Vragmotors sal loop: Spoorweë kan nie verhoogde graaninvoer hanteer

Met die verval in spoorinfrasktuur ná 21 jaar van ANC-bewind, sal Suid-Afrika se voorgenome voedselinvoere per pad vervoer moet word. Die reusehoeveelhede graan wat R15 tot R20 miljard gaan kos, is nodig weens die droogte en “grondhervorming” wat tot ‘n drastiese afname in graanproduksie gelei het. Die land word tans deur die ergste droogte sedert 1992 geteister.

Verlede week het die ANC-SAKP se minister van landbou, bosbou en visserye, Senzeni Zokwana, gesê dat die graan dringend ingevoer moet word aangesien Suid-Afrika se voedsel vir menslike en dierlike verbruik mag opraak. Zimbabwe gaan ook van graan deur Suid-Afrikaanse hawens voorsien word.

Transnet meen dat die land se hawens en spoorweë steeds oor die kapasiteit beskik om die graaninvoere te hanteer. ‘n Span “deskundiges” is glo deur die maatskappy byeengebring om ‘n “geïntegreerde benadering” te verseker. Die hawens wat in staat is om graaninvoere te hanteer, is Durban, Kaapstad, Port Elizabeth en Oos-Londen, met kapasiteit by Richardsbaai wat ook onlangs beskikbaar geraak het.

 

Daar heers onenigheid oor die hoeveelheid graan wat reeds per pad vervoer word, met die res wat per spoor verskuif word. Graan SA, wat 5 500 boere verteenwoordig, meen slegs 75% word per pad vervoer, maar die Standardbankgroep beweer dat die spoorweë so agteruit gegaan het dat ‘n volle 90% per pad vervoer word.

“Dit het meer te make met die gebrek aan instandhouding op spoortrajekte wat die graangemeenskappe bedien as enigiets anders,” sê die hoof van Standardbank se voertuig- en batefinansiering, vir sake- en handelsvoertuie, Toni Fritz.

Om die land se groeiende bevolking te voed, sal daar tussen 5 en 6 miljoen ton mielies ingevoer moet word, ná aanvanklike ramings van 4 miljoen ton.

Private vervoerkontrakteurs gaan waarskynlik goeie sake weens die verhoogde graaninvoere doen. Boere met hul eie vragmotors kan self inspring om daaraan deel te neem, maar indien daar haakplekke by die hawens is, kan hulle nogmaals geld verloor, afgesien van hul swakker opbrengste.

Transnet het blykbaar 2 000 goederetrokke weer in gebruik gestel om sy kapasiteit uit te brei.

 

‘n Ekonoom van Graan SA, Corné Louw, sê dat daar “beslis” ‘n toename in die padvervoer van graan gaan plaasvind. Transnet is egter “vol vertroue” dat die grootste deel van die graan per spoor gehanteer sal word.

Ongeveer 5 miljoen ton mielies sal in die bemarkingsjaar van 1 Mei tot April aanstaande jaar ingevoer word, volgens Graan SA.

Terselfdertyd sal koringinvoere meer as 2 miljoen tydens dieselfde periode bereik. Gewoonlik voer Suid-Afrika slegs 2 miljoen ton mielies en 1,5 miljoen ton koring in.

 

Ander lande wat ook via die Suid-Afrikaanse hawens bedien gaan word, is Zimbabwe, Botswana, Lesotho, Namibië en Swaziland wat 630 000 ton mielies en 270 000 ton koring sal ontvang.

Indien ‘n noodtoestand ontstaan, kan van Transnet se uitvoerkapasiteit ook in invoerkapasiteit omgeskakel word. “Gebeurlikheidsplanne” vir so iets bestaan.

 

10 thoughts on “Vragmotors sal loop: Spoorweë kan nie verhoogde graaninvoer hanteer”

  1. En laat ek raai, die “buurlande” se graan behoeftes sal natuurlik betaal word deur die wit blanke belasting betaler van SA, siende dat die meeste van hulle insluitend die anc se groot vriend , Zim nie 2 cent het om in sy eie agterent in te druk nie.

  2. Dit lyk of daar al lank gewerk word aan planne om die voedsel tekort teen te werk , daar was wel iemand wat geluister het of is dit so beplan om die honger massas te kan beheer?
    Die vragmotors gaan ons reeds krummelende padinfrastruktuur in n baie kort tydjie totaal vernietig. Dink aan al die BEE vragmotors wat nou ontplooi gaan word , dood en slagting soos nooit tevore op die paaie.

  3. Rommelrepubliek al die pad. Alweer ‘n sondebok – die droogte. Ons lewe ons hele geskiedenis al saam met droogtes en het dit nog altyd te bowe gekom. Net nog ‘n ‘n rookskerm om die bestuur of wanbestuur deur ‘n Bantoe regering oor die afgelope twintig jaar te verdoesel, insluitende die katastrofiese beleid van “grondhervorming”. En nou gaan die graan boonop per pad vervoer word omdat die spoorweë ook in hulle peetjie is. Hoe lank gaan daar nog paaie wees? En hoe lank gaan dit wees voordat mnr Toni Fritz van Standard Bank as ‘n “rassis” veroordeel gaan word?

  4. Die klassieke manier om ‘n regering regime tot ‘n val te bring is deur hul geldstelsel te saboteer met vals geld.
    Reagen het dit skitterend met die USSR gedoen – lees gerus.
    En onlangs is daar groot hoeveelheid vals Zimbabwe dollars gekry oppad na Buluwayo – daarna was die geld niks meer werd nie.
    Dit is presies wat nou met die RSA gebeur – maaaar die droogte was verseker nie beplan nie.
    Nou tyd om goud en silwer en platinum en dollars en yen en pond en euro te belê….

    Ag wat – dan het ek nie eers geld oor om kos van te koop nie..

  5. Die spoorweg was een van die eerste staatdepartemente wat
    gevou het met pensioen en al onder die ANC “bestuur”. Een van die noodsaaklike
    dienste wat vandag geweldige impak op oorkoepelende pryse en paaie en brandstof het en nogsteeds besef die ANC regering nie die impak van verlies sonder die spoorwee nie.

  6. Die spoorwee het mos treintrokke by die 100de opgesny en as skroot verkoop. Tussen Middelburg en Steynsburg het hulle vir kilometers gestaan om vernietig te word. Daar was ‘n plek met groot suurstof en asetileentenke waar die trokke dan uitmekaar gesny was. Die skroot was toe uitgevoer.

  7. Ek het so ‘n dekade of meer (die alzheimers pla so ‘n bietjie) gelede ‘n projek gedoen en ons wou hê Spoornet (ek dink dis wat hulle hulself destyds genoem het) moes ‘n klomp vragwaens wat ‘n tydjie terug spesifiek vir ons maatskappy omgeskep is, weer in bedryf stel. Ek dink meer as die helfte van daardie “rolling stock” het blykbaar iewers noord van die Limpopo verdwyn!

Maak 'n opvolg-bydrae