In die aanloop tot die volgende Amerikaanse presidentsverkiesing het ’n debat losgebars rondom die Demokratiese Party se onvermoë om blanke mans as kiesers te trek. Slegs 38% van blanke Amerikaanse mans stem vir dié party.
Die meerderheid van Demokratiese kiesers bestaan uit vroue en sogenaamde “etniese minderhede” soos swartes en Spaanssprekendes. Nie minder nie as 89% van alle Amerikaanse swartes stem vir die Demokratiese Party terwyl 69% van Spaanssprekendes insgelyks dié party ondersteun.
