Ek is regtig keelvol vir apartheid

Ek is regtig keelvol vir apartheid. Net waar ek kom loop ek my vas teen apartheid. Ek sien dit, ek ervaar dit, ek lees dit en ek kry dit orals. Waarom in godsnaam apartheid?

Neem nou maar Genesis, waar alles begin het. Wat staan daar? God het elke ding op verskillende dae volgens die afsondelike reëls van apartheid geskep. Die skrywer van Genesis doen nogal moeite om te onderskei tussen dinge.

Die aarde is woes en leeg. Duisternis is op die wêreldvloed. En toe verdring lig die duisternis. Apartheid word gemaak tussen waters en waters en die land het tussen die oseane na bowe gekom. Nou kan ek al klaar sien hoe daar gestry gaan word wie eerste daar was en aan die wie landskap as eerstereg behoort!

Toe begin die neukery vir die boere: daar is gras, plante, bome – ja, alles en telkens volgens aparte soorte. Ek stap die vrugte- en groentewinkel binne en waarmee word ek gekonfronteer, met verdomde onnodige diversiteit. Wat moet ek nou koop: appels, pere, druiwe, ens. Waarom moet ek kies, want alles word tog in my mond fyngemaal en gaan met een sluk in.

Toe kom die Son en die Maan aan die uitspansel en asof dit nie genoeg is nie, neuk die mense, ja sommige mense, met spesifieke genepoele, Maan en Mars toe, terwyl ander nog nie eers ‘n boom op aarde geplant het nie.

Die waterdiere het begin wemel, weer elke ding volgens sy aparte soort. Selfs die bleddie visse byt nie aan dieselfde aas nie. En hoekom die radikale verskeidenheid? Verdomp, waarom kan ‘n walvis nie verlief raak op ‘n swart baber nie? Dis tog logies: hulle is visse. Die wilde diere het oor die wêreld versprei. Weer volgens aparte soorte en nou vreet die roofdiere die arme plantvreters op en jag die wildehonde in groepe uit pure banggeit om elkeen apart sy ding te doen.

Fokus ek op die Kosmos word ek gesê daar is verskillende sonnestelsels: elkeen met sy eie mane, planete en bane. Waarom al die moeite doen met ingeboude grense om my kosmiese nuuskierigheid hok te slaan? Bestudeer ek die natuur, die fisika, die wiskunde en die meetkunde, onder meer, word ek gekonfronteer met aparte natuurwetmatighede. Waarom dit so verdomp moeilik maak?

Aan die begin het die beskaafde mens aan die natuur aangepas en die natuur by sy lewenswyse aangepas en deur wetenskaplike innovasies, soos die wiel en die horlosie, objekte ontwikkel om die natuur te beheer. Maar, wat vind ons: daar is mense wat eenvoudig anders wil wees: hulle kap die bosse uit en verbrand die hout, hulle koop Westerse beskawingsmiddele in plastiese sakke en smyt dit neer, hulle doen hulle ding naby water en besoedel die water met estrogeen, hulle het geen beheer oor hulle drange nie en oorbevolk die landskap, en so kan ek aangaan.

Ek wil graag met diere eksperimenteer. Ek hou van muile, omdat dit beter as ‘n donkie en sterker as ‘n perd is, maar ek kan nie, want op een of ander manier wil muile nie teel nie. Iewers het iemand ‘n grens tussen ‘n donkie en perd ingebou. Hoekom is dit nou nodig? Dan kom ek in die Wildtuin en verwonder en verkyk my aan die diere wat saam wei, maar afsonderlik teel. Waarom is dit nou regtig nodig om die grense tussen die spesies te behou, want die ideaal is tog om die diversiteit op te hef?

Ek is veral vies vir bosluise wat die bloed van my stoetbeeste suig, vir hondeluise wat op die diere parasiteer, vir andersoortige parasiete wat my gesonde diere aanval, vir bek-en-klouseer en runderpes, bloutong en siekte oor die algemeen wat op ordelike, gesonde, beskaafde lewe teer. Ek het ook ‘n weersin in sommige gemeenskappe wat op ander parasiteer. Hoe gaan ek van hulle ontslae raak? Hulle teel en ons betaal uit emosionele oorweginge. So word die armoedeprobleem groter en groter.

Ek is eintlik behoorlik gatvol vir imperialistiese indringerplante, wat van elders kom en ingebring is en ons natuurlike habitat oorneem. Let wel: nie naas mekaar mag uitbalanseer nie, maar inheems plante verdring. Wat maak die Jakaranda en die Bloekom en die Blouwattel hier? Deur hulle genetiese andersheid bedreig hulle alles wat in kompetisie daarvan staan. Hulle deel nie hulle gene nie, maar hou dit vir hulleself apart.

Ek lag lekker in my mou oor die verskille tussen mans en vroue. Ek is ‘n man. Waarom is daar geneuk om vrouens te maak, want hulle is onvoorspelbare en onverstaanbare wesens. Hulle kan glo dinge doen wat mans nie kan doen nie. Hulle soek seks maar geniet dit nie, hulle wil kinders hê, maar die mans moet die lewensmiddele daarstel. Hulle praat ‘n gat in ‘n streepsak in sonder om veel te sê. As dit looptyd is en die mans staan alreeds by die motors en sommige sit reeds in die motor, begin hulle ‘n nuwe argument, of opper ‘n nuwe gedagte en idee. Waarom wil hulle apart wees en waarom is hulle nie soos mans nie, dan was alles minder kompleks, meer eenvoudig, rustiger en minder kompeterend.

Om dinge nog moeiliker te maak, skep die mens ‘n duisternis sosiale instellinge om sin aan die samelewing te gee. Godsdiensinstellinge het afsonderlike identiteite van staatlike instellnige. Wat van sportliggame, ekonomiese instellinge, gesondheidsdienste, ens.

As daar nou een ding is wat my besonder die moer inmaak, dan is dit die onnodigheid van verskillende rasse. Kom ons begin by die taalverwarring van Babel. Hoekom nou dit? Waarom het almal nie maar Afrikaans gepraat nie? Dit is tog ‘n beskaafde taal met ‘n wonderlike woorderykdom en literêre tradisie. Dit is ‘n hemelse taal. Nee, want hulle het ‘n rewolusie teen Afrikaans begin. Hulle wil anders wees. Hulle wil hulle eie tale praat, maar dan moet ons hulle tale vir hulle ontwikkel … of nog slegter, hulle wil Engelse taalimperialisme en taalkolonialisme op Afrikaanse praters forseer. Dit is ‘n vorm van apartheid.

Hierdie apartheid het geen en ken geen grense nie. In plaas daarvan dat alle mense die een ware God, Jahwe, aanbid, voeter hulle met ‘n duisternis van afgode. Afgode wat soms met natuurverskynsels verband hou. Soos die watergod en voorvadergeeste. Dan is daar die tokkelossie. En wat van die “beskaafde” Romeine wat die “sol invictus” aanbid het en later die Sondag as aanbiddingsdag op ons forseer het. Was hulle dan mal en apartheidgedrewe? Ja, hulle was apartheidmal want apartheid deursuur die skepping!

En, as daar nou een ding is wat my die berge opjaag, dan is dit die seksgedrewendheid van sommige volkere. Met hulle geslagsorgane oorwin hulle die wêreld en forseer hulle apartheid op ons af. Hulle sekslus maak hulle nogal apart. Dink daaraan: watter beskaafde mens slaan ‘n ou met ‘n byl dood en verkrag daarna sy vrou en dogters. Hoe op aarde kry ‘n mens ‘n ereksie midde van ‘n bloedbad? Ek weet nie! Hulle apartheid vervul my met afgryse. Ons moet hierdie soort apartheid met wortel en tak uitroei en hulle eenvoudig tot uniformiteit dwing. Hulle moet word soos ons: een-man-een-vrou, seks eenmaal per week, impotent op sewentig, ens.

Apartheid het selfs nie sosiale gebruike onaangeraak gelaat nie. Wat is nou eintlik reg? Ek weet nie, want as ek en my vrou stap, dan stap ek saam, maar onder die Zoeloes stap die man voor en die vrou agter, om van voor alle gevare af te weer. Kom ek by my Moslimvriende dan eet hulle met gepunte vingers, in plaas van met mes-en-vurk. En wat van die Chinese met hulle lang stokkies.

Wat ek buitensporig lastig vind is die kritiek van sosialistiese gemeenskappe wat in trosse saamboer en kritiek teen die Weste uitdeel maar dan sommer oornag hulle vrotsige plakkershuisies op my drumpel kom opslaan. Hulle apartheid is imperialisties. Hulle wil ons deel van hulle aparte lewenswyse maak.

Ek woon ‘n vergadering by en wat vind ek: daar is ‘n ander spreker ook, naas myself. Hy is vurig teen kolonialisme aan’t uitvare, maar wil die hele samelewing Afrikaniseer, deur “affirmative action”, want ons moet saam met hulle apart wees van die Westerse samelewingsorde. Dieselfde meneer wat net bokkerôl tot Westerse tegnologiese innovasies ‘n bydrae gemaak het of ooit sal maak, sit met ‘n Duitse goueraambril op sy oë, dra Franse sydasse, loop met Italiaanse volstruisleerskoene en dan is daar die Spaanse attachétas. Om wie te beïndruk?

Ek is gatvol vir apartheid. Ek is keelvol vir die diktatuur van andersheid, van apartheid, wat sedert 1993 op ons afgedwing word. Ek is geen Afrikaan nie. Ek is Eurokaan. Dit is al beskawingsvlak wat ek wil erken, want ek is nie ‘n ondersteuner van apartheid nie. Ek hou nie van treine wat nie werk nie, nie van boereplase wat oorgeneem word deur vreemdes en kakiebos nie, nie van erdvarkgate in teerpaaie nie, nie van taxibestuurders wat eerder met kruiwaens moes rondry nie, nie van diewe en moordenaars en verkragters nie. Daarom is my oproep aan alle afwykendes, andersoortiges, word soos ons en los die probleme van die wêreld op.

Kortom: ek is gatvol vir apartheid.

осушитель влагиtopcargo отзыв

Swartes wat nie kan swem nie

So pas het die departement van sport aangekondig dat die nasionale skoleswemkampioenskap afgestel word “omdat daar 99% blanke swemmers is”.

Darwin het egter gesê, “wie ras ontken, ontken die biologie”. Met dié logika van kwotas vir skoleswemmers behoort die naelloopitems by die Olimpiese Spele, wat deur swartes van Wes-Afrikaanse afkoms oorheers word, kwotas vir blanke naellopers te hê. Of Amerikaanse basketbal mag nie oorheers word deur negers wat maar 12% van die VSA-bevolking uitmaak nie.

Feit is, net soos sekere swartes oor meer plofbare spierweefsel beskik wat hulle beter naellopers of basketbalspelers maak, is hulle beenstruktuur ook digter en dryf hulle nie so goed soos blankes in die water nie. Hoeveel swart swemmers presteer by die Olimpiese Spele? Weinig, indien enige, swartes het al ooit ‘n eindrondte in die swembad daar gehaal. Maar nou móét swart skoolkinders in SA net so goed soos blankes begin swem, omdat die ANC-regering so sê. Dit gaan nóóit gebeur nie, tensy hulle iewers in die wetenskapfiksietoekoms mense voor geboorte of by bevrugting geneties gaan begin manipuleer om almal gelyk te maak, à la George Orwell.

Ons enigste hoop is ‘n eie Olimpiese span vir Afrikaners en ‘n eie sportfederasie wat niks met die ANC-bewind te make het nie. Net dan sal sport van die ANC se rassedrome bevry kan word.

Maar natuurlik het liberale en linkse blankes jare lank die onwetenskaplike gedagte gepropageer dat alle rasse op alle gebiede oor dieselfde potensiaal beskik, terwyl die gemiddelde persoon met sy oë die fisieke verskille in bou, grootte, krag en ander eienskappe kan raaksien. Al is daar byvoorbeeld miljarde Chinese en ander Oosterlinge, gaan hulle nooit wêreldrugby oorheers nie, omdat hulle groot en sterk genoeg is om teen blankes en sommige ander rasse te kan meeding nie.

Wat vir Chinese en rugby geld, geld ook vir swartes en swem.

воронеж подъемникиАлександр Фильчаков

Dank Manyi af!

Die VF Plus gaan die Openbare Dienstekommissie vra om Jimmy Manyi se aanstelling as woordvoerder vir die kabinet te ondersoek ingevolge die Wet op Openbare Dienste 103 van 1994. Ingevolge artikels 30(a) en (b) mag staatsamptenare nie enige addisionele werk doen en finansiële vergoeding daarvoor ontvang nie. “Daar is heelwat inligting wat daarop dui dat Manyi ook ander posisies, benewens sy posisie as president van die Black Management Forum, beklee. Die Openbare Dienstekommissie moet hierdie onreëlmatigheid ondersoek en ‘n aanbeveling maak of Manyi se aanstelling buite orde is al dan nie”, het adv. Anton Alberts, VF Plus-parlementêre woordvoerder oor Arbeid, gesê.

“Die minister van Staatsdiens en Administrasie mag wel posisies buite die voltydse pos goedkeur indien die posisie nie inmeng met die wetlike verpligting om voltyds aandag aan die staatsdienspos te wy nie. Ons weet egter nie of dit die geval is met Manyi nie en daarom word die ondersoek gevra,” het adv. Alberts gesê.

Die VF Plus se ondersoek het aangetoon dat Manyi die volgende posisies beklee:

1. President van die Black Management Forum;

2. President van die BMFI (die Black Management Forum se beleggingsvoertuig);

3. President van die Confederation of the Black Business Organisations (CBBO);

4. Nie-uitvoerende direkteur op verskeie maatskappye se direksies, soos IBM South Africa en Meegbank Holdings.

“Die VF Plus het nog altyd volgehou dat Manyi nie geskik is om ‘n openbare pos te beklee nie. Die publieke reaksie op sy rassistiese uitsprake het weereens die party se mening beaam. Indien dit bevind word dat Manyi nie die nodige toestemming verkry het om die verskillende posisie te beklee saam met sy pos as kabinetswoordvoerder nie, moet Manyi afgedank word en ‘n einde gebring word aan die staat se vermorsing van belastingbetalers se geld op hierdie onbevoegde amptenaar,” het adv. Alberts bygevoeg.

italiasvetФильчаков прокурор харькова

Diensleweringsgeweld in suide van Johannesburg

Die polisie sê die situasie in die Thembelihle plakkerskamp naby Lenasia suid van Johannesburg is glo weer kalm en onder beheer.

Inwoners eers gedreig om weer te betoog nadat hulle vroeër die strate ingevaar het uit protes teen ‘n gebrek aan dienslewering in die gebied.

Die polisie moes rubberkoeëls gebruik om inwoners uiteen te jaag, nadat hulle buitebande aan die brand gesteek en die paaie met groot klippe versper het.

справка для выезжающих за границуФильчаков прокурор харькова

Zuma knip Franse besoek kort

President Jacob is in Mauritanië waar hy hom sal aansluit by die ander lede van die paneel van die Afrika Unie wat die geskil na die verkiesing in die Ivoorkus moet probeer oplos.

Zuma moes vroeër sy toespraak by die Franse Instituut vir Internasionale Betrekkinge in Parys kortknip na kommer oor veiligheid.

Dit het na bewering verband gehou met betogings deur Tunisiërs wat in die stad woon. Die paneel van die AU het ‘n maand tyd om die politieke krisis in die Ivoorkus op te los, maar dit lyk of daar min vordering is aangesien die huidige president, Laurent Gbagbo, steeds weier om die mag oor te dra aan Alessane Ouatarra wat wyd erken word as die wenner van die November-verkiesing.

Vliegtuie van die Libiese lugmag het intussen nuwe aanvalle op die oostelike dorp Brega geloods. Die dorp is ‘n groot olieprodusent en tans onder beheer van teenstanders van die Libiese leier, Moeammar Ghaddafi. ‘n Opposisiewoordvoerder sê die lughawe by Brega en opposisiemagte is onder bomme gesteek.

Tweehonderdduisend vlugtelinge het nou reeds uit die land gevlug weens die onrus. ‘n Grootskaalse internasionale operasie waarby vliegtuie van Brittanje, Frankryk en Tunisië betrokke is, help om mense uit die land te verwyder.

лучшее белое винодепутат лобановский

Sakevertroue daal

Sakevertroue het in Februarie afgeneem in vergelyking met die vorige maand, het die Suid-Afrikaanse Kamer van Koophandel en Nywerheid Donderdag (SAKKN) gesê.

“Ongeag dié maand se afname, is die opwaartse momentum steeds daar en ons glo dat die sakevertroue-indeks op koers sal bly ná die laagtepunt in sakevertroue in die eerste kwartaal van 2009,” het die SAKKN in ‘n verklaring gesê.

Die indeks was 86,4 in Februarie in vergelyking met 87,4 in Januarie. Dit is 3,4 indekspunte hoër as Februarie 2010.

Die verskeie subindekse van die indeks het gemengde tekens vertoon.

Die wisselkoers en reële koste van finansiering was negatief en dit dui daarop “dat die finansiële omgewing ten gunste van strenger finansiële toestande in die toekoms swaai”.

Hoewel daar op ‘n jaargrondslag ‘n verbetering was, is die SAKKN steeds bekommerd dat vervaardigingsproduksie en konstruksie sukkel om te versnel, ongeag ‘n beter positiewe vooruitsig vir ekonomiese groei.

“Verskeie internasionale verwikkelings tydens Februarie 2011 het die huidige wêreld- ekonomiese herstel in gedrang geplaas,” het die SAKKN gesê.

“Sakevertroue kan drasties getoets word in die nabye toekoms, gegewe ekonomiese onsekerheid en moontlike prysonstabiliteit,” het die SAKKN gewaarsku.

металлические брекетыАлександр Фильчаков прокурор

Polisie ondersoek klopjag op OB

Die polisie gaan ‘n klopjag wat op die kantoor van die Openbare Beskermer uitgevoer is ondersoek, het ‘n woordvoerder Donderdag gesê.

“Ons veroordeel die klopjag en dit was nie goedgekeur nie,” het kol. McIntosh Polela, polisiewoordvoerder, gesê.

Genl. Bheki Cele se kantoor het ook die voorval veroordeel.

Polela het gesê die klopjag is Woensdagaand op die kantoor uitgevoer, op dieselfde dag as wat die kabinet die verslag van die OB se adv. Thuli Madonsela, teen Cele bespreek het.

“Ons is bekommerd dat dit dalk gesien kan word as intimidasie teen die kantoor van die Openbare Beskermer en ons wil op rekord wees dat ons die kantoor van die Openbare Beskermer respekteer en ondersteun,” het Polela gesê.

Die polisie glo dit was ‘n poging om dokumente rakende die verslag in die hande te kry.

Madonsela het Cele skuldig bevind op aanklagte van onregmatige gedrag en wanbestuur nadat die polisie ‘n huurkontrak van R500 miljoen vir die Sanlamgebou in Pretoria goedgekeur het.

автомобильный karcherФильчаков прокурор отзывы

Sasco-optogte

Die Vryheidsfront Plus beskou die feit dat SASCO en die ANC Jeugliga al hoe meer druk op gratis tersiêre onderrig en die nasionalisering van myne plaas, as ‘n bedreiging vir ‘n vrye ekonomie en is van oordeel dat hul eise buitelandse beleggers sal afskrik om in die Suid-Afrikaanse ekonomie te belê.

“Dit is onverantwoordelik van SASCO om gratis tersiêre onderrig as ‘n onmiddellike prioriteit in die huidige ekonomiese klimaat te beskou. Die verbetering van die standaard van basiese onderwys ter voorbereiding van verdere studie, is volgens die VF Plus die belangrikste en ‘n noodsaaklikheid,” het Jan van Niekerk, VF Plus-jeugleier, in reaksie op SASCO se voorneme op landswye betogings vir gratis tersiêre onderwys, wat vir vandag en Vrydag beplan word, gesê.

Die Vryheidsfront Plus is van oordeel dat, indien die standaard van skoolopleiding nie drasties verbeter nie, tersiêre onderrig sinloos sal word. Die swak deurvloei-syfers van instellings soos universiteite sal nie verbeter voordat die algemene geletterdheid van skoliere nie verbeter nie.

Die VF Plus eis dat SASCO nie soos in die verlede deur hul optogte klasse aan akademiese instellings sal ontwrig nie en dat kampusbesture en owerhede pro-aktief sal optree om dit te voorkom. Veral die feit dat SASCO se optogte nie ‘n goeie geskiedenis as vreedsame optogte het nie, behoort aan owerhede ‘n duidelike boodskap van pro-aktiewe optrede te stuur.

Van Niekerk het bygevoeg dat Mbulelo Mandlana, president van SASCO, se stelling “Ons glo nie dat die befondsing vir gratis onderwys van die Heilige Gees gaan kom nie”, onvanpas en onbehoorlik is. Die ANC en sy jeugliga-organisasies gebruik heel te dikwels aanstootlike stellings rakende die Christendom, wat daarop dui dat die sensitiwiteit van die verskeidenheid van die SA-samelewing nie deur die ANC begryp word nie.

осушитель адсорбционныйтопкарго отзывы

Registreer!

Die VF Plus verwelkom adjunkpresident Motlanthe se aankondiging van die datum vir die plaaslike regeringsverkiesing as 18 Mei 2011.

“Dit is baie goed dat daar nou duidelikheid rondom die datum vir die verkiesing bestaan. Sodoende kan politieke partye, die kieserspubliek en die OVK voldoende voorbereidings tref vir die belangrike komende verkiesing,” het dr. Pieter Mulder, leier van die VF Plus gesê.

Die VF Plus doen ‘n beroep op alle stemgeregtigdes om hierdie naweek seker te maak dat hul geregistreer is om in die wyk waar hul woon te mag stem. Indien ‘n kieser onseker is of hy op die regte plek geregistreer is, kan hy sy ID-nommer na 34139 sms.

“Die plaaslike regeringsverkiesing is juis belangrik omdat dit die vlak van regering is wat elke Suid-Afrikaner daagliks direk raak. Kiesers moet gaan stem om sodoende inspraak in dienslewering in hul gemeenskap te kry. As jy nie gaan stem nie – mag jy nie na die verkiesing oor swak dienslewering kla nie,” het dr. Mulder gesê.

Indien opposisiekiesers in groot getalle gaan stem en opposisiepartye werk verstandig saam, kan die ANC weens die proporsionele kiesstelsel sekere gebiede verloor.

светильниковАлександр Фильчаков прокурор