Sun Internasionaal het 'n verlaging in sy verdunde wesensverdienste per aandaal van 517 sent verklaar teenoor 814 sent 'n jaar gelede.
Inkomste uit hotelkamers het met 14% toegeneem teenoor die vorige jaar.
Die goeie vertoning van hotelle en vakansieoorde was te wyte aan sterk groei in die aantal internasionale besoekers.
Die swakheid van die rand gedurende die jaar het 'n valutastyging van R69 miljoen veroorsaak, teenoor 'n verlies van R10 miljoen in die vorige jaar.
In 'n onderhoud met die Washington Post vandeesweek moes senator Joe Biden moeilike vrae oor ras en onderwys beantwoord.
Biden, wat visepresident sal word indien Obama wen, het minderheidsgroepe oftewel swartes vir swak skooluitslae geblameer.
Daarom was Washington met sy 4 of 5 persent minderhede slegter daaraan toe, het hy gesê.
Sy veldtogbestuur het vinnig agterna 'n verklaring uitgereik om te sê dat hy wou aandui dat agtergeblewenheid op ekonomiese status berus en nie van ras afhang nie.
'n Sleutelkernooreenkoms tussen Rusland en die VSA lyk asof dit beëndig kan word.
Amerika beheer die grootste deel van die wêreld se kernbrandstof en dié stap word gesien as straf vir die Russiese hantering van Georgië.
Die Russe verwag om die verdrag weer in te dien sodra 'n nuwe president die Withuis aanstaande jaar betrek.
Die minister van buitelandse sake Condoleezza Rice het aangedui dat die fokus nou op 'n burgerlike kernverdrag met Indië is.
Die SA vereniging vir plaaslike owerhede (SAVPO) se hoof van vaardigheidsontwikeling Sifiso Mbatha het erken dat die ongeletterheidsyfer grotendeels tot swak dienslewering bydra.
George Weideman is vanoggend om 03:30 in die ouderdom van 61 jaar in die Louis Leipoldt-hospitaal in Bellville oorlede. Weideman was die skrywer van sewe digbundels, twee romans, vier bundels kortverhale, sewe jeugboeke, asook verhoogdramas waarvan net een gepubliseer is en drie ongepubliseerde radiodramas.
Die skrywersorganisasie Pretoria-PEN het in sy reaksie op die afsterwe van George Weideman sy spyt en intense hartseer uitgespreek. "Sowel die Afrikanervolk as die Afrikaanse skrywersgemeenskap verloor in George 'n talentvolle mens en sprankelende skrywer. Nie net was Weideman met sy digbundels en toneelstukke 'n unieke stem in die Afrikaanse letterkunde nie, maar hy het veral met sy grootse pikareske roman Draaijakkals 'n taamlik onlangse hoogtepunt in ons prosa gelewer," het die president van Pretoria-PEN, dr. Dan Roodt, gesê.
Weideman was 'n innemende en geesdriftige mens wat by almal geliefd was. Hy was boonop iemand wat hom in die Afrikaanse taal verkneukel het en tot vindingryke woordspel en gevatte uitdrukkings in staat was.
Onderliggend aan die meeste van sy werk is 'n toon van ironie en spot. Draaijakkals kan met die klassieke werke van Cervantes of Laurence Sterne vergelyk word en sal iewers in die toekoms nog hoër deur ons kritici aangeslaan word as wat dit reeds is.
"George Weideman was 'n stigterslid van Pretoria-PEN net enkele jare gelede. As skrywersgroepering wil ons ons medelye met George Weideman se naasbestaandes uitspreek en hulle verseker dat hulle verlies ook ons verlies is. Weideman verdien ons almal se hulde vir die groot mens en groot kunstenaar wat hy was," het Roodt voortgegaan.
Feite in 'n studie deur die SA plaaslikeregeringsvereniging skilder 'n donker prentjie van die land se munisipaliteite.
Die studie het 7 000 van die land se 9 300 raadslede beoordeel.
Slegs die helfte van plaaslike regeringspolitici beskik oor naskoolse kwalifikasies.
Sekere raadslede is is nie in staat om raadsprosedures of opleidingsessies te volg nie omdat hulle nie Engels verstaan nie.
Slegs twee uit tien begryp hoe tariewe vasgestel word of die koste-implikasies van munisipale dienste.
En meer as tweederdes van raadslede – diegene wat op burgemeesterskomitees dien inkluis – verstaan nie hul rolle, hul verantwoordelikheid of plaaslikeregeringswetgewing nie
Die polisie in Durban het 'n Nigeriër in hegtenis geneem wat 'n Britse meisie as slaaf wou verkoop.
Die polisie het agterna vasgestel dat die Nigeriër waarmee sy bevriend geraak het, haar vir R10 000 wou verkoop.
Die Nigeriër is 'n bekende dwelmhandelaar.
Hoewel die man enige kennis van die tiener ontken het, het 'n deeglike soektog van die vertrek haar handsak, verskeie briewe en foto's opgelewer.
Die polisie het uiteindelik die jong vrou ná 'n uitgebreide soektog gevind waar sy onder die invloed van swaar dwelmmiddels in hotelkamer opgesluit was.
Die Klerksoord-vlugtelingkamp noord van Pretoria is aan die VN-kommissie vir vlugtelinge en die Gautengse provinsiale regering oorhandig.
Sedert die kamp se oprigting moes die Pretoriase metropolisie en die SAPD 'n groep ontevrede Somaliërs hanteer.
Die Somaliërs het die VN se teenwoordigheid verwelkom.
Ramokgopa het ook 'n biddiens gehou met vroue vanuit verskillende kerke in Mamelodi waar buitelanders se kajas afgebrand is.
Die onttrekking van blankes uit die staatsdiens het 'n vaardigheidsvakuum gelaat, sê Mathews Phosa.
Een flater was om van goedgesinde, vaardige en patriotiese deskundiges in die staatsdiens ontslae te raak.
Hy sê blankes het 'n bydrae om te maak.
Phosa sê dit was geen geheim dat die staat sulke vaardighede in die finansiële bestuur, inligtingstegnologie en in veiligheid, kriminologie en geregtelike bestuur nodg het nie.
Brittanje sal Duitsland en Frankryk teen 2060 verbysteek om die grootste land in die EU te word.
'n Peiling van demografiese tendense het getoon dat Brittanje se geboortesyfer hoër is as ander Europese lande s'n.
Britse vrugbaarheidskoerse het gaandeweg afgeneem in die 1980’s en 1990’s maar het weer sedert 2003 begin toeneem.
Brittanje sal minder probleme ondervind as gevolg van die sterk bevolkingsgroei en die laer gemiddelde ouderdom van die Britse gemeenskap.
