Dan Roodt, Author at praag.co.za

Manyi gaan dalk myne takel as DG

Die ANC-regering se kabinetswoordvoerder en hoof van die regeringskommunikasiediens (GCIS), Jimmy Manyi, is ‘n gunsteling vir die pos van direkteur-generaal (DG) van minerale hulpbronne.

Die aanstelling van ‘n DG word deur die president gedoen.

Dié pos word as een van die sleutelposte beskou omdat dit ten nouste verweef is met met die debat oor nasionalisering van myne wat op die oomblik binne die ANC woed.

Manyi het aan die Volksblad gesê hy is ‘n geskikte kandidaat vanweë sy agtergrond en ook omdat nie één direksie van ‘n mynmaatskappy hom sal kan probeer bluf nie.

Manyi het ‘n kwalifikasie in ekonomiese geologie aan die Universiteit van die Witwatersrand verwerf en was in diens van Anglo American se goudafdeling, voordat hy as DG van arbeid aangestel is.

Hy het aanvanklik as geoloog by ‘n goudmyn in Welkom gewerk, en daarna in Anglo se hoofkantoor.

Nadat Susan Shabangu, tans minister van minerale hulpbronne, verklaar het dat nasionalisering nie in haar leeftyd plaasvind nie, het haar posisie in die party verswak.

Sy sal bes moontlik deur Godfrey Oliphant, haar adjunkminister, opgevolg word. Oliphant is ‘n Noord-Kaapse ANC-LP.

Oslo-verdagte glo ‘Christen fundamentalis’

Polisie het die 32-jarige verdagte in die bom- en skietaanval in Oslo, Noorweë, waar ten minste 91 mense dood is, as ‘n ‘Christen fundamentalis’ beskryf.

‘n Beampte het Saterdag gesê volgens inligting wat via die internet bekom is wil dit voorkom as die verdagte ‘n ‘Christen fundamentalis’ is.

Ten minste 84 mense is Vrydag in die skietaanval by ‘n jeugkamp wat deur die regerende Werkersparty by Utoya, ‘n eiland buite Oslo, georganiseer is, dood.

Sewe mense is ook dood toe ‘n bom by die regeringsgeboue in Oslo se middestad ontplof het.

Volgens inligting wat die verdagte op sy Facebook-profiel geskryf het, is hy ‘etnies’ en ‘n ‘Christen fundamentalis’ en dat sy politieke oortuiging ‘regsgesind’ is.

Die media in Noorweë het die verdagte as Anders Behring Breivik geïdentifiseer maar die polisie weier om sy identiteit te bevestig.

Ondersoekbeamptes glo hy is verantwoordelik vir die bomontploffing sowel as die skietaanval, maar sê hulle is steeds opsoek na nog verdagtes.

пескоструй дисков

Oslo: byna 100 beseer, talle vermis

Reeds 97 mense is gewond in die twee aanvalle wat Noorweë geskud het, het die polisie Sondag gesê.

Dit is die eerste keer dat die aantal mense wat in die bomaanval en skietery beseer is, bekend gemaak word.

Volgens die polisie is 92 mense in die aanvalle dood en talle ander is steeds vermis.

Sveinung Sponheim, polisiekommissaris, het aan verslaggewers gesê die polisie is steeds op soek na slagoffers in die geboue in Oslo wat deur ‘n bom geteiken is.

Polisie het vroeër gesê ander mense is steeds vermis ná die skietery op ‘n eiland wat noordwes van Oslo geleë is.

Intussen het dit aan die lig gekom dat die verdagte, Anders Behring Breivik (32), glo die aanvalle eiehandig uitgevoer het.

Dié inligting is bekend gemaak nadat ooggetuies aanvanklik gesê het ‘n tweede gewapende man het deelgeneem aan die skietery op die eiland Utoeya.

Polisie sê hulle probeer nog vasstel of daar een of meer as een skieter by die aanval betrokke was.

крюк на судне

Afrikaneronafhanklikheid: ons politieke middelgrond

Afrikanerpolitiek is weer hoog mode en haal koerantvoorblaaie. Waarom? Omdat die Afrikaner se toekoms nooit in 1994 aangespreek is nie. De Klerk en Mandela was bloot begaan oor die oprigting van ‘n staat vir “Suid-Afrikaners”, hoofsaaklik swart en Engelssprekend. Met ‘n towerslag is die Afrikaner uit die land weggewens asof Jan van Riebeeck, die Vryburgers, die Groot Trek, twee vryheidsoorloë en ons magtige taal- en kultuurbeweging van die twintigste eeu nooit plaasgevind het nie.

Toenemend verteenwoordig Afrikaneronafhanklikheid die politieke middelgrond in Suid-Afrika. ‘n Eie staat vir Afrikaners sal vele van ons huidige probleme oplos: rondom taal, kultuur, etnisiteit, geweldsmisdaad en volksmoord teen boere, onderwys, regstellende aksie, grondhervorming en alles wat daarmee saamhang.

Diegene wat daarteen gekant is, is die ekstremiste wat aan die voorpunt van Suid-Afrika se linkse revolusie verkeer: die SAKP, Naspers en ander “liberale” mediagroepe, asook die ANC-jeugliga onder Julius Malema met sy rasnasionalistese projek om alle blanke bates te konfiskeer.

Redelike Afrikaners uit alle lae van die samelewing sê vandag: “Só kan dit nie langer aangaan nie”. Ons is aan die ontvangkant van té veel geweld, té veel haatspraak, té veel diskriminasie en onreg, te veel breinspoeling deur Afrikanervyandige, staatsonderdanige media. Daarom moet ons die ewe redelike keuse maak wat alle volkere deur die geskiedenis gemaak het en dit is om onsself te regeer.

Die ekstremistiese, linkse, revolusionêre “hoofstroom” in Suid-Afrika glo dat minderhede in die land oorheers en uiteindelik verdryf moet word. Maar daar is ook ‘n vorm van regse ekstremisme of konserwatisme wat onder Afrikaners in allerlei ultrakonserwatiewe bewegings manifesteer. Ek wil niemand etiketteer nie, maar om in die een-en-twintigste eeu te wil sê jy wil in ‘n uitsluitlik Christelike staat woon waar almal heteroseksueel moet wees en boeke met gekruide taal verbied moet word, verteenwoordig ‘n ultrakonserwatiewe, selfs verregse houding. Ongelukkig lyk dit asof die VVK-groep onder mnr. Paul Kruger dikwels hul eie sienings van moraliteit, godsdiens en selfs sport op ander Afrikaners wil afdwing. So skep hulle ‘n nuwe onvryheid, teenoor die onvryheid van die ANC en sy meelopers.

Die beweging vir ‘n eie Afrikanerstaat wat tans losbars, wil ‘n moderne staat met vooruitstrewende beginsels skep wat gemaklik met ander Westerse state sal kan assosieer. In daardie staat moet daar vryheid vir elke Afrikaner wees, van die mees konserwatiewe dweper wat nie dans nie of sy dogter toelaat om verder as standerd agt skool te gaan nie, tot vrysinnige kunstenaars wat iewers binne perke ‘n boheemse lewe wil lei. Almal sal gebind word deur ‘n gemeenskaplike Afrikaneridentiteit en taal, asook ‘n sterk patriotrisme en lojaliteit aan ons staat wat aan niemand anders behalwe onsself sal behoort nie.

Ultrakonserwatiewe Afrikaners moenie die verkryging van ‘n Afrikanerstaat ondergeskik maak aan die aanvaarding van hul eie beginsels nie, maar moet besef dat hulle maar een groepering onder baie Afrikanergroeperings verteenwoordig. Die staat moet vir almal wat hulself met Afrikanerskap vereenselwig, nagestreef word. Debatte oor godsdienstige en morele waardes moet vir die Volksraad ná onafhanklikheid gehou word. En watter plesier gaan dit nie wees om met mede-Afrikaners oor sulke kwessies in debat te tree nie!

Afrikaneronafhanklikheid en -vryheid is die middelgrond waarop ons almal bymekaar moet kom, weg van die ekstremismes van Suid-Afrika wat die huidige staat reeds op die pad van verval na die Zimbabwe- en Afrikamodel geplaas het.

Dit is die redelike alternatief. Meer nog: vir ons voortbestaan, is dit, benewens emigrasie en verengelsing in die vreemde, die énigste alternatief.

Nuwe volkstaat so groot soos Suid-Korea, Portugal of Oostenryk

Dit is reeds geruime tyd bekend dat ‘n Afrikanermeerderheidsgebied in Suid-Afrika bestaan. Dit beslaan dele van die ou Boererepublieke en Noord-Natal. Deur “grensdorpe” so te verdeel dat Afrikanerbuurte van nie-Afrikanerbuurte geskei word, word ‘n internasionaal aanvaarbare meerderheidsgebied geskep wat tussen 70 000 en 100 000 vierkante kilometer groot is.

Hierdie tradisionele Afrikanergebied wat aan al die internasionale regsvereistes vir selfbeskikking voldoen, is ongeveer 70 000 tot 100 000 vierkante kilometer groot. Ander lande wat in grootte met die nuwe Afrikaanse Republiek vergelyk, is:

Ysland (103 000 vk km)
Suid-Korea (99 828 vk km)
Hongarye (93 028 vk km)
Portugal (92 090 vk km)
Jordanië (89 342 vk km)
Serwië (88 361 vk km)
Azerbaidjan (86 600 vk km)
Oostenryk (83 871 vk km)
Verenigde Arabiese Emirate (83 600 vk km)
Tsjeggiese republiek (78 865 vk km)
Panama (75 417 vk km)
Sierra Leone (71 740 vk km)
Ierland (70,273 vk km)

Die rede waarom die presiese grootte van die Afrikaanse Republiek nog nie bepaal kan word is nie, is omdat die finale kartografie nog nie gedoen is nie. Daar is ook onsekerheid oor tans “Suid-Afrikaanse” gebiede rondom Lesotho wat reeds in hoë mate deur burgers van daardie land beset word, asook die ou tuisland Qua-qua wat in- of uitgesluit kan word. Een van die eerste diplomatieke take vir Afrikaners in aanloop tot onafhanklikheid gaan wees om tot ‘n vergelyk met Lesotho oor die grensgebiede te kom. Indien Qua-qua in die AR ingsluit word, kan dié gebied minderheidsregte of beperkte outonomie ontvang. Sodoende sou die AR kon demonstreer in welke mate hy bereid is om die selfbeskikking wat hy vir homself opeis ook aan ander toe te staan. Omdat Cope in die Sotho-sprekende Quaqua groot steun geniet, sou Afrikaners ook direk met daardie party oor die status van die gebied kon onderhandel.

Omdat Suid-Afrika oor ‘n groot grondgebied van 1,2 miljoen vierkante kilometer beskik, verteenwoordig die beoogde Afrikanervolkstaat slegs tussen 7 en 10 persent van die huidige landoppervlak, wat min of meer in ooreenstemming is met die Afrikaner se demografiese verteenwoordiging binne die huidige veelvolkige staat. Hoewel grense getrek sal word om soveel moontlik etniese Afrikaners binne die nuwe staat in te sluit, word dit egter gedoen om die minimum ekonomiese en verkeersontwrigting te veroorsaak. Vele grensdorpe sal nietemin verdeel word om die Afrikanergebied van die nie-Afrikanergebied te skei. Sodanige skeiding van dorpe druis geensins teen internasionale praktyk in nie en in Europa en elders bestaan daar vele stede en dorpe wat aan weerskante van nasionale grense val.

Tot tyd en wyl die finale kaart van die Afrikanergrondeis teenoor Suid-Afrika gepubliseer word, sal mense sekerlik gis of hulle wonings of plase in- of uitgesluit word. Voorlopig kan egter met sekerheid gesê word dat die aaneenlopende grondgebied strek vanaf Potchefstroom in die Weste, verby Pretoria met groot dele van die Oos-Transvaal, Oos-Vrystaat en dele van Noord-Natal wat ingesluit word. Belangrike stede wat deel van die AR sal uitmaak, is:

Pretoria
Bloemfontein
Pothefstroom
Secunda met sy SASOL-aanleg
Richardsbaai met sy hawe

Hoewel die Suid-Kaap soos op die vorige volkstaatkaart wat deur PRAAG vrygestel is, ingesluit sou kon word, verteenwoordig dit nie tradisionele Afrikanergebied nie en word dit insgelyks bewoon deur ‘n groot aantal nie-Afrikaners wat wel Afrikaans praat maar die etniese en kulturele samehang van die nuwe staat sou versteur.

Die gevoel is ook dat die AR in die toekoms sou kon uibrei, maar dat probleme met die inlywing van nuwe gebiede soos die Suid-Kaap eers behoorlik bestudeer en verreken moet word. Die blote najaag van grondgebied met die insluiting van bevolkings wat nie geredelik by Afrikaners kan integreer nie, word nie as wenslik beskou nie. Ook is die aanspraak van Afrikaners op ‘n eie staat gegrond op ‘n tuiste vir etno-kulturele Afrikaners en daarom kan die insluiting van groot getalle nie-Afikaners geensins teenoor die internasionale gemeenskap geregverdig word nie.

Die Gerwel-verslag in September 2001 het aanbeveel dat daar twee Afrikaanse universiteite behoort te wees. Met die totstandkoming van die Afrikaanse Republiek sal sowel die Universiteit van Pretoria as die Universiteit van Potchefstroom binne die nuwe staat val en binne ‘n kort tyd weer na onderrig uitsluitlik in Afrikaans oorskakel om sodoende die toekoms van Afrikaans as tersiêre taal te verseker.

Een van die belangrikste volkeregtelike gronde waarom Afrikaners van Suid-Afrika mag afstig, is juis vanweë die diskriminasie teen die Afrikaanse taal en kultuur. Die taalstryd wat PRAAG reeds elf jaar lank teen die Suid-Afrikaanse owerheid se verengelsingsbeleid voer, het in ‘n groot mate die grondslag vir die eis om Afrikanerselfbeskikking gelê. Die optrede van oud-minister Kader Asmal om Afrikaanse universiteite met Engelstalige instellings saam te smelt om Afrikaans en Afrikaners te benadeel, het die aanspraak op selfbeskikking om kulturele en taalredes verder versterk.

In sy kommentaar het dr. Dan Roodt van PRAAG gesê: “Moontlik sal ons ‘n standbeeld vir Kader Asmal en alle ANC-amptenare wat teen Afrikaans gediskrimineer het, moet oprig want daardeur het hulle ons volksvryheid wat binnekort gaan aanbreek, verseker.”

Kwellinge oor klimaat vervaag soos politieke temperatuur styg

‘n Spesiale vergadering van die Verenigde Nasies se Veiligheidsraad is belê waartydens besluit sal word of vredesoperasies uitgebrei sal word om klimaatsverandering in te reken.

Daar is selfs sprake van die oprigting van ‘n nuwe omgewingsvredesmag wat groen helms ipv die gebruiklike blou VN-helms sal dra en wat sal ingryp in konflikte wat veroorsaak word deur krimpende hulpbronne.

Die sekretaris-generaal van die Verenigde Nasies, Ban Ki-Moon, sal na verwagting die vergadering dié week toespreek.

Maar Duitsland, wat die vergadering aangevra het, het gewaarsku dat dit te vroeg is om te verwag dat die Raad die sprong moet neem om groen vrede te bewaar of selfs klimaatsverandering as een van die sleutelareas van fokus te beskou.

“Dit is te vroeg om ernstig te dink oor die optrede van die Raad op die gebied van klimaatsverandering. Dit is duidelik nie op die agenda nie,” het Duitsland se ambassadeur by die VN, Peter Wittig, volgens die Huffington Post gesê.

“‘n Goeie eerste stap sou wees om die werklikheid van klimaatsverandering en die inherente implikasies vir internasionale vrede en veiligheid te erken,” het hy gesê.

Hy het nie kommentaar gelewer oor talle skeptici se bewerings dat die vrees vir klimaatsverandering minder met werklike weerstoestande te make het as met sekere politieke inisiatiewe nie.

Die Pentagon en ander militêre komplekse is al lank bewus dat klimaatsverandering ‘n “bedreigingsvermenigvuldiger” is met die potensiaal om bestaande konflikte te eskaleer, en nuwe geskille te skep soos wat kos, water, en bewerkbare grond toenemend skaarser word.

Wittig stem saam daarmee, en wys daarop dat VN-vredesmagte al geruime tyd reeds ingryp in gebiede buite tradisionele konflikte.

“Om blou helms met groen oor te verf kan ‘n sterk sein uitstuur dat die VN te doene het met die gevolge van klimaatsverandering – sê maar in kwesbare gebiede – maar verskil dit regtig baie van die take wat die blou helms reeds vandag uitvoer?”

In ‘n amptelike nota voor die vergadering, het Duitsland gesê die Veiligheidsraad behoort scenario’s vir die hantering van die uitwerking van uiterste temperature en stygende seewater saam te stel. Hoe sou konflikte in daardie dele van Afrika en Asië wat voedseltekorte in die gesig staar, beperk kan word en wat gemaak met kilmaatsvlugtelinge?

Daar is grondliggende verskille in die Veiligheidsraad oor die aangeleentheid en sommige lidlande weier selfs om klimaatsverandering as ‘n veiligheidskwessie te omskryf.

China argumenteer dat die Veiligheidsraad klimaatsverandering moet laat vaar en sulke kwessies liewer aan kenners toevertrou.

“Die Veiligheidsraad moet die Algemene Vergadering se besluit om klimaatsverandering as ‘n bedreiging vir internasionale vrede en veiligheid te beskou, eerbiedig. Dit is ‘n bedreiging so groot soos die verspreiding van kernwapens of globale terrorisme,” het Marcus Stephen, in die New York Times gesê. Stephen is die president van Nauru, een van die Suidsee-eilande wat kan verdwyn indien seewatervlakke styg.

“Tweedens, moet ‘n spesiale verteenwoordiger oor die klimaat en sekuriteit aangestel word. Derdens, ons moet bepaal of die Verenigde Nasies-stelsel in staat is om te reageer op ‘n krisis van hierdie omvang.”

Dit bly ‘n ope vraag.

Dié week se vergadering kom op ‘n tyd van toenemende twyfel oor of die VN toegerus is om klimaatsverandering te hanteer. Verlede maand se klimaatgesprekke in Bonn het min vordering in sleutel-areas getoon.

Intussen het Ban ook sy aandag herfokus van klimaatsverandering na volhoubare ontwikkeling.

Zim wil myne oorneem, jou Amerikaanse ambassadeur uit

As buitelandse mynmaatskappye in Zimbabwe nie voor die September-spertyd voorstelle indien om hulle aandele aan Zimbabwiërs te verkoop nie, kan hulle uit die land gesit word, het ‘n Zimbabwiese minister gesê.

“Die mynmaatskappye het tot September tyd om aan die vereistes te voldoen. Indien hulle dit nie doen nie, sal hulle uitgeskop word,” het Savious Kasukuwere, minister van verinheemsing, gesê.

Alle buitelandse maatskappye moet volgens nuwe wetgewing 51% van hulle aandele aan swart Zimbabwiërs verkoop.

Die sperdatum vir voorstelle oor hoe hierdie maatskappye beplan om aan die nuwe wetgewing te voldoen, is 25 September deser.

Hoewel Robert Mugabe, die president van Zimbabwe, die nuwe wet ten volle ondersteun, meen Morgan Tsvangirai, sy premier, dat beleggers deur dié stap ontmoedig sal word.

Buitelandse mynmaatskappye in Zimbabwe sluit in Aquarius Platinum, Zimbabwe Platinum Mines, Anglo Platinum en Rio Tinto.

Intussen het die Amerikaanse ambassadeur in Zimbabwe gesê dat polisie ‘n jeugvergadering waar hy sou praat, gekeer het en dat weermaglede van President Robert Mugabe se party die saamtrek ontwrig het.

Charles A. Ray, die ambassadeur, het gesê die vergadering is met toestemming gereël maar dat dit “ontwrig en gestop” is.

“Elemente van die veiligheidsdiens en sekere politieke partye bly bang om die vrye uitruil van idees toe te laat,” het Ray in ‘n verklaring gesê.

Ooggetuies het gesê dat rumoerige jongmense Ray uitgejou het en beledigende liedjies gesing het. Hulle het glo pamflette wat pres. Robert Mugabe se beleide ophef, rondgeswaai.

Groepe wat menseregte ondersteun meen politieke intimidasie het toegeneem sedert Mugabe gevra het dat verkiesings vervroeg word om ‘n einde aan die land se wankelrige koalisie-regering te bring.

casino online free bonus no deposit

Rykes moet meer belas word sê minister

Verhoogde belasting op rykes sal armes in Suid-Afrika bevoordeel, het Bathabile Dlamini, minister van maatskaplike ontwikkeling, gesê.

“Ons moet ‘n samelewing hê waar diegene met hulpbronne bereid is om aan diegene te gee wat niks het nie, en almal sal daarby baat,” het sy op ‘n armoedekonferensie in Johannesburg gesê.

“Dit mag dalk wees dat rykes meer belasting moet betaal en dit sal vereis dat die bedryfsleiers en beleggers met minder winste tevrede moet wees sodat hul werkers ‘n beter, en as ek my kan verstout om te sê, ordentlike werk kan geniet.”

Sy het gesê dít moet oor die volgende paar jaar op die proef gestel word om ‘n beter land te verseker.

“Ons glo in die ontwikkelling van ‘n politieke en ekonomiese stelsel wat die behoeftes van die armes en maatskaplike kwessies bo aan die nasionale agenda plaas.”

игрушка детская topcargo отзывы

Plakkers slaan inbreker dood

‘n Skare plakkers het ‘n jong man Donderdag doodgeslaan nadat hy na bewering by ‘n huis in Orange Farm ingebreek het, het die polisie gesê.

Volgens kapt. Johannes Motsiri het ‘n buurman die 19-jarige swartman betrap toe hy ‘n huis verlaat het waarby hy ingebreek het.

“Hy het glo die gesteelde goedere in ‘n asblik gesit wat hy by die huis geneem het. Hy het ‘n televisiestel, ‘n DVD-speler, ‘n klankversterker en ‘n mikrogolfoond gesteel,” het Motsiri gesê.

Die buurman het ander inwoners van die inbraak in kennis gestel. Hulle het hom agtervolg en doodgeslaan.

Volgens Motsiri is die polisie deur die eienaar van die huis geskakel, nadat die man reeds doodgeslaan is.

Niemand is nog in hegtenis geneem nie.

demo slot machine

Huureiendomwysigingswet ongrondwetlik

“Die beoogde belastingwysigings aan die Wet op Munisipale Eiendomsbelasting kom neer op niks anders as ‘n ongrondwetlike welvaartsbelasting wat deur plaaslike owerhede gehef word nie,” het mnr. Jaco Mulder, VF Plus-LPW en provinsiale leier vir Gauteng, gesê.

Die VF Plus het in die verlede reeds sy kommer uitgespreek oor die feit dat eiendomsbelasting gehef word op beide die waarde van die grond asook die verbeterings daarop aangebring. Eienaars van verbeterde eiendom het reeds inkomstebelasting aan die SAID betaal op die geld wat aangewend word om die eiendom aan te koop en te verbeter. Boonop is belasting op toegevoegde waarde (BTW) reeds aan diensverskaffers oorbetaal.

Indien ‘n verdere belasting op verbeterings, waarop daar reeds belasting aan die Suid-Afrikaanse Inkomstediens betaal is, dan deur hierdie beoogde wetgewing ingevoer word, sou dit op niks anders neerkom as ‘n welvaartsbelasting wat in terme van die Suid-Afrikaanse grondwet ontoelaatbaar is nie.

“Dit het tyd geword dat die Suid-Afrikaanse regering vir eens en altyd in die bek geruk word met sy volgehoue pogings om die aandag af te lei van die werklike rede waarom swak dienslewering in Suid-Afrika plaasvind,” het Mulder gesê.

Dienslewering in plaaslike owerhede sal verbeter sodra kundige en bevoegde amptenare aangestel word om munisipaliteite te bestuur. Die blote hef van meer belasting gaan niks help nie.

Die VF Plus loods binne die volgende dae ‘n webwerf waar die publiek deur middel van ‘n petisie hul misnoeë oor die beoogde wysigingswet kan lig. Die VF Plus spreek die hoop uit dat die reaksie en weerstand van grondeienaars oorweldigend soos ‘n vloedgolf oor die beoogde wetswysiging sal stroom

online slots