Dan Roodt, Author at praag.co.za

Inheemse tale kry ‘n knou, wys sensus 2011

Inheemse tale het ‘n geweldige knou gekry, toon die jongste sensusuitslae. Met ‘n afname in die gebruik van Zoeloe, Sepedi, Sotho, Tswana en Swati, sê die hoof van die Universiteit van die Witwatersrand taalskool, Nhlanhla Thwala: “Onderrig vir leerlinge in hul moedertaal is noodsaaklik om te verseker dat sukses by skole en tersiêre instellings bereik word.”

Die 2011-sensus toon ‘n afname in ses van die 11 amptelike tale, en taalkundiges waarsku dat versuim om in huistale te leer sal lei tot volgehoue mislukkings by skole en universiteite.

Terwyl die meeste inheemse tale ‘n afname in gewildheid getoon het, het Afrikaans, Engels en Ndebele toegeneem, met 9,6%, 13,5% en 2,1% van die bevolking wat hierdie tale onderskeidelik gebruik.

Zoeloe en Xhosa is steeds die gewildste tale, met 22,7% (11.5 miljoen mense) en 16% (8 miljoen mense) van die bevolking praat dit onderskeidelik. Die aantal wittes en Indiërs wat Zoeloe praat het toegeneem.

Hoewel die afname in gewildheid van Afrikaans in die Noord-Kaap en Wes-Kaap duidelik is, is Afrikaans steeds is die derde mees gewilde taal.

Engelse taalsprekers het van 3.7 miljoen in 2001 toegeneem tot 4.9 miljoen.

Thwala het gesê Suid-Afrika se tragedie is dat selfs al praat so baie mense inheemse tale vlot, dat kinders nie in hulle geleer word nie.

“Ons het basies bekende feite geïgnoreer – as jy wil leer moet jy dit doen in jou moedertaal. As ons dit nie doen nie, sal Suid-Afrika voortgaan om hoë druipsyfers in skole en universiteite te ervaar,” het hy gesê.

Tale weerspieël die magsdinamika van ‘n land, het Thwala gesê.

“Mense praat ‘n taal vir ‘n rede. Toenames en afnames toon watter tale mense nuttig vind, ongeag of hulle hul eerste taal praat of nie.”

Terwyl die toenames nie verbasend is nie, is die veranderinge wel, het Thwala gesê.

“Die gewildheid van Zoeloe en Xhosa is verstaanbaar. Mense hoor Zoeloe meer as ander tale, dus is daar ‘n groter verwagting om dit te praat.”

Navorsing het getoon dat Zoeloe, die mees erkende van die Ngoeni-tale, by verre die meeste versoek word deur mense wat ‘n inheemse taal wil aanleer, het hy gesê.

Terwyl die toename in Afrikaans verrassend is, wys dit dat sodra ‘n taal ‘n voordeel inhou, is dit moeilik is om te ondermyn. Die voordeel wat Afrikaans inhou mag wees dat Afrikaanse skole oorwegend wit gebly het en dat wit ouers dit daarom verkies om hul kinders na sulke skole te stuur.

“Sosiale ingenieurswese om tale te bevorder of te ondermyn, werk nie.

“Dit is duidelik uit fanakalo, wat, hoewel dit nie amptelik is nie, veral op die myne gebruik word.”

‘n Mynbaas kry R37miljoen p.j.

Die voorsitter van die parlementêre komitee oor mynbou, Fred Gona het ‘n beroep op mynbase gedoen om hulle te weerhou van hy genoem het, die ondermyning van die kollektiewe bedingingsproses en die Mynbouhandves.

Gona het tydens ‘n parlementêre debat oor die huidige krisis in die mynbedryf en die uitwerking daarvan op die ekonomie gesê mynbase behoort nie buite die onderhandelingstrukture verhogings aan te bied en toe te staan nie. Hy sê die prosesse moet binne vasgestelde kollektiewe bedingingstrukture plaasvind.

Gona het ook die salarisse van hoof uitvoerende beamtes van mynmaatskappye as obseen beskryf as dit met die salarisse van mynwerkers vergelyk word.

Hy sê mynwerkers se salarisse is rondom vier duisend rand per maand, terwyl hoof uitvoerende beamptes tot 37 miljoen rand per jaar verdien. Hy sê die groeiende gaping tussen werkers en bestuur is ‘n bron van groot kommer.

Afrika se waters raak al hoe gevaarliker

Diefstal deur seerowers in Wes-Afrika het nie net verdubbel nie, maar ook ‘n strategiese verandering ondergaan, meen ‘n verslag wat Vrydag deur die Atlantiese Raad vrygestel is.

Die Atlantiese Raad is ‘n Amerikaanse organisasie wat hom toespits op internasionale aangeleenthede vanuit Washington.

Luidens die verslag is daar nou meer en meer gewelddadige aanvalle deur seerowers langs die weskus van Afrika. In die eerste ses maande van 2012 is 34 aanvalle aangemeld, waarvan 24 suksesvol was. Dit is meer as dubbel die aantal aanvalle wat in die eerste helfte van 2011 gerapporteer is.

Waar aanvalle vroeër naby die kus plaasgevind het, is daar nou toenemend ook seerowery in die diepsee.

Die waters rondom Somalië en Nigerië bly die gevaarlikste gebiede vir skepe.

Jonathan Jansen gooi die hele vark

Namate ‘n mens ouer word, word dit al hoe makliker om kanse te vat wanneer bewerings oor die verlede gemaak word. Baie van die mense wat van beter geweet het en dus wilde stellings kon teëspreek, kan dit nie meer doen nie omdat hulle dood is.

Jonathan Jansen is ‘n rubriekskrywer in Media24 se koerante. In Die Burger heet sy rubriek “Kennis in die bloed”, na aanleiding van die titel van een van sy boeke. In daardie boek word blankes en veral Afrikaners vir hewige kritiek uitgesonder. Sy jongste rubriek toon nogeens dat heelwat doelbewuste verdraaiings in omloop in sy kennisbloed is.

As rubriekskrywer moet Jansen kort-kort teks aan die koerante lewer. Om by die spertyd te hou en by gebrek aan iets beter, het hy hierdie keer (Die Burger, 30 Oktober, p 12) in die openbare pers herhaal wat hy in ‘n huldeblyk aan ‘n klein, ontvanklike gehoor opgedis het. Die probleem, vir Jansen, is dat ek oor eerstehandse kennis beskik waarmee ek hom gesaghebbend kan teëspreek.

Die onderwerp van Jansen se rubriek is die destydse Universiteit van Wes-Kaapland (UWK) en spesifiek ‘n dierkunde-dosent, Cecil John Leonard. Ek vermoed dat Jansen die volle voorname verskaf om aan te toon hoe Engels Leonard was, terwyl hy in werklikheid, soos die meeste bruines destyds, veeleerder Afrikaans was. Dit hinder my dat Jansen, as iemand wat in die akademie werksaam is en dus van beter behoort te weet, van “lektore” praat wanneer hy na dosente (“lecturers”) verwys.

Oor Afrikaans het Jansen egter vir hom ‘n agterdeur geskep. Volgens sy outobiografiese boek, waarna hierbo verwys is, is dit baie duidelik dat sy moedertaal Afrikaans is. Deesdae beweer hy heel vindingryk, soos dit iemand betaam wat lank in Amerika studeer het, dat sy “eerste taal” Engels is. As rektor en natuurlik ook om politieke redes is Engels sy voorkeurtaal vir die Universiteit Vrystaat, ‘n eens trotse eentalige Afrikaanse akademiese inrigting.

In sy rubriek dateer Jansen sy oorwegende Engelsheid terug na die vroeë jare sewentig toe hy ‘n UWK-student was. “Ek was nie formele Afrikaans magtig nie en het nie wetenskap in Afrikaans verstaan nie.” Die UWK was destyds, anders as sy huidige eentalige Engelsheid, ‘n tweetalige inrigting. Toe reeds het baie van die bruin studente, al het hulle van bv Garies of Koekenaap gekom, voorgegee dat hulle eintlik Engels is. Die meerderheid studente was oorwegend Afrikaans en hulle was stilswyend baie dankbaar dat die lesings ook (en soms veral) in Afrikaans aangebied is.

Die UWK het destyds oor ‘n dosentekorps beskik wat oor die algemeen akademies uiters bekwaam was. Beter dosente as aan die ander universiteite vir nie-wittes is getrek omdat die UWK in ‘n stedelike gebied, Bellville-Suid, geleë is. Jansen se akademiese grondslag in die natuurwetenskappe is hier gelê. Feitlik al die UWK-studente het beurse van die “apartheidsregime” ontvang, al word dit deesdae nooit erken nie. In die nuwe Suid-Afrika betaam dit daardie studente ook nie om dankie te sê vir die uitstekende akademiese onderrig wat hulle ontvang het nie.

(Anders as die voltydse student Jansen, was ek as witte verplig om deeltyds aan Unisa te studeer. Anders as die “benadeelde” Jansen, wat ses jaar lank met beurse in Amerika studeer het voordat hy ‘n doktorsgraad kon voltooi, was ek as ‘n “bevoordeelde” verplig om op eie koste in Amerika te studeer en ‘n doktorsgraad in agtien maande te behaal. Anders as Jansen het ek in Amerika nie vrye tyd gehad nie en ook nie, soos hy, aan betogings teen Suid-Afrika deelgeneem nie.)

Wat skryf Jansen oor sy voorregte as UWK-student? Dat dit “‘n misrabele bestaan” was. “Die lesings is dikwels deur polisiegeweld en protesoptrede onderbreek.” Wie het pleks van te studeer eerder geprotesteer, klippe gegooi en geboue aan die brand gesteek? Die gesubsidieerde studente. Volgens Jansen was sommige dosente “ongevoelige rassiste”. Die UWK word beskryf as ‘n “verstikkende omgewing” wat “deur die apartheidsbase beheer” is.

Destyds was uitstekende openbare vervoer, sowel trein- as busdienste, aan die UWK-studente beskikbaar. Baie studente het egter verkies om te ryloop, op die gevaar af dat hulle laat vir klasse kon wees. Die “apartheidsregime” het ‘n spesiale spoorwegstasie aangrensend aan die UWK-kampus gebou. Dit is hoogs onwaarskynlik dat Jansen sulke erge vervoerprobleme na sy woonplek in Retreat ondervind het as wat hy in sy rubriek voorgee.

Maar hoeveel lesers het die agtergrondskennis om te besef dat wanneer Jansen vir Leonard goedpraat, hy by implikasie homself komplimenteer? Voordat Leonard ‘n dosent geword het, was hy, soos Jansen, ‘n biologie-onderwyser. Soos Jansen het Leonard danksy beursgeld in Amerika studeer. Maar anders as Jansen het Leonard sonder ‘n doktorsgraad van Amerika af teruggekeer en dié graad eers later plaaslik verwerf. Dit maak Jansen eintlik akademies beter as Leonard, hoewel laasgenoemde ‘n baie korter tyd as Jansen in Amerika studeer het.

Dit is algemeen bekend dat dit vir nie-wittes om politieke eerder as akademiese redes baie makliker as vir wittes was om buitelandse, veral Amerikaanse, studiebeurse te kry. Jansen verwys egter na die beurstoekenning aan Leonard as “die ongelooflike prestasies van hierdie grootse mens”. ‘n Ander doelbewuste verdraaiing is dat Jansen maak asof “professor” Leonard sy dierkunde-dosent was, terwyl Leonard toe (die vroeë jare sewentig) ‘n junior UWK-dosent was.

Jansen erken sy gebrekkige toewyding as student deur te vertel van “halfhartige, onvoltooide werk” wat hy by Leonard ingelewer het. Leonard het hom hieroor aangespreek en dit, glo Jansen, het hom op die spoor van sy suksesvolle akademiese loopbaan geplaas. Maar wat sou Jansen se reaksie gewees het as ‘n wit dosent hom kortgevat het? Hiervan het hy voorheen ‘n aanduiding gegee. ‘n Chemie-dosent aan die UWK, ‘n professor, het Jansen by geleentheid bywoning van sy klas verbied omdat hy laat was. Jansen het hom nie geloof omdat hy gehelp het om hom op die regte pad te plaas nie. Dekades later het Jansen dit wenslik geag om sy rubriek te misbruik om hierdie uitnemende akademikus as een van die bogenoemde “ongevoelige rassiste” te etiketteer.

As iemand in die goeie ou dae erg gelieg het, het ons gesê dat hy nie spek skiet nie, maar sommer met die hele vark gooi.

VSA gaan op ‘jeugborrel’ konsentreer

Bykans 60% van Suid-Afrika se bevolking is onder die ouderdom van 35, het die Sensus 2011 getoon. Die persentasie kinders van vier jaar en jonger is groter as enige ander groep, waarskynlik ‘n direkte gevolg van maatskaplike toelaes wat hierdie enorme aanwas aanhelp.

Meer as 5,6 miljoen Suid-Afrikaners is onder die ouderdom van vier, terwyl 4,8 miljoen kinders vyf tot nege jaar oud is. Bykans 4,6 miljoen is tussen 10 en 14. Die sensus het ook getoon dat Gauteng se bevolking groter word as dié van KwaZulu-Natal. Die kusprovinsie het egter steeds die grootste aantal kinders. Meer seuns as meisies word in die land gebore, maar daar is meer meisies as seuns tussen die ouderdom van 15 en 19. Kortom, die land ly aan wat bekendstaan as ‘n jeugborrel, ‘n sogenaamde “Youth Bulge”.

‘n Nuwe studie deur Population Action International (PAI), ‘n Washingtonse privaatvoorspraakgroep, dui weer eens op die ou waarheid, naamlik ‘n sterk korrelasie tussen lande wat geneig is tot siviele konflikte en diegene met ontluikende jeugbevolkings. Sosiale wetenskaplikes bekommer dat hierdie demografiese profiel, die jeugborrel, die potensiaal het om lande in die ontwikkelende wêreld te destabiliseer.

PAI se bevindinge is nie soseer nuut nie as wat dit gestruktureer is om in toekomstige Amerikaanse buitelandse beleid vervat te word. Die teorie dat vinnig groeiende jong bevolkings dikwels met werkloosheid en groot poele van “vervreemde” jeugdiges worstel, laat die beleidmakers glo dat sulke groepe meer vatbaar sal wees vir oproepe tot opstand of sal wil aansluit by terreurgroepe. Lande met ‘n swak politieke instellings is veral kwesbaar vir jeugverwante geweld en sosiale onrus, sê die navorsers.

Die term “jeugborrel” is geskep deur die Duitse sosiale wetenskaplike Gunnar Heinsohn in die middel-1990’s en het maar eers onlangs in die VSA mode geraak. Navorsing toon dat ontwikkelende lande ‘n “demografiese oorgang” ondergaan en diegene wat beweeg van hoë na lae vrugbaarheid en sterftesyfers is veral kwesbaar vir burgerlike konflik.

Die Amerikaanse administrasie het ‘n bykomende probleem in dié sin dat hulle hoë vlakke van swart geweld moet probeer verklaar sonder om ‘n kleur daaraan te gee. Die gewilde beskrywing vir swart misdaad is dus, soos hierbo aangedui, “vervreemding”. In Frankryk word dié term, asook “uitsluiting”, dikwels gebruik om swart maatskaplike geweld en opstande te verklaar.

Die PAI-navorsers gee toe dat hoewel hierdie soort van frustrasie en mededinging vir werksgeleenthede nie direk na geweld lei nie, word die waarskynlikheid verhoog dat werklose jeugdiges sosiale en ekonomiese vooruitgang sal soek dmv alternatiewe, onwettige maniere. Volgens Heinsohn, dit is veral die geval onder die jongste seuns van ‘n familie, wat desperaat is vir sosiale vooruitgang, maar Heinsohn praat natuurlik van Duitse jeugdiges wat binne ‘n baie spesifieke Duitse sosiale struktuur funksioneer, waar gesinsorde belangrik is.

Buite konteks, beteken Heinsohn se waarneming dus nie veel nie, aangesien Duitsland nie met jeugdige geweld te kampe het nie. Swart sosiale patrone verskil hemelsbreed van Duitse gesinne, waar daar ‘n pikorde is. Swart kleuters word tot op die ouderdom van twee deur die moeders versorg en daarna word hulle aan die kollektief “bemaak”, as’t ware. Maar kennelik is dit ‘n manier vir multikultibeleidsbepalers om negatiewe kenmerke van sekere rasse te probeer vergoeilik: “Afguns teen ouer, broers word ontketen. So ook ambisie,” skryf rubriekskrywer Christopher Caldwell in die Financial Times. En natuurlik is Caldwell van mening dat die fenomeen absoluut universeel is.

Die feite is ergter verdoemend. Tussen 1970 en 1999, het 80% van alle burgerlike konflikte plaasgevind in lande waar 60% van die bevolking of meer onder die ouderdom van dertig was, volgens die PAI verslag. Vandag is daar 67 sulke lande met jeugborrels en sestig van hulle gaan gebuk onder sosiale onrus en geweld, almal swart. Demograwe is vinnig om te beklemtoon dat die jeug nie alleen hierdie siviele konflikte dryf nie, met korrupsie, etno-godsdienstige spanning, armoede en swak politieke instellings wat ook bydraende rol speel. Oor ras egter, swyg hulle natuurlik in alle tale.

Die konflikgebiede lê naamlik in sub-Sahara-Afrika, Suid-Asië, die Midde-Ooste, en die eilande in die Stille Oseaan, sê demograwe. Twee-en-sestig lande word beskou as “baie jonk”, volgens PAI, wat beteken dat twee-derdes van die bevolking onder die ouderdom van dertig is (en minder as 6 persent is bo die ouderdom van sestig).

Snelle verstedeliking is ‘n migrasiepatroon wat ‘n belangrike rol speel on konflikpotensiaal te verhoog, omdat stede in die ontwikkelende wêreld nie die infrastruktuur, hulpbronne, of werk het om die instroming van landelike werkers te akkommodeer nie.

Jeugborrels lei dikwels tot die agteruitgang van woude, waterbronne, en bewerkbare grond. Dit skep konflikte oor skaars hulpbronne en genereer anti-regeringsimpatie. Dit is glo ‘n algemene kenmerk van sub-Sahara-Afrika, volgens die navorsers.

Die CFR se Independent Task Force on Africa, sê “bevolkingsaanwas is ‘n verwaarloosde area van Amerikaanse beleid, oorskadu deur die fokus op MIV / VIGS en weggelaat deels as gevolg van die godsdienstige en politieke opposisie tot gesinsbeplanning.”

‘n Nuwe Amerikaanse administrasie, ongeag of dit Republikeins of Demokraties sal wees, sal die U.S. Agency for International Development’s Fragile States strategy van Januarie 2005 ongetwyfeld hersien om konflikgebiede op ‘n ander manier te benader, kennelik met die jeugborrel in gedagte.

Sensus wys rykdom, ongelykhede

Die skokkendste syfers in die Sensus 2011-dokument is die data oor die inkomstegapings tussen rasse- en geslagsgroepe, het Trevor Manuel, beplanningsminister in die presidensie, Dinsdag gesê.

Hoewel inkomstegapings groot is, het dit hom nie verbaas nie.

“Dit bevestig ons ergste vrese en ek dink dit skep ‘n enorme uitdaging…,” het Manuel aan verslaggewers in Kaapstad gesê.

Die sensus het gewys dat die gaping in inkomste tussen wit en swart huishoudings steeds baie hoog is.

Swart huishoudings het in 2011 ‘n gemiddelde inkomste van R60 613 gehad.

In vergelyking hiermee het wit huishoudings gemiddeld ses keer meer verdien, met ‘n verdienste van R365 134 per jaar.

Huishoudings waar die vrou die hoofbroodwinner is, het ook swak gevaar. Dié huishoudings het ‘n gemiddelde inkomste van R67 330 gehad, vergeleke met die R128 329 vir huishoudings met mans as die hoofbroodwinner.

Manuel het gesê dis belangrik dat die staat, sake-ondernemings en burgerlike organisasies dié data in hulle beplanning gebruik.

Minder as ‘n derde van Suid-Afrikaners het matriek voltooi, het die 2011 Sensus getoon.

‘n Geraamde 28,4% van die bevolking het Graad 12 voltooi, vergeleke met ‘n totaal van 20,4% in 2001.

Die persentasie mense wat die een of ander vorm van sekondêre onderrig voltooi het, het van 30,2% in 2001 tot 33,8% in 2011 gestyg.

‘n Geraamde 8,6% van die bevolking het geen skoolopleiding hoegenaamd nie. Dié syfer is heelwat laer as in 2001, toe dit op 17,9% gestaan het.

“Daar is in Limpopo ‘n relatief hoë persentasie mense van 20 jaar en ouer met geen skoolopleiding nie (17,3%), gevolg deur Mpumalanga (14%),” lui die navorsing.

Altesaam 51,8 miljoen mense het verlede jaar in Oktober in Suid-Afrika gewoon, het die 2011 Sensus aangedui.

Dit is sowat 7 miljoen meer mense as wat in die vorige sensus, in 2001, getel is.

Die dokument wys daar was op 9 Oktober verlede jaar – die dag van die sensus – om middernag 51 770 560 mense in die land, in vergelyking met 44 819 778 wat tien jaar gelede getel is.

Volgens die sensus is daar ook meer vroue as mans. Sowat 25,2 miljoen van die bevolking is manlik en 26,6 miljoen is vroulik.

Die uitslae toon ook dat Gauteng – die kleinste provinsie in die land – die mees bevolkte provinsie, met 12,3 miljoen mense, is. Die grootste konsentrasie Afrikaners woon in Gauteng, die rykste provinsie.

In teenstelling het Suid-Afrika se grootste provinsie – die Noord-Kaap – die kleinste bevolking, met 1,1 miljoen mense. Wat ras aanbetref het byna agt uit tien mense hulself as swart beskryf. Volgens die sensus is daar ook meer vroue as mans. Sowat 25,2 miljoen van die bevolking is manlik en 26,6 miljoen is vroulik.

Poolse lugramp: Sleutelgetuie opgehang

‘n Poolse parlementêre ondersoek na die President Lech Kaczynski se vliegtuigongeluk in Smolensk in 2010 oorweeg om ‘n getuiebeskermingsprogram te loods nadat ‘n vlugingenieur wat kritiese getuienis sou lewer opgehang gevind is in sy huis in Warskou.

Die liggaam van Remigiusz Mus, ‘n 42-jaar-oue lugvaart-ingenieur, is Saterdag deur sy vrou in die kelder van hul huis in ‘n voorstad van die Poolse hoofstad gevind.

Die hoof van die Poolse parlementêre kommissie, Antonie Macierewicz, wat die ongeluk ondersoek waarin 95 amptenare en hoëlui dood is, het gesê dat Mus een van twee belangrike getuies in die saak was. Met Mus dood, bly net die een sleutelgetuie Artur Wosztyl oor, het Macierewicz gesê.

Dariusz Slepokura, ‘n woordvoerder van die Warskou-distriksaanklaer se kantoor, het gister gesê Mus het waarskynlik selfmoord gepleeg.

Mus se selfmoord is die tweede voorval van sy soort verbonde aan die ondersoek van die 10 April 2010-vliegtuigongeluk, het hy gesê.

Die ramp het die hele Poolse leierskap uitgewis. Die meeste van die land se top-politieke, militêre, finansiële en godsdienstige leiers was op dieselfde vlug na Smolensk om die Katynwoudslagting van 1939 te herdenk. Dié leierskap was as baie pro-Amerikaans beskou.

Alhoewel die Katynslagting vroeër spanning tussen Rusland en Pole veroorsaak het, was die Russiese publiek se skok en afgryse na die ongeluk ironies genoeg ‘n element wat die twee lande weer saamgesnoer het.

Tydens die ondersoek, het Mus getuig dat grondbeheer in Smolensk die vlieëniers toestemming gegee het om te daal na ‘n hoogte van 50 meter. Mus se getuienis weerspreek die amptelike Poolse weergawe, wat gesê het dat die lugkontroleerder slegs toestemming tot 100 meter gegee het.

Die vlieëniers is gewaarsku dat toestande van swaar mis en swak sig by Smolensk se militêre vliegveld heers, en is gevra om na ‘n ander lughawe te gaan. Die bemanning vir die vlug is glo ‘n dag voor die tyd aangestel nadat die gewone span aangesê is om nie te rapporteer vir diens nie.

Die onervare vlieënier het nogtans besluit om te land ten spyte van Russiese waarskuwings. Transkripsies van die vliegtuig se swart vlugopnemer het aan die lig gebring dat die vlieëniers gedwing is om so gou as moontlik te land. Die opname het ook getoon dat een amptenaar voortdurend in die kajuit was gedurende die vlug om druk op die bevelvoerder te plaas, en dat die Hoof van die Lugmag van Pole teenwoordig was in die kajuit ten tye van die ongeluk.

Griekse regses het glo polisie geïnfiltreer

‘n Senior Griekse polisiebeampte beweer die verregse Goue Daeraad-party het die polisie geïnfiltreer op verskillende vlakke. Hy het die blaam gelê op vorige regerings en die leierskap van die polisie wat hulle blind hou vir “fascistiese klieke”.

In gesprekke met die Guardian op voorwaarde van anonimiteit, het die beampte gesê die Griekse staat is ten volle bewus van die aktiwiteite van die Goue Daeraad al vir ‘n paar jaar lank, met die Nasionale Intelligensiediens en ander sekuriteitsagentskappe wat hulle dophou. Die staat, het hy gesê, wil die fascistiese elemente “in reserwe” hou en hulle gebruik vir sy eie doeleindes.

Die beampte het gesê hy glo dat lede van die Goue Daeraad gebruik kan word om teen die Griekse linkses op te tree, om die gewilde straatprotes teen die regering en die soberheidsmaatreëls wat deur die EU ingestel is, te bekamp. Hy het sy oortuiging uitgespreek dat die neo-fascistiese groepe dalk reeds opgetree het as provocateurs tydens demonstrasies regoor die land, en botsings tussen betogers en die polisie of selfs tussen betogers uitlok.

‘n Woordvoerder vir die Griekse polisie, Christos Manouras, ontken die polisie se gebruik van “enige politieke groep teen enige ander”. Manouras verwerp die bestaan van “fascistiese klieke” en sê dat geen onwettige gedrag geduld sal word nie.

Hy het toegegee dat “individuele gevalle kan oral en by enige werkplek gevind word”. Manouras sê: “Jy moet daarop let dat – in ooreenstemming met die Grondwet en wette van die Griekse republiek – kan slegs onwettige dade vervolg word en gestraf word. Dieselfde is nie van toepassing op politieke houdings nie, selfs al word dit beskou as ‘ekstreem’ deur die ander partye en die oorweldigende meerderheid van die openbare mening.”

Goue Daeraad het 6,9% van die stemme in verkiesings in Junie ingepalm, met 18 setels in die parlement, maar ‘n onlangse meningspeiling deur navorsingsmaatskappy VPRC sê die party se steun het sedertdien verdubbel.

Menseregtegroepe beskuldig die Griekse polisie van samespanning met die groep. Hulle het vroeër hierdie week in ‘n verslag oor die rassistiese geweld deur Recording Network, ‘n groep wat bestaan uit 23 NRO’s en die VN se hoë kommissaris vir vlugtelinge, uitgelig dat gewelddadige voorvalle waarby die polisie betrokke is en rassistiese geweld oorvleuel.

лобановский класс

Superstorm Sandy saai verwoesting

President Obama moes sy reisplanne afstel nadat Orkaan Sandy teen die ooskus van die VSA woed, grootskaalse oorstromings veroorsaak, en New York in duisternis gelaat het. Die “superstorm” het reeds talle lewens geëis.

Stede aan die ooskus is gedeeltelikk lamgelê deur die “superstorm”. Skole bly gesluit en daar is geen openbare vervoer nie.

Deel van ‘n kernkragstasie is gesluit laat Maandag terwyl ‘n ander aanleg – die land se oudste – op ‘n gereedheidsgrondslag geplaas is na water 6 meter bo seevlak gestyg het.

Een van die kernkragaanlegte by Indian Point, 45 myl noord van New York City, is om 22:45 gesluit as gevolg van eksterne probleme sê Entergy Corp, wat die aanleg bedryf. Die maatskappy het gesê daar is geen risiko vir werknemers of die publiek nie, en die aanleg is nie in gevaar as gevolg van stygende watervlakke van die Hudson-rivier nie.

Die oudste Amerikaanse kernkragstasie, New Jersey se Oyster Creek, is reeds gesluit, maar die oorsigliggaam het die veiligheidstoestand by die aanleg na “gevaar” opgegradeer.

Minstens 13 mense is in die VSA en in Kanada dood toe die orkaan bome en kragpale ontwortel het. Derduisende mense moes hul woonplekke ontruim en die kragtoevoer in 11 deelstate is belemmer.

Motors is n New York deur oorstromings meegesleur en tonnels en dele van die die moltreinstelsel is onder water nadat die East- en die Hudsonrivier se watervlakke met meer as 4 meter gestyg het.

Na raming is sowat ses miljoen mense sonder elektrisiteit gelaat.

Pasiënte in New York se universiteitshospitaal moes na ander hospitale verskuif word nadat die kragtoevoer asook die nood-kragopwekker onklaar geraak het.

Swaar sneeuneerslae het ook na wat berig word in dele van Wes-Virginië, Maryland en Noord-Carolina voorgekom nadat Orkaan Sandy met ‘n koue front uit Kanada gebots het.

Die skade wat deur die storm aangerig is kan volgens sommige waarnemers meer as R160 miljard beloop.

лобановский обыск

Kaapstad in duisternis na kragprobleme

Dele van Kaapstad se suidelike voorstede is Maandag in donkerte gehul, het die stad Kaapstad gesê.

Kylie Hatton, woordvoerder van die stad, het gesê ‘n fout by ‘n elektrisiteit-skakelstasie is die oorsaak van die kragonderbreking.

Gebiede wat geraak word, is Heideveld, Bonteheuwel, Epping, Thornton, Langa, Belgravia, Crawford, Rondebosch-Oos, die Vanguard-rylaan-gebied in die rigting Nuweland, Mowbray, Observatory, die buitewyke van Woodstock, Paardeneiland en Maitland.

Hatton het gesê tegnici werk aan die probleem, maar dit is nie bekend wanneer die elektrisiteitstoevoer in die gebiede herstel sal word nie.