Mini se bemarkingsmanne het met die briljante idee gekom om so 'n hand vol Minis op te kerf en rieksjas daarvan te maak. Hierdie was nie sommer geldmors nie; nee, dit was vir die bekendstelling van die nuwe Mini Clubman in Hong Kong. Die idee is toe voorgelê aan die Olimpiese komitee en siedaar die Olimpiese Spele in Beijing het rygoed bygekry. Hulle noem die karretjies “Rickimini's”.

So ʼn tyd terug het ek die film “Jarhead” gesien. Ek hou nogal van oorlogflieks, veral dié met ʼn boodskap. Ek gaan my nie hier as ʼn kenner op die gebied van films uitleen nie, maar daar was een stukkie in die film wat nogal opvallende ooreenkomste met die situasie in Suid-Afrika getoon het. Ek wil wel hier stel dat ek nie oorlog aanhang en verromantiseer nie; ek hou net van oorlogfilms.