Dan Roodt, Author at praag.co.za

‘n Oproep tot aksie

Ek wil almal oproep tot aksie.

In terme van die Nasionale Omgewingswet is ‘n oortreding van die wet ‘n krimenele oortreding.

Sodoende kan ‘n gewone burger van SA dan na die polisiestasie gaan en ‘n klag teen iemand wat die wet verbreek lê.

Die wet maak ook voorsiening dat nie net die instansie, of munisipaliteit kan aangekla word nie, maar ook die persoon wat verantwoordelik is vir die verbreking van die wet.

Ek stel voor dat ons munisipaliteite, en die munisipale bestuurders aankla in terme van artikel 28 van die WET OP NASIONALE OMGEWINGSBESTUUR 107 van 1998 wat bepaal dat enige persoon wat omgewingskade veroorsaak of as hy nie verhoed dat dit gebeur nie, nie sy verantwoordelikheid ten opsigte van die omgewing nakom nie.

Met ander woorde kom ons laat hulle wette teen hulleself werk. Ons spandeer nie geld op prokureurs nie, want dit is die polisie se plig om die saak te ondersoek.

Kom ons kry bewyse van besoedeling, traak-my-nie-agtige optrede, en bewyse van onverantwoordelike optrede, handig dit in by jou polisiestasie en volg dit op.

Sodoende beveg ons slap hande in owerhede, en ons beskerm ‘n bietjie wat oor is.

Ek stel voor ons maak dit ‘n massa-aksie op die 3 Mei 2010 om soveel as moontlike munisipaliteiete, staatsdepartemente, korupte amptenare in verband hiermee aan te kla.

игри для детеи

Moenie getroue belastingbetalers harder slaan nie

Die Vryheidsfront Plus het gesê dat die ANC-beheerde Tshwane-metroraad ‘n ernstige fout maak deur getroue belastingbetalers te teiken om hoër belastings te betaal vir die munisipaliteit se swak bestuur.

Volgens berigte het talle eienaars van kleinhoewes in Raslouw, Andeon, Montana en elders skerp stygings in hul rekeninge vir eiendomsbelasting ervaar. Daar word ook reuse agterstallige bedrae van die inwoners gehef sonder dat hulle ooit gereelde maandelikse rekeninge daarvoor ontvang het. Sommige inwoners het rapporteer dat hulle eiendomsbelasting met tot 400% gestyg het.

Volgens dr. Conrad Beyers, VF Plus-raadslid, gaan die VF Plus die kwessie dringend ondersoek en die metroraad probeer oortuig om die inwoners tegemoet te kom. Die VF Plus het reeds die metroraad se burgemeesterskomiteelid vir finansies, dr. Ernie Jacobson, hieroor gekontak en hy het onderneem om teen more (Vrydag) hieroor verslag te doen.

“Dit is nie net by die kleinhoewes waar daar problem met eiendomsbelasting is nie. Talle inwoners van deeltitel- en ander eiendomme het nog nooit enige rekeninge vir eiendomsbelasting ontvang nie. Hierdie mense kontak die munisipaliteit hieroor, maar kry nie enige reaksie nie. Die inwoners is bekommerd dat hulle op ‘n stadium reuse “agterstallige” rekeninge gaan ontvang sonder dat individuele rekeninge ooit aan hulle gestuur is,” het Beyers gesê.

Indien die metroraad die saak nie op ‘n billike wyse wil oplos nie kan inwoners hulle na die howe wend. Elke burger het die reg op billike administratiewe prosesse. Indien die metroraad vir ‘n baie lang tyd geen rekeninge aan inwoners stuur nie vanweë swak administrasie en indien inwoners gewillig is om te betaal en vra vir gereelde rekeninge, dan is dit onbillik en onwettig om die inwoners skielik met reuse bedrae te konfronteer wat hulle finansieel kan knak.

Die nuutste verslag van die Ouditeur-Generaal het juis gemeld dat probleme met die metroraad se hantering van eiendomsbelasting een van die redes is waarom die metroraad ‘n gekwalifiseerde ouditverslag ontvang het.

play crown

ANC gaan Vrystaatse dorpsname verander

Die Vryheidsfront Plus en die publiek in die algemeen het met skok kennis geneem van die beoogde naamsverandering van verskeie dorpe in die Vrystaat. Abrie Oosthuizen, Leier van die Vryheidsfront Plus in die Vrystaat, sê dat daar al jare ‘n verstandhouding op provinsiale vlak bestaan dat munisipaliteite en distriksmunisipaliteite Sesotho-name sal kry, maar dat dorpe hulle name sal behou. Daar was enkele gevalle waar die ou en nuwe name gesamentlik gebruik sou word soos Bloemfontein/Mangaung.

Oosthuizen sê dat dit onrusbarend is dat die ANC-regering nie begaan is oor dienslewering wat omtrent nie bestaan nie, maar hulle spandeer al hulle energie en miljoene rande om dorpe se name te verander. “Daagliks sterf mense weens swak diens by hospitale of omdat medisyne nie beskikbaar is nie. Dit is nie vir die regering ‘n bron van kommer nie, maar die name van dorpe is vir hulle ‘n groot probleem.”

Oosthuizen het bygevoeg dat dit kommerwekkend is dat die voorsitter van die betrokke komitee, me. Seipati Dichabe, die hele proses om die name te verander binne drie maande wil afhandel. “Dit is weereens ‘n bewys dat die proses gestoomroller gaan word. Sake van lewensbelang vir inwoners van die Vrystaat neem jare om aangespreek te word en in die meeste gevalle sonder sukses. Die ANC gebruik naamsveranderinge net om hulle mag te vertoon en Afrikaners te boelie. Dit is sinloos en dra geensins by tot die verbetering van verhoudinge nie.”

Die VF Plus doen ‘n beroep op die ANC-regering om hulle leuse van die verkiesing uit te leef. Die eensydige verandering van ‘n dorp se naam kan geensins ‘n beter lewe vir enige inwoner van die Vrystaat verseker nie. Beter dienslewering en beter hospitale en klinieke kan duisende mense se lewens red en verbeter.

лампы светильники

Twee anti-Malema veldtogte skop af

Die Vryheidsfront Plus se Federale Dagbestuur het verlede week Vrydag formeel besluit om ‘n anti-Malema veldtog in die belang van alle Suid-Afrikaners in die algemeen en Afrikaners en minderhede in die besonder, te loods.

“Die veldtog skop hierdie week af onder die tema ‘Vervolg Malema’. Dit spruit voort uit die strafregtelike klagte wat die party se leier, dr. Pieter Mulder, verlede week teen Malema gelê het na aanleiding van sy haatspraak teen boere.

Dit is van kardinale belang vir ons toekomstige veiligheid en ekonomiese integriteit om die Malema-trein te stuit. Plaasmoorde moet stop en voedselsekuriteit moet verseker word,” het adv. Anton Alberts, VF Plus-parlementêre woordvoerder vir Ekonomie gesê.

Die veldtog bestaan uit die werf van handtekeninge per e-pos asook by wyse van ‘n nuwe aktivisme-webwerf waar ‘n protesbrief, gerig aan president Zuma, onderteken kan word. Hierdie briewe sal aan Zuma voorgelê word om die publiek se misnoeë oor Malema te kenne te gee en druk op die ANC te plaas om dissiplinêre stappe teen hom te neem.

Dis ook belangrik dat die ANC duidelik moet kan sien dat die publiek se geduld op is met roekelose leiers soos Malema. Die ANC verstaan net een taal en dit is ferm demonstrasie. Daarom is hierdie aksie van kardinale belang en ondersteunend tot die verskeie klagtes wat alreeds teen die ANC-jeugleier gelê is.

Die VF Plus vra daarom dat die publiek ons sal ondersteun deur die volgende webwerf te besoek: www.vervolgmalema.co.za.

Die naasbestaandes en vriende van vermoordes, Steve Hofmeyr, Sean Else, lede van die publiek en ander bekende kunstenaars soos Gerrie Pretorius, Sunette Bridges en ŉ lid van die groep Klopjag, gaan Vrydag, 19 Maart 2010 saam met AfriForum Jeug ’n memorandum en ’n lys van 1600 slagoffers van plaasaanvalle aan die ANC Jeugliga oorhandig uit protes teen Julius Malema se “Skiet die Boer”-uitsprake.

Die oorhandiging vorm deel van AfriForum Jeug se “Stop Malema”-veldtog. Die veldtog behels onder meer:

· ‘n saak teen Malema wat reeds deur AfriForum Jeug by die Gelykheidshof in Johannesburg aanhangig gemaak is,

· ‘n petisieveldtog,

· ‘n www.stopmalema.co.za webwerf, en

· ‘n Stop Malema-Facebookgroep. Die Facebookgroep het vanoggend om 11:00 reeds 9300 lede gehad.

Die besonderhede van die memorandum oorhandiging is:

Datum: 19 Maart 2010.

Tyd: 10:00.

Plek: Vergader by Mary Fitzgerald Square (hoek van Bree- en Henry Nxumalostraat), Johannesburg.

Cope en VF+ ondersteun mosie van wantroue

Dr Corné Mulder, hoofsweep van die VF+, het vandag tydens die wantrouedebat in die parlement gesê dit is altyd beter in die politiek om die bal eerder as die man te speel. Dit is nie wat te siene was nie. Die agbare President is ‘n baie lojale partyman. Alle besluite word gesamentlik geneem, of dit nou deur die NUK of die NWK of die top ses geneem word.

Dit is egter mnr. Zuma wat verkies is deur hierdie Huis om President te wees. Hy is die President van die Republiek en niemand anders nie en dit plaas daarom ‘n aantal verantwoordelikhede op hom.

Artikel 83(b) van die Grondwet gee die President opdrag om die Grondwet na te kom, te verdedig en te respekteer. Die President moet dit doen en nie die NUK of die top ses in die ANC nie. Dit skryf voor dat die President, ongeag van party lojaliteite die land en die Grondwet moet verdedig.

Zuma moet die voorbeeld stel en moet daarom die eerste een wees om Malema in die openbaar te berispe vir sy aanstigting tot geweld en die propageer van haatspraak. Maar Zuma het stil gebly, sê Mulder. Die VF Plus het daarom hierdie mosie van wantroue ondersteun.

Die belangrike ding van die debat was egter nie die feit dat die mosie deur die meerderheid verslaan sal word nie, maar die feit dat dit deur COPE en nie die DA gebring is nie, het hy onderstreep. Hy het gesê dit is die werklike belangrike gebeurtenis. Want indien so ‘n mosie ooit in die toekoms sou slaag, sal dit gebring word deur ‘n COPE-soort van party en nie die DA nie, het Mulder afgesluit.

free slot machine sites

‘Politiek is tydloos, maar ek en jy is nie so tydloos nie’

So koggel ŉ boodskappie vanaf ŉ Boeremagvriendin, teen die middel van Februarie, op my selfoon. “Sê liewer ons en politiek en tyd is so inmekaar verstrengel” antwoord ek sinies. Ek bedink my en vervolg dadelik met nog ŉ boodskap: “Ons gaan nog versmoor in hierdie einste (Boeremag)saak. Sommer binnekort, letterlik omkom aan ŉ suurstoftekort… nog lank voor ek of jy kans kry om oud te word. Hehehe…”

Sedert die saak op 2 Februarie hierdie jaar begin het, is dit al ŉ hele paar keer uitgestel. Meer as een keer omdat van die sleutelpersone te siek was om voort te gaan. ŉ Paar dae voor ek die sms ontvang het, het die saak een dag afgestaan omdat daar te min suurstof in die hof was. Die lugreëling werk met tussenposes glad nie – vir maande al nie. Al klink dit ook vergesog, met twintig beskuldigdes, tien advokate, ŉ regter en twee assessore, ŉ gros of meer in polisie-uniform en soms nog ŉ aanhoorder of twee in die galery kan die suurstof in selfs so groot spasie soos die hofsaal, benoud min raak.

Op daardie tydstip was die sewentigjarige Gerhardus Visagie, (Oom Vis) van Warmbad in die bank. Hy is nommer 17 van beskuldigdes in die Boeremagsaak en ook die oudste. Hy was besig om aan Regter Jordaan te verduidelik dat hulle hele beplanning daarom gegaan het dat as hier geweld sou uitbreek ons mense georganiseer moet wees om onsself te verdedig.

Verseker is ons nie tydloos nie, kyk hoe lê die oud-word oor oom Vis, het ek in die hof gesit en dink. Is die politiek tydsaam in ons, die groepie mense by die saak betrokke, ingebrand of was die politiek voor die tyd reeds deel van ons, het ek gewonder.

Ek het teruggedink aan die getuienis gedurende Oktober verlede jaar van die agt-en-sestigjarige oom Frik Boltman, beskuldigde nr. 15. Hy het vertel dat hy in ŉ huis met ŉ absolute politieke atmosfeer groot geword het. Sy pa was in 1938 verkies as LV vir De Aar, Colesberg, weer in 1943 en herkies in 1948. “U weet in ŉ stad beteken ŉ LV niks nie maar op die platteland is hy amper die koning, sou ek sê. So daar het altyd besoekers gekom en daar was maar net altyd politiek gepraat… (Oor) ons behoud as die Afrikanervolk… ons volksgeskiedenis – dit was amper soos moedersmelk ingekry : van Bloukrans, van die moord op die boere, van Moorddrif, van Potgieter wat afgeslag is. Dit was deel van my opset gewees” het hy getuig. Hoewel die Staat probeer aantoon het dat hy te klein was om dit te onthou, het hy voet by stuk gehou. “As jy nou my ouderdom is dan sal jy verstaan maar jy tel die goed op in jou lewe sonder dat iemand dit nou definitief vir jou sê.”

Na sy pa se dood in 1952, het sy ma, ŉ kleindogter van ds. Dirk Postma wat die Gereformeerde Kerk gestig het, haar as onderwyseres bekwaam. Oom Frik het hulde gebring aan haar, wat hul vyf kinders alleen groot gemaak het. Sy is nou reeds 92 jaar oud. Selfs na sy vader se dood, het sy nog in die politiek betrokke gebly. “As ŉ Nat – nie ŉ Sap nie.” Oom Boltman het getuig dat hyself by die Nasionale Party betrokke was tot in 1976.

“U edele oom Black Swart, Hans Strydom, Serfie Serfontein, PK le Roux is almal huisvriende van ons gewees. …oom Black-hulle het by ons kom kuier en ons het vir hulle gaan kuier. Ons was in die presidensie meer as een keer. Een keer het hy vir ons kom kuier, ek sal dit nooit vergeet nie, met die hele gevolg. Met sy motorfietse, sy wagte en daardie groot swart kar, ek kan nou nie onthou wat is dit nie. Ek het nou gedink wat noem ŉ mens dit maar ons was nou eintlik die “talk” van die “town” gewees na daardie situasie.”

Hoe bly dinge oor tyd nie maar net dieselfde nie? Veral as dit by familie-dinge, die kerk en politiek kom. Dit is van die gedagtes wat by my opgekom het, terwyl hy vertel het van die stryd tussen sy pa en sy oupa. Sy oupa wou nie gehad het dat sy ma van die Gereformeerde kerk, waarin sy groot geword het, na die NG Kerk, haar man se kerk, moes oorgaan nie. Na al die tyd bewaar hy nou nog die briewe wat daaroor handel. Ook het hy vertel van sy suster wat in die ANC-“struggle”, gedurende die sestiger jare gearresteer was, toe die wet op kommunisme van krag geword het.. Hy weet tot vandag tog nog nie of sy wel ŉ volwaardige ANC-lid was nie. Hy het gesê dat die mense wat vir hulle kom vertel het, dat sy een van dié was wat in Londen voor die Afrika-huis getoi-toi het, nogal gesê hulle is net bly dat sy pa dood is, en dat hy dit nie gesien het nie.

Die vertellings uit sy lewe het ŉ tydperk van sewe dekades vervleg in die politieke geskiedenis van ons volk gedek. En ŉ driekwart dekade daarvan is die Boeremag-saak reeds aan die gang. Tye verander tog – selfs gedurende dekades. Meeste van die beskuldigdes in die saak het plaasmoorde, wat hul verwag het erger sou word, en die kans dat dit na grootskaalse geweld kan oorspoel, as hul grootste motivering beskou om betrokke te raak by iets wat later as die Boeremag sou bekend staan… (Volgens Projek 2010 was daar gedurende Februarie hierdie jaar twintig plaasmoorde – die meeste nog in een maand!)

Oom Boltman het vertel van ŉ gesprek wat hy voor 2002 gehad het met Piet Pretorius, die skrywer van die boek Volksverraad: — “…hy het gepraat – ek het nie geweet hulle noem dit so nie, hy het gepraat van ‘n tweede revolusie. Ek het gedink ‘n revolusie is in verskillende fases. …nee, hy het gepraat van die tweede revolusie. Met ander woorde die eerste deel – die eerste revolusie is die oorname, die wettige oorname van die land deur die ANC of wat ook al. Maar die werklike kom wanneer die Kommuniste Party die Regering – dit is die tweede revolusie. Hy het daarvan gepraat, wat ek nou ook nie geweet het nie.”

“U edele ek was baie bekommerd oor die veiligheid van ons mense veral na aanleiding van die plaasmoorde wat die regering aanhoudend ontken dat dit ŉ politieke strekking het. Ek dink dit is polities gemotiveerd. Die feit dat dit moorddadig is. Die feit dat daar nie goed gesteel word nie. So ek het net gedink die regering het nie die mag of die wil om orde te handhaaf nie… Die Uhuru het mos afgekom in Afrika in al die lande, in elke land waar hulle onafhanklikheid gekry het, het hulle uitgemoor.”

Oom Boltman is op die 10 de Oktober 2002 gearresteer, sewe jaar voordat hy op 21 Oktober 2009 in die getuiebank kom staan het. Ek kan die nuusberig onthou die dag toe hy gearresteer is, ook die foto van hom wat laer in die Pretoria News verskyn het, … het daar werklik intussen soveel tyd verby gegaan? Tydens sy getuienis het hy ŉ paar maal genoem dat hy nie kan onthou nie. “U edele as ek vir u vertel watter verleenthede het my geheue vir my al in my lewe gekos. Ek het nou maar ŉ paar goed hier genoem. Ek vergeet .., ek vergeet u edele.”

Hy het vertel dat sy regsverteenwoordiger hom nie in die bank wou plaas nie, maar dat hy aangedring het. Want, het hy gereken as hy skuldig bevind sou word sonder dat hy in die bank was, sou hy sy prokureur kwalik geneem het. “As hy my hier sit en ek word gepand dan is dit ek. Dit is hoekom ek hier sit vandag u edele.”

Daar is baie dinge in hierdie saak gesê, die oorkonde is al lankal by vyftig duisend bladsye verby. Sommiges daarvan sal ek graag wil vergeet, maar ŉ paar dinge van oom Frik Boltman se getuienis sal ek in ŉ diep onthou wil wegbêre:

Op sy ouderdom, het ŉ mens “darem al ŉ paar jaar deur die land geloop, u weet”.

Dat hy op sy oudag nog ŉ besigheid begin het, want “… ŉ mens hou nooit op nie, het u nooit dit agtergekom nie? Dit is soos iets wat jou byt. ŉ Ou wat suksesvol is hou nie op nie hy wil net al hoe meer. Nie noodwendig dat jy geld jaag nie maar jy gaan net aan en aan en aan. Ek het dit met my kliënte gesien u edele skatryk mense maar hulle hou nie op nie. …maar ek het ŉ paar besighede in my lewe begin, met ŉ paar het ek lelik verloor maar met party het ek baie sukses behaal en as ek agterstevoor is dan is dit maar net omdat ek so is.”

Hy het “ maar tot die slotsom gekom dat mens sekere besluite in jou lewe self neem en andere word vir jou geneem…”

Op die einde van sy getuienis het hy die regter bedank: “…Ons is nou 7 jaar hierso en u het ons altyd menswaardig behandel en daarvoor wil ek graag my waardering uitspreek.”

Wat ek seker die langste sal onthou, is dat politiek oor die tyd heen, mens hegter aan ander mense kan bind as aan jou eie bloedverwante. Want, was sy redenasie, sommige mense is nie “politieke ‘animals’ nie – hulle probeer geld maak – dit is al.”

Teen die tweede week in Maart begin Johan Pretorius (beskuldigde nr. 19) net na oom Vis getuig, omdat Herman van Rooyen (nr. 18) gekies het om nie in die bank te gaan staan nie. Skielik is daar nou weer vordering in die saak. Dié aand stuur ek aan my Boeremagvriendin ŉ boodskappie: Jou wyse aanhaling oor die politiek bly by my spook… miskien sal ek en jy, op ons oudag ook kan sê dat die politiek ons nie verbygegaan of onaangeraak gelaat het nie.

media branding topcargo отзывы

Hillary, vriendin van Israel

{jathumbnail off}

бурение топкарго развод

Hoeveel divisies het die Afrikaner?

Josef Stalin het eendag vir sy raadgewers gevra: “Hoeveel divisies het die Pous?”

In die denkraam van vandag se politieke kommentators ontstaan die vraag gereeld: “Wat kan ‘n klein groepie Afrikaners vermag teenoor die permanente swart meerderheid? Oftewel, hoeveel divisies het die Afrikaners?”

Hierdie fiktiewe stukkie toekomsgeskiedenis komende van ‘n naamlose skrywer uit Australië het my baie diep geraak. Dit verskaf gewis stof tot nadenke vir diegene wat nog glo dat die “Afrikanerprobleem” met genoeg paaiwerk en breinspoeling vanself sal verdwyn.

Op 3 Februarie vanjaar stuur Reuters die volgende berig uit:

US warns of cyber threat

2010-02-03 13:25

Washington – Google’s recently reported cyber attacks are a “wake-up call” about the vulnerabilities of computer networks to attacks that could cripple the US economy, said the top US intelligence official on Tuesday.

“We cannot be certain that our cyberspace infrastructure will remain available and reliable during a time of crisis,” US Director of National Intelligence Dennis Blair told key lawmakers.

Blair said vital telecommunications and information systems faced threats from “those who would steal, corrupt, harm or destroy the public and private assets vital to our national interests”.

Voortvloeiend uit hierdie nuusberig skryf ‘n oud-Suid-Afrikaner uit Argentinië:

Afrikaners benodig nie divisies nie

“Dit is donkermaan. Die koue winternag is die langste en donkerste in menseheugenis. Sedert drie uur vanmiddag is Eskom se hele kragnetwerk afgeskakel.

Die straatligte is uitgedoof en die verkeersligte almal swart.

Vrywilligers worstel reeds vir ure om verkeersknope te ontstrengel. Byna al die geboue is in donker gehul. Flikkerende kerse verlig sommige woonhuise. Televisie- en radiostasies is stil en beamptes probeer om hul pad met flitsligte deur Auckklandpark se gange te vind. In die kelderverdieping probeer iemand om die bystandopwekker aan die gang te kry.

Maar dit gaan futiel wees. Net kykers met hul eie kragopwekkers sal in staat wees om die nuutste inligting oor die nasionale kragkrisis te hoor.

Die myne is ernstig geraak. Die chroomerts se knetterende plasmaboogsmeltoonde het stil geraak. Die gloeiende smeltkroese se inhoud is besig om tot nuttelose grys chroomrotse te stol. Selfs die goudmyne se draaimeulens het tot stilstand gekom. Duisende mynwerkers is ondergronds vasgekeer.

By die lughawe bestaan ‘n mate van orde vanweë die bystandopwekkers wat vanself aangeskakel het met die kragonderbreking.

Vulstasies is verlate, hul brandstofpompe kragloos. Hospitale sonder kragopwekkers is in warboel en daar is opstande in die oorvol tronke.

Toe die eerste 4 000Mw-kragstasie afskakel, kon die res van Eskom se oorbelaaide kragnetwerk die bykomende vraag nie hanteer nie. Die ander kragstasies het met ‘n domino-effek een na die ander geswik.

Suid-Afrika se krag is afgeskakel. Dit mag vir dae of selfs weke so voortduur. Onrus gaan in die swart voorstede uitbreek en die inkopiesentrums geplunder word.

Suid-Afrika gaan ‘n onseker toekoms tegemoet — die land sal nooit weer dieselfde wees nie…

Dit gaan die land miljarde rande kos om van hierdie skok te herstel. Boonop kan die aanslag enige tyd deur ‘n tweede en derde een opgevolg word, en daar is niks wat enigiemand daaraan kan doen nie.

President Zuma sal waarskynlik dadelik ‘n noodtoestand afkondig. Hy sal dan ook die land se grondwet opskort en krygswet instel. Honderde Afrikaners gaan gearresteer en ondervra word, — nie omdat hulle aandadig is aan die aanslag nie, maar omdat hulle witmense is.

Die kuberoorlog het begin…

In ‘n eenvoudige huis in die beboste buitewyke van Boedapest sit drie jong mans in hul laat dertigerjare en volg die gebeure op CNN. Hulle is Taakgroep 1 wat die fyn beplande aanslag moes uitvoer. Meer as twintig sulke taakgroepe staan regoor die wêreld gereed en wag op hul bevele. Slegs die Leiersraad weet wat die volgende stap sal wees.

Hierdie taakgroepe is lede van duisende hoogs opgeleide Afrikaners wat hulle sedert 1994 in die buiteland bevind. Sedert Thabo Mbeki vir Nelson Mandela opgevolg het, was dit duidelik dat die aanvanklike euforie verby is. Die skrif was toe aan die muur dat die etniese suiwering van die Afrikanervolk eersdaags sal begin. Met hul naïewe magsoorgawe het FW de Klerk en Roelf Meyer hulle met die gevolge van hul verraad lelik misreken. Hulle het nie besef dat ‘n kuberoorlog veel meer skade aan Suid-Afrika se ekonomie en maatskaplike struktuur sou aanrig as wat die geval met ‘n uitgerekte skikkingsproses sou wees nie.

Die Leiersraad in Ballingskap het besluit dat ‘n gewapende opstand nie effektief sal wees nie. Boonop sal die lewens van Afrikaners binne Suid-Afrika daardeur bedreig word. Die enigste wapen wat Afrikaners doeltreffend sal kan aanwend is om hul buitelandse talent in te span om ‘n kuberoorlog te begin en om op ‘n gegewe tydstip die land se hele kragnetwerk lam te lê.

Aanstaande week sal ‘n regsfirma van die Europese Unie onderhandelings namens hul gesiglose kliënte met die Suid-Afrikaanse gesante in Berlyn onderneem. Die regsfirma maan die gesante dat enige poging om vergeldingstappe teen binnelandse Afrikaners te neem, met ‘n tweede aanslag begroet sal word.

President Jacob Zuma het in ‘n verdoemende verklaring op CNN belowe dat die terroriste wat vir die kuberaanslag verantwoordelik was aan die man gebring en summier tereggestel sal word.

‘n Maand voor die aanslag het president Jacob Zuma ‘n opvolgvergadering met Afrikanerorganisasies gehad. Die vergadering het gevolg twee jaar ná die 2 April 2009-vergadering in die Sandton Hilton toe ‘n dertigtal organisasies in goedertrou met hom gesels en hul vrese en aspirasies in voorleggings verwoord het, wat deur ‘n dinee in sy amptelike woning opgevolg is. Soos gewoonlik was Zuma die innemendheid vanself en het hy almal met sy sjarme oorrompel. Die goedgelowige afgevaardigdes het besluit om hom ‘n kans te gee.

Maar daar het dadels van gekom.

Die daaglikse plaasmoorde het onverpoosd aangegaan; straat- en plekname is sonder raadpleging vernoem na onuitspreekbare identiteitslose en fiktiewe swart historiese figure. Afrikaanse skole en universiteite is verengels.

Zuma se aanstellings van sy vriende in belangrike poste, sy verheerliking van die Afrikakultuur met ‘n bulmoordseremonie, sy veelwywery en dosyne buite-egtelike kinders is bewys dat hy maar net nog ‘n Afrikaan sonder enige sweem van Westerse moraliteit, selfbeheersing of morele oordeel is. Presidente omring hulself met hul eie soort, wat niks goeds vir Afrikaners inhou nie. Afrikaners wat hom voorheen teen Mbeki ondersteun het, verfoei hom vandag en sien nie kans om onder dieselfde vlag met hom en sy volgelinge te woon nie.

Selfs die Afrikaners se moederstad se naam is nie veilig nie. Verskeie pogings is aangewend om Pretoria se naam te verander sonder om die stad se inwoners oor die saak te ken. Dit het duidelik geword dat Afrikaners se historiese raklewe aan sy einde gekom het. Ook hul fisiese raklewe het aan sy einde gekom, want daar word daagliks oor wrede moorde en verkragtings berig.

Maar die Afrikanervolk het anders daaroor besluit…

Hulle het ‘n streep in die grond getrek en ‘n opvolgvergadering met Zuma aangevra. Hierdie keer was die luim nie weer so gemoedelik soos by die eerste twee vergaderings nie. Afgevaardigdes was openlik vyandig en het Zuma gewaarsku dat sy regering die ergste moet verwag indien hul redelike en internasionaal erkende eise nie toegestaan en in wetgewing verskans sal word nie. ‘n Goed beredeneerde dokument is oorhandig waarin internasionaal erkende minderheidsregte geëis word. Internasionale regsgeldigheid word deur die volgende dokumente aan hul eise verleen:

Artikel 235 van die Grondwet, wet 108 van 1996.

The United Nations Declaration on the Rights of Minorities.

The United Nations Declaration on the Rights of Indigenous Peoples (2007).

The United Nations International Covenant on Economic, Social and Cultural Rights.

Pres. Jacob Zuma het dit in ontvangs geneem en plegtig belowe dat sy kabinet indringend daarna sal kyk.

Maar daar het weer niks gebeur nie. ‘n Gesant is na die Presidensie gestuur om hulle te waarsku teen ‘n ontsettende ramp wat die land gaan tref tensy daar aan die redelike eise van die Afrikaners voldoen word. Die versoek is dat ‘n ministeriële taakspan met Afrikanerleiers sal begin onderhandel.

Op televisieskerms word Saterdagaand gewys hoe die gesant geïgnoreer en verjaag word.

In Sondag se Rapport wens Max du Preez dat Afrikaners liewer van hul leë argumente en terughunkering na apartheid wil afsien en dat hulle bly moet wees dat hulle hoegenaamd nog in Suid-Afrika verdra word. In Dinsdag se Beeld verwys Tim du Plessis smalend na die eise en dreigement as die laaste stuiptrekkings van apartheid wat op niks gaan uitloop nie. “Hoe kan ‘n magtelose minderheid homself teen die swart massa om hom handhaaf?”

Donderdagmiddag word Suid Afrika deur die eerste kuberaanslag in die moderne geskiedenis getref.

Oorloë sal nooit weer dieselfde wees nie.

Minderheidsvolke het nie divisies nodig nie…

Keiser Julius

Die onlangse uitsprake van Julius Malema en die onophoudelike uitblakering van die doen en late van hierdie militante en uitgesproke jeugleier, het gesorg vir ‘n gratis bemarkingsveldtog deur ons pers. Een wat uiteindelik net tot voordeel van hom en sy massa aanhangers is. Ek stem heelhartig saam met ‘n vroeëre skrywe van Anton Barnard dat Malema ons ‘n guns doen want hy is eintlik besig om die linkse blanke Afrikaner te “liberate” en die wat nog slaap wakker te maak. Die vraag is egter of dit goed is en of dit nie lankal reeds te laat is nie.

Ek dink Malema is ‘n diktator wat wag in die gange van ons sogenaamde demokratiese bestel. Een wat, as hy aan bewind sou kom, die menseregtehandves met een veeg vanaf sy tafel sal veë en die gronwet sal verbrand.

Sy uitsprake oor grondhervorming kan nie net as belaglik afgemaak word nie. Dit moet eerder ‘n waarskuwing dien van dit van in sy en sy volgelinge se koppe aangaan. Gedagtes wat nou gekoester word is môre se dade.

Wat nog meer onrusbarend is, is dat dit nie bloot net by hom en sy comrades bly nie maar op parlimentêre vlak bespreek word. Alhoewel Jacob Zuma dit glimlaggende ter syde werp en maak asof dit kattekwaad is deur kinders aangeja, behoort ons nie hierdeur geflous te word nie.

Hy is besig om sy pensioen by mekaar te maak, asook dié sy baie vrouens. Ons beleef stellig die laaste era van ‘n verkose president deur die ANC. Ons is besig om ‘n era van Afrikadiktatorskap te betreë en hoef geen twyfel te hê oor wat dit behels nie.

Moet ook glad nie dink dis onmoontlik nie, Afrika is bekend vir diktators soos President Mwai Kibaki van Kenia, President Umaru Yar’Adua van Nigerië en die DRK se Joseph Kabila. Dan praat ons nog nie van ons ou buurman Mugabe nie. Almal ingestem deur die histeriese massas wat hierdie verlossers op ‘n wolk sien neerdaal het en ander wat bloot te bang was om hulle te verwerp.

Waar dit nie meer gewerk het nie is die massas geïntimideer, gemartel en baie ook vermoor. ‘n Dooie man kan mos nie stem nie. Is dit nie maar hoe Zuma ook daar bo gekom het nie, deur dreigemente? Malema en die ANC-Jeugliga het gedreig om die land onregeerbaar te maak as die hofsaak teen Zuma, die laaste hindernis na presidentskap, slaag. Die regering het geluister en die “onafhanklike” regbank, een van die trotse pilare van ons grondwet het die knie gebuig. Ons het ‘n staatsgreep gehad sonder dat een skoot geskiet is. Die ANC-Jeugliga, SAKP en COSATU behoort erkenning hiervoor te kry, hulle was briljant, slinks en berekend. Amper nes PW Botha gedurende die sogenaamde Info-skandaal in die middel sewentigs.

Hoekom is dit nog dat sekeres dink dat Malema nie Staatspresident kan word nie? Dalk nog na die volgende verkiesing.

Kyk net na die reaksie van sekeres in die parliment gedurende die bespreking van Malema. Na aanleiding van Pandor se uitbarsting en tirade kan baie afgelei word. Sy het blykbaar die hoogste waardering vir sy uitlatings, “the young man”, soos sy liefderik na hom verwys.

Nodeloos om te sê, baie deel haar sentimente en sal enige dag die jongman as president inlaat. Dit sal die doodskoot wees vir ons halwe demokrasie en die einde van ons land as ongetwyfelde leier in Afrika. Kaapstad sal nog ‘n Luanda word met of sonder Zille en Johannesburg ‘n patetiese geraamte in die begrafplaas van Afrika. Vir enige regdenkende sal daar slegs twee opsies oorbly, vat jou goed en trek Ferreira of bly en vat die pyn. Nogtans dink ek enigeen wat tans met ‘n vervalde paspoort sit, lewe ‘n illusie of beskik oor te veel geloof.

Die prys van skynstature

Luukse motors en luukse hotelverblyf vir ministers, maar paaie met slaggate besaai.

Troppe blouligboelies maar ‘n gebrekkige kapasiteit by die president se inbelsentrum.

Hierdie is maar twee voorbeelde van op die oog af swak prioritisering, maar met die gemeenskaplike kenmerk dat ‘n bykans onaantasbare elite soos ‘n eietydse adelstand ontwikkel, met die breë gemeenskap wat met goedkoop beloftes en sentimente as stemvee ingespan word.

Die inkomstegaping groei inderdaad, en is volgens verskeie monitors die hoogste onder die wêreldekonomieë wat op die Giniskaal gemeet kan word.

Prag en praal te midde van, en selfs ten koste van die welvaart van die omgewing is een ding, maar om dié prag en praal statuur te gee deur onverdiende status daaraan te gee, iets anders.

Een van die maniere om status te verleen is die gebruik van titels soos “Excellency”, “your worship” en “honourable” selfs buite die forums waar die konvensie geld, bykans twee dekades na dit afgeskaf is.

Soos rykes in vervloë tyd skares gehuur het om by begrafnisse ‘n geweeklaag te kom aanhef, word die eietydse Mandaryne ook status ingepomp deur allerlei soort personeel, soos klein weermaggies wat dié BBP’s moet beskerm. Selfs Julius Malema, wat geen staatsamp of selfs staatspos beklee nie, word van BBP-beveiliging op belastingbetalerskostes voorsien.

Ongelukkig gedra van hierdie eenhede hulle soos boewe in plaas van soos wetsgehoorsames wat die BBP’s teen misdadigers moet beskerm. Verskeie voorvalle is gerapporteer waar op lede van die publiek geskiet is wat nie vinnig genoeg uit die pad van dié voortsnellende stoete kan kom nie.

Dié boelies gaan egter verder, en begin nou sommer in ander opsigte as wetstoepassers optree, soos om iemand te arresteer wat nie met die president se konvooi beïndruk was nie, en dit getoon het.

Nou het ‘n herrie losgebars nadat die president se boelies ‘n joernalis gearresteer het en die foto’s op sy kamera gewis het.

Hierdie soort optrede trek gou die aandag van persvryheidswaghonde, en sal stellig Suid-Afrika se posisie op die persvryheidsindeks affekteer. Hierdie indeks beïnvloed ook ander indekse soos die korrupsie-persepsie-indeks, en dit weer die beleggersvertroueindeks.

Intussen vermeerder die slaggate, en intussen het die president se befaamde inbelsentrum nie die kapasiteit om eens ‘n fraksie van die oproepe doeltreffend te hanteer nie. Die fakse- en e-pos wat aan dié sentrum gerig word, gaan skynbaar regstreeks in snippermasjiene in.

Dit is daarom nie verbasend dat mense optogte hou oor swak dienslewering nie.

‘n Polisiediens propvol generaals kan maar rubberkoeëls en arrestasies inspan; dit laat nie die skeeftrek van die situasie verdwyn nie.

Miskien is ons nou terug by die era waar ‘n vorige Vrystaatse Premier haar luukse vuurwa geregverdig het deur te sê: “Ons moet met sulke karre ry, want kyk net hoe lyk die paaie.”

As die mense dan nie brood het nie, laat hulle dan koek eet.

пальто для девочки Данильченко Харьков