Dan Roodt, Author at praag.co.za

Jeugliga neem Sabie-munisipale kantore oor

Die ANC Jeugliga het die Thaba Chweu Munisipaliteit te Sabie en Graskop in Mpumalanga gedwing om hul kantore te sluit en het munisipale werkers verhoed om met hul werk voort te gaan.

Amptenare is glo na bewering gedreig met die woorde: “I am telling you to switch off your computer and go home, this is going to get serious.”

Die munisipale bestuurder het na bewering aan die groep se eise toegegee en nie die Polisie ingeroep nie. Al die munisipale werkers is huis toe gestuur en beveel om eers Maandag, 2 Julie weer vir diens aan te meld.

Die gevolg is dat die publiek nie toegang tot enige dienste het nie en is selfs die munisipale noodnommers onbeman.

Die Jeugligalede het na bewering gesê dat hulle die bestuur van die dorp oorneem en dat hulle nie voorgeskryf sal word deur die ANC in Mpumalanga nie.

‘n Heerlike ete uit die vullisdrom

Op ‘n warm somersaand in ‘n Madridpark sit sowat 30 mense aan vir ‘n heerlike opelug-maaltyd van gesoteerde groente en mengelslaai – vars uit die vullisdrom.

Dit is gemorskos, baie letterlik, op die Spaanse manier.

Om afval te beveg, is hierdie groep van omgewingsbewustes besig om kos te versamel vir ‘n “gemorskos” eet-ervaring, oop vir die hele buurt.

Die vorige aand het hulle gaan krap in die afvalhouers van koswinkels op soek na weggegooide bestanddele wat nog goed is om te eet.

Na… uhm, ‘n vrugtelose eerste uur, het hulle uiteindelik ‘n vullishouer buite ‘n groente- en vrugtewinkel raakgeloop.

Hulle het kilogramme spinasie, appelkose, tamaties, wortels, piesangs, mespilus, die helfte van ‘n pynappel, plus kool, blomkool, rissies, seldery en kersietamaties uit die vullisdrom gegrawe.

“Dit was ‘n goeie vonds. Die meeste van dit was in ‘n goeie toestand,” sê die 50-jarige Txomin Calvo.

Die etes het in 2010 begin toe die groep iets wou doen oor die hoeveelheid goeie kos wat gemors word.

“Dit is meer as net ‘n protes, ons gebruik dit om gratis kos te gee aan mense in die moeilikheid,” het Calvo gesê.

Die tydsberekening is reg vir Spanje, waar die een uit elke vier mense in die arbeidsmag werkloos is en 21,8 persent van die bevolking onder die broodlyn in 2011 geleef het.

“Sommige dae kry jy baie, baie goeie goed en op ander amper niks,” sê die 43-jarige Luis Tamayo, nog ‘n stigter van die “gemorskos” groep.

Die volgende dag by ‘n tafel in ‘n park van die werkersklasdistrik van Lavapies, oop aan inwoners by die stadsaal, is daar heerlike geregte op die spyskaart : Room van eiervrugsop, gerasperde wortels met tofu, groen bone, groente- en vrugteslaai.

Benewens die bestanddele in dromme, skenk winkeliers van die voedsel wat verby die vervaldatum is.

Die kos is glo ook ontsmet.

“Ek het geen probleem met ‘n ete soos hierdie nie, want ek weet die kos wat ons uitgooi is nie sleg nie,” sê die 44-jaar-oue Pepe Rodriguez, wat werkloos is en gehoor het van die gratis eettafel van ‘n vriend.

“Dit is nie vir my rommel nie, en ek kan sê, dit is regtig goed.”

Die omgewing is op ‘n missie om vermorsing te stop. In Spanje, word die ekwivalent van 163 kg voedsel per persoon uitgegooi elke jaar. Oor die Europese Unie is die vermorsing selfs hoër op 179 kg.

“Die doel is om te probeer om matige, verantwoordelike gebruik te bevorder. Ons het nie onbeperkte bronne nie en ons moet deel met diegene wat dit nodig het. Daar is ‘n klomp mense,” het Miguel Carreño, ‘n ander lid van die groep gesê.

Die beweging het begin in die Verenigde State in die 1990’s as “freeganism”. Maar dit het ‘n nuwe betekenis in Spanje, wat in ‘n verdiepende resessie en die lyding van ‘n finansiële krisis verkeer.

In Mei 2011, het ‘n VN-verslag oor Voedsel en Landbou gesê te veel winkeliers en verbruikers gooi voedsel weg wat perfek geskik is om te eet as gevolg van oormatige aandag aan die voorkoms daarvan.

Aktiviste wil ook die wet laat hersien: Winkeliers mag tans nie verby-die-datum kos skenk nie en mense wat rommel in Madrid deursoek loop die risiko van ‘n 150-euro boete.

Фильчаков прокурор

FW, Zille, Kallie Kriel hou saam konferensie

In reaksie op die ANC se pas afgelope beleidskonferensie in Midrand, is die FW de Klerkstigting besig om sy eie konferensie in Johannesburg op 25 Julie te organiseer waar FW de Klerk, Helen Zille en Kallie Kriel van Afriforum as sprekers sal optree.

Volgens die omsendbrief van die FW de Klerkstigting, wat ‘n hele paar Afrikaanse spelfoute bevat, sal die konferensie die volgende oorweeg:

die aanbevelings van die onlangse ANC-beleidskonferensie binne die raamwerk van die nasionale demokratiese revolusie
die ANC se beleidsaanbevelings en die Grondwet
die implikasies van die voorgestelde ontwikkelingstaat

Die aankondiging volg te midde van intense spekulasie in Afrikanergeledere oor die noue samewerking tussen Afriforum, lid van die Solidariteitbeweging, en die FW de Klerkstigting. Op die vooraand van verlede jaar se munisipale verkiesing het Solidariteit ook sy steun aan mev. Helen Zille se DA toegesê, iets waarop die Vryheidsfront Plus met misnoeë gereageer het.

Dit wil voorkom asof die konferensie sy eie “beleidsaanbevelings” aan die ANC gaan maak. Van die onderwerpe wat bespreek gaan word, is: “grondhervorming, die kwessie van die staat wat private pensioen- en versekeringsfondse gebruik; kultuur- en taalregte en die toekoms van die provinsies.”

Ander sprekers wat tot dusver aangekondig is, is mnr. John Kane-Berman van die Instituut vir Rasseverhoudinge, dr. Leon Louw van die Vryemarkstigting en prof. François Venter, dekaan van die regsfakulteit van die NWU. Prof. Venter was ook ook hoof van die Broederbond tydens die magsoorgawe aan die ANC in die vroeë jare negentig.

Die konferensie word blykbaar by die Johannesburgse Buiteklub in Aucklandpark gehou, wat deur die FW de Klerkstigting “die Johannesburg Land Klub” (sic) genoem word. Die toegangsfooi vir die “voldag konferensie” (sic) is R400.

топкарго кидалы

Oz kondig swaar koolstofbelasting aan

Australië, een van die wêreld se ergste besoedelaars per kapita, het Sondag ‘n omstrede koolstofbelasting aangekondig in ‘n poging om klimaatsverandering te bekamp.

Premier Julia Gillard het die stap verwelkom te midde van waarskuwings deur die opposisie.

Duisende betogers het die strate van Sydney Sondag ingevaar om te betoog teen die korporatiewe koolstofbelasting wat sal beteken sowat 350 entiteite sal ongeveer R200 moet betaal vir elke ton koolstof wat vrygestel word.

Gillard het die belasting in Australië verdedig.

“As ‘n arbeidsregering het ons dit nie alles vir geen rede gedoen nie, ons doen dit want ons glo dit speel ‘n sleutelrol in Australië se toekoms,” het sy aan die Australiese uitsaai-korporasie gesê.

“Vandag is Sondag, waar Australiërs sal voortgaan met hul alledaagse lewens, maar vandag is ook ‘n dag waar ons die toekoms aangryp; ons gryp ‘n toekoms van skoon energie aan.”

topcargo

San skouer ANC uit Kruiper-begrafnis

Die tradisionele Khoisan-leier, Oom Dawid Kruiper, is Saterdag tydens ‘n staatsbegrafnis in Andriesvale in die Kalahari begrawe.

Die voorsitter van die Boesman-raad, Andries Steenkamp, het die staatsbegrafnis gekritiseer.

“Hierdie is nie die tipe begrafnis wat Oom Dawid sou wou gehad het nie… hy sou verkies het dat die geld op sy veldskool spandeer geword het.” Hy sê dit was Kruiper se laaste wens.

Sowat 3 000 mense het die begrafnis bygewoon, insluitende regeringsamptenare van die Noord-Kaap, tradisionele leiers en vriende van die Khomani San.

Ander tradisionele leiers by die begrafnis was ook bekommerd oor die regering se ingryping.

Paul Swartbooi, ‘n kulturele aktivis en lid van die Bondelswarts-stam, sê die regering het ingemeng deur die begrafnisreëlings oor te neem.

Nietemin sê Swartbooi die begrafnis was ‘n sukses en verskeie tradisionele leiers het tydens die diens ingegryp om Oom Dawid met die nodige waardigheid te begrawe.

“Ons het die verrigtinge op ‘n vreedsame en respekvolle wyse oorgeneem. Die afgevaardigdes van die regering het duidelik nie daarvan gehou nie, maar ons is tevrede met hoe die verrigtinge verloop het.”

‘n Lid van die Khomani San en ‘n vriend van Kruiper, Petrus Vaalbooi, het die afgevaardigdes in sy eie taal toegespreek.

Hy het die regering berispe vir die swak sosiale omstandighede van die Khomani San en vir leë beloftes wat deur die regering aan die Khoi- en San-gemeenskappe gemaak is.

Лобановский

Mynbou hou oog op aanloop tot Mangaung

Belanghebbendes in mynbou sal voortgaan om samesprekings te voer in aanloop tot die ANC se nasionale konferensie in Mangaung in Desember, volgens ‘n verklaring Sondag.

Die Kamer van Mynwese, wat die bedryf verteenwoordig, het gesê hulle het die party se beleidskonferensie, wat Vrydag tot ‘n einde gekom het, met volle aandag gevolg.

“Ons verstaan en respekteer die feit dat die besluite van die beleidskonferensie aanbevelings is vir die nasionale konferensie wat geskeduleer is vir Desember 2012 in Mangaung,” het Vusi Mabena, woordvoerder, gesê.

Die organisasie het veral belang gestel in die debat oor die moontlike nasionalisering van mynhulpbronne.

“Die kamer sal aanhou om samesprekings te voer met sy sleutel-belanghebbendes in ‘n poging om insette vir die Mangaung-konferensie te bevorder wat sal lei tot finale besluite wat in die belang van die meerderheid van die land se burgers is.”

топкарго отзывы

Malema-mededinger in sluipmoord geskiet

Die ANC se hoofsweep in die Ugu-streeksmunisipaliteit is in ‘n sluipmoord in Manaba, Margate, doodgeskiet, het die polisie in KwaZulu-Natal Sondag gesê.

“Raadslid [Wandile] Mkhiza en ‘n vriend het Saterdag omstreeks 22:00 langs ‘n pad gestap toe hulle deur onbekende mans wat in ‘n Toyota Corolla was, geskiet is,” het kol. Vincent Mdunge, ‘n woordvoerder vir die polisie, gesê.

Mkhize is doodgeskiet en sy vriend is ernstig beseer.

Die vriend is na ‘n hospitaal geneem, maar die naam van die hospitaal is nie bekendgemaak nie vir sekuriteitsredes.

Mdunge sê die motief vir die aanval is onbekend. Die polisie ondersoek ‘n saak van moord met verswarende omstandighede en een van poging tot moord.

Teen Sondagoggend was niemand nog in hegtenis geneem nie.

Mkhiza was ‘n prominente voormalige jeugligafiguur in KwaZulu-Natal se Laer Suidkus-streek.

Jeugligawoordvoerder Khusela Sangoni-Khawe het gesê: “Ons is diep bekommerd oor die toenemende aantal moorde van kamerade in KwaZulu-Natal en Mpumalanga, in die besonder.

“Ons doen ‘n beroep op die ANC om politieke moorde in hierdie provinsies te ondersoek. Sodanige ingryping moet kom met konkrete en tasbare aanbevelings om die plaag van geweld om politieke punte op te los, te beëindig,” het Sangoni-Khawe gesê.

Verlede jaar het Mkhize het teen die Jeugliga se geskorsde sekretaris-generaal Sindiso Magaqa gestaan. Mkhize was in die kamp van die Gautengse LUR vir sport, kuns, kultuur en ontspanning Lebogang Maile, wat Julius Malema vroeër vir die voorsitterstoel sou uitdaag.

Фильчаков прокурор

Obamacare-bevinding kan op Obama boemerang

Barack Obama en sy Withuis-amptenare het verlede week gejubel toe die Amerikaanse Opperste Hof sy wetgewing oor ‘n nasionale gesondheidstelsel bekend as Obamacare as geldig en grondwetlik bevind het, maar die ink was nog nie droog op die hofbevinding nie, toe begin vrae ontstaan of dit wel Obama gaan bevoordeel en of dit nie dalk kwaai op hom gaan boemerang nie.

Daar is twee sterk redes hoekom dit wel kan boemerang: teenstand teen die wetgewing het onmiddellik geweldig toegeneem, met Romney wat sterk kon verklaar dat hy dit op sy eerste dag in die Withuis sal herroep as hy die verkiesing in November wen. En die hof se bevinding dat ‘n strafheffing vir diegene wat nie mediese versekering uitneem nie, ‘n belasting is, het heerlike skietgoed aan die Republikeine gegee dat dit net nog ‘n verhoging in belastings deur Obama is.

Die ingewikkelde Obamacare kom in breë trekke daarop neer dat almal bokant ‘n bepaalde inkomste mediese versekering moet bekom. Indien dit nie gedoen word nie, kan ‘n boeteheffing opgelê word op grond van ‘n glyskaal volgens inkomste. Die skema toon ooreenkomste met die Britte se National Health-skema en kritici bestempel dit as suiwer sosialisme.

Republikeine het uit die staanspoor sterk teen die skema kapsie gemaak en sekere deelstate het ook hofaksies aanhangig gemaak oor sekere bepalings dat fondse van hulle weerhou kan word as hulle die skema nie ten volle instel nie. Dit was hierdie teenstand wat gelei het tot ‘n aansoek tot die Opperste hof (Supreme court) om die wetgewing ongeldig te verklaar. Verlede week het die hof met vyf stemme teen vier bevind dat die wetgewing wel geldig en grondwetlik is, maar slegs indien die boete vir nalating
om versekering uit te neem, as ‘n belasting en nie ‘n boete beskou word. Die staat kan nie vir burgers voorskryf watse mediese dekking hulle moet uitneem nie (net soos hy nie kan voorskryf watse soort kar hy moet koop nie), maar hy kan ‘n belasting hef op mense wat nie versekering uitneem nie. Die hof het verder bevind dat die federale regering nie sekere fondse aan deelstate kan weerhou soos beoog is nie.

Obama en sy ondersteuners het gejubel veral aangesien die meerderheidsbeslissing te danke was aan die stem wat hoofregter John Roberts, ‘n vermeende “konserwatis” en ‘n Bush-aanstelling daarvoor uitgebring het. Die ander vier regters was nogal heftig in hulle mindersheidsmenings dat die wetgewing beslis ongrondwetlik is.

Aan Republikeinse kant was daar teleurstelling en woede oor die bevinding. Maar baie gou het hulle gevind dat die teenstand teen Obamacare so wyd loop – selfs onder Demokrate – dat dit reeds sterk teenkanting teen Obama en steun vir Romney uitgelok het. Romney het die tendens vinnig raakgesien en belowe om die wetgewing te herroep op sy eerste dag in die Withuis as hy die verkiesing wen (en sommige meningspeilings dui daarop dat hy tans voorloop – al is dit nog baie gering).

Obame en kie se breë glimlagte het ook vinnig vervaag toe die dinamiese Sarah Palin (McCain se VP-kandidaat in 2008) daarop gewys het dat Obama aanhoudend beweer het dat die strafheffing nie ‘n belasting is nie, maar die hof se bevinding dat dit net gehef kan word as dit ‘n belasting is, beteken dat Obama gelieg het – ALWEER gelieg het, soos sy dit gestel het. Die Obama-kamp is uiters gevoelig vir bewerings dat hy belastings verhoog en as die heffing ‘n belasting is, bevestig dit net die wye siening dat hy mense net belas en belas.

Meningskrywers het feitlik onmiddellik die vraag begin vra of hoofregter Roberts nie dalk ‘n baie slim en subtiele bevinding gemaak het wat voorkom of hy nie politiek kant kies nie, maar Obama effektief ‘n kishou toegedien het. Ene Mac Slavo skryf: “Initial reports I’m getting are telling me there was a lot more clever going on inside that decision than the initial reaction will indicate. It’s the Obama Tax now.” Hy beweer dat ‘n Withuis-bron bevestig het dat die aspek hulle bekommer.

Slavo bestempel die wetgewing as ‘n ingewikkelde stuk gemors en die hofbevinding het dit net bevestig. Dit gaan die republikeine net aanmoedig en motiveer en kan selfs partylede wat nie baie geesdriftig oor Romney se kandidaatskap was nie, vierkant in sy kamp jaag. Nog meer deelstate gaan ook Obamacare verwerp aangesien die hof hulle eintlik die reg gegee het om dit te doen.

‘n Konserwatiewe regsprofessor, Michael McConnell, het die bevinding van die hof voorspel en dink dit is eintlik beter as wat hy verwag het. Hy wys daarop dat selfs Demokrate in die kongres nie vir die wetgewing sou gestem het as die boeteheffing van die begin af as ‘n belasting bestempel was nie. Hy meld ook dat Obama teen Roberts se aanstelling as hoofregter gekant was en wonder of die regter nie op baie subtiele wyse wraak geneem het nie!

Dit is duidelik dat Obamacare en die hofbevinding in die volgende maande ‘n groot rol in die verkiesingsveldtog gaan speel – en op die oomblik verloop die spel sterk in die guns van die Republikeine.

Александр Фильчаков

Flip Buys blaas sy eie beuel in Rapport

Ek verneem graag van Rapport se redaksie die volgende: Flip Buys se rubriek vandag is niks anders as ‘n advertensie vir Solidariteit nie. Dit vertel hoe wonderlik die vakbond is en hoe hulle almal help.

Na aanleiding van die rubriek is dit logies om te aanvaar dat mense sal voel hulle wil die vakbond steun. Dus: Hierdie rubriek handel nie oor ‘n saak nie, maar doen bemarking vir die vakbond, wat finansieel daarby baat.

Dan is dit mos ‘n advertensie!?

Ek het geen kwaal met die werk wat die vakbond doen nie, maar dan moet alle organisasies wat werk doen vir die AfrikanerBoer ook welkom wees om ook so ‘n geleentheid te kry. ‘n Rubriek, geskryf oor hulle doen en late, deur hulle leier/voorsitter.

Ek verwys spesifiek na die advertensie van die VVK wat R100 000 sou beloop, wat deur Media24, uitgewers van Rapport, geweier is.

Dit wil dus voorkom dat hier net twee moontlikhede is:

1. Rapport gee vir Flip Buys die kans om sy eie organisasie gratis te bemark in sy rubriek, of

2. Solidariteit betaal vir ‘n advertensie en dan word dit as ‘n “rubriek” geplaas.

Indien Flip Buys se organisasie gratis publisiteit kry in die koerant, dan moet daar onmiddellik ook vir ander organisasies dieselfde geleentheid gegun word. Daar is baie organisasies en groepe wat ook werk soos dié verrig, maar wat nooit genoem word in die media nie. Indien Solidariteit betaal vir die rubriek, moet dit so aangedui word.

Ope brief aan Simon Kuper van die Financial Times

Geagte mnr. Kuper,

In u gevleuelde woorde in The lost tribe of the Rainbow Nation, is Afrikaans “aan’t uitsterf… “, synde “van weinig nut deesdae”. Maar Afrikaans het nog geenoeg skop in haar om met die magtige Financial Times, “die sakekoerant van Europa” soos u leuse lui, se joernaliste te kommunikeer.

Aangesien u Nederlands magtig is, verstaan u sekerlik Afrikaans, tesame met 9 miljoen tweedetaalsprekers in Suid-Afrika wat jare lank baie gretig was om ons taal aan te leer.

Ek kan begryp dat u veel genot put uit die prentjie wat u skets van ‘n agterlike stam van “wit families in kortbroeke… met swaar Hollandse gesigte” wat besig is om in die nog kleiner stam van wit Engelse in Suid-Afrika “op te los”.

Sekerlik sal dit die slegte gewete van die Britse Ryk sus indien ons oplaas van die aardbol kan verdwyn, nadat ons twee honderd jaar in Suider-Afrika ‘n doring in u vlees was, daardie Britse Ryk wat ons vroue en kinders in konsentrasiekampe aangehou en tydens ‘n “witmansoorlog” gewapende swartes ingestuur het om daardie selfde vroue en kinders te terroriseer en te verkrag. Ja, die Britte is mos bekend vir hul swart humor. Geen wonder u sing van “ons glorieryke koningin” nie, want die geskiedenis van die Britse Ryk in Afrika druip inderdaad daarvan, die “glorie” van die Gatling-geweer.

Dit spyt my egter om u jenewer-en-tonikum-droom te bederf, maar ons gaan nie verdwyn om Haar Majesteit en die Financial Times te pas nie. Die gedagte dat ons boonop gaan oplos in die verwarde, bang groepie plaaslike Engelse blankes wat al hoe meer aan ons rokspante begin vasklou, spreek van die soort hubris wat net op die megalomaniese eiland noord van die Europese Vasteland kan ontstaan.

Trouens, die assimilerende Herrenvolk wat u doer vanuit Londen in u geestesoog sien, die Suid-Afrikaners van Britse afkoms, loop eerder gevaar om met die swart meerderheid te versmelt. Na alles deel hulle reeds ‘n taal en kultuur, asook skole, universiteite, kerke en toenemend gholfklubs. Die aantal middeljarige Engelse mans in Johannesburg wat deesdae aan die sye van jong swart vroue met mulatkindertjies verskyn, is aan’t toeneem. Engelse vroue hou weer van geld en ek kan u verseker dat legio swart mans deur korrupsie en regstellende aksie in ons land skatryk geword het. Dus oefen gesette swart mans in ewe swart BMW’s reeds ‘n bykans onweerstaanbare aantrekkingskrag op die oorblywende Engelse rose uit.

Maar in u boek kan blanke Engelse seker net esteties deur rasvermenging verbeter word, wat u goeie reg is. Dis nogal ‘n vreemde eienskap van die snobistiese Britte, wat hulself soveel hoër as die Franse of die Duitsers of sommer die hele eurosone ag, dat hulle so na vleeslike gemeenskap met “mense van kleur” hunker. Of volg Engelse maar net Lady Mountbatten se aristokratiese voorbeeld na?

Moontlik is die Britse geloof in multikulturalisme reeds so fanaties dat ons Afrikaners as blankes vir u lelik of selfs afstootlik is, met ons “swaar Hollandse gesigte”. Inteendeel, ons stam nie net van Nederlanders af nie, maar ook van Franse, Duitsers en Skotte. Indien u nie so bevooroordeeld was nie, sou ek u genooi het om enige Afrikaanse hoërskool te besoek en u te vergewis van juis hoe pragtig ons jongmense is: mooier as die jeug van ons stamlande en selfs mooier as Skandinawiërs.

As inheemse minderheid met ‘n veel ouer geskiedenis as die nuwe swart elite, die Afro-Saksers, beskik ons oor ‘n veel sterker en gevestigder identiteit as die sogenaamde “reënboognasie”. Lank nadat Brittanje deur haar getalryker kolonies soos Indië of Nigerië gekoloniseer is, sal daar nog Afrikaners in Suid-Afrika wees.

As u ons geskiedenis ken, sal u weet dat die tydperke van Britse hegemonie in Suid-Afrika gewoonlik net ‘n dekade of twee duur alvorens ons Afrikaners hergroepeer en ons soewereiniteit opeis. Die huidige Monty Python-grap van “reënboogdemokrasie” met sy gepaardgaande korrupsie, misdaad en geweld, sal binnekort nie eens meer deur die Financial Times opgehemel kan word nie.

Waarskynlik praat u namens die hele Fleet Street as u Afrikaners as “parias” beskryf. Sedert die dae van Paul Kruger en die Vryheidsoorloë maak die Britse koerante ‘n karikatuur van ons volk, om bepaalde koloniale doelwitte te bereik. Daar is dus niks nuuts aan u bespotting van ons arme Afrikaners waarvan ‘n gedeelte tans in “derdewêreldarmoede” verval het nie. Om iemand te skop terwyl hy lê, is immers Britse fair play, nie waar nie?

Maar nie almal op aarde haat ons nie, want nie almal lees slegs Engelse koerante nie. Noudat Afrikaans geen meer amptelike of handelstatus in Suid-Afrika besit nie, verbaas dit my hoeveel Russe, Italianers, Franse en Duitsers graag ons taal wil aanleer en ons unieke letterkunde wil lees. ‘n Amerikaner wat ek ken, leer Afrikaans vanaf ‘n CD in sy motor en kan dit reeds praat en gemaklik lees. Ook plaaslike Engelssprekendes, waarvan die helfte Afrikaans as tweede taal praat, stuur toenemend hul kinders na Afrikaanse staatskole waar hulle steeds uitstekende onderrig mag ontvang, daar waar “multikulturele Engelse” skole reeds misluk. Die meer skynheilige “Engelse liberale” verkies om hul kinders ten duurste in privaatskole te laat onderrig, ‘n soort gekoopte apartheid.

Dis asof ons “verlorenheid”, die tragiese onderwerping van die blanke stam deur die gierige, rassistiese terroriste van die ANC besig is om, soos van ouds ‘n honderd jaar gelede, die wêreld se verbeelding aan te gryp. Verdien ons regtig om tans soos diere deur swartes verkrag en uitgemoor te word in ‘n beweging wat vele reeds as die tweede volksmoord op Afrikaners tipeer? Die name van ons vermoorde kinders, soos Danielle Esterhuizen, Willemien Potgieter en Wiehan Botes, eggo reeds om die wêreld, as die slagoffers van ‘n wreder tipe surrogaat-Engelsman, die postkoloniale seun van die lords Roberts en Kitchener.

Maar in u oë is alles wat Engels is goed en mooi, selfs die volkslied van die nuwe Suid-Afrika, wat deur Charles Taylor gekomponeer kon gewees het: “I am going to rape and kill you, you white bitch!”

Terwyl u ons so lelik vind, moet ek sê dat Brittanje se ANC-bondgenoot met sy volksmoordliedjies en geïnstitusionaliseerde diskriminasie teen ons, die inheemse blankes, nie eintlik enige skoonheidswedstryde – esteties, moreel of andersins – wen nie.

topcargo развод