Die tweede gedenkmuur

‘n Aantal jare was daar groot omstredenheid toe die ANC sy sogenaamde “Vryheidspark” in Pretoria opgerig het. Die

Image

Vryheidspark se muur van herinnering het die ANC se “helde” van sy sogenaamde vryheidsstryd gedenk.

Hierdie sogenaamde helde was uiteraard niks van die aard nie. In werklikheid was hulle ‘n besmetting van boewe, terreursaaiers en kriminele skuim; moordenaars van onskuldige mense wat nie eens een vierkante sentimeter grondgebied militêr kon bevry nie. Op die ANC se muur van herinnering is daar ook die name van Kubaanse aggressors, wat hul bewind se Marxistiese ideologie op Afrika wou kom afdwing het. Daar was egter diegene in blanke geledere wat ontsteld was omdat gestorwe blanke soldate en dienspligtiges se name nie ook op die ANC se skandmuur sou verskyn nie.

Ek was nie een van hulle nie.

Ek het inteendeel die besluit van die ANC heelhartig gesteun. Dit sou vir my as voormalige dienspligtige ‘n uiterste klap in die gesig gewees het om op enige manier geassosieer te word met die ANC se sogenaamde helde. Dit sou ‘n onreg teenoor my gevalle mede-soldate gewees het om ‘n muur te moes deel met die ANC se sogenaamde helde.

Ek verwelkom daarom met groot blydskap die besluit om ‘n muur van herinnering by die Voortrekkermonument op te rig. Anders as Beeld, wat steeds die uitgediende evangelie van ‘n sogenaamde reënboognasie probeer predik. Beeld is opgeklits omdat daar nou twee mure gaan wees, maar dit spreek slegs van hoe uit voeling Naspers met die werklikheid is.

Die twee mure se simboliek strek uiteraard veel verder as blote aparte monumente aan enersyds soldate en andersyds die plaag wat eersgenoemde moes beheer. Dit spreek ook luidkeels van die volslae mislukking van die reënboognasie, ‘n links-liberale versugting na iets wat fundamenteel onwerkbaar en gedoem was. Die simboliek van die ligging van die tweede gedenkmuur, by die Voortrekkermonument, is insgelyks diepgaande.

Ek meen dat die ANC, interessant genoeg, geen beswaar sou hê teen die aparte gedenkmure nie. Dit is ‘n voldonge feit dat die ANC steeds Thabo Mbeki se twee-nasies siening aankleef. Tweedeklasburgerskap vir blankes, en die gevolglike skeiding van Suid-Afrika in ten minste twee volke, swart aan die een kant en Afrikaners en ander blankes aan die ander kant, is inderdaad ANC-beleid. Praktyke soos regstellende aksie, die veldtog teen Afrikaanse skole en kultuur en die uitwissing van blankes se geskiedenis is ‘n blote praktiese vergestalting van hierdie ideologie.

Die aparte gedenkmuur by die Voortrekkermonument is derhalwe ‘n baie welkome verwikkeling, wat ‘n terugkeer na realisme oor die wenslikheid van skeiding tussen volke verteenwoordig. Mag dit die voorspel wees tot selfs ‘n groter skeiding tussen die volke wat die geografiese streek Suid-Afrika bewoon.

встраиваемые светильники называемыеФильчаков прокурор

Dodelike gasse bedreig Kivumeer

Meer as twee miljoen mense wat op die oewers van die Kivumeer woon in Sentraal-Afrika loop die risiko om versmoor te word deur gasse wat onder die oppervlak aan die opbou is, het wetenskaplikes gewaarsku.

Die meer wat 'n grens tussen Rwanda en die DRK vorm bevat nou 300 kubieke kilometer van koolstofdioksied en 60 kubieke kilometer van metaan wat deur vulkaniese openinge in die meer inborrel. Die gasse is ongeveer 80 meter onder die oppervlak deur die waterdruk vasgevang.

Navorsers waarsku egter dat geologiese en vulkaniese aktiwiteit die gasse kan laat ontsnap.

Die impak kan katastrofaal wees soos die gebeure op 21 August 1986 by die Nyosmeer in Kameroen bewys het. Die wolk koolstofdioksied wat daar vrygestel is, is digter as lug en het 1 700 mense laat versmoor.

Die kivumeer is 3 000 keer groter as die Nyosmeer en bevat 350 keer meer gas. Die oewers van die meer is ook baie meer dig bevolk as in Kameroen, en meer as 2 miljoen mense woon daar.

Die Nyiragongokrater, naby Goma, het in 2002 lawa in die lug gespuit wat daarna in de Kivumeer geloop het. Dit het gelukkig nie die gasse laat ontsnap nie, maar kenners meen die inwoners gaan volgende keer dalk nie so gelukkig wees nie.

Die meer lê op Afrika se Groot Skeurvallei en Switserse navorsers het bevind dat die koolstofdioksied en metaan vanaf 1974 tot 2004 met 10% en meer toegeneem het. Die bakterieë in die meer vervaardig metaan van die koolstofdioksied.

Ingenieurs waarsku dat die energieprojekte om metaan aan te wend vir krag die risiko van 'n uitbarsting van die gasse kan verhoog.

радиоуправляемые вертолетикиФільчаков Олександр Васильович прокурор

Waar is Obama gebore?

In 'n poging om gerugte dat president Barack Obama nie in die VSA gebore is nie, te onderdruk, het die Withuis weer 'n

Image

verklaring uitgereik waarin Hawaii se direkteur van Gesondheid verklaar dat hy op 4 Augustus 1961 op die eiland gebore is.

Dr. Chiyome Fukino het agt maande gelede, in Oktober 2008, 'n soortgelyke verklaring gemaak. 'n Groeiende aantal Amerikaners glo die president is nie in die VSA gebore nie en dat hy daarom nie wettig verkose is nie.

Skeptici staan bekend as "birthers". Die hospitaal in Hawaii waar Obama glo gebore is, het nog geen bewys gelewer in die vorm van 'n geboortesertifikaat nie. Amptenare sê hulle mag nie so iets vrystel aan partye wat nie direk gemoeid is met sie aangeleentheid nie.

CNN se Lou Dobbs het berig dat amptenare in Hawaii Obama se oorspronklike 1961 geboortesertifikaat vernietig het.

Hawaii se verteenwoordiger Neil Abercrombie het Maandag 'n resolusie in die Kongres uitgestel oor die 50ste verjaarsdag van Hawaii om 'n sinsnede in te sluit waarin die eiland ook as Obama se geboorteplek aangedui word.

Kritici wat glo dat die president nie in die VSA gebore is nie, meen dit is 'n onderduimse manier om die Amerikaanse Kongres te kry om Obama se burgerskap te erken. Die sinsnede lui: "Whereas the 44th President of the United States, Barack Obama, was born in Hawaii on August 4, 1961;".

Ten spyte van die Withuis se pogings om die kwessie as belaglik af te maak, groei die aantal "birthers" wat glo dat die president nooit sy eerste lewenslig in die Kapiolani Maternity & Gynecological Hospital in Honolulu aanskou het nie.

game casino slotsпрокурор Фильчаков

Brandstofolie net so waardevol soos ruolie

Vir die eerste keer in ses jaar is brandstofolie – wat oorbly as petrol en diesel uit ruolie geraffineer is – net so waardevol soos ruolie.

Dit beteken skeepsrederye, wat brandstofolie gebruik, moet nou baie meer vir hulle brandstof betaal – en dít in ’n ekonomiese afplatting weens die internasionale finansiële krisis. Die prys van brandstofolie het vanjaar in Singapoer tot $66,47 per vat verdubbel.

Die rede vir die styging is dat die produksie van brandstofolie by raffinaderye in die ontwikkelde wêreld teen April 18% laer was as ’n jaar gelede, volgens die Internasionale Energie-agentskap.

Nuwe raffinaderye word toenemend ontwerp om minder brandstofolie te vervaardig en meer hoëwaarde-produkte soos petrol en diesel.

Die prysstyging knou skeepsrederye soos Frontlike en A.P. Möller-Maersk terwyl ExxonMobil en Reliance, eienaars van die grootste raffinaderye in die VSA en Asië, glimlag omdat hulle nou beter pryse kry vir ’n produk wat voorheen as ’n afvalproduk beskou is.

Frontline is die wêreld se grootste bestuurder van olietenkskepe en het skeepskapteins gevra om stadiger te vaar om brandstof te bespaar, het Jens Martin Jensen, uitvoerende hoof van Frontline, gesê. Die gemiddelde olietenkskip verbruik sowat $40 000 se brandstof per dag. Brandstofpryse vir skepe wat styg, plaas dit druk op die winssyfers en dit maak sin om stadiger te vaar, sê Jensen.

Raffinaderye produseer in die algemeen minder brandstof weens die internasionale resessie. Opullande (Organisasie van Petroleum-uitvoerlande) beperk boonop die verkope van laegehalte-ruolie wat goedkoper is.

Die voorraad brandstofolie in Singapoer, die grootste handelsentrum in Asië waar die meeste skepe brandstof ingooi, het verlede week tot 14,1 miljoen vate gedaal. Dit is 19% minder as die gemiddelde vlak die afgelope twee jaar. Voorraad in die hawens van Europa is 24% laer as ’n jaar gelede.

Die skeepsredery Maersk sê die dalende vraag na vragdienste beperk sy vermoë om brandstofkoste aan kliënte deur te gee

курна для хамама ценаалександр лобановский класс

Passasiers brand trein

Passasiers het vyf treinwaens van die langafstanddiens Shosholoza Meyl aan die brand gesteek nadat 'n lokomotief Maandag in die Vrystaat gebreek het.

Shosholoza Meyl se waarnemende hoof, Viwe Mlenzana, sê die trein was oppad van Bloemfontein na Johannesburg, met sowat 150 passsiers aan boord toe dit naby Virginia teen 6.15nm aan die brand gesteek is.

Terwyl die passasiers moes wag vir 'n vervangerlokomief, het hulle kwaad geraak en die trein se personeel begin dreig, het hy in 'n verklaring gesê.

Die skade aan die trein beloop ongeveer R9 miljoen. Niemand is in die brand beseer nie.

Mlenzana sê busse is gereël om die gestrande reisigers na hulle bestemmings te neem. Die spoorlyn is Maandag gesluit om die wrakstukke te verwyder.

Treine na Johannesburg is geraak deur die sluiting

'n Ondersoek na wat aanleiding gegee het tot die geweld sal onderneem word.

free slot machine sitesалександр лобановский класс

Talle stakende werkers beseer in polisieoptrede

Etlike betogers is beseer toe die polisie met rubberkoeëls op duisende munisipale werkers losgebrand het wat Maandag die strate ingevaar het om beter vergoeding te eis. Hulle het straatverkopers geteister en vullisblikke in die strate omgekeer.

In Plettenbergbaai is vier lede van die polsie en agt bestogers beseer. Kaptein Malcolm Pojie sê die polisie moes rubberkoeëls en pepersproei gebruik teen 'n groep van ongeveer 100 Samwu-lede (SA Municipal Workers Union) om te keer dat hulle verbygaande motoriste asook polisielede met vullis en ander items bestook.

Twee mense is in hegtenis geneem vir openbare geweld.

Limpopo polisie sê drie mense is beseer in Polokwane toe werkers gewelddadig geraak het tydens 'n opmars na die munisipale kantore. Superintendent Moatshe Ngoepe sê die polisie moes die skare met rubberkoeëls onder bedwang bring.

"Hulle het die munisipale kantoor se hek beskadig en al die vullis in die strate rondgestrooi."

Vyf-en-twintig mense is in hegtenis geneem op klagtes van openbare geweld en kwaadwillige saakbeskadiging, asook 'n die byeenroep van 'n onwettige byeenkoms.

In Empangeni, KwaZulu-Natal, het die polisie 50 mense gearresteer nadat hulle na bewering probeer het om 'n polisievoertuig aan die brand te steek.

Inspekteur Mbongeni Mdlalose sê die betogers het 'n brandende voorwerp na die voertuig gegooi, maar het nie daarin geslaag om die voertuig aan die brand te steek nie.

In Pretoria het vakbondamptenare gekeer dat betogende werkers van straatsmouse steel.

Samwu (SA Municipal Workers' Union) sê die staking sal ten minste tot Woensdag aanhou. Die vakbond sê hulle lede het in "volle krag" Maandag uitgekom om die staking te ondersteun.

Sake soos vullisverwydering, verkeer, wateronderhoud en belastinginvordering is geraak deur die staking, selfs in kleiner munisipaliteite soos dié van Bredasdorp, Mosselbaai en Beaufort-Wes

Die unie is woedend oor verslae van polisieoptrede in Polokwane want volgens hulle was nie mars "vreedsaam en gedissiplineerd".

In Johannesburg, Kaapstad en Durban was dit meerendeels vreedsaam, alhoewel daar berigte van intimidasie en aanrandings deur stakers in Khayelitsha, Killarney en Nyanga was.

Woordvoerder Kylie Hatton sê 'n wetstoepasser is by 'n terminus in Nyanga deur stakende werkers aangerand en moes na 'n kliniek geneem word vir behandeling.

для баниtopcargo отзывы сотрудников

Tutu se ‘morele’ dilemma

 Op IOL nuus verskyn onlangs almal se gunsteling pseudo-Engelse aartsbiskop, en hy begin nou ernstig vrae te vra of die Image "struggle" die moeite werd was, gegewe die verval waarin SA tans verkeer.
 
Die Uwe het sy misnoë uitgespreek tydens 'n gedenklesing vir twee Umkontho we Sizwe strydmakkers, Coline Williams en Robbie Waterwich wat twintig jaar gelede in die stryd omgekom het. Williams en Waterwich was oppad om 'n kleefmyn te plant iewers tussen Athlone se magistraatshof en polisiestasie toe hulle in 'n oomblik van onversigtigheid die bom in hul hande laat ontplof het.
En waarom wou hulle die bom plant? Omdat hulle geprotesteer het teen kiesersregistrasie voor die algemene verkiesing. Soos met die geval van Pawlik Morozof het die ANC hierdie aksie gekaap om 'n paar nuwe kitsmartelaars in die lewe te roep.
 
Die ironie van hierdie gedenklesing het my behoorlik van my wysie gebring. Kiesersregistrasie, daardie een stap na hul vryheid, was vir hulle 'n bron van onvrede, tot soverre mate dat terreurtaktieke beskou was as 'n geskikte middel hierteen. Dat daar selfs 'n gedenklesing bestaan vir hierdie graad van onnoselheid – sowel die oorsaak as uitvoering daarvan – behoort vir Tutu seker 'n verklaring te wees waarom SA tans in hierdie Hobbesiaanse "Oorlog van almal teen almal verkeer"; 'n oorlog wat steeds meer rewolusionêre energie begin kry.
 
Die Groot Inkwisiteur van die Afrikaner het blykbaar nie sy mede-Nobelpryswenner Albert Camus gelees nie, daardie wit Algerynse onafhanklikheidstryder wat in sy baanbrekende werk L'homme revolte gestel het dat rewolusie byna altyd tot 'n versterking van staatsmag gelei het, en in feite sy eie doel verraai.
 
Inderdaad sou ek Tutu graag dieselfde vraag wou stel: was dit die moeite werd om so haatlik teenoor Afrikaners op te tree bloot omdat hulle beter geweet het hoe Afrika-bevryding daar uitsien? Was die Swart Gevaar en Rooi Gevaar werklik irrasionele drogbeelde van die NP se propagandamasjien? Is Tutu bereid om die hand in eie boesem te steek en toe te gee dat die vorige regering – ondanks al sy baie swakhede – te kampe gehad het met hierdie allesverslindende monster van tribale samehorigheid wat elders in Afrika 'n dodetal van ongeveer vyf Holocausts opgelewer het die afgelope veertig jaar?  
 
Tydens die Waarheidskommissieverhore het Tutu voor in die koor gesing om elke bietjie goedwilligheid van die vorige bedeling af te maak as onbelangrik. Sy onsinnige uitdrukking hiervoor was dat 'n slegte boom geen goeie vrugte kan dra nie. 'n Mens wonder nou of die huidige boom wat hy gehelp plant het so fantasties goed is.
Desondanks ploeter hy voort en probeer sy bes om hierdie huidige koers wat hy ingeslaan het aan te hou. Een van die aanwesiges by hierdie lesing was Trevor Manuel wat in sy openingsrede geïmpliseer het dat die ANC moet werk daarvan maak om die Wes Kaap nie-rassig te maak. "Nie-rassig maak" is natuurlik ANC-taal vir verdeel en heers, aangesien hulle nog suur druiwe het oor hul verkiesingsnederlaag aldaar.
 
Weereens maak die ANC van allerlei drogredenasies gebruik om hul magsbasis te konsolideer. Enersyds gee Manuel as ANC-lid toe dat sy organisasie op die verkeerde pad is, maar probeer desnieteenstaande mense oor te haal om op hulle te stem.
 
Tydens die gedenklesing het hulle dokumantêre films gewys oor die lewens van hierdie twee terroriste (wat op IOL as "operatives" beskryf word) en dat pamflette tydens hul begrafnis uitgedeel was waarin – tot niemand se verbasing – die apartheidpolisie weer die skuld gegee was vir hul dood.
 
Hoe dan ook, ek dink die filosoof Therèse Delpech het die spyker op die kop geslaan toe sy gestel het dat die moderne mens se grootste tekortkoming is dat sy emosionele wasdom nie saam met sy tegnologie gegroei het nie. Die mees onsinnige verklaring of aanval kan grootskaalse skade aanrig. Nêrens is hierdie voorbeeld duideliker as in Afrika nie. Tutu het met sy kinderagtige uitbarstings en beskuldigings homself genoeg skuldig gemaak hieraan.
 
Dalk moet hy saam met Camus ook maar begin om daardie ander Nobelpryswenner William Golding se klassieke Lord of the Flies grondig te bestudeer. Waar Orwell se Animal Farm 'n parodie op Kommunisme was, kan 'n mens Golding se werk ongetwyfeld as 'n parodie op Oehoeroe sien.
 
Anders as Tutu, was Golding en Camus se Nobelpryse ten minste nooit gesteel gewees nie.
 
Wie sê toeval bestaan nie?

красная рубашка для девочкиАлександр Фильчаков прокурор

Zille s? stakings is geregverdig

Helen Zille, DA-leier, het op ’n nuuskonferensie in die parlement gesê sommige van die land se protesoptogte oor dienslewering vind met rede plaas en is geregverdig.

Die afgelope paar weke was daar regoor die land gewelddadige betogings oor dienslewering en daar word hierdie week geweld in Kaapstad verwag met die munisipale stakings.

Zille het gesê dat daar soms baie meer agter die optogte skuil en dat alle optredes nie dieselfde beoordeel kan word nie.

“In sommige gebiede is dit heeltemal geregverdig, maar in ander gebiede is dit meer kompleks.”

Volgens Zille is daar mense in die Kaapse metrogebied wat huise kry, dit verkoop en dan weer in informele huise gaan woon om opnuut aan te dring op nuwe huise.

“In die Kaapse metroraad is daar ’n behuisingsagterstand van 450 000 eenhede." Sy sê indien haar regering elke sent bestee wat toegeken kan word aan behuising, sal hulle sowat 12 000 huise kan lewer.

“Sowat 15 000 arm families kom vestig hulle jaarliks in die Kaap en word tot dié lys gevoeg. Dit beteken dat die waglys vinniger groei as wat ons die agterstand kan hanteer.”

online casinosданильченко юрій Харків

Vier Metrorailwaens uitgebrand

Vier Metrorailwaens is Maandagoggend in die Braamfonteindepot uitgebrand.

Volgens woordvoerder Sibusiso Ngomane is die brand in die leë waens geblus en forensiese ondersoekspanne is tans op die toneel om vas te stel wat die brand veroorsaak het.

Gerugte dat Metrorailstakers die brand kon veroorsaak het, is nie bevestig nie en die ondersoek het tot dusver nog geen getuienis gevind wat daarop dui nie.

Ngomane sê hy "glo die staking sal afgeweer word en dit [die brand] word nie in verband gebring met die staking of sabotasie nie".

Niemand is in die brand beseer nie.

86 уданильченко юрій броніславович