Dan Roodt, Author at praag.co.za

Dissident binne Kongolese rebellebeweging ‘het verraad gepleeg’

Laurent Nkunda

Laurent Nkunda is steeds in beheer van die DRK se sterk rebellebeweging en 'n teenstaander wat sy gesag uitgedaag het, gaan van hoogverraad aangekla word, het 'n woordvoerder Dinsdag gesê.

Die BBC het beweer dat offisiere van die NKVM Maandag klaarblyklik vir Nkunda ontslaan het.

'n Verklaring wat geteken is deur die rebelle se stafhoof, generaal Bosco Ntaganda, het Nkunda van "slegte leierskap" en "slegte regering" beskuldig.

Luitenantkolonel Seraphin Mirindi het Dinsdag aan AFP gesê dat Nkunda steeds die leier van die rebellebeweging is, wat Dinsdag sal vergader om Ntaganda se lot te bespreek.

Nkunda sou self die dissiplinêre verhoor bywoon wat gehou sou word in die Rutshuru-gebied van noord-Kivu, omtrent 60 kilometer noord van die provinsiale hoofstad Goma.

"Die beweging is nie daar vir die belang van 'n enkele individu nie," het Mirindi gesê. "Dit bly soos dit was en funksioneer normaalweg." Om sy punt te beklemtoon, het Mirindi gesê 'n rebelleafvaardiging het reeds vertrek na Nairobi, die hoofstad van Kenia, vir nog 'n rondte vredesamesprekinge wat Woensdag moet begin. Die gesprekke is in Desember beëindig toe die VN-bemiddelaar Olusegun Obasanjo gesê het die rebelleafvaardiging het nie die gesag om toegewings te kan maak nie.

топкарго кидалы

Cholera ‘onder beheer’ – gesondheidsdept.

Die cholera-uitbraak wat in Desember verlede jaar begin het, is onder beheer, het die departement van gesondheid Dinsdag gesê.

"Die hoeveelheid choleragevalle wat sover vermoed en bevestig is, blyk grootliks beperk te wees tot twee van die land se nege provinsies," het woordvoerder Fidel Hadebe gesê.

Limpopo het steeds die meeste gevalle van cholera, gevolg deur Gauteng.

Hadebe het die voorkoms van cholera in ander provinsies as "geïsoleerd" beskryf en het gesê owerhede doen toetse om die ware situasie rondom pasiënte vas te stel.

Hy het mense gewaarsku om in die komende maande versigtig te wees en het lede van die publiek aangemoedig om basiese higiëne toe te pas, soos om hande te was nadat die toilet besoek is en om vrugte en groente te was.

для пуско

SA ervaar bloedtekort

Bloedskenking

Die SA Nasionale Bloeddiens het Dinsdag gevra dat meer mense bloed moet skenk vanweë 'n tekort in die voorraad.

"Die land het net een dag se voorraad O-groep bloed landswyd," het woordvoerder Justice Mohale van die SANBD gesê.

Die tekort aan bloed kan wees as gevolg van skenkers wat op vakansie is en nie by bloedskenkingsklinieke kan uitkom nie, het hy gesê.

Om bloed te kan skenk, behoort mense tussen 16 en 65 jaar oud te wees en gemiddeld 50 kilogram te weeg.

Sydney Gregan moet verban word

Spyker oppie kop, redakteur, met die mening oor hierdie klomp Afrikaners of eertydse Afrikaners wat nou so oorloop van bewondering vir Helen Suzman. Maar veral daardie laaste punt oor die anti-etniese Suzman wat toe tog 'n etnies Joodse begrafnis verkies, is uitmuntend.

Ek wil sommer hier ernstig beswaar aanteken teen die plasing van 'n brief van Sydney Gregan van die Afrikaner Voksparty. As 'n "liberale demokraat" is ek sterk en driftig ten gunste van die vryheid van spraak en mening vir almal – behalwe vir diegene wat dit nie vir ander gun nie. Gaan kyk gerus na die jongste uitgawe van Gregan se party se elektroniese nuusblad, Volkstem, en die liederlike, totaal ongegronde aanval op Radio Pretoria wat daar sommer as "'n Pro-ANC-verkiesingsagent" bestempel word – en dit blykbaar omdat Radio Pretoria soms steun vir die VF+ laat blyk. En in Gregan se brief op die Praagblad word enigeen wat nie voldoen aan sy vereistes nie, skynbaar nie aanvaar as 'n Afrikaner nie. Jy stem saam met hulle, jy aanvaar hulle sieninge en beleid of jy is 'n verraaier. Aitsa!

Ek is ook 'n groot voorstander van 'n eie Afrikanertuisland – hoe klein ook al, maar ek pleit nou al dat indien dit eendag bereik sou word (helaas, seker nie in my tyd nie) moet Gregan en sy party uit daardie gebied verban word en gedwing word om in "swartland" te bly. Sulke bekrompe, onverdraagsames hoort nie in die Afrikanervolk nie – gewis nie as leiers nie.

лампы светильники

Onderwysers moontlik aanges? om matriekuitslae te ‘verbeter’, s? DA

Desir?e van der Walt

Senior onderwysbeamptes het na bewering ten minste twee onderwysers aangesê om matriekuitslae te verhoog, het die DA Dinsdag gesê.

Die party is genader deur twee mense wat beweer het dat sommige matriekpunte opsetlik verhoog is, het woordvoerder Desirée van der Walt in 'n verklaring gesê.

Hulle beweer dat die verhogings uitgevoer is in opdrag van beamptes van die departement van onderwys.

Een van die klaers wat geïdentifiseer is as 'n DA-raadslid en oud-onderwyser, het beweer dat kollegas wat wiskunde- en wetenskapvraestelle gemerk het, aangesê is om die punte van swakker matriekkandidate te verhoog.

Die anonieme voormalige onderwyser het gesê kollegas het gekla dat hulle aangesê is om die punte van swakker kandidate te verhoog, soos byvoorbeeld 20% wat opgestoot kan word na 30% wat 'n slaagpunt is.

Die ander klaer, 'n onderwyser wat betrokke was by die merk van geskiedenisvraestelle, het ook bewer dat die departement opdrag gegee het aan die onderwysers dat geen leerling nul uit 30 mag kry vir 'n opstel nie.

Die onderwyser het verder gesê dat hulle opdrag gekry het, dat indien die leerling net een feit kan weergee, hulle 9 uit 30 moes gee – amper 'n slaagpunt. Die punte in elkeen van die onderwysers se vraestelle is later almal na bewering deur die hoofmoderator verhoog.

"Dit verhoog die kommer wat wyd uitgespreek word omtrent die versiersuiker op vanjaar se matriekuitslae," het van der Walt gesê.

Die DA het aan die minister van onderwys, Naledi Pandor, geskryf en gevra vir 'n onafhanklike ondersoek na die eksamens.

Die woordvoerder vir die departement van onderwys, Lunga Mgqengelele, het gesê uMalusi, die kwaliteitsbeheerder vir die nasionale kwalifikasieraamwerk, 'n geakkrediteerde en onafhanklike organisasie was.

"Voordat ons enige uitslae bekendmaak, word dit deur uMalusi nagegaan… wat 'n verslag sal opstel indien enige ongerymdhede vermoed word."

Die departement was steeds besig om sy eie assessering van die matriek uitslae te doen, wat na verwagting teen die einde van Januarie voltooi sal wees.

"Die voltooide assessering behoort aan te dui indien daar enige waarheid is in die onderwysers se bewerings," het Mgqengelele gesê.

Hy het ook 'n beroep gedoen op enige iemand wat ongerymdhede vermoed om dit by uMalusi of by die departement aan te meld.

Фильчаков Харьков

Die Afrikaner sal weer ‘n ware leier kry

As mens deeglik bewus is van die tekens van die tye en dít wat deur Siener van Rensburg voorspel is, is dit eintlik op die huidige oomblik voortydig om te sê daar bestaan geen Afrikanerleier wat in die afsienbare toekoms die Afrikaner gaan verenig nie. Dat daar tans nie een in die openbaar bestaan nie, is wel waar. Soos tereg gesê, die VF+ verteenwoordig nie alle Afrikaners nie, so ook nie die DA en andere nie.

Die fout wat D.H. Fourie in sy brief Wie is die sogenaamde 'Afrikanerleiers'? maak, is dieselfde as wat die VF+ maak. As jy deelneem en deel is van ‘n parlement en proses met 'n Afrikasosialistiese, sogenaamde demokratiese staat, aanvaar jy die seggenskap van ‘n party soos die ANC en jy aanvaar die nuwe Suid-Afrika. Daarmee gee jy in beginsel erkenning aan ‘n swart meerderheidsregering, die Handves van Menseregte, die huidige grondwet en “nie-rassigheid.” D.H. Fourie is neerhalend oor regse Afrikaners. Linkses het regse Afrikaners ook baie al afgekraak, gekasty en verneder – die gebruik van woorde soos "verkramptes" en "rassiste" het al 'n kenmerk van die linkse media geword.

Bogenoemde is alles wat die Afrikaner marginaliseer. Die gedurige herinnering aan die Afrikaner dat hy moet skuldig voel oor die verlede en apartheid is eintlik die wig wat tussen blanke Afrikaners ingedryf word; ek verwys na die Afrikaner as blanke. Op alle gebiede – sport, godsdiens, ekonomie, kultuur, politiek – word ons gedurig daaraan herinner hoe verkeerd en "onmenslik" dit was. Linkses onder Afrikaners sê ons moet versoen. Versoen? Beteken dit om op die plaas of in die stad vermoor te word of op grond van velkleur nie 'n werk of besigheid te verkry nie?

Dat die KVP of COPE die antwoord is, betwyfel ek. Weereens soos met KODESA, word Afrikaners en ander blankes mislei. Dat ‘n ander "nie-rassige" party ons van onderdrukking gaan verlos, is ‘n leuen. In die eerste plek is COPE net nog 'n linkse party wat die regte geluide maak voor die verkiesing om ook blanke stemme te werf. Daar is absoluut geen waarborg dat hulle hul verkiesingsbeloftes gaan nakom nie.

Die Afrikaner moet lig loop vir wolwe in skaapsklere al is hulle ook blank. COPE dra nie die Afrikaner se belange op die hart nie. 'n Leier soos Lekota kan jy in elk geval nie vertrou nie – sy ampstermyn as minister van verdediging laat veel te wense oor. COPE is net nog ‘n "reënboognasie"-party wat die ANC-resep volg soos voor die '94-verkiesing en ná Mandela se ampstermyn verstryk het.

Die Afrikaner sal weer 'n ware leier kry, dit is seker.

купить в киеве

Israel steur hulle nie aan internasionale beeld ? Peres

Shimon Peres

Die Israelse president, Shimon Peres, het Europese pogings om 'n einde aan die Gasa-konflik te bring, gestriem, en gesê Israel steur hom nie aan sy internasionale beeld nie, het sy kantoor gesê.

“Europa moet sy oë oopmaak. Ons is nie in die besigheid van openbare betrekkinge of om ons beeld te verbeter nie. Ons veg tans teen terreur en ons het die volle reg om ons burgers te verdedig,” het die Nobelpryswennerleier aan 'n EU ministeriële afvaardiging gesê.

Die EU se Kommissaris vir Eksterne Verhoudinge, Benita Ferraro-Waldner, het aan Peres gesê dat “Israel se beeld verwoes word” deur sy weiering om gehoor te gee aan internasionale oproepe vir 'n staakvuur, het die president se kantoor in 'n verklaring gesê.

Die EU-afvaardiging het die Franse president, Nicolas Sarkozy, nagevolg in 'n oproep aan Peres en ander Israelse leiers vir 'n skietstaking in die konflik waarin meer as 580 Palestyne omgekom het.

Peres het samesprekings gevoer met Ferraro-Waldner, die Tjeggiese minister van buitelandse sake, Karl Schwarzenberg, en die Sweedse buitelandse minister, Carl Bildt.

Hy sê “Israel veg tans 'n omvattende oorlog teen moorddadige terreur wat Iran se maaksel is".

“Nie een van die Europese lande sal vuurpylvuur op hulle burgers verdra nie, en hulle moet verstaan dat Hamas 'n terreurorganisasie van die ergste graad is en dat hulle hulle bevolking van vrouens en kinders as mensskilde gebruik.”

Ferraro-Waldner is aangehaal dat sy sê elke volk het die reg om homself te verdedig, maar dat Israel se optrede in Gasa buitensporig is.

“Ons het vergader met die hoofde van internasionale menslikheidorganisasies en afvaardigings en daar is aan ons vertel dat daar 'n ernstige probleem in Gasa is met die verspreiding van die afvaardiging se besendings,” het sy volgens die verklaring deur Peres se kantoor gesê.

“Ons het Israel toe gekom om 'n inisiatief vir 'n menslike skietstaking te bevorder en ek sê vir jou, mnr. die President, julle het 'n ernstige probleem met internasionale voorspraak en dat Israel se beeld vernietig word,” het die EU-amptenaar bygevoeg.

new free slot

Choleradodetal styg steeds in Zimbabwe

Ten minste 1 732 mense is dood aan cholera in Zimbabwe en die hoeveelheid gediagnoseerde gevalle het gestyg tot 34 306, het die Wêreldgesondheidsorganisasie Dinsdag gesê.

Die organisasie het verlede Dinsdag berig dat 1 586 mense dood is en 31 656 mense besmet is met die siekte.

VN-hulporganisasies het weke lank al gewaarsku dat die hoeveelheid gevalle tot 60 000 en meer kan styg, met die reënseisoen wat help om die siekte te versprei.

Al 10 die provinsies in die land is deur cholera getref, volgens die VN-statistiek wat onvolledig is vanweë 'n tekort aan mediese personeel en kommunikasieprobleme.

Zimbabwiërs sukkel ook met hiperinflasie, erge voedseltekorte en chroniese politieke onstabiliteit.

tiara топкарго отзывы

Obama wys nuwe CIA-hoof aan

Leon Panetta, 'n voormalige lid van die kongres en die Withuis se stafhoof is deur Barack Obama gekies om die nuwe hoof van die CIA te wees. Die keuse, wat Maandag bekend gemaak is, het onmiddellik divisie in die party ontbloot nadat twee senior mense gevra het hoekom Obama 'n kandidaat nomineer wat baie beperkte ervaring het van intelligensie aangeleenthede.

Die pos was die laaste "groot" pos wat Obama moes vul. Obama het die agentskap se ondervragingsmetodes voorheen as marteling bestempel. Demokratiese amptenare het gesê dat Obama Panetta op grond van sy bestuursvaardighede, sy besluite wat oor partygrense gestrek het asook buitelandse beleidsverklarings en begrotingsvaardighede wat hy onder Bill Clinton se bewind opgedoen het, gekies het vir die pos.

Die keuse van Panetta kom amper twee weke nadat Obama sy groot personeelskuiwe gemaak het. Dit kom voor asof dit die probleme reflekteer wat Obama gehad het om 'n kandidaat te vind wat beheer kan oorneem van die agentskap, maar nie verbind kan word aan die ondervragingsmetodes en aanhoudingsprogram wat deur die CIA bedryf is onder die bewind van president Bush nie.

Met die bekendmaking van die keuse, het Demokratiese amptenare gesê dat Panetta se bande met Obama die CIA 'n sterk stem binne die administrasie sal gee, veral in die burokratiese skuiwery van posisies in die Pentagon, wat 'n baie groter begroting en meer burokratiese sê het.

Dit is deur die senaat bevestig dat Panetta, 70, beheer sal oorneem van die agentskap wat direk verantwoordelik is om senior Al Kaida leiers regoor die wêreld te soek. Hy sal ook die oudste direkteur in die geskiedenis van die agentskap wees.

справки 086-у

Israel se grondinval stoom voort

Israel het Dinsdag vir die vierde dag voortgegaan met sy grondoffensief in die Gaza strook, ten spyte van nuwe internasionale oproepe vir 'n skietstilstand in 'n konflik waarin meer as 540 Palestyne reeds dood is.

Drie Israeli soldate is dood en 24 beseer Maandag toe 'n Israeli tenk in 'n ongeluk geskiet het op 'n gebou in noordelike Gaza wat hulle oorgeneem het in gevegte met Islamitiese Hamas militante, het die Israelse weermag gesê.

Die "vriendelike vuur" insident het Israel se hoogste sterftesyfer meegebring in die 11 dae oue offensief teen Hamas.

8 Israeli's, insluitend 4 burgerlikes wat dood is in vuurpylaanvalle is dood in die konflik.

Israel het gesê hulle het dosyne militante reeds gedood terwyl die geveg voortkruip in die voorstede van Gaza stad. Palestynse beamptes het gesê meer as 30 burgerlikes is dood.

Israeli minister van verdediging, Ehud Barak het gesê die aanval kan moeiliker word vir die soldate. Hamas het belowe om in elke straat en stegie aan te hou om te veg, en het gedreig om nog vuurpyle op Israel af te vuur.

Franse president, Nocolas Sarkozy, op 'n vredesending in die Midde Ooste, en Amerika se president Bush, wat sy finale weke in die Withuis deurbring, het beide gevra vir 'n skietstilstand.

воздуха