Dan Roodt, Author at praag.co.za

SAOG vergader oor gesondheidsprobleme

Die SAOG-ministers van gesondheid het oor die naweek die belang daarvan uitgewys om aandag te gee aan nie -oordraagbare siektes, waarna soms verwys word as lewensstylsiektes, in erkenning van die groeiende las wat dit op die Afrikastreek plaas.

Gedurende hulle vergadering in Durban oor die naweek wat op Sondag ten einde gekom het, het die ministers op die viering van die streek se eerste SAOG se Gesonde Lewensstyldag ooreengekom oor die beplanning vir Februarie 2009.

Die vergadering wat onder voorsitterskap van die Suid-Afrikaanse minister van gesondheid, Barbara Hogan was, was gemik daarop om te kyk na vordering in die implimentering van SAOG-gesondheidsprogramme en om strategiese beleidsraamwerke vir die streek te oorweeg.

Beleidsraamwerke meer spesifiek vir MIV/Vigs, tuberkulose, malaria, ondersteuning vir weeskinders en seksuele en voortplantingsgesondheid is bespreek.

Die vergadering het ook opgemerk dat daar goeie vordering gemaak is in die voorkoming van moeder na kind en teen-retrovirale terapie programme.

Alle SAOG-ministers van gesondheid het hulle opnuut daaraan toegewy om uitdagings in gesondheidsorg aan te spreek, en om globale en kontinentale beloftes na te kom, asook gesondheidsnavorsing.

Die doel van die byeenkoms was om nuwe voorkomingstegnologie en behandelinge te skep.

Ten opsigte van malaria het lidlande gesê hulle beoog om hulle malariaprogramme te vergroot.

Tot op hede het 12 lidlande gesê hulle gebruik die binnenshuise besproeiingsprogramme as ‘n voorkomingstegniek, en hulle het ook die voorsiening van behandelde muskietnette verhoog.

Ruil Pretoria en ‘Tshwane’ om

Pretoria is ons Thermoypylae, deur Gustav Venter verwys. "Die suksesvolle generaal is een wat die terrein van die naderende veldslag kies. Laat Pretoria dit vir ons wees."

Dis te laat om die terrein te kies.

Vir die veldslag teen die Afrikaner se ou kultuur, het die ANC Pretoria klaar gekies. Die land word reeds geteister deur nasionale Tswhane-indoktrinasie. Die kersie op die ANC se puik propagandakoek is die "behoud" van die naam Pretoria, slegs vir die pikswart stadsentrum. Dis geniaal gedoen. Ons moet ook so slim wees.

Swart leiers is propaganda-polities gesien meer intelligent as Afrikanerakedemici met minder instink. Hulle weet: Johannesburg is 'n stad, Pretoria is 'n simbool.

Simbole van die Afrikaner se geskiedenis en staat word gehaat, want die orde, dissipline en beskawing daarvan vorm 'n skrille kontras met die nuwe kultuur en sy skrikwekkende kriminaliteit. Daarom moet die veel veiliger ou orde vergeet word. Op Wikipedia staan die ANC se proses van vergeet bekend as "Damnatio Memoriae".

Engelse Afrikane se eindpaal is om Pretoria vir ewig uit hul geheue met die parlement se rubberstempel uitgevee te kry. Wikipedia Tswhane toon die tegniese detail van die politieke proses:

"On the 26 May 2005 the South African Geographical Names Council unanimously approved a recommendation by the Tshwane Metro Council that the name Pretoria be changed to Tshwane.

The legal process involved is as follows:

Recommendation to the Geographical Names Council.
Council approves / rejects recommendation (Approved – 26 May 2005).
Council gives its recommendation to Arts and Culture Minister Pallo Jordan.
Minister approves / rejects recommendation.
Approved / rejected name is published in the Government Gazette.
Any person or body unhappy with the name change can complain within 1 month of above.
The minister can consult the Geographical Names Council with concerns raised.
The minister's decision, along with the reasons for it, are published
The minister will then take the matter before parliament where the central government will decide on whether to change the name or not based on the information before it.

Some controversial groups have attached themselves to the Pretoria name-change issue, including the trade union Solidarity [8]]. Solidarity and the Pretoria Civil Action Committee have threatened legal action should the name change be recommended by the minister.

As of November 2007 the name change has not yet been approved or rejected by the minister (step 4 above).

Early August 2007, it was reported in the press that the Municipality, after consulting with the Gauteng provincial government had withdrawn the application to change the name, …."

'n Afrikanerleier kan dus nou kies: wil hy op die Pretoria-terrein sy volksveldslag voer of nie?

Van kardinale belang: kan hy die Minister van Kultuur tot aksie motiveer, en in 'n lokval lei? Dis wat 'n jong Andries Pretoria in 1838 gedwing was om te doen, maar meer daaroor onder.

Die bepalende vraag is: kan 'n Praagaksie die naam Pretoria tot 'n internasionale oorwinning lei?

Indien nie – dan mag geen Praagpolitiek oor Pretoria gepleeg word nie. Slegs 'n veldslag wat gewen kan word, mag gevoer word. 'n Slag wat nie gewen kan word nie, mag nie gekies word nie, anders word geld en energie verspil, en die moraal van die volk vernietig.

Indien 'n oorwinning wel moontlik is, moet die gereedskap getoon, en mense van die meriete oortuig word. 'n Werkbare Pretoriaplan behoort in besonderhede gepubliseer word. Byvoorbeeld die tydskaal:

Tydens 2010 vind die Wereldbekersokkertoernooi in Suid-Afrika plaas. Dis die beste tyd om Pretoria in die openbaar te adverteer.

Die nasionale simbool van Pretoria is die Voortrekkermonument. Die Voortrekkermonument is 'n internasionale toeriste-aantreklikheid. Die Voortrekkermonument is die 8ste Wonder van die moderne Wereld.

Internasionale toeriste behoort tydens die 2010 Sokkertoernooi in Pretoria verwelkom word met die woorde: 8th Wonder of the World – Welcome to Pretoria. So 'n reuse bemarkingsbanier moet so sigbaar soos die Voortrekermonument self wees. As 'n seksie dame op die senotaaf gefotografeer kan word, dan moet dit moontlik wees om met Generaal Opperman en die Vriende van die VTM se toestemming, die VTM tydelik as 'n aktuele advertensiebord vir Andries Pretoria te gebruik, ter bevordering van internasionale toerisme na Suid-Afrika deur die bemarking van die beroemde monument en sy man: Andries Pretoria.

Sonder Andries Pretoria sou daar geen Gelofte gewees het nie. Geen Gelofte, geen VTM nie.

Hierdie vier gaan saam en vorm een groter geheel: Pretoria, Andries Pretoria, die Gelofte, en die VTM as sigbare simbool van Pretoria.

'n Geintegreerde propagandaplan is dus gepas. Elektroniese Praagartikels in Engels is nodig om die verband tussen die VTM en Andries Pretoria sigbaar aan te toon.

Fotoverhale op die internet moet illustreer hoe Andries Pretoria met Prins Mpande saamgewerk het om Dingaan se mag te verminder. So het Andries Pretoria die Zoeloekoningshuis in Kwazulu van seker uitwissing gered, tot vandag toe.

Andries Pretoria en die Zoeloeheld Generaal-Indoena Ndlela se persoonlike samewerking op 16 Desember 1838, het die einde van Dingaan se tirannieke diktatorskap oor die vrye volke van Suid-Afrika, en die vooruitgang van Suider-Afrika self verseker. So 'n aktuele artikel deur Dan Roodt sal beide wit ens swart geskiedskrywers met meer rede en rasionaliteit oor Andries Pretoria se geniale Gelofte laat besin.

Andries Pretoria se hele lewe en strewe was vir die ontwikkelling van Afrika, teen bose Britse Kolonialisme en parasitiese Engelse Imperialisme, en is internasionaal nastrewingswaardig.

Om die stad wat na Andries Pretoria vernoem is se naam nou te probeer verander is 'n misdaad teen die mensdom, 'n ANC-aanslag teen die vreedsame naasbestaan van alle Afrikavolkere en hul onderlinge samewerking tot die ontwikkelling van Afrika en al sy inheemse mense, -Afrikane en Afrikaners.

Andries Pretoria was 'n Praetorpionier: 'n Afrikanerleier vir Afrika, wat met Prins Mpanda en Generaal-Indoena Ndlela saamgewerk het om Afrika te bevry van korrupte sentralistiese regering.

Dis gepas dat die Hoofstad van Afrika na hom vernoem is, want God seen Afrika, deur Andries Pretoria.

Op Andries Pretoria se geniale Geloftedag, skyn die son op die sarkofaag om God se belofte te verlig: ONS vir jou Suid-Afrika.

Praag, Afriforum, en die FAK saam kan nog ander Afrikanerorganisasies beinvloed, en moet by monde van Danie Goosen van die FAK 'n akkomoderende wen-wen-skrywe aan die Geografiese Naamraad rig, waarin voorgestel word dat die name Pretoria en Tswhane net eenvoudig omgeruil word.

Dus Pretoria, die sentrale middestadgedeelte moet eerder Tswhane genoem word, en die groter stad Tswhane weer Pretoria. Dan sal Andries Pretoria en die VTM as internasionaal bekende toeristebestemming weer in Pretoria staan, waar hulle hoort. Dit sal die staat en dus die belastingbetaler astronomiese verskuiwingsonkostes spaar. Dis veel goedkoper om Oom Paul na Pretoria te verskuif, en dan in sy plek en in die middel van Tswhane 'n standbeeld vir hoofman Tswhane op te rig.

'n Openbare beroep kan dan direk en bo-oor die antikultuurkop van Pallo Jordan op Jacob Zuma gedoen word om die verdelende Pretoriaspanning permanent te ontlont voor die komende algemende verkiesing.

Indien Zuma nie sy mening wil lug nie, moet President Kgalema Motlanthe in Zuma se plek versoek word om te reageer voor die 2010-Sokkertoernooi en al sy internasionale toeriste wat Pretoria as die stad van die Voortrekkermonument ken.

Intussen moet die geskiedenis van Andries Pretoria, Prins Mpande, Generaal-Indoena Ndlela en die oorlewende Zoeloekoningshuis behoorlik bestudeer en in die openbaar gedebatteer word. Geloftedag val nie maar net uit die lug uit nie. Andries Pretoria self het sy Gelofte alreeds 'n week voor die strategiese laertrek langs die Ncomerivier voorgestel, maar hoe het hy so seker geweet dat Generaal Ndlela hom gaan help op die komende Sondag van 16 Desember 1838?

Het Andries Pretoria toe reeds 'n politieke alliansie saam met Prins Mpande gehad? Hoe kon Andries Pretoria die spesifieke terrein gekies het, as hy nie seker was dat sy alliansievennoot Prins Mpande se beskermheer en lewensgetroue vriend, Generaal-Indoena Ndlela, daar ook saam met hom gaan werk deur geko-ordineerd en tydsberekend "aan te val" nie?

In die Heldesaal van die Voortrekkermonument sit Andries Pretoria en Prins Mpande vreedsaam saam. Maar moet die grootste held op 16 Desember en Geloftedag in die Voortrekkermonument van Pretoria, nie God se eie Generaal: Indoena Ndlela kaSompisi wees nie?

Geen swartmens of witmens, Afrikaner of Afrikaan, het die goddelike reg om die verstaanbare geskiedenis van God te ontken of te verander nie. Ook nie die gepaardgaande plekname ter nagedagtenis van sy unieke diensknegte en voortrekkers vir Afrika, soos Generaal-Indoena Ndlela en Andries Pretoria nie. Hulle historiese lewe, regstellende strewe en titaniese stryd teen die moordenaar Dingaan moet gerespekteer word, en nie die mensgemaakte mites van vandag se moderne mislukkings nie.

Viva Pretoria en Afrika!

uniel линейные топкарго отзывы

Sogenaamde ‘Volkskongres’

06:49:24 Ek sien u vertaal die nuwe swart party se Congress of People-naam met "Volkskongres" – hoofletter ook nogal!

Vir 'n pro-Afrikanerpublikasie is dit darem 'n treurige en betreurenswaardige vertaling. Die woord "people" het in Engels en ook by die ANC nog nooit in der ewigheid die begrip "volk" omsluit nie. Hulle bedoel eerder daarmee "mense" of die "bevolking".

Die begrip "volk" – veral soos dit verwys na die Afrikanervolk – is vir hule 'n vloekwoord.

Gebruik dan maar liewers die Engelse benaming in u berigte.

Фильчаков Харьков

EU wil Rusland se houvas op energie breek

Die Europese kommissie het ‘n nuwe maatskappy voorgestel om gas van sentraal Asië deur die Kaspiese see na Europa te bring, ‘n besluit wat waarskynlik spanning sal verhoog in Vrydag se vergadering van EU- en Russiese leiers.

Die Kaspiese roete wat die oprigting van ‘n nuwe pyplyn sal vereis, sal die EU in staat stel om verby Rusland te werk om die hulpbronne vanaf Kasakstan en Turkmenistan te kry. Verlede maand het die lande bekendgemaak dat hulle van die grootste natuurlike gas bronne ter wêreld ontdek het.

Die plan is voorgelê as die middelpunt van ‘n energiesekuriteitsplan om die EU-lidlande se afhanklikheid van Rusland te verminder.

Dié strategiese energieoorsig kom op ‘n baie delikate tyd terwyl die EU weer onderhandelings met Rusland wil hervat oor ekonomiese en energieooreenkomste wat verbreek is toe Rusland Georgië in Augustus verdedig het. Dit kom ook nadat skerp prysstygings ingetree het en interne konflik oor die EU-klimaatspakket afgekondig is wat lidlande sal dwing om kweekhuisgasse met 20% te sny teen 2020.

Die EU se strategiese energieoorsig het ook planne uitgesit om geboue meer energiebesparend te maak, noodolievoorrade op te bou, en elektrisiteit vanaf Noordseewindplase en sonplase vanaf die Middellandse See aan die Europese energienetwerk te koppel.

Hulle het ook gevra vir ‘n nuwe konsortium, die Kaspiese Ontwikkelingskorporasie, wat ‘n poging gaan aanwend om gas in die omgewing te koop, om die ontwikkeling van nuwe produksie aan te moedig, en te belê in infrastruktuur, wat waarskynlik die trans-Kaspiese pyplyn sal insluit.

Die grootste struikelblok met die ontwikkeling van gasvoorsieningsroetes van die Kaspiese see, was die oormatige afhanklikheid van gas van Azerbaidjan, wat dalk nie in die ambisieuse produksiegroeivooruitsigte sal kan voorsien nie. Azerbaidjan word nou ook deur Rusland saggemaak vir die gasvoorrade daar.

Irak en Iran het beide groot gasbronne, maar dit is onwaarskynlik dat hulle in die voorsienbare toekoms groot uitvoerders van natuurlike gas sal word.

‘n Pyplyn oor die Kaspiese See gaan die prentjie verander deur die bronne van Turkmenistan en Kazakstan beskikbaar te stel.

play free games

Die antwoorde op die dinge

"En as die Afrikaner ooit oorleef, sal dit nie vanweë die ONS wees nie, maar vanweë die rustelose enkeling wat altyd ondermyn, uitdaag, nuut dink en op 'n ander wêreld hoop". (Prof Jurie le Roux, FilosofieKafee, Nov 07)

Nie 'n gewilde stelling in die 'Suid Afrika wat moet kom' nie, as ons die maghebbers op hulle woord moet neem. Ek het elders die kenmerke en geskiedenis van hierdie 'enkeling' probeer karteer (sien Fragmente, No 6, 2000), en op sy denkende ingesteldheid gewys. Maar die ruimtes om krities en denkend met dinge van belang vir die Afrikaanse groepering in hierdie land om te gaan op 'n gepaste vlak, het ernstig gekrimp. Die ruimtes van die (nie-elektroniese) gedrukte media veral, indien ons vir 'n oomblik akademiese joernale buite rekening laat. En selfs in die akademie: hoe lank nog sal ons ons daar in Afrikaans kan uitdruk, dieselfde Afrikaans wat Suid Afrika gebring het op die vlak waar die land in vergelyking met die res van Afrika selfs vandag nog verkeer. As dit nie tydskrifte is wat sluit nie ('n tydskrif soos 'Fragmente', byvoorbeeld), knak koerante (Die Wêreld, Vrye Afrikaan) en word die debat gevoer in gedrukte media wat soms veel te wense oorlaat itv vlak van beriggewing en konteks. Waarom hierdie vrees vir kompeterende standpunte? Johann Rossouw het al in 1998 die dood van die onafhanklike pers aangekondig en opgemerk dat die Afrikaanse media soms sensasionele verleenthede is wat hulself relevant probeer hou met krapkaarte (en ons kan seker nou SMS-kompetisies byvoeg) (Fragmente, No 1, 1998). Hy lewer dan ook 'n pleidooi vir 'n verbetering van die kwalitatiewe inhoud van die Afrikaanse gedrukte media en veral ook vir 'n herlewing van die vertaalkuns (vertaal in Afrikaans). Waar debatteer ons dan? En wat wil ons regkry deur die debat? Maar meer belangrik nog: hoe benader ons sake van belang en verseker ons dat ons nie slagoffer word van die moderne neiging tot vinnige oplossings en waarhede nie? Wat vra ons en hoe, en hoe lyk ons antwoorde?

Sommige is van mening dat die essensie van die dinge onagterhaalbaar versteek is agter 'n ondeurdringbare geheimenis. Ons mors dus ons tyd om te probeer uitvind wat gaan vir wat. Dit is een voorbeeld van 'n antwoord op die vraag of daar antwoorde is. Maar die vrae duur voort. Is daar uitslag op die dinge wat ons pla, op daardie dinge wat antwoorde vra ten einde ons voortbestaan te verseker, vir sovêr ons beheer het daaroor? 'n Ou vraag, waarop die mens- en natuurwetenskappe sedert hulle ontstaan elkeen op hul eie manier probeer antwoord het, en steeds probeer antwoord. Een ding staan egter vas en word gedeel deur almal betrokke in hierdie debat: antwoorde is nie maklik nie, beslis nie as dit regtig van waarde wil wees nie. Maar "antwoorde" is die einde van die proses. Die begin is die stel van die regte vrae. Ek wil nie op daardie debat hier ingaan nie. Wat ek wel wil doen, is om 'n suggestie te laat rakende een manier waarop ons dalk kan probeer om dinge so effe te vergemaklik in hierdie proses van antwoorde soek.

Ek het dit hier oor daardie aangeleenthede waaroor ons wonder, vrae vra, ons soms verkyk aan die skokkende antwoorde wat gegee word en wat dan as "die waarheid" geld. Dit gebeur baie dikwels wanneer die doel "konsensus" is; konsensus as die resultaat van kompromie-sluit. So is die resultate van die Suid-Afrikaanse "konsensus" van voor '93 en na '94 aan ons (oor)bekend. Kom ons probeer 'n slag een tree terugstaan van hierdie proses van antwoorde soek. Is daar dalk iets gemeenskapliks te vind aan al die moontlike antwoorde wat gegee word? Wat byvoorbeeld kan ons hieroor uitvind as ons antwoorde soek op die uitdagings wat ons tans in SA beleef, ook as Afrikaners? Uit my eie wonder oor die dinge en gedagte-eksperimente om sin te probeer maak uit 'n oorvloedige en dikwels oneerlike debat, wil ek 'n voorstel maak as dit kom by die soek na antwoorde en die maak van 'n ingeligte keuse uit die veelheid van standpunte wat meeding om ons ondersteuning. Gekonfronteer deur hierdie see van vrae en antwoorde, wil ek vra dat u vir 'n oomblik die volgende stelling oorweeg: Enige vraag kan waarskynlik vêr op die pad van 'n werklik eerlike antwoord vorder indien ons dit benader na aanleiding van die temas (in enige kombinasie) hieronder en evalueer as deel van ons debat en argumentasie, waardeur 'n verskilmakende antwoord op die vraag onder bespreking waarskynlik gevind sal word. Hierdie temas is:

" Mag – in alle vorme daarvan. Watter magsverhoudings is aanwesig in die debat, wat is die winste en verliese te behaal deur die debat te filter; kortom, hoe deurtrek is die aangeleentheid onder bespreking van "Mag"?

" Geskiedenis – waar kom die debat vandaan, hoe het dit ontwikkel, wie is en was die rolspelers en watter dinamika is hierin opgesluit of hieruit af te lei?

" Persepsies – Watter persepsies bestaan in die debat, hoe het dit tot stand gekom en watter gronde is daar hiervoor? Wat is die sielkunde van en in die debat?

" Ekonomie – watter mate (en vorm) van geld is betrokke en wat is die wins/verliesverhouding wat hier bepalend kan wees?

" Biologie en Antropologie – Verban uit die moderne debat beteken nie dat relevansie ingeboet word nie. Wie sal verskil dat "etnisiteit", "ras" (SA, VSA), "oriëntering" (homoseksualiteit) en selfs "spesie" (diereregte en die verhouding met mense) al meer prominente rolle speel in internasionale en nasionale debatte, selfs al word dit dikwels ontken? Daarbenewens maak die vloeibare aard waarop daar tans met hierdie aspekte in die huidige debat omgegaan word (dan relevant, dan nie, soos nodig blyk te wees) 'n oorweging hiervan noodsaaklik

Belangrik is om te bepaal wat die onderlinge verhouding en prominensie is tussen hierdie faktore in die saak wat ons onder oë het, want vervlegheid is hier dikwels die reël eerder as die uitsondering. Hierdie aspekte is natuurlik plek-plek reeds teenwoordig in die huidige debat, en as sodanig lewer dit 'n bydrae tot die lig van die vlak van die debat waar dit ook al eerlik voorkom. Maar ek dink ons moet eksplisiet daarna gaan kyk, en die impak wat dit het op die aanvoer, die verloop en die afloop van die debat, lg dikwels met gevolgtrekkings wat reeds die grondslag lê vir die verdere debat. Ek kan dus nou voortgaan en aan die hand van hierdie voorstel verskeie voorbeelde uit die Suid-Afrika van die verlede en die hede gaan haal om die punt te probeer bewys. Dit sal waarskynlik hoogs subjektief wees, en daarom laat ek dit graag aan u, die leser, oor om die voorstel aan die hand van u eie belangstellings te toets. Maar meer spesifiek: probeer ook die eksperiment aan die hand van die huidige debat rondom Afrikaans, die Afrikaner, Afrikaanses, en die onvermoë om mekaar (weereens) hieroor te vind. Aan diegene wat betrokke is by die nasionale debatte en dan veral die Afrikaanse saak: kom ons probeer by ons volgende seminaar en/of konferensie vir 'n slag die argument benader vanuit die invloed wat hierdie temas op die realiteit van die Afrikaanse saak het. Kom ons gebruik dit bv as 'n toetslys om vas te stel of ons regtig oor alles gedink het. Ek wil my verstout om te sê dat ons, as ons eerlik wil wees in ons pogings, op antwoorde gaan afkom wat nie net die huidige debat se vlak gaan lig nie, maar wat ons dalk effens nader aan iets meer substantiefs as wat tans geld as vertrekpunte, gaan skuif. En as ons dan minder gewild is as voorheen omdat ons eerliker wil wees, is dit 'n klein prys om te betaal vir integriteit in 'n samelewing wat in elk geval funksioneer soos prominente denkers hieroor, soos Foucault, Orwell, om enkeles te noem, dit nie in hulle wildste (weliswaar aangepaste) drome kon voorsien nie. Moontlik kan ons so verseker dat die debat oor alles Afrikaans, om 'n analogie van Johan Steyn te gebruik en effens aan te pas, nie met 'n punt tot 'n einde kom nie, maar wel elke keer met 'n uitroepteken afsluit en met 'n aandagstreep voortgesit word.

логические игры

By die Volkskongres heers wantroue

Dis nog 'n maand voordat die Volkskongres formeel geloods word, maar 'n bakleiery woed glo reeds agter die skerms. Volgens die Mail & Guardian is Mluleki George vies dat Sam Shilowa die party probeer oorneem en hom uitgeskuif het na die posisie van tesourier en nasionale organiseerder.

Volgens 'n bron is die spanning besig om op te laai en wantroue "is besig om te wys". George voel glo dat hy stief behandel word nadat hy "hierdie ding al van Polokwane dryf".

George, die voormalige adjunkminister van verdediging, se ontevredenheid is by vergaderings geopper en bespreek. Om die skade van die jongste gerug te beperk, sê Volkskongreslede dat dit slegs 'n veldtog van die ANC is om die nuwe party te verdeel.

Anele Mda van die kongres sê sy het die volgende teksboodskap op haar selfoon ontvang: “Wat maak jy van Shilowa en Lekota vandag? Is hulle nie bedrieërs en uitverkopers nie? Ons moet hulle destabiliseer [verkeerd gespel in die oorspronklike boodskap] en grugte versprei dat die twee hoog[spelfout in die oorspronklike] maar George word nie vir leierskap oorweeg nie. As ons dit gewild maak sal dit werk…"

George het ontken dat hy uitgesluit voel, maar het ook die gerug gehoor. Shilowa het gesê dat hy nog nooit die gerug gehoor het nie.

Praag gekraak!

Soos lesers van dié webwerf gister tussen 11-uur en 3-uur agtergekom het, is ons gekraak. 'n Onbekende rekenaarkraker met 'n skuilnaam het tot die bediener deurgedring en twee virusse daarop geplaas wat agterna op elke bladsy van die webwerf verskyn het.

Onmiddellik nadat ons daarvan bewus geraak het, het ons die webwerf vanlyn gehaal om besoekers te beskerm. Ons webmeester, Albertus Kleingeld, het onverpoos gewerk om die probleem op te spoor en die bediener van die virusse te suiwer. Teen 3-uur gistermiddag kon ons genadiglik weer die webwerf aanskakel.

Ons vra om verskoning vir die ongerief gister, maar soos webmeester Albertus Kleingeld dit gestel het, "maak blootstelling aan virusse en krakers deel uit van die risiko om 'n webwerf te bedryf".

Dit is ongelukkig so dat kwaadwilliges daarbuite wat, hetsy om politieke of ideologiese redes, hetsy vir die plesier daarvan om die werk van ander te beskadig, webwerwe aanval net soos wat hulle virusse en ander skadelike programme versprei.

Praaglesers en alle internetgebruikers word aangeraai om te alle tye antivirusprogrammatuur, asook 'n vuurmuur soos Zone Alarm wat gratis afgelaai kan word, op hul rekenaars te loop.

Die voorval het die behoefte aan veiligheid op ons eie rekenaarstelsels en voortdurende paraatheid verder onderstreep aangesien die betrokke skadelike program genaamd "Antivirus 2009", wat hom juis as 'n antivirusprogram voordoen, ook die rekenaars van drie van ons medewerkers aangeval het.

Hoewel ons nie paranoïes is nie, word die moontlikheid nie uitgesluit dat ons juis aangeval is vanweë ons onverskrokke standpunte ten gunste van Afrikaans en Afrikaneroorlewing in Suid-Afrika nie.

баня Фильчаков прокурор

Swartes kla oor Britse ho?kommissaris se vrou

Paul Boateng, die voormalige Britse minister van arbeid, wat nou die Britse hoëkommissaris in Suid-Afrika is, se vrou word daarvan beskuldig dat sy die huispersoneel verbaal afknou.

Die Daily Telegraph beweer dat die klagte teen Janet Boateng wat deur swart personeel gelê is, so sensitief is dat die Britse minister van buitelandse sake daarvan in kennis gestel is en nou die saak monitor.

Die Telegraph berig dat Janet, voorheen ‘n arbeidskonsultant, sommige van die personeel aan verbale afknouing onderwerp het, en dat hulle inligting van die ondersoek teen haar verkry het deur ‘n vryheid-van-inligting versoek. In ‘n verklaring het die departement van buitelandse sake gesê “alhoewel ‘n klag aanhangig gemaak is deur sekere lede van die huispersoneel, dit nie teen mnr. Boateng gerig is nie. Dit is ‘n interne personeelaangeleentheid wat in Suid-Afrika ondersoek word op die toepaslike vlakke, met hulp van ons regsadviseur aangaande plaaslike arbeidswetgewing en die departement van buitelandse sake in Londen.”

Paul Boateng, ‘n vurige linksgesinde prokureur het in 2002 Britanje se eerste swart kabinetsminister geword, en is aangestel in die pos in Suid-Afrika toe Tony Blair in 2005.

Hy en sy vrou het nou ‘n luukse lewe in die hoëkommissaris se woning in Kaapstad. Die grasdakhuis met nege slaapkamers, ‘n verwarmde swembad en tuine wat oor vier hektaar strek is net een van die wonings aan hom beskikbaar. Die paartjie het ook ‘n agtslaapkamerhuis in Pretoria.

Terwyl Boateng (57) die 180-man sterk konsulaat- en diplomatieke personeel bestuur, is sy vrou, ‘n maatskaplike werker in beheer van die twee ampswonings.

стенд развал

Goudproduksie daal

Suid-Afrika se goudproduksie het met 17,7% afgeneem van September 2007 tot September 2008. Dit benadruk die land se agteruitgang as een van die wêreld se grootste goudprodusente.

Sedert die piek in goudproduksie in 1970, is dit konstant besig om te daal en verlede jaar het China in die eerste plek ingeskuif met Suid-Afrika tweede.

Syfers wat deur Statistiek SA gister vrygestel is, wys dat die land se totale mynproduksievolume met 3,5% gedaal het van September verlede jaar tot September hierdie jaar, grootliks as gevolg van die daling in gouduitset. Ander minerale se produksie het nietemin ook afgeneem.

Die afname is 'n donker vooruitsig vir die land se BBP-groei in die derde kwartaal (Bruto Binnelandse Produk) wat teen die einde van die maand bekend gemaak sal word.

Twee voertuigondersoekbeamptes vas vir bedrog

Die gemeenskapsveiligheidsdepartement het gesê dat twee voertuigondersoekbeamptes Donderdag vir bedrog gearresteer is.

Die ondersoekbeamptes van die Mayfair en Lenasia voertuig oetsstasies het na bewering padwaardigheidsertifikate uitgereik aan voertuigeienaars, sonder dat hulle die voertuie geïnspekteer het, het Mandla Radebe, woordvoerder vir die departement in ‘n verklaring gesê.

Dokumente wat die beamptes in ander bedrogsake kan impliseer is ook gedurende die arrestasie gekonfiskeer, het hy bygevoeg.

Die ondersoekbeampte by Mayfair, ‘n 29 jarige man, sal van bedrog aangekla word, en moet Vrydag in die Johannesburgse landdroshof verskyn.

Die 30-jarige ondersoekbeampte van Lenasia moet in die Protealanddroshof verskyn op soortgelyke aanklagte.

Indien hulle skuldig bevind word kan hulle werkslisensies teruggetrek word.

Die arrestasies volg op ‘n maandlange ondersoek nadat ‘n anonieme wenk ontvang is. Die ondersoek is gedoen in samewerking met die departement van vervoer van KwaZulu-Natal, waar een van die voertuie wat ‘n vals padwaardigheidsertifikaat gekry het, geskut is.

Radebe het gesê dat die departement sover 5 toetsstasies in die finansiële jaar gesluit het, en dat meer as 2000 teruggeroep is om weer getoets te word.

Nagenoeg 300 bestuurslisensies is sover gekanselleer, en meer as 12 mense is gearresteer.

справка для выезда