Uitgewer: Dan Roodt dan@praag.org
Redaktrise: Karin Roodt redakteur@praag.co.za
Webmeester: Albertus Kleingeld albertus@praag.org
Sportredakteur: Gustav Venter gustav@praag.org
Motors: André Olivier andre@praag.co.za
Bemarking en reklame: reklame@praag.co.za
Briewe: briewe@praag.co.za
Kantoor: Elderstraat 10, Bryanston, Johannesburg
Telefoon: 011 469 0598
Posadres: Posbus 3103, Dainfern, 2055
Privaatheidsbeleid kan hier besigtig word.
Die Ernie Els-uitnodigingsgholftoernooi sal nie in Desember vanjaar plaasvind nie omdat die toernooiskedule te vol is, het Els se sakebestuurder, Phill Cotton, aangekondig. Ernie Els het op sy beurt gesê dat die 2007 Ernie Els-uitnodingstoernooi die beste ooit was en heel geslaag, sodat dit jammer is dat die datums vir vanjaar so moeilik geblyk het.
Veral die SAL-Ope kampioenskap wat op 21 Desember klaarmaak, het 'n probleem geskep. Daar is egter planne om 'n eendagfondsinsamelingstoernooi op die Maandag net na die SA Opekampioenskap te hou.
Die byeenkoms sal ten gunste van die Ernie Els en Fancourt-stigting plaasvind. Fondse sal ook gebruik word vir 'n bewusmakingsveldtog oor outisme. Ernie se seun, Ben, is ook met dié toestand gediagnoseer.
Die Els-uinodigingstoernooi sal weer in Desember 2009 plaasvind aangesien die Sonskyntoer se rooster weer plek sal hê daarvoor.
Hier in die Kaap word ‘n porno-ekspo, dit staan bekend as Sekspo, tans groot gepromoveer – ook in die dagblaaie, soos Die Burger, en deur die e-pos. Dit gaan van 8 tot 11 Mei in die Kaapstad Internasionale Konvensiesentrum aangebied word.
Nou wonder ek oor daardie 60 000 mans wat by die charismatiese aartappel-pastoor saamgetrek het, en die ander duisende wat nou landwyd oral agter hom aantrek. Sy boodskap gaan mos oor hoe om gesinsbande te verstewig en hoe mans weer die gerespekteerde hoof van die huis kan word.
Ons word nou al sedert 1994 letterlik gebombardeer deur “Adult Worlds” en veral op TV die laatnag “Adult Shows” . Die winkelrakke lê besaai met porno-tydskifte en Naspers/Media24 maak groot geld uit sy SON-koerante wat porno in vele vorme op elke moontlke manier aanbied
Haas elke huisgesin, van skoolkinders tot die ouers, is daagliks die teiken van porno in een of ander vorm. Ek is daarvan oortuig dat duisende huwelike landwyd deur hierdie immoraliteitsaanslag vernietig of ten minste gekwes of verskeur is.
Daardie duisende saamtrekkende mans is dalk net die slagoffers van die porno-monster (uiteindelik hul eie luste wat vrye teuels kry omdat die versoeking so subtiel, maklik, goedkoop en “algemeen-aanvaarbaar” is) wat desperaat raad soek hoe om die wondgate in hul huwelik, gesinne en hul eie gees en lewe te herstel.
Dalk is ek verkeerd, maar ek dink nie so nie.
Indien die “powers that be” so vernuftig is/was om hierdie vernietigende wapen teen die “beskaafde” deel van die bevolking te gebruik, gee ek hulle tien uit tien. Dit werk soos ‘n bom.
Daar bestaan alllerlei gevare rondom die internet en e-pos. Iedereen wat die internet gebruik, moet bewus wees van die risiko's en ook hoe om jouself te beskerm teen sulke gevare. Alhoewel die internet 'n enorme bron van inligting is, bevat dit ook slaggate en is dit nie net wetsgehoorsame burgers wat die internet gebruik nie! Die lokaas wat kuberkriminele aantrek, is inligting wat die gewone internetgebruiker verskaf en stoor, hetsy op sy rekenaar, hetsy op webwerwe soos Myspace en Facebook. Hierdie gids is nie allesomvattend nie, maar kan as bron dien om van die risiko's verbonde aan internetgebruik te verminder.
Gebruik die gids as 'n riglyn om jouself teen die gevarete beveilig.
Beskerm jou rekenaar:
Hou jou bedrystelsel gereeld by met nuwe opgraderings: Die meeste opgraderings wat beskikbaar gestel word vir bedryfstelsels is om die sekuriteit van daardie stelsel te verbeter. Microsoft bied jou die opsie om outomaties in te teken om enige bywerkings te ontvang of om jou stelsel outomaties by te werk. Besoek die Windows-webwerf op ook verder op datum te bly. As jy enige ander stelsel gebruik, Linux of Mac, dan moet jy ook seker maak dat jy soortgelyke bywerkings vir daardie stelsels bekom.
Brandmuur: Maak seker die brandmuur (firewall) in jou bedryfstelsel is geaktiveer en indien moontlik skaf programmatuur aan wat jou ekstra sekuriteit verskaf soos byvoorbeeld Zona Alarm waarvan die basiese module gratis afgelaai kan word. Indien jy oor 'n koordlose internetverbinding beskik, maak ook seker jy gebruik 'n roeteerder wat aan jou 'n brandmuur verskaf en dat dit geaktiveer is.
Anti-virus: Daar is etlike produkte op die mark, van gratis produkte tot kommersiële produkte wat jou etlike rande uit die sak kan jaag. Dit is egter aanbevole dat jy een gebruik, veral as jy op die internet koppel en ook e-posse ontvang. Maak verder seker dat die proagrammatuur se virusdefinisies op datum bly.
Spyware: Die meeste anti-virusprogramme filtreer nie enige spyware uit nie en kan ook nie sodanige skadelike programmatuur opspoor en verwyder nie. Dit vereis dan verdere programmatuur wat dan ook gereeld bygehou moet word. Daar is etlike programme aanlyn beskikbaar en 'n gewone soektog met 'n soekenjin kan 'n menigte resultate oplewer.
Draadlose verbinding: Indien jy oor 'n koordlose (WI-FI) internetverbinding beskik, maak egter seker dat jou veiligheidsprotokolle geaktiveer is. Maak seker dat die WEP- of WPA-enkripsie daarop geaktiveer is en dat enige brandmuur ook op datum is en ook geaktiveer is.
Rugsteun: Maak seker dat daar gereeld 'n rugsteun van belangrike data gemaak word en dat die data veilig bewaar word.
Beskerm jou e-pos:
E-pos in die normale loop is dieselfde as die stuur van 'n poskaart, die hele wêreld en sy vriend kan die inhoud daarvan sien en lees. Wel, streng gesproke is dit moontlik! Die rëel om hier te onthou is om niks in 'n e-pos te skryf (of aan te heg) wat jy nie in 'n poskaart sou doen nie. Indien jy egter meer sekuriteit in jou e-pos wil inbou, moet jy van enkripsieprogrammatuur gebruik maak.
Daar is egter ook 'n web-e-pos www.hushmail.com wat jou daardie opsies bied. Binne e-poskliënte soos Thunderbird kan jy ook Enigmail gebruik;, hier is 'n handige werf waarin jy 'n gids vind om dit te gebruik.
Aanhegsels: Moet nooit aanhegsels van onbekende persone oopmaak nie. As jy oor 'n anti-virusprogram beskik, maak seker dat dit op datum is en skandeer die aanhegsel voordat jy dit oop maak. Die meeste virusse word deur aanhegsels die web ingestuur en bereik dan sodoende jou rekenaar. Die nuutste is om PDF-formaatlêers aan te heg wat dan met kwaadwillige kodes gelaai is wat die virus op jou masjien loslaat.
Vermy gemorspos: Moet nooit op dié tipe boodskappe klik nie; vermy dit heeltemal. Moet nie eens op die uittekenknoppie klik nie. Maak seker dat jy anti-gemorsprogrammatuur (anti-spam) op jou rekenaar het. As jy 'n web e-pos gebruik maak seker dat jy jou kontakte as sodanig lys anders kan die meeste van daardie boodskappe in die gemors-bus gegooi word. Verander jou wagwoord vir die tipe adresse gereeld en indien moontlik wanneer jy publieke internet fasiliteite gebruik maak seker jy teken uit wanneer jy klaar is.
Phishing: Phishing oftewel visvang is die aktiwiteit waardeur mense per e-pos gekontak word om hul bankrekeningnommer en wagwoorde te verskaf onder die valse indruk dat die boodskap van die instansie afkomstig is. Moet onder geen omstandighede jou wagwoord aan enige persoon verskaf nie. Die banke se stelsels is ge-enkripteer en hulle kan nie jou wagwoord ontsyfer nie so hulle kan nie dit "nagaan en bevestig" soos wat die meeste van die phishing-trawante voorhou om te doen nie. Banke en ander instellings soos E-bay en Paypal sal jou nooit kontak om enige dergelike inligting te verskaf nie; hulle het geen rede of noodsaak daarvoor nie.
Kettingbriewe: Kettingbriewe het die geneigdheid om soos 'n velbrand te versprei; moenie dit aanstuur nie. Al is die pleit daarbinne, soos dit altyd maar is ook hoe moeilik om te weerstaan. Die meeste kettingbriewe word deur mense gestuur wat nie van die bestaan van blind carbon copy oftewel BCC weet nie. Sulke boodskappe bevat dan waardevolle inligting vir enige phisher-man of gemorsposser.
Wees veilig aanlyn:
Dit maak nie saak watter bedryfstelsel jy gebruik nie, die internet hou gevare vir alle gebruikers in.
Verander jou wagwoorde: op webwerwe soos Facebook en Myspace gereeld. Maak gebruik van wagwoordfrases eerder as woorde om dit makliker te kan onthou. Microsoft bied 'n wagwoordtoetser aan en jy kan die sterkte van 'n wagwoord hier toets.
Private inligting: Maak seker dat jy so min moontlik van jou private data op die internet beskikbaar stel. Webwerwe soos Facebook moedig gebruikers aan om volle name, geboorteplek en geboortedatums te verskaf en diè inligting kan gebruik word om rekeninge in jou naam te open.
Vyf mense is deur veiligheidsmagte gedood in die hoofstad van Somalië, Mogadisjoe, tydens 'n hongeropstand. Die opstand het uitgebreek as gevolg van stygende voedselpryse en rekordinflasie.
Die polisie het inbeweeg om te keer dat die opstand heeltemal buite beheer raak.
Opstandelinge glo dat die dollar verantwoordelik is vir al hulle probleme.
VN-monitors sê graanpryse het tussen 110% en 375% gestyg die afgelope jaar.
Die hoof van die internetmaatskappy Yahoo!, Jerry Yang, het nou 'n toeskietliker houding jeens Microsoft ingeneem, nadat die programmatuurreus oor die naweek sy aanbod vir Yahoo! teruggetrek het.
Yahoo! se aandeelprys het gister met vyftien persent gedaal en sommige aandeelhouers is onsteld hieroor. Twee van die grootste aandeelhouers het onlangs aan die New York Times gesê dat Microsoft se prys van $33 per aandeel min of meer reg was en dat hulle bereid was om te verkoop, maar dat die raad van Yahoo! die aanbod verwerp het.
Sommige ontleders meen dat Microsoft tog uiteindelik daarin sal slaag om die internetmaatskappy te koop aangesien hy nodig het om 'n internetstrategie teen die heersende speler op die web, Google, te ontwikkel. Die mark vir internetadvertensies is besig om snel te groei en Yahoo! se kliëntebasis op die net verteenwoordig 'n aanloklike manier vir Microsoft om daaruit munt te slaan.
Ten minste 15 000 mense is gedood in die Mianmar-sikloon en die dodetal sou waarskynlik verder styg soos wat amptenare kontak maak met die gebiede wat die ergste getref is, het die militêre regering se buitelandse minister gister gesê.
Die sikloon is die ergste om Asië te tref sedert 1991, toe 143 000 mense in Bangladesj gesterf het.
Volgens die minister van buitelandse sake, Nian Win, is 10 000 mense net in een dorp, Bogalai, dood.
Die Verenigde Nasies, sowel as Mianmar, die voormalige Birma, se bure val tans oormekaar om kos, skoon water en skuiling aan oorlewendes te verskaf. Honderde duisende mense is dakloos gelaat deur die sikloon wat winde van 190 km per uur en golwe so hoog as 3,5 meter geproduseer het.
Volgens die Vrystaatse polisie het drie gewapende mans gister 'n bank in Winburg van 'n onbekende hoeveelheid geld beroof.
'n Polisiewoordvoerder, sersant Mmako Mophiring, sê die drie mans het teen 9.30 by die tak ingestorm en 'n vroulike werknemer gedwing om 'n onbekende bedrag geld aan hulle te oorhandig waarna hulle gevlug het.
Mophiring het voorts verklaar dat die rowers deur 'n ander man opgelaai is in 'n voertuig wat later agtergelaat is. Dieselfde voertuig is voorheen as gesteel in Bainsvlei, Bloemfontein, aangemeld.
Munisipale werkers het gister die Pretoriase middestad met rommel bestrooi deur vullishouers om te keer. Omtrent drieduisend permanente en kontrakwerkers het die strate ingevaar, verkeer ontwrig en algemene chaos veroorsaak.
Die vakbond Samwu het 'n memorandum aan die Tshwane-metroraad oorhandig waarin hul eise vervat is. Werkers hou nie van die alternatiewe dienstruktuur van die raad nie en beweer dat dit 'n paar mense verryk terwyl dienslewering agteruitgaan.
Samwu wil ook alle tydelike kontrakpersoneel permanent aangestel sien.
'n Bende wat aangekla is van twee moorde en drie-en-dertig rooftogte het gister uit die Johannesburgse Landdroshof ontsnap. Die vier mans, wat ongewapen was, het hul bewakers oorrompel, hul voetboeie losgemaak en daarna uit die hof gehardloop.
'n Hofbeampte het die toneel "soos iets uit Rambo of James Bond beskryf toe die mans oor die beskuldigdebank gespring het. Voordat hy uit die hof gehardloop het, het een van die aangeklaagdes die ondersoekbeampte met sy losgemaakte voetboeie oor die kop geslaan.
Volgens kaptein Julia Claassen van die Gautengpolisie is die omstandighede rondom die ontsnapping nog nie duidelik nie, maar hulle is besig met 'n intensiewe ondersoek.
