Karin Roodt, Author at praag.co.za

Wetstoepassers knak onder misdaadaanslag

Die polisie vind dit moeilik om te kompeteer met internasionale misdaadsindikate wat $870 miljard ‘n jaar inoes via aktiwiteite wat dwelmhandel, mensehandel en die diefstal van identiteit insluit, het ‘n senior VN-amptenaar Woensdag gesê.

Polisiemagte oral vind dit moeilik, sê die amptenaar. “Dit is ‘n enorme bedrag geld.”

Jury Fedotof, hoof van die Verenigde Nasies se kantoor vir Dwelms en Misdaad, het aan AFP verduidelik in ‘n onderhoud hoe groot die probleem is.

As misdaadsindikate beskou word as ‘n bedryf, sal hul gesamentlike invloed hulle onder die wêreld se top ekonomiese spelers plaas.

Krisis-besnoeiings het ‘n jarelange finansiële kloof tussen die bendes en diegene wat hulle beveg net verbreed, het Fedotof gesê.

“Bendes is beter befonds as enige wetstoepassingsinstelling. Dit is duidelik. En veral as ons die groot bedrae ter sprake by onwettige inkomste vergelyk met die beperkte begrotings van baie wetstoepassingsinstellings,” het hy gesê.

Maar befondsing is net deel van die probleem, het Fedotof verduidelik, want wetstoepassingsagentskappe sukkel om tred te hou met die vorm-verskuiwende netwerke wat vinniger as die tradisionele mafias van die verlede beweeg.

“Hedendaagse georganiseerde misdaad ook gesofistikeerd en hoogs aanpasbaar,” het Fedotof gesê.

“Ons moet meer buigsaam wees, en nie net die stroom volg nie, maar ook voorkomend optree en ontwikkelinge in terme van georganiseerde misdaad vooruitloop,” het hy bygevoeg.

Kubermisdaad beleef ‘n belangrike groeifase, het hy verduidelik, gegewe dat ongeveer een derde van die wêreld se bevolking nou aktief toegang tot die Internet het.

Die jaarlikse opbrengs van aanlyn-identiteitdiefstal alleen word geskat op $1 miljard, het hy opgemerk, alhoewel dit nog oortref word deur $20 miljard wat gegenereer word deur die handel in bedreigde spesies.

In die narkotika-handel word gefokus op die toenemende aantal ontwerpersdwelms.

Fedotof het ook bekommernis uitgespreek oor die stygende dwelmhandel via die Sahel- en Wes-Afrika – veral deur die wettelose Guinee-Bissau, wat hy die “swakste skakel” noem.

Die handel in die streek word aangeblaas deur die berugte gewelddadige Sentraal-Amerikaanse kokaïenbendes omdat Noord-Amerikaanse markte gekrimp het.

SA SIM-kaarte kwesbaar vir kraak-aanvalle

Suid-Afrikaners is onder die mees kwesbare groep op die vasteland wat SIM-kaartkrakers betref.

‘n Fout met selfone se SIM-kaart tegnologie stel miljoene mense in gevaar om beroof te word, sê ‘n deskundige aan die BBC gesê.

Karsten Nohl het gesê hy het ‘n manier gekry om met ‘n paar SMS’se die Sim se digitale sleutels te ontdek wat hy na die betrokke selfoon stuur. Hy het gewaarsku dat misdadigers potensieel dieselfde tegniek kan gebruik.

‘n Waghondorganisasie – die GSMA – het gesê hulle bestudeer die bevindings.

“Ons het die implikasies oorweeg en leiding verskaf aan betrokke netwerkoperateurs en sim-verkopers wat geraak word,” het ‘n woordvoerder van die vereniging van wêreldwye netwerkoperateurs gesê.

SIM-kaarte kan doeltreffend as ‘n sekuriteitsmaatreël gebruik word, as waarmerk van ‘n gebruiker se identiteit vir hul netwerkoperateur. Hulle het ook ‘n beperkte hoeveelheid data soos sms-boodskappe, kontaktelefoonnommers en besonderhede stoor wat gebruik word vir ‘n paar programme – insluitende ‘n aantal betalings- en bankdienste.

Mnr Nohl het gesê hy het ‘n manier om die verifikasiekode te ontsluit ontdek deur die stuur van ‘n SMS-boodskap wat lyk na die selfoon-operateur.

Sodra die misdadigers hierdie inligting het, het Nohl gesê, kan hulle steelsagteware oplaai na die SIM in Java-programmeertaal.

Hy het gesê dié skelmstreek kan toelaat dat die misdadigers luister in die teiken se stemposboodskappe en selfs die bewegings van die selfoonhouer volg.

Mobiele bankkliënte in Afrika kan veral kwesbaar wees vir hierdie nuwe kraker-aanval.

“Hier in Europa gebruik ons ’n SIM-kaarte vir telefoonoproepe en teksboodskappe, maar baie mense in Afrika gebruik hulle ook vir hul mobiele bank,” het hy gesê.

“Iemand kan ‘n [bankkliënt se] hele bankrekening steel deur die kopiëring van hul SIM-kaart.” – The Citizen

Ontbloter teister Brakpan

‘n Engelse man wat homself aan jong vroue ontbloot is die afgelope tyd bedrywig in Brakpan-sentraal.

Die Herald het die afgelope twee weke twee klagtes ontvang van jong vroue wat deur die man genader is.

In beide die gevalle was die persoon se modus operandi presies dieselfde.

‘n 21-jarige vrou van Queenlaan het Donderdagoggend na haar ouma se huis in Stoffberglaan gestap toe sy deur die man genader is.

“Hy het langs my stilgehou en gevra of ek weet wat die naam van die straat, waarin ek geloop het, was.”

“Ek het gesê nee en toe het hy my gevra of ek aan hom kan verduidelik hoe hy Springs toe kon ry,” het die vrou gesê.

“Ek het vir hom aanwysings gegee en verder geloop. Soos ek gestap het, het ek sy groot wit bakkie ten minste twee keer gewaar en toe ek naby my ouma se huis was, het hy weer langs my stilgehou.

“Hy het gevra of hy links of regs moes draai om in Voortrekkerweg te kom. Ek was nog besig om te verduidelik toe hy sy geslagsdeel ontbloot en vir my vra of ek al ooit so iets gesien het, het die vrou gesê.

“Ek was absoluut verbaas en geskok en het onmiddellik begin wegloop. Ek het nie weer omgekyk nie en ek neem aan dat die man weggery het. Ek kon daarom ook nie die registrasienommer van sy relatiewe nuwe bakkie kry nie.”

‘n Jong vrou, wat nie haar naam verstrek nie het die Herald sowat ‘n week gelede geskakel en basies dieselfde storie te vertelle gehad.

Die man is skraal gebou en in sy laat 20’s. Sy kop is kaal geskeer en hy het Engels gepraat. Kapt Joep Joubert, woordvoerder van die Brakpan SAPD het gesê dat vroue sulke voorvalle kan aanmeld.

“Dit sal ook help as ons ‘n registrasienommer van die voertuig kan kry,” het Joubert gesê. – looklocal.co.za

Vrou moet erge padwoede trotseer

’n Vrou was onlangs die slagoffer van erge padwoede toe ’n onbekende man haar aangerand en onwelvoeglike woorde op haar motor geskryf het.

Die 48-jarige Zetha Jungbluth van Rietfontein is deur ’n man in ’n parkeerterrein van ’n winkelsentrum in Gezina aangeval nadat sy glo eenkeer vir hom toeter gedruk het om vorentoe te ry.

“Ek het in die parkeerterrein van die winkelsentrum ingery, maar het ’n opeenhoping veroorsaak toe die agterkant van my motor half in die aankomende baan gestaan het.

Daar was ’n motor wat wou uitry en ek het om hom probeer ry. Ek het agter ’n wit Volkswagen Polo gaan staan, maar my motor was nog steeds half in die pad gewees,” het Jungbluth gesê.

Sy het gesê motoriste het van voor af gekom, maar kon haar nie verbysteek nie omdat sy in die pad gestaan het. Dit het voorgekom asof die man in die wit Polo vir iemand gewag het en nie vir parkering gesoek het nie.

“Ek kon nie agtertoe ry nie omdat daar twee motors agter my gestaan het. Die vrou in die aankomende baan het haar venster afgerol en vir die man beduie dat hy net ’n bietjie vorentoe moet ry sodat ek my motor ten volle in die baan kan kry. Die man het iets vir haar gesê, haar oë het groot gerek en sy het haar venster toegemaak.”

Jungbluth het toe ook vir hom toeter gedruk waarna die man in ’n parkeerspasie ingetrek het. Sy het parkering naby die man gekry en uit haar motor geklim om die winkel binne te gaan.

Toe sy verby sy motor loop het hy die deur teen haar lyf oopgegooi wat veroorsaak het dat sy gestruikel en geval het. Die onbekende man het uit sy motor gespring, haar aan die arm opgepluk en onwelvoeglike woorde gebruik toe hy op haar geskree het.

“Ek het my arm losgeruk, vir hom gesê hy is ’n vark en gemaak dat ek wegkom. Ek was histeries. Terwyl ek weggeloop het, het hy net aanhou skree. Ek was seker die man gaan my met ’n vuis slaan, maar ek het nie geloop voordat ek ’n foto van hom met my selfoon geneem het nie.”

Toe sy na haar motor terugkeer, het sy gemerk die onbekende man het onwelvoeglike woorde met ’n permanente merker op haar voertuig geskryf. Die motorwag het bevestig dat dieselfde man is wat op haar geskree het. “Ek het daarna my motor laat skoon was.”

Dr Pixie du Toit van die Sinoville-krissisentrum het gesê dat die meeste Suid-Afrikaners aan onderliggende woede ly en dat enigiets woede kan aanhits.

Sy het gesê padwoede is ’n algemene probleem onder motoriste en dit is besig om toe te neem. Sy maan motoriste om nie by konfrontasies betrokke te raak nie en eerder net van dit af moet wegstap.

“Indien nodig vat die persoon se registrasienommer en gaan meld die persoon by die polisie aan. Moet onder geen omstandighede uit jou voertuig klim om die persoon te konfronteer nie omdat jy nie weet of die persoon ’n wapen in sy voertuig het nie.”

Sy het gesê indien ’n motoris aan padwoede ly kan dit onder beheer gebring word. Sy het gesê berading kan ’n persoon hanteringsmeganismes leer wat waardevol op die pad kan wees.

“Enigiets kan padwoede opwek, so wees voorbereid. Luister na rustige musiek en ry ’n paar minute vroeër om betyds te wees. Dit sal help om padwoede te help ontlont,” het Du Toit gesê. – looklocal.co.za

Ponde word gepoets

Die Britse 19de-eeuse skrywer Jane Austen sal die gesig van die nuwe £10-noot wees, het die Bank van Engeland aangekondig.

Dit is glo ‘n poging om kritiek dat vroue onderverteenwoordig is op die land se geldeenheid, aan te spreek, maar die nuwe Kanadese baas Mark Carney is nie gewild as keuse nie, en talle sien die besluit as ‘n manier om sy openbare beeld te probeer poets.

Die skrywer van klassieke werke soos Pride and Prejudice, Sense and Sensibility en Emma sal vervang word met die natuurkundige en vader van ewolusie, Charles Darwin in 2016.

Brittanje se sentrale bank se vorige keuse gelei tot ‘n herrie in April na die aankondiging dat die voormalige eerste minister Winston Churchill sosiale hervormer Elizabeth Fry sal vervang op die agterkant van die £5-noot, wat die geldeenheid van sy enigste vroulike historiese figuur tans beroof het.

Carney, die eerste buitelander wat die bank in sy 319-jarige geskiedenis lei, het gesê stappe sal gedoen word om te verseker dat spanning van hierdie soort nie weer uitbars nie.

“Ons glo ons moet die volle diversiteit van groot Britse historiese figure en hul bydraes in ‘n wye verskeidenheid van velde vier,” het hy gesê.

“Ons wil hê dat mense vertroue in ons verbintenis tot diversiteit moet hê.”

Die voormalige Kanadese sentralebankgoewerneur is gretig om sy sienings te laat geld in ‘n verouderde instelling waar portiers steeds in pienk baadjies deure oopmaak vir die toplui.

Soos baie ander lande, verander Brittanje gereeld die ontwerp van sy banknote met verskillende tussenposes om vervalsingsrisiko’s aan te spreek.

Die koningshuis is tradisioneel uitgebeeld op Britse banknote sedert 1960, en historiese figure op die agterkant van banknote is ingestel in 1970.

Die eerste figuur was William Shakespeare, met verpleegster Florence Nightingale wat daarna verskyn het op die £10-noot.

NUM, Solidariteit waarsku dat goudstaking dreig

‘n Verlammende staking dreig in die goudmynbedryf nadat salarissamesprekings tussen die vakbonde Solidariteit, die NUM en UASA in Johannesburg misluk het.

Goudprodusente het ‘n salarisverhoging van vyf persent aangebied, na ‘n aanvanklike aanbod van vier persent. Dit het daartoe gelei dat die drie vakbonde hulle aan die onderhandelings onttrek het.

Die hoofsekretaris van die NUM, Frans Baleni, sê die gaping tussen die salarisaanbod en wat vakbonde vra is baie groot en indien ‘n oplossing nie gevind kan word nie, sal die alternatief ‘n staking wees

Die hoofsekretaris van Solidariteit, Gideon du Plessis, het vroeër gesê daar word nie ernstig onderhandel nie. Hy sê hulle kry die indruk dat hoewel die Kamer van Mynwese se onderhandelaars in goeder trou optree, hulle aan bande gelê word deur sommige van die mynhuise se bestuurshoofde.

Du Plessis sê die enigste uitweg is om ‘n dispuut te verklaar. Die proses sal nou deur die Kommissie vir Versoening, Bemiddeling en Arbitrasie (KVBA) oor die volgende 30 dae hanteer word.

Terwyl die KVBA se betrokkenheid nie ongewoon is in die goudsektor se loongesprekke nie, is die tydsberekening ongewoon, het die myne se hoofonderhandelaar Elize Strydom gesê.

Die betrokkenheid van die KVBA is geen waarborg daar sal nie ‘n staking sal wees nie. Gesprekke in 2011 onder beskerming van die KVBA het ‘n dooie punt bereik, wat tot ‘n vier-dag-staking gelei het, die eerste in twee dekades.

Die NUM en Solidariteit het besluit om ‘n dispuut te verklaar om die saak te dwing sê Solidariteit se hoofsekretaris Gideon du Plessis.

Die NUM wil ‘n 60%-verhoging vir intreevlak–werkers se lone en 15% vir ander werknemers hê.

Die Vereniging van Mynwerkers en Konstruksie Unie (Amcu) het gevra vir ‘n 150%-verhoging vir intreevlak-werkers ondergronds. UASA en Solidariteit wil 18% en 10% onderskeidelik hê.

Nie een van die vakbonde wou hul eise Woensdag aanpas nie.

Werkers by die Transhex diamantmyn op Alexanderbaai in die Noord-Kaap staak nou reeds bykans ‘n week lank.

Die werkers eis ‘n 13 persent loonverhoging, terwyl die mynbestuur agt-persent aanbied. ‘n Woordvoerder van die NUM, Abubakah Frederick, sê hulle het hulle eise afgeskaal. – RSG

Heli’s, Gripens nuttelose, duur hardeware

Nie een van die lugmag se 18 Agusta A109-helikopters vlieg nie meer nie, want daar is nie geld om hulle operasioneel te gebruik nie, het Beeld Woensdag berig.

Daar is net genoeg geld sodat hulle af en toe aangeskakel kan word, maar hulle styg nooit op nie.

Die gevolg is dat vlieëniers en die helikopters hul bevoegdheid sowel as nut gaan prysgee.

Tesame met die lugmag se 26 Gripen-vegvliegtuie, wat byna ongebruik staan, beteken dit dat ’n tweede groep vliegtuie wat aangekoop is ingevolge die multimiljardrand-wapentransaksies ’n paar jaar gelede, nou in onbruik verval het.

Die situasie lyk beroerd, soos dit uit onlangse vertroulike inligting oor die stand van helikopteroperasies in die lugmag blyk.

Dit geld ook nie net die A109’s nie, maar ál die helikopteroperasies wat weens ’n begroting-snit van 60% veroorsaak dat daar landwyd gedeeltes van die lugmag “geamputeer” moet word, het een senior offisier aan Beeld gesê.

Helmoed-Römer Heitman, militêre kenner, het in reaksie gesê die lugmag – soos die hele weermag – ly onder die regering se besluiteloosheid oor wat van die weermag verwag word.

“’n Lugmag sonder vegvliegtuie is ’n dead duck in Afrika se militêre konteks. ’n Weermag sonder helikopters en transportvliegtuie is ’n dinosourus in ’n moeras. ’n Leër sonder aanvalshelikopters en taktiese transporthelikopters is ’n lame duck. ’n Vloot sonder skeepshelikopters en maritieme patrollievliegtuie is blind,” het Heitman ontstoke gesê.

Volgens die koerant het die weermag nie op versoeke vir kommentaar gereageer nie.

Die Suid-Afrikaanse Nasionale Weermag (SANW) weier om kommentaar te lewer oor bewerings dat sy 18 Agusta A109-helikopters weens ‘n geldtekort nie vlieg nie.

“My kommentaar is baie duidelik: ons bespreek nie operasionele aangeleenthede nie en [die verdedigingsmag se] toestand van gereedheid nie,” het die woordvoerder Siphiwe Dlamini gesê. – Sapa

Geweld breek weer by Medupi uit

‘n Groep van tussen 500 en 1 000 werkers het Woensdagoggend by die Medupi-kragaanleg sonder waarskuwing oproerig geraak, het Eskom bekend gemaak.

Die kragreus het in ‘n verklaring gesê betogers het klippe gegooi en twee voertuie is aan die brand gesteek, maar niemand is beseer nie. Oproermakers het met die polisie gebots.

“Die situasie is onder beheer en die kalmte is herstel,” lui die verklaring.

Die Medupi-kragstasie word naby Lephalale in Limpopo opgerig.

Eskom het gesê die meeste werkers is van die terrein af gestuur, maar die kragverskaffer is besig om werksaamhede sou gou as moontlik te hervat.

Jeremia Makhoto, wat al sedert 2011 by die kragstasie se konstruksieterrein werk, sê spontane stakings gebeur dikwels.

“Sedert Januarie vanjaar het ons die hele maand nie gewerk nie. Ons het vir 20 dae gewerk en het 10 dae lank gestaak.“

Die betoging hou glo verband met ontevredenheid met die toelae wat die werkers ontvang. Daar word tans onderhandel daaroor. – Sapa

Anthony Weiner in nuwe seksskandaal

Die Amerikaanse politikus en selferkende sekspes Anthony Weiner het gesê hy beplan steeds om te staan vir die amp van burgemeester van New York, ten spyte van sy erkenning dat hy wéér seksueel eksplisiete boodskappe en foto’s aan ‘n jong vrou gestuur het.

Weiner geniet die ondersteuning van die meerderheid swart inwoners van die stad.

Dié vrou het aan ‘n skinderwebwerf gesê dat sy verlede jaar ‘n aanlynverhouding met Weiner gehad het.

Weiner, wat ‘n getroude man is, het twee jaar gelede uit die kongres bedank ná ‘n soortgelyke voorval waarin hy prikkelfoto’s van sy onderlyf aan vroue getwiet het.

Hy het egter nou gesê dat hy sy verhouding met sy vrou reggestel het, en dat hy klaar is met die soort gedrag.

Weiner se vrou, Huma Abedin, is ‘n assistent vir Hillary Clinton, die voormalige minister van buitelandse sake. – AP

Geen uitspraak nog oor Tlokwe nie

Die stryd om die burgemeesterspos van Tlokwe Munisipaliteit gaan onopgelos bly.

Die aansoek om die raadsvergadering – wat geëindig het in die skorsing van Tlokwe-munisipaliteit se uitvoerende burgemeester Maphetle Maphetle – tot niet te maak, is uitgestel in die Noord-Gauteng Hooggeregshof Dinsdag.

Regter Neil Tuchten het gesê: “Ek sal my tyd neem om hierdie saak te oorweeg, maar ek sal aandring dat geen prokureurs van enige party betaal moet word met behulp van staatsgeld nie.”

Die ANC is steeds vol vertroue dit sal die vergadering nietig verklaar sal kry en Maphetla herstel sal word in sy amp. Volgens die ANC-woordvoerder vir Noordwes Kenny Morolong, is die ANC nog steeds die gesag in Tlokwe.

“Geen regering kan gesag uitoefen tensy dit deur die meerderheid van die burgers aangewys nie. Ons het nog steeds die volle steun van die mense van Tlokwe,” sê Morolong.

Maar Tuchten sal die aansoek om die vergadering en die besluite nietig verklaar te kry bestudeer, en oorweeg of die meerderheid tans DA is, tegniese aspekte ter syde gestel.

Op 2 Julie 2013 het 48 Tlokwe raadslede vir ‘n vergadering wat na bewering deur die Speaker van die munisipaliteit gekanselleer is, gesit. Die DA het aangevoer dat nie alle kiesafdelings in kennis gestel is van die kansellasie nie en omdat die kworum toe bereik is, is die vergadering beskou as geldig.

Intussen het dit aan die lig gekom dat Vodacom DA-propaganda op voorafbetaalde selfoontyd uitstuur waarin Zille spog dat sy terroriste in haar huis versteek het en die “waarheid” omtrent Steve Biko rugbaar gemaak het.