Internasionale nuus Archives - Page 75 of 141

Amerikaanse ekonomie reeds in ongevalle, s? voormalige reserwebankbaas

Die Amerikaanse finansiële stelsel is reeds in die ongevalle-afdeling en sal na die intensiewesorgeenheid verplaas word, het Paul Volcker, die voormalige voorsitter van die Amerikaanse reserwebank, vandag in Singapoer gesê.

Volcker het in 'n lesing gepraat en gesê gaan dit 'n wyle in die intensiewesorg verkeer voordat dit beter word. Die prentjie wat hy van die huidige ekonomiese toestande skilder, is baie donker.

Die krisis wat in Amerika begin het, het 'n globale probleem geword wat globale oplossings vereis.

Hy sê dit wil voorkom asof die VSA in 'n resessie is, en het vrese uitgespreek dat Europa in dieselfde toestand verkeer, maar hy het hoop dat maatreëls deur die regerings van regoor die wêreld die toestand van korte duur sal maak.

Hy voel dat die hulpmaatreëls "onsmaaklik" is, omdat dit nie strook met kapitalisme nie, maar het bygevoeg dat dit noodsaaklik was in die huidige omstandighede.

Volcker het gepraat voor akademici by die Lee Kuan Yew-skool vir openbare beleid.

Europese regerings het dié week reddingspakkette bekendgemaak ten bedrae van meet as een triljoen dollar vir instansies wat in finansiële moeilikheid is.

President George W. Bush van Amerika het vandag nuwe stappe aangekondig om die globale finansiële krisis te aan te spreek, insluitende die gebruik van 'n deel van die 700-miljarddollarhulppakket om aandele in banke te koop.

Volcker, wat voorsitter van die reserwebank was van 1979 tot 1987, sê dat verskeie ander groot krisisse oor die laaste 25 jaar al plaasgevind het, en hulle is altyd oorkom sonder te veel skade aan die ekonomie, maar dié keer is dit anders.

Volcker glo dat die ekonomie nie dié keer sonder groot skade anderkant gaan uitkom nie.

Volgens hom vertoon die krisis 'n paar groot, nie-volhoubare neigings in die wêreldekonomie, veral dié van Amerika.

Amerika het meer bestee as wat sy geproduseer het, en het nou gevolglik 'n groot lopende-ekeningtekort teenoor die wêreld, veral Asië.

Volckers is nou die voorsitter van die raad van trustees van die Groep van Dertig, 'n nie-winsgewende organisasie wat poog om internasionale ekonomiese sake meer verstaanbaar te maak.

free bet sites no deposit

Was Milan Kundera ‘n Rooi spioen?

Tsjeggese skrywer, Milan Kundera, mag sy status as een van Oos-Europa se beste skrywers kwyt wees. Volgens die staatsbefondste Instituut vir die Studie van Totalitêre Regimes, 'n Tsjeggiese navorsingsinstituut, het Kunders op die ouderdom van 21 'n student gaan verkla daarvan dat hy 'n spioen sou wees.

Kundera, bekend vir sy boeke wat in Engels vertaal is as "The Unbearable Lightness of Being" en "The Joke," het Miroslav Dvoracek by die polisie gaan aanmeld waarna Dvoracek tot 22 jaar gevangnisstraf gevonnis is. Hy was trouens gelukkig om die doodstraf vry te spring. Dvoracek het 14 jaar van sy lewe in 'n uraanmyn gewerk swaar arbeid verrig.

Dvoracek is blykbaar in 1948 in Duitsland gerekruteer deur die VSA om op die Tsjeggiese regering te spioeneer. Die aanklag teen Kundera kan sy morele onwrikbaarheid as segsman van hoe totalitêre regerings 'n daaglikse bestaan kan beïnvloed ten nadele strek.

Kundera het die aantygings ten sterkste in 'n verklaring wat deur sy Franse uitgewer Gallimard uitgereik is, ontken. Hy het in 'n televisieonderhoud in Tsjeggië, een van die min wat hy toestaan, gesê dit is 'n "sluipmoord op 'n outeur".

Kundera, wat in Frankryk woon en in Frans skryf – sy onlangse boeke is nie in Tsjeggies vertaal nie – is bekend in Tsjeggië maar nie geliefd nie. Hy was eers 'n lid van die Kommunistiese Party, maar in 1968, met die inval in Praag, is hy afgedank as onderwyser.

Alhoewel Kundera ontken dat hy as 'n geheime agent gewerk het, is die Instituut in besit van 'n inskrywing wat om 4 nm, 14 Maart 1950, by 'n polisiestasie ingedien is deur hom. Daarin vertel hy dat 'n sekere Iva Militka 'n briewetas aan 'n medestudent gegee het om veilig te bewaar. Die polisie het Militka gaan inwag en vasgestel dat die student onder 'n vals identiteit ingeskryf is en hom in hegtenis geneem.

In die tas was twee hoede, twee pare handskoene, twee pare sonbrille en 'n buisie room. 'n Navorser, Adam Hradilek, het hierdie jaar per ongeluk op die inskrywing afgekom. Die Instituut is in Februarie geopen.

Rusland vuur drie toetsmissiele af

Russiese president Dmitry Medvedev het Sondag die lansering van 'n ballistiese missiel gadegeslaan te Plesetsk in die noordweste van die land. Rusland het drie langafstand missiele op dieselfde dag getoets en na afloop van die "Stabiliteit 2008"-oefening aangekondig dat hulle kernafweerstelsel in orde is.

Twee van die drie missiele is van kernduikbote afgevuur. Dit was die tweede Russiese interkontinentale ballsitiese missieltoets die afgelope paar dae en die jongste in die hoëprofiel militêre oefeninge wat land-, lug- en seemagte insluit sowel as strategiese kerneenhede.

Medvedev het aan die nuusagentskap RIA Novosti gesê Rusland se verdediging is in orde en hulle sal ook nuwe soorte magte en middele ontplooi. Kenners meen dat die oefeninge op voorbereiding vir 'n groot konflik dui omdat al die verskillende magte saam deelneem. Dit sluit konflik met 'n land soos die VSA in.

Igor Dygalo van die Russiese vloot het bevestig dat missieltoetse vanaf duikbote in die See van Okhotsk noord van Japan en die Barents See noordoos van Noorweë onderneem is. Die missiele het hulle teikens presies getref, het hy gesê.

Hamilton s? botsing was opsetlik

Lewis Hamilton

12:28:35 Lewis Hamilton het sy formule-eenteenstaander, Felipe Massa, daarvan beskuldig dat hy opsetlik teen hom gebots het in die Japannese Grand Prix.

Die twee het gedurende die tweede rondte van Sondag se wedren gebots nadat beide bestuurders gestraf is weens kuipe-oortredings.

Dit verminder Hamilton se voorsprong na 5 punte voor die Ferrari-bestuurder, met nog twee wedrenne oor vir die seisoen.

Hamilton, wat vir McLaren bestuur, het dié naweek alle diplomasie oorboord gegooi het voor die komende Sjinese Grand Prix en vir Massa beskuldig van vuilspel.

“Ek het die draai soos normaalweg geneem, en hy (Massa) het aggressief teruggekom en my getref,” het Hamilton gesê. Volgens hom was dit opsetlik.

Massa ontken die beskuldiging en sê hy kan nie glo dat Hamilton dit so sien nie.

Massa is agtste oor die wenstreep maar het opgeskuif na sewende plek ná ‘n besluit deur wedrenbeamptes om die sesde geplaasde Sebastien Bourdais met 25 sekondes te straf vir ‘n botsing in die 50ste rondte.

slots online no deposit bonus Фільчаков прокурор

Russe behou energievoordeel in Baltiese staat

‘n Referendum wat gehou is in Litoue om oor die toekoms van dié Baltiese land se enigste kernkragaanleg te besluit, het nie die nodige hoeveelheid stemme gekry nie, het beamptes Maandag bekend gemaak.

Litoue het ooreengekom om die kragsentrale in 2009 te sluit as deel van die ooreenkoms om in 2004 by die Europese Unie aan te sluit. ‘n Plaasvervangende kragstasie, wat gesamentlik met Estland, Letland en Pole gebou moet word, sal nie reg wees voor 2015 nie.

Politici vrees dat ‘n sesjaarenergiegaping Litoue se afhanklikheid van Rusland gaan vergroot en die ekonomie kan skaad. Die Ignalinakernkragsentrale verskaf tans sowat 70% van Letoue se elektrisiteit.

Die referendum was beoog om die publiek se ondersteuning van die sluiting te monster, met die verdere doel om die Europese Unie onder druk te plaas sodat Ignalina behou kan word.

Kiesers moes op die stembrief aandui “Stem julle saam dat die Ignalinakragstasie gebruik moet word totdat ‘n nuwe een gebou kan word?”

Die kiesers het met sowat 9 teen 1 “ja” geantwoord, maar die referendum het nie die 50% kiesers getrek om die uitslag te wettig nie, en op 47.80 % was die stempersentasie net-net te min gewees, volgens data wat deur die Litouse verkiesingskommissie bekend gemaak is.

Itali? debatteer rassisme

Abdoel William Guibre, met die bynaam Abba en gebore in Burkina Faso, wat onlangs deur twee Italianers doodgeslaan is, is nie die eerste slagoffer van geweld teen swartes in Italië nie. Die afgelope paar weke het 'n man uit Ghana en 'n vrou uit Somalië in onderskeidelik Parma en Rome aangerand terwyl ses swart Afrikane in Napels deur die Mafia doodgeskiet is.

Die voorvalle is hoog aangemeld en die Katolieke kerk het 'n beroep op die staat en kerk om saam te werk om "rassisme te oorkom". Verlede week het die parlement gedebatteer oor wat die koerante die "rassismenoodtoestand" noem. Minister van Binnelandse Sake, Roberto Maroni, sê egter dit is enkele gevalle wat oordryf word. Maroni is 'n lid van die regse, separatistiese Noordelike Liga.

Die eerste swart parlementslid in Italië, Jean-Léonard Touadi, stem nie saam nie. Hy en ander linksgesindes voel dit is maar die begin van 'n kommerwekkende neiging. Touadi is van Brazzaville, uit die Republiek van die Kongo. Maar Italië se toleransie vir arm immigrante wat tradisioneel deur 'n streng Katolieke lewensuitkyk gevoed word, word deur ekonomiese realiteite verdring.

Dit veroorsaak dat die kerk en staat in konflik met mekaar tree oor die kwessie. Die Vatikaan het verlede week kritiek gelewer op die "rassisme, xenofobie en rassime" teenoor immigrante. Daarteenoor het die Noordelike Liga verlede week gevra dat immigrantebeheer strenger moet word as deel van beoogde veiligheidswetgewing wat wettige immigrante sal huistoe stuur indien hulle 'n sekere aantal punte bymekaar gemaak het vir kriminele oortredings.

Die invloedryke koerant, Corriere della Sera, die grootste koerant in Italië, het verlede week 'n spotprent oor die aangeleentheid geplaas waarin 'n swart man wat na 'n verband om sy kop wys, vir 'n verblyfpermit aansoek doen terwyl hy sê "sewe punte". Punte en wondsteke is dieselfde woord in Italiaans naamlik "punti" en die spotprent is 'n woordspel op die geweld teen immigrante en voorgestelde puntestelsel vir kriminele oortredings

Die Noordelike Liga is die sentrale party in eerste minister Silvio Berlusconi se sentrumregse koalisie. Die noorde van Italië wat ekonomies ook die sterkste is, is waar die party se grootste steun lê. Immigrasie is aan die toeneem in Italië en wettige verblyfreg het met 17% gestyg.

OPUL gly teen olierige skuinste af

Oliepryse het Vrydag gedaal, sterk onderweg na 77 dollar per vaatjie toe. Handelaars is van mening dat die val in die aandelemarkte die energievraag ook gaan benadeel.

Die internasionale energie agentskap IEA het ook gewaarsku dat die dreigende resessie en voortslepende finansiële krisis die aanvraag na olie kan verminder en beleggings in nuwe olievelde kan terughou.

Brent ru-olie vir November het so laag as $77.29 gedaal in vroeë handel. Die eerste keer in 'n jaar wat dit onder $80 gedaal het terwyl handelaars sterk gereageer het op die verliese in globale markte.

Die latere kontrakprys was vasgestel teen $77.88 'n vaatjie, $4.78 laer as wat dit op Donderdag was.

Op Vrydag het New York se pryse ook gedaal vir ligte ru-olie.

Die skerp dalings in prys het gebeur te spyte daarvan dat OPUL-lande volgende maand 'n noodvergadering gaan hou om die geldkrisis te bespreek. Daar is reeds spekulasie dat die olieproduksie verlaag kan word om olie-inkomste te beskerm.

Martin Lewis, 'n analis by Deutsche Bank het aan kliënte gesê dat die verswakking in wêreldgroei 'n skielike herstel in aandelepryse teweeg kan bring.

Volgens Lewis kan verdere verlagings in die globale BBP as 'n katalisator werk om die oliepryse te laat daal, en selfs so laag as $60 per vat kan sak. Die prys van ru-olie het sover 47 % gesak van die rekord vlakke van $147 per vat wat dit op 11 Julie behaal het.

Intussen het aandelemarkte weer gely onder sterk verkope op Vrydag terwyl die markte geen tekens toon dat dinge beter gaan raak nie.

Ru-olie pryse hou aan om te sak, terwyl vrese dat energiebehoeftes gaan daal die mark domineer, het Nimit Khamar, 'n analis by Sucden gesê.

Hy het bygevoeg dat markte tans op vrees in plek van goeie beginsels werk.

Die 12-nasie OPUL groep het Donderdag aangekondig dat hulle op 18 November in Wene 'n vergadering het om die internasionale krisis te bespreek.

Gordon Brown, die Britse premier het op Vrydag gesê dat 'n verlaging in olieproduksie soos waaroor gespekuleer word, verkeerd sal wees vir die wêreldekonomie. Hy het bygevoeg dat dit verkeerd is as produserende lande ontmoet en produksie sny, en op die manier die pryse potensieel hoër maak as wat dit behoort te wees.

Die OPUL-kartel se volgende vergadering was geskeduleer vir 17 Desember in Oran, Algerië. Met die vorige vergadering op 9 en 10 September het OPUL besluit om produksie te verminder om oliepryse bokant die $100 per vaatjie vlak te hou. Pryse het sedertdien drasties gesak.

диагностика для авто Александр Фильчаков

Menseregtegroepe eis afstelling van doodstraf in Japan

Stryders vir menseregte het geëis dat Japan 'n moratorium op teregstellings plaas. Hulle beskuldig die land daarvan dat hy teen die wêreldmening optree op die vooraand van 'n globale dag teen die doodstraf.

Japan en die Verenigde State is die enigste twee groot nywerheidslande wat nog die doodstraf toepas.

Die Internasionale Federasie van Menseregte, 'n Parys-gebaseerde koalisie van 155 menseregtegroepe wêreldwyd, het 'n verdoemende verslag op die vooraand van Vrydag se Wêrelddag teen die Doodstraf vrygestel.

Die IFM se algemene sekretaris, Florence Bellivier, sê in die verslag, Japan hou daarmee vol om kriminele ter dood te veroordeel en hou hulle vir dekades in gevangenisse aan waar isolasie en geheimhouding algemene praktyk is, in totale verontagsaming van die wêreldmening.

Japan het in werklikheid vir 15 maande tot 2006 ,'n moratorium op teregstellings gehad omdat die destydse justisieminister, Seiken Sugiura, gesê het die doodstraf is teenstrydig met die Boeddhistiese geloof.

Japan het egter 26 mense sedert Desember 2006 tereggestel.

Finansi?le krisis dalk sleg vir MIV/Vigs navorsing

Twee Franse wetenskaplikes wat die Nobelprys vir medisyne deel vir hulle studies met MIV/Vigs is bekommerd dat die globale ekonomiese krisis die

Luc Montagnier in 1995

befondsing van MIV/Vigs-navorsing kan benadeel.

Hulle het vigs in 1983 ontdek.

Luc Montagnier en Françoise Barre-Sinoussi sê dat hulle hul vrese dat befondsing vir navorsing en om Vigs te bestry verminder kan word, reeds aan president Sarkozy oorgedra het.

Die twee het gister vir Sarkozy ontmoet.

Tydens die gesprekke het hulle die probleem uitgewys dat medisyne in Afrika deur ‘n globale Vigs-fonds betaal word en dan gratis in Afrika versprei word.

Montagnier wou weet of die reëling sou voortgaan, in die lig van die wêreldwye finansiële krisis.

Hulle het die Nobelprys gewen saam met Duitsland se Harald zur Hausen, wat die virusse ontdek het wat servikale kanker veroorsaak.

‘Swartes het rede om te haat’

Barack Obama se outobiografiese boek “Dreams From My Father: A Story of Race and Inheritance” toon 'n obsessie met ras en rassekonflik. Hy beskou homself nie as bruin nie maar eerder swart. Sy gevoel van swart magteloosheid laat hom blykbaar konstant in 'n "nagmerrie" vasgekeer voel.

Die boek se anti-wit onthullings deur die VSA se moontlike president hou nie daar op nie. Obama sê haat vir witmense gaan nooit weg nie. Hulle is sentraal tot die probleem, soms as 'n enkele gesig, wreed en onwetend, soms as 'n gesiglose beeld van 'n sisteem wat mag oor swart mense uitoefen.

Die geskiedenis van die VSA is 'n lang konsekwente verhaal oor die verdrukking van swartes volgens hom. In staatskole behoort swart kinders nie opgevoed te word nie, omdat hulle 'n "ander geskiedenis en kultuur as hulle eie moet leer".

Hy kritiseer sy wit grootouers wat uit die sentrum van Amerika kom waar mense "vol agterdog en die potensiaal vir ongebreidelde wreedheid" lewe. Obama het in Hawaï grootgeword waar rasvermenging algemeen is, maar hy beskou dit nogtans as die plek van gefaalde verdrae en vreeslike siektes wat deur sendelinge aangedra is.

Alhoewel sy gemengde afkoms nooit 'n probleem was in Hawaï nie, kla hy dat hy altyd "aan die witman se spel moes deelneem, onderworpe aan wit reëls". Van sy gunstelingskrywers is radikale swartes soos Richard Wright, W.E.B. DuBois, Ralph Ellison, James Baldwin en Langston Hughes. Obama bly egter heel versot op Malcolm X.

In Kenia, sê hy, het hy vir die eerste keer tuis gevoel. Die ander soortgelyke plek was omstrede pastoor Jeremiah Wright se kerk in Chicago. Obama sê hy is fel gekant teen rasseintegrasie omdat dit 'n "eenrigtingstraat" is waar swartes "in die dominante kultuur opgeneem word, en nie andersom nie".

справка кэк купить Лобановский Харьков