 5 300 vuurwapens verdwyn of is gesteel uit polisiestasies en kantore regoor die land.

Hierdie inligting is skriftelik deur Nathi Mthethwa, minister van polisie, bekend gemaak ná ‘n vraag in die parlement.

Na bewering is slegs ‘n tiende van dié vuurwapens reeds gevind.

Die minister het na bewering vereis dat die kwessie dadelik ondersoek word. Sowat 2 603 van die vuurwapens het die afgelope finansiële jaar (2009/10) vermis geraak en sowat 2 759 die vorige jaar.

Sowat 457 van die vuurwapens wat vermis geraak het, het uit die polisie se hoofkantoor in Pretoria verdwyn.

Meeste van die vuurwapens het in KwaZulu-Natal en Mpumalanga vermis geraak. In KwaZulu-Natal het syfers gestyg vanaf 353 in 2008/09 na 840 verlede jaar (2009/10). Dit is sowat 238% meer.

In Mpumalanga het die polisie daarin geslaag om sowat 364 vuurwapens te verloor in vergelyking met 120 die vorige jaar.

Die situasie het egter in die Oos-Kaap verbeter, met slegs 613 wat die afgelope jaar gesteel is, in vergelyking met die vorige jaar se 1 095.

Naspers verstewig mediamonopolie

Drie van RSG se omroepers, Freek Robinson, LiMari Louw en JP Keyter, gaan in Julie by e.tv se nuwe Afrikaanse nuusdiens aansluit, berig die Burger.

Dié nuus sal op kykNET uitgesaai word. Dit sal Naspers se mediamonopolie verder verstewig om ‘n TV-nuusbulletin in Afrikaans an te bied.

Die Afrikaanse kykersmark is die mees winsgewende mark.

Robinson, bied reeds Robinson Regstreeks op kykNET aan.

прокурор Фильчаков

Pesdoder verbied

‘n Insekdoder wat in vlooibandjies en hondesjampoe gebruik word, Chlorpyrifos, is deur die landboudepartement verbied.

Volgens ‘n verklaring deur die Legal Resources Centre (LRC), het die landboudepartement op 16 Mei ‘n algehele verbod op die huishoudelike gebruik van dié chemikalieë ingestel.

Die departement het aanvanklik slegs ‘n gedeeltelike verbod voorgestel, maar volgens die LRC is so ‘n verbod nie wettig nie.

LRC het daarop aangedring dat die middel heeltemal belet word in Suid-Afrika.

Volgens die webblad chlorpyrifos.org word die stof gebruik om vlooie, insekte, termiete, muskiete en ander peste te beheer.

Dit is ‘n gunsteling bestanddeel in baie hondesjampoes, vlooibande en –spuitmiddels.

Kliniese toetse het bewys dat Chlorpyrifos veral skadelik is vir kinders en fetusse.

Dit is nog nie duidelik wat van bestaande produkte wat dié middel bevat gaan word nie.

magic boxes Фильчаков Харьков

Roodt-onderhoud met ‘De Pers’

Die onderhoud wat dr. Dan Roodt van PRAAG met die gratis koerant De Pers in Nederland gevoer het, is gister onder die opskrif “Nu zijn de blanken zielig” gepubliseer. De Pers beskik oor ongeveer ‘n miljoen lesers in Nederland en word as ‘n “gehaltekoerant” beskryf. Hier volg die onderhoud in die oorspronklike Nederlands.

In Zuid-Afrika is de blanke bevolking het slachtoffer van genocide, zegt de Zuid-Afrikaanse activist Dan Roodt. De enige oplossing? Een eigen staat voor de blanken.

Remco Tomesen
AMSTERDAM …

Hij wordt gehaat door veel donkere Zuid-Afrikaners. Zwarte radiostations riepen op hem te vermoorden. Maar ook een deel van de blanke Zuid-Afrikaanse bevolking vindt dathij veel te ver gaat. Schrijver en activist Dan Roodt (53) is in eigen land op z’n zachtst gezegd nogal controversieel. Een intellectuele, wat minder extreme variant van de dit voorjaar vermoorde extreemrechtse Eugene Terre‘Blanche zou je hem kunnen noemen.

Even was hij in Europa, om met wat (rechtse) politici te praten over de onderdrukking van de blanke bevolking in zijn land. Hij wil dat de internationale gemeenschap beseft dat er een genocide plaatsvindt in Zuid-Afrika tegen de blanke bevolking, aangewakkerd door het ANC.

Roodt, die literatuur studeerde, gedichten en boeken publiceerde en in zijn jonge jaren een tijdje in Parijs woonde, zegt te strijden voor de Afrikaans sprekende blanken. Hun aan het Nederlandse verwante taal en hun cultuur worden door regeringspartij ANC kapot gemaakt, vindt hij.

Vermoord

Hij mag dan veel tegenstanders hebben in eigen land, bij een aanzienlijk deel van de blanke Zuid-Afrikaanse bevolking vallen de ideeën van Roodt goed: vooral bij de wat conservatievere, Afrikaans sprekende Zuid-Afrikanen. Hij verschijnt in Zuid-Afrika veel op televisie en radio. En zijn vereniging, PRAAG (Pro Afrikaner Aktie Groep), heeft een flinke achterban.

Sinds het einde van de apartheid zijn meer dan 3000 blanke boeren vermoord in het land. Roodt: ‘Dat is genocide’. Of hij beseft dat die term erg gevoelig ligt in Europa? ‘Ja, dat weet ik. Misschien is het volgens de officiële definitie nog geen genocide. Maar we zitten wel op het randje. Het dreigt uit de hand te lopen, zeker na de moord op Terre’Blanche’.

Er is veel racisme tegen blanken in Zuid-Afrika, vindt Roodt. ‘Vroeger vocht het ANC door terrorisme, nu vechten ze tegen ons door wetgeving’. Daardoor heeft de donkere bevolking volgens hem nu voorrang op universiteiten, scholen, bij banen. En wordt het Afrikaans verdrukt door het Engels.

‘Wij hebben de infrastructuur opgebouwd, de meeste dorpen neergezet’

De enige oplossing is een Volksstaat, zegt de rechtse activist: een blanke staat die ongeveer een derde van het grondgebied van het huidige Zuid-Afrika beslaat, van Pretoria in het noorden, tot aan de Indische Oceaan in het zuiden. De ultieme apartheid dus. Roodt staat hierin niet alleen. In de grootste Afrikaanstalige krant van het land (oplage 100.000), Beeld, is afgelopen jaar bijvoorbeeld veel over zo’n staat geschreven; het debat tussen voor- en tegenstanders is heftig. Uit een poll op de site van de krant (voor zover die representatief is), met iets meer dan 6.000 deelnemers, kwam naar voren dat 56 procent van de lezers voor zo’n volksstaat is.

Europese landen moeten volgens Roodt inzien dat het ANC een koloniale macht is die de blanke bevolking onderdrukt. ‘Wij zitten er al vierhonderd jaar. Wij hebben de infrastructuur opgebouwd, de meeste dorpen neergezet’. Roodt: ‘Het zou de eerste keer in de geschiedenis zijn dat een zwarte regering een blank volk onafhankelijkheid geeft’.

Данильченео

‘Is dit oorgawe?’

Koning Goodwill Zwelithini en die provinsie se regering meen die R3 milljoen beeldhouwerk van Koning Shaka by die King Shaka Internationale lughawe, lyk meer soos ‘n veldwagtertjie as die verwoede Zoeloe krygsman van weleer.

Die werk deur Andries Botha, gaan Woensdag geskuif word nadat die koning sy bedenkinge oor die beeld uitgespreek het. Die krygsman word sonder sy spies en skild uitgebeeld en is omring deur Ngunibeeste.

Zwelithini het die opening van die lughawe op 8 Mei bygewoon, maar het onlangs ‘n Zoeloeprinses saamgeneem om ‘n tweede keer te gaan kyk.’n Woordvoerder van die koninklike Zoeloehuis Mbonisi Zulu sê premier Zweli Mkhize het die koning ontmoet om oor die aangeleentheid te skakel.

Mkhize sê daar is ‘n debat aan die gang oor Shaka se gesigsuitdrukking en die uitbeelding. Die koning is tevrede met die beeste maar dalk nie die plek nie. Ander weer meen dat wilde diere meer gepas sou gewees het, aangesien die krygsman bekend was vir sy voorliefde om olifante te jag.

Die kwessie is nou hoekom hy ontwapen is, sê Mkhize, want hy dra nie sy wapens, sy spies en skild, nie. “Is dit oorgawe?” Die provinsiale regering gaan ‘n taakspan bestaande uit akademici saamstel om oor die aangeleentheid te beraadslaag.

Andries Botha, wat tans by nog ‘n relletjie in Durban betrokke is oor sy beeldhouwerk van olifante, sê die raadslede van eThekwini het die olifante verwerp omdat dit die IVP se gunstelingdier is.

Die bekende kunstenaar Andrew Verster sê Botha sou nooit die opdrag aangepak het sonder om met alle betrokkenes ooreen te kom nie. Almal wat tel sou toegang tot die idees, sketse en maquettes gehad het, asook die volle grootte beeld in klei.

Verster sê die besware is daarom belaglik.

лобановский политик

ANC waarsku media

Die ANC het Dinsdag die Suid-Afrikaanse media versoek om objektief te weens wanneer oor die party berig word.

“Ons wil nie joernaliste hê vat bevooroordeeld is nie,” het Gwede Mantashe, sekretaris-generaal van die ANC, aan verskeie redakteurs en joernaliste in Sandton, Johannesburg gesê.

“Ons versoek julle om nie bevooroordeeld te wees nie. Moet ons nie voortrek nie, maar moet ons ook nie aanval nie.”

Die regerende party het ‘n veldtog geloods op sy verhouding met die media te verbeter.

“Ons wil meer oop en eerlik met die media wees. Ons soek beter interaksie en dit sal tot gevolg hê meer objektiewe joernalistiek.”

Die joernaliste en redakteurs wat teenwoordig was tydens Dinsdag se perskonferensie het hulle griewe met die party se media-verteenwoordigers uitgespreek. Na bewering sukkel hul soms om die leiers aan die hande te kry en word hulle vrae nie altyd beantwoord nie.

SA kritiseer Israel en eis joernalis se vrylating

Die Suid-Afrikaanse regering het by die Israeliese ambassadeur daarop aangedring dat die Suid-Afrikaanse joernalis wat aangehou word na die Gasa-aanval, vrygelaat word.

Suid-Afrika se adjunk-minister van internasionale betrekkinge, Sue van der Merwe, het aan ambassadeur Dov Segev-Steinberg gesê dat die regering ten sterkste protes aanteken teen die Israeliese regering na die aanval op die Mavi Marmara-skip.

Pres. Jacob Zuma het ondertussen ook sy stem by die koor van internasionale kritiek gevoeg en gesê Israel kom te lig daarvan af dat hulle keer op keer internasionale reëls ootree. Hy het gesê die Joodse staat se optrede in dié geval het alle perke oorskry.

Gadijah Davids, die joernalis wat aan boord een van die noodlenigingskepe was wat Maandag deur die Israeliese leër aangeval is, is lewend opgespoor.

Daniel Seaman, woordvoerder vir die Israeliese leër, het gesê gevangenes op vyf van die skepe sal huis toe gestuur word sodra hulle hulself kan identifiseer.

Die mense op die sesde skip, die Mavi Marmara, sal slegs vrygelaat word as hulle kan bewys dat hulle nié direk deel was van die geweld wat op dié skip uitgebreek het nie.

Suid-Afrika dring ook aan op ‘n volledige ondersoek na die voorval.

“Die ondersoek moet deursigtig, vinnig en onpartydig wees. Dit moet ook voldoen aan internasionale standaarde,” het Van der Merwe gesê.

“Ons dring ook aan op die onmiddellike vrylating van al die mense aan boord die skip, insluitend die Suid-Afrikaner.”

best way to gain followers on instagram