Dan Roodt, Author at praag.co.za

ANC verwelkom NGV-besluit oor myners

Die ministerie van justisie het Sondag die nasionale vervolgingsgesag (NVG) se besluit om die moordklagte teen 270 Lonmin-mynwerkers te laat vaar, verwelkom.

“Ons verwelkom die besluit maar sal vir die formele verslag wag, soos versoek,” het Jeff Radebe, minister van justisie, gesê.

Die polisie het op 16 Augustus tydens ‘n betoging op ‘n heuwel naby Lonmin se Marikana-myn in die Noordwes op stakende mynwerkers geskiet. Altesaam 34 mynwerkers is in die botsing dood, en 78 gewond.

‘n Groep van 270 mynwerkers is in hegtenis geneem en aanklagte van onder meer moord is teen hulle gebring.

Die ANC het ook die nuus dat die werkers nie meer op moordklagte tereg sal staan nie, verwelkom.

“Hierdie besluit sal die Kommissie van Ondersoek wat deur die president in die lewe geroep is, toelaat om sy werk te doen, en dit sal die polisie help om voort te gaan met hulle ondersoeke,” het Jackson Mthembu, woordvoerder vir die party, gesê.

FW wil sy geldsake geheim hou

Oudpresident FW de Klerk sal sy regstryd voortsit om besonderhede oor sy geldsake uit die openbare oog te hou, het Rapport Sondag berig.

Die voormalige staatshoof se skoondogter, Nicole Noordien, is besig om van De Klerk se seun, Willem, te skei.

Sy eis tans R33 000 per maand se onderhoud van De Klerk, snr., omdat sy seun nie die toelae gereeld betaal nie, het die koerant berig.

‘n Landdros in Randburg het beveel dat De Klerk teen Maandag besonderhede oor sy geldsake moet voorlê. Die Suid-Gautengse hooggeregshof het egter ‘n dringende aansoek deur De Klerk toegestaan waarin hy gevra het dat sy finansiële posisie nie openbaar gemaak word nie.

Die interdik is slegs toegestaan hangende die uitslag van ‘n hersieningsproses in dieselfde hooggeregshof.

De Klerk het in hofdokumente beweer hy ondersteun sy seun en twee kleindogters finansieel sedert die egskeiding. Die geld is afkomstig uit die Fredek-trust, wat vir sy kinders en kleinkinders opgerig is.

“Ek verwag my verskyning in die Randburg-hof sal wye publisiteit lok en die gepaardgaande kommentaar kan ‘n negatiewe impak op my privaatheid en reputasie hê,” het hy volgens Rapport in hofdokumente gesê.

Beide oudpresident De Klerk en sy seun sal Maandag weer in die Randburg-landdroshof verskyn.

прокурор Фильчаков

Franse vrou sterf aan dwelmoordosis by SA-ambassade

Aanklaers het ‘n ondersoek Sondag geopen na die dood van ‘n jong Franse vrou by die woning van ‘n Suid-Afrikaanse diplomaat in Parys, het ‘n bron gesê. Dit was glo aan huis van die eerste sekretaris, FK Matras, maar praag.co.za kon nie bevestiging kry nie. Daar was glo ses mense by die geselligheid teenwoordig.

‘n Nadoodse ondersoek sal plaasvind Maandag, het die bron gesê, nadat die vrou se liggaam by die diplomaat se huis Saterdag ontdek is.

Polisiebronne het gesê volgens Europe 1-radio het die 26-jaar-oue vrou ‘n partytjie by die diplomaat se huis bygewoon en ophou asemhaal nadat sy gaan slaap het Saterdagmiddag.

Die bronne het aan die radiostasie gesê dat partytjie-gangers beweer het dat die vrou dwelms geneem het, insluitende kokaïen. Die Franse polisie sal die ook die oorsprong van die dwelms ondersoek en ‘n saak is geopen by die Paryse hof.

Die eerste sekretaris word beskerm deur diplomatieke immuniteit, maar het reeds aangedui dat hy sal saamwerk met die ondersoekers. ‘n Toksilogiese ondersoek sal Maandag tesame met die lykskouing onderneem word, het die Franse owerhede gesê.

“Dit is nog nie op hierdie stadium nodig om enige persoon in hegtenis te neem nie,” het die bron verklaar.

Boere is nie ryk nie

“Dit is tyd dat die breë Suid-Afrikaanse bevolking ophou met onbillike kritiek op ons kommersiële boere en hulle belangrike bydrae begin besef. Dit is ook nodig dat die propaganda mites dat dit baie goed gaan met die kommersiële boere en die rassistiese stelling dat ‘alle wit boere ryk is’, die nek ingeslaan word,” het dr. Pieter Mulder, adjunk-minister van landbou, bosbou en visserye gesê.

Dr. Mulder was die naweek die spreker by die Dorpers Skaaptelersvereniging se jaarlikse prysuitdelingsfunksie by Hartebeespoort. Die geleentheid is ook bygewoon deur ‘n besoekende groep landbouers van Brasilië en landbouers van Zimbabwe.

“Die feite is dat meer as 50% van die Suid-Afrikaanse kommersiële landbouers ‘n jaarlikse omset van minder as R300 000 het. So ‘n boerderye werk op ‘n verlies uit of het ‘n baie lae winsgrens. Slegs 5400 of ongeveer 12% van die landbouers het ‘n omset van meer as R2 miljoen per jaar. Dit is gelyk aan ‘n gemiddelde besigheid in die sakebedryf,” volgens Mulder.

Dr. Mulder het daarop gewys dat Minister van Ekonomiese sake, min. Patel onlangs daarop gewys het dat 95% van alle voedsel wat in Suid-Afrika geproduseer word, deur die kommersiële boere geproduseer word. “Dit maak hulle van uiterste strategies belang as oor die toekoms en oor politieke stabiliteit in Suid-Afrika in die toekoms gepraat word,” het dr. Mulder gesê.

Hy het ook daarop gewys dat 40% van alle beeste in Suid-Afrika deur klein- en bestaansboere in Suid-Afrika besit word. Hierdie boere maak egter slegs ‘n 5% bydrae tot vleisproduksie in Suid-Afrika. “Met ‘n bietjie moeite en hulp kan hierdie sektor ontwikkel word om ‘n groter bydrae te maak en terselfdertyd te help om armoede in die landelike gebiede te verlig” het Mulder gesê.

лобановский обыск

Hoggenheimerslawe en Godwin se wet

Vir verkrampte linkse apparatsjieks wat danksy ‘n hongerloon ons Hoggenheimermediabase gelukkig hou, was die Marikana-massamoord gelukkig geen intellektuele uitdaging nie.

Danksy Godwin se wet wat lui Reductio ad Apartheidum, is hulle gevrywaar van enige iets wat nie op ‘n emosionele analogie staatmaak nie. “Denke” deur analogie is weliswaar ‘n ou Engelse kwaal, maar die siekte floreer skynbaar in Afrika waar logika al eeue lank met meer as gesonde wantroue begroet word.

Dis weer ‘n Sondag op die analogiefront wat nie teleurstel nie. Van Pierre de Vos tot Ferial Haffajee en Mandy de Waal, het almal Godwin fluks afgestof om ‘n identiteitskrisis wat soos ‘n karbonkel tussen die reëls uitstaan, te salf.

Daar is seismiese internasionale verwikkelinge wat uiteindelik hierdie intellektuele eensellige diere self onder die indruk sal bring van hoe ver onder in die voedselketting hulle verkeer, maar hulle tik en twiet nog lustig uit die spysverteringstelsel van hul opperwese.

Daar in die krimpende beskerming van die modderpoeletjie van verbete linksheid, is die stryd om suurstof fel.

Mandy de Waal lewer weer uitmuntende bewys van die vermoë om geen behoorlike navorsing te doen nie, of dalk die navorsing wat gedoen is te begryp nie. Sy het darem die Grondwetter De Vos om na te volg op sy blinde weg na ‘n stamregstelsel.

Dié twee het uitgewyk na die linkerlinksheid van digte modder, te wete Daily Maverick, wat slagspreuke soos “brein-porno” by hul artikels plaas. Inderdaad.

Haffajee in Citypress weer, sien Cyril Ramaphosa in kakieklere in haar geestesoog, terwyl sy teks laat fabriseer oor Malema se haat teenoor die “Boere-mynbase”.

Regtig? Boere-mynbase? Vergesigte van Cyril in kakie kan seker nog deug, aangesien die kode nie heeltemal net AWB impliseer nie.

Dis ook die kleur van die welaf kolonialis se uitrusting wat oor sy gealkoholiseerde gemmerlim die kim van sy plundertog bewonder. Dus, die Engelsman se bosuitrusting, asook sy Afrikaanse troetelnaam, is kakie par excellence, as’t ware aan die AWB bemaak.

As sy nog geskryf het oor die “two-tone”-hemp, sou sy seker meer in die kol gewees het. Maar ek wil nie tot haar verwarring bydra nie.

En hier sou ‘n analogie helaas nie oorbodig wees nie: Haffajee se kulturele kodes is so deurmekaar soos groentebrei in ‘n tuimeldroër. Waar haar identiteitskrisis haar in die steek laat, het sy darem ‘n klank van uiterste verontwaardiging behou, musiek in die eensellige wese se oor.

Terug na De Waal wat geen snars omtrent wette en hul oorsprong verstaan nie. Om haar daarop te wys dat die een “apartheidswet”, die een oor “gemeenskaplike doel”, nie die enigste een uit die verlede is nie, sal net tot haar ontnugtering lei, aangesien sy blykbaar nie verstaan dat dit vir die meeste wette in Suid-Afrika geld nie.

Die “gemeenskaplikedoel”-leerstelling dateer eeue terug na die Engelse reg, terloops. Maar vir iemand wat reeds só ‘n gebrekkige begrip van ons regstelsel het, sal dié feit net ‘n onnodige uitdaging stel.

Selfs De Vos is nie so dom nie. Dis net sy logiese agterstand wat hom lelik in die steek laat as hy ons omtrent die “pre-demokratiese era” inlig. As De Vos eendag wakkerskrik in ons post-demokratiese era, en die kompos ruik, moet hy tog sy besware of nie, teen ‘n stamregstelsel lug. Wat is sy beswaar teen die NVA (Nasionale Vervolgingsgesag) wat die myners aankla nou eintlik? Dat wette op die wetboek toegepas word, of dat swartes dom is? Want wat op aarde beteken “uit-hulle-diepte-aanklaers”? Is dit die nuwe beskrywing vir “swart”?

Polemiek in Europa rondom Franse essayis se ‘lof aan Anders Breivik’

‘n Bekende Franse skrywer van 50 boeke, Richard Millet, het ‘n week gelede “losgetrek” en ‘n verdoemende kritiek op die nuwe wêreldorde, globalisering en die multikulturele samelewing gepubliseer waarin hy meen “Noorweë verdien Anders Breivik”.

Millet se opstel, “Letterkundige lof aan Anders Breivik” (Éloge littéraire d’Anders Breivik, op 24 Augustus uitgegee deur Editions Pierre de Roux), is saam met ‘n tweede stuk oor die agteruitgang van die Franse taal en invloed in die wêreld gebundel. Enkele dae tevore het hy nog ‘n lywige opstel oor “Antirassisme as letterkundige terreur” gepubliseer.

Tydens ‘n radio-onderhoud met die bekende Franse filosoof en openbare figuur, Alain Finkelkraut, het Millet gesê dat hy hom onlangs alleen op die voorstedelike moltrein as “enigste blanke” bevind het. Daarom het hy hom “uitgesluit gevoel… veral terwyl die bevolking waarin ek my bevind hoofsaaklik uit Noord-Afrikane bestaan”.

Maar dis veral vir sy opstel wat Anders Breivik se dodelike aanval op Noorweegse sosiaal-demokratiese tieners as ‘n “literêre gebaar” beskryf, waarvoor Millet onder kritiek in die pers deurloop. Daar is selfs oproepe dat hy by Gallimard, die prestigieuse Paryse uitgewershuis, afgedank moet word of dat die uitgewery se ander skrywers hul van hom moet distansieer.

In die gewraakte passasie van “Letterkundige lof aan Anders Breivik”, beskryf Millet die aanval van Breivik op die jeugdiges as ‘n vorm van “letterkundige volmaaktheid”:

“Ons wat elke dag die gebrek aan kultuur van ons inheemse Franse meet, net soos ‘n afgrond ons verwyder van die buite-Europese bevolkings wat hulle op ons grondgebied tuisgemaak het, ons weet dat ons taal bowenal daaronder ly, en tesame daarmee, ons geheue, ons bloed, ons identiteit. Behoort ons daarom Breivik gelyk te gee, onder die voorwendsel dat sy slagoffers bloot jong arbeiderondersteuners was, dus toekomstige meedoeners aan die multikulturele nihilisme? Nee: in die volmaaktheid van te skryf met ‘n aanvalsgeweer, is daar iets wat anderkant die regverdigbare lei…”

Hoewel Millet dit ten aanvang van sy opstel stel dat hy nie “die dade wat Anders Breivik op 22 Julie 2011 in Noorweë gepleeg het, goedkeur nie”, verkwalik sy kritici hom dat hy wel “geweld verestetiseer” en daarom op ‘n manier as apologeet vir Breivik optree. Die gesaghebbende linkse en intellektuele koerant Le Monde skryf op 27 Augustus:

“Waarvan praat Millet presies? Nadat hy die voorsorgmaatreël getref het deur te sê dat hy nie Breivik se gebaar goedkeur nie, roep die skrywer die ‘formele volmaaktheid’ van sy misdaad en die ‘literêre’ dimensie daarvan op. Die Noorweër sou op ‘n manier die voorhoede van Europese wanhoop verteenwoordig, in die aangesig van ‘n algemene verlies aan nasionale en kulturele identiteit. Binne agtien bladsye, resiteer Richard Millet met woede die litanie van haat wat hy reeds in ander geskrifte uitgeblaker het, veral sy boek Opprobre, wat in 2008 by Gallimard verskyn het. Millet se uitgangspunt is die verregse denke wat nie huiwer om geweld te verestetiseer nie; die skrywer maak hom geensins vir die eerste keer aan afkeer jeens ander skuldig nie.”

Hoewel krities, toon Le Monde ontsag vir die intellektuele en literêre denke wat Millet se ontleding van Breivik onderlê. Sy uitspraak oor Breivik se literêre gebaar of dan “die volmaaktheid van te skryf met ‘n aanvalsgeweer” word voorafgegaan deur ‘n beroemde aanhaling uit die surrealistiese skrywer André Breton, wat gesê dat die “eenvoudigste surrealistiese gebaar sou wees om met ‘n rewolwer in jou hand op straat te gaan en lukraak in die skare in te skiet”. Breton was polities links en ook ‘n lid van die Franse Kommunistiese Party, dus maak Le Monde insgelyks ‘n fout as die koerant die “verestetisering van geweld” as noodwendig “verregse denke” beskryf.

Van die meer konserwatiewe en liberale publikasies in Frankryk beskryf Millet se opstel oorwegend as “vreemd”. Volgens ‘n skrywer in Le Point, “moet ‘n mens jouself knyp… En ‘n mens kry hierdie man jammer wat styl het en dit op selfvernietigende uitsprake mors.”

Oorkant die Ryn in Duitsland waar die doen en late van Paryse intellektuele met voortdurende belangstelling gevolg word, het die groot nuustydskrif Der Spiegel met skok op dié jongste manifestasie van aweregse, Franse onverskrokkenheid gereageer. Benewens enkele aanhalings uit Millet se opstel, verwys die tydskrif sy lesers met ‘n skakel na die Taz-koerant wat praat van Millet se “verregse geestesverwantskap”.

Terwyl die Taz eintlik geen teenargument bied teenoor Millet se arsenaal argumente rondom multikulturalisme, wat met intense Franse intellektuele snobisme aangebied word nie, erken die koerant tog dat Millet oor ‘n bepaalde statuur in Frankyk beskik: “In weerwil van sy ongewone uitsprake, sou hierdie pamflet miskien ‘n stille dood in die Paryse boekhandel gesterf het, as die skrywer nie ‘n bekende romanskrywer en uitgewer was nie. Hy het self ongeveer vyftig boeke geskryf en wys met trots op sy vroeëre provokasies. Vandag sê hy dat hy die mees gehate skrywer in sy land is.”

Laasgenoemde uitspraak het Millet in ‘n ander, onlangs gepubliseerde opstel, “Oor antirassisme as letterkundige terreur”, gemaak waarin hy skryf: “Ek is een van die mees gehate Franse skrywers. ‘n Interessante plek om jou te bevind, wat van my iemand buitengewoon maak.”

Terwyl die aandag tans op Millet se oënskynlik vergoeiliking van Anders Breivik verkeer, laat hy hom ook sterk teen antirassisme uit. Op die reklameteks van “Oor antirassisme as letterkundige terreur”, is die volgende te lese:

“Antirassisme het die nuwe internasionale ideologie geword. In Frankryk verteenwoordig dit ‘n diktatuur van nuwe dwepers waarvan die inkwisiteuragtige drif, die skynheiligheid, die bedoeling om te verskuldig, veral in die sogenaamde literêre wêreld werksaam is en waar valsheid koning kraai. Die skrywer wat dit waag om na die werklikheid te verwys en hom op die integriteit van sy wese te beroep, asook op die Christelike voortreflikheid van die volk, word nie net in navolging van die kommunistiese propaganda as “regse” of “fascis” getipeer nie, maar hy word bowenal van “rassisme” beskuldig: die kriminalisering van denke, waarvoor hy sensuur, ostrasisme, vervolging in die hof moet verduur. Die meeste skrywers word gou stilgemaak, of oortuig om saam met die skape wat met die Goeie gepenetreer is te blêr.”

лобановский политик

China, Egipte steun Palestynse volkstaat

China en Egipte het hulle steun vir ‘n onafhanklike staat van Palestina uitgespreek, volgens ‘n gesamentlike persverklaring wat Donderdag uitgereik is.

Die onafhanklike staat moet ten volle soewerein wees, gestig op die grondslag van die grense van 1967, met Oos-Jerusalem as hoofstad, lui die verklaring. Hulle steun ook Palestina se deelname in die Verenigde Nasies en ander internasionale organisasies.

Die dokument is vrygestel nadat die Egiptiese president Mohamed Morsi se staatsbesoek van drie dae aan China Donderdagoggend vroeg ten einde geloop het.

China en Egipte ondersteun die internasionale gemeenskap in die intensivering van pogings om dialoog te bevorder, om uiteindelik die “Palestina-vraagstuk” op te los deur middel van vreedsame gesprekke op ‘n omvattende en verantwoordbare wyse.

China het Egipte se bydrae tot die bevordering van vrede tussen Palestina en Israel geloof, asook die bevordering van ‘n interne skikking in Palestina self.

Die opstellers het bygevoeg dat Egipte China se pogings ter ondersteuning van ‘n regverdige bestel vir die Palestynse volk hoog op prys stel asook die bevordering van vrede en stabiliteit in die Midde-Ooste.

Marikana-slagoffers ruk op teen onreg

‘n Protesoptog sal volgende week gehou word ter onderskraging van die Marikana-mynwerkers, het die Marikana-solidariteitskomitee Saterdag gesê.

“Die doel van die optog is ten eerste om die massamoord te veroordeel en om die onmiddellike vrylating van die werkers wat in hegtenis geneem is, te eis,” het Martin Jansen, die groep se woordvoerder, in ‘n verklaring gesê.

Jansen het gesê die komitee wil ook ‘n onafhanklike ondersoek hê na die dood van die 34 Marikana-mynwerkers.

“Ons eis ‘n onafhanklike ondersoek na die msaasmoord wat ook die getuienis van werkers by al die myne en van die myngemeenskappe insluit,” het Jansen gesê.

Pres. Jacob Zuma het intussen gesê hy sal nié die 270 mynwerkers van Marikana wat van moord aangekla word, vrylaat soos hulle regsverteenwoordigers gevra het nie.

“Die president kan nie aan dié eis gehoor gee nie,” het Mac Maharaj, woordvoerder vir die presidensie, in ‘n verklaring gesê.

“President Zuma sal nie by die werk van die Marikana-kommissie of enige ander prosesse inmeng nie, insluitend die vervolging van diegene wat met die tragedie verbind word.”

Die mynwerkers se regsverteenwoordigers, Maluleke, Msimang en Vennote, het Vrydag volgens berigte ‘n brief aan die president gestuur waarin hy gevra word om die werkers teen 13:00 Sondag vry te laat.

City Press het berig ‘n aansoek kan selfs by die hooggeregshof ingedien word om Zuma te dwing om die werkers vry te laat.

Maharaj het gesê die president sal die onafhanklikheid van alle instellings respekteer.

“Insluitend [die instellings] in die regsfeer, wat hulle verantwoordelikhede moet kan nakom sonder vrees, begunstiging of inmenging,” het hy gesê.

‘n Groep van 270 mynwerkers is in hegtenis geneem en ‘n aanklag van openbare geweld is teen hulle aanhangig gemaak.

Die Nasionale Vervolgingsgesag (NVG) het Donderdag aangekondig dat die werkers ook tereg sal staan op aanklagte van moord vir die dood van hulle kollegas.

топкарго развод

M&G, Die Burger fabriseer ‘voetewassery’ deur Dagbreekmanskoshuis

Die Mail & Guardian, asook die Kaapse Afrikanerhaatblad, Die Burger, het ‘n storie gefabriseer rondom die Dagbreekmanskoshuis aan Stellenbosch wat “vir apartheid om verskoning sou gevra het”.

Volgens ‘n inwoner wat op die Mail & Guardian en Die Burger se kommentaarafdelings geskryf het, is daar nooit ‘n stemming daaroor gehou nie en het die oudprimarius Pieter Nel so ‘n verklaring aan die media uitgereik sonder dat die inwoners in die saak geken is. Die Dagbreek-inwoner skryf:

“Ek is in Dagbreek en het nooit gestem oor hierdie saak nie. Dit is egter ons oudprimarius wat nou oorgee, wat agter ons rug gegaan het en die besluit self gemaak het. Hy het ons almal in die steek gelaat, nie om jammer te sê nie maar oor die feit dat hy nie die korrekte riglyne gevolg het om die res van die inwoners (400) eers in kennis te stel van die saak nie.

Dit is ‘n blatante leun om te sê Dagbreek vra om verskoning, dit is net nie waar nie, al was dit so deurgegee aan die pers.”

Pieter Nel en drie ander inwoners van die koshuis het aan die Mail & Guardian verklaar dat hulle “deur die optrede van die vorige veiligheidsminister, Adriaan Vlok, geïnspireer is nadat hulle hom verlede week ontmoet het toe hy ‘n toespraak rondom sy verskoning oor sy apartheidsrol gelewer het”.

Vlok het ‘n landwye opskudding veroorsaak toe hy enkele jare gelede die voete van eerwaarde Frank Chikane, ‘n radikale swart teoloog, gaan was het.

Dr. Roodt van PRAAG, wat vanoggend kritiese kommentaar op die beweerde “voetewassery” by Dagbreekkoshuis gelewer het, meen dat “indien dit die geval is dat die Mail & Guardian en Die Burger op loop gegaan het oor die studente se ‘apartheidsverskoning’ verteenwoordig dit ‘n blatante ootreding van die Perskode en behoort die huidige huiskomitee van Dagbreek ‘n klag by die Persombudsman te lê.”

PRAAG is reeds deur studente genader wat ontsteld is oor die jongste voorbeeld van vernederende politieke eise wat aan jongmense gestel word. Die aksiegroep is van plan om met studente en jongmense hieroor in gesprek te tree en hulle te oortuig om nie aan enige voetewassery in die Vlok-styl of sogenaamde verskonings vir apartheid betrokke te raak nie.

“Die Orwelliaanse heerskappy van die Leuen moet in Suid-Afrika uitgedaag word,” het dr. Dan Roodt gesê. “Sowel die koloniale mynmaatskappye in die land as linkse terroriste wat die moorddadige bewinde van Kuba, Oos-Duitsland en die voormalige U.S.S.R. gesteun het, het veel meer om oor verskoning te vra as Afrikaners of selfs die gemiddelde NP-kieser uit die verlede. Ons jongmense is ingelyks vandag die slagoffers van die rassisme en haat van die Nazi-agtige ANC-bewind. Van Die Burger verwag ‘n mens niks anders as leuens en propaganda nie, maar dis betreurenswaardig dat die Mail & Guardian hom aan so ‘n berig kan skuldig maak.”

Roodt het ‘n beroep op Afrikaanse studente gedoen om “weerstand teen propaganda en sielkundige aanvalle op die Afrikanerminderheid te bied”.

Iran: Dis die radarstelsel

Sewe maande gelede het Israel en die VSA ‘n yslike gesamentlike militêre oefening uitgestel nadat kommer oor Israel se plan om ‘n aanval teen Iran te loods, toegeneem het.

Een van die doelwitte van die oefening sou wees om “interoperationele samewerking te verbeter”

Ingeligte bronne in albei lande sê egter die oefening sal nou plaasvind maar die VSA sal hul troepe met twee-derdes verminder. Ipv 5 000 sal slegs 1 200 manskappe deelneem.

Die Patriotmissielafweerstelsel sal steeds na Israel versend word, maar nie die opgeleide personeel om dit te bedryf nie.

Die amptelike Amerikaanse verklaring is ‘n begrotingstekort, maar kenners meen die beduidende veranderinge kom agv die spanning tussen Israel en die VSA oor ‘n beplande aanval op Iran.

Gen. Martin Dempsey, stafhoofdevoorsitter, sê die VSA wil nie deelagtig wees aan Israel se besluit om Iran aan te val nie.

Een strategiese ontleder sê die vertroue tussen die twee lande is tans op ‘n laagtepunt.

Alhoewel die VSA die baie kragtige X-bandradarstelsel in die Negevwoestyn ontplooi het, mag slegs die Amerikaners die skerms van die stelsels beman. Dié reëling inhibeer tot dusver Israel se vermoë om Iran op hul eie aan te val, aangesien die VSA sewe minute vroeër as Israel waarskuwing van ‘n Iranese aanval sal ontvang. Israel se bestaande radarstelsel is nie kragtig genoeg nie.