Geen ernstige beserings of skade is na afloop van die aardbewing aangemeld nie.
Geboue oral in die streek het geskud en geswaai, en vele kantore is ontruim.
Die aardbewing is deur 27 geringe naskokke gevolg wat toeriste in Disneyland en inwoners so ver oos as Las Vegas op hol gejaag het.
Die goewerneur van Kalifornië, Arnold Schwarzenegger, sê die streek is baie gelukkig om aan 'n grootskaalse ramp te ontkom.
'n Senior lid van Durban se metropolisie verkeer tans op verlengde borgtog en sy verhoordatum is op Oktober in die Durbanse streekhof gestel.
Meganathan "Dees" Govender is ook aan korrupsie skuldig bevind tydens 'n interne dissiplinêre verhoor.
Govender is verlede jaar in Julie tuis in hegtenis geneem, nadat kartondose vol identiteitsdokumente en bestuurslisensie na bewering in sy besit gevind is.
Die paneel wat by die interne verhoor betrokke was, sê hy kan afgedank word of 'n waarskuwing ontvang.
Senator Hillary Rodham Clinton het dit gedurende die nominasiestryd duidelik gemaak dat sy belangstel om Obama se medekandidaat te word vir die presidentsverkiesing.
Obama het Sondag tydens 'n onderhoud met NBC gesê dat sy visepresidentskandidaat iemand moet wees wat nie sterk met Washington verbind word nie.
Clinton het onlangs aan haar kollegas vertel dat sy meen daar is slegs 'n geringe moontlikheid dat Obama haar gaan kies.
China se groeiende internetbevolking het dié van die VSA verbygesteek om die wêreld se grootste te word.
Daar is 253 miljoen mense aanlyn ondanks regeringsbeheer oor internetgebruik in China.
Dit verteenwoordig 'n 56-persenttoename van 'n jaar gelede, het die China-
Daar is meer ruimte vir groei ook, aangesien die gedeelte van die Chinese publiek wat die internet gebruik net 19,1 persent is.
Die Verenigde State het 'n beraamde 223,1 miljoen internetgebruikers en die aanlynpenetrasie staan op 71 persent.
Die kommunistiese regering moedig internetgebruik vir sake en onderwys aan maar poog om toegang tot pornorgrafiese of ondermynende webwerwe te blokkeer.
Mielies verteenwoordig die rustof vir die meeste Amerikaanse etanolfabrieke.
Intussen styg die pryse vir soja-olie, die rustof vir die meeste biodieselfabrieke, reeds maande lank weens 'n toenemende globale vraag daarna.
Die dalende winsmarges het vele vervaardigers van alternatiewe motorolie gedwing om hul fabrieke teen omtrent die helfte van hul kapasiteit te laat werk.
Pryse vir alternatiewe brandstof het nie tred gehou met stygende petrolpryse nie en dit maak die distilleerders ook seer.
Menseregtegroepe het die skuif verwelkom.
Immigrasiebeamptes sal nou moet motiveer waarom asielsoekers 'n risiko inhou wat aanhouding vereis indien hulle asielsoekers wil opsluit.
Amnestie Internasionaal het gesê die verandering behoort tot die vrylating van 380 asielsoekers te lei wat tans in die tronk verkeer.
Hulle sê dit sal help om Australië in pas met ander Westerse demokrasieë te bring.
Radovan Karad?ić het gister in Den Haag aangekom nadat Serwië se pro-Europese regering 'n finale uitleweringsbevel teen die Bosniese Serwiër uitgereik het.
Klaarblyklik is 'n appèl reeds Vrydag teen die uitlewering aanhangig gemaak, maar die Serwiese regering het nie gereageer op Karad?ić se regsverteenwoordiger se versoek om te appelleer nie.
Karad?ić is deur gemaskerde lede van die Serwiese geheime diens vergesel na Belgrado se lughawe in 'n konvooi van swart Jeeps en daarna is hy per ligte vliegtuig na Nederland.
Die vliegtuig het twee ure later in Rotterdam geland en die gevangene is per helikopter na die Scheveningen-detensiesentrum geneem.
Karad?ić word verdink van die bomaanval op Sarajevo waarin 11 000 mense gedood is, waarvan 8 000 Bosniese Moslemmans en -seuns van Srebrenica was.
Die betoging wat in Belgrado gehou is om Karad?ić se inhegtenisname teen te staan, was nie so goed bygewoon as wat verwag is nie. Dit het later in geweld ontaard. Nege polisielede is in die hospitaal opgeneem nadat hulle met klippe bestook is.
Olli Rehn, die EU se uitbreidingskommissaris het gevra dat die handelsooreenkomste dringend opgegradeer moet word tussen Europa en Serwië.
Serwië hoop om eendag deel te word van die EU. Maar diplomate sê dat die ambassadeurs van die 27 EU-lande eers wil wag en sien of Serwië ten volle saamwerk met die Internasionale Strafhof in Den Haag. Indien die EU gelukkig is met die samewerking, sal hulle die weg vir Belgrado se deelname aan beter handelsbetrekkinge oopstel.
Die EU moes eers wag totdat 'n nuwe regering in Serwië aan bewind kom om Karad?ić uitgelewer te kry. Hy het openlik naby die Serwiese hoofstad gewoon en gewerk as 'n alternatiewe terapeut vóór sy inhegtenisname.
Die jongste rondte van die Doha-handelsamesprekinge het gister na 'n marathonsessie ineengestort.
Ontluikende swaargewigte Indië, China en Indonesië het druk toegepas om hul boere te beskerm.
Washington is glo gefrustreerd deur die dooiepunt wat bereik is, wat 'n finale ooreenkoms om vrye handel uit te brei, vir nog 'n paar jaar kan uitstel.
Die dooiepunt het ook aansienlike vooruitgang op ander gebiede soos landbouverwante aangeleenthede, vervaardiging en dienste, negatief geraak
Die eienares van 'n dagsorgsentrum in Pietermaritzburg het per ongeluk oor tien kinders gery met haar motor.
Die dagsorgmoeder het in die verkeerde rat geskakel en deur die garage oor ie kinders gery.
Netcare 911 se segsman Chris Botha sê 'n baba van 8 maande is dood en nog een is in 'n kritieke toestand.
Sewe ander kinders is in 'n ernstige toestand in die hospitaal opgeneem.
Die meeste van die kinders is tussen die ouderdom van drie en vier.
Nedbank sê dat die Suid-Afrikaanse Reserwebank se rentekoersbesluit in Augustus op of af kan wees.
Die nuwe metodiek mag ook die inflasiesyfer aanstaande jaar met 1,5 tot 2% afbring.
Dit mag die Reserwebank oorreed om rentekoerse in Augustus onveranderd te hou.
Nedbank het bygevoeg dat onlangse loonverhogings bokant 10% kommerwekkend is, asook die Reserwebank se valkagtige retoriek.
Ná Augustus voorspel Nedbank dat koerse vinniger kan daal met die eerste verlaging in April aanstaande jaar.
