Kategorie: Internasionale nuus

Dit is die beroemde “swart” stad van Amerika, die stad van Oprah Winfrey en Barack Obama, en nou ook moordstad.

Moorde in Chicago het die hoogte ingeskiet met 60 persent in die eerste drie maande van 2012, ‘n voortsetting van ‘n lastige neiging wat laat verlede jaar begin het. Skietbeserings het ook skerp gestyg in die eerste kwartaal, toon misdaadstatistiek van die polisiedepartement.

Die verswakkende toestand kom te midde van pogings om bendemisdaad te bekamp en beamptes en hulpbronne in sommige van die stad se mees gevaarlike buurte te ontplooi.

Chicago se polisie blameer swart straatbendes vir baie van die geweld. Nog ‘n bydraende faktor vir die styging in die moordsyfer is glo die ongewone warm weer die afgelope winter, volgens kriminoloë, maar Chicago se polisiesuperintendent Garry McCarthy het gespot met daardie verduideliking vroeër vanjaar.

“Beter weer, almal is buite […] en daar’s meer geleentheid vir konflik as toe dit koud en winderig was,” sê James Alan Fox, professor in kriminologie, wet en openbare beleid by die noordoostelike Universiteit in Boston.

In 2008, het die stad ‘n soortgelyke ellende ervaar met 500 moorde en koue weer.

Van 1 Januarie tot 1 April vanjaar, is 120 moorde in Chicago aangeteken, ‘n skerp styging van 75 in dieselfde tydperk in 2011 en 2010 volgens departement se statistiek. Skietbeserings beloop byna 490 in die eerste drie maande van 2012, meer as 37% van ‘n jaar vroeër.

Die president van ‘n polisievakbond het die stygende geweld blameer op die departement se versuim om hulle uittredende beamptes te vervang.

“Enige beampte sal jou vertel die Chicago polisiedepartment is onderbeman, behalwe die superintendent,” sê Michael Shields. “Vanjaar se begroting is gebalanseer ten koste van openbare veiligheid.”

лобановский александр игоревич

“Ons het intelligensie en navorsing wat daarop dui dat Amerikaanse universiteite ‘n teiken van buitelandse intelligensie-dienste is,” sê Frank Figliuzzi, van die Federal Bureau of Investigation (FBI) en assistent-direkteur vir teenspioenasie.

Die nuwe verslae van spioenasie op die Verenigde State sluit nie Moslemakademici se aktiwiteite teen Israel in of die bevordering van terreur nie.

Bloomberg News het verskeie universiteite waar daar duidelik spioenasie plaasvind en planne om inligting te steel, ontbloot.

‘n Federale ondersoek het aan die lig gebring dat “buitelanders met tydelike visums 46 persent uitmaak van wetenskap en ingenieurswese se nagraadse studente aan die Georgia Institute of Technology en Michigan State en 41 persent aan die Massachusetts Institute of Technology” volgens die koerant.

Buitelandse intelligensie agentskappe vind universiteite ‘n ideale plek om rekrute te vind, idees te plant en te bevorder, te onderrig en selfs navorsingsdata te steel, en agente te plaas,” volgens ‘n 2011-FBI verslag.

Een voorbeeld wat aangehaal word in die verslag is van ‘n Asiatiese nagraadse student wat gereël het dat navorsers in sy eie land ‘n Amerikaanse universiteit besoek en ongemagtigde foto’s van toerusting vir die doel van die kopiëring van die konstruksie neem.

In ‘n ander geval, het Michigan State University federale amptenare gekontak toe ‘n maatskappy in Dubai ‘n groot som geld wou skenk, en kommer laat ontstaan het dat die bron verbind kan word met Iran en sodoene die skending van sanksies kan beteken. Die universiteit het besluit om die aanbod van $3,7 miljoen van die hand te wys en die voorgraadse program te sluit.

Figliuzzi het gesê die FBI en universiteite werk saam om pogings van buitelandse lande, veral China, om geklassifiseerde inligting te bekom deur middel van akademiese navorsing te fnuik.

“Die plasing van akademici by navorsingsinstansies in die VSA onder die dekmantel van die wettige navorsing bied toegang tot die ontwikkeling van Amerikaanse tegnologie en die beste navorsing,” het die FBI-verslag gesê.

‘n Professor aan die Universiteit van Michigan het aan Bloomberg News gesê dat hy verskeie versoeke van die Chinese wetenskaplike Yu Xiaohong om saam met hom te werk toegestaan ​​het. Maar die vrouewetenskaplike se Beijing-adres is dieselfde as die Akademie “waar instrukteurs opgelei word vir Chinese militêre kadette en beamptes.”

Weens sy ongemak het die professor die versoeke van die Chinese wetenskaplike uiteindelik geweier.

“Dit was vir my duidelik dat die dinge wat sy baie geïnteresseerd in was waarskynlik ‘n militêre satelliet-baantoepassing het,” het hy het aan Bloomberg gesê. “Daarna het ek nie regtig vir haar iets nuuts vertel nie, of enigiets wat nie gepubliseer is nie. Ek was net nie meer so diep betrokke by haar nie.”

Aan die Stanford Universiteit, is meer as die helfte van sy doktorale kandidate in die fisiese wetenskappe en ingenieurs buitelanders.

Een student van Michigan is gevonnis tot vier jaar in die tronk vir die sameswering om nasionale verdedigingsinligting te verskaf aan Chinese intelligensie-agente, in ruil vir meer as $70 000.

Фильчаков прокуратура харьков

AGI berig dat die nuutste CSA-peiling bevind het dat 26 persent van die kiesers tussen die ouderdomme van 18 en 24 ten gunste van Le Pen gaan stem in die Franse presidensiële verkiesing op 22 April.

Dié persentasie is nog meer merkwaardig indien ‘n mens in aanmerking neem dat dit waarskynlik swart en Arabiese jeugdiges uitsluit.

Die peiling sê Sosialistiese kandidaat Francois Hollande is net agter met 25 persent, terwyl die gevestigde president Nicolas Sarkozy 17% kry en die verlinkse kandidaat Jean-Luc Melenchon 16%.

Le Pen het die leierskap van die Front National van haar vader, Jean-Marie Le Pen, in 2011, oorgeneem. Hy het onverwags na die tweede ronde van die 2002 presidensiële verkiesing deurgedring, maar is uiteindelik verslaan deur Jacques Chirac.

Ontleders meen die CSA-resultaat is “geen toeval”, en voeg by dat “geen kandidaat bied ‘n realistiese hoop nie, en skuldverplasing raak meer aantreklik.”

Die geveg vir die presidensiële pos het amptelik Maandag begin, met advertensies ter ondersteuning van die 10 kandidate wat op radio en televisie uitgesaai word, en veldtogplakkate oor die hele land.

Данильченко Харьков

Die Amerikaanse minister van buitelandse sake me. Clinton wil dat Amerikaanse fondse na die Wes-Bank en Gasa gekanaliseer word, ten spyte van ‘n houvas deur buitelandse sake se Republikeinse komiteevoorsitter in die Huis van Verteenwoordigers Ileana Ros-Lehtinen.

Dis ‘n seldsame vertoon van hoe die uitvoerende gesag die sleutelwetmaker wat Kongres se toesighoudende rol moet beskerm, uitdaag.

‘n Amptenaar in buitelandse sake het gesê die brief is Dinsdag afgelewer aan sleutellede van die Kongres om hulle in te lig van Clinton se besluit om voort te gaan met ‘n $147 miljoen-pakket vir die fiskale jaar 2011 ter ekonomiese ondersteuning van die Palestynse volk, ten spyte van Ros-Lehtinen se houvas. Administrasies oor die algemeen betaal nie geld oor as daar besware van die aanvoerders in relevante komitees bestaan nie.

“Die fondse is kritiese ondersteuning aan die Palestynse volk en die leiers wat ekstremisme in hul samelewing bestry en ‘n ​​meer stabiele toekoms bou. Sonder befondsing, loop ons programme die risiko om gekanselleer te word,” het die beampte in ‘n ​​e-pos gesê, omdat hy nie gemagtig is om te praat oor die kwessie nie.

“So ‘n stap sal die vordering wat gemaak is in die afgelope jaar in die bou van die Palestynse instellings en ​​die verbetering van die stabiliteit, sekuriteit en ekonomiese vooruitsigte, wat tot voordeel van Israeli’s sowel Palestyne strek, ondermyn.”

Лобановский

Aanklaers het die vier mans beskryf as Islamitiese militantes wat die Deense samelewing wou skrikmaak met ‘n skietaanval op die koerant Jyllands-Posten, wat die profeet se spotprente in 2005 afgebeeld het.

Indien skuldig bevind word aan die terrorisme klagtes wat die vier manne in die gesig staar, sal hulle sowat 16 jaar in die tronk deurbring, terwyl die aanklaers sê dat hulle sal vra dat die vier uit Denemarke uitgesit word nadat hulle die vonnis voltooi het.

Waarnemers sê die verhoor sal min impak op Denemarke se internasionale betrekkinge hê gegewe dat byna sewe jaar verstryk het sedert die spotprente in ‘n publikasie verskyn het.

topcargo развод

George Zimmerman, 28 is gevange geneem in Sanford, waar die skietery op Februarie 26 plaasgevind het, en wat tot ‘n landwye ontstuimige rassedebat gelei het.

In die aankondiging van die inhegtenisname, het die aanklaer Angela Corey nie gesê hoe sy die botsende weergawes van wat gebeure sal versoen nie.

Sy het gesê sy was nie beïnvloed deur die oproer oor die afgelope ses weke nie.

“Ons het nie vervolg vanweë openbare druk of agv petisies nie. Ons vervolg omdat ons oor die feite van die spesifieke geval beskik sowel as die wette van die staat van Florida gehoorsaam,” het Corey gesê.

Martin se ouers, wat in Washington was toe die aankondiging gemaak is, het hulle verligting uitgespreek oor die besluit om die moordenaar van hul 17-jaar-oue seun te vervolg.

“Die vraag wat ek wil regtig graag aan hom wil vra is, as hy in Trayvon se oë kon kyk en sien hoe onskuldig hy was, sou hy toe die sneller getrek het of sou hy hom net huistoe laat gaan het?” sê sy pa, Tracy Martin.

Baie regskenners het verwag dat die aanklaer die mindere klag van strafbare manslag sal kies, wat gewoonlik 15 jaar agter tralies beteken eerder as moord.

“Ek het strafbare manslag voorspel, so ek is ‘n bietjie verbaas,” sê Michael Seigel, ‘n voormalige federale aanklaer wat nou by die Universiteit van Florida is.

Zimmerman se nuwe prokureur, Mark O’Mara, het gesê Zimmerman sal onskuldig pleit. 

данильченко юрій броніславович компромат

President Joyce Banda het ook Dinsdag aangekondig dat sy die herstel van verhoudings met hierdie arm land se buitelandse skenkers hoog op die agenda plaas, en dat sy die minister van inligting en die hoof van die staatsuitsaaier afgedank het. Banda het, ‘n dag tevore, die polisiehoof, Peter Mukhito, wat anti-regering-betogers onder president Bingu wa Mutharika geteiken het, vervang.

Mutharika, wie se begrafnis op 23 April plaasvind, is beskuldig van die vertrapping van menseregte en die wanbestuur van die ekonomie. Menseregte-aktiviste het Banda se opvolging verwelkom.

Oor die dood van ‘n 25-jarige aktivis Robert Chasowa, het Banda gesê: “Ek is ‘n ma, en ek het myself dae lank verbeel hoe ‘n moeder moes gevoel het oor die dood van haar seun. Mense moet nie… met moord wegkom nie.”

Chasowa is dood aangetref op ‘n sypaadjie by ‘n Blantyre-universiteitskampus. Hy was baie krities teen die Mutharika-administrasie. Mukhito, die polisiehoof, het aan verslaggewers gesê Chasowa het homself doodgemaak, en die polisie het twee selfmoord-notas gevind. Maar familie en vriende het gesê Chasowa het nie selfmoord gepleeg nie en dat die handskrif op die notas nie syne was nie.

Onder druk van die publiek, het die polisie ‘n nadoodse ondersoekverslag vrygestel wat verklaar het Chasowa is dood nadat hy “geval het van ‘n hoë plek.” Maar die polisie se patoloog het geweier om so ‘n verslag te onderskryf, en het gesê Chasowa is op die agterkant van die kop getref deur ‘n stomp voorwerp en daar was geen teken dat hy geval het nie.

Lottie Dzonzi, die nuwe polisiehoof, het Dinsdag gesê Chasowa se dood sal deeglik ondersoek word.

Op ‘n nuuskonferensie Dinsdag, het Banda gesê dat sy besig was met die normalisering van verhoudings met skenkers. Sy het met die Internasionale Monetêre Fonds-beamptes gepraat asook verteenwoodigers van Brittanje en die VSA.

Verlede jaar het Mutharika Brittanje se Hoëkommissaris in Malawi uitgeskop na die gesant in ‘n plaaslike koerant aangehaal is oor kommer dat die president toenemend onverdraagsaam is en menseregte nie geld nie. Brittanje, ‘n voormalige heerser van Malawi, het daarna hulp opgeskort.

Verlede maand, het ‘n Amerikaanse hulpagentskap $350 miljoen se bystand aan Malawi opgeskort.

Mutharika het IMF-advies om die land se geldeenheid te devalueer, geïgnoreer.

topcargo кидалы

Noorweë is tans gewikkel in die grootste hofsaak wat nog ooit in die land plaasgevind het en regsgeskiedenis word ook geskryf, het die aanklaer Svein Holden aan Der Spiegel gesê.

Die kwessie sorg ook reeds vir diep verdelings onder die bevolking.

Die staatspsigiater, Arne Thorvik, het gesê dit is die eerste keer dat ‘n tweede opinie ingewin word. Gewoonlik is een mening genoeg vir die hof. Daar was egter baie kritiek teen die eerste psigiatriese evaluering dat Anders Breivik waansinnig was toe hy Moslemimmigrante afgemaai het.

Breivik sal op 16 April verhoor word ná ‘n aanval in Julie verlede jaar in Noorweë waarin die immigrante geskiet is en ‘n motorbom ontplof het.

Die tweede evaluering is in Janurie deur ‘n hof goedgekeur ná verlede jaar se eerste evaluering van hom as ‘n “paranoïese skisofreen”.

‘n Tweede evaluering deur die nuwe psigiaters Agnar Aspaas en Terje Tørrissen het getoon dat Anders Behring Breivik by sy volle verstand was toe hy die 77 mense se dood veroorsaak het.

Hy kan dus verhoor kan word vir sy misdade. Dié bevindings weerspreek ‘n eerste evaluering in November, wat bevind het dat hy nie toerekeningsvatbaar is nie.

Sy geestesgesondheid sal bepaal of hy na ‘n psigiatriese hospitaal of tronk toe gestuur sal word.

Breivik is tevrede met die nuwe wending wat sy verdediging geneem het. Hy het reeds aangedui dat die ergste ding wat met hom kan gebeur, is om permanent na ‘n psigiatriese inrigting gestuur te word. Dit is wreder as die dood, meen hy.

Sy advokate beplan nou om getuies te roep om die gevaar van die immigranteprobleem te stel.

Breivik se verdediging sal wees om die Arbeidersparty daarvan te beskuldig dat hulle deur die inbring van Moslemimmigrante saamsweer en hoogverraad pleeg want Noorweë word sodoende in ‘n Islamitiese staat omskep.

Die lys van mense wat hy sal roep is bekende ‘n anti-Moslemblogger Fjordmann, die Noorweegse Verdedigingsliga se Ronny Alte, asook senior regse politici van die Vooruitgangparty, en die redakteur van die regse koerant, die Aftenposten, Hilde Haugsgjerd.

лобановский александр интервью

Die Republikeinse kandidaat wat agtergeloop het teen Mitt Romney in die benoemingstryd, Rick Santorum, het die handdoek ingegooi. Hy was die mees konserwatiewe van die mededingers.

Santorum het pas aangekondig dat hy sy veldtog gaan staak. Hy het in ‘n hotelkamer in Gettysburg, Pa., verskyn om die aankondiging te maak.

Romney het reeds genoeg stemme om hom as die kandidaat te kroon teen Obama in November se Amerikaanse presidentsverkiesing. Alhoewel Santorum 11 state gewen het en gelyk het of hy ‘n kans het nadat hy Iowa gewen het, het Romney hom beslissend geklop.

Santorum het in sy verklaring gesê hy moet sy rol as ouer oorweeg. Sy dogter Bella is Paasnaweek in die hospitaal opgeneem. Sy is die jongste van sewe kinders en ly aan ‘n rare genetiese kwaal.

лобановский обыск

Die beroemde Duitse digter en dramaturg Günter Grass is toegang tot Israel verbied nadat hy ‘n gedig in die Süddeutsche Zeitung gepubliseer het waarin hy die land as ‘n gevaar vir wêreldvrede voorhou.

Woordvoerders van die Sosiaal-Demokrate en die Groenparty in Duitsland het Israel se reaksie “oordrewe” genoem en Avi Primor, ‘n gewese Israeliese ambassadeur in Duitsland, het gesê die Israelse regering dra geen kennis van Duitsland nie.

Grass het gesê Israel se kernarsenaal is ‘n gevaar vir Iran. Kritici meen egter dat Israel geen land met kernaanvalle dreig nie, terwyl Iran se leiers reeds herhaaldelik gesê het Israel moet van die wêreldkaart verdwyn.

Die Israeliese minister van binnelandse sake, Eli Yishai, het die naweek gesê Grass se gedig “wakker die vlamme van haat teen Israel en die Israeliese volk aan, en hy bevorder daarmee die idee waarvan hy deel was toe hy die SS-uniform gedra het”. Grass was as jong man ‘n rekruut in die Waffen-SS.

Die verskyning van Kreeftegang in Afrikaans deur die Nobelpryswenner Grass by Praag was ‘n literêre gebeurtenis in Afrikaans en in Suid-Afrika.

Die boek het in Duitsland meer as 500 000 eksemplare verkoop en ‘n hele debat oor die Duitse geskiedenis ontketen. Die tema  – die onderdrukking van geskiedenis en die meespeel daarvan in die hede – het ‘n ewe heftige bespreking onder Afrikaners ontlok as onder Duitsers.

Van die vrae wat die roman oproep is: Is daar iets soos kollektiewe skuld, en kan dit van geslag tot geslag oorgedra word? Kan ouers hul kinders se siening van die geskiedenis bepaal deur ‘n politiek korrekte opvoeding? Is die lyding van Duitsers aan die einde van die Tweede Wêreldoorlog steeds ‘n taboe-onderwerp?

Hierdie soort vrae duik voortdurend op by die lees van die Nobelpryswenner se uitmuntend geskrewe verhaal wat handel oor die keldering van die Wilhelm Gustloff, ‘n passasierskip met ongeveer 9000 vlugtelinge aan boord, op 30 Januarie 1945, deur ‘n Russiese duikboot.

Олександр Васильович Фільчаков