Select Category – Bladsy 9

Seerowers roof $16 miljard p.j.

Jaarliks word 16 miljard dollar se bates aan seerowers afgestaan. In Januarie 2006 is ‘n verdrag onderteken tussen Asiatiese lande asook Australië om seerowery te bekamp wat in die afgekope tyd ‘n drastiese toename getoon het. Tussen 2003 en 2004 is 500 gevalle van seerowery wêreldwyd aangemeld.

Om die weskus van Afrika maak oliemaatskappye reeds van privaatmaatskappye gebruik om hul skepe te beskerm en vanaf 2008 word voorsien dat die AU die ooskus van die kontinent tussen Mosambiek en Somalië met ‘n Suid-Afrikaans-opgeleide taakgroep sal beveilig.

In 1988 was aanvalle met die motief om te roof rondom die kus van Indonesië beperk tot ongeveer 7 gevalle per jaar. Die aantal het intussen gestyg na 271 in 2002. Dieselfde toename is opgemerk aan die kuste van China, die Karribiese eilandgroep, Nigerië en Somalië.

Volgens ‘n berig wat op 17 Februarie 2004 in The Star verskyn het, is die 96 skepe wat jaarliks aan die ooskus van Afrika aangeval word òf onderweg na Suid-Afrika of kom daarvandaan. In die berugte geval van die Cherry 201 het die vaartuig by Richardsbaai aangedoen voordat dit aangeval is en van die bemanning gedood is

Trouens, skepe met ‘n tonnemaat wat 500 oorskry word deur die Maritime Bureau van die Internasioonale Handelsorganisasie (ICC) verplig om alarmstelsels aan boord te dra sodat aanvalle dadelik aangemeld word.

Dieselfde Maritime Bureau beweer ook dat tussen 80% en 90% van aanvalle geskied met die doel om te roof. Die res is waarskynlik nouer verbind met politieke oorsake en die vrees bestaan dat dit sal toeneem.

Net in 2003 het 42% van alle see-aanvalle in die duisend kilometer van die Malakkaseestraat plaasgevind, waarskynlik vele ook met ideologiese motiewe.

Die Malakkaseestraat is eweneens ‘n strategiese roete soos die straat van Hormoez waardeur duisende olietenkers jaarliks vaar.

sumake пневмоинструмент Данильченко Харьков

Minister Pallo Jordan beskik oor ‘n (wrang) humorsin

MEDIAVERKLARING DEUR PRAAG (PRO-AFRIKAANSE AKSIEGROEP)

Komende ná die Ermelo-hofsaak waarin die laaste oorblywende Afrikaanse hoërskool in die Oos-Transvaal gedwing word om Engelse klasse in te stel, getuig minister Pallo Jordan se uitspraak dat die ANC "Afrikaans sal bevorder" van ‘n humorsin, sy dit dan wrang. Afrikaans figureer feitlik nêrens meer as amptelike taal in die staatsdiens nie en word ook op die SAUK, waartoe Afrikaners rojaal lisensiegeld en belastings bydra, gemarginaliseer.

Indien dit waar is dat die ANC "Afrikaans bevorder", dan het Joseph Goebbels, die destydse kultuurminister in Nazi-Duitsland, ook Joodse kultuur "bevorder". Net soos Goebbels die Duitse kultuur van Joodse invloed wou suiwer, is die ANC en Pallo Jordan immers besig om Suid-Afrika van Afrikaanse invloed te suiwer. Skole word verengels, plekname word verander, die geskiedenis word herskryf om ons aandeel daaraan te ontken en die Afrikaanse letterkunde word nie meer op skool bestudeer nie.

Die vergelyking tussen ANC-Suid-Afrika en Nazi-Duitsland is nie misplaas nie, want by wyse van sy rassewetgewing is die ANC-bewind besig om op elke vlak teen Afrikaners te diskrimineer: teen hulle taal en kultuur, maar ook in die werkplek, in die opvoedingstelsel, asook in die ekonomie as dit kom by hul handelsvryheid en toegang tot markte en kapitaal. Nog nooit tevore in die geskiedenis behalwe in Nazi-Duitsland is daar so sistematies teen ‘n minderheidsgroep gediskrimineer nie.

Jordan het onlangs gesê dat hy die naam van Pretoria sal verander as hy "die dag wakker word en lus voel om dit te doen". Dit wil voorkom asof Jordan weer opgestaan het en "lus was" om grappe te maak oor die finale oplossing wat die ANC tans op Afrikaans toepas.

Kontakpersoon: Dan Roodt

Neels Jackson, Christen of Mao?s?

Die argument wat Neels Jackson op 7 Februarie in Beeld oor misdaad aanbied, hoewel vroom, is deelagtig in die logika van barbarisme.

Ons weet dat die harmonie van die stam in tradisionale Afrikasamelewings swaarder geweeg het as die regte van ‘n individu of van sy gesin. Volgens liberale antropoloë soos Hammond-Tooke kon ‘n moordenaar, dief of owerspeler maklik vergewe word. Die slagoffer se gesinslede moes met hom en sy verwantes versoen raak, want anders het groepsamehorigheid in die gedrang gekom en kon die stam nie meer as oorlewingseenheid in ‘n vyandige natuur funksioneer nie.

Die argument wat Neels Jackson oor misdaad aanbied, hoewel vroom, is deelagtig in die logika van barbarisme.

In komplekse moderne samelewings waar individue van duisende stamme of gesinseenhede mekaar daagliks as vreemdelinge aantref, moet hierdie versoeningslogika tot barbarisme lei. Elke misdadiger kan immers sy dade rasionaliseer – soos wat Jackson doen – in terme van ‘n gebrek aan versoening, die kloof tussen ryk en arm, die rassisme van die ander ras, en dergelike meer.

Elke Westerse land wat ek al besoek of bewoon het, verteenwoordig ‘n polisiestaat met polisie op straat, in die moltrein en oral. Selfs vir die geringste oortreding word mens gestraf. Daar heers ‘n verstikkende graad van beheer, veel erger as in Zimbabwe, met dié verskil dat dit redelik en beskaafd toegepas word. Die soort samelewing wat Jackson voorstaan – waar mense uit innerlike oortuiging en naasteliefde korrek optree – bestaan nêrens op aarde nie, behalwe miskien in dele waar mense nog tradisioneel in kleinerige stamme saamwoon en die prys betaal deur gebrek aan individuele regte.

Neels Jackson is ‘n gevaarlike denker. Sy utopiese opvatting van die reg moet noodwendig, soos die fascistiese en kommunistiese idealismes van die vorige eeu, tot verskrikking lei. Onderliggend aan die Jackson se begrip van “versoening” is ook ‘n radikale herverspreiding van rykdom wat niks verskil van die ou kommunistiese of sosialistiese gelykheidsideaal nie. Een van die slimste propagandatruuks van die ANC/SAKP tot dusver was die manier hoe hulle Marxisme-Leninisme in Christelike taal ingeklee het.

Moontlik is Jackson net ‘n naïewe Afrikanerdweper wat besig is om vir Tutu, Boraine en die res na te praat as dit by versoening-as-sosialisme kom. Aan die ander kant is hy moontlik ‘n Marxis-Leninis wat sy idees in ‘n kwasi-Christelike baadjie vir Beeld-lesers opdis.

Die verstommende opkoms van ‘n ekstreem-linkse faksie sedert 1994 onder Afrikaners is een van die aspekte van die sg. nuwe Suid-Afrika waaroor niemand nog geskryf het nie. Neels Jackson is een van diegene, soos Max du Preez, Antjie Krog en ander wat ‘n soort Maoïsme aanhang. ‘n Blote maatskaplike revolusie na die Sowejtmodel is vir hulle nie genoeg nie en slegs ‘n omwenteling van die omvang van Mao se “kulturele revolusie” sal hulle bevredig.

Boonop is Jackson besig om die gewone, wetsgehoorsame Afrikaner so te demoraliseer dat hy emigrasie as die enigste uitweg sal sien. Min Afrikaners sal immers uit eie vrye wil aan die kulturele revolusie wil deelneem waardeur hulle alles, hetsy hul besittings, hetsy hul taal en kultuur, gaan verloor.

финские сауны

Vryheidsparkseminaar: voorspelbare demonisering van blankes en vorige bestel

Die ANC het weereens hul ware kleure getoon tydens 8 Februarie 2007 se seminaar in Kemptonpark wat gehandel het oor die ANC se Vryheidspark.

Groepe en indiwidue soos Afriforum en Steve Hofmeyr het onlangs beswaar aangeteken teen die feit dat blanke Suid-Afrikaanse soldate se name nie op die gedenkmuur in die ANC se Vryheidspark sou verskyn nie, maar dié van Kubaanse soldate wel. Afriforum het heeltemal tereg uitgewys dat die uitsluiting van ‘n bepaalde groep niks bydra tot versoening en nasiebou nie, en eerder teenproduktief is.

Dit was grootliks as gevolg van druk wat deur organisasies soos Afriforum uitgeoefen is dat die seminaar belê is. ‘n Redelike persoon sou verwag dat, indien die regime te goeder trou wou optree, die onderwerp van die seminaar sou wees hoe om alle Suid-Afrikaners te akkommodeer. Ten spyte van die retoriek oor die inklusiewe reënboognasie, is redelikheid egter nie iets waarvan die ANC beskuldig kan word nie.

Die seminaar is bloot gereduseer tot ‘n voorspelbare demonisering van blankes en die vorige bedeling se veiligheidsmagte. Van die ANC se veelvuldige misdade en lafhartige moorde op onskuldige burgerlikes was daar geen sprake nie. Reeds met die intreerede het die voorsitter van die Vryheidsparkstigting, Dr Wally Serote, met sy binnensmondse en totaal oninspirerende spreekstyl die trant geskep: daar is volgens hom diegene wat steeds nie oor hul “sondes” van die verlede wil bieg nie.

Spreker na spreker uit lande soos Lesotho het hoog en laag opgegee oor watter misdade die voormalige SAW in hul lande sou gepleeg het. Daar is egter totaal geswyg oor die ANC se marteling en moord op sy eie lede in sy kampe soos die berugte Quattro, of hoe die buurlande willens en wetens basisse en steun aan terroriste verskaf het, baie soos wat die Taliban in Afghanistan gemaak het.

Uit die ganse program, wat ‘n hele dag geduur het, is Kallie Kriel van Afriforum een spreekbeurt gegun van ‘n volle twintig minute, terwyl daar minstens vyf spreekbeurte afgestaan is aan buitelanders wat hoegenaamd geen belang het by hedendaagse Suid-Afrikaanse aangeleenthede nie. Die SAUK het vanmiddag berig dat ‘n duidelik teleurgestelde en ontnugterde Kallie Kriel opgemerk het dat die seminaar allermins oor versoening gehandel het en dat die Vryheidspark niks anders as ‘n ANC-park is nie.

PRAAG het nie die volledige verrigtinge bygewoon nie, buiten om ‘n persverklaring aan ‘n verteenwoordiger van die Vryheidsparkstigting te oorhandig, waarin die ANC gestriem is oor sy skynheiligheid en waarin daar versoek is dat alle Afrikaners en Boere se name van die ANC se skandmuur verwyder moet word.

баки для

Sluipmoord op Franse EU-diplomaat in Ivoorkus

Konsternasie heers in Franse en Europese gemeenskappe in die Ivoorkus nadat ‘n Franse diplomaat Dinsdagnag tuis in ‘n sluipmoordaanval gesterf het. Michel Niaucel (54) is binne sy swaarbewaakte huis deur ‘n enkele koeël in die bors gedood. Hy laat ‘n vrou en dogtertjie agter. Diefstal was skynbaar nie die motief nie.

‘n Span Franse deskundiges is op pad na die Ivoorkus om plaaslike ondersoekers by te staan. Die segspersoon vir die Europese Unie, Johannes Laitenberger, het voorts op ‘n perskonferensie sy hoop uitgespreek dat lig spoedig op die omstandighede van die raaiselagtige moord gewerp sal word.

Niaucel was, voordat hy vier jaar gelede ‘n loopbaan as diplomaat aanvaar het, ‘n polisieman verbonde aan die DST, oftewel die Franse teenspioenasiediens. Hy was gemoeid met veiligheidsaangeleenthede in die Ivoorkus namens die EU ten tye van sy dood.

In 2004 was dit Niaucel wat hoofsaaklik verantwoordelik was vir die ontruiming van 8 000 Franse burgers uit die Ivoorkus mbv ‘n lugbrug nadat Franse skole en boekwinkels deur plaaslike inwoners in ‘n opwelling van anti-wit gevoel in puin gelê is.

Sy vrou het oomblikke voor sy dood gehoor hoe hy met ‘n vreemde persoon gesels. Daar was geen spore van inbraak opgemerk nie. ‘n Kussing is gebruik om die knal van die Magnum 357 te demp en ‘n leë patroondoppie is op die toneel gevind. ‘n Onbekende rooi sak is in die badkamerkas gevind.

Dept. van kuns en kultuur dreig oor De la Rey

Volgens die Suid-Afrikaanse Departement van Kuns en Kultuur loop Bok van Blerk se trefferliedjie, De la Rey, gevaar om deur “verregses” gekaap te word. Hulle wil skynbaar Afrikaanssprekendes mislei deur hulle te laat glo dat dit ‘n proteslied is wat mense oproep om die geweer op te neem.

“Dit sal verskriklik jammer wees as ‘n handvol misleide individue hoop om ‘n onskuldige liedjie te gebruik as ‘n vertrekpunt vir verraad”, lui die verklaring.

Met verwysing na die Boeremag waarsku die departement dat diegene wat hulleself met verraad bemoei, probleme met die gereg kan verwag.

Hulle beskou die liedjie bloot as “iets van geskiedkundige belang.”

Hulle wys voorts daarop dat Bok van Blerk die lied nie van toepassing op die huidige situasie maak nie en wens hom voorspoed daarmee toe. “Wie weet, as dit regtig goed is, mag dit dalk ‘n internasionale treffer soos Solomon Linda se Mbube word.”

De la Rey-video op YouTube

траверсы для

Kommunikasie maak weerbaar

Die eerste en belangrikste stap tot weerbaarheid is kommunikasie.

1) Spoed. Om vinnig en doeltreffend te kan kommunikeer is van kardinale belang. Kommunikasie moet uiters vinnig kan geskied want in situasies van nood is tyd krities en ons praat van sekondes nie minute nie.
2) Effektiwiteit. Om met die regte mense te praat is net so krities. Dit help nie jy kontak die polisie nie want hulle is die beskermengele van die bende in die buurt. Dit help nie jy kontak jou familie nie want hulle bly te ver. Jy moet al jou buurmanne kontak.

Die beste oplossing vir altwee hierdie kriteria bly maar die tweerigtingradio. Nie selfoonoproepe of SMS'e kan kompeteer met die spoed en doeltreffendheid van 'n radio nie. Met die druk van een knoppie kan jy tegelykertyd met al jou bure praat.
Stap dus vanaand oor na jou Afrikanerbuurman en oortuig hom om ook 'n tweerigtingradio te kry.

Misdaad is nie ‘n natuurverskynsel nie

Misdaad is een van die woorde wat gebruik word om menslike aksie te beskryf. Dus is misdaad nie ŉ natuurverskynsel nie.

Om oor misdaad te dink in terme van metafore dien geen doel en misdaad moet gesien word as die gevolg van menslike aksie. Die enigste oplossing is dus om of daardie mens wat jy glo ŉ misdadiger is tydelik of permanent uit jou gemeenskap te verwyder.

Misdaad is vrug van transformasie

Ons moet eerstens besef dat misdaad nie tussen kleur onderskei nie. Almal kan modder oor en weer gooi, maar dit sal nie die probleem oplos nie.

Die probleem is sonder twyfel die vrugte wat gepluk word van die transformasie in die SA Polisie!! Alle goeie blanke polisielede het reeds die mag verlaat of gee in elk geval nie meer om nie, omrede hulle nie bevorder kan word nie a.g.v. hulle velkleur!! Daar moet druk op die regering geplaas word om van alle vorme van rassisme of soos hulle dit noem "regstellende aksie" in die polisiemag ontslae te raak. Die polisiemag moet uitgesluit word van alle vorme van regstellende aksie!!! Die persoon wat presteer, moet bevorder word en beloon word of hy blank, pienk of pers is.

Kry dan die opgeleide blanke polisiemanne (speurders, forensiese kundiges, ens.) terug en gee vir hulle meer regte en geld om misdaad effektief te bekamp.

Miskien moet ons maar emigreer!!!

online casino offers Фільчаков прокурор

SA ervaar elektrisiteitskrisis – Eskom

Suid-Afrika het te min elektrisiteit om in die vraag te voorsien, het Eskom vandag aangekondig.

"Eskom ervaar onbeplande kragonderbrekings van 4600 MW as gevolg van tegniesesentraleprobleme. Dit is 3000 MW hoër as die verwagte syfer vir die huidige tydperk," het die maatskappy se direkteur: verspreiding, Jacob Maroga, in ‘n verklaring gesê.

Eskom is besig om alle voorafbeplande noodmaatreëls in werking te stel. Dit sal egter nie genoeg wees om die elektrisiteitstekort vir vandag en moontlik die volgende week te oorkom nie.

Volgens Maroga is die nasionale verspreidingsnetwerk wel stabiel, maar die land staar ’n tekort aan beskikbare opwekkingskrag gedurende dié periode in die gesig. Hy beskryf die situasie as “krities”.

Koeberg-kernkragsentrale se eerste eenheid het om 2.18 v.m. op Donderdagoggend gaan staan toe die turbine uitgeskakel het.

“Die reaktor verkeer in ’n veilige afskakeltoestand. Die oorsaak van die turbine-uitskakeling word tans ondersoek.”

Verpligte ladingverligting sal landwyd geïmplementeer word, indien nodig, om die balans tussen vraag en aanbod te handhaaf.

Eskom het ‘n beroep op die publiek gedoen om alle nie-noodsaaklike elektriese toerusting soos lugreëlaars, warmwatertoestelle en swembadpompe af te skakel. (Gegewens van Sapa)

Фільчаков прокурор

Ope brief aan Mbeki oor ‘Tshwane’

Pres. Thabo Mbeki,
Uniegebou
Pretoria

Meneer

Ons skryf hierdie brief namens 87 000 (en wat daagliks toeneem) ontstoke TV-kykers wat ons veldtog Pretoria bly Pretoria steun teen die onetiese, onredelike, kwaadwillige indien nie korrupte optrede deur die nuusskrywers wat aanhoudend praat van TSHWANE in hulle nuusberigte, in plaas van PRETORIA.

Daar is baie voorbeelde van hierdie wangedrag, maar ek wil graag die nuusberig op SABC2 van Woensdag 1 November 2006 waar berig is oor mnr PW Botha se afsterwe, onder u aandag bring. In hierdie berig is gesê dat mnr Botha nie ‘n staatbegrafnis verlang nie en dat hy ook nie in die Heldeakker in TSHWANE begrawe wil word nie. Die feit is dat die Heldeakker in PRETORIA is. Botha sou nooit die naam Tshwane gebruik het nie, bloot omdat Tshwane nie bestaan nie.

Waarom is die ANC en die SABC so gretig om ons kultuurerfenis te vernietig deur die name uit te wis van Afrikaners wat hierdie land ontwikkel het met hulle vaardighede, kennis, ywer, deursettingsvermoë en vernuf? Dit kan sekerlik nie bydrae tot rekonsiliasie of nasiebou nie. So, waarmee is u en u kaders besig?

Die Amerikaanse politieke kommentator, eerwaarde Robert Slimp het in die Edgefield Advertiser van 30 Mei 1990 geskryf: “The ANC has ‘n hidden agenda. This is the complete destruction of the Afrikaner race, language, culture and even religion…. From 1960 the Communist radio transmissions beamed at South Africa… continuously emphasized that the Boer government and their racist Afrikaans language are the suppressors of the black majority and must be destroyed”.

Daar is min rede om te dink dat hierdie opvattings en oogmerke nie steeds bestaan in die kringe waaruit slagspreuke soos “Kill a Boer, kill a farmer”, One Settler, one bullet” en “Bring my masjiengeweer” alla Zuma gebore word nie.

Die meeste Pretorianers wil hê dat Pretoria Pretoria moet bly. Pretoria was in 1855 deur MW Pretorius op die plase Elandspoort en Koedoespoort gestig. Hierdie plase het hy spesiaal aangekoop vir die doel. Vanjaar vier ons die 151ste verjaardag van hierdie internasionaal erkende stad, Pretoria.

Pretoria is vernoem na een van die Afrikaners se grootste helde, naamlik die Voortrekkerleier Andries Pretorius. Hy het die ontwikkeling na die Binneland gered deur Dingaan se magte by Bloedrivier te verslaan. U sal onthou dat die trek op ‘n mespunt was na die verraderlike dood van Piet Retief en Piet Uys en die afsterwe van Gerrit Maritz, en die aanvalle van Dingaan se impi’s op die trekkers by Blaauwkrans, Weenen en Moordspruit. Baie trekkers het dit oorweeg om terug te gaan na die Kaapkolonie. Was dit nie vir ‘n Andries Pretorius wat op daardie tydstip op die toneel verskyn het nie, sou die ontwikkeling na die binneland met minstens vyftig jaar vertraag gewees het.

Volgens navorsing deur prof Louis Louwrens van Unisa is daar geen bewyse van die bestaan van ‘n swart kaptein Tshwane nie, en berus die hele basis van die Tshwane Metro Munisipale Raad se redenasie op hoorsê. Volgens prof Louwrens wat ‘n kenner van swart tale is, is Tshwane die naam van ‘n swart koei. Maar nie enige swart koei nie. Dit is ‘n koei wat gebruik was in reënmaakseremonies. Die toordokter het sy muti op die koei gesmeer en oral waar die koei geloop en mis het, sou dit vrugbaar wees en reën. U sal dus besef dat hierdie naam vir ons as Christene onaanvaarbaar is.

Wat die SABC aanbetref het, ons reeds briewe aan mnr Snuki Zikala, die SABC nuushoof en mnr Dali Mpofu, hoof uitvoerende beampte van die SABC, geskryf om ons misnoë te kenne te gee. Dit val op dowe ore.

Dit is onbetaamlik om belastingbetalersgeld of die openbare uitsaaier te gebruik in u ooglopende breinspoeling en kondisionering vir slinkse politieke redes.

Die handtekeninge wat ons versamel is nie om u te probeer beindruk of te oortuig van ons saak nie. Dit is ‘n streep wat ons getrek het en elkeen wat dit geteken het betuig daarmee sy verset teen u knoeiery en magsmisbruik.

U moet asseblief hiermee kennis neem dat u te doen sal kry met die nageslag van Bloedrivier.

Вагонка Фільчаков прокурор

ANC IS MEDEVERANTWOORDELIK VIR PRAAGSE BLOEDVERGIETING

Die president van Rusland het so pas sy "morele verantwoordelikheid" erken teenoor Tsjeggië betreffende die onderdrukking van die Praagse Lente-opstand van 1968 waarin 100 mense gesterf het.

Die ANC het ten tye van die Sowjet-inval in 1968 sy uitdruklike steun daaraan verleen en dra daarom insgelyks ‘n morele verantwoordelikheid vir die bloedvergieting wat plaasgevind het.

Toe die Pro-Afrikaanse Aksiegroep ses jaar gelede gestig is, het ons spesifiek die afkorting PRAAG gekies omdat ons die ANC aan sy vergrype en aandadigheid aan die Oos-Europese verdrukking wou herinner.

Gegewe president Putin se verklaring, verwag ons van die ANC dat hy insgeslyks om verskoning sal vra vir sy totalitêre verlede toe hy kop in een mus met die Stalinistiese verdrukking in Oos-Europa was.

online cluedo game

STAANDE TOEJUIGING VIR DAN ROODT IN VSA

Dr. Dan Roodt en sy vrou Karin het so pas teruggekeer na ‘n suksesvolle toer van 12 dae lank deur Frankryk, België en die VSA. Tydens die tweejaarlikse konferensie van American Renaissance, ‘n konserwatiewe groepering in die VSA, het dr. Roodt verlede naweek ‘n staande toejuiging wat minute lank geduur het van die ongeveer 400 konferensiegangers ontvang.

Vele Amerikaners het hul steun toegesê aan die Afrikaner se stryd om selfbehoud in Suid-Afrika. Die vyftig eksemplare van sy boek, The Scourge of the ANC, wat dr. Roodt op die vliegtuig saamgebring het, het binne ‘n kort tydjie ná sy optrede uitverkoop by die boektafels aan die agterkant van die saal.

Verskeie konserwatiewe Britse publikasies het dr. Roodt gevra om ook in hul blaaie te skryf en die Britse publiek oor anti-blanke maatreëls en diskriminasie in SA in te lig, waaronder die lyfblad van die Britse Nasionale Party en mnr. Derek Turner se onafhanklike konserwatiewe tydskrif, "Right now!". Dr. Roodt voorsien in ‘n rubriek wat gister op die Praagwebwerf www.praag.org gepubliseer is dat Afrikaners voortaan ‘n beduidende en selfs ‘n intellektuele leiersrol kan speel in die nuwe internasionale beweging teen multikultiralisme, gegewe hul insig in kultuurverskille, asook hul huidige ervaring van verdrukking deur Suid-Afrikaanse swartes en veral Xhosas.

Op 21 Februarie het dr. Roodt die Vlaamse Parlement in Brussel besoek waar hy die Vlaamse Volksverteenwoordigers ingelig het oor die diskriminasie teen Afrikaners sover dit hul taal, asook hul werks- en opvoedingsgeleenthede in Suid-Afrika betref. Die Vlaminge was geskok om hiervan te verneem, maar veral is hulle onstig deur die voortslepende plaasmoorde en ongebreidelde geweldsmisdaad wat in Suid-Afrika woed. Tydens die noenmaal wat tot laat in die middag geduur het, is Suid-Afrikaanse wyn gedrink.

Vanuit die geledere van mnr. Filip de Winter se Vlaams Belang, wat deur 25% van alle Vlaminge gesteun word en dus die grootste enkele politieke party in Vlaandere verteenwoordig, is alle moontlike vorme van diplomatieke en politieke steun aan die Afrikanervolk belowe. Mnr. De Winter het voorgestel dat dr. Roodt oor enkele maande na Brussel terugkeer om al die konserwatiewe politieke partye in Europa toe te spreek om sodoende die bewussyn van Afrikanerlyding en -onreg in Europa te verhoog. Omdat sommige van dié partye, onder meer in Oostenryk, Denemarke en Italië deel van hul regerende koalisies uitmaak, kan dit verdere positiewe gevolge vir die Afrikaner se huidige stryd hê.

Ook mev. Rita de Bont van die Vlaamse Volksbeweging, ‘n kultuurorganisasie wat ‘n beduidende politieke invloed in Vlaandere uitoefen en Vlaamse onafhanklikheid nastreef, het haar onvoorwaardelike steun aan die Afrikaner se vryheidstryd toegesê. ‘n Samewerkinsooreenkoms tussen PRAAG en die VVB word later vanjaar in die vooruitsig gestel en verdere samesprekings hieroor sal binnekort tydens mev. de Bont se Suid-Afrikaanse besoek gevoer word.

In Frankryk het 30 000 Jode betoog teen die moord op Ilan Halimi, ‘n 24-jarige Jood wat deur ‘n swart bende genaamd "Die Barbare" doodgemartel is. Regoor Europa is die multikulturele samelewing besig om in duie te stort, met gepaardgaande kultuur-, rasse- en etniese konflik. Vir die eerste keer in dekades kan die gemiddelde Europeër hom dus vereenselwig met die Afrikaner se begeerte om vry van oorheersing en diskriminasie, asook geweldsmisdaad en grondroof, te wil leef.

Ná sy besoek aan Europa en die VSA is dr. Roodt uiters optimisties oor die vooruitsigte vir Afrikanerselfbeskikking in Suid-Afrika. "Die radikalisme en opkoms van sosialistiese partye in Wes-Europa ná die sestigerjare het veroorsaak dat die ANC internasionale steun verkry het en die ou Nasionale Party op diplomatieke vlak oorrompel het met, soos ons weet, die holderstebolder oorgawe deur De Klerk. Die huidige swaai na regs in Europa en die VSA téén immigrasie, met die gepaardgaande kritiek op die multikulturele samelewingsmodel, gaan ons bevoordeel net soos wat die ANC/SAKP twintig jaar gelede deur die radikale idees ná 1968 bevoordeel is."

Hy het voortgegaan deur te sê dat "dit van die uiterste belang is dat Afrikaners nou moet saamstaan en die Afrikanerraad-gedagte moet steun sodat ons as volk uit een mond kan begin praat. ‘n Samehangende eis om selfbeskikking moet so gou moontlik aan die heersende ANC/SAKP gestel word terwyl ons bondgenote in Europa en in die VSA van ons vordering na vryheid op hoogte gehou word. Indien die ANC nie aan ons redelike eis om selfbeskikking gehoor gee nie, moet hy besef dat hy hom internasionaal ewe ongewild, of selfs nog ongewilder, as die ou Nasionale Party gaan maak."

PRAAG, in samewerking met ander Afrikaanse organisasies, het so pas ‘n plaaslike en internasionale kommunikasieveldtog van stapel gestuur om die onreg waaronder Afrikaners gebuk gaan aan die groot klok te hang. "Teregstellende aksie en transformasie aan SA ambassades in die buiteland strek ons net tot voordeel, aangesien dié mense nie oor die vermoë of vaardighede beskik om doeltreffend met die Europese en Noord-Amerikaanse gehore te kommunikeer nie. Hierteenoor beskik ons oor honderde Afrikaanse, Europese en Amerikaanse vrywilligers wat een en almal intelligent, goed opgelei en bekwaam is om as ambassadeurs vir die Afrikanersaak op te tree," het dr. Roodt bygevoeg.

play for real Лобановский