Dan Roodt, Author at praag.co.za

Brasiliaanse sokkerster voer opgekapte meisie aan honde

Bruno, die swart Brasiliaanse sokkerster, het glo sy eksmeisie Eliza Samudio wreed vermoor, haar liggaam in stukke opgekap en aan honde gevoer, berig die BBC.

Hy is die doelwagter van ‘n Brasiliaanse ligasokkerspan wat ook die land se verdedigende kampioenspan is. Die Flamengo’s is tans die gewilde sokkerklub in Rio de Janeiro.

Samudio is vermoedelik in Belo Horizonte verwurg en daarna opgekap. Stukke van die 25-jarige model is daarna aan honde gevoer.

Die meisie was glo swanger en wou nie die swangerskap beëindig nie. Dit het glo aanleiding tot die struweling gegee.

Bruno het vroeër die week van owerhede gevlug toe die polisie sy huis omsingel het.

Hy het homself egter later gaan oorgee aan die polisie.

Hy het nie vanjaar deelgeneem aan die Wêreldbeker-sokkertoernooi nie.

Polisielede geskors na seks met gevangene

Twee senior beamptes van Durban se Westville-gevangenis is geskors nadat ‘n polisieman klaarblyklik seks gehad het met ‘n vroulike gevangene.

Die betrokke polisieman is in hegtenis geneem, het Manelis Wolesa, woordvoerder vir die Westville-gevangenes, gesê.

Die tronk se gebiedskommissaris sowel as die hoof van Westville se vroue-afdeling is die 23ste Junie geskors.

“Hulle is geskors sodat die ondersoek van onwettige seksuele omgang tussen ‘n polisieman van Pietermaritzburg en ‘n vroulike verhoorafwagtende, onbelemmerd kan voortgaan.

“Die departement neem hul onderneming om kwesbare groepe se veiligheid te verseker, baie ernstig op,” het Wolesa gesê.

Gerugte dat die verhoorafwagtende swanger is, kon nie bevestig word nie.

topcargo кидалы

Mugabe, Mswati by WB-eindstryd

Nagenoeg 14 presidente uit Afrika, ‘n koning, koningin en ‘n prins sal na verwagting Sondag se Wêreldbeker-finaal tussen Spanje en Nederland bywoon, het Fifa Saterdag in ‘n verklaring gesê.

Die gastelys sal koningin Sofia van Spanje en die uittredende eerste minister van Nederland, Jan Peter Balkenende, insluit wat die twee boonste spanne kom ondersteun.

Robert Mugabe sal ook die geleentheid bywoon.

Die groot vraag bly steeds of voormalige president Nelson Mandela die finaal sal bywoon nadat hy die openingswedstryd op 11 Junie gemis het as gevolg van die dood van sy 13-jarige agterkleindogter in n motorongeluk.

Sepp Blatter, die president van Fifa, het sy hoop uitgespreek dat Mandela die finaal sal kan bywoon.

Volgens Fifa sal president John Atta Mills van Ghana, die enigste van ses Afrika-lande wat tot by die kwarteindronde deurgedring het, ook by dié laaste wedstryd teenwoordig wees.

Die lys kan nog verander, maar die volgende belangrike persone sal ook na verwagting by die finaal wees: President Robert Mugabe van Zimbabwe, Monaco se prins Albert, Sjeik Hamad bin Khalifa al-Thani van Katar, Aartsbiskop Emeritus Desmond Tutu en Spanje se Wimbledon kampioen, Rafael Nadal.

Koning Mswati van Swaziland sal na verwagting insgelyks teenwoordig wees.

Die Suid-Afrikaanse polisie het gewaarsku dat streng veiligheidsmaatreëls sal geld en paaie op die hoofpad wat na die Soccer City stadion lei, sal Sondagmiddag gesluit wees.

Die wedstryd begin om 20:30.

Deutschland Jawohl, Uruguay Eisj

Gietende reën en ‘n sopnat veld in Port Elisabeth was waarskynlik die vernaamste rede hoekom Duitsland en Uruguay nie die tipiese vrye spel gelewer het wat tradisioneel in die uitspeelwedstryd uitgestal word om die wêreldbeker se derde en vierde plekke te bepaal nie.

Maar dan was daar ook die Duitsers se vasbeslotenheid om met ‘n titseltjie eer uit die toernooi te tree (en Paul die seekat van ‘n calamari-einde te red), en Diego Forlàn, Uruguay se besielende kaptein.

Forlàn het soos ‘n Trojaan gespeel, self ‘n doel aangeteken en in die doodsnikke byna die telling gelykop gemaak toe hy Jabulani die tokkelossiebal teen die doelhok se bokant vasgeskop, en die bal oorgeseil het.

Die eindtelling van 3 – 2 in die Duitsers se guns was ‘n getroue weergawe van die wedstryd.

Nou lê die grote voor. Met ‘n alles-of-niks-situasie sal vanaand se wedstryd waarskynlik ‘n toffietaai affêre wees. Niemand, behalwe Paul, sal die uitslag met oortuiging voorspel nie.

Мильстрим

ET-moordverdagte verskyn vlugtig

Die 15-jarige verdagte wat van die moord op Eugene Terre’Blanche aangekla word, het dié week in die landdroshof op Ventersdorp verskyn, het die nasionale vervolgingsgesag gesê.

“Daar is niks belangriks in die hof gesê nie. Die seun was net in die hof vir sy 30-dae opvolg en die landdros het bevind dat sy toestand bevredigend is,” het Mthunzi Mhaga, ‘n woordvoerder gesê.

Die saak is tot 6 Augustus uitgestel.

Volgens Mhaga was daar ‘n maatskaplike werker in die hof om die seun by te staan. Hy het egter nie enige klagtes gehad nie en is terug na die jeugsentrum gestuur.

Ná die seun se inhegtenisname is hy in ‘n plek van veilige bewaring geplaas, waar hy drie maaltye per dag kry, en vir die eerste keer op ‘n bed slaap.

Hy en sy medebeskuldigde, Chris Mahlangu het Terre’Blanche na bewering op 3 April in sy kamer op sy plaas doodgeslaan.

прокурор Фильчаков

Rowers vermom as polisielede beroof huis

Vier mans is in hegtenis geneem nadat hulle hulself as polisiebeamptes voorgedoen het om toegang tot ‘n huis in Vanderbijlpark te verkry, het die polisie Donderdag in Gauteng gesê.

Volgens kapt. Noxolo Kweza, polisiewoordvoerder, was die vier mans deel van ‘n groep van tien verdagtes wat ‘n man van Vanderbijlpark Maandag in sy huis beroof het.

“Die mans was in polisie-uniforms geklee en het sodoende toegang tot die slagoffer se huis verkry. Hulle het die slagoffer met vuurwapens aangehou,” het Kweza gesê.

Die verdagtes het met R2000 en ‘n Chrysler Voyager van die toneel gevlug.

“Danksy knap speurwerk is vier van die verdagtes in Katlehong vasgetrek. Die polisie het die motor en vuurwapens in hulle besit gevind.”

Verskeie polisie- en weermag-uniforms is ook gevind.

Фильчаков прокурор

Ander sy van afname in misdaad

Ongeveer ‘n week na die polisie in Bloemfontein aanspraak gemaak het daarop dat misdaad vir die duur van die wêreldbeker-sokkertoernooi skerp gedaal het, is soortgelyke aansprake vir Johannesburg en Pretoria gemaak.

Die interessante is dat dit nou ‘n veiligheidsmaatskappy is wat hierdie jongste aansprake maak. Misdaad is veiligheidsmaatskappye se brood en botter.

In elke geval is die verskerpte polisieoptrede gedurende die toernooi as die hoofrede aangetoon oor waarom daar ‘n daling aangemeld word.

Ongelukkig lyk dit of hierdie munt ‘n ander sy het.

Op dieselfde dag as wat oor die laer misdaad in Bloemfontein berig is, is ook berig van ‘n bankroof kort voor die toernooi wat weens die toernooi verswyg is.

Huishulpe maak daarop aansprake dat hul woongebiede swaar onder misdaad deurgeloop het terwyl die sokker aan die gang was. Tekens van xenefobie steek weer kop uit.

Ongelukkig het die regering oor jare nie juis ‘n reputasie opgebou van in alle gevalle besonder akkuraat met die waarheid omgaan nie. Daarom word inligting nou dikwels met ‘n knippie sout geneem.

Sou dit egter blyk dat misdaad wel afgedwing is, is die ongelukkige werklikheid dat die Instituut vir Sekerheidstudies meen die vlakke van polisie-optrede is nie volhoubaar nie.

Vanuit regeringskringe kom ook net te veel losbekkigheid voor wat as aanhitsend tot geweldsmisdaad beskou kan word. Die regeringsgekoesterde Julius Malema het juis ’n klag van aanhitsing tot volksmoord in die Internasionale Strafhof op die lyf geloop.

Om laer vlakke van misdaad te bewerkstellig verg nie net ‘n hoër vlak van polisiëring nie, dit verg ‘n meer onomwonde standpunt-inname deur die regering.

En die voorbeeld moet ook daar gestel word. Die persoon wat om den brode steel, sal nie juis geïnspireer word om dit te staak as die ringkoppe in die regering mildelik skep en daarmee wegkom nie.

Misdaad neem merkbaar af tydens WB

Die besturende direkteur van die veiligheidsmaatskappy ADT in Pretoria, Clive Humphrey, het Donderdag gesê geweldsmisdaad in Pretoria het oral afgeneem.

Dié verskynsel is ook waarneembaar in Johannesburg. In sommige gevalle het misdaad met soveel as 70% afgeneem, berig Beeld.

Humphrey sê die suide van Pretoria en Centurion is merkbaar veiliger.

Die polisie het egter nog nie hulle misdaadstatistiek vir die duur van die Wêreldbeker vrygestel nie.

Sowat 55 000 bykomende permanente polisiebeamptes is aangestel in in aanloop tot 2010 en die reservistemag is ook versterk.

Volgens Roy Rawlins, ADT-hoof in Johannesburg, het misdaadvoorvalle met 70% in die weste van die stad afgeneem en in Johannesburg-Oos met 60%.

Rawlins skryf die verbetering toe aan die toename in sigbare polisiëring wat gepaard gegaan het met strategiese ontplooiing van hulpbronne vir die sokkertoernooi.

Dit is nie seker of verbeterde veiligheidstoestand gaan voortduur na afloop van die Wêreldbekersokkertoernooi nie.

Sorgelose aftrede op 55? Dink weer

IN dieselfde week as wat die nuwe Britse regering aangekondig het dat die amptelike aftree-ouderdom tot 66 verhoog word en later tot 70, was daar verskeie plaaslike artikels oor hoe om op 60 en selfs 55 “sorgeloos” af te tree.

Eers was daar die hoofekonoom van Old Mutual se Rian le Roux wat op fin24 aangehaal is dat ten minste 20% gespaar sal moet word ten einde op 60 af te tree.

Verlede Saterdag was daar in SakeBeeld ŉ verdere berig met hierdie strekking, maar hierdie keer was dit hoe om op 55 af te tree met genoeg kapitaal en met geen sorge nie.

Dis werklikwaar onverstaanbaar hoe sulke berigte nog die wereld ingestuur word. Dit skep ŉ valse verwagting onder jong mense, onder meer dat 55 ŉ soort van magiese eindstreep is van ŉ produktiewe lewe, wat gevolg sal word deur ŉ eindelose vakansie…

Daar is ŉ hele generasie 55- plussers, nie net in SA nie maar oral in die Westerse wêreld – want dis grootliks n Westerse tendens – wat met toenemende skok agterkom dat die “sorgelose aftrede” wat ŉ 20 of 30 jaar gelede aan hulle belowe is, glad nie so sorgeloos is nie.

Reeds tien jaar gelede in die boek “The Truth About Retirement” wat ek saam met Bruce Cameron geskryf het, het ons gewaarsku dat die gedagte van ŉ “sorgelose aftrede op 55” bloot net ŉ hersinskim sal wees vir meeste mense.

Beplan om baie langer te werk, tot 65 en selfs 70, en ook om dalk ŉ tweede loopbaan of ŉ bykomende inkomste op ŉ ander plek te verdien, het ons in die boek geskryf.

Hierdie advies geld vandag des te meer.

Kom ons kyk na die advies om 20% van jou salaris te spaar ten einde “sorgeloos af te tree op 55”.

Welke salaristrekker kan bekostig om 20% van sy/haar salaris te spaar?

In my opinie slegs ŉ enkellopende nie-rokende nie-drinkende introvert sonder kraai of kroos wat nog by mammie bly. Vir die res van ons gewone sterflinge met ŉ verband, vrou, kinders katte en honde om te onderhou, is so iets onmoontlik.

Na belasting, kos, klere, verband, medies, motor, skoolgelde ens. ens. is daar eenvoudig nie sprake daarvan om 20% te spaar nie.

Ten beste sukkel mense om 15% te spaar en dan moet daar nog ŉ persentasie of 5 daarvan afgetrek word vir die koste van lewensverskering, ongeskiktheid en beleggingsfooie ten eind hierdie bydrae te maak.

Baie van die kritiek op die hierdie advies van Le Roux was ook dat dit komende was van ŉ segsman van ŉ assuransiemaatskappy wat n generasie van pligsgetroue spaarders in Uittree_annuiteite (UA’e) tot baie swak opbrengste verdoem het.

Sekerlik die grootste rede hoekom 55 nie meer as aftree-ouderdom beskou kan word nie, is die snelle styging in lewensverwagting. Lewensverwagting vir ŉ man op 55 is ŉ verdere 22 jaar en vir vroue ŉ amper 25 jaar.

Met die beste belegging in die wêreld kan ŉ salaristrekker met selfs 20% van ŉ salaris oor ŉ werkleeftyd van 30 jaar nie genoeg spaar ten einde ŉ verdere 20 of 25 jaar “sorgeloos” te kan leef nie.

Ten beste is hierdie teiken dalk moontlik vir iemand wat ononderbroke tot 65 of 70 gewerk het en nie een keer diens onderbreek het nie. Hoeveel mense werk vir een werkgewer vir ŉ volle 40 jaar of meer? Bitter min.

En meeste mense wat van werk verander neem gewoonlik die pensioengeld ten einde te spandeer of om skuld af te betaal—sowat 80% volgens syfers van Old Mutual.

En dan kom ons by die “sorgelose” deel van aftrede. Vra maar vir meeste mense wat wel met genoegsame kapitaal afgetree het die afgelope klompie jare. Tensy die pensioenaris afgetree het met ŉ gewaarborgde en inflasie-kloppende inkomste vir die res van sy/haar lewe -en dié opsie word al skaarser– is beleggers by aftrede blootgestel aan die skommelinge van markte.

Dit is een van die gevolge van die grootskaalse oorswaai van die tradisionele gedefinieërde voordelefondse na gedefinieërde bydrae fonds oor die afgelope 20 jaar of wat.

Destyds is gewaarsku dat beleggers met hierdie skuif –wat baie dikwels aangespoor is met bonusse tot fondse—die beleggingsrisiko van die bestuur van die pensioen oorneem.

Enigiemand wat die afgelope klompie jare in beleggingsmarkte was sal kan praat van ongekende wispleturigheid en onvoorspelbaarheid. As dit nie die aandelemarkte is wat met 45% val nie (September 2008 –Desember 2008), is dit die rand wat eers met 35% val en dan weer styg met 35%, en so aan.

Die veiligheid van vaste-rentedraende is net kortstondig want oor tyd sal inflasie (want inflasie tree nie af nie) die koopkrag van ŉ lompsom op 55 stelselmatig afwater oor tyd.

Dink maar aan spaarders/beleggers in die VSA en Europa waar die aandelemarkte in daardie streke oor 10 jaar gemiddeld nog nie met n duit gegroei het nie, rentekoerse op spaargeld al vir jare nul is en eiendomspryse ook met tussen 10 en 50% gedaal het, afhangende van watter land en watter streek.

Praat met hierdie mense van ŉ sorgelose aftrede.

En dan wil ek nie eers praat van al die skelmstreke wat daar is wat mense hoë opbrengste bied in uiters ongewensde en onveilige beleggingsskemas nie.

Kyk maar net na die miljarde rand wat al reeds in hierdie siklus verlore is in verskeie eiendomsindikasies wat in die afgelope maande gevou het.

Wat is die oplossing?

Natuurlik moet mense aangemoedig word om te spaar maar ŉ meer realistiese aftree-datum (indien moontlik) moet 65 wees en selfs 70.

So ŉ stap beteken twee dinge: jy werk (en verdien ŉ salaris vir 10 of 15 jaar langer) en jy sal derhalwe ŉ inkomste vir ŉ 10 of 15 jaar minder nodig hê.

Die een positiewe nadraai van die kredietkrisis in Europa en die VSA is die besef dat die beloftes van ŉ aftrede op 55 (Griekeland, Spanje. Portugal en Italie) en 60 in Brittanje nie meer haalbaar is nie. Dieselfde geld die VSA.

In die VSA sal die Social Security-stelsel al teen 2013 meer uitbetaal as wat dit inkry….

Brittanje het eenvoudig gese:”Daai beloftes van ŉ vroëe aftrede is nie meer moontlik nie.”

In die VSA word daar nou prontheid ook vertel: 70 is eersdaags die nuwe aftree-ouderom.

Hierdie realiteit het al lankal in SA posgevat onder diegene wat die tekens raakgesien het.

Aftree op 55? Watwou. 55 is maar net die begin van die beste 15 jaar van jou lewe.

Magnus Heystek is die skrywer van verskeie boeke oor beleggings en aftrede en is bestuurshoof van Brenthurst Wealth.

форма 086у

Chaos by Durban-lughawe ‘het vele oorsake’

Die lughawemaatskappy van Suid-Afrika (Acsa) het gister allerlei redes aangebied vir die chaos by die Koning Tsjaka-lughawe wat veroorsaak het dat honderde sokkergeesdriftiges die halfeindrondte van die wêreldsokkerbeker in Durban misgeloop het. ‘n Rekenaarstelsel, die weer en privaatstralers wat die parkeerruimtes beset het, is onder andere daarvoor geblameer.

Die sentrale lugruimbeheereenheid, wat die beweging van vliegtuie na en van lughawes beheer, het Woensdag tussen 16:00 en 20:00 foutief geraak, wat veroorsaak het dat lugbeheerdienste gleuwe na gelang van eerste aankoms begin toeken het, het ‘n woordvoerder vir Acsa, Solomon Makgale in ‘n verklaring gesê.

Die stelsel het tot Woensdag “volmaak” gefunksioneer.

“Privaatoperateurs het die situasie uitgebuit en in sekere gevalle gleuwe opgeneem wat nie aan hulle toegeken was nie…”

Soos wat lugverkeer gedurende die dag toegeneem het, is vliegtuie wat rondom 12:00 namiddag wou land, vir 20 minute vertraag weens lae wolke, wat die sig belemmer het.

Die gevolglike toename in lugverkeer in die Durbanse lugruim was so hoog dat kontroleurs teen 14:00 besluit het om lurgruimbeperkings in te stel. Dit het beteken dat geen vliegtuie na Durban vir 30 minute kon opstyg nie.

Toe beperkings rondom 17:00 opgehef is, het agt privaatvliegtuigoperateurs wat geland het in gebreke gebly om instruksies na te kom om na ander lughawens in die omgewing te vertrek.

“Dit het dit onmoontlik gemaak vir ander vliegtuie om na die lughawe te vlieg aangesien die vliegtuigparkeerruimtes beset was.

150 meer as gewoonlik

Gevolglik is ses geskeduleerde vlugte – van SAL, Kulula en British Airways – gedwing om hetsy na hul basis terug te keer, hetsy na ander lughawens te vlieg, wat ongeveer 600 passasiers verhoed het om by die sokkerwedstryd tussen Duitsland en Spanje by die Moses Mabhida-stadion uit te kom.

Die bedryfshoof van Acsa, Themba Maseko, het gesê dat daar op ‘n normale dag omtrent 100 vliegtuie by die Koning Tsjaka-lughawe land. Woensdag was daar egter 250.

Die vlieëniers van privaatvliegtuie, waarvan vele BBP’s aan boord had, het geweier om die vasgestelde prosedure te volg om hul passasiers af te laai voordat hulle na die ou Durbanse Internasionale Lughawe moes vertrek om te parkeer.

“Ek blameer nie die BBP’s nie. Die mense wat die probleem veroorsaak het, was die mense wat die vliegtuie gevlieg het,” het Maseko gesê.

Volgens hom het die vlieëniers begin om hul vliegtuie te verskuif toe Acsa met optrede teen hulle begin dreig het, maar toe was dit al te laat.

Die besturende direkteur van Acsa, Monhla Hlahla, het Suid-Afrikaners en geesdriftiges wat die wedstryd wou sien om verskoning gevra.

“Dit spyt ons dat hierdie voorval die heuglike bui in die land bederf het en ‘n vlek gelaat het op die uitmuntende pogings wat in die voorbereiding en fasilitering van lugverkeer gedurende dié luisterryke toernooi aangewend is.”

Sowel die wêreldsokkerliggaam FIFA as die 2010-organiseringskomitee het Donderdag hul hande in onskuld oor die chaos gewas.

Die voorsitter van die plaaslike organiseringskomitee, Irvin Khoza, het gesê sy liggaam neem geen verantwoordelikheid vir die chaos by die lughawe nie.

Die sekretarisgeneraal van FIFA, Jerome Valcke, het tydens ‘n mediakonferensie in Sandton, Johannesburg, gesê: “Ek wil dit duidelik maak dat dié probleem niks met FIFA te make het nie.”

Khoza het bygevoeg: “Dit was nie ons fout nie. Ons is jammer dat dit gebeur het maar kan nie verantwoordelik gehou word vir vliegtuie wat nie in Durban kon land nie.”справка о болезни