Waarskynlik beskou die meeste Afrikaners letterkunde as nie baie belangrik nie. Die politiek of die ekonomie is vir hulle meer bepalend vir ons toekoms. En die soort politieke neerlae wat ons oor die afgelope paar dekades gely het, is verantwoordelik vir die haglike toestand waarin ons ons tans bevind. Nou die dag gesels ek met mnr. Jaap Kelder wat agter die skerms ‘n groot rol gespeel het om die Afrikanerplakkers vanuit die Kroningsparkkampeerplek op Krugersdorp na ‘n kleinhoewe verder wes in die Hekpoortomgewing te verskuif. Ons is terug by die dertigerjare en die armblankeprobleem.
Destyds, amper honderd jaar gelede, is daar egter heelwat deur Jochem van Bruggen, Holmer Johanssen en vele ander rondom die armblankes geskryf, in romans. Dit is deur sogenaamde “fiksie” – ‘n Engelse begrip waarvan ek nie baie hou nie – dat Afrikaners van hul eie armoede en ellende bewus gemaak is. Daardie romans is in ‘n realistiese styl geskryf.
Teen die laat vyftigerjare, min of meer tien jaar ná die NP se bewindsoorname, is daar vanuit verskeie oorde ‘n oproep geloods dat die Afrikaanse letterkunde meer “modern” gemaak moet word. Onder andere het NP van Wyk Louw ‘n boek genaamd Vernuwing in die prosa gepubliseer waarin hy gesê het:
Die algemene kultuurpeil van ‘n moderne volk word grotendeels gemeet aan die prosa wat binne hom geskryf, geniet, gewaardeer, geduld of selfs toegelaat word. (Louw, Versamelde prosa 2, 1986, bl.125)
Lees gerus ook die volgende stukkie deur prof. Jaap Steyn waarin hy in ‘n neutedop iets aangaande die Sestigerbeweging vertel.
Hoewel ek heelwat van die Afrikaanse letterkunde weet, en seker amper nog meer van ‘n verskeidenheid buitelandse letterkundes (Frans, Brits, Amerikaans, Duits, Nederlands, ens.), het ek onlangs tot die besef gekom dat ek feitlik my hele lewe lank die verkeerde boeke deur die verkeerde skrywers gelees het. Nie net dít nie, maar ek het baie lank ‘n wanbegrip van die moderne kuns, argitektuur en letterkunde gekoester.
Hoe het dit gebeur? Wel, ten eerste het ek destyds aan ‘n linkse universiteit in Suid-Afrika, Wits, gestudeer en later aan ‘n nóg linkser universiteit in Frankryk, die sogenaamde Universiteit van Parys nommer 8, Vincennes-Saint-Dénis, wat aanvanklik in die vroeë sewentigerjare as ‘n soort Maoïstiese projek begin is. In dié opsig is ek allermins alleen, want regoor die Westerse wêreld is veral die geesteswetenskappe aan die universiteite sedert die sestigerjare deur linkses en ekstreem-linkses oorgeneem. Daarmee saam natuurlik die hoofstroommedia, Hollywood, beeldende kuns en alles wat daarmee saamhang. Die Sowjetunie is nie dood nie; hy het bloot weswaarts verskuif!
Eers toe die internet begin ontwikkel, het die skille van my oë afgeval en het ek vir die eerste keer insig in die modernisme begin verkry. Tot en met die tweede wêreldoorlog was moderne en vernuwende skrywers, kunstenaars en filmmakers eintlik merendeels regs! Soos by Van Wyk Louw self, vind ‘n mens by hulle ‘n “aristokratiese ideaal”, ‘n sin vir hiërargie, vir skoonheid en grootsheid wat by die massamens afwesig is. Natuurlik was daar kommuniste soos Bertolt Brecht, Pablo Neruda en ‘n horde ander óók, maar in wese het modernisme en nasionalisme hand aan hand gegaan. Dit was nie om dowe neute dat die amptelike literêre doktrine van die kommuniste jare lank “sosiaal-” of “sosialistiese realisme” was nie.
Daar was soveel interessante skrywers en kunstenaars waarvan ‘n mens nooit in die media of aan die universiteite verneem nie, juis omdat hulle nie links was nie. Céline was ‘n Franse nasionalis, en baie anti-Joods en pro-Duits tydens die tweede wêreldoorlog. Nietemin geniet hy wel erkenning as een van die grootste Franse skrywers van die twintigste eeu. Dan is daar nog die Amerikaanse fascistiese digter Ezra Pound wat in die Anglo-Amerikaanse kanon opgeneem is, asook D’Annunzio in Italië of Ernst Jünger in Duitsland. Maar oor die algemeen word daar aan ons voorgehou dat alle kultuur en letterkunde links is! Selfs die vermaarde Franse kritikus waaroor ek ‘n Magisterstudie geskryf het, Roland Barthes, sê in een van sy boeke dat die regtervleuel boeke “vir die plesier” lees, maar dat linkses daarteenoor “kennis, metode, die stryd” vooropstel (Le plaisir du texte, bl. 39).
Feitlik alle hoë kultuur is vandag links, selfs marxisties. Diegene wat iewers nog ‘n sin vir patriotisme of tradisie koester, durf dit nie hardop sê nie, anders word hulle geëkskommunikeer. En tog, en tog… In Parys, wat nog altyd die toonaangewende skrywerstad ter wêreld was, is daar sedert 2000 ‘n groep skrywers en denkers wat die “neoreaksionêre” genoem word en wat in romans en essays openlik krities teenoor die linkse dogmas soos multikulturalisme, witskuld en ‘n kosmopolitiese internasionalisme standpunt inneem.
Binnekort, op 7 Januarie 2015, verskyn daar uit die pen van die mees vertaalde Franse skrywer, Michel Houellebecq, ‘n roman Soumission (Onderwerping) waarin hy ‘n oorname van sy land deur die Moslembroederskap tydens die verkiesing van 2022 voorstel. Dit kom kort op die hakke van Éric Zemmour se opmerking teenoor ‘n Italiaanse joernalis dat dit nie vergesog sou wees om alle Arabiere en dalk swartes uit Frankryk terug na hul lande van herkoms te deporteer nie. Zemmour se essay, Le Suicide français (Die Franse selfmoord) het reeds 250 000 verkoop en hy word as ‘n baie invloedryke politieke en maatskaplike meningsvormer beskou.
Oral in die Westerse wêreld was daar egter skrywers en denkers wat nie noodwendig met die linkse, kultuurmarxistiese revolusie van die sestigerjare saamgegaan het nie. So pas vandag ontdek ek die naam van ‘n Britse lid van die sogenaamde “Angry Young Men” van die vyftigerjare, Bill Hopkins, wie se enigste roman, The divine and the decay, so omstrede was weens die anti-demokratiese, Nietzscheaanse inslag daarvan, dat sy uitgewer alle eksemplare daarvan laat terugtrek en vernietig het. Die konserwatiewe aktivis, Jonathan Bowden, was ‘n groot bewonderaar van Hopkins en het ook die blanke Rhodesiërs en Afrikaners se saak in Londen probeer bevorder. Bowden, wat taamlik vroeg dood is, was blykbaar ‘n uitstekende spreker en vele van sy toesprake en essays is gepubliseer. (Lees ook dié onderhoud met hom.) Onder andere staaf hy my argument as hy in Western civilization bites back sê:
“Since the Second World War, white Europeans have felt guilty about being themselves and have been made to feel guilty and are being encouraged to feel more guilty than they have at any time in their history.”
Uit die bietjie wat ek tot dusver van Bowden te lese had, lyk dit asof sowel hy as sy mentor, Bill Hopkins, verstaan het hoe die Westerse kultuur deur marxisme binnegedring en gerysmier is, iets wat slegs deur ‘n soortgelyke “kultuuroffensief” van Regs geneutraliseer of verminder kan word. Sensuur in die naam van politieke korrektheid is een van die vernaamste wapens in die linkse arsenaal. Daarom sê Jonathan Bowden:
“Political correctness is a methodology and a grammar. It is designed to restrict the prospect of a thought even before the thought is enunciated. Chairman Mao had the idea of ‘magic words’. Magic words. ‘Racism’ is a magic word. Use it, and people fall apart. People begin to disengage even from their own desire to defend themselves… ‘Racism’ is a term developed by Leon Trotsky in the left oppositionist journal in the Soviet Union in 1926 or 1927.”
Politieke korrektheid en ‘n “towerwoord” soos “rassisme” verlam almal, maar veral skrywers en kunstenaars. Van die oomblik dat ‘n skrywer van rassisme beskuldig word, word hy of sy eenvoudig met die banvloek getref. Uitgewers, boekwinkels, resensente, die hele stelsel kom in werking om so ‘n skrywer op die daad te sensureer en na ‘n soort geestelike Siberië te verban. Dis waarom die Franse (en Amerikaanse) neoreaksionêre so ‘n merkwaardige groepering verteenwoordig wat desondanks politieke korrektheid en beskuldigings van “rassisme” onverskrokke volhard het om hul idees te stel vir wie ook al wil lees of luister. Maar al die byna vergete Westerse stemme soos Hopkins en Bowden het almal bygedra tot die oplaaiende simfonie van Europese herlewing, amper iets soos Schiller se “Ode aan die vreugde” wat in die laaste deel van Beethoven se negende simfonie besing word. Dis nodig dat al dié mense herontdek en herlees moet word. Bowden sê elders:
“The West, in my view, is an anti-theocratic and open-minded civilisation, but the idea that because of that we don’t believe in anything is an utter nonsense. We have a fundamentalism of our own, and I think it’s the guilty conscience of most Western intellectuals, particularly liberal-minded people in the arts. An enormous number of Western artists and writers and intellectuals, even through reversal and antagonism, were attracted to fascism in the first 30 to 40 years of the twentieth century, and they were often attracted in an emotional way at a level deeper than reason, because they were attracted to the ur-discourses, the foundational and fundamentalist beliefs, classical and yet Romantic combined, of our own civilisation.”
Wat Bowden hier kwytraak, stem ooreen met ‘n gevoel wat ek reeds lank koester oor die sogenaamde moderne letterkunde en veral prosa in Afrikaans wat deur Van Wyk Louw bepleit is, maar wat op die ou end op ‘n klomp futlose propaganda deur André P. Brink en sy geesgenote uitgeloop het. Enersyds is dit oppervlakkig en ersatz, andersyds is dit volledig verpolitiseer en gedienstig aan die ANC en die Suid-Afrikaanse Kommunisteparty op ‘n manier wat aan die ewe vergeetlike “amptelike letterkunde” van die voormalige Oos-Europa herinnner. Vir André P. Brink is seks tussen die rasse of witskuld die summum van alle kuns en skoonheid. Daarvoor is hy natuurlik deur die Naspersmedia ten hemele as “groot skrywer” aangeprys.
Afrikaans is ‘n pragtige taal met baie lojale sprekers wat byvoorbeeld die Amerikaanse musiekbedryf op ‘n eg nasionalistiese manier ondersteun. Soos Gustav Venter eenkeer teenoor my opgemerk het: “‘n Afrikaner sal omtrent enigiets koop, solank dit in Afrikaans is.” Juis daarom is dit so ‘n tragedie dat ons oor geen lewendige, moderne letterkunde beskik nie. Al wat ons het, is aan die een kant sulke marxistiese skrywers wat te dom is om te besef waarmee hulle besig is en aan die ander kant, gewilde of “genre”-skrywers wat na die Angel-Saksiese model ons met speurverhale en dergelike probeer “vermaak”. Maar selfs die speurverhale is polities korrek! Slegs die semi-ondergrondse internetletterkunde hou tans enige hoop in.
Afrikaners is vandag by uitstek die slagoffers van kultuurmarxisme en politieke korrektheid. Daarom beskik Afrikaanse skrywers en denkers nie net oor ‘n verantwoordelikheid teenoor ons eie mense nie, maar teenoor die hele Europese en Westerse wêreld om daaroor te getuig. Trouens, dit verteenwoordig vir ons ‘n historiese geleentheid om hier vanuit die periferie of die antipode van ons beskawing deel van ‘n belangrike beweging te raak. Waarskynlik is dit die belangrikste sedert die slag van Poitiers in 732, want dit gaan oor die oorlewing van ons beskawing.
Die pseudomodernisme van Links en veral daardie “fundamentalisme van die slegte gewete” waarna Jonathan Bowden hier bo verwys en waarvan meer onlangse Afrikaanse boeke deurtrek is, moet verwerp word ten gunste van ‘n vrolike, eksperimentele en waagmoedige letterkunde wat Afrikanerwaardes en -intelligensie beja. Ons moet ook weer boeke in Afrikaans vanuit Europese tale vertaal, soos dit in die verlede gedoen is. PRAAG het reeds daarvoor voorbrand gemaak met sommige van ons boekpublikasies oor die afgelope tien jaar. Dog veel meer moet nog gedoen word!
Histories het elke herlewing van die Afrikanervolk nog altyd saamgegaan met ‘n herlewing van die Afrikaanse taal en letterkunde. Só was dit in die tweede helfte van die negentiende eeu met die Patriotbeweging, maar ook die opwindende Goue Dekade van die 1890’s in die Transvaal waaroor ons so min weet, behalwe ‘n paar opmerkings deur M.E.R. in haar outobiografie, My beskeie deel, en enkele ander bronne. In die 1930’s het veral die Afrikaanse digkuns ‘n groot opbloei beleef, benewens natuurlik C.M. van den Heever en ander prosaskrywers wat ietwat oudmodies maar nogtans diepsinnig die Afrikanerpsige gesondeer het. Laat vrugte deur Van den Heever en Bart Nel deur Van Melle bly twee van die mooiste boeke in Afrikaans. En watter politieke roman is Bart Nel nie ook nie, met die tema van die rebellie wat so sterk daarin figureer!
Die tragiese omstandighede en kwasi-ondergang wat ons tans beleef, leen hom by uitstek tot letterkunde en skeppende kuns. Het dit nie tyd geword dat ons dit in sy naakte geweld en onreg in Afrikaanse boeke, films, musiek en skilderye uitbeeld nie?
Ons beskik oor alles om so ‘n moderne, neoreaksionêre beweging in Afrikaans van stapel te stuur, want danksy die internet het die groot uitgewers en boekwinkelkettings al minder invloed en raak die rol van individuele skrywers en meningsvormers al hoe belangriker. Ook die sosiale media soos Twitter en Facebook kan aangewend word om idees en boeke te bemark.
“Rassisme”, waar is jou angel?
En het Afrikaans nie, danksy emigrasie, ‘n internasionale taal geword nie? Afrikaner, Eurokaner, Aussiekaner, jy het soveel om oor die wêreld en jou land te sê!
“het ek onlangs tot die besef gekom dat ek feitlik my hele lewe lank die
verkeerde boeke deur die verkeerde skrywers gelees het. Nie net dít nie,
maar ek het baie lank ‘n wanbegrip van die moderne kuns, argitektuur en
letterkunde gekoester.”
Dr. Roodt – jou eerlikheid in dié skrywe laat my selfondersoek doen oor die boeke en skrywers — kuns, argitektuur en letterkunde wat ek ook hoog ag. Dankie.
Iets wat my by uitstek opval en irriteer is die rolprente waarmee ons gebombardeer
word op die TV sedert 1994. Die antitesis vanuit persoonlike ervaring die
afgelope 20 jaar teenoor die onrealistiese uitbeelding van die wit en swart
posisie deur Amerikaanse rolprente vervaardigers.
In die meeste rolprente is die die swartpersoon in n uiters bekwame leiers
posisie en die blankes die ondergeskikte en dom en onkundige.
Hierdie kondisionering mag in ander lande werk – maar verseker nie in die NSA
waar alles wat onverantwoordelik (dink aan al die korrupsie en geld brassery)
onbekwaamheid (dink maar aan die besmetting van riviere en ondergrondese water
en die krag krisis en dwaasheid (dink maar aan die onderwys en universiteit
stelsels) onbeskaafde gedrag deur hoofsaaklik swart mense gepleeg word (dink
maar aan die vuisgeveg in die parlement en Malema se minagtende gedrag ook in
die parlement). Die huidige ANC regering regeer met minagting en magsmisbruik
die bevolking van die NSA en beslis nie met bekwaamheid wat die Amerikaanse
rolprente die menslike psige probeer manipuleer nie.
Die Afrikaners se nasionalistiese droom is gedurende 1960 verwesenlik. Dit het moontlik aanleiding gegee tot die opkoms van die seksbehepte sestigers. Tans verkeer die Afrikaners weereens in ‘n doodloopstraat met net die taal wat so verkrag word wat hul saambind.
Ek is heeltemal in akkoord met die beginsel dat elkeen sy pad behoort te loop sonder enige meulstene om die nek. Veral meulstene soos rasisme, wit skuld, swart haat en geweld. Ons moet ons egter afvra: “Waar kom hierdie meulstene vandaan?” So sal ons gou besef dat ons daardie meulstene self om die nek gehang het. Dit is asof ons onsself nie kan help as om dinge te doen of dade te pleeg wat sulke sware drag tot gevolg het nie
Ons gedrag deur die eeue is nou regtig nie ‘n voorbeeld van liefde, hoop en respek teenoor andere nie en daarom is dit nie verbasend dat die linkse beweging in gedagte, landsbestuur en media ontstaan het nie. Hoewel ek gladnie daarmee saam stem nie en in my opinie is die klem sonder balans en te veel gerig op skuld, maar ek kan heeltemal verstaan dat onverskoonbare gedrag afgekeur moet word.
Die dag wanneer ons andere volke en tradisies kan respekteer, is die dag wanneer al hierdie gewigte van ons sal val en dit onnodig sal wees om selfs ‘n gesprek soos hierdie te voer. Daar sal geen behoefte wees aan web tuistes soos hierdie een waar elkeen naastigtelik soek na oplossings vir verlore tale, kulture of gehunkering na die “good old days when you could do what you like with whom you like or dislike”
Thabo jy het sowaar in die NSA grootgeword en skool gegaan.
Wys vir my een enkele rubriek en/of kommentaar in al die jare van Praag se
bestaan dat een persoon swartvolke se waardigheid aangetas het of n neerhalende
opmerking gemaak het jeens n swart volk. As jy glo die Afrikaners ly aan n
identiteits krisis gaan bietjie na die swartvolke toe en gaan kyk wat daar aangaan
– dit is wat ek identiteits krisis sal noem – trouens so erg dat nie een van vele
Afrika volke hulle taal en tradisies respekteer om dit instand te hou en uit te
bou nie – hulle glo nou hulle is net swart en engels is hulle taal en
hulle grootste gedrewe soeke is om soos die witmense te wees – benewens mense
soos jy wat self nie met die kleur van jou volk te vrede is nie en liewers wil
verbaster.
Wie anders as jou regering hang die skuldlas om die Afrikanervolk se nekke deur teen hulle as volk te diskrimineer en hulle van hulle harde werk te beroof?
Ek is jammer om te hoor hoe swaar jy trek hier in die NSA. Miskien is dit tyd om te emigreer?
Wat gee jou die indruk dat ek swaartrek? 😉
Thabo, wat praat jy van emigreer? Dit is ons land en ons sal dit terug vat ! Met of sonder geweld ! Emigreer, NOOIT.
Riempies. Daar is geen twyfel daaraan dat meeste volke en in besonder ons spulletjie hier in SA aan ‘n identiteits krisus lei nie. Dit is nie maklik om van verskillende kulture en kleure ‘n volk saam te stel nie. Dit is nie net die oproep om deel van die reenboog nasie te wees nie, maar ook verstedeliking, armoede en politieke oeverblindery wat ons almal in hierdie toestand gedompel het. Jy is reg dat onse swart volke net so deurmekaar as ons Afrikaners is. Daarom is dit nog meer belangrik dat ons eerder na mekaar uitreik met respek as om weer die Voorlaaiers en AK47s uit te haal.(Letterlik en figuurlik)
Ja, daar is definitief plek vir kritiek en ek is een van die luidste wanneer ek sien wat gaan in ons parlement aan. Dit maak my woedend maar meer vasberade om nie in te gee aan depressiewe negatiwiteit nie. Ek is ‘n Afrikaner en ‘n kanniedood. Ons is slim, sterk , kyk na ons mense en behandel andere met respek. Hierdie karakter trekke is ons behoud.
Ek glo jou dat Praag nooit enige neerhalende dinge van andere volke ooit kwytgeraak het nie. Dit is egter opvallend dat daar blykbaar hier geen ander standpunte bestaan of verdra word nie.
Jy sit weereens die pot mis as jy dink dat ek skaam is oor wie ek is of verteenwoordig. Ek is ‘n trotse Afrikaner, wit van kleur en kultuur en stel gladnie belang om te “verbaster” soos jy so op mooi Afrikaans stel nie.
Wat die regering aanbetref, maak hulle maar weer soos alle ander wenners in enige situasie. Hulle is baas en sal jou behandel soos wat hulle behandel was toe jy in beheer was. Tit for Tat. Aaklig maar werklik. Om heeldag en aldag te sit en kla gaan definitief nie help nie. Steek liewer hande uit die moue en werk vir ‘n beter toekoms. Probeer dieselfde tyd ook dalk om dinge van alle kante te bestudeer. Jy mag verbaas wees wat jy sal vind
Thabo – Tit for Tat”?
Wat het ons van die swartvolke afgeneem? Nog beter wat het hulle gehad
wat ons kon afneem? Het ons hulle
uitgemoor soos hulle met ons doen? Wat het hulle gebou wat ons kon afbreek soos
hulle met ons land gedoen het? Hoe moet ons werk vir n beter (met
werkresevering net vir swartes) toekoms vir wie? Ek hoor baie graag jou
antwoord.
Wil net noem daar is enkele van jou stellings wat ek mee kan saamleef.
Protocols
1. The Basic Doctrine
2. Economic Wars
3. Methods of Conquest
4. Materialism Replaces Religion
5. Despotism and Modern Progress
6. Take-Over Technique
7. World-Wide Wars
8. Provisional Government
9. Re-education
10. Preparing for Power
11. The Totalitarian State
12. Control of the Press
13. Distractions
14. Assault on Religion
15. Ruthless Suppression
16. Brainwashing
17. Abuse of Authority
18. Arrest of Opponents
19. Rulers and People
20. Financial Programme
21. Loans and Credit
22. Power of Gold
23. Instilling Obedience
24. Qualities of the Ruler
Natuurlik is alles wat jy sê die beste uitkoms – die feit van die saak egter is dat ons dit vir ons onmoontlik is om ons uit te presteer onder sulke onmenslike diskriminerende wette soos wat tans die geval is.
Hoeveel mediese dokters – veeartse regsgeleerdes ingenieurs vir die onderskeie disiplines en al die ander disiplines kon daar al opgelei gewees het, wat onskatbaar waardevol vir die land kon gewees het – as dit nie vir die regering se inmenging in die skole en universiteite en diskriminasie t.o.v. standaarde – beste leerkragte ens. gewees het nie – wat kan ons daaraan doen?
Wie erken nog die NSA se universitêre opleiding so die buiteland as toekoms is ook maar net n droom.
Toe ons uit ons poste geskop is vir mindere opgeleide swart mense het ons entrepeneurs geword en toe weereens het die regering met hulle
diskriminerende wette sommer goedsmoeds weereens ons arbeid en werkskepping gekaap vir swartes.
Dus waarheen kan n mens jou wend as jy werklik n verskil wil maak? Of vir die land of vir die Afrikanervolk?
Waar en hoe – as n wonderwerk gebeur en die ANC regering kom tot regverdige insigte gaan n mens begin hierdie droewigeland en sy nog meer droewige mense herstel?
Indrukke is nie noodwendig bloudrukke nie – dalk is dit Jan Els se plesier gewees om tog ook iets te he om oor te kla oor hy juis so min het om oor te kla. 😉
Daar is ‘n groot sosialie ingenieurings projek aan die gang – ek reken vir meer as 100 jaar al. Rhodes en sy makkers was al deel daarvan – ek reken eintlik al van die Franse Revolusie af. (Dalk al voor die middeleeue toe die kerk mense se doen en late prober beheer het, die Hervorming is een van die groot breuke hiermee) Die media is in die hande van ‘n paar mense – om iets gepubliseer te kry moet jy eers by hierdie hoofmanne/konings verbykom. (Kyk maar na Dr Roodt se stryd met narpers).
Elke keer kom daar nuwe tegnologie wat die mense ‘n sweempie van hoop vir vryheid gee – elke keer word dit dan ook maar weer aangewend tot verdrukking. Die Internet is die volgende voorbeeld hiervan. Appel, Mikrosag en Googel besit/beheer groot dele van die internet (andere soos narpers ook) en daar is nou ernstige sprake van regulering van dit wat mense toegang tot mag verkry op die web. In SA is daar reeds wetgewing ter tafel wat alle inligting onderhewing maak aan die film en publikasie raad se goedkeuring!
Die tyd is min laat ons skryf en ons boodskap daarbuite kry voor dit te laat is.
“Hierdie is ‘n nuwe land met nuwe reels. Ons moet slim wees en binne die reels ons ding doen. Dit gaan nie help on net laer te trek en die buitewereld met sy moonlikhede uitsluit nie.”
Thabo ou maat, lyk my jy moet gaan kers opsteek by Julius Malema oor Afrika se reels. Die enigste reel wat op hierdie vasteland geld is die reel van mag. Slegs ‘n dwaas of iemand wat geen ander keuse het nie sal vrywillig n besigheid in ‘n land opbou waar privaat eindom so min gerespekteer word nie.
Dan ek reken Afrikaans die taal is wat in die geskiedenis die meeste misbruik is vir sy eie Volk se ondergang .
Dink net operasioneel aan Naspers – het nou met hul dekades lange anti- afrikaanse propoganda daarin geslaag om in 130 lande van expats se diaspora gebruik te maak vir uitbreiding van hul IT nywerheid.
Afrikaans is vir dekades misbruik vir disinformasie en leuens. Almal spreek in engels om geloofwaardig te kan wees. Ook hier op PRAAG word vreemde tale soos Hibreus en Frans en Latyn ens vertaal na Ingels en nie na Afrikaans nie
Die Swartes was nooit in Afrikaans gekonfronteer nie maar in Ingels.
Afrikaans is die taal van die onderdrukking teen die afrikanervolk.
My volk is in sy eie taal verraai en vernietig.
Daarom is Ingels ons taal van bevryding want Afrikaans is gelaai met hierdie dodelike kanker van verraad.
Bitter Tragies nê?
Laat ons dan Afrikaans wen soos wat ons dit verloor het met die waarheid en afwesigheid van bedrog. Sodat mense weer Afrikaans gebruik vir sy uitmuntende intelektuele gehalte en etiek en moraliteit van oordentlike skerpsinnige Boere Afrikaners.
Ek stem saam dat ons mekaar moet aanmoedig en opsteek om te sktyf en praat in Afrikaans want ons is te lank geleer om stil te bly wanneer ons eintlik moes lawaai maak in Afrikaans.
Die wese van Afrikaans het nog nooit verander nie, die woorde en spelling wel. Politiek en besigheid het en wou al baie keer Afrikaans kaap vir eie belang, maar die taal oorleef altyd hierdie pogings.
Dit is nie ‘n taal wat wil onderdruk of beter wil wees, soos Engels nie. Dit het ‘n rebelse element, maar respekteer tog gesag. Dit is ‘n verdraagsame taal wat verset kan verwoord sonder om antagonisties te wees.
Dit is steeds die sterkste manifestasie van ons etniese uniekheid. ‘n Doring in die vlees van die Britte wat ons wou assimileer. Hierdie hardegat-streep wat spruit uit ons psige se besef van wat vryheid is, het ons danksy Naspers se hulp, gebring tot eenheid in 1948… maar binne 20 jaar, nes die ANC, het die wiele begin afval.
Iemand mag dalk eendag bieg oor waar presies Naspers se etiek verstrengel geraak het in winsmotiewe op die pad na eie belang en oorlewing. Dit was seker rondom die tyd dat gewetens gesus is met die term sinergie.
Die magtigste media groep het ook die grootste impak op Afrikaans gehad. Hulle het sedert die sinergie era steeds Afrikaans bevorder soos ‘n 100 jaar gelede, maar nie net ter wille van Afrikaans in die eerste plek nie. Skrywers/kunstenaars wat hulle boodskap verkondig het is bevoordeel. Alternatiewe stemme soos die kopdek-brigade is vir ‘n doel gepubliseer, terwyl hulle oposisie uitgewis is. Ek neem aan ons sou veel ryker gewees het was dit nie vir Naspers nie… in meer as een opsig.
Die Britte se destydse pogings om Engels te vestig as die belangrikste taal nie het nie gewerk nie. Naspers se sinergie en tydelike monopolie oor wat gedruk, gelees en gesing mag word in Arikaans is besig om te vou. Die ANC se taalbeleid sal Afrikaans nie kan stilmaak nie, al probeer hulle hoe.
Laat ek weer beduie.
Die basiese kenmerk van kulturele marxsisme wat nou die Westerse beskawing oorweldig na die val van die Berlynese muur is die dialektiese dislektiese en dus diaboliese misbruik van taal. Putin het homself bevry hiervan – let maar op.
Na die Afrikaner se ABO volksmoord het Engelse daarvan getuig. – dit bekend gemaak en aan die wêreld verkondig van die ontsaglike misddaad.
Emily Hobhouse
Pakanham met sy standaard werk van die Anglo Boer War
En ‘n veroordeelde moordenaar Herman Charles Bosman het in die aller mooiste metafore van die Boere in Engels getuig. van ons: universele menslikheid patos en vreugde en pyn en ontsaglike menslike intriges waarmee selfs die vyande van die volk identifiseer het.
Hy word beskou as een van die 5 grootste Engelse letterkundiges en mees invloedryste van die 20ste eeu. saam met Shakespear en Keats en die die King James Bybel!!! Juslaaaaik.en dit gaan aales oor my mense………
Maar waarom word Koos Du Plessis se allermooiste Afrikaans dan nie meer gehoor nie? . Dit gaan mos ook oor my mense? Verseker omdat dit nie polities korrek ge-ag word deur die Mediamafia nie.
Selfs die klippe sal uitroep .in enige taal oor ons klein Christen volkie se oorlewingsstryd in enige taal.
Dit gaan dus nie oor die taal nie maar oor die boodskap.
Die misbruik van taal as wapen deur die Mediamafia het ons volk vernietig.- daar is niks oor om van te praat nie.
Jan: “Afrikaans is ‘n skitzofreniese (skisofreniese) taal van Tsafendas gemaak deur die Baalkultus en Broederbonders.”
(Praag-) Regter, ek hou nou my mond toe… Want ‘n vriendelike woord ontgaan my nou as geheel…!
“Hoe leef jy jou lewe as ‘n tweederangse mens?”
Alle Afrikaners wat in SA bly, is tans tweederangse mense. Ek is ‘n tweedeklasburger. Jy ook. Riempies ook. Ons kinders moet 93% gemiddeld in matriek kry om toegelaat te word om medies te studeer by die Universiteit van Kaapstad, maar swartes hoef slegs 70% te behaal, agv onoorkombare genetiese agterstande in intelligensie. Kaptein Renate Barnard was ‘n tweederangse SAPD-werknemer, te wit om bevorder te word.
“Dit gaan net moonlik wees as ons aktief aan hierdie land se bestuur deelneem en aanpas”
Goed, stuur jou CV na enige staatsdepartement en lig hulle in jy wil graag deelneem aan die land se bestuur. Kyk dan gerus hoe ver kom jy.
Blankes moet ons eie Struggle loods om ons van swart fascisme en swart rassisme te bevry. Ons slagspreuk moet wees: “Geen belasting vir tweedeklasburgers nie.”
Manfred Delport: “Een slagspreuk moet wees: “Geen belasting vir tweedeklasburgers nie.””
Dit is “briljante aksioma”.
Net een regstelling. Baie mense se dat die Weste selfmoord pleeg. Dit is nie korrek nie, want dit is die kulturele Marxiste wat die Weste VAN BINNE AF ondergrawe het. Hierdie mense lyk soos wit mense en hulle verwys na hulself as wit mense wanneer dit hulle pas. Hulle is egter anti-wit.
Baie wit mense val egter vir hierdie propaganda en hulle is die “useful idiots” waarna die Marxiste so smalend verwys.
https://www.youtube.com/watch?v=d4v6CVcHUXY
Enige groep siele wat deur ‘n sogenaamde kulturele marxistiese stelsel bedreig word en die ‘aanslag’ nie suksesvol kan hanteer nie, moet reeds oor heelwat tekortkominge beskik.
Mynsinsiens.
Hi Thabo
Ek sien dat jy nogal hou van veralgemenings … jy sê:
Niemand weet …
Almal weet …
Hoe weet JY dit?
“Niemand weet wat die toekoms inhou vir ons droewige ou volkie nie.” http://praag.co.za/?p=29144
Tog waag jy om ons ‘n ‘droewige ou volkie’ te noem.
“Almal weet wat met hulle gebeur het!”
http://praag.co.za/?p=26278
Ek vra jou weer – vertel asb. wat met hulle (die Fariseërs) gebeur het? … want ek weet REGTIG nie!
Jy sê aan Ane ” laat my baie dink aan die Bybelse Farisseurs. Almal weet wat met hulle gebeur het!”
Ek verpes dit wanneer mense verwys na “volkie”, ons is ‘n volk in eie reg, onnodig om die woord te verklein. Wag ook steeds op dit wat met die Bybelse “Farisseurs” gebeur het.
Kaylee van Yken: “Wag ook steeds op dit wat met die Bybelse “Farisseurs” gebeur het.”
Ek het naslaanwerk daaroor gedoen… Glo dit of nie! Die HELE LOT het by die DA aangesluit! (Ook bekend as die Dom Adders…)
Sit hier met ‘n glimlag, dankie, dit verduidelik baie.