Internasionale nuus Archives - Page 394 of 464

W?reld moet aanhou om Afrika te voed, s? Annan

Kofi Annan, voormalige VN sekretaris generaal het vandag gesê dat die globale ekonomiese krisis nie ‘n verskoning mag wees om nie die wêreld se honger mense te voed nie.

Hy het gesê dat die wêreld sy doel om die hongeres te voed en armoede hok te slaan nie kan laat vaar nie en dat dit kritiek is vir Afrika. Hy het vandag in Dublin gepraat by ‘n konferensie wat ten doel het om die wêreld se oog te vestig op hongersnood en beter maniere om dit te voorkom.

Die finansiële krisis mag nie ‘n verskoning wees om niks te doen nie, het hy gesê, en ook bygevoeg dat ‘n miljard mense honger ly.

“Terwyl ons hier vergader gaan 10 000 kinders sterf van wanvoeding. En in Afrika alleen is daar 300 miljoen mense wat nog ‘n dag stry teen honger,” het hy gesê.

Hy het gesê dat die wêreld by ‘n kritieke punt is. Die globale voedselkrisis het die globale gemeenskap bewus gemaak van die behoefte aan landbou-ontwikkeling om hongersnood ten einde te bring en groei in Afrika te bevorder.

Volgens Annan verkeer die beloftes wat vir die doel van Afrikahulp gemaak is op onstabiele grond en die finansiële krisis dreig verder om die politieke wil om die beloftes na te kom te ondermyn.

Hy het gepraat oor die geskarrel om geld te leen om lande se ekonomieë te red, deur die beskikbaarstelling van miljarde dollar, terwyl die ontwikkelende wêreld met hongersnood sit.

Volgens hom is die wêreldekonomie in ‘n siklus van op- en af-fases, terwyl daar nie sprake is van ‘n verligting van Afrika se honger nie. Volgens Annan is die patroon van honger op ‘n immer stygende vlak, wat onaanvaarbaar is en gestop moet word.

Александр Фильчаков

Obama bly koelkop onder aanvalle van McCain

John McCain

14:27:36 Senator John McCain het op Woensdagaand ‘n wonderwerk nodig gehad in sy finale debat met Barack Obama, een wat die agterstand wat hy tans in die stemme het kan uitwis en sy veldtog weer nuwe lewe kan gee.

Wat wel gebeur het is nie die wonderwerk nie, maar die verskynsel dat hy sy teenstaander aangeval het, soos wat die publiek gehoor het.

McCain se aanvalle was baiekeer direk, en soms ook in sarkasme verskans, maar nie eenkeer het hy dit reggekry om Obama van stryk te bring nie. Obama het deurgaans koelkop gebly en kalm antwoorde gegee.

McCain se aanvalle het gewissel van Obama wat belasting op Jou die loodgieter gaan verhoog tot by die feit dat hy (Obama) nie genoeg reis nie. Dit komende van ‘n man wie se kandidaat vir visepresidentskap eers verlede jaar haar eerste paspoort gekry het.

Maar McCain was ook baie op die verdediging uit in die debat, ingesluit hierby was die mense wat die saamtrekke van hom en Sarah Palin bygewoon het, wat minder mooi goed geskree het toe Obama se naam genoem is.

McCain het dit gestel dat hy trots is op die mense wat na hulle saamtrekke toe kom, en dat hulle patriotiese burgers van die land is.

Obama se reaksie was deurgaans kalm.

Hy het gereageer deur te sê dat hy nie omgee om vir die volgende drie weke aangeval te word nie, maar dat die Amerikaners nie kan bekostig om met nog vier jaar van foutiewe finansiële beleid kan saamleef nie. In sy spreekbeurte het hy nie eenkeer van sy plan afgewyk nie.

Die grootste impak wat Obama gemaak het in die drie presidensiële debatte was nie dit wat hy gesê of nie gesê het nie, maar die beeld wat hy uitgedra het. Obama het nie ingepas in die beeld wat McCain hom in wou plaas nie.

“Wanneer mense sê dat ek met terroriste vriende is, praat ons nie van geldige punte nie”, het Obama gesê.

Die grootste beeld wat McCain uitgedra het was ‘n sigbaarheid. In die eerste debat het hy geweier om na Obama te kyk. In die tweede debat het hy Baie op die verhoog rondgeloop en is die laaste een het hy baie geskryf terwyl Obama gepraat het, en andersins ‘n smalende reaksie getoon op wat Obama gesê het.

Bob Schieffer, die moderator van CBS, het gereeld uitdagende vrae gevra wat nie altyd verdienstelike antwoorde gekry het nie.

Op ‘n vraag aan albei manne oor hoekom die land beter daaraan toe sal wees as hulle vennote die land sal lei, het Obama gesê dat Joe Biden dieselfde kernwaardes as hy deel. McCain het weer gesê Sarah Palin ‘n hervormer is wat die party verenig.

McCain het gereeld terruggeval op die republikeinse kernpunte, en ook gereeld vir Obama beskuldig dat hy welvaart vir versprei, wat natuurlik sal goed klink vir mense wat nie ryk is nie.

Die een onderwerp watMcCain nie geopper het nie is die van eerwaarde Jeremiah Wright. Klaarblyklik die een lyn wat hy nie gewillig is om oor te trap nie.

Dit wil voorkom of McCain steeds nodig het dat Obama ‘n groot flater maak, wat hom (Obama) na die meer riskante keuse van die twee sal laat lyk. Ongelukkig vir McCain het Obama nie dié fout Woensdag gemaak nie.

Obama het gesê dat die grootste risiko wat nou geneem kan word is om dieselfde beleidsrigtings wat in die laaste agt jaar as foutief bewys is vol te hou.

Hoewel die stryd nog nie oor is nie, sal dit nie wys wees om McCain nou al af te skryf nie, aangesien daar nog drie weke oor is, en in politiek kan baie gebeur in so kort tyd.

Данильченко

Amerikaanse missielaanval in Pakistan

'n Amerikaanse afstandbeheerde spioenasievliegtuig het Donderdag twee missiele in Pakistan afgevuur. Die gebied wat aan Afghanistan grens word deur stamme bewoon en is vermoedelik 'n Al Kaida-vesting sê veiligheidsamptenare.

Twee missiele is afgevuur, wat 'n huis heeltemal vernietig het.. 'n Veligheidsbeampte het aan vertroulik APF gesê dat daar geen besonderhede van ongevalle beskikbaar is nie. Die aanval het in Suid-Waziristan plaasgevind.

Die vorige Amerikaanse hakkejag in Pakistan het verontwaardiging van politici oor die hele spektrum ontlok.

70 dood in lugaanval op Taliban

16:44:31 ‘n Afghaanse regeringsbeampte het Woensdag gesê dat internasionale vegvliegtuie ‘n vergaderpunt van Talibanvegters en ander militante lede op die suidelike grens met Pakistan aangeval het, met soveel as 70 mense wat in die bomaanval gesterf het.

Die internasionale sekerheidshulpmagte kon nie bevestig dat hulle vliegtuie in die aanval betrokke was nie terwyl die Amerikaans geleide koalisiemagte bevestig het dat hulle nie betrokke was nie.

Die buitelandse magte het die Taliban-byeenkoms in Baram Chad aangeval en tot 70 vegters, meestal buitelanders, is in die aanval dood, het Daud Ahmadi, regeringswoordvoerder vir die Helmandprovinsie gesê.

иг ры для детей топкарго отзывы

Shell moet grond aan mense oorhandig, s? Nigeriese hof

14:15:19 ‘n Nigeriese hof het Shell beveel om grond rondom sy groot Bonny-olie-terminaal aan die plaaslike bevolking te oorhandig.

Dit was deel van ‘n sleutelverwagting van rebelle in die reeds plofbare omgewing, het die Anglo-Nederlandse groep Woensdag gesê.

free games.co.uk

Amerikaanse ekonomie reeds in ongevalle, s? voormalige reserwebankbaas

Die Amerikaanse finansiële stelsel is reeds in die ongevalle-afdeling en sal na die intensiewesorgeenheid verplaas word, het Paul Volcker, die voormalige voorsitter van die Amerikaanse reserwebank, vandag in Singapoer gesê.

Volcker het in 'n lesing gepraat en gesê gaan dit 'n wyle in die intensiewesorg verkeer voordat dit beter word. Die prentjie wat hy van die huidige ekonomiese toestande skilder, is baie donker.

Die krisis wat in Amerika begin het, het 'n globale probleem geword wat globale oplossings vereis.

Hy sê dit wil voorkom asof die VSA in 'n resessie is, en het vrese uitgespreek dat Europa in dieselfde toestand verkeer, maar hy het hoop dat maatreëls deur die regerings van regoor die wêreld die toestand van korte duur sal maak.

Hy voel dat die hulpmaatreëls "onsmaaklik" is, omdat dit nie strook met kapitalisme nie, maar het bygevoeg dat dit noodsaaklik was in die huidige omstandighede.

Volcker het gepraat voor akademici by die Lee Kuan Yew-skool vir openbare beleid.

Europese regerings het dié week reddingspakkette bekendgemaak ten bedrae van meet as een triljoen dollar vir instansies wat in finansiële moeilikheid is.

President George W. Bush van Amerika het vandag nuwe stappe aangekondig om die globale finansiële krisis te aan te spreek, insluitende die gebruik van 'n deel van die 700-miljarddollarhulppakket om aandele in banke te koop.

Volcker, wat voorsitter van die reserwebank was van 1979 tot 1987, sê dat verskeie ander groot krisisse oor die laaste 25 jaar al plaasgevind het, en hulle is altyd oorkom sonder te veel skade aan die ekonomie, maar dié keer is dit anders.

Volcker glo dat die ekonomie nie dié keer sonder groot skade anderkant gaan uitkom nie.

Volgens hom vertoon die krisis 'n paar groot, nie-volhoubare neigings in die wêreldekonomie, veral dié van Amerika.

Amerika het meer bestee as wat sy geproduseer het, en het nou gevolglik 'n groot lopende-ekeningtekort teenoor die wêreld, veral Asië.

Volckers is nou die voorsitter van die raad van trustees van die Groep van Dertig, 'n nie-winsgewende organisasie wat poog om internasionale ekonomiese sake meer verstaanbaar te maak.

free bet sites no deposit

Was Milan Kundera ‘n Rooi spioen?

Tsjeggese skrywer, Milan Kundera, mag sy status as een van Oos-Europa se beste skrywers kwyt wees. Volgens die staatsbefondste Instituut vir die Studie van Totalitêre Regimes, 'n Tsjeggiese navorsingsinstituut, het Kunders op die ouderdom van 21 'n student gaan verkla daarvan dat hy 'n spioen sou wees.

Kundera, bekend vir sy boeke wat in Engels vertaal is as "The Unbearable Lightness of Being" en "The Joke," het Miroslav Dvoracek by die polisie gaan aanmeld waarna Dvoracek tot 22 jaar gevangnisstraf gevonnis is. Hy was trouens gelukkig om die doodstraf vry te spring. Dvoracek het 14 jaar van sy lewe in 'n uraanmyn gewerk swaar arbeid verrig.

Dvoracek is blykbaar in 1948 in Duitsland gerekruteer deur die VSA om op die Tsjeggiese regering te spioeneer. Die aanklag teen Kundera kan sy morele onwrikbaarheid as segsman van hoe totalitêre regerings 'n daaglikse bestaan kan beïnvloed ten nadele strek.

Kundera het die aantygings ten sterkste in 'n verklaring wat deur sy Franse uitgewer Gallimard uitgereik is, ontken. Hy het in 'n televisieonderhoud in Tsjeggië, een van die min wat hy toestaan, gesê dit is 'n "sluipmoord op 'n outeur".

Kundera, wat in Frankryk woon en in Frans skryf – sy onlangse boeke is nie in Tsjeggies vertaal nie – is bekend in Tsjeggië maar nie geliefd nie. Hy was eers 'n lid van die Kommunistiese Party, maar in 1968, met die inval in Praag, is hy afgedank as onderwyser.

Alhoewel Kundera ontken dat hy as 'n geheime agent gewerk het, is die Instituut in besit van 'n inskrywing wat om 4 nm, 14 Maart 1950, by 'n polisiestasie ingedien is deur hom. Daarin vertel hy dat 'n sekere Iva Militka 'n briewetas aan 'n medestudent gegee het om veilig te bewaar. Die polisie het Militka gaan inwag en vasgestel dat die student onder 'n vals identiteit ingeskryf is en hom in hegtenis geneem.

In die tas was twee hoede, twee pare handskoene, twee pare sonbrille en 'n buisie room. 'n Navorser, Adam Hradilek, het hierdie jaar per ongeluk op die inskrywing afgekom. Die Instituut is in Februarie geopen.

Rusland vuur drie toetsmissiele af

Russiese president Dmitry Medvedev het Sondag die lansering van 'n ballistiese missiel gadegeslaan te Plesetsk in die noordweste van die land. Rusland het drie langafstand missiele op dieselfde dag getoets en na afloop van die "Stabiliteit 2008"-oefening aangekondig dat hulle kernafweerstelsel in orde is.

Twee van die drie missiele is van kernduikbote afgevuur. Dit was die tweede Russiese interkontinentale ballsitiese missieltoets die afgelope paar dae en die jongste in die hoëprofiel militêre oefeninge wat land-, lug- en seemagte insluit sowel as strategiese kerneenhede.

Medvedev het aan die nuusagentskap RIA Novosti gesê Rusland se verdediging is in orde en hulle sal ook nuwe soorte magte en middele ontplooi. Kenners meen dat die oefeninge op voorbereiding vir 'n groot konflik dui omdat al die verskillende magte saam deelneem. Dit sluit konflik met 'n land soos die VSA in.

Igor Dygalo van die Russiese vloot het bevestig dat missieltoetse vanaf duikbote in die See van Okhotsk noord van Japan en die Barents See noordoos van Noorweë onderneem is. Die missiele het hulle teikens presies getref, het hy gesê.

Russe behou energievoordeel in Baltiese staat

‘n Referendum wat gehou is in Litoue om oor die toekoms van dié Baltiese land se enigste kernkragaanleg te besluit, het nie die nodige hoeveelheid stemme gekry nie, het beamptes Maandag bekend gemaak.

Litoue het ooreengekom om die kragsentrale in 2009 te sluit as deel van die ooreenkoms om in 2004 by die Europese Unie aan te sluit. ‘n Plaasvervangende kragstasie, wat gesamentlik met Estland, Letland en Pole gebou moet word, sal nie reg wees voor 2015 nie.

Politici vrees dat ‘n sesjaarenergiegaping Litoue se afhanklikheid van Rusland gaan vergroot en die ekonomie kan skaad. Die Ignalinakernkragsentrale verskaf tans sowat 70% van Letoue se elektrisiteit.

Die referendum was beoog om die publiek se ondersteuning van die sluiting te monster, met die verdere doel om die Europese Unie onder druk te plaas sodat Ignalina behou kan word.

Kiesers moes op die stembrief aandui “Stem julle saam dat die Ignalinakragstasie gebruik moet word totdat ‘n nuwe een gebou kan word?”

Die kiesers het met sowat 9 teen 1 “ja” geantwoord, maar die referendum het nie die 50% kiesers getrek om die uitslag te wettig nie, en op 47.80 % was die stempersentasie net-net te min gewees, volgens data wat deur die Litouse verkiesingskommissie bekend gemaak is.

Itali? debatteer rassisme

Abdoel William Guibre, met die bynaam Abba en gebore in Burkina Faso, wat onlangs deur twee Italianers doodgeslaan is, is nie die eerste slagoffer van geweld teen swartes in Italië nie. Die afgelope paar weke het 'n man uit Ghana en 'n vrou uit Somalië in onderskeidelik Parma en Rome aangerand terwyl ses swart Afrikane in Napels deur die Mafia doodgeskiet is.

Die voorvalle is hoog aangemeld en die Katolieke kerk het 'n beroep op die staat en kerk om saam te werk om "rassisme te oorkom". Verlede week het die parlement gedebatteer oor wat die koerante die "rassismenoodtoestand" noem. Minister van Binnelandse Sake, Roberto Maroni, sê egter dit is enkele gevalle wat oordryf word. Maroni is 'n lid van die regse, separatistiese Noordelike Liga.

Die eerste swart parlementslid in Italië, Jean-Léonard Touadi, stem nie saam nie. Hy en ander linksgesindes voel dit is maar die begin van 'n kommerwekkende neiging. Touadi is van Brazzaville, uit die Republiek van die Kongo. Maar Italië se toleransie vir arm immigrante wat tradisioneel deur 'n streng Katolieke lewensuitkyk gevoed word, word deur ekonomiese realiteite verdring.

Dit veroorsaak dat die kerk en staat in konflik met mekaar tree oor die kwessie. Die Vatikaan het verlede week kritiek gelewer op die "rassisme, xenofobie en rassime" teenoor immigrante. Daarteenoor het die Noordelike Liga verlede week gevra dat immigrantebeheer strenger moet word as deel van beoogde veiligheidswetgewing wat wettige immigrante sal huistoe stuur indien hulle 'n sekere aantal punte bymekaar gemaak het vir kriminele oortredings.

Die invloedryke koerant, Corriere della Sera, die grootste koerant in Italië, het verlede week 'n spotprent oor die aangeleentheid geplaas waarin 'n swart man wat na 'n verband om sy kop wys, vir 'n verblyfpermit aansoek doen terwyl hy sê "sewe punte". Punte en wondsteke is dieselfde woord in Italiaans naamlik "punti" en die spotprent is 'n woordspel op die geweld teen immigrante en voorgestelde puntestelsel vir kriminele oortredings

Die Noordelike Liga is die sentrale party in eerste minister Silvio Berlusconi se sentrumregse koalisie. Die noorde van Italië wat ekonomies ook die sterkste is, is waar die party se grootste steun lê. Immigrasie is aan die toeneem in Italië en wettige verblyfreg het met 17% gestyg.