Menings – Bladsy 32 – praag.co.za

ANC-hemp nie welkom in die Wes-Kaap nie

Ek was onlangs in St Helenabaai tuis, en wou ‘n kroeg besoek.

Ek het ‘n ANC T-hemp aangehad. Die eienaar het na my gekom en gesê ek moet van T-hemp verander want hy soek nie ‘n bakleiery nie.

Mag ‘n mens nie dra wat jy wil as jy uitstap by jou deur nie? Wat maak die kroeg as Marthinus van Schalkwyk daar kom kuier?

Toe verlaat ek maar die kroeg en gaan na die winkel toe. Toe ek by die winkel kom, is dit gesluit en ek besluit om maar weer kroeg toe te gaan want my baadjie en drankie was nog daar.

Toe ek die kroeg wil ingaan, is die hek gesluit. Ek roep toe en vra of ek kan inkom want my goed is nog binne. Die jong wit meisie sê toe ek moet nie inkom nie en sy gee als wat myne is deur die hek aan. Die drankie bly agter.

Ek voel ek is nie welkom in hierdie Wes-Kaap nie. Ek is hier gebore en het hier groot geraak.

Dis nie meer ‘n struggle nie

Inwoners in Ratanda, oos van Johannesburg mag dalk teen hoë pryse vir elektrisiteit, verkeerde rekeninge en kragonderbrekings opstaan, maar wit joernaliste het op die harde manier geleer dat die swart betogers uiters vyandig is en net met die burgemeester of die president wil praat. Swart, dankie.

Die jeug van Ratanda dra openlik wapens en tuisgemaakte petrolbomme. Selfs linkse joernaliste beïndruk hulle nie en ‘n wit verslaggewer, Greg Nicolson, is Dinsdag deur mense gewaarsku dat hy doodgemaak sal word. Dis ‘n turfoorlog in die lokasie en die inwoners het nie-rassigheid vaarwel geroep en kleurblindheid afgesê.

‘n Wit motoris is deur Nicolson van ‘n gewisse dood gered nadat sy motor se bande gebars het toe hy moes uitswaai en gebots het onder ‘n klippereën. ‘n Woedende swart skare het op hom toegesak. Nicolson het die geskokte man na veiligheid gelei.

Ratanda is naby Heidelberg, oos van Johannesburg en die Lesedi-munisipaliteit luister glo nie na klagtes nie. Hoe dié versuim wittes raak, is onduidelik.

Die mense protesteer as gevolg van die elektrisiteitspryse, en dis al, sê ‘n lid van die Ratanda Community Forum (RCF). Die totale opportunistiese chaos, openlike anti-wit klimaat en xenofobie wat heers, pla die forumlid min.

Die “regmatige griewe” gaan hulle blykbaar in rookseine aan die owerhede oordra want hulle dreig om al wat ‘n regeringsgebou is af te brand.

Dit is ongehinderde plundering en beskadiging van eiendom net soos in die dae van die struggle, ‘n hele twintig jaar na die einde van apartheid. Die jeugbendes wat nou die strate ingevaar het, was toe nog nie gebore nie.

Die griewe van destyds en die griewe van nou spreek boekdele. Voorheen was dit ‘n bepaalde stel ideologiese misdrywe wat swart inwoners na “geoorloofde” geweld gedryf het. Vandag is dit werklike kwessies, danksy ‘n vervallende swart staat. Die sondebokke bly steeds, vreemd genoeg, wit.

Die jeugdige betogers het beloof om alles af te brand totdat hulle deur die burgemeester Lerato Maloka toegespreek word… of comrade Jacob Zuma. Die burgemeester steur haar nie aan sulke nonsens nie. Sy het nog nooit haar gesig gewys in haar gemeenskap nie en sy gaan beslis nie nou nie.

Me Maloka het kennelik ‘n geleentheid laat verbygaan om apartheid vir dit alles te verkwalik, maar bygesê, dis deesdae die DA se voorliefde met uitsprake soos die “misdaad van Bantoe-onderwys”.

Dis geen wonder dat die mense van Kimberley en masse opgedaag het vir Malema en so entoesiasties geraak het nie. Hy daag ten minste, soos die grootste opposisieparty, op.

Die SAPD het bevestig dat 80 mense Maandag en Dinsdag in hegtenis geneem is vir aanklagte wat wissel van openbare geweld, opsetlike skade aan eiendom, diefstal en brandstigting. Hulle het bevestig dat twee raadslede se huise afgebrand is, saam met die biblioteek en twee sale.

Munisipale kantore is ook in puin gelê terwyl ooggetuies sê ander geboue is eweneens aan die brand gesteek.

Daar was verslae van grootskaalse plundery van winkels wat deur buitelanders besit word. Hulle kan dit maar op hulle magies skryf, die arme buitelanders, want daaroor gaan geen regerings- of opposisieparty ‘n woord rep nie. Hulle is nie so dom om kiesers te gaan staan en vervreem nie.

‘n Gemeenskapskliniek is Dinsdag leeggemaak en munisipale kantore afgebrand. Inwoners het gesê Woensdagaand het betogers probeer om die polisiestasie oor te neem.

Dis nie meer ‘n struggle nie, dis oorlog.

Лобановский

Die geval Trayvon Martin

Verlede naweek in die swart Amerikaanse stad Chicago alleen, is tien mense vermoor en nog veertig gewond. Die jongste slagoffer was net ses jaar oud. Die jongste persoon wat gewond is, is een jaar oud. Baie van die slagoffers was voetgangers wat met koeëls besaai is in bendegeweld. Die nasionale nuus in die VSA sê niks hieroor nie.

Waarom is Florida se skietvoorval nasionale nuus? Waarom het daar duisende artikels reeds verskyn, vir die laaste vier dae nou al, oor ‘n enkele skietery?

Byna al die nuusberigte oor George Zimmerman en Trayvon Martin bevat ‘n kombinasie van valse bewerings, menings wat aangebied word as feite, ooglopende verdraaiings, en ‘n volledige afwesigheid van sommige van die mees relevante besonderhede.

Dit is hoe nuus uit die VSA lyk as dit ‘n “witte” is wat die sneller getrek het en die dood van ‘n “onskuldige swart slagoffer” veroorsaak het. Dit lyk soos Suid-Afrika se gedrukte nuusaanslag.

Hier in Suid-Afrika het ene Rebecca Davis nie teleurgestel nie en ‘n verleentheid van ‘n prul aan haar gemengde gehoor opgedis.

Byna al die nuusitems word slegs uit een invalshoek geskryf. Die media verkies ou babafoto’s van Trayvon. Niemand weet dat hy oor die ses voet in ou taal in sy sokkies gestaan het nie. Of dat sy “moordenaar” George Zimmerman nie wit is nie, uit selfverdediging opgetree het en eintlik bruin is.

Is die media regtig besig om die nuus te rapporteer, of is hierdie ‘n klassieke propaganda-oefening om ‘n politieke agenda te bevorder? Wel, president Obama het dadelik ‘n geleentheid raakgesien en gesê as “hy ‘n seun gehad het sou hy soos Trayvon gelyk het” en dat “sielsondersoek” behoort plaas te vind.

Letterlik duisende artikels bevat ten minste ‘n valse verklaring in die eerste paar reëls: “George Zimmerman, ‘n wit man” of “deur ‘n wit man geskiet.”

Zimmerman is bruin. Maar, die media wil ‘n wit man hê, want dit pas beter in die politieke verhaal wat hulle probeer skep. Baie nuusberigte het ook beweer die omgewing is “meestal wit.”. Die omgewing is eintlik nie-blank.

Op 16 Maart het die Sanford se polisiedepartement nuwe besonderhede aan die Orlando Sentinel-koerant vrygestel. Weereens is hierdie amptelike weergawe deur die owerhede geïgnoreer of verander deur die media.

‘n Getuie beweer dat George Zimmerman op die grond was, en Trayvon bo-op hom, besig om hom te slaan.

Die getuie sê George Zimmerman het aanhoudend geskree vir hulp.

Zimmerman het volgens die polisie bloeding op sy gesig en die agterkant van sy kop gehad. Hy het ook grasvlekke op sy rug gehad het. Dit bevestig die storie vertel deur Zimmerman én die getuie.

Polisie speel die 911-oproep vir Trayvon Martin se pa, wat die polisie vertel dat die stem wat om hulp roep nie die stem van sy seun is nie.

Nie een van die duisende artikels en nuussegmente het gedink dit is belangrik om te noem hoe misdadigheid in die buurt oor die algemeen toegeneem het nie.

Trayvon is volgens die media ‘n “rolmodel”. Hy was vir vyf dae geskors uit sy skool toe die skietery plaasgevind het. ‘n Prokureur vir Trayvon se familie het intussen toegang tot sy skoolrekords geblokkeer om te keer dat die rede vir sy skorsing rugbaar raak.

Ons weet nou dat die 24-jarige Jonatha Carr oor Trayvon Martin se geval ‘n gewelddadige uitbarsting tydens ‘n evolusie-klas by die Universiteit van Florida Atlantic gehad het.

Zimmerman is nie aangekla vir die tiener se dood nie en Carr noem dit ‘n uiterste onreg.

Trouens Carr was heeltemal buite beheer in haar evolusieklas Dinsdagoggend, het op haar professor gevloek, mede-studente geslaan, en moes uitgesleep word uit die klas deur veiligheidspersoneel.

Rebecca Davis en haar soort “joernaliste” kan trots wees op Carr.

Zuma se vervolging swart DA-lede se hoop

Die beslissing van die appèlhof dat die DA toegang mag kry tot alle inligting wat gelei het tot die besluit om pres. Zuma se vervolging te staak, gaan van Malema en die DA goeie bedmaats maak.

Albei groepe soek Zuma se bloed, en het nou saamgespan om vir die president voor die ANC se benoemingstryd in Desember ‘n probleem te veroorsaak.

Dié beslissing mag beteken dat die hof bevind dat die vervolging onregmatig gestaak is, en dat dit hervat mag word.

Net Zuma se betoog, wat op voorwaarde van vertroulikheid verskaf is, sal nie oopgestel word nie. Indien die saak egter hervat word, mag Zuma besluit om dit wel voor te lê.

Zuma sal waarskynlik na die konstitusionele hof appelleer teen die appèlhofbeslissing.

Dit sal aan swart DA-lede se verwagtinge om magsposisies te bekom, ‘n nodige hupstoot gee.

‘Menseregtedag’

Op 21 Maart het ons die gebeure herdenk wat 52 jaar gelede in Sharpeville afgespeel het. Die meeste van ons was skaars gebore of in die fleur van hul lewens.

Verwoerd was aan bewind en het so pas ‘n aanslag op sy lewe oorleef.

Apartheid was die beleid van die dag. Dit was ‘n tydperk van ongeëwenaarde ekonomiese groei.

‘n Groot deel van die bevolking was egter van die poletieke proses uitgesluit en het daarteen geprotesteer.

Op daardie dag, 52 jaar gelede, het duisende opstandiges na die Sharpeville-polisiestasie opgeruk.

‘n Mens kan jou kwalik indink wat deur die gedagtes van handjie vol polisiemanne gegaan het op daardie dag.

Die tragiese gebeure van daardie dag het die internasionale mening oor Suid-Afrika dramaties beïnvloed.

Vandag 52 jaar na die gebeure word die dag herdenk as Menseregtedag.

Ons gedenk dus vandag ook die reg van elke boer om in vrede kos vir sy medelandsburgers te produseer.

Ons gedenk insgelyks die reg van elke mens om in vrede in sy geboorteland te mag woon.

En bo alles gedenk ons die reg van diegene wat oor hulself wil regeer en nie in n getalleoutokrasie verswelg wil word nie.

Данильченко Харьков

Ope brief aan FW de Klerk

Die oudstaatspresident, FW de Klerk, het die afgelope week ‘n skrywe van stapel gestuur waarin hy gepraat het oor die 1992-referendum van 20 jaar gelede en die tydperk daarna.

Graag wil ek namens jong Afrikaners op mnr.de Klerk se skrywe kommentaar lewer.

Geagte meneer de Klerk

Dit is vir my en mede-Afrikaners van my ouderdomsgroep, en selfs agtien jaar jonger, duidelik dat u dink dat ons nie weet van u dade wat u twintig jaar terug teenoor die Afrikaner gepleeg het nie. Ek wil u graag inlig dat, tydens die 1992-referendum, ons ouderdomsgroep wat nou tussen 35 en 40 is die groep was wat op daardie stadium tieners en jeugdigdes was wat teen u dade in opstand gekom het.

Ons het gesien en beleef waarop u hierdie land afstuur en in u skrywe die afgelope week is dit duidelik soos daglig dat u nie weet wat tans in Suid-Afrika op grondvlak aan die gang is nie. Uit u skrywe kan ek en ander Afrikaners net vermoed dat u sekerlik op u eiland sit, in uiterse veiligheid, en probeer kommentaar lewer op gebeure wat tans in Suid-Afrika aan die gang is. Gebeure waarvan u in die media lees en deur u stigting onder u aandag gebring word. Eerstehandse ervaring van vandag se politieke gebeure? Ek betwyfel dit sterk.

U moet verstaan dat ek myself nie die afgelope 18 jaar, sedert 1994, uit die politieke bestel onttrek het nie maar deel daarvan gebly het om my mense, die Afrikaner, te beskerm teen die daaglikse aanslae van die ANC wat u ontketen het. U verbrousel probeer ons daagliks met baie bloed en sweet regstel.

Daarom meneer de Klerk, gun my nou asseblief die geleentheid, op hierdie openbare forum, om u skrywe van die afgelope week uitmekaar te trek en om die waarheid aan ons jeug te ontbloot.

In die algemene verkiesing van 6 September 1989 het die Nasionale Party, waarvan u die leier was nadat u vir wyle PW Botha as staatspresident vervang het, aan die blanke kiesers ‘n valse boodskap uitgestuur wat geheet het: “NP vir eie skole en eie woonbuurtes”, “Magsdeling Ja – Totale oorgawe Nooit!”. Reeds met hierdie verkiesing het u politieke leuens kop uitgesteek. Daarom dat die Konserwatiewe party beduidende en groeiende steun getoon het en op die punt gestaan het om by ‘n volgende algemene verkiesing u regering by die stembus te verslaan. Daarom dat u by die tussenverkiesings van Virginia en Potchefstroom besef het dat u die volgende algemene verkiesing definitief sou verloor. Die Afrikaner het u verraad finaal agtergekom en u is ontmasker. U het dus nie meer ‘n mandaat van die blanke kiesers gehad om voort te gaan met die grondwetlike onderhandelings nie.

Inteendeel het u regering glad nie meer enige mandaat hoegenaamd oorgehad nie en is u verplig om as staatspresident te bedank. Dus was die Konserwatiewe Party se aansprake uit en uit geregverdig.

Kan ek net u aandag daarop vestig dat die land toe reeds op daardie stadium deurgeloop het onder erge geweld nadat u minder as ‘n jaar gelede vir Nelson Mandela vrygelaat het en die ANC, SAKP en ander verbode organisasies ontban het. Die slag van Boipatong was een van hierdie voorvalle.

Met u besef dat u ‘n volgende blanke verkiesing sou verloor met die sterk steun wat die Konserwatiewe Party getrek het en dat die Afrikaner vir die tweede keer in die geskiedenis sedert 1948 begin saamstaan het, het u besluit om eerder ‘n referendum uit te roep wat u in staat sou stel, om met die kook van uitslae, die land finaal tot oorgawe te dwing.

Meneer De Klerk, u het erge verset onder Afrikaners met uiterste geweld onderdruk. Een goeie voorbeeld hiervan was die slag van Ventersdorp waar u die lewens van verskeie protesgangers daardie aand geneem het. Ek was daardie aand een van die protesgangers en maar net sestien jaar oud. Ek het daardie aand amper my lewe danksy u verloor.

U het met ‘n uitslag van ‘n referendum wat gekook is met ‘n C-span onderhandelinge aangeknoop teen ‘n uiterse opgewasse A-span van die ANC. Kodesa was ‘n plek waar u van alle politieke mag ontslae geraak het en terselfdertyd geonderhandel het om daardie selfde mag weer terug te kry. Hoe onnosel het u nie net te werk gegaan nie? U het om daardie tafel ‘n groot onreg teenoor alle Suid-Afrikaners gepleeg deur elke volk in Suid Afrika van sy magte te stroop en om almal in een nasie in te dwing. Dit alleen was ‘n gruwelike skending van mense regte.

Met u valse verkondiging tydens die 1992-referendum het u inderdaad ‘n blanko tjek ontvang maar die handtekening op daardie tjek het u laat vervals. U het gedink dat die Nasionale party die ANC by die stembus in 1994 kon verslaan maar die ontnugtering het u duidelik oorval. U het op daardie tyd aangekondig dat u binne vyf jaar weer president van die land sou wees. Dit het egter ook nooit gerealiseer nie. U en u span het weer ‘n verdere flater begaan deur in 1996 van die regering van nasionale eenheid te ontrek. Dit was die laaste spyker in die NP se kis. Daarom dat Marthinus van Schalkwyk en Pik Botha hul by die ANC gaan aansluit het. Geld en persoonlike belange was hier ter sprake en nie die toekoms en belang van die Afrikaner of enige ander volk in Suid-Afrika nie.

Mnr. De Klerk, ek is egter vandag oor een ding baie bly en dit is dat u daagliks u flaters en verraad teenoor die Afrikaner kan ervaar en beleef. Die bloed van onskuldige mense wat daagliks vermoor word is aan u hande. Die ineenstorting van infrastrukture, swak dienslewering, korrupsie, misdaad, verkragtings, geweld en die bestaan van ‘n onchristelike land is aan u te danke.

Met u skrywe die afgelope week het u uself probeer verontskuldig aan misdade wat deur u ontketen is. Maar as u gedink het dat die jong Afrikaners, wat vandag moet swaar kry as gevolg van hul velkleur, u as ‘n held gaan beskou maak u ‘n baie baie groot fout. Dit is deur u toedoen dat ons moet deurloop onder regstellende aksie en dat ons nie onderrig in ons moedertaal kan ontvang nie.

Geen poging wat u gaan aanwend om die ANC aan te val of om uself te probeer veronskuldig gaan slaag nie. Geen Afrikaner,veral jong Afrikaners, sal u ooit vertrou nie en daarvoor kan u net uself bedank.

Die Nobelprys vir vrede wat u destyds saam met mnr. Mandela ontvang het moet egter teruggeneem word want dit is met die bloed van miljoene Suid-Afrikaners van alle rasse bevlek.

U is die oorsaak daarvan dat hierdie land vandag in ‘n totale volksmoord gedompel is en u is die oorsaak dat hierdie land afstuur op ‘n kommunistiese regering. Indien u destyds geluister het, en nie agter geld aangehardloop het nie, en elke volk sy selfbeskikkingsreg laat uitleef het, sou Suid-Afrika vandag nog ‘n eerstewêreldland gewees het met ‘n sterk ekonomie, werksgeleenthede en geen armoede en misdaad nie.

Elke volk – Afrikaners, Zoeloes, Sotho’s, Xhosas, Engelse, Tswanas, Vendas, Ndebele ens – sou vandag vrye volke in Suid-Afrika gewees het met volle politieke magte, elkeen met sy eie regering.

Ek sluit af met die volgende.

Mnr. De Klerk, indien u gaan reageer en dit gaan afmaak dat ek ou koeie uit die verlede opper wil ek u graag daarop wys dat u nie daagliks by gevegte op voetsoolvlak betrokke is en u wandade eerstehands ervaar en beleef soos wat ons doen nie.

Indien ons dit gaan regkry om weer om ‘n onderhandelingstafel te gaan sit, sal u defnitief nie weer namens die Afrikaner kan kom onderhandel nie.

Ons jonger geslag sal u nooit kan vertrou of kan vergewe nie.

Baie dankie vir ‘n baie blink toekoms wat u vir Suid-Afrika geskep en tot stand gebring het.

Groete

Philip van Staden
Aktivis en politikus

Die skrywer is ook ‘n Pretoriase raadslid en leier van die VF Plus in die party se Pretoriastreek

лобановский депутат

Hoe sou SA gelyk het met ‘n nee-stem?

As jy ouer as veertig jaar is, sou jy waarskynlik twintig jaar gelede ja of nee gestem het.

Hoewel dit vandag bitter moeilik is om ‘n ja-stemmer te kry, was daar 20 jaar gelede presies 1 924 186 ja-stemmers. (teenoor die 875 619 nee-stemmers)

Dit het die weg gebaan vir die Suid-Afrika waarin ons vandag moet oorleef.

Baie van ons hunker terug na die goeie ou dae van Apartheid.

Na ‘n doeltreffende en goeie staatsdiens, ‘n regering sonder korrupsie , gesondheidsdienste waar jou lewe nie bedreig word nie en ‘n florererende ekonomie.

En na tweejaar diensplig, bomme in die strate en eetplekke, sanksies en sportboikotte.

Dit is voorwaar goeie tye om na terug te verlang.

Boetman was nou die wel die bliksim in, maar baie van ons onthou vandag dat ons “daar” was en gewen het.

‘n Mens kan nie help om te wonder nie hoe Suid-Afrika sou gelyk het as die nee-stem gewen het.

Hoe lank sou ons kon staande bly as die VN besluit het om ‘n “vliegspersone” in te stel om diegene wat alles afbreek terwille van “geregtigdheid” te beskerm.

Wat sou sanksies na twintig jaar aan ons gedoen het?

Sou ons kon afreken met die 400 000 Kubane wat hierheen oppad was en by die VSA wou oorvat as die nuwe bewakers van die demokrasie?

Wat sou gebeur het as ons as laaste uitweg ons kernwapens moes gebruik?

Wie se misiele sou ons hoofstede eerste bereik het? Die VSA of Rusland s’n?

Sou dit na twintig jaar met ons beter gegaan het en wat sou die toekoms ingehou het?

Sou die bedorwe wit malvas kon aanhou blom op die puinhope van apartheid?

Duur olie, duur petrol

Oliepryse is nou hoër as wat dit ooit was – behalwe vir ‘n paar benoude oomblikke voor die globale ekonomiese ineenstorting van 2008. Oliemaatskappye waarsku verbruikers dat hulle maar gewoond moet raak daaraan.

Onmiddellike faktore dra by tot hierdie opwaartse druk, ook Iran se dreigemente om die Persiese Golf-roete af te sny, vrese vir ‘n nuwe Midde-Oosterse oorlog en onrus in die energie-ryke Nigerië. Hierdie druk kan dalk verlig word in die maande wat voorlê, en tydelike verligting by die vulstasie verskaf.

Maar die vernaamste oorsaak van hoër pryse is ‘n fundamentele verandering in die struktuur van die olie-industrie en kan nie omgekeer word nie. Oliepryse is bestem om hoog te bly, sê die produsente.

Die era van “maklike olie” in die taal van die industrie-ontleders, is verby. Met ander woorde, die aard van die olie wat ‘n verbysterende uitbreiding van globale welvaart oor die afgelope 65 jaar bewerkstellig het, is amper uitgeput.

Dis wel waar dat die wêreld nog oor groot reserwes van petroleum beskik, maar dit is van die moeilike soort, moeilik bereikbaar, moeilik om te verfyn. In kort, “moeilike olie”. Van nou af sal elke vat wat ons verbruik duurder wees om te ontgin, duurder om te verfyn, en duurder by die vulstasie.

Diegene wat beweer dat die wêreld “oorspoel” is met olie, is tegnies korrek. Maar propagandiste vir die olie-industrie versuim om te beklemtoon dat nie alle oliereservoirs dieselfde is nie.

Sommige is naby aan die oppervlak of naby aan die strand geleë, ander diep onder die grond, ver in die koue, of vasgevang binne onwrikbare rotsformasies. Laasgenoemde kan slegs ontgin word deur duur, omgewingsgevaarlike tegnieke.

Die eenvoudige waarheid van die saak is dit: Die meeste van die wêreld se maklik reserwes is reeds uitgeput, behalwe in oorloggeteisterde lande soos Irak. Feitlik al die olie wat oorgebly het is in moeiliker plekke om te bereik.

Dit sluit in diepsee-olie, Arktiese olie, en skalie-olie, asook die Kanadese “olie-sand”. Die sogenaamde “tar sands” van Alberta is ‘n mengsel van modder, sand, en teer. Sogenaamde onkonvensionele reserwes van hierdie tipes kan benut word, maar dikwels teen ‘n verbysterende prys, nie net in dollars nie, maar ook in die skade aan die omgewing.

Die voorsitter en hoofuitvoerendebeampte van Chevron, David O’Reilly, het in ‘n 2005-brief gepubliseer in baie Amerikaanse koerante, dit duidelik gestel: “Een ding is duidelik,” het hy geskryf, “die era van maklike olie is verby.” Nie net is baie bestaande olie-velde in verval nie, maar “nuwe energie-ontdekkings kom hoofsaaklik voor in plekke waar hulpbronne moeilik is om te ontgin, fisies, ekonomies, en selfs polities.”

Verdere bewyse vir hierdie verskuiwing is deur die Internasionale Energie-agentskap (IEA) in ‘n 2010-hersiening van die wêreld olie-vooruitsigte gelewer. Die resultate was oorweldigend: Oor die volgende 25 jaar, sal 52 miljoen vate per dag van die wêreld se olievoorrade verdwyn, of ongeveer 75% van die huidige wêreld se ru-olieproduksie.

Daardie pomppryse gaan nie gou daal nie…

Amanda Gouws nie opgewasse vir ‘n rassedebat nie

Amanda Gouws se Burger-rubriek Besin oor hoe ons na ras kyk verwys.

Die kern van Amanda Gouws se tirade lê in die onderstaande aanhaling uit haar skrywe:

“Kom ek probeer dus weer. Ek het geargumenteer dat ons ‘witwees’ moet problematiseer. Met ander woorde, ons moet besin oor wat dit beteken om witwees as die norm te aanvaar, die norm waarteen ons andere meet.”

Hoe anders kan blankes “andere meet” as uit hulle eie verwysingsraamwerk van blank wees?

Eerstens is dit ‘n baie eensydige siening terwyl daar duidelik na twee groepe verwys word deur die gebruik van die woord “andere” alhoewel Gouws dit baie duidelik stel dat die verantwoordelikheid hoofsaaklik en uitsluitlik by blankes berus, wat by implikasie gelees kan word dat Gouws swartes as onvermoënd beskou om aan te pas by beskaafde standaarde en sy dus die onus op die blankes alleen plaas om te verander.

Gouws verdwaal in ‘n ontkenningsindroom van volksmoord deur swart-op-wit moorde. Trouens, sy gaan verder deur te impliseer dat dit die blankes se meerderwaardige houding is wat dit veroorsaak.

Rassepolarisasie is ‘n gegewe waar twee teenoorgestelde groepe op geen manier kan aanklank vind by mekaar nie behalwe as die persoonlike standaarde verlaag word sodat die “andere” kan bykom. Hierdie natuurlike polarisasie is alreeds duidelik sigbaar in die NSA.

Kom ek wys op gelyke vlak van armoede by blankes en “andere” die volgende verskil uit: In die blanke plakkerkampe plant blankes malvas in ou verfblikke om ten spyte van hulle omstandighede hulle ingebore behoefte aan estetika te bevredig. Hierteenoor vind mens by swart plakkerskampe dat daar nie veel verskil tussen ‘n stortterrein en hulle omgewing is nie.

Duidelik het Amanda Gouws haar begewe op ‘n terrein waar sy duidelik nie oor die nodige skietgoed ooit sal beskik en ook nie voor opgewasse is nie.

Die vertraagdes van Facebook

In een of ander oerwoud in Afrika, is ‘n massa-moordenaar by name Kony verpletter… want ‘n paar miljoen mense op Facebook het hom onbevriend.

Lekker diep asemhaal en ontspan! Miljoene goeie mense wat nog nooit gehoor het van Joseph Kony nie kan met hul dagtaak voortgaan, nadat hulle hul goedheid gedemonstreer het deur te kliek op die knoppie op YouTube geadverteer.

Sjoe, en ek het altyd gedink regerings kan net weggeskree word deur Iere met rooi sonbrille, miljarde dollar en formidabele reëlingskomitees.

Nee wat, geen inspanning is nodig nie. Net goedheid. Of is dit nou vertraagdheid?

Hier is die nuwe simbool van ons nuwe gerieflike moralisering: Kony 2012, ‘n video wat deur 60 miljoen mense in net een week gekyk is.

Ja, ek weet daar was regtig aaklige foto’s van verminkte kinders vertoon op die video, maar dis die VSA se State Department wat dit beskikbaar gestel het.

Dis seker hoekom hulle foto’s van plaasmoorde in Suid-Afrika van Google en Facebook afhaal, maar Kony se gruweldade ruim adverteer.

Hierdie gladde 30-minute rolprent van Invisible Children vertel wat ‘n nare monster Kony is, en wat moet omtrent hom gedoen word.

Hoe gaan Kony gestop word, terloops?

Wel, verduidelik Jason Russell, die stigter van IC, in Oktober verlede jaar, het die VSA reeds ‘n 100 Amerikaanse adviseurs na Oeganda se weermag gestuur om te help om Kony te vang.

En Facebookers kan dit laat gebeur as Kony se naam oral bekend is.

Die VSA-weermag se virtuele vriende gee een kliek en Kony is weg. Die wêreld is weer heel. En hulle het nie eens die huis verlaat nie. Maklik.

In teenstelling met die indruk wat die film gee, is daar mediaberigte wat die hele oefening ongelukkig weerspreek. Kennelik meen IC dat die goeie kliekkers nie graag lees nie.

Kony is reeds ses jaar gelede uit Oeganda gejaag – waarskynlik na die Sentraal-Afrikaanse Republiek.

Die meeste van die 30 000 kinders in sy weermag waarvan die video praat het eintlik oor byna 30 jaar geneem is nie meer met hom nie.

“Daar is nie ‘n enkele siel meer van die LRA hier sedert 2006 nie,” sê dr. Beatrice Mpora, direkteur van Gulu Kairos gesondheidorganisasie in Oeganda. Die LRA was Kony se groep.

“Nou het ons vrede, die mense is terug in hul huise.” Oeps!

En ons het nou Facebookers wat Kony onbevriend, en wat dink hulle het ‘n moordenaar in sy hok. O ja, en moenie vergeet om die armbandjie te koop nie. Want Russell en IC het geld nodig om Kony te vang en die arme kindertjies te red.

Moenie my verkeerd verstaan nie. Ek wil help. ‘n Volksmoord is ‘n lelike ding. Kyk maar vir Rwanda. En die wit boere in Suid-Afrika.

Ag, ekskuus. Ek het vergeet hulle is wit. Wit Amerikaners wil swartes red, asseblief tog nie wittes nie.

Afrikaners het nie redding nodig nie

Dat daar uit Nederland en Vlaandere belangstelling is vir Afrikaans is waar, en dat buitelandse politici hulle sal uitspreek téén misdaad in SA is ook waar. Maar van “Afrikaner-redding” uit die buiteland is daar geen sprake nie. Want dit is nie nodig nie. Afrikaanse leiers vra nie daarvoor nie, waarom sou daar dan hulp kom? Misdaad en korrupsie in sy totaliteit kry wel aandag, van plaasmoorde, renosterstropery, korrektiewe verkragting van lesbiërs, kindermishandeling, ens.

Dat regse Afrikaners hul hoop nou juis op Nederland toespits is interessant. Die regses haat juis die Hollanders vir hulle bydrae om apartheid te beeïndig. Maar as jy dan gaan kyk na die bedmaats wat regse Afrikaners soek in Nederland, raak dit duidelik waarom daar geen noemenswaardige hulp uit die EU sal kom vir Afrikaans en die Afrikaner nie. Eerstens, sodra politici hul verdiep in die werklike leefstyl en lewensstandaard van Afrikaners in SA, besef hulle dat die Afrikaner baie goed leef in Afrika. Nederlanders emigreer selfs na SA. Die politici kom gou agter dat sekere regse groepe in SA, onder andere Praag, kwessies soos taal, misdaad, AA, ens, probeer misbruik om rassehaat aan te sterk. Net één kykie na die kommentare op praag.co.za wys alreeds vir dié politici met wie hulle werklik te doen het.

Dan tweedens, die bedmaats: As een voorbeeld, onlangs was Martin Bosma van de PVV nie welkom by die Afrikaanse Taalraad (ATR) nie, juis omdat hy aan ‘n party behoort wat anti-Islam is. Dit het in die Nederlandse pers bekend geword:

“Bosma, die nu in Zuid-Afrika is, heeft zich eerder opgeworpen als pleitbezorger van het aan het Nederlands verwante Afrikaans. Maar volgens de krant zit de Afrikaanse Taalraad niet op de PVV’er te wachten. Voorzitter van de raad Michel le Cordeur zegt in Beeld dat onder de mensen die Afrikaans spreken, ook moslims zijn: ‘Afrikaans is nie gelyk aan Afrikaners nie’. De sprekers zijn niet alleen blanke Afrikaners maar ook mensen die ‘bruin en swart’ zijn, ‘wat Moslems insluit’. “

‘n Heel duidelike boodskap dus. Weer eens word ons taal misbruik om goedkoop politieke punte aan te teken. Die onderduimse mosie wat regse Afrikaners dmv naïwe en regse politici deur die NL-parlement probeer druk het, was verwerp met die minagting wat dit verdien.

Dat daar op websites van groepe soos BKA en Geloftevolk ophef gemaak word oor die sogenaamde “redding van buite”, is geensins ‘n positiewe faktor vir julle veldtog nie. Net één verbintenis met dié tipe van groepe, so ook Praag, moet onder die aandag kom van EU en NL politici, en hulle sal weier om so ‘n mosie te ondersteun. Die Jooste-video, wat ondersteun word op regse websites, en as “nie so erg” afgemaak word, het groot opslae gemaak in Nederland, en simpatie met misdaad laat daal. Sit daarby die rassistiese uitlatings en homofobie op ander websites, en julle kan net julself blameer dat “redding van buite” nie sal gebeur nie.

Die redes waarom Zuma gaan bly

Ek het die afgelope tyd bewegings fyn dopgehou rondom ‘n potensiele opvolger as president.

Aangesien ek reeds weet dat die de facto president eintlik Jonathan Maximillian Ernest Oppenheimer is en die seremoniële posisie wat Zuma beklee nie saak maak nie, weet ek ook dat van Mandela tot Zuma almal maar moes gaan vra vir die posisie by Harry, toe Nicky en nou Jonathan.

Indien hulle nie van jou hou nie, of jy nie behoorlik wil saamwerk nie, sal jy uitgegooi word, soos ons ook gesien het met Zuma wat gesukkel het voor sy aanstelling.

Ek kyk na die huidige bewegings van Zuma en dit is baie duidelik dat hy die myne bevoordeel. Hy gaan vir hulle sorg met nuwe spoorlyne, uitvoerpoorte ens, verder moet hy die nationalisering van myne beperk tot uitgediende en nie-winsgewende myne.

Openbare paaie word geprivatiseer deur dit te oorhandig aan nie-regereringsinstellings wat dit bedryf maar die hawens en spore gaan met die belastingbetaler se geld opgegradeer word sodat die myne beter en makliker die land se rykdomme kan uitsuig.

Deur hierdie stap van Zuma kan ek net een van twee oorwegings hê. Die eerste is dat hy wil aanbly en dus hul guns moet wen, en die tweede is dat hy homself posisioneer vir sy uitrede se nie-amptelike goue handdruk.

Vir die Oppenheimers is die geraas oor nationalisering natuurlik baie voordelig, veral as hulle in beheer daarvan is. Hulle sal dus nie sommer ‘n nuweling wil toelaat soos Motlanthe wat baie maklik die jeugroete sal wil volg nie.

Hul veiligste opsie is om Zuma in die saal te hou. Malema is natuurlik ook uitgeskop omdat hy oor die Botswanaregering kommentaar gelewer het.

Dit is ‘n Oppenheimer-vriendelike regering en Jonathan is tans ‘n amptelike raadgewer van die Botswanase regering.

Ek is dus geen voorspeller nie, maar gegrond op die huidige speelveld en spelers kan ek net sien dat Zuma stewig in die saal gaan bly.

Данильченко

Volkstaat, Volkstaat hier kom ons!

Met die aankondiging dat die ANC die grondwet wil verander om grond af te vat by ons ‘Die Setlaars’ is die Volkstaatgedagte al wat oorbly vir die Afrikaner.

Die groot vraag is waar gaan die Volkstaat wees? Dit is my opinie dat die vraag self beantwoord sal word wanneer die tyd reg is. Die vraag wat ons eerder moet vra is wat bly oor wanneer die ANC dit regkry om die Grondwet te verander?

Die antwoord: Daar gaan nie veel oorbly nie, die voorstelle wat die ANC maak is drakonies en sal die Afrikaner net nog verder vervreem in sy land. Daar word gepraat van die tweede fase van bevryding. Dit behels eintlik maar net meer steel van die staat of uit die Afrikaner se sakke en om die Afrikaner te verdryf uit Suid-Afrika.

Dit maak nie regtig saak wat die ANC se planne is nie, maar ons kan verwag dit sal iets negatiefs wees. Ek hoop egter dat die liberale Afrikaners begin wakker skrik uit hulle utopie en besef dat die ANC daarop uit is om ons Afrikaners te vernietig, en dat die liberale ook in die slag sal bly. Ons vel, kultuur, geskiedenis en taal is wat die ANC haat, nie ons politieke sieninge nie!

Al wat oorbly, is ons hunkering na ‘n Volkstaat, ‘n tuiste, daar waar Afrikanerwaardes, -kultuur en -geskiedenis bewaar word en waar ons taal beskerm word. Soos ek aan die begin van die debat geskryf het, moet ons nie nou begin om grense te trek nie, maar ons moet vandag begin verlang en streef na ons eie, na ‘n republiek, na ‘n Afrikanerrepubliek, waar dit ook al mag wees. Die grootte van ons volk se vryheidstrewe, en veglus sal bepaal waar die grense getrek word.

Die feit dat die ANC die Grondwet wil verander verteenwoordig ‘n donker tyd vir ons as Afrikaners. Hoe donker gaan dit nie wees as die ANC dit regkry nie? Soos geskiedenis ons al menige kere geleer het, gebeur daar wonderlike goed met volkere wat in die duisternis verkeer, en ons volk is geen uitsondering nie.

Staan op Afrikaners! Gaan maak ‘n draai daar in jou diepe binneste en vertel my dat jy nie wil gaan bly in ‘n Afrikanerrepubliek nie.

Volkstaat, Volkstaat hier kom ons!

Afrikaners kan binne ‘n geïntegreerde samelewing gedy

Venter skryf ‘n groot lot twak in sy rubriek Dis lekker in die laer. Daar is nie ‘n “laer” van Afrikaners nie, daar is klein groepies regses wat elk verward met 3 ossewaens onder ‘n bloekomboom saamtrek. Sommige in KZN, sommige in Orania, ander weer in Tshwane, ander weer in Ventersdorp. Verskrikte mense wat nie weet hoe om met verandering om te gaan nie, wat nie weet hoe om by ‘n veranderende wêreld aan te pas en nog steeds jou identiteit te behou nie.

Dit is juis die geheim van oorlewing, nie laertrek nie, maar jou identiteit as sterk genoeg sien om binne ‘n geïntegreerde samelewing te kan gedy, Dit doen die nie-regse Afrikaner uitmuntend. Kyk maar na die kunstefeeste, die Woordfees tans op Stellenbosch, ensovoorts. Waar Venter sy statistiek vandaan kry dat die “laer” groter (wil) word, sal ek graag sien. Een van die 3 ossewaens se leier sit saam met Zuma in sy kabinet…. ons weet die VF+ word by elke verkiesing kleiner. Maar nou ja, regse propaganda en breinspoeling van die mense wat bewe by die hoor van die naam “Malema” is ‘n daaglikse nodigheid. Maak die mensies bang en hulle sal dan moontlik ‘n stofstrepie na een van die dosyne “laers” toe hardloop.

En nog ‘n teenstrydigheid is dat Venter vertel hoe goed gaan dit met die Afrikaners (dis waar), maar self deel is van die groep wat daagliks huil oor hoe “onderdruk” die Afrikaner is. Verduidelik daai een so bietjie, Venter? En dan daai image van ‘n kort kakiebroek met lang sokkies……ai, ai….Venter.