Kategorie: Internasionale nuus

‘n Spesiale vergadering van die Verenigde Nasies se Veiligheidsraad is belê waartydens besluit sal word of vredesoperasies uitgebrei sal word om klimaatsverandering in te reken.

Daar is selfs sprake van die oprigting van ‘n nuwe omgewingsvredesmag wat groen helms ipv die gebruiklike blou VN-helms sal dra en wat sal ingryp in konflikte wat veroorsaak word deur krimpende hulpbronne.

Die sekretaris-generaal van die Verenigde Nasies, Ban Ki-Moon, sal na verwagting die vergadering dié week toespreek.

Maar Duitsland, wat die vergadering aangevra het, het gewaarsku dat dit te vroeg is om te verwag dat die Raad die sprong moet neem om groen vrede te bewaar of selfs klimaatsverandering as een van die sleutelareas van fokus te beskou.

“Dit is te vroeg om ernstig te dink oor die optrede van die Raad op die gebied van klimaatsverandering. Dit is duidelik nie op die agenda nie,” het Duitsland se ambassadeur by die VN, Peter Wittig, volgens die Huffington Post gesê.

“‘n Goeie eerste stap sou wees om die werklikheid van klimaatsverandering en die inherente implikasies vir internasionale vrede en veiligheid te erken,” het hy gesê.

Hy het nie kommentaar gelewer oor talle skeptici se bewerings dat die vrees vir klimaatsverandering minder met werklike weerstoestande te make het as met sekere politieke inisiatiewe nie.

Die Pentagon en ander militêre komplekse is al lank bewus dat klimaatsverandering ‘n “bedreigingsvermenigvuldiger” is met die potensiaal om bestaande konflikte te eskaleer, en nuwe geskille te skep soos wat kos, water, en bewerkbare grond toenemend skaarser word.

Wittig stem saam daarmee, en wys daarop dat VN-vredesmagte al geruime tyd reeds ingryp in gebiede buite tradisionele konflikte.

“Om blou helms met groen oor te verf kan ‘n sterk sein uitstuur dat die VN te doene het met die gevolge van klimaatsverandering – sê maar in kwesbare gebiede – maar verskil dit regtig baie van die take wat die blou helms reeds vandag uitvoer?” 

In ‘n amptelike nota voor die vergadering, het Duitsland gesê die Veiligheidsraad behoort scenario’s vir die hantering van die uitwerking van uiterste temperature en stygende seewater saam te stel. Hoe sou konflikte in daardie dele van Afrika en Asië wat voedseltekorte in die gesig staar, beperk kan word en wat gemaak met kilmaatsvlugtelinge?

Daar is grondliggende verskille in die Veiligheidsraad oor die aangeleentheid en sommige lidlande weier selfs om klimaatsverandering as ‘n veiligheidskwessie te omskryf.

China argumenteer dat die Veiligheidsraad klimaatsverandering moet laat vaar en sulke kwessies liewer aan kenners toevertrou.

“Die Veiligheidsraad moet die Algemene Vergadering se besluit om klimaatsverandering as ‘n bedreiging vir internasionale vrede en veiligheid te beskou, eerbiedig. Dit is ‘n bedreiging so groot soos die verspreiding van kernwapens of globale terrorisme,” het Marcus Stephen, in die New York Times gesê. Stephen is die president van Nauru, een van die Suidsee-eilande wat kan verdwyn indien seewatervlakke styg.

“Tweedens, moet ‘n spesiale verteenwoordiger oor die klimaat en sekuriteit aangestel word. Derdens, ons moet bepaal of die Verenigde Nasies-stelsel in staat is om te reageer op ‘n krisis van hierdie omvang.”

Dit bly ‘n ope vraag.

Dié week se vergadering kom op ‘n tyd van toenemende twyfel oor of die VN toegerus is om klimaatsverandering te hanteer. Verlede maand se klimaatgesprekke in Bonn het min vordering in sleutel-areas getoon.

Intussen het Ban ook sy aandag herfokus van klimaatsverandering na volhoubare ontwikkeling.

возможно ли обмануть полиграфФильчаков Александр Васильевич

Volgens die polisie is Hoare se dood by sy huis in Engeland nie verdag nie en word geen gemene spel vermoed nie, het Brittanje se Press Association-nuusagentskap berig.

Twee gesiene polisiehoofde moes reeds bedank weens die skandaal. Gerugte dat Hoare vermoor is omdat hy Murdoch se media-empaaier in ‘n slegte lig gestel het, doen ook glo die rondte.

Hoare het in ‘n berig aan die New York Times gesê die afluistering van stemboodskappe word wyd gebruik en word selfs deur die News of the World-koerant, onder leiding van die gewese redakteur, Andy Coulson, aangemoedig.

Coulson, wat tot onlangs die kommunikasiehoof van die Britse premier, David Cameron, was, is in hegtenis geneem as deel van die ondersoek na die afluistering van stemboodskappe en bewerings van korrupsie deur die polisie.

для сваркиФильчаков Александр Васильевич

Dié skerp bewoorde verklaring van China se minister van buitelandse sake is uitgereik slegs ure nadat die Tibettaanse geestelike leier en wenner van die Nobel-vredesprys – wat vir ‘n 11 dae lange Boeddhistiese ritueel in Washington was – Obama ontmoet het.

Die Withuis het gesê met Saterdag se ontmoeting het Obama benadruk hoe belangrik dit is om die menseregte van die Tibettane in China te beskerm. Hy het herhaal dat Amerika nie Tibettaanse onafhanklikheid voorstaan nie.

China het vooraf ‘n beroep op Amerika gedoen om nie met die ontmoeting eergister voort te gaan nie. Ná die ontmoeting van 45 minute in die Withuis het China gesê die ministerie van buitelandse sake en die Chinese ambassade het by Amerikaanse verteenwoordigers in Beijing en Washington beswaar aangeteken.

“Hierdie optrede is ernstige inmenging in China se binnelandse sake, maak die gevoelens van die Chinese volk seer en skaad Chinees-Amerikaanse betrekkinge,” het mnr. Ma Zhaoxu, woordvoerder van China se ministerie van buitelandse sake, in ‘n verklaring gesê. China beskou die Dalai Lama as ‘n separatis wat daarop uit is om dié land se heerskappy oor Tibet te beëindig. Die Nobelpryswenner sê hy soek slegs groter outonomie vir Tibet.

Die ontmoeting met Obama kom minder as tien dae voor ‘n besoek van die Amerikaanse minister van buitelandse sake, me. Hillary Rodham Clinton, aan die stad Shenzhen in die suide van China, waar sy raadslid Dai Bingguo, Beijing se top-amptenaar belas met buitelandse beleid, sal ontmoet.

“Dit is op die oomblik moeilik om te sê of dié vergadering hierdeur geraak gaan word,” het Jin Canrong, ‘n kundige op die gebied van internasionale sake by die Renmin-universiteit, gesê. “Maar dié ontmoeting is taamlik belangrik, en of dit plaasvind of gekanselleer word, sal ons ‘n aanduiding gee van wat die verdere impak sal wees.

“Adj.pres. Joseph Biden gaan China ook vanjaar besoek, gevolg deur ‘n besoek van sy Chinese eweknie, Xi Jinping, aan Wa­shington.

масло для поршневых компрессоровФильчаков

“Ek het vanmiddag die minister van binnelandse sake en die burgemeester ingelig van my voorneme om te bedank as kommissaris van die Metropolitaanse Polisiediens,” het Stephenson in ‘n verklaring gesê.

Die Britse polisie het onder skoot gekom vir hul hantering van die stygende krisis en Stephenson self het Sondag aantygings oor sy bande met Murdoch moes trotseer.

Stephenson word in verslae met Neil Wallis, voormalige adjunkredadekteur van News of the World verbind. Luidens die verslae het die polisiehoof vroeër vanjaar ‘n aanbod aanvaar om vir vyf weke by ‘n luukse spa, waar Wallis as ‘n openbare betrekkinge-konsultant gewerk het, te bly.

Die polisiemag moet reeds bontstaan vir vrae oor waarom Wallis as ‘n raadgewer aangestel is, twee maande nadat hy by dié poniekoerant bedank het. Wallis is verlede week in hegtenis geneem.

“Ek het hierdie besluit geneem as gevolg van die hardnekkige gerugte en aantygings oor die Met se bande met News International op ‘n senior vlak en veral met mnr. Neil Wallis, wat, soos julle weet, verlede week tydens Operasie Weeting in hegtenis geneem is,” het hy gesê.

Hy het egter daarop aangedring dat hy niks onbetaamliks gedoen het nie.

“Laat ek dit duidelik stel: ek en die mense wat my ken, weet dat my integriteit heeltemal ongeskonde is,” het Stephenson bygevoeg.

“Ek mag dalk wens dat ons sekere dinge anders hanteer het, maar ek sal nie slaap verloor oor my persoonlike integriteit nie.”

куклы барбіЛобановский

Lambert Mende het gesê Radiodiffusion Lisanga Television hits geweld aan.

Die stasie word deur Roger Lumbala besit. Hy is ‘n opposisieleier en voormalige rebel wie se party teen Joseph Kabila, die huidige president, in hierdie jaar se presidensiële verkiesing te staan sal kom.

‘n Woordvoerder vir Lumbala se party het gesê die sluiting van die stasie is ‘n skending van die grondwet.

Die DRK het sowat 50 televisiekanale, honderde radiostasies en byna 200 koerante. Die land gaan later vanjaar ‘n nasionale verkiesing hou.

online slots freeпрокурор Фильчаков

Dié inentingsprogram is in Abbottabad uitgevoer om DNS-inligting te versamel tydens die soektog na Osama bin Laden.

Gesondheidsorganisasies was reeds besorg oor die geloofwaardigheid van gesondheidsdienste weens ‘n toenemende polio-probleem in Pakistan.

Pakistan is die enigste land waar daar verlede jaar ‘n toename in die voorkoms van polio was en is nou die land met die meeste polio-gevalle ter wêreld.

Inentingsprogramme word reeds bemoeilik omdat gevegte met Islamitiese militante dikwels toegang tot gesondheidsorg belemmer.

Sekere Taliban-leiers meen dat inentings teen die moslemgeloof is.

Die CIA het in Maart ‘n Pakistanse dokter aangestel om ‘n Hepatitis B-inentingsprogram in die noordwestelike Abbottabad uit te voer.

Die doel van die inentingsprogram was egter om DNS van Bin Laden se kinders te kry om vas te stel of die Al-Kaïda leier in dié dorp was.

Michael O’Brien, ‘n woordvoerder vir die Rooikruis in Pakistan, het gesê hy is besorg dat die program ander noodsaaklike inentingsprogramme in Pakistan gaan bemoeilik.

“Enigiets wat die onpartydigheid van mediese dienste in gedrang bring, ondermyn die werk van mediese personeel oor die wêreld heen,” het hy gesê.

справка у 86Лобановский

Die simboliek van ‘n swartman wat aan ‘n boom opgehang is, is in die Amerikaanse deelstaat Mississippi so gelade dat die owerheid dié selfmoordgeval weer gaan ondersoek. Nuwe inligting is glo onder die aandag van Mississippi se mediese ondersoeker gebring en die man se familie vra ook vrae rondom sy geval.

Volgens Black America Web, is Frederick Jermaine Carter verlede Desember naby Greenwood, Mississippi, gevind waar hy aan ‘n boom gehang het. Carter het blykbaar ‘n geskiedenis van geestesversteurdheid en selfmoordpogings gehad. Die plaaslike polisie en distriksgeneesheer het saamgestem dat hy homself opgehang het. Dr. Adel Shaker, die staat se hoofmediesebeampte, sê dat Carter aan die tou gesterf het, maar het dit nie selfmoord genoem nie omdat die doodsoorsaak deur die distriksgeneesheer bepaal word.

Die Carter-gesin se prokureur het vrae gestel rondom Shaker se geloofwaardigheid, soos wat inligting onlangs na vore gekom het dat hy in 1998 die omstandighede rondom ‘n Britse vrou se dood in Kenia vervals het. Shaker se verslag het gelui dat haar dood deur wilde diere veroorsaak is terwyl sy vermoor is. Skaker blameer die verslag op sy vorige baas in Kenia en beweer dattopamptenare ook by die moordverdoeseling betrokke was.

Die departement van openbare veiligheid in Mississippi het Maandag met ‘n ondersoek begin, kort nadat bewerings teen Shaker aan die lig gekom het, maar sê dat hulle slegs die Carter-geval ondersoek.

Shaker, wat insgelyks swart is, sê dat die familie gewoon van hom ‘n sondebok wil maak om vir Carter se dood te vergoed.

Die familie wil die hele lykskouingsdossier hê, wat nie vir openbare insae sonder ‘n hofbevel beskikbaar is nie. Hulle beplan om die inligting aan ‘n onafhanklike lykskouer te oorhandig om sodoende die waarheid rodnom Carter se dood vas te stel.

Bron: The Atlanta Post, via Raceandethnicity.tk

велосипед детский купить киевАлександр Фильчаков прокурор

Die ministers van gesondheid van Brasilië, Rusland, Indié, China en Suid-Afrika het gesê in die proses sal hulle saamwerk met die VN die Wêreld-gesondheidsorganisasie (WGO) en UNAids.

Die vyf lande het sowat 40% van die wêreld se bevolking.

Die ministers het in Beijing vergader.

Hulle het versoek dat lidlande van WGO – veral ontwikkelde lande – beter befondsing moet verskaf.

ландшафтное светодиодное освещениеtopcargo кидалы

Rupert Murdoch, grootbaas van News International, wat midde in die mediaskandaal staan wat Brittanje teister, was nie onmiddellik beskikbaar vir kommentaar nadat die voormalige Britse premier Gordon Brown nóg twee Britse publikasies vir ‘n nasionale ondersoek uitgewys het nie.

Dié nuutste aantygings van onetiese gedrag kom ná die sluiting van News Of The World die afgelope naweek.

CNN berig dat die metodes wat dié twee publikasies gebruik het, volgens Brown ook uiters verdag was.

Brown beweer die Sunday Times en The Sun het inligting omtrent sy finansiële sake probeer bekom en sy telefoon probeer afluister.

Besonderhede van Brown se seun wat ernstig siek was, is glo deur The Sun gelek. Die Sunday Times het volgens Brown op ‘n slinkse wyse daarin geslaag om finansiële besonderhede van hom in die hande te kry.

лестницы схемыФильчаков прокуратура харьков

Die noorde van Soedan het voorheen geen bande met Israel, ‘n hoofsaaklik Joodse land, gehad nie.

“Ek kondig hiermee aan dat Israel Suid-Soedan as ‘n land erken,” het Benjamin Netanyahu, die premier, aan sy kabinet gesê.

“Ons wens die land alle sukses toe. Dit is ‘n vreedsame land en ons sal graag met hulle saamwerk om hulle ontwikkeling en welvaart te verseker.”

In Suid-Soedan volg inwoners tradisionele animistiese Afrika-gelowe in teenstelling met die noorde wat ‘n Moslemland is.

барбі дом мечтылобановский политик