Rose vir Yskassie

Ou Frik het haar self Yskassie genoem. Hulle was glo op skool al ge-“kys”, soos ons destyds verwys het na enige verhouding wat langer as twee soene gehou het. Hy was toe al in sy tweede jaar op Universiteit, maar hy was steeds smoorverlief op haar, al het sy hom op ‘n taamlike kille afstand gehou.

As ek na jare se lewenservaring so terugkyk dan wonder ek of die groot liefde ooit werklik wederkerig was. Dalk was sy later nie meer so geesdriftig oor die “kys” nie, dalk het sy al iemand anders ontmoet en dalk was dit net die afstand tussen die twee toe Frik universiteit toe is, maar ou Frik het beslis gevoel dat sake nie meer lekker is nie en dat sy al hoe meer afsydig, ja selfs koud, teenoor hom raak. Vandaar die ysige bynaam. Maar sover dit hom betref was sy steeds die nommer een meisie in sy lewe – eintlik die enigste een want hy het ondanks die vele mooi meisies op die kampus, nie met een van hulle “gesleep” nie.

Sleep – behoorlik in Afrikaans uitgespreek en hoegenaamd nie, nie eens naastenby met die konnotasie wat die Engelse woord met dieselfde spelling het nie – was wat jy en jou meisie saans na aandete ‘n hele halfuur lank oor die hele kampus gedoen het. Dit kom seker van die spreekwoordelike “vlerksleep” af, maar op die PUK het jy het haar as’t ware oor die een wandelpaadjie na die ander gesleep en kans vir veel meer as handjies hou tydens die wandeling was daar ook nie want daar was ‘n hele spul ander slepers en die kampus was ook nie só groot of dig begroeid dat daar veel geleentheid was vir iets anders nie.

Hoe min privaatheid daar met die slepery was, het goed geblyk uit die storie oor een van die voorste doppertokkelokke se waagmoed. Hy en sy meisie het vroeg by die dameskoshuis weggespring en stelling ingeneem op een van die enkele bankies wat daar so half verskuil tussen die bome was. Van haar vriendinne het gou die storie vertel dat hulle toevallig daar naby verby “gesleep” het toe hoor hulle so ‘n klapgeluidjie – tipies soos een hand wat op ‘n ander klap – en die bekende stem van die tokkelok se meisie kom deur die bome met ‘n onmiskenbare betigtiging: “Stoute handjie…!”.

Ek dink nie ou Frik het sulke dwalende hande gehad wat Yskassie afgesit het nie. Hy was te veel van ‘n ordentlike, opgevoede en opregte Afrikanerseun wat nie sulke kanse sou vat as daar nie eers ‘n behoorlik aanloop was nie! En beslis nie met hande wat sommer weer sou gedwaal het as daar die geringste betigtiging was nie. Maar dit was ander tye.

Frik en ek en ‘n paar ander manne het in ons tweede jaar nie plek in die beperkte koshuise van die PUK gekry nie en toe maar in ‘n “buitehuis” net oorkant die spoorlyn by privaat mense geloseer. Ons het lekker daar gebly vir die res van ons universiteitslewe want ons het elkeen sy eie kamertjie gehad en die kos was beter as in die koshuise waar selfs ‘n doppertokkelok een aand in die dankgebed ná ete mooi gevra het dat die kos volgende keer asseblief tog beter moet wees! En uiteraard het ons goeie vriende geword in ons eie klein gemeenskap binne die groter gemeenskap en het ons mekaar se persoonlike lewens geken en gedeel.

Dit was ook interessant dat nie een van ons met koshuismeisies gesleep het nie – behalwe dalk Snyman want hy het graag dikwels van “slepe” verander. In my geval was dit bloot omdat die koshuismeisies óf ouer óf langer as ek was. Ek was ‘n maer, kortgat 16-jarige toe ek op die PUK aangekom het. So jonk omdat ek in my vroeë skooljare sommer twee klasse in een jaar gespring het, nie oor ek sodanig slim was nie. Ek was blykbaar só skraal en petieterig, (maar darem al ‘n ervare roker) dat ou Wimpie, wat toe in sy finale jaar tokkelok en voorsitter van die Studenteraad was, kort na my aankoms as eerstejaar op my afgekom het waar ek op die gras gesit en rook het en toe ewe vir my vra: “Boetie, weet jou ma dat jy rook?” Ek moes maar nee antwoord want ma en pa het toe nog nie geweet nie.

Ek het my nie die “boetie”-woord aangetrek soos sommige ander mense nie. Baie jare later het die einste Wimpie vir ene Chris in ‘n koerantgebou se gang raakgeloop en hom ewe vriendelik gegroet met ‘n “Dag, Boetman”. Maar ou Chris wat maar altyd taamlik op sy eer en aansien gesteld was, was so ontstig – behoorlik die bliksem in – dat hy ‘n hele boek daaroor gaan staan en skryf het! As hy my gevra het sou ek hom kon vertel dat die “boetman”-woord maar net ‘n ou spreekwyse van Wimpie was teenoor iemand wat heelwat jonger as hy was.

Dit is egter nou maar ‘n feit van die jong lewe dat in die tienerstadium maak selfs net ‘n jaar eintlik groot verskil tussen seuns en meisies. Ek het dit met groot liefdesleed aan my eie bas gevoel. Wiesie en ek was van Graad 2 af tot in matriek klasmaats. Ek was ‘n skrale twee dae ouer as sy. So deur die jare was ons so aan en af gekys, maar toe op ‘n goeie dag – ek dink dit was in Graad 11 (of standerd nege soos ons dit geken het) – vind ek dat Wiesie nie meer in my belangstel nie behalwe as ‘n goeie ou vriend aan wie sy kon vertel van haar groot liefde vir ‘n ander een – ‘n jong man wat toe al gewerk het! Hy was duidelik darem so vol lewenswysheid en soveel meer ervare as ek, wat dikwels nog kortbroek gedra het! Binne ‘n enkele lang vakansie het sy my totaal ontgroei – fisies en emosioneel was sy skielik heelwat ouer as ek.

Selfs in ons tweede en derde jare het ons groepie in die buitehuis nie juis na die koshuismeisies gekyk vir “sleepkans” nie. Ou Roelf het glo ‘n meisie in dieVrystaat gehad en met sy ryk pa (wat selfs vir hom ‘n tikmasjien kon koop!) kon hy feitlik elke naweek gaan kuier. Mike was baie getrou aan sy meisie uit sy skooldae in Bloemfontein en is enkele dae nadat hy gehoor het dat hy sy finale eksamens geslaag het, met haar getroud. Ek self het vakansies met jonger meisies uit my skooldae gevry en so oral langs die spoorlyn van die Baai af ‘n meisie op sleeptou geneem op die plekke waar ek moes oorklim. Almal ‘n jaar of wat jonger, sommige eintlik nog aan die verkeerde kant van die magistraat se perk, maar op daardie ouerdom het dit ons nie gepla nie want ons “vryery” van daardie jare was maar bra mak.

En onse Frik het ook elke kans wat hy gekry het, met die trein afgesit Pretoria toe – en elke keer het hy met sy terugkoms meer bekaf gelyk as tevore. Die verhouding wou maar net nie blom nie – in Yskassie se kilheid kon niks blom nie.

Dit was taamlik vroeg in ons finale jaar dat Frik besluit het dat hy nog een keer gaan probeer om die ou liefde van die verlede weer in haar yskas van ‘n hart te laat ontvlam. Hy het plan gemaak om vroeg Saterdagoggend die trein Pretoria toe te vat en die saak nou finaal en klaar te gaan uitpraat. Reg of Weg!

Ons het natuurlik almal koppe bymekaar gesit en raad gegee oor wat hy moet sê en doen, maar ek dink dit was Snyman se idee dat Frik moes probeer om haar liefde weer te wen met ‘n yslike bos blomme. Dit moes Snyman gewees het want hy was blykbaar baie aantreklik vir die meisies en het nogal goed geweet hoe om hulle te hanteer – in meer as een sin van die woord!

Maar blomme kos geld en waar kry ‘n student daardie kommoditeit? Dan moet die blomme maar op een of ander manier gevind word. Dit was nog somertyd in die vroegjaar en iemand onthou toe van die yslike beddings vol rose in die ruim tuin van die ou Onderwyskollege, feitlik langsaan die Puk se kampus.

Daar was geen keer nie. Laatnag het ons in ‘n sterk ondersteunende gelid opgeruk en op die kollege se roostuin toegesak. Ons het nie wild en wakker gepluk en verniel nie en in elk geval was daar so baie pragtige rose in blom dat dit nouliks gemis sou word. Maar ons het ‘n groot bos rose – en ek bedoel yslik – bymekaar gemaak en gesorg dat ou Frik die vroegste trein daardie oggend haal. “Maak dit ‘n lekker lang naweek, ou Frik,” het ons raad gegee. “Kom eers Maandag terug want hierdie yslike bos rose moet selfs die kilste meisiehart verwarm en verbly.”

Darem wonderlik hoe ‘n meisie kan val vir iets soos ‘n blommetjie of twee, weet Snyman te vertel, maar ewe ordentlik het hy maar verder gewyg oor wat gebeur as sy eers goed geval het! Net sowel hy het nie te veel oor die wonderbaarlike uitwerking van blomme op die vrou se gemoed uitgewei nie want vroeg, sommer bra vroeg Sondagmiddag is Frik terug. Verslae en verslaan!

Nee, die blomme was nie pap en verwelk nie, het Frik verduidelik. Nog mooi gehou danksy die feit dat ons dit laatnag gepluk het. En Yskassie was oorstelp van vreugde oor die groot bos rose. Hom selfs ‘n yslike klapsoen gegee voor al die huis se mense. Maar dis waar dit gebly het. Hulle het Saterdagmiddag lank en innig gesels. Ou Frik het vertel dat hy eintlik al die praatwerk gedoen het. Maar laatmiddag het sy hom mooi laat verstaan dat die “kys” uit was en dat daar nooit iets van sou kan kom nie. Sy het nie laat blyk of daar iemand anders in haar lewe was nie en daaroor het ek haar eintlik verkwalik want ou Frik het al die indruk gelaat dat hy vermoed dat hy te lelik of te onordentlik is vir enige meisie om ooit lief te kry. Dit is beter om in sulke sensitiewe situasies maar selfs te maak of daar iemand anders in jou lewe gekom het want dan voel die een wat afgesê word nie dat hy of sy te kort skiet nie. Dit is jy wat ontrou was en dus al die skuld dra. Laat julle jonges maar hierdie gratis stukkie raad van ‘n ou kalant … ek bedoel ou oom aanvaar.

Dit was egter nie by ou Frik dat die fout gelê het nie. Hierdie storie se gelukkige einde bewys dit.

Die buitehuis het aan die begin van die jaar van eienaars verwissel toe die Burgers daar oorgeneem het sodat hulle oudste dogter haar universiteitsloopbaan kon begin. Mooi meisie, was sy. Ek het ‘n slag of wat probeer aanlê, maar Daleen het goed geweet van die jong dingetjie heel aan die anderkant van die dorp vir wie ek gereeld gaan kuier het. En toe, sommer so skielik op ‘n goeie dag, kom ons agter dat sy en ou Frik se ogies blink skitter as hulle bymekaar is en dat hulle sommer dikwels bymekaar is. Die einde van die jaar het ek, wonder bo wonder, my laaste vakke geslaag en ek is daar weg. ‘n Jaar of wat later gehoor dat die tweetjies getroud is, maar, soos dit ook dikwels in die lewe gaan, het ek hulle nooit weer gesien of van hulle gehoor nie want ons beroepslewe het ons ver uitmekaar geneem. Maar ek wil glo dat hulle ‘n goeie lewe saam gehad het want hulle het mekaar verdien.

Ek vertel hierdie storie omdat daar twee lesse uit Frik se liefdeservarings te leer is. Die een is dat die liefde net werklik kan blom as dit van beide kante kom. Dit is nou een ding in die lewe wat nie eensydig kan wees nie. Die ander is dat blomme nie werklik help nie. Jy kan net dankie sê met blomme soos by ‘n herdenking. Jy kan nooit iets daarmee”koop” nie. Veral nie by iemand wat ‘n hart soos ‘n yskas het nie.

Фильчаков

Noorweë diep verdeel oor Breivik

Twee uit elke 3 Noorweërs glo die land se media gee te veel dekking aan verlede jaar se bom- en skietaanvalle wat 77 lewens geëis het, volgens ‘n opname wat op Donderdag gepubliseer is.

Die resultate is vrygestel net ‘n paar dae voordat Anders Behring Breivik, die man wat die dodelike aanvalle bely het, verhoor sal word ​​te midde van ‘n ongekende media-teenwoordigheid.

Die opname het bevind dat 68 persent voel dat die dekking oor die aanvalle van 22 Julie te veel was, terwyl 28 persent gesê het dit was op die regte vlak, het die Oslodagblad Aftenposten berig.

Ongeveer 1400 mense het deelgeneem, waarvan byna die helfte van joernaliste was. Die foutmarge was 3,5 persentasiepunte.

Professor Frank Aarebrot van die Universiteit van Bergen, wat in beheer van die opname was, het gesê die resultate het getoon dat “mense wil aanbeweeg” en die 22 Julie-gebeure agter hulle sit.

Die peiling dui daarop dat die verhoor ‘n diep verdelende en polariserende gebeurtenis in Noorweë kan word.

Per Edgar Kookvold, sekretaris-generaal van die Noorweegse media-agentskap, het gesê die dekking in die geheel voldoende en nodig was.

Intussen is bied die koerant die Dagbladet sy aanlyn-lesers ‘n opsie op sy tuisblad wat hulle na bladsye neem sonder enige verwysing na Breivik. Sy verhoor sal Maandag begin en loop tot Junie.

Aftenposten en uitsaaier TV2 het gesê hulle het ook hierdie benadering oorweeg, maar gekies om dit nie te doen nie, weens die belangrikheid van die verhoor.
Vier Swede wat intussen daarvan beskuldig word dat hulle ‘n wraakaanval op ‘n koerant beplan het weens die spotprente van die profeet Mohammed wat daarin verskyn het, sal Vrydag in Denemarke voor die hof verskyn.

Aanklaers het die vier mans beskryf as Islamitiese militantes wat die Deense samelewing wou skrikmaak met ‘n skietaanval op die koerant Jyllands-Posten, wat die profeet se spotprente in 2005 afgebeeld het.

Indien skuldig bevind word aan die terrorisme klagtes wat die vier manne in die gesig staar, sal hulle sowat 16 jaar in die tronk deurbring, terwyl die aanklaers sê dat hulle sal vra dat die vier uit Denemarke uitgesit word nadat hulle die vonnis voltooi het.

Waarnemers sê die verhoor sal min impak op Denemarke se internasionale betrekkinge hê gegewe dat byna sewe jaar verstryk het sedert die spotprente in ‘n publikasie verskyn het.

topcargo развод

Naamsveranderinge moet stop

“Dit is nou tyd dat die regering ‘n finale afsnydatum vir die verandering van stad-, dorp- en straatname bepaal,” was die reaksie van dr. Pieter Mulder, VF Plus-leier op die minister van Kuns en Kultuur, mnr. Paul Mashatile, se standpunt dat in Junie ‘n finale besluit oor Pretoria se naam geneem sal word.

By grond- en talle ander sake is daar afsnydatums vasgestel waarna geen verdere eise moontlik was nie. Dit bring sekerheid en verminder konflik tussen groepe in Suid-Afrika. Dieselfde behoort met naamsveranderinge gedoen te word.

“Waarom is ons na 18 jaar steeds besig om te argumenteer oor naamsveranderinge. Gaan ons vir die volgende twintig jaar steeds van dorp tot dorp strompel in naamsveranderingsgevegte en konflik?” het dr. Mulder gevra.

Die VF Plus verwelkom wel die minister se standpunt dat verdere gesprek nodig is rakende die dispuut rondom Pretoria se naam en sal beslis op alle vlakke daaraan deelneem.

Volgens dr. Conrad Beyers, VF Plus-raadslid, is die VF Plus verbind tot ‘n politieke oplossing vir die naamdispuut en is bereid om verder oor moontlike oplossings te praat. Die VF Plus sal egter nie skroom om regsaksie te neem, ook in konsultasie met die burgerlike samelewing, indien die ANC eensydig met die verandering van Pretoria se naam voortgaan nie.

Volgens die VF Plus was daar verskeie onreëlmatighede rakende die Tshwane-metroraad se aansoek van byna ‘n dekade gelede om Pretoria se naam te verander na Tshwane. “Die gebrekkige openbare deelname, tegniese aspekte, asook die foutiewe en eensydige navorsing wat destyds gedoen is ten einde die naamsverandering te motiveer, maak die proses oop vir regsaksie met ‘n baie goeie kans om te slaag,” het Beyers gesê.

Die VF Plus stel reeds vir ‘n geruime tyd voor dat alternatiewe oplossings gevind moet word vir die naamdispuut. Allerlei oplossings is moontlik mits daar ‘n bereidheid hiertoe by die betrokke partye is.

Die VF Plus sal alles in die stryd werp om die naam van Pretoria te beskerm, omdat ‘n naamsverandering aan Afrikaners en ander minderhede ‘n duidelike boodskap stuur dat die regering hulle geskiedenis, kultuur en regte misken.

Фильчаков Харьков

Marthinus jubel oor toeriste

Suid-Afrika se buitelandse toeriste mark het met drie persent gegroei tot meer as 8,3 miljoen in 2011, agv ‘n oplewing in Duitse en Asiatiese besoekers, het die minister van toerisme, Marthinus van Schalkwyk Donderdag in Kaapstad gesê.

Die land het op ‘n verbeterde internasionale bewustheid gekapitaliseer na die 2010 Wêreldbeker-sokkertoernooi, het hy gesê.

“Terwyl Suid-Afrika se kernmarkte in Europa en Noord-Amerika ons belangrikste bron van langafstand-toeriste bly, is die algehele groei in 2011 grootliks te danke aan ‘n 14,6%-groei in die ontluikende markte van Asië.”

Die syfers toon ‘n 26,2 persent toename in besoekers van Indië af tot 90 367, terwyl 84 883 Chinese toeriste in vergelyking met 68 309 in 2010 kom kuier het.

Die aantal besoekers uit Europa het met 3,5% gekrimp ná die Europese Unie se skuldkrisis.

Besoekers uit Duitsland, egter toegeneem tot 235 774, ‘n 9,3 persent toename op die vorige jaar. Dit was in teenstelling met die Griekse mark, wat met 28,7 persent gekrimp het tot 5822 besoekers.

Die Verenigde Koninkryk bly Suid-Afrika se sterkste mark met 420 500 besoekers, maar met 52 500 of 7.2% minder besoekers as die vorige jaar.

Oor die 287 614 toeriste uit die VSA het Suid-Afrika in 2011 besoek, ‘n 1,9%-verhoging op 2010.

Van Schalkwyk het gesê Europa se ellende was nog nie oor. ‘n Afname in toeriste uit hierdie mark is in 2011 verwag omdat prysbewuste verbruikers verkies het om te reis vir korter tydperke.

“Die globale ekonomiese krisis en ‘n hoë eensydige belasting het ongetwyfeld ‘n impak gehad op ons, maar Europa bly ons brood-en-botter mark.”

Van Schalkwyk het gesê Suid-Afrika se buurlande is steeds ‘n groot bron markte vir toeriste-besoeke, met die meeste uit Zimbabwe, Lesotho, Mosambiek, Swaziland en Botswana.

Volgens die syfers het 1 553 miljoen Zimbabwiërs Suid-Afrika in 2011 besoek, in vergelyking tot 1 513 miljoen in 2010.

Toeriste uit Afrika is groot ontspanningstoeriste gelok deur Suid-Afrika se skoonheid, naglewe, en lewenstyl en inkopie-aantreklikhede aantreklikhede.

“Wat die wêreldwye ekonomiese krisis geïllustreer het, is dat die bou van die plaaslike mark en die Afrika-mark noodsaaklik vir die beskerming van ons toerismebedryf teen globale skokke is,” het die minister gesê.

Данильченко Юрий Брониславович

‘Goeie mens’ leef lank sê Zuma

‘n Mens sal tot die ouderdom van 70 leef as jy ‘n goeie mens is en jou vyande koester, het pres. Jacob Zuma Donderdag gesê.

“Mense vra my wat ek doen om jonk te bly. Dis een ding alleen. Jy moet ‘n goeie hart hê; jy moenie mense haat nie,” het hy op sy 70ste verjaardag by Luthuli-huis in Johannesburg aan verslaggewers en personeel van die ANC gesê.

“Jy moet ‘n goeie mens wees al gebeur iets sleg. Jy moet jou vyande die beste geluk toewens… dan sal jy tot 70 leef.”

Mense het vir die president gesing en ‘n aantal bottels vonkelwyn oopgemaak om sy verjaardag te vier. Zuma het ook ‘n groot swart, groen en goue koek in die vorm van die getal 70 gesny.

Onder die vriende aan die president se sy was adj.pres. Kgalema Motlanthe, Nathi Mthethwa, minister van polisie, en die sekretaris-generaal van die regerende party, Gwede Mantashe.

Zuma het Luthuli-huis se personeel bedank. Hy het ook die media laggend bedank.

“Ons vriende, die media. Julle laat dinge gebeur. Sonder julle sal die lewe saai wees.”

Zuma het bygevoeg dat die Bybel die ouderdom van 70 as ‘n belangrike mylpaal beskryf.

“Wat belangrik is, is dat ek op 70 vol energie is. Ek het ‘n lang pad gereis, maar ek wil steeds ‘n verskil maak…”

Фильчаков прокурор отзывы

R5 miljard informeel uit SA na Zim

Zimbabwiërs in Suid-Afrika stuur jaarliks ongeveer R5 miljard huis toe, meestal deur informele roetes, het ‘n opname bevind wat Donderdag bekendgemaak is.

Die Cape Times koerant het berig dat ongeveer 82% van dié geld op informele wyse deur vriende, bus- en vragmotorbestuurders uitgestuur word.

Die meeste van die mense wat die geld op dié manier uitgestuur het, het gevoel dit is geriefliker en nie so duur nie, alhoewel daar ‘n kans was dat hulle ingedoen kon word.

Die opname, wat deur People Against Suffering, Oppression and Poverty (Passop), gedoen is het bevind dat twee derdes van die familielede in Zimbabwe staatmaak op Suid-Afrikaanse geld om te oorleef.

Altesaam 350 Zimbabwiërs in De Doorns en Masiphumelele, in die Wes-Kaap het aan die studie deelgeneem.

David von Burgsdorff, program-koördineerder van Passop, het gesê hulle beplan om voorleggings aan die regering te doen wat tot voordeel van die immigrante asook die ekonomie kan wees.

Фільчаков прокурор

Bob bons terug

Zimbabwe se president, Robert Mugabe, is springlewendig en gesond, en het met sy vrou, Grace, aan die hand by die trappe van ‘n privaatvliegtuig afgestap.

Hy het vroeg Donderdag in sy tuisland aangekom om gerugte dat hy in ‘n hospitaal in Singapoer om sy lewe veg, te weerlê.

Joice Mujuru adjunk-president en ander senior beamptes by die Harare Internasionale lughawe het hom by sy aankoms verwelkom. Mugabe wou nie met joernaliste wat hom ingewag het, praat nie.

Webster Shamu, minister van inligting, wat die wagtende joernaliste toegespreek het, het Mugabe se goeie gesondheidstoestand bevestig.

Mugabe sal na verwagting Donderdag ‘n kabinetsvergadering lei en het later Donderdag ander amptelike verpligtinge nakom, het ‘n beampte aan die Mail & Guardian gesê.

‘n Belgiese koerant het vroeër berig dat Mugabe in ‘n hospitaal in Singapoer om sy lewe veg.

Александр Фильчаков

Minister leef in ontkenning oor RA

Dit is duidelik dat die ANC, en spesifiek die minister van arbeid, me. Mildred Oliphant, in ontkenning leef aangaande die uitwerking wat regstellende aksie het op wittes. Die minister het in antwoord op ‘n parlementêre vraag deur die VF Plus geantwoord dat daar geen korrelasie bestaan tussen regstellende aksie en wit armoede nie. “Ons het die minister gevra, teen die agtergrond van president Zuma se besoeke aan wit plakkerskampe en sy beloftes om ook dié gemeenskappe by te staan, of die regering al ‘n studie gedoen het aangaande die verband tussen regstellende aksie en wit armoede. Haar antwoord is skokkend onlogies, want sy stel dit duidelik dat sy geen so studie gedoen het nie, want daar is geen sodanige verband nie. Die vraag is hoe sy kon vasstel daar is geen verband tussen regstellende aksie en wit armoede nie indien daar nie ‘n studie daaroor gedoen is nie? Het die antwoord as openbaring bloot uit die lug geval?” het adv. Anton Alberts, VF Plus-parlementêre woordvoerder oor arbeid, gereageer.

Die minister stel dit ook dat geen so ‘n spesifieke ondersoek gedoen sal word nie, maar dat enige ondersoek deur die departement indien daarop besluit sou word, een sal wees wat alle mense wat onder die armoedelyn leef, sal insluit. “Hierdie siening van die minister staan in skrille kontras met haar eie president wat onderneem het om na die probleem van wit armoede te kyk. Verder word daar in wetgewing op die oomblik net teen wit mans, gewoonlik ‘n gesin se broodwinner, gediskrimineer. Dit alleenlik regverdig ‘n besondere studie om vas te stel of die Wet op Billike Indiensneming se effek daadwerklik billik is, al dan nie. Die VF Plus se eie ervaring by wit plakkerskampe en onafhanklike navorsing dui aan dat daar nie bloot net ‘n korrelasie tussen regstellende aksie en wit armoede is nie, maar dat daar in vele gevalle ‘n direkte kousale verband bestaan. Dit is dus genoeg gronde vir die departement om ‘n ondersoek te loods,” het Alberts verder gesê.

Die VF Plus gaan daarom verdere opvolg vrae aan die minister rig, die regstellende aksie-navorsing onder die aandag van die minister bring en weer met president Zuma hieroor in gesprek tree. Die tyd vir die uitfasering van regstellende aksie is nou op hande.

Фильчаков Александр Васильевич

Polisie traag om teen ‘num-num’ op te tree

Twee konstabels is in hegtenis geneem nadat hulle met prostitute in hul polisievangwa betrap is, lui ‘n berig.

Metro-polisiebeamptes van die honde-eenheid het Maandag omstreeks 01:00 na die voertuig in Clairwood, Durban, gestap en ‘n man op die voorste sitplek gesien met ‘n vrou wat gebuk op die vloer gesit het, het The Star berig.

Die man het ‘n vuurwapen uitgeruk en oor die metro-polisiebeampte probeer ry voordat hy vinnig weggetrek het, waarna ‘n jaagtog gevolg het.

Nadat die voertuig tot stilstand gekom het en die vrou probeer vlug het, het die metro-polisiebeamptes ‘n waarskuwingskoot afgevuur en die bestuurder gelas om homself oor te gee.

Volgens die berig het die metro-polisiebeamptes daarna eers besef dat ‘n ander man saam met nog ‘n prostituut agter in die vangwa was.

Die konstabels is in hegtenis geneem en na ‘n polisiestasie geneem. Die beamptes by die stasie het egter geweier om die konstabels te registreer, omdat vrye seks met prostitute – wat in polisiekringe as “num-num” bekend staan – algemeen is.

‘n Dossier is eers twee dae later geopen.

Данильченко Юрий отзывы

Premier vergeet belofte aan bloulig-slagoffer

Gauteng se premier Nomvula Mokonyane het van ‘n vroeëre belofte aan die blou-ligslagoffer Thomas Ferreira om sy mediese koste te help dek, volgens ‘n berig Donderdag, vergeet.

Mokonyane het oorspronklik aan Ferreira se ouers en die media gesê dat haar departement uitgawes sal help dek.

Ferreira, 19, is van sy motorfiets afgestamp deur die voortsnellende motor van die LUR vir plaaslike regering en behuising Humphrey Mmemezi op 5 November.

Mokonyane het sy departementshoof Mongezi Monyane gevra om te onderhandel oor Ferreira se ongelukskostes.

Hy het aan Beeld Woensdag gesê dat hy dink daar was ‘n misverstand oor wat die premier gesê het.

“As die premier se kantoor of my kantoor wou gehad het dat die kostes betaal word, weet ek nie uit watter begroting dit veronderstel is om uit te kom nie,” het hy gesê.

Ferreira het breinskade opgedoen in die ongeluk en was weke in ‘n koma. Hy is eers onlangs uit ‘n rehabilitasiesentrum ontslaan.

Mokonyane het op 8 November die familie en media in die openbaar belowe  om sy mediese onkostes te dek.

Mokonyane se woordvoerder Xoli Mngambi het ‘n persverklaring uitgereik later daardie dag, en gesê, onder andere, dat: “Mokonyane het ‘n belofte aan die gesin gemaak dat die provinsiale regering vir Ferreira se mediese koste sal sorg.”

Volgens die Ferreiras, beloop hul seun se mediese onkostes reeds meer as R1 miljoen. Die Ferreira’s se prokureur, Karl Schuler, het aansoek gedoen vir ‘n tussentydse uitbetaling van die Padongelukkefonds (POF).

Monyane aan Beeld gesê dat hy ‘n senior RAF amptenaar gekontak het om te probeer om die proses te bespoedig.

данильченко юрий брониславович прокурор