Dan Roodt, Author at praag.co.za

Nederlandse navorsing wys etniese agterstand

Immigrante begin die laerskool in Nederland nog steeds met ‘n agterstand. Die skole kry sedert verlede jaar minder owerheidsgeld om die probleem die hoof te bied. Maar die uitgangspunt van die nuwe beleid klop nie, blyk dit nou uit navorsing.

Skole kry al jare ekstra geld vir kinders wat met ‘n agterstand hul skoolloopbaan begin. Tot 2006 het ‘n skool ekstra vir leerlinge met laagopgeleide ouers gekry, en nog ‘n bykomende bedrag as laaggeskoolde ouers ook immigrante was.

Volgens die destydse onderwysminister is dit uitsluitlik die opleidingsvlak van ouers wat bepaal of ‘n kind skool met ‘n agterstand begin, en speel sy etniese afkoms daar geen rol in nie. Daarom is besluit om eweveel geld te gee vir sowel inheemse as immigranteleerlinge met laaggeskoolde ouers.

Maar die uitgangspunt van die maatreël klop nie, blyk uit navorsing van die Kohnstamm Instituut aan die Universiteit van Amsterdam. Byna alle immigrantekinders loop aan die begin van die laerskool agter gemeet teenoor hul inheemse klasmaats. Selfs die swart kinders met die hoogste opgeleide ouers doen net effens beter as die wit kinders met die laagste opgeleide ouers. “Dit is dus nie waar dat etniese afkoms geen rol speel by skoolagterstand nie”, sê navorser Jaap Roeleveld.

Die nuwe beleid is stapsgewys ingevoer en is sedert verlede jaar volledig van krag. Daardeur kry skole met baie inheemse leerlinge met laagopgeleide ouers deesdae meer geld. Swart skole kry vir ‘n deel van hul vroeëre agterstandsleerlinge geen geld meer en moet dus met minder klaarkom.

free sots Александр Фильчаков

As die rasseskoen aan die ander voet is

Die jaar 2010 is afgesluit met ‘n reuse openbare debat oor die rassekwessie. Dit het ook in peilings geblyk, ironies in dieselfde jaar waar ondersteuners van die huidige grondwet op sukses geroem het na aanleiding van die Wêreldbeker-sokkertoernooi wat in Suid-Afrika aangebied is. Dit was op die oog af merkwaardig nadat die AWB-leier, Eugene Terre’Blanche nog in dieselfde jaar tydens ‘n plaasmoord vermoor is.

Reeds in die aanloopfase tot die toernooi het sielkundiges en sosioloë gewaarsku oor die post-euforiese depressie of selfs post-euforiese trauma wat ‘n ruk na die toernooi gaan inskop – dan wanneer mense weer met die harde werklikhede geslaan word. Skerp verhoogde kragtariewe was maar een so ‘n faktor. Plaasmoorde wat in alle erns hervat is, nog een.

Bykans elke insident en argument het op die rassekwessie uitgeloop, en die debakels wat gevolg het op uitlatings deur Annelie Botes en Steve Hoffmeyr was maar simptomaties.

Dit is meer as net ‘n tikkie ironie dat die debat na vanjaar sou oorloop. Vanjaar is dit immers presies 20 jaar sedert Suid-Afrika wetlik gesproke ‘n nie-rassige land geword het, toe die bevolkingsregistrasiewet as deel van ‘n pakket sogenaamde klein-apartheidswette ook in die slag gebly het.

Vroeg in die jaar was dit ook ‘n simboliese, hoewel erg omstrede figuur uit die verlede, wat die rasselont vir die jaar sou aansteek toe Winnie Madikizela-Mandela en haar lyfwagte na ‘n beweerde spoedoortreding voorgekeer is.

Hoewel die saak nog afgehandel moet word, is die rassekaart sommer hard gespeel omdat een van die twee polisiebeamptes wat die voorkeerwerk gedoen het, blank is. Hy sou glo rassisties opgetree het, wat sy swart kollega verontwaardig laat hoor het dat dit darem dik vir ‘n daalder is – hy is dan self swart.

Die aflosstokkie word nou eers aangegee na ‘n dissiplinêre verhoor in die polisie in die Vrystaat. Hier het die aangeklaagde, ‘n swart polisieman, uit ‘n dissiplinêre verhoor gestap nadat sy Popcru-verteenwoordiger gekla het die dissiplinêre paneel is te wit. Die wit paneellede het hierop ‘n siviele lastereis teen die Popcru-verteenwoordiger ingestel nadat hy hulle glo wit rassiste en konstitusionele misdadigers genoem het.

Die betrokke polisielid is intussen op aanklag van moord in hegtenis geneem nadat ‘n persoon wat hy glo aangerand het, dood is.

Dat die rassekaart steeds gespeel word nadat ras amptelik lank voor die aanbreek van die huidige bedeling afgeskaf is, hoef niemand te verbaas nie. Ras, as norm, is in oordaad deur die nuwe regering terug op die wetboeke geplaas. Dit raak iemand se status met werksoek, dit raak sy status met aansoek vir keuring, vir beursaansoeke – daar is grondhervormingsteikens. Organisasies soos die Black Lawyers Association, die Black Journalist Association, swart sakekamers en vele meer word gekoester.

Die towerwoord wat alles nie-rassig moet kleur, is “transformasie.” Dié woord is onlangs ook, skynbaar onnadenkend, deur Kovsies se woordvoerder gebruik om te motiveer hoekom God uit die universiteit se leuse gehaal is. So is ook dié kwessie in die rassekookpot gedompel en swart Christene onregstreeks beledig deur die afleiding dat dit gedoen is ter wille van rasseteikens.

Iemand wat met dinamiet werk, moenie met vuurhoutjies speel nie.

топкарго

‘n Mens kan nie jou eie belang in Afrika voorop stel nie

Anton, ‘n mens kan in Afrika nie ‘n koolbredie kook en hoop dat die vliëe dit nie sal toepak nie. Maw jy is gedoem as jy jou eie belang voorop stel en nie die land se belang nie.

Wat verstaan jy onder die begrip selfbeskikking?

Фильчаков прокурор

Skok heers oor brandweerman se verdrinking

Die VF Plus-raadslede in die Tshwane-metroraad het met skok kennis geneem van die verdrinking van die brandweerman Henry Knox, van die Wonderboom-brandweerstasie op Maandag 17 Januarie 2011. Dit is tragies dat hy in diens gesterf het, terwyl hy probeer het om ‘n ander persoon se lewe te red.

Die Vryheidsfront Plus spreek hiermee sy simpatie en meegevoel uit met die gesin en familie van mnr. Knox.

Die raadslede van VF Plus wil graag hiermee ook hul meegevoel betuig met die bestuur en lede van die Tshwane-metro se Gemeenskapsveiligheidsafdeling wat met die voorval ‘n kameraad verloor het. Hul toegewyde harde werk word waardeer.

Die inwoners van die Tshwane-metro moet in hierdie tydperk van ongekende reën en vloede veral versigtig wees by laagwater-brûe, riviere en spruite in die gebied. Mense moet daarop let dat in gevalle van buitengewone reënstorms, riviere en spruite onverwags ‘n styging in watervlak ondergaan wat baie gevaarlik is. Motoriste moet ag slaan op waarskuwingstekens en tydelike versperrings wat deur die Metropolisie opgerig is.

free poker

Leeus

Bethlehem moet pure leeuwêreld wees, gegewe die talle kere wat dié dorp die nuus haal oor leeus – en soms oor leeus wat soek geraak het.

Wat Herrie laat dink aan die storie van die man wat vertel hoe ‘n leeu hom geskraap het. So in die hardloop sien hy ‘n tak so 15 meter van die grond af, en hy moet spring want vuilbaard is al reg om te hap…

“Het jy toe die tak bygekom?” wil die verteller se maat weet.

“Ja, so met die afkomslag het ek toe die tak gegryp gekry.”

Ou dominee Danie Hoffman was op sy dag sendeling in Zambië. Eendag vind daar ‘n kerkraadsvergadering plaas, en die een waardige ouderling kom asvaal op sy fiets daar aan.

“Wat het gebeur?” verneem die eerwaarde voorsitter.

“Ek ry by so ‘n lang bult af, te lekker. Onder draai die pad om ‘n lappie bome, en dis toe ek so lekker op spoed om die draai gaan, toe is ek tussen ‘n trop leeus.”

“Nou wat het jy gedoen dat die leeus jou nie gevang het nie?” wil die dominee weet.

“Ek het maar die klokkie gelui?” verduidelik hy.

Herrie weet nie mooi wat hy sal maak as hy met ‘n fiets tussen ‘n trop leeus beland nie. Maar een ding weet Herrie – Herrie sal nie klokkie lui nie, want Herrie se fiets het nie ‘n klokkie nie.

Maar mense kry soms lag vir Herrie omdat hy nie sommer skrik nie.. Nee, daarvoor is Herrie te stadig. So ‘n kwartier later, as Herrie begin besef hy moes eintlik geskrik het, is dit gans te laat.

Amper soos die man van Stellenbosch wat berug was oor hy so bang was. Hy het naderhand ‘n hele kompleks oor almal hom as so bang beskou en hy die bynaam Bibberbeentjies gekry het. Toe hy en sy gesin in die wildtuin kom, ry hy na ‘n plek waar mens baie ver kan sien. Daar word stilgehou, en die wêreld goed bespied. Vroulief kry die kamera reg, en ta spring uit tot vlak langs die motor, waar vroulief hom glimlaggend verewig. Skaars het die kamera gekliek, of hy is ewe haastig terug in die motor.

Na die vakansie word sy vriende oorgenooi, en hulle wys die skyfies van die vakansie teen ‘n wit muur. Toe daai skyfie aan die beurt kom, sê die bange: “En hier staan ek in die veld in die wildtuin.” Hy skuif ook nie sommer gou aan na die volgende skyfie nie, sodat sy dapperheid goed by sy gaste insink.

Maar toe kom daar ‘n stem: “Bibberbeentjies, is dit nie ‘n leeu wat daar agter jou lê nie?”

“Waar? Waar?” vra Bibberbeentjies benoud.

En sowaar, as mens mooi kyk kan mens vuilbaard uitmaak waar hy ‘n paar treë van Bibberbeentjies in die gras lê.

Maar teen daardie tyd lê Bidderbeentjies so uit soos ‘n kers.

Данильченко

Dankbaarheid teenoor die Janjaweed

Afrikaners behoort die Janjaweed van die Soedan vir ewig dankbaar te wees. Dit is grootliks as gevolg van hulle toedoen dat daar ‘n referendum in die Soedan gehou is, met die oog op die afskeiding van die suidelike deel van daardie land van die noorde. Dit lyk asof Afrika se grootste land binnekort nie meer een land sal wees nie, en of die suidelike, swart deel van die land sy onafhanklikheid gaan bekom, omdat die stemme ten gunste van afskeiding oorweldigend blyk te wees.

Die onafhanklikheid van Suid-Soedan, of wat ook al die nuwe land genoem gaan word, vee alle besware teen selfbeskikking vir Afrikaners van die tafel af. Suid-Soedan het byvoorbeeld nie seetoegang nie, ‘n flouerige beswaar wat dikwels teen ‘n volkstaat geopper word. Ek wonder terloops waarom kla niemand dan oor Botswana, Swaziland of Lesotho se bestaansreg op dieselfde gronde nie? Afrikaners as volk se bruto nasionale produk verdwerg die gesamentlike BNP’s van Suid-Soedan, Lesotho, Botswana, Lesotho, Zimbabwe, Mosambiek en Swaziland s’n saam.

So ook is daar ‘n hele aantal verskillende stamme en taalgroepe in Suid-Soedan, wat nog ‘n gunsteling-verskoning is van diegene wat hulself blind hou vir die onafwendbaarheid van selfbeskikking vir Afrikaners. Daar gaan beslis nog konflik wees tussen suid en noord, omdat die Janjaweed nie bloot net sal verdwyn nie. Hoe dikwels moet mens die absurde verskoning aanhoor dat ‘n Afrikaner-volkstaat kwansuis ‘n sekerheidsprobleem op sy grense sou hê? Die vernietigende reaksie daarop is natuurlik dat ek eerder ‘n sekerheidprobleem op my land se grense het as wat ek een het op my eie woonerf, soos wat ons tans in die misdaad-besmette Nuwe Suid-Afrika moet verduur.

Daar is, kortom, geen beswaar teen selfbeskikking vir Afrikaners meer moontlik nie, sonder dat die persone wat dié beswaar sou opper, hulself skuldig maak aan die grofste dubbele standaarde denkbaar nie. Waarom mag die swart Soedanese oor hulself beskik, maar Afrikaners word nie daardie voorreg gegun nie? Ons word immers, nes die swart Soedanese, uitgemoor deur die ANC se eie weergawe van die Janjaweed en onderdruk deur rassistiese praktyke soos regstellende aksie, nes die Moslems in die Soedan die animiste van die suide onderdruk het.

Die enigste vraag wat myns insiens oorbly, is watter vorm selfbeskikking vir Afrikaners moet aanneem. Dit is dus nie meer óf nie, maar hóé.

Natuurlik moet mens kennis neem van die demografiese en geografiese realiteite van Suid-Afrika, en jou oplossing binne daardie parameters bedink. Dit raak byvoorbeeld elke jaar moeiliker om ‘n groot gebied waar Afrikaners die meerderheid is, af te baken, en dit lyk onwaarskynlik dat daar ‘n grootskeepse verhuising van Afrikaners na die woestyngedeelte van die land sal wees. Juis om hierdie rede is dit belangrik dat mens die begrippe selfbeskikking en volkstaat skei, al word hulle dikwels as sinonieme gebruik. Selfbeskikking, na my mening, hoef nie onmiddelik ‘n geografiese gebied te impliseer nie, alhoewel die meeste mense seker sou saamstem dat ‘n geografiese gebied, ‘n volkstaat, eerste prys sou wees. ‘n Groot mate van selfbeskikking is tog moontlik sonder ‘n onafhanklike land. Wat verhoed Afrikaners om oor sake van eiebelang te besluit, soos veiligheid, opvoeding en gesondheidsorg? Daar is internasionale presedente vir volke sonder ‘n onafhanklike grondgebied, maar met ‘n groot mate van outonomiteit.

Nóg die Palestyne, nóg die Baske in Spanje het byvoorbeeld tans hul eie, onafhanklike lande. Die Palestyne op die Wesoewer se situasie is baie soortgelyk aan dié van Afrikaners, omdat daar Joodse nedersettings op die Wesoewer tussen die Palestyne is. Nietemin is die Palestynse Owerheid onafhanklik van Israel, word hy deur die Palestyne verkies, en vorder hy belasting in van die Palestyne. Ek kan geen rede sien waarom Afrikaners nie ook ‘n Afrikaner-owerheid kan verkies, en dat ons belasting aan so ‘n owerheid kan betaal nie, wat dit op ons belange moet spandeer.

Ek verwys doelbewus na belasting, want myns insiens is ‘n eie owerheid, wat ons belasting vorder en dit op ons belange spandeer, die belangrikste stap wat ons kan neem na selfbeskikking. Sodra ons belasting op ons eie belange spandeer word, in teenstelling daarmee om die ANC se kakistokrasie te verryk, is die res eintlik detail. Afrikaners se belasting sal byvoorbeeld onmiddelik vir ‘n professionele Afrikaner-polisiemag betaal, wat die veiligheidssituasie in ons buurte onmiddelik met 1000% sal verbeter. Met ons eie belasting wat vir ons belange gaan, is ‘n Afrikaner-universiteit en volkseie skole ‘n gegewe.

Daar is selfs met ‘n Afrikaner-owerheid uiteraard baie detail om te bedink, soos hoe om te maak met infrastruktuur wat in beide die Afrikaners en die res van die land se volke se belang is (betaal die Afrikaner-owerheid sy deel van die projekkostes, byvoorbeeld?) As gevolg van my vorige betrokkenheid by ‘n mislukte poging om ‘n Afrikanerraad te verkies, staan ek ook uiters skepties teenoor ‘n verkiesing van ‘n owerheid op hierdie voortydige stadium. ‘n Kameel is ‘n perd wat deur ‘n komitee ontwerp is, en ek glo nie dat ‘n verkose komitee tans die regte benadering is nie, siende hoe komitees dikwels verlam word deur binnegevegte en dikwels sukkel om saam ‘n werkbare visie te vorm. Dit vereis eerder visioenêre, indien nie rewolusionêre leierskap nie, met die vermoë om strategies te dink. Sulke leierskap word helaas nie sommer net verkies nie, en of ‘n komitee dit kan oplewer, is vir my geensins seker nie.

Die Nubiërs van suidelike Soedan het egter vir ons die pad gewys. Wat ‘n Nubiër kan vermag, kan ‘n Boer sekerlik ook. Waarvoor wag ons?

hair headbands

Nog nat agter die ore

Hoe meer dae, hoe meer goggas broei op die Nasionale Jeugagentskap se spore uit.

Dat dié omstrede instelling se sake ondersoek moet word, is voor die hand liggend, en die klagtes wat die Vryheidsfront Plus Jeug by die Openbare Beskermer gaan lê het, is noodsaaklik.

Dit is reeds bekend dat die belastingbetaler en die Nasionale Lotery groot bedrae gehoes het vir ‘n internasionale jeugberaad, wat meer na ‘n saamtrek van Marxisties-geörienteerde jeug gelyk het.

Onder die mees sorgwekkende aspekte is dat dit blyk dat die reiskoste van die Kubaanse afgevaardigdes na Suid-Afrika betaal is. Dit volg kort op die nuus dat Suid-Afrika ook Kuba se aansienlike skuld aan Suid-Afrika afgeskryf het.

Wat nou gebeur is dat ‘n ekonomie met moontlik tot 40 % werkloses en ‘n groot deel van die werkerskorps wat werklik min verdien, ‘n land wat sy eie ekonomie beperk deur ‘n kommunistiese beleid te volg, help dra. Kuba se ekonomie is tradisioneel hoofsaaklik gedra deur die ou Sowjet-Unie wat Kubaanse suiker teen aangepaste pryse ingevoer het.

Ironies is daar nou kort-kort afvaardigings in Kuba om te gaan kers opsteek oor hoe dié mislukte staat dinge doen. Van die vermaning dat as een blinde ‘n ander blinde lei, beide in die sloot gaan val, is blykbaar nog nie gehoor nie.

Nog ‘n bewering wat ondersoek moet word, is dat die kunstenaars wat by die jeugfees op die koste van die belastingbetalers opgetree het, toevallig bereid was om gratis by ‘n partytjie van Julius Malema op te tree.

Oor die noodsaaklikheid dat ‘n jeugagentskap moet bestaan, veral waar die topbestuur skynbaar net as indiensnemingspunt vir die ANC se jeugliga dien, kan nog gedebatteer word. Wat dit betref staan die jeugagentskap immers nie alleen nie, en lyk dit of Limpopo se Pleknamekomittee eintlik dieselfde doel dien.

Die feit is egter dat die jeugagentskap nie ‘n grondwetlike liggaam is nie, anders as byvoorbeeld die Kommissie vir die Beskerming en die Bevordering van die regte van taal-, godsdiens- en kultuurgemeenskappe, Pansat en ander. Veral die eerste kom weens gebrekkige befondsing nie op dreef nie.

Die vraag kan dus gevra word of die regering nie met hierdie skeeftrek self die grondwet willens en wetens minag nie.

Wat is die doel van jou lewe?

Een van die mees fundamentele vrae wat elke mens homself kan vra, is: “Wat is die doel van my lewe? Waarom is ek hier? Dit baat jou nie veel om andere te vra wat die doel van jou lewe is nie. Hulle gaan jou antwoord uit hulle perspektief uit – wat hulle glo die doel van jou lewe behoort te wees.

Oor die millenia heen het verskeie profete ontstaan wat gepreek het wat die antwoord op hierdie vraag behoort te wees. Hulle het basies ‘n moraliteit probeer neerlê vir die mens. Hoe jy behoort te lewe, waaraan behoort jy jou lewe toe te wy? Uit die gedagtes van hierdie mense het daar basies drie gedagtestrominge ontstaan:

Eerstens: Jou lewe behoort aan God. Die goeie is om jou toe te wend en jouself op te offer in Sy diens. Daar is baie voorbeelde van mense wat deur die eeue hierdie waardestelsel tot die uiterste gevoer het, soos Moeder Theresa. Ek het ook ‘n NG predikant geken wat in die swart woonbuurt van Mamelodi gaan woon het, sodat hy tussen sy gemeentelede kon wees en soos hulle kon leef.

Ons het ook onlangs besoek ontvang van ‘n jong man wat hier in Amerika kom sendingwerk doen het vir sy doktorale studies in Teologie. Sy permanente woonplek is in Sunnyside in Pretoria tussen duisende Nigeriërs, omdat hy in sy hart geroepe gevoel het om hulle te bekeer to God se evangelie. Mense soos hy glo in hulle diepste wese dat hulle op aarde geplaas is om God te dien, en hulself op te offer in Sy diens.

Ek het respek vir hulle, omdat hulle die integriteit het om te leef volgens die waardestelsel waarin hulle glo. Maar daar is ook baie vals profete. Meeste van die predikante van die NG kerk het in die jare van apartheid die apartheidsdoktrine van die kansel af verkondig. Hulle het Apartheid in hulle kerke toegepas. Het hulle werklik geglo dat apartheid God se wil was, of het hulle dit bloot verkondig omdat hulle feitlik deur die bank aan die Broederbond behoort het, en dit die beleid van die Broederbond was?

Hulle het vir hulself praalpaleise vir kerke en wonings gebou waar hulle soos konings geleef het, terwyl die land vol armes was wat skaars kos kon bekostig. Toe die Broederbond besluit dat apartheid ‘n fout was, het hierdie ruggraatlose wesens op ‘n streep verskoning gevra vir apartheid! Het hulle in die eerste plek God gedien, of hulself? Was hulle weinig meer as lakeie van die Broederbond? Baie van die skoolhoofde van afrikaanse skole was ook lede van die Broederbond.

My dogter het my een aand vertel dat daar by die skool vir hulle gesê is dat God hulle in Suid-Afrika geplaas het met ‘n doel. As hulle deur die swartes vermoor word, was dit God se doel en hulle moet dit so aanvaar. Watter loutere Broederbond-snert! Dis die aand wat ek besluit het om te gee pad uit Suid-Afrika. Ek gaan nie my kinders opoffer aan Broederbond-propaganda wat sê dat dit God se wil was dat hulle moet sterf in Suid-Afrika nie.

Tweedens: Jou lewe behoort aan jou medemens. Die goeie is om jouself op te offer ter wille van die geluk van ander mense op aarde. Dit is Karl Marx en alle sosialiste se uitgangspunt. Jy moet opoffer ter wille van die meerderheid. Die regte van die meerderheid tel meer as jou persoonlike geluk.

Dit word foutloos weerspieël in hierdie aanhaling uit die politieke program van die Nasionale Sosialistiese Werkers Party van Duitsland (Nazis): “Die aktiwiteite van die indiwidu moet nie toegelaat word om te bots met die belange van die meerderheid nie, maar moet gerig wees op wat goed is vir almal.” Wie sou bepaal wat “goed is vir almal”? Die sosialiste natuurlik!

Dit is die uitgangspunt van die sosialiste wat vandag die ANC in Suid-Afrika opmaak. Die witmens in algemeen, en die Afrikaner in besonder, moet sy eie geluk opoffer ter wille van die meerderheid. Die Afrikaner moet nie agiteer vir ‘n Volkstaat nie, want dan sal hy homself nie langer opoffer ter wille van die arme, meerderheid swartes nie! Glo aan hierdie beginsel, dan jy glo dat jy soos een of ander slagdier op een of ander altaar aan jou medemens opgeoffer moet word! Verstaan die waardestelsel van die ANC en jy sal verstaan watter opdraende pad dit gaan wees om met hulle te onderhandel!

Derdens: Jou lewe behoort aan jouself. Jou eerste plig is teenoor jouself (en die mense wat lief het). Die goeie is om jou lewe te lei soos jy goed dink! Jou persoonlike geluk moet eerste kom in jou lewe. Is dit selfsugtig? Ja! Maar is dit nie net menslik om eerste vir jouself te sorg nie? As dit selfsug is, is daar eerbaarheid in selfsug!

Ten minste sover as selfsug beteken dat jy in die eerste plek jou persoonlike belange op rasionele wyse nastreef. (Om te roof en te steel is nie rasioneel nie.) Smag jy na ‘n Volkstaat waar die Afrikaner homself kan wees en sy kultuur kan bewaar? Wil jy nie jouself en jou kinders opoffer ter wille van die geluk van die massas minder bevoorregtes nie? Jy is selfsugtig! Maar daar is eerbaarheid in jou selfsug. Erken dit teenoor jouself en jy sal beter verstaan hoe om met die sosialiste in die ANC te onderhandel.

Wat is jou moraliteit? Aan wie behoort jou lewe? Dis ‘n vraag wat elke mens net vir homself kan antwoord. Besluit vir jouself en leef dan volgens jou eie waardestelsel. As jy voorgee om een waardestelsel te hê, en dan nie daarvolgens lewe nie, is jy ‘n ruggraatlose tweegesig. Maar aanvaar dat jy waarskynlik altyd in die minderheid sal wees as jy werklik volgens jou eie waardestelsel leef. As jy liewer in die meerderheid wil wees, volg al die Naspers koerante wat verkondig dat die Afrikaner nie ‘n aparte volk is nie, maar slegs Suid-Afrikaners is wat toevallig Afrikaans praat en ondersteun die DA!

Laat my asseblief toe om af te sluit met my gunsteling aanhaling van Ayn Rand: “For centuries the battle of morality was fought between those who claimed that that your life belongs to God and those who claimed that it belongs to your neighbors – between those who preached that the good is self sacrifice for the sake of ghosts in heaven and those who preached that the good is self sacrifice for the sake of incompetents on earth. And no one came to you to say that your life belongs to you and that the good is to live it.”

Arbeid raak ‘n al groter probleem

Die amptelike werkloosheidsyfer in Suid-Afrika – volgens die kommunistiese ANC regering – is 24%. Die VN skat dit op 47% maar die werklikheid is seker oor die 50%-merk omdat die VN nie mense tel wat al opgehou het om werk te soek nie. Ook sal dit moeilik wees om al die onwettige immigrante in sulke navorsing te kan opspoor en by te tel. Hulle getalle is reeds hier by die 13 miljoen geskat. Die konsensus is nietemin dat daar baie mense sonder werk sit, en hul raak daagliks meer. Die gevolglike misdaadsyfer – ook misleidend laag geskat deur die propagandamasjien – styg ook.

Oral waar mens in dorpe kom, sit daar swartes langs die strate en “werk” soek. Meeste soek eintlik net geld, nie werk nie. Hulle sal enige klein werkie wat aan hulle uitgedeel word, tot in lengte van dae rek. Dan kom bedel hulle nog geld, kos, en ander “byvoordele” sodat hulle waaragtig die werkgewer tot op die laaste kan droogsuig. Blankes wat by verkeersligte bedel, met dalk ‘n armsalige vroutjie en kind wat op die middelmannetjie sit om verdere oortuiging van hul swaarkry te verleen, raak ook al hoe meer algemeen.

Die geskatte 800 000 blanke plakkers is ook dikwels in die nuus. Selfs oorsee verlustig die media hulle daarin om programme te maak waar die eens magtige blanke volk van Suid-Afrika nou hul heenkome in plakkerskampe moet gaan soek. Volgens berigte is die situasie in dié plekke maar benard; mense kry nie werk nie, hulle sukkel om kos op die tafel te sit, blyplek is skaars en ellende blyk die arme mense se lot in die lewe te wees.

Met die naasteliefde wat die Christen blanke meestal kenmerk, oorweeg baie werkgewers dit deesdae om werk aan behoeftige blankes te voorsien, om sodoende hul lot te verbeter of om ten minste die daaglikse las vir hulle bietjie ligter te maak. Op verskeie konserwatiewe webtuistes is daar al hoe meer advertensies of berigte waar blanke maatskappye of boerderye blankes in diens wil neem. Ook in die baie min konserwatiewe koerante in hierdie land sal mens dikwels advertensies vir blanke poste sien.

En met al hierdie verskynsels, onthou ek nog duidelik die woorde van ‘n oud-Rhodesiër wat in 1989 vir my vertel het dat die ergste ding van ‘n swart regering en van ‘n vervalle blanke staat is dat soveel blankes erger en slegter as die swartes raak. Hulle daal tot op die vlak – en dikwels laer – as ‘n slegte swarte.

Nou ja, dit het ek weer verlede week – vir die tweede keer in die afgelope drie jaar – ervaar toe ek twee blanke manne in diens neem hier op die plaas. R2000 per maand, plus twee stelle werksklere, gemeubileerde verblyf met krag en water, gratis wasgoed wat vir hulle gedoen word, selfoon, twee-rigting radio, kruideniersware en kos en drinkgoed om hulle aan die gang te kry.

In die fleur van hul lewe, 30 en 38 jaar oud. Gesond, fris, met albei hande, oë, bene, longe en ore. Alles, so het ek in my onkunde gedink, om ‘n eerlike dag se werk hier op die plaas te kan verrig. Maar helaas, die werksetiek, die werkstrots, die sin vir verantwoordelikheid, die selfdisipline, dit is ongelukkig van die meer belangrike eienskappe wat ontbreek het. Slegter as ‘n swarte sê ek jou, slegter! Sonder die vermoë om agter hulself skoon te maak en op te ruim, sonder die wil om ‘n trots in hulself te betoon, sonder inisiatief, sonder ‘n eelt of ‘n blaas op hul sagte handtjies. Siestog. Maar as hulle in die oggend inval, dan is die bakhande al reeds in plek: lugtyd, suiker, doktorsafspraak, ‘n vleisie, noem maar op.

Nou ja, ek kners op my tande, ek verduidelik, ek praat mooi, ek praat hard, ek probeer die selfrespek in hulle opwek. Aikôna, hier is die kole reeds koud, geen vlam maak nog lig in hul duisternis nie. Take bly agterweë, gereedskap word sommer in die veld gelos, gasstoof brand 3 ure lank, totdat die ketel swart gebrand is. ‘n Ander man betaal mos die gas en die skade. Ek is 50 jaar oud, ‘n spesifieke taak neem my 2 ure, dit neem hulle ‘n hele dag en dan is dit half gedaan. Kom staan soms by die klein hek: “Wat moet ek nou doen meneer?”. Ek roep dikwels smôrens op die radio: “Waar is julle kerels, dis al 07h15!?” Dan wil een weet of hy sy “quad” fiets plaas toe kan bring. Dan wil die ander weet wanneer kry hulle betaling. Ai!

Ek is geleer: eers werk dan betaling, dan die beloning. Eers prestasie, dan bevordering. En soms werk jy jou agterent af, en die beloning bly buite jou bereik, aanvaar dit, die lewe werk soms so. Maar dit voel vir my dis te lank terug dat ek so geleer is, dit voel vir my alles het verander. Deesdae hoef jy nie te werk nie dan kry jy al toelaes, of jy kry vooruitbetaling, of jy konkel bietjie en maak ‘n wavrag vol geld sonder om té hard daarvoor te gewerk het.

Nou ja, ek is nie juis vir my geduld bekend nie. Na twee weke is dié ook op en moet óf harder gepraat word óf die twee manne moet maar hulle dingetjies – al drie plastieksakkies daarvan – oppak en die rit dorp toe weer aangepak word.

Dis tyd manne, klim. ‘n Kans is julle gegun en nou’s dit verby. Slegter as swartes sê ek jou, slegter.

Hulle afskeidswoorde? “Kan meneer dalk vir ons R100 leen, net vir busgeld asseblief.”

сауна банька Лобановский Харьков

NYDA aangekla

Die VF Plus-jeug het vandag ‘n klag by die Openbare Beskermer (OB) ingedien, waarin gevra word dat beweerde ongeruimdhede rakende die Nasionale Jeugontwikkelingsagentskap (NYDA) ondersoek word.

“Die NYDA verkry hul mandaat in gevolge Wet 54 van 2008 wat onder andere bepaal dat hul jeugontwikkeling moet uitvoer. Die NYDA is volgens die VF Plus-jeug tans nie besig om aan daardie mandaat uitvoering te gee nie, maar mors eerder miljoene rande van belastingbetalersgeld. Daar is bewerings van talle ongeruimdhede rakende die aanstelling en salarisse van die NYDA se raad en amptenare en ook van wanbesteding van fondse met betrekking tot die onlangse Wêreldfees vir Jeug en Studente wat R69 miljoen gekos het,” het Wouter Wessels, die VF Plus-jeug se woordvoerder gesê.

“Die feit dat die NYDA se Hoof Uitvoerende Beampte, Steven Ngobeni, onder die indruk verkeer dat die Nasionale Intelligensie Agentskap (NIA) die registrasiegelde tydens die Wêreldfees ingevorder het, terwyl NIA dit ontken, spreek van totale chaos, wanbestuur en moontlike korrupsie,” het Wessels bygevoeg. Die vraag kan ontstaan waar hierdie geld heen is.

Die VF Plus-jeug het in sy skrywe aan die OB gevra dat die volgende ondersoek word om te bepaal of aan alle wetlike vereistes voldoen is:

· Die wanfunksionering van die NYDA en die feit dat die agentskap nie binne hul mandaat in gevolge Wet 54 van 2008 funksioneer nie;

· Die totale finansiële implikasie van die aanbieding van die Wêreldfees vir Jeug en Studente met betrekking tot die toekenning van tenders vir diensverskaffers, die inkomste wat deur registrasiegelde gegenereer is of moes word en alle uitgawes wat ter voorbereiding en tydens die aanbieding van die fees aangegaan is. Daar moet bepaal word of die korrekte tenderprosedures gevolg is of nie;

· Die R5,6 miljoen wat na bewering vir die vervoer van 262 Kubaanse afgevaardigdes aangewend is;

· Die kunstenaars wat uit die fees se begroting betaal is en na bewering gratis by Julius Malema se partytjie opgetree het;

· Die salarisvlakke en –strukture van die betaalde amptenare (insluitende die HUB en die nasionale voorsitter) van die NYDA asook die vergoeding (reis- en verblyftoelae) wat aan lede van die nasionale raad en ook die provinsiale rade betaal word.

“Dit is onaanvaarbaar dat die regering nie daadwerklik ingryp om die wanorde wat by die NYDA heers stop sit nie,” het Wessels gesê. Die VF Plus sal voortgaan om druk op die NYDA uit te oefen, tot dit reg funksioneer of ontbind word.

Фильчаков прокурор