Nuus Archives - Page 344 of 403

‘n Veiligheidswag is aangekeer vir die moord op Est?e van Rensburg

Ná die moord en verkragting van die 19-jarige Estée van Rensburg verlede week is ‘n veiligheidswag in hegtenis geneem.

Volgens ‘n direkteur van die SAPS, Sally de Beer, is die 25-jarige veiligheidswag gister teen 8.15 aangekeer. Hy het Estée vermoor terwyl hy veronderstel was om haar te beskerm.

Volgens Estée se oom, André Botha, het die veiligheidswag haar motor, bankkaart en ‘n televisiestel gevat.

Volgens Karen Meyer, die DA se woordvoerder oor gemeenskapsveiligheid in Pretoria, is die misdaadsituasie in dié stad skrikwekkend.

Die feit dat die verdagte ‘n lid is van ‘n veiligheidsmaatskappy is totaal skokkend, het sy gesê.

free deposit casino uk

Sterftes in Irak neem toe

Nadat president Bush aan die einde van 2007 aangedui het dat hy Amerikaanse troepe sal verminder, het die dodetal in Irak vir Maart dramaties gestyg.

Die totale aantal sterftes vir verlede maand staan op 1 082. Die meeste ongevalle is burgerlikes wat in die suidelike oliehawestad, Basra, omgekom het in gevegte tussen regeringstroepe en die Mehdi-leër van Moktada al-Sadir.

Al-Sadir kla dat huise van sy ondersteuners afgebrand word wat teenstrydig is met ‘n vorige ooreenkoms tussen hom en die regering.

Gevegte het Sondag afgeneem, nadat Al Sadir sy magte van die strate af beveel het. Die aantal Amerikaanse soldate wat omgekom het, het ook vir Maart gestyg van 29 tot 37.

Фільчаков прокурор

Unisa gaan fundamenteel transformeer

Die Universiteit van Suid-Afrika, andersins bekend as Unisa, gaan ‘n anti-rassismebeleid aanvaar waardeur blankes by dié instelling verminder sal word.

Volgens ‘n woordvoerder, Doreen Gough, sal die universiteit ook ontwikkelingsprogramme instel wat opleiding in rassismebewustheid sal bevat.

Die rektor, Barney Pityana, het verlede week verklaar dat die hernuwing van Unisa moet geskied deur middel van ‘n personeelkorps wat ten volle rasverteenwoordigend sal wees.

Tans verteenwoordig swart personeel slegs 42,2 persent van die totaal terwyl swartes 79,6 persent van die bevolking uitmaak. Unisa se transformasieplan gaan die rasse- en geslagsdemografie, asook die institusionele kultuur van die universiteit, fundamenteel verander.

Botswana se nuwe president ingesweer

Botswana, een van Afrika se rykste lande, het ‘n nuwe president.

Ian Khama, 55, seun van ‘n vorige staatshoof, het in sy intreerede gesê dat daar geen radikale verandering in beleid onder sy leierskap sal wees nie.

Khama het voortgegaan om te sê dat hy ‘n demokraat is en nog altyd in demokratiese ideale geglo het.

Khama vervang Festus Mogae, wat die afgelope dekade die diamantryke Suider-Afrikaanse land regeer het.

Die voormalige luitenant-generaal Khama het onder kritiek deurgeloop omdat hy ‘n meer outokratiese bestuurstyl het as die vriendelike Mogae.

Hy het gewaarsku dat sy regering geen buitensporige en teenproduktiewe burokrasie sal duld nie en dat hy eerder verantwoordbaarheid en harde werk sal aanmoedig.

Данильченко Харьков

Suid-Afrika verloor W?reldbekersokker

Suid-Afrika gaan nie meer die wêreldbekersokkertoernooi in 2010 aanbied nie. Mnr. Sep Blatter van FIFA, die organiseerders van die toernooi, het gisteraand ‘n verklaring uitgereik waarin Australië as die nuwe gasheer aangewys word.

Hoewel FIFA voortdurend oor Suid-Afrika se misdaadprobleem bekommerd was, het die land se elektrisiteitsprobleem die deurslag gegee by die neem van die besluit om die toernooi elders aan te bied.

Volgens Blatter was dit ‘n treurige stap om te neem, maar FIFA kon nie die risiko neem om in 2010 donker stadions op die wêreld se televisieskerms te vertoon nie. FIFA het sy spyt teenoor Suid-Afrika uitgespreek en die land genooi om weer aansoek te doen sodra ons elektrisiteits- en misdaadprobleme opgelos is.

куклы пупсы

MDC nou amptelik voor ZANU PF

Die Beweging vir Demokratiese Verandering in Zimbabwe, oftewel MDC, loop steeds voor president Robert Mugabe se ZANU PF met ‘n kwart van die setels na die naweek se verkiesing.

Tot dusver het die MDC amptelik 56 uit die 210 setels ingepalm terwyl ZANU PF ‘n kortkop agter op 53 staan.

Die uitslae word steeds baie stadig aangekondig, wat tot beskuldigings deur die MDC gelei het dat die Zimbabwiese Verkiesingskommissie doelbewus besig is om die uitslae ten gunste van Mugabe te manipuleer.

fortune teller games

W?reld staan voor voedselkrisis

Hoewel droogte, ‘n dalende dollar, ‘n verskuiwing van beleggersfondse na kommoditeite en die gebruik van plase om brandstof te produseer tot voedseltekorte bydra, verteenwoordig bevolkingsgroei en Sjina se rykdom die kommerwekkendste langtermynuitdagings.

Kortom, die wêreld staan voor ‘n voedselkrisis en op sommige plekke het dit reeds begin oorkook. Die Organisasie vir Ekonomiese Ontwikkeling en Samewerking, die OEOS, het sy kommer uitgespreek omdat stygende voedselpryse ‘n verdere terugslag vir die wêreldekonomie is.

‘n Snelgroeiende wêreldbevolking, wat teen 2050 nege miljard gaan haal, vra meer melk en vleis wat meer grond vereis om te produseer.

Die wêreld se koringvoorraad is ook by 30-jaarlaagtepunte as gevolg van ongewone weersomstandighede en graanpryse styg voortdurend, wat dekades van goedkoop voedsel beëindig.

Globale voedselpryse het reeds 35% gestyg in die jaar tot einde Januarie.

спб topcargo отзывы

Zuma het swak karakter, s? Pityana

Barney Pityana, Universiteit van Suid-Afrika (Unisa) se rektor, het die Regsvereniging in Stellenbosch Maandag meegedeel dat Jacob Zuma nie vertroue inboesem nie.

Hy het gesê dat Zuma ‘n swak karakter bly want hy is aangekla vir ernstige misdrywe wat korrupsie en oneerlikheid behels.

Mense in openbare posisies moet die Grondwet eerbiedig en Pityana het uitgewys dat indien dit nie gebeur nie, nasionale eenheid daaronder sal lei.

Hy het bygevoeg dat Zuma se gedrag misdaad gewild maak. As voorbeeld het hy passasiers wat treine aan die brand steek en dat niemand sulke gevalle rapporteer nie, gegee.

Pityana het egter nie ‘n verklaring aangebied vir hoekom treine reeds jare lank, nog voor Zuma se verkiesing tot ANC-president, aan die brand gesteek word sonder dat dit gerapporteer word nie.

no deposit required

Britte beangs sonder selfone

Meer as die helfte van Britte voel angstig as hulle nie selfoonontvangs geniet nie. Hulle voel ewe ontredderd indien hulle hul selfone sou verloor, die battery sou pap word of indien hulle geen lugtyd meer sou hê nie.

Dít, volgens ‘n opname wat gister gepubliseer is.

Ongeveer 58 persent van mans en 48 persent van vroue raak paniekerig as hulle ‘n probleem met hul selfoon ondervind, terwyl nege persent van Britte gespanne raak as hulle hul selfone afskakel,

2163 mense het in Maart aan die meningsopname deelgeneem.

Nuwe choleragevalle in Kenia

Nege-en-dertig mense is die afgelope paar weke in Kenia dood weens cholera en gesondheidswerkers vrees ‘n nuwe uitbraak, het ‘n senior gesondheidsbeampte Sondag gesê.

Amptelike syfers toon dat daar 468 aangemelde gevalle van cholera was waarvan 123 positief getoets het.

Die aantal gevalle het sedertdien afgeneem, maar die owerheid bly op sy hoede omdat reën veroorsaak het dat verskeie putlatrines weggespoel is, wat ‘n nuwe epidemie mag veroorsaak.

Die honderde duisende mense wat deur die onlangse verkiesingsgeweld uit hul huise verdryf is en tans in kampe tuisgaan, kan ook deur cholera besmet word.

Cholera word deur water gedra en veroorsaak ernstige diarree en naarheid wat dodelik kan wees indien dit nie binne 24 uur behandel word nie. Die siekte kan voorkom word deur mens se hande te was voordat jy voedsel hanteer en deur besmette drinkwater te vermy.

кухни украина