Die Parlementêre portefeuljekomitee vir Polisie sê die Minister van Polisie, Nathi Nhleko, sal binne die volgende twee maande versoek word om verslag te doen oor hoe die aanbevelings van die Marikana-verslag ingestel sal word.
Die Marikana-verslag oor die skietery van Augustus 2012 by Lonmin se Marikana-myn is deur pres. Zuma in ‘n regstreekse uitsending bekend gemaak en beveel onder meer aan dat die geskiktheid van die Polisiekommissaris, Riah Phiyega, en die provinsiale kommissaris in Noordwes ondersoek word.
Die portefeuljekomitee-voorsitter, Francois Beukman, sê die verslag het die belangrikherid van `n geloofwaardige en effektiewe polisie-leierskap beklemtoon.
Volgens Beukman sal die komitee die Farlam-kommissie se Marikana-verslag bestudeer en die aanbevelings wat daarin vervat is, opvolg.
Verskeie opposisiepartye het gereageer na die bekendmaking. Politieke partye het gesê daar moet onmiddellik gehoor gegee word aan die aanbevole ondersoek na die nasionale polisiekommissaris.
Die leier van die DA, Mmusi Maimane sê hy voel bedruk oor die verslag omdat dit alle Suid-Afrikaners te na kom.
Die leier van die EFF, Julius Malema sê hy aanvaar nie dat adjunkpresident Cyril Ramaphosa onskuldig is in die saak nie, en dat die party hom sal vervolg.
Die IVP sê intussen dat hy nog altyd volgehou het dat Phiyega nie gekwalifiseerd was om die pos te vul nie. Die party vra dat Phiyega en al die beamptes wat betrokke was by die ernstige taktiese en oordeelkundige mistastings, geskors word.
Die regsverteenwoordigers van mynwerkers wat beseer en in hegtenis geneem is tydens die skietery drie jaar gelede, sê die vrystelling van die verslag is nie die einde van die saak nie.
Die regsverteenwoordigers, Muzi Msimang en Dali Mpofu sê hulle beplan nou burgerlike eise.
Msimang sê daar moet nog gesoek word na maniere om werklik slagoffers se smart te verlig.
Intussen word daar ook in die verslag aanbeveel dat ondersoek deur die Nasionale Vervolgingsgesag gedoen moet word om te bepaal of enige mense, onder wie die polisie, vir die sterftes by Marikana vervolg kan word.
Laat die oussie stap.
Natuuuuurlik sal djaykop vir die polisie opkom, sonie sal sieraal tjoekkie toe moet gaan, mos sieraal se skuld, die hele petalje… sieraal se myn, sieraaal se “employment agency”
Die slagoffers se pyn kan nie verlig word nie, hulle is nou ancestors
“Die leier van die EFF, Julius Malema sê hy aanvaar nie dat adjunkpresident Cyril Ramaphosa onskuldig is in die saak nie, en dat die party hom sal vervolg” – ongelukkig stem ek ook soms saam met die EFF. Phiyega moet nou weer die pyn vat vir die base se besluite – dit het mos maar so met FW en kie se onderdane ook gegaan.
” … het die belangrikherid van …” moet seker wees ‘belangrikheid’.
Wil net weet–aangesien die “slagoffers” se pyn verlig moet word–wat dan van die slagoffers en hulle families wat voor die groot skiet deur hierdie einste” slagoffers” met pangas doodgekap is ?
Maak nie saak hoe hard hulle probeer om BBBEE em baantjis vir boeties te probeer regverdig en toesmeer nie. “The proof is in the pudding”
Daar was ‘n sterk storie dat die grond oorsaak van die ontevredenheid die feit was dat Sieral se vakbond 60% van die mynwerkers se lone gekry het.
Lonmin het so-iets soos R14000 pm betaal en die werker het slegs R5000 pm gekry.
Sieral het stink super ryk geword in die proses.
Nou word dit verswyg soos ‘n hond se poep.
Is my geheue reg?