Meer as 80 000 mense is tans dood of word as vermis beskou ná Sjina se ergste aardbewing in dekades, het die regering gister bekendgemaak.
Voorheen het die Sjinese owerheid laat weet dat hy verwag dat die dodetal nie 50000 sou oorskry nie.
Die amptelike syfer is egter nou reeds 51000 met 29000 mense wat vermis word. Nie minder nie as 288 000 mense is in die aardbewing beseer.
Vyf miljoen mense is ook dakloos gelaat en vele boere op die platteland waar huise te erg beskadig is om in te woon, kampeer nou of het hul eie skuilings opgerig.
'n Wydverspreide droogte en skerpstygende voedselpryse het weereens hongersnood na Ethiopië gebring. Die VN noem dit die ergste sedert die groot humanitêre krisis van 2003.
Die VN se wêreldvoedselprogram het beraam dat 2,7 miljoen Ethiopiërs noodvoedselhulp sal moet aanvra as gevolg van laat reëns.
Dit is byna dubbel die getal wat verlede jaar benodig is.
In 1984 is 'n hongersnood vererger deur 'n kommunistiese beleid en een miljoen mense het omgekom as gevolg daarvan.
Die streek, tuiste van die Kisi etniese stam, word ook as die hekserygordel beskryf as gevolg van bendes wat vroue aanval wat van heksery verdink word.
Pogings deur die owerhede om die boendoehowe te bekamp, bly vrugteloos.
Die derde nasionale roudag breek vandag in Sjina aan ter nagedagtenis aan die slagoffers van verlede week se aardbewing. Tot 50 000 mense het na raming die lewe gelaat en 245 000 persone is beseer.
Swartes sal hierdie jaar wittes verbysteek in getalle in Brasilië vir die eerste maal sedert slawerny afgeskaf is, maar die inkomstegaping tussen die twee groepe mag nog 50 neem om te oorbrug volgens 'n studie wat die Brasiliaanse regering onderneem het.'n Studie wat in 2004 deur die Federale Universiteit van Rio de Janeiro onderneem is, het bevind dat die gaping tussen wit en swart in Brasilië groter is as in Suid-Afrika onder apartheid.
Brasilië het onlangs 'n stelsel geskep van kwotas by openbare universiteite om die gapeing te oorbrug. Maar kwotas is ingewikkeld want baie mense ondertrou met verskillende rasse en sekere kritici meen dat ligte bruinmense plekke opneem wat vir swartes gereserveer word.
Die regeringstudie is vrygestel om saam te val met die 120ste herdenking van die afskaffing van slawerny in Brasilië. Die land was in 1888 die laaste in die westelike halfrond om slawerny te beëindig.
Afrikaleiers het die federale regering van Australië geprys vir sy apologie aan inheemse Australiërs. Parlementêre sekretaris vir handelsbetrekkinge, John Murphy, het onlangs gedurende 'n besoek aan Ghana vir 'n VN-ontwikkelingskongres, 14 bilaterale gesprekke met Afrikaleiers gehou.
Murphy sê Afrikaleiers was gretig om die regering geluk te wens met sy apologie.
Hulle het almal geweet van die nuwe linksgesinde regering in Australië en van die apologie wat in die nasionale parlement gedoen is en dit het 'n baie goeie boodskap aan Afrika gestuur, volgens Murphy.
Australië is besorg oor menseregte, gelykheid van die mensheid, versoening en oor die hele wêreld in geheel, het hy voortgegaan. Murphy het gesê dat Afrikaleiers ooglopend 'n hoë dunk het van Australië se nuwe leier, Kevin Rudd.
Amptenare is bekommerd dat die naskokke meer onstabiele geboue kan laat inmekaarsak en lekkende damme kan beskadig.
Syfers van vorige aardbewings wys egter dat oorlewendes na nog byna 14 dae gevind kan word.
Libiese leier Moammar Kaddafi het Europa daarvan beskuldig dat hulle onwettige immigrante uit Afrika verdrink as hulle probeer op Europa per see te bereik.Europa is besig om te probeer om haarself te verdedig en doen alles moontlik om immigrante te keer om voet aan wal te sit, het die LIbiese leier gesê. Hy het nie enige spesifieke Europese land genoem nie.
Hy het gesê dat Europeërs bote, wat immigrante vervoer, laat omslaan in die Meditereense See in vals seereddingsoperasies. Hy het voorts gesê dat 'n oorlog in die Meditereense See teen Afrikane woed.
Kommer oor die veiligheid van kernaanlegte, met China se hoofkernnavorsingslaboratorium wat naby die sentrum van die aardbewing geleë is inbegrepe, is ook gelug.
'n Beraamde 10 000 mense is steeds vesgekeer, maar daar word geglo dat die meeste reeds dood is.
Syfers van vorige aardbewings wys egter dat oorlewendes na nog byna 14 dae gevind kan word.
'n Nieu-Seelandse koerant, die Herald, berig dat miljarde dollar wat vir Afrika deur die rocksterre Bono en Bob Geldof ingesamel is, gebruik is om wapens aan te koop en terreuroorloë te voer.
Dit is die mening van die internasionale terrorismedeskundige, Dr. Loretta Napoleoni. Sy is tans in Nieu-Seeland om haar boek Rogue Economics bekend te stel.
Sy noem die voorbeeld van Ethiopië, wat tussen 1982 en 1985 nie minder nie as R14,4 miljard ontvang het, waaronder 'n groot skenking van Bob Geldof se Live Aid-projek. Die grootste gedeelte van die geld, R12,8 miljard, is op militêre toerusting uitgegee.
