Dan Roodt, Author at praag.co.za

Russiese professor s? Amerika sal opbreek na ekonomiese krisis

'n Professor by die diplomatiese akademie van Rusland se ministerie van buitelandse sake het gesê dat Amerika sal opbreek in ses dele as gevolg van die land se ekonomiese krisis.

Igor Panarin – wat in 'n onderhoud gepraat het wat deur Izvestia getranskribeer is – het in die onderhou gesê dat die finansiële krisis sal vererger, werkloosheid sal toeneem en mense sal hulle spaargeld verloor, alles faktore wat die land se opbreek sal veroorsaak.

"Ontevredenheid neem toe, en dit word op die oomblik net teruggehou deur die hoop dat verkose president, Barack Obama, wonderwerke kan verrig," het hy gesê. "Wanneer lente kom sal dit duidelik wees dat daar geen wonderwerke is nie"

Amerika sal in 6 dele opbreek; Stille Oseaankus; die Suide; Texas; die Atlantiese oseaan kus; Sentrale state en die Noordelike state.

Siekte te rassisties vir Kanada

'n Kanadese Universiteitstudentevereniging het besluit om nie geld te skenk aan 'n liefdadigheid wat sistiese fibrose bestry nie. Die rede? Dié siekte tref hoofsaaklik blankes en is daarom nie "inklusief" genoeg om vir 'n skenking oorweeg te word nie. Boonop is dit 'n seksistiese siekte, volgens die studente, want dit tref omtrent uitsluitlik mans.

Carleton Universiteit het gedurende hulle inlywingsweek meer as R200,000 vir liefdadigheid ingesamel. Maar volgens 'n mosie wat ingedien en aanvaar is, sal die geld net gaan om nie-rassige siektes te bestry.

Die uitvoerende hoof van die stigting wat sistiese fibrose bestry, Cathleen Morrison, sê die studente het die kat aan die stert beet. Sy sê die siekte raak net soveel vrouens as mans. Boonop is dit 'n siekte wat Kaukasiërs in 'n geheel tref, en dit sluit mense in van die Midde-Ooste, Suid-Amerika, Noord-Afrika en die Indiese subkontinent.

насосы для Фільчаков прокурор

Studie toon koste van Vigs beleid in Suid-Afrika

'n Nuwe studie deur Harvardnavorsers skat dat die Suid-Afrikaanse regering die voortydige dood van 365 000 mens vroeër die dekade kon verhoed indien hulle anti-retrovirale middels aan Vigs pasiënte voorsien het, en middels voorsien het wat voorkom het dat swanger moeders die siekte aan hulle ongebore kinders oordra.

Die Harvardstudiegroep het bevind dat die beleid ontstaan het uit president Thabo Mbeki se ontkenning van die welbekende mediese konsensus omtrent die oorsaak van Vigs en die belangrike rol wat anti-retrovirale middels speel om dit te behandel.

Nadat 'n magstryd in die ANC president Mbeki uit die kussings gelig het, het die verslag weer vrae na vore laat kom oor hoekom Mbeki, 'n man wat geloof word vir sy groot insig so beïnvloed was deur die Vigs ontkenners.

Mbekie se opvolger, Kgalema Motlanthe, het uit die staanspoor na sy aanstelling opgetree deur die Manto Tshabalala-Msimang, die minister van gesondheid, wat geglo het dat knoffel, suurlemoensap en beet werk as medikasie vir Vigs, uit haar pos verwyder.

Sy is dadelik vervang deur Barbara Hogan, wat Suid-Afrika, die sterkste land in die streek wat die swaartepunt van die wêreld se Vigspandemie is, weer na die hoofstroomdenke rakende die siekte gelei het.

"Ek kry skaam dat ons dit moet erken wat Harvard gesê het," het Hogan gesê. Sy is 'n oud-ANC -tryder wat in die apartheidstryd ook tronkstraf uitgedien het. "Die era van ontkenning in Suid-Afrika is heeltemal verby," het sy gesê.

Мордвинов Александр Фильчаков

Water in en om Musina toets negatief vir cholera

Waterbronne om Musina en Beitbrug in Limpopo het negatief getoets vir cholera, wat gediagnoseer is in meer as 200 mense, meestal Zimbabwiërs wat daar kom behandeling soek het, het beamptes van die departement van waterwese Woensdag gesê.

"Dit wys niks nie" het die hoofdirekteur van die departement, Alson Matukane gesê.

"Dit is anders as normale cholera, omdat dié cholera ingeloop kom" het hy verduidelik, met verwysing na die 208 Zimbabwiërs wat behandel is in Suid-Afrika sedert 15 November, omdat dié land se gesondheidstelsel sukkel om by te bly.

Dit is 'n verhoging van die 189 gevalle wat Limpopo gesondheidsowerhede Dinsdag aangemeld het.

Woordvoerder Phuti Seloba het gesê gesondheidsowerhede is op die punt om die grens oor te steek met 'n vragmotor vol voorraad wat deur 'n organisasie geskenk is en wat daar versprei sal word.

Hy het bygevoeg dat sommige van die nuwe gevalle Zimbabwiërs is wat in Suid-Afrika woon, wat die siekte gekry het met besoeke aan gesinslede en wat terug gekom het vir behandeling.

Volgens 'n kabinetsbesluit het die Suid-Afrikaanse regering gesê dat hulle Zimbabwiese owerhede sal help om die siekte daar onder beheer te bring.

'n Gesamentlike taakspan kom twee keer per dag bymekaar om behoeftes te oorweeg, en beplanning te doen vir die regerings- en nie-regeringsorganisasies.

Die tyd raak min

13:10:28 Soos volke 'n geskiedenis het, het tale en beskawings ook 'n geskiedenis. Die geskiedenis van beskawings gaan oor verowering en uitbreiding, dikwels deur aanslae op ander beskawings. Beskawings is die produk van hul geskiedenis, die som van inlywings en uitsluitings. Kennis van ons geskiedenis gaan nie soseer oor kennis van die verlede nie, maar oor insigte waarom ons vandag is wat ons is in morele, ekonomiese en intellektuele sin. Dis ons etniese psige. Dis ons geskiedenis wat inhoud aan daardie psige gee.

Afrikaners leef nie in die verlede nie, maar in die verlede binne hulle. Elke Afrikaner is ook die produk van sy eie geskiedenis. Elke dorp en straatnaam het 'n geskiedenis. Elke ou gebou en monument is getooi in 'n historiese gewaad waarop die gesigte van hul voorsate geëts is. Dit is die gesigte van mense wat oomblikke van lyding of glorie ervaar het en wat deur hul nageslag verewig is. Die geskiedenis is 'n integrale deel van volke se menswees, die inhoud waarsonder geen volk kan voortbestaan nie.

Om daardie inhoud te bevraagteken, of te misken, is om onderwerp te word deur 'n vreemdsoortige beskawing, wat geen benul van Afrikaners se geskiedenis het nie.

Vandag sien ons 'n roekelose omgang met goedkoop politiek wat die tydelikheid van 'n mededingende beskawing onderstreep. Dis 'n poging om 'n nuwe geskiedenis te skep wat by die heersers se psige kan inpas. Hoeveel mense besef dat beskawing en volkskultuur nie oorgeërf word nie, maar dat elke geslag dit van vooraf moet aanleer? Kennis van die geskiedenis is 'n kragtige teenmiddel vir die arrogansie van oningeligte magsbekleërs. Afrikaners kan mos nooit toelaat dat hul kumulatiewe waardestelsel deur 'n vreemdsoortige mag met behulp van waansinnige retoriek ondergeploeg word nie. Hierdie is ernstige sake wat op internasionale terrein getakel moet word.

Die arrogansie van vandag se heersers moet gesien word vir wat dit is: 'n inhoudlose beskawing wat deur 'n geskiedenis van verowering, doodslag en 'n ewigdurende oorlewingstryd gevorm is en wat nou in die gestalte van magsmisbruik manifesteer.

Die geskiedenis word as maatstaf gebruik om nuwe regte aan "voorheen benadeeldes" toe te ken. Omdat Afrikavolke se geskiedenis 'n ander inhoud aan hul psige gegee het as aan Afrikaners, word tydelike regstellende maatreëls nou as permanente regte geïnstitusionaliseer om te vergoed vir hul historiese benadeling.

Hierdie optrede is presies dieselfde onnadenkendheid van die politieke vergrype tydens die "struggle" toe "no education before liberation" die slagspreuk was, toe massa geweld en populistiese oproerigheid as deel van die psige van die massas ingemessel was. Is dit dus verbasend dat die moderne Suid Afrikaners die produk geword het van 'n vlak, selfgemaakte, postmoderne geskiedenis?

Net soos dit vandag moeilik is om die gevolge van die gewelddadige struggle te verwerk, net so gaan dit in die toekoms moeilik wees om daardie mense van die nasionale tepel te speen. Die spreekwoordelike magtige dreuning sal wyd oor die velde gehoor word wanneer die kunsmatige ekonomiese hoofaarinspuiting afgebind gaan word. En glo my vry, dit gaan beslis nog afgebind word, dalk nog gouer as wat mens vandag mag dink.

Vraag is hoe Afrikaners hulle binne hierdie omgewing kan laat geld? Tans is die denkstroom en strategie om dit deur burgerregteaksies te beveg. Maar hoe bewys mens 'n burgerreg as dit nie aan individuele grondwetlike regte kleef nie? Hoe kan 'n volk sy gemeenskapsregte wat hy deur die geskiedenis verwerf het in stand hou?

Regtegeoriënteerde liberalisme, soos deur die Suid-Afrikaanse grondwet uitgebeeld word, aanvaar dat elke persoon 'n persoonlike stel belange en doelwitte het. Die grondwet veronderstel 'n neutrale regsraamwerk om elkeen 'n gelyke geleentheid te bied en in staat te stel om as 'n vrye burger sy persoonlike belange na te jaag en te verwesenlik. Die grondwet veronderstel en gee hoog op dat 'n burger se waarde nie gemeet word aan sy gebondenheid aan een of ander groep of gemeenskap nie, maar aan die keuses wat hy as persoon self mag uitoefen; vandaar die verbod op alle vorms van diskriminasie.

Maar dan trek die grondwet 'n streep deur die konsep van individuele regte en verbod op diskriminasie deur 'n kunsmatige gemeenskap te skep vir uitsondering op alle terreine van die lewe. Die sogenaamde "voorheen benadeeldes" – 'n metafoor vir diegene wat aan die verkeerde kant van apartheid was – is nou op spesiale behandeling geregtig. Ons het dus nou 'n situasie waar 'n landsburger se waarde amptelik nie meer aan sy eie vermoëns gemeet word nie, maar juis sy gebondenheid aan 'n bepaalde gemeenskap.

Is die grondwet dus steeds 'n liberaaldemokratiese instrument as hierdie voorskrif die einddoel van regeringsbeleid geword het en nie die grondwet self nie? Regeringsbeleid gaan nou oor die halsbandjie in 'n samelewing waar die hond 'n mindere rol speel.

Suid Afrika is egter 'n Afrikaland wat uit gemeenskappe, groepe en volke bestaan. Dit verteenwoordig 'n oorwegend kommunitêre bevolkingsamestelling in sy tradisies en manier van optrede. Die bron van die kommunitêre landsburger se identiteit spruit nie soseer uit individuele keuses wat hy mag uitoefen nie, maar uit sy verbintenis met sy gemeenskap, soos sy familie, kerk, vakunie, sosiale klub, provinsie en etniese groep. Kommunitariërs redeneer dat die differensiasie tussen gemeenskappe en elkeen se reg op vrye assosiasie die basis is waarop individue en gemeenskappe hulself na goeddunke kan orden.

Ons het nou te make met twee pole wat in konflik teenoor mekaar staan. Die een pool is een van maatskaplike gelykmaking, die ander een is maatskaplik kommunitêr. Die twee pole verskaf konstante wigte en teenwigte waarvan die kragte volgens die politiek van die dag sal wissel, met die voorbehoud dat daar geen kompromis is met die nuwe regte van voorheen benadeeldes nie.

Daar bestaan dus nou 'n grondwet wat aan die een kant poog om liberaal te wees, maar wat toelaat dat sy tande getrek word deur die byt daaruit te haal en in die swak oordeel van politici te plaas. Dit is amptenare wat daagliks moet bepaal of anti-wit diskriminasie geregverdig is by die toekenning van poste, tenders, studiebeurse, ekonomiese bemagtigingskemas en vele ander. Die grondwet is nie meer die handleiding nie, maar die regering se beleid en regulasies. Is dit dus moontlik om jou burgerregte in so 'n regsomgewing suksesvol te beskerm?

Dit is glashelder dat daar na 'n ander benadering gesoek moet word om ons Afrikanerbeskawing te beskerm en uit te brei. Tans val ons terug van een loopgraaf na die ander en wen enkele geregtelike skermutselings. Maar ons is stelselmatig besig om die stryd te verloor, totdat ons dit eersdaags gewonne sal gee. Afrikaners se hele benadering is takties. 'n Oorhoofse strategie bestaan gewoon nie. Elkeen van dosyne Afrikanerorganisasies sien homself as die nukleus van Afrikanerbestaan. Organisasies bedink planne om hul ledebasis te verbreed, om hul inkomste te verhoog en om legitimiteit te bevestig en uit te bou.

Sommige spartel om relevansie in die huidige politieke omgewing te behou en beskou uitreiking na ander gemeenskappe as die aangewese weg. Ander probeer om die voorblaaie elke dag te haal sodat die ledetal kan groei. Maar nêrens kom enige organisasie met 'n plan om die histories verworwe volkeregte van Afrikaners op die internasionale terrein te bevorder nie.

Die rede? Daar bestaan geen organisasie wat Afrikaners verteenwoordig nie. Elke organisasie verteenwoordig slegs sy eie lede — sommige lede nogal van verskeie etniese groeperings.

Slegs wanneer die meeste Afrikanerorganisasies sou besluit om sentraal te affilieer en 'n metode vind om hulself as verteenwoordigend te orden, sal daar 'n Afrikanerraad ontstaan wat verteenwoordigend is.

Maar intussen sal daardie deel van Afrikanerdom wat hulself die Boere noem, volkeregtelik die leiding neem om as sodanige verteenwoordigende raad te ontstaan en te groei. Hopelik sal die res van die Afrikaners hul eie identiteit vind en begin om na hul eie belange te kyk en ophou om die ander wang te draai.

Kaapse verkeersbeampte gearresteer vir korrupsie

'n Verkeersbeampte is een van vier mense wat Woensdag in Velddrift gearresteer is vir die onwettige uitreiking van leerlinglisensies en bestuurslisensies, het die Weskuspolisie gesê.

Superintendent Andre Traut het gesê die lisensies is uitgereik teen 'n koste van tussen R1000 en R4000 sonder dat daar enige toets afgelê is.

Die 49 jarige verkeersbeampte is by sy huis in Laaiplek gearresteer.

'n 32-Jarige vroulike administratiewe klerk by die Velddriftmunisipaliteit is ook gearresteer. Verder is twee mans onderskeidelik 49 en 42 gearresteer by hulle huise in Mitchell's Plain en Hopefield.

Daar word geglo dat die twee mans as agente opgetree het vir die beamptes en voornemende kliente vir hulle gewerf het.

Dit is nog onbekend hoeveel lisensies so uitgereik is, maar dié wat wel gevind word wat onwettige lisensies is, sal gekanselleer word, het Traut gesê.

лего магазины Данильченко Харьков

Niks meer Indiese troepe nie asseblief vra Kongo die VN

Die Kongolese regering het aan die VN-sekretaris geneaal Ban ki-Moon in 'n brief gevra om nie meer Indiese troepe te stuur as deel van die vredesmagte nie, volgens 'n brief wat Dinsdag aan AFP gelees is.

Indië word nie by name genoem nie, maar diplomatieke bronne het aan AFP gesê dat die DRK sonder twyfel na die Indiese komponent van MONUC, die VN se vredesmag verwys.

"In ag genome die groot misbruike van mag van sekere troepe in MONUC, sal die Kongolese mense nie verstaan indien soldate van dieselfde lande af kom om getalle in MONUC te versterk nie," het die brief gelui wat aan AFP voorgelees is deur diplomatieke bronne.

Indiese vredesmaglede is daarvan beskuldig dat hulle seksuele misdrywe begaan het en in Augustus het MONUC erken dat sommige Indiërs daarby betrokke kon wees.

Dié brief kan 'n groot diplomatieke vernedering wees vir die VN.

Sowat 90% van die vredesmaglede wat die noord-Kivu distrik patrolleer is van Indië afkomstig, en New Delhi het ook aanvalshelikopters vir die sending voorsien.

lego киев

Cholera, Zimbabwe se nuwe uitvoerproduk!

Drie tente in die hospitaaltuine van Musina bevat die nuutste en onwelkome byproduk van Zimbabwe se verval, cholera.

In die afgelope twee weke, het byna 200 Zimbabwiërs al behandeling vir die aansteeklike diarreesiekte ontvang by die hospitaal in Musina, en omtrent 1000 het rehidrasiebehandeling ontvang direk by die Suid-Afrika grens.

Hulle is die gelukkige mense, meeste maak dit nie sover as die grens nie.

Die VN het gesê dat daar Dinsdag meer as 50 cholerasterftes in Zimbabwe aangemeld is, wat die sterftesyfer op 366 plaas van Augustus af, met meeste in die laaste twee weke.

Die VN het gesê dat 8887 gevalle nou aangemeld is en dat die siekte nou oor meer as die helfte van die land versprei het en oor die grense in Suid-Afrika en Botswana inbeweeg het.

Zimbabwe se Dokters sonder grense het Dinsdag gesê dat nog honderde Zimbabwiërs by hulle huise sterf, sonder behandeling en dat hulle sterftes nie getel word nie, as gevolg daarvan dat die gesondheidsisteem ineengestort het.

Die groep se voorsitter, dr. Douglas Gwadziro, het aan AP-televisie gesê dat "syfers aandui dat die sterftesyfer 10% en hoër is onder die wat cholera opgedoen het."

Indien mens kyk na die VN se syfers van verlede week, van omtrent 6000 infeksies, "kan mens veilig aanvaar dat 500 tot 600 mense in die streek dood is aan cholera," het hy gesê.

Te midde van beskuldigings dat die Zimbabwiese regering die krisis ontken en opsetlik lae syfers bekendmaak, het Gwadziro gesê dat die aanmelding van laer syfers kan wys dat mense nie weet dat mense by hulle huise sterf nie.

Die ergste lê nog voor, omdat die reënseisoen met mening op pad is.

Harare, die hoofstad, en ander dele van die land loop deur onder harde reën, wat rou menslike afval in die strate en drinkwatersisteme inspoel.

Baie dele van die land is al vir twee weke lank sonder behoorlike drinkwater.

Cholera word versprei deur besmette water en voedsel. Zimbabwe se uitbraak word geblameer daarop dat die waterbehandelingsaanlegte en rioolpype wat gebars het vir jare lank nie onderhou is nie.

Die uitbraak is moeilik om te beheer. Hospitale maak toe omdat hulle nie personeel kan betaal nie. Ander wat wel oop bly, het weer geen medikasie om mense mee te help nie.

Die land is in 'n toestand van besluiteloosheid al vir die beter deel van die jaar oor die verkiesings. In September het president Robert Mugabe, die land se leier sedert 1980 en Morgan Tsvangirai, die opposisieleier, ooreengekom oor 'n regering van nasionale eenheid, maar sedertdien kon hulle nie besluit oor hoe die kabinetsposte verdeel moet word nie.

Owen Mugari, , wat op 'n bed in die mediese tent by Musina hospitaal lê, met 'n drup aan sy arm en skoon bottels water byderhand is een van die gelukkiges. Die skoon drinkwater alleen is 'n ongekende luukse in Zimbabwe. Mugari sê dat hy by die uur beter voel.

"Ek is dankbaar om hier te kan wees, en dankbaar vir die behandeling," het hy gesê. Hy was 'n geleentheidswerker op plase gewees in Zimbabwe. "In Zimbabwe is daar niks,, niks" het die 29-jarige man gesê, en die boodskap van soveel Zimbabwiërs wat na Suid-Afrika toe kom, bevestig.

Hospitaal owerhede is besig om nuwe beddens op te stel, in afwagting op nog mense, maar hulle kan nog aanhou, het die owerhede gesê. Solank as wat cholera-pasiënte vroeg genoeg behandel word, is dit maklik om te behandel met rehidrasie soute.

Drie mense is sover dood by die hospitaal, het woordvoerder Edward Malema gesê, omdat hulle te laat daar aangekom het.

no deposit bets

Hippasus en die WNNR

Ons is gelukkig om in die moderne tyd te leef, nie waar nie? Ons is immers vry van bygelowe en belaglike vrese. Dit was nie altyd so nie. In antieke Griekeland was ene Hippasus die eerste om die bestaan van irrasionele getalle (byvoorbeeld pi of die vierkantswortel van 2) te bewys. Luidens die legende het Pythagoras-hulle egter dié kennis as so gevaarlik beskou dat hulle die arme Hippasus glo oorboord gegooi het en hom laat verdrink het.

Gelukkig is ons vandag nie meer so primitief nie, is ons? Ons beskou kennis of idees nie meer as gevaarlik nie.

Moenie glo nie.

In “moderne”, “gevorderde” Europese lande, is die blote bevraagtekening van die moord in die openbaar op Jode deur die Nazi's met tronkstraf strafbaar. Jy kan tronk toe gestuur word as jy 'n brief aan ‘n koerant skryf wat meen dat die Nazi’s nie 6 miljoen Jode vermoor het nie.

In die Suid-Afrika van 2008 is sekere idees ook te gevaarlik vir openbaarmaking. 'n Wetenskaplike in diens van die WNNR, dr Anthony Turton, is geskors omdat hy hierdie referaat by ‘n kongres wou lewer.

Ek het gisteraand die moeite gedoen en die hele referaat gelees. Dit is na my mening nie 'n vreeslik samehangende of goed-gestruktureerde stuk nie. Dit dwaal van waterkwaliteit na 'n tekort aan ingenieurs na die geskiedenis van Suid-Afrika na 'n pleidooi vir nog befondsing vir die WNNR. Daar is egter iets in die referaat wat die WNNR se bestuur só bang gemaak het, dat hulle dr Turton geskors het en hom verhoed het om sy referaat te lewer.

Ek spekuleer nou, maar die volgende is moontlik deel van die idees wat die WNNR as te gevaarlik vir openbare kennisname beskou:

“…the ethnic cleansing in the 1820’s and 1830’s of many non-Zulu tribes during the Mfecane that laid the hinterland of the country waste, creating the vacuum into which the Trekboers moved during the Great Trek (Edgecombe, 1986; Turton et al., 2004; Welsh, 2000)…”

Jan Publiek mag skynbaar nie bewus gemaak word van die geskatte 500 000 swartes wat deur die Zoeloes vermoor is tydens die Mfekane nie. Jy en ek mag nie weet dat die Voortrekkers bykans niemand in die binneland aangetref het nie. Miskien pas dit nie in by die WNNR se bestuur se persepsie van die heersende ANC-regime se ideologie nie.

Voorts kan hierdie ook 'n feit wees wat te gevaarlik is om rugbaar te maak:

“The propensity to resort to mass violence when expectations exceed the capacity of the government to deliver.”

Dr Turton het hierdie foto in sy referaat gepubliseer ter stawing van sy stelling. Jy en ek mag dit skynbaar nie te siene kry nie.

Die WNNR is niks anders as die moderne ekwivalent van Pythagoras-hulle nie, wat mense wil doodmaak omdat hulle gevaarlike gedagtes verkondig.

люстру припотолочную топкарго кидалы

Botswana kan aan Tsvangirai politieke asiel bied

Phandi Skelemani

09:31:27 Botswana se minister van buitelandse sake het Woensdag in 'n onderhoud gesê dat sy land bereid sal wees om Zimbabwe se opposisieleier toe te laat om daar te werk as leier in ballingskap.

Die minister van buitelandse sake, Phandu Skelemani, het ook aan BBC-wêreldnuus gesê dat die streeksmagte maar moet aanvaar dat hulle gefaal het om die dooiepunt tussen Mugabe en Tsvangirai op te los en dat hulle nou ekonomiese druk op Zimbabwe sal moet toepas.

Toe hy gevra is of Botswana aan Tsvangirai 'n veilige hawe sal bied indien die magsdeling amesprekinge misluk, het Skelemani gesê:"Indien enige iemand na Botswana kom en sê dat hulle vrees vir hulle lewe, in hulle eie land, sal ons hulle nie wegjaag nie."

Toe hy verder gedruk is vir antwoorde oor wat Tsvangirai sal kan doen vanuit Botswana se grondgebied, het die minister gesê dat hy nie toegelaat sal word om 'n militêre aanval te loods uit Botswana nie, maar dat hy moontlik 'n politieke weerstandsbeweging kan lei uit dié land.

"Dit sal die mindere van twee euwels wees, wat waarskynlik sal wees om die wapens op te neem en onskuldige mense te laat sterf," het Skelemani gesê.

Botswana se president, Ian Khama, is een van die min Afrikaleiers wat Mugabe openlik kritiseer,en wat sy herverkiesing in Junie as onwettig beskou.

Die minister van buitelandse sake het ook gesê dat die SAOG-ontwikkelingsblok nou moet erken dat hulle bemiddelingspogings misluk het.

"Die internasionale gemeenskap, die SAOG eerste van almal, moet nou erken dat hulle misluk het, dat ons almal misluk het, dat ons as die SAOG misluk het. Die res van ons moet nou toegee dat ons misluk het," het Skelemani aan die BBC gesê.

"Na dese moet die SAOG "'n beroep doen op die internasionale gemeenskap en vir Mugabe reguit vertel: 'Kyk, jy is nou op jou eie, ons sal jou grense sluit en jou afskakel', en ek glo nie hy sal lank hou nie," het Skelemani gesê.

"Indien geen petrol vir 'n week lank die land binnegaan nie, kan hy nie hou nie."

Onderhandelaars vir Mugabe en Tsvangirai het weer vir nuwe samesprekinge in Suid-Afrika ontmoet om die dooiepunt in die ooreenkoms uit te stryk. Volgens die ooreenkoms sal Mugabe as president aanbly en Tsvangirai die pos as eerste minister kry.

Tsvangirai het die eerste rondte van die verkiesing in Maart gewen, maar onttrek uit die Junieverkiesing, nadat Mugabe-ondersteuners ernstige aanvalle op sy ondersteuners geloods het, en 'n hele klomp van hulle dood is.

отзывы о хорватии