Dan Roodt, Author at praag.co.za

Is Shilowa se oproep aan blankes geloofwaardig?

09:32:45 Dis sekerlik ironies dat Sam Shilowa, een van die leiers van die wegbreekfaksie uit die ANC hom nou tot blanke kiesers rig. Tot nou die dag was Shilowa, asook Lekota, deel van van die ANC waar hulle lustig rassewetgewing uitgevaardig het om blankes uit die staats- en munisipale administrasies te weer, die opvoedingskanse van blanke studente te benadeel, grondhervorming toe te pas en rassetransformasie in die algemeen te bevorder.

Tans verlang Shilowa dat dieselfde verguisde, onderdrukte blankes hom by die stembus moet steun. Sekerlik bestaan daar blankes wat deurtrek is van wit skuld en in die nuwe wegbreekparty 'n opportunistiese moontlikheid sien om mag te bekom. Sodanige blankes mag dalk vir die nuwe party stem.

Aan die ander kant verteenwoordig hierdie oproep aan "die blankes" om hul party te steun 'n erkenning deur Shilowa en Lekota dat hul steun onder die breë swart bevolking beperk is. Zuma, die populistiese swart leier, se greep op die gewone swart kieser is waarskynlik sterker as dié van Shilowa en die ander wegbrekers. Shilowa en kie. behoort hoofsaaklik tot die Mbeki-faksie. Tot en met die paleisrevolusie deur Zuma, het Shilowa-hulle nader aan die mag gestaan en het hulself heerlik uit die staatskas, staatstenders en SEB-transaksies verryk.

In elk geval bestaan daar geen solidêre blanke groep in die land meer nie. 'n Gedeelte van die Engelssprekendes is steeds besig met 'n stryd teen die Afrikaner en die huidige stelsel is vir hulle daarom 'n bron van leedvermaak. Die minder anti-Afrikaanse deel van die Engelse blankes is verward en wag op een of ander inisiatief wat uit Afrikanergeledere moet kom.

Onder Afrikaners is daar die aanhangers van die oorgawekultuur van die vorige NNP en Nasionale Pers wat meen dat ons geen politieke rol meer in die land te speel het nie en bloot transformasie as "skuldige blankes" behoort te ondergaan. In terme van dié blankeskuldidee is Shilowa se oproep 'n contradictio in terminis, want blankes mag geen rol meer speel nie.

'n Verdere teenstrydigheid is natuurlik dat Shilowa se oproep aan blankes die amptelike "nie-rassigheid" van die grondwet weerspreek. Ook die media en veral Nasionale Pers se koerante en TV-kanale voer lankal reeds 'n veldtog om die publiek te oortuig dat die begrip "blanke" eintlik 'n illusie is en dat almal van ons "biologiese Afrikane" is wat van die Australopeticus afstam.

Waarskynlik stel Shilowa nie veel in die Afrikanerstem belang nie, anders sou hy 'n beroep op Afrikanersteun, pleks van blanke steun, gedoen het.

Die ANC mag reg wees in dié sin dat Shilowa en Lekota hulself eerder gaan posisioneer om stemme van die opposisie af te rokkel, as van die ANC self. Pleks van 'n tweede ANC, gaan ons moontlik met 'n tweede DA sit wat homself as nie-rassig voorhou maar kort-kort 'n beroep op blankes doen om hom te ondersteun.

Die opposisiekieser gaan dus een van die dae dalk, soos die Amerikaanse Demokrate, moet kies tussen 'n blanke (Engelssprekende) vrou en 'n swart man. Indien die Amerikaanse neiging ook hier gaan geld, sal die liberale opposisiekieser dalk eerder vir 'n swart man stem as 'n blanke vrou.

Gegewe die kwynende blanke demografie, ook vanweë emigrasie, gaan 'n party wat hom, anders as die ANC, nie regstreeks op swart rassenasionalisme beroep nie, maar bedroë daarvan afkom.

game slots

McCain loop ver voor… in Israel

As Israel Amerika was, sou die kieserskeusekaart nou bloedrooi vertoon het soos wat die Republikeine skoonskip maak. Tradisioneel is die Republikeine rooi en die Demokrate blou.

'n Meningspeiling wat in Israel onderneem is, wys dat McCain Obama met drie teen een klop. Die peiling het 817 Amerikaners genader vir hulle keuse. Hulle sal in Israel stem. Ongeveer 40 000 Amerikaners wat in Israel woon gaan stem.

Amerikaanse Jode wat in Israel woon is konserwatief en godsdienstig, terwyl Jode in Amerika meer geneig is om die Demokrate te ondersteun.

прокурор Фильчаков

Motlanthe na DRK

Suid-Afrika se minister van buitelandse sake, Nkosazana Dlamini-Zuma, is onderweg na die DRK om voorbrand te maak vir president Motlanthe se besoek vandag.

'n Militêre bron het bevestig dat die Kongolese regering Goma, die hoofstad van die Noord-Kivuprovinsie, verloor het en dat tenks intussen tussen Bukavu en Goma stelling ingeneem het.

Die verlies van Goma en die ineenstorting van die Kongo se soldate het gekom nadat die VN-troepe groter bystand aan regeringsmagte verleen het. Die sleutelstad, Rutshuru, 'n administartiewe vesting, word tans slegs deur die VN verdedig. 'n Rebellewoordvoerder het bevestig dat hulle selgs 4km van Rutshuru stelling ingeneem het.

Hulle word gerugsteun deur Rwandese tenks.

Motlanthe sal met president Kabila en ander senior amptenare vergader. Mandisi Mpahlwa, Charles Nqakula, Barbara Hogan en Richard Baloyi het Motlanthe vergesel.

точечные светильники

‘Geen einde aan rassevoorkeure’ – Zuma

Jacob Zuma

08:33:17 Solank as wat blanke mans aanhou om die boonste bestuursvlakke te oorheers, sal daar geen einde aan regstellende aksie wees nie, het Jacob Zuma Donderdagaand aan die Swart bestuursforum gesê.

Hy het syfers van die werksgelykheidskommissie aangehaal, waarvolgens blankes oorheers met 65,2%, met swartes op 18,1%.

Op senior bestuursvlak was swartes in 40,6% en blankes in 55,2% van die poste gedurende dieselfde tydperk.

"Ons is ver daarvandaan om 'n einde te maak aan regstellende aksie. Ons weet dat regstellende aksie belangrik is vir swart professionele mense en vir die land se ekonomie. Geen ekonomie kan op die lang termyn sukses behaal indien die meerderheidsgroep uitgesluit is van die bestuur nie," het hy gesê.

Met verwysing na grondhervorming, het Zuma gesê dat die ANC-regering beplan om die proses te versnel in 'n poging om te verseker dat 30% van die grond teen 2014 in besit van die armer landelike gemeenskappe is.

Zuma het gesê dat klagtes dat die proses te lank neem wel geldig is, maar hy het ook gewaarsku dat mense nie grond wat hulle kry onproduktief moet laat lê nie.

'm Program was nodig om te verseker dat die mense wat die grond oorneem, weet hoe om dit produktief te bedryf.

Met verwysing na die stigting van 'n nuwe party, het Zuma gevra of dit suksesvol kan wees, gegewe die kort tydperk wat oor is voor die verkiesing.

"Ek glo nie dit kan, wanneer die verkiesing aanbreek, 'n mag wees om mee rekening te hou nie," het hy gesê.

"Mens kan nie 'n party begin in minder as 'n jaar nie. Mens kan 'n party begin uit woede, maar woede gaan nie die party 'n sterk mag maak nie," het hy bygevoeg.

Hy is van mening dat die mense nie vir ontevrede lede gaan stem nie.

"Ons differensieer tussen lede wat griewe het en dit saam met ons wil uitwerk, en die ander lede wat kwaad is vir ons omdat hulle hul gesagsposisies verloor het by die Pietersburg- en provinsiale kongresse. Ons kan nie help daarmee nie. Mense wat kwaad is, is gewoonlik moeilik om mee te werk," het hy voortgegaan.

Hy het gesê dat hoewel mense die reg het om 'n party te stig, die ANC nie kan bekostig om van binne af gedestabiliseer te word nie.

"Die toets vir lojaliteit en begrip van ANC-lidmaatskap is daar wanneer mens probleme in die gesig staar. Sommige van ons kon lankal ons goed gepak het en konvensies gereël het. Die party kyk na die opkomende verkiesing sonder vrees, en sake gaan hul normale gang."

"Daar is geen krisis nie, en niemand raak paniekerig nie. Ons programme gaan aan soos altyd," het Zuma gesê.

online casinos

Net swartes mag met swartes spot

Die naderende verkiesing in die VSA wat moontlik die land se eerste swart persident gaan oplewer, het rassepolitiek in die hoofstroom ingelei deur middel van humor.

'n Swart grapmaker, David Alan Grier (53), sê hy het besef dat hy kan grappe maak oor Obama se gemengde afkoms omdat hy self swart is. 'n Wit persoon sou nie dieselfde kon sê van die eerste swart kandidaat nie.

Hy is die aanbieder van 'n nuwe halfuurprogram by name “Chocolate News,” op die Comedy Central kabelkanaal. Die program is egter 'n bietjie grof en bevat kru taal.

By CNN het die swart komediant D.L. Hughley (45) 'n sagter aanslag. In sy eerste episode van “D.L. Hughley Breaks the News” voer die aanbieder onderhoude met wit aanhangers van Palin en probeer die Withuis se perssekretaris Scott McClellan uitlok om Obama te ondersteun.

Hughley kry kritiek vir sy spottery vanuit die swart wêreld wat meen dat hy swart stereotipes bevorder.

Hof besluit Sarkozy-pop bly

’n Franse hof het dié week ’n poging van pres. Nicolas Sarkozy om ’n voedoe-pop van hom aan die mark onttrek te kry, verwerp.

Sarkozy het vroeër vandeesmaand ’n klag teen die verkoop van die pop gebring wat saam met ’n satiriese biografie van hom en naalde om die pop mee te steek, verkoop word. Dié klag het verkope van die pop onmiddellik laat styg.

Dit is die president se sesde hofsaak sedert hy verlede jaar verkies is en het wydverspreide hoon in Frankryk ontlok.

Verder het dit eindelose gratis publisiteit vir die pop geskep en Sarkozy se politieke teenstanders laat jubel.

Die regter het gesê die pop val binne “die toelaatbare grense van vryheid van spraak en die reg op humor”.

Koolstofdioksied verraai onwettiges

Vier onwettige immigrante wat Brittanje wou binnekom deur in ’n duur motor weg te kruip, se poging is verydel toe hulle deur immigrasie-amptenare uitgevang is.

Die vier mans van Irak het in ’n Bentley GT ter waarde van R1,9 miljoen gesit wat per vragmotor van die Nurburgring-renbaan in Duitsland na die Bentley-fabriek by Crew, in die VK, vervoer is.

Hulle is uitgevang toe amptenare van die VK Grensagentskap met behulp van opsporingsapparaat hoë vlakke koolstofdioksied gesien het wat uit die vragmotor vrygestel is net voordat dit op ’n veerboot gelaai sou word.

“Dit is belangrik dat ons voornemende onwettige immigrante keer voordat hulle Brittanje bereik,” het mnr. Tom Dowdall, direkteur van Grensbeheer, gesê.

“Dit is hoekom honderde Britse immigrasie-amptenare by hawens in Frankryk en België werksaam is.”

free no deposit

Springbokke gaan ster teen rassisme dra

Die Springbokke gaan ’n ster van groen en goud op hul truie dra wat hul solidariteit teen rassisme sal wys.

Die ster sal op die regtermou wees op hul komende toer na Brittanje

“Ons het die ster as simbool gekies omdat die woord ‘star’ ’n akroniem is vir Stand Together Against Racism,” het Oregan Hoskins, president van die Suid-Afrikaanse Rugbyunie gister in Kaapstad gesê.

“Rassisme is nie net rugby se probleem nie. Dis ’n Suid-Afrikaanse probleem en dit is rugby se benadering om die bul by die horings te pak.”

Die Bok-breier, Peter de Villiers, het gister ook sy steun aan die Star-inisiatief toegesê.

Julle sal dit [rassisme] keer omdat julle die land lief het,” het De Villiers aan die media gesê.

Volgens De Villiers steun sy span die inisiatief ook. “Mense is geneig om die spelers se integriteit te gering te skat. Hulle is daar vir rugby, maar weet ook wat om hulle aangaan.

Vir ons is dit ’n skitterende inisiatief en ons hoop mense ondersteun dit saam met ons.”

прокурор Фильчаков

Verslag oor Dinsdag se sinkgat volgende week verwag

‘n Volledige verslag wat die redes vir die vorming van die gat wat Dinsdag in Oxfordweg voorgekom het, sal volgende week bekend gemaak word, het die Johannesburgse Paaieagentskap (JPA) gesê.

Die geo-tegniese kenners het vanoggend die toneel besoek saam met ingenieurs van die JPA, Johannesburg-water en Mbombela vir ‘n inspeksie en om toetse te doen,” het JPA-woordvoerder Conel MacKay gesê.

Hy het gesê die 3-metergat wat ingeval het op die noordelike baan van Oxfordweg tussen Rivieraweg en 8stelaan is in die proses om herstel te word.

Dis onbekend hoe lank die herstelwerk sal duur, waartydens verkeer na 8stelaan herlei sal word.

“Ons sal ‘n beter idee hê nadat ons die verslag volgende week gekry het,” het MacKay gesê.

Mbombela het van die gat bewus geword omstreeks 7:30 Dinsdagoggend nadat ‘n Nissan-paneelwa, wat aan een van die Mbombela werkers behoort het, in die gat geval het, het Mbombela-woordvoerder, Kelebogile Machaka, gesê.

‘n Soortgelyke insident het in Julie voorgekom volgens die Metropolisie se woordvoerder, Wayne Minnaar, en dit het 8 weke geneem om daardie gat te herstel.

ANC-wegbreekgroep soek blanke lede

07:58:01 Die wit bevolking, die middelklas en die entrepreneurs is Donderdag deur voormalige Gauteng-premier Mbhazima Shilowa verseker dat hulle ‘n rol het om te speel in die party wat deur wegbrekers van die ANC gestig gaan word.

Shilowa, wat ‘n klomp professionele jongmense in Johannesburg toegespreek het, het gesê die party sal inklusief wees teenoor alle Suid-Afrikaners. “Wat is fout daarmee om ‘n party te hê wat blankes ook aantrek? Die party behoort nie-rassig te wees op papier en ook in karakter en deelname,” het hy gesê.

Shilowa het gesê die middelklas is belangrik aangesien hulle in ‘n posisie is om rykdom te skep.

“Hoe gaan ons rykdom skep as almal arm is? Ons moet die teenwoordigheid van almal benut – ryk, arm, geleerd en entrepreneurs,” het hy gesê.

Shilowa het gesê die party gaan akademiese uitnemendheid voorstaan. Dit is op soek na nuwe leiers met vars idees.

“Dit is julle wat ons wil sien na vore kom as leiers van die party. Ons het professionele lede nodig,” het Shilowa gesê.

Met verwysing na ‘n brief wat Mbeki aan die ANC geskryf het, het Shilowa weer sy oproep herhaal dat die brief vrygestel word aan die publiek.

“Ons stem nie saam met die akkuraatheid van wat die ANC van die inhoud van die brief gesê het nie. Ons daag hulle uit om dit bekend te maak…let op my woorde…ek sê dit omdat ek die brief gesien het,” het Shilowa gesê.

cluedo board game online