Die mark vir haarmiddels om swart hare reguit te maak, is besig om te ontplof, volgens bronne in die bedryf. Die mark vir dié middels, wat in Engels as “relaxers” oftewel ontspanners bekend staan, bedra volgens Nielsen se syfers ongeveer 100 miljoen dollar (R715 miljoen) per jaar.
Die middestede van Suid-Afrikaanse stede en dorpe wemel reeds van sogenaamde etniese haarsalonne waar ’n sessie die klant R500 of meer kan kos. Die ontspannermark in Suid-Afrika word deur Dark and Lovely, ’n produk van die Franse kosmetiekreus, L’Oréal, oorheers.
