‘n Groep van tussen 500 en 1 000 werkers het Woensdagoggend by die Medupi-kragaanleg sonder waarskuwing oproerig geraak, het Eskom bekend gemaak.
Die kragreus het in ‘n verklaring gesê betogers het klippe gegooi en twee voertuie is aan die brand gesteek, maar niemand is beseer nie. Oproermakers het met die polisie gebots.
“Die situasie is onder beheer en die kalmte is herstel,” lui die verklaring.
Die Medupi-kragstasie word naby Lephalale in Limpopo opgerig.
Eskom het gesê die meeste werkers is van die terrein af gestuur, maar die kragverskaffer is besig om werksaamhede sou gou as moontlik te hervat.
Jeremia Makhoto, wat al sedert 2011 by die kragstasie se konstruksieterrein werk, sê spontane stakings gebeur dikwels.
“Sedert Januarie vanjaar het ons die hele maand nie gewerk nie. Ons het vir 20 dae gewerk en het 10 dae lank gestaak.“
Die betoging hou glo verband met ontevredenheid met die toelae wat die werkers ontvang. Daar word tans onderhandel daaroor. – Sapa
Die skrif is aan die muur vir hierdie reënboog NSA.
Ons hoef geen selfbeskikkings planne te maak nie.
Ons kry die land weer soos hy weggegee was, op ‘n skinkbord terug.
Alhoewel in ‘n flenter toestand. Dink net hoeveel Afrikaners gaan nodig wees om hom weer heel te kry.
Die Manne en Vroue wat daar in die buiteland sit moet solank hulle koffers afstof vir die tweede “Groot Trek” terug na hulle geboorteland.