Internasionale nuus Archives - Page 374 of 464

VSA deporteer 46 persent meer Meksikane en Sentraal-Amerikaners

Amerika het meer as 154 000 Meksikane en Sentraal-Amerikaners gedeporteer in die 2008 finansiële jaar, wat 'n 46% verhoging is teenoor die vorige jaar, het hulle Donderdag in 'n amptelike verklaring gesê.

Meer as 212 000 is altesaam gedeporteer, met byna driekwart wat van Meksiko en Sentraal-Amerika afkomstig is, volgens die verklaring deur die Amerikaanse Immigrasie en Doeane kantoor in die grensdorp McAllen in Taxas.

Die meeste, 82 000 is Meksikane wat die 3170 kilometer grens tussen Meksiko en Amerika oorsteek.

Al die lande het 'n verhoging gehad in deportasie, behalwe Nicaragua, waar deportasie verminder het tot net oor die 2000.

Amerika het immigrante gedeporteer na 190 lande en het meer as 4000 deportasievlugte gehad teenoor amper 3000 vlugte in die vorige jaar, wat van 1 Oktober tot 30September strek.

Die hoeveelheid onwettige immigrante het drasties gedaal vanweë maatreëls wat 'n heining langs die suidelike grens insluit, het Michael Chertoff, die sekretaris van binnelandse veiligheid Donderdag in Washington gesê.

"Ons het 'n daling gesien in die hoeveelheid mense wat die grens onwettig probeer oorsteek," het Chertoff gesê gedurende 'n oorsig van die departement se aksies sedert dit 7 jaar gelede gestig is.

Die heining, wat langs groot dele van die Rio Grande loop is meer as 5 meter hoog en het baie kontroversie ontlok. Daar was ook verskei hofsake daaroor, maar nie een was sover geslaag nie.

топка для бани

Gaza-skietstilstand met Israel is verby: Hamas

Hamas, die Islamitiese beweging wat Gaza beheer, het Vrydag gesê die ses maande lange skietstilstand met Israel is verby en hulle sal op enige aanval op die verarmde en beleërde Palestynse gebied reageer.

Die gewapende vleuel van die Islamitiese beweging Hamas, die Ezzedine al-Qassam-brigades, het Vrydag net ná 06:00 gesê dat die Egipties georganiseerde skietstilstand met Israel amptelik verby is.

"Die skietstilstand is verby en daar sal nie 'n hernuwing daarvan wees nie omdat die Sionistiese vyand nie die voorwaardes gerespekteer het nie," het die groep op sy webwerf gesê, en bygevoeg dat Israel verantwoordelikheid vir die gevolge dra.

Beide Hamas en Israel het gesê hulle sal reageer wanneer hulle aangeval word, maar nie een het gesê hulle sal tot die aanval oorgaan nie.

"Ons by Hamas het die reg om op te tree teen enige Sionistiese aggressie teenoor die Palestynse mense. Dit is ons nasionale plig," het Hamas se woordvoerder Fawzi Barhum Donderdag gesê, en bygevoeg "dat Hamas sal optree na gelang van die omstandighede op die grond."

Mark Regev, woordvoerder vir die tussentydse Israeliese eerste minister Ehud Olmert het gesê die kabinet sal Sondag die saak bespreek.

"Ons was gereed om die reëlings wat met Egipte gemaak is te respekteer," het hy Donderdag aan AFP gesê.

Die Israelse minister van verdediging, Ehud Barak, het aangedui dat Israel sal reageer as hy aangeval word: "Wanneer die situasie opduik sal ons reageer."

Hy het die moontlikheid van militêre ingryping genoem, maar dit duidelik gemaak dat dit nie dringend is nie.

"Ons is nie bang om 'n grootskaalse militêre aksie in Gaza te begin nie, maar daar is geen rede om haastig oor so iets te besluit nie," het hy aan joernaliste gesê.

Israelse magte het verskeie lugaanvalle geloods en 'n Palestyn gedood, terwyl Gaza-militante Donderdag en Vrydag 'n vuurpylaanval geloods het.

Israelse vegvliegtuie het Donderdag twee vuurpyllanseerders aangeval, onder andere een wat gereed was om ' n vuurpyl te lanseer, het die weermag gesê.

Israel en Hamas beskuldig mekaar dat die ander een die skietstilstand verbreek het wat deur Egiptiese tussengangers beding is omdat die Joodse staat die Islamiete as 'n terroristeorganisasie beskou.

Die Israelse regering blameer Hamas dat hulle nie aanvalle deur kleiner Palestynse faksies gekeer het nie, terwyl die Islamiete beweer dat Israel die ooreenkoms verbreek het deur nie die blokkade teen die verarmde gebied te lig nie.

мультики монстр хаи Фильчаков

Rwandese kolonel skuldig bevind aan volksmoord

'n Voormalige kolonel in die Rwandese weermag wat agter die 1994-moord op meer as 500 000 mense was, is aan volksmoord skuldig bevind en Donderdag tot lewenslange tronkstraf gevonnis. Dit is die belangrikste vonnis van die VN-tribunaal wat saamgestel is om die moordenaars voor die gereg te bring.

Kol. Theoneste Bagosora is skuldig bevind aan misdade teen die mensdom en die hof het bevind dat hy sy pos as direkteur van Rwanda se ministerie van verdediging gebruik het om Hoetoesoldate te beveel om Toetsies en gematigde Hoetoes dood te maak.

Voormalige bevelvoerders Anatole Nsengiyumva en Aloys Ntabakuze is ook skuldig bevind aan volksmoord en tot lewenslange tronkstraf gevonnis.

Die voormalige hoof van militêre operasies, brigadier Gratien Kabiligi, is vrygespreek op alle klagtes en vrygelaat.

"Dit was 'n baie belangrike dag in die tribunaal met die uitsprake wat gegee is in belangrike sake wat baie lig gewerp het op wat op die 6de April 1994 gebeur het, asook die dae wat daarna gevolg het," het Hassan Bubacar Jallow, hoofaanklaer by die internasionale kriminele tribunaal vir Rwanda aan die Franse internasionale nuuskanaal, France 24, gesê.

Die hof het gesê dat Bagosora "die hoogste gesag was in die Rwandese ministerie van verdediging met gesag oor die Rwandese militêre magte" en dat hy verantwoordelik was vir die dood van die voormalige Rwandese eerste minister, Agathe Uwilingiyimana en 10 Belgiese vredesmaglede wat haar probeer beskerm het met die aanvang van die volksmoord.

Bagosora, 67, het niks gesê toe die uitspraak Donderdag gelewer is nie, en daar was doodse stilte van die talle mense wat die gange van die klein hofsaal volgepak het om die uitspraak aan te hoor.

Sy skuldigbevinding is verwelkom deur oorlewendes van die volksmoord, wat 15 jaar later steeds tussen die mense moet woon wat die dade in die sentraal-Afrikaland gepleeg het.

Daar word vermoed dat sowat 63 000 mense deelgeneem het aan die volksmoord, alhoewel baie van hulle deur gemeenskapsgebaseerde howe gevonnis is, waar verdagtes aangemoedig is om skuld te erken en vergifnis te vra in ruil vir ligter vonnisse.

"Bagosora is die persoon agter al die slagtings," het Jean Paul Rurangwa, 32, gesê. Hy het sy pa en twee susters verloor.

"Die feit dat hy die swaarste vonnis opgelê is wat die hof kan gee, is 'n verligting."

VN-sekretarisgeneraal Ban ki-Moen het die vonnisse verwelkom, het sy woordvoerder Marie Okabe by die New Yorkse hoofkantoor gesê.

"Die vonnisse is 'n groot stap in die stryd teen die straffeloosheid van mense wat verantwoordelik is vir die ernstigste misdade van internasionale belang," het Ban se woordvoerder gesê.

Die Tanzanië-gebaseerde Internasionale Kriminele hof vir Rwanda is opgestel in 1994 om die mense wat verantwoordelik was vir die slagtings te verhoor, en het die eerste vonnisse in 1997 uitgespreek. Daar was 42 uitsprake waarvan verdagtes in 6 gevalle vrygespreek is. Die hof het nie die magte om die doodsvonnis uit te spreek nie.

Agtien sake is steeds aan die gang, maar nie een van die verdagtes is van so 'n hoë profiel soos Bagosora nie. Sy prokureur, Raphael Constant, het gesê dat hulle binne 30 dae appèl sal aanteken.

Meer as 500 000 Toetsies en polities gematigde Hoetoes is doodgemaak in die 100-daeslagting wat deur die ekstremistiese Hoetoeregering georganiseer is. Regeringstroepe, Hoetoemilisie en gewone burgers wat aangespoor is deur haatboodskappe wat oor die radio uitgesaai is, het van dorpie na dorpie gegaan en mans, vroue en kinders doodgemaak.

строим бани

Franse presidentsvrou verkry skadevergoeding oor kaalsakke

Een van vele naakfoto’s van Carla Bruni wat op die internet te siene is

'n Franse hof het 'n klerefirma beveel om 40 000 Euro (R560 000) te betaal aan skadevergoeding vir die verspreiding van sakke met die naakte beeld van die Franse presidentsvrou, Carla Bruni-Sarkozy, daarop.

Die foto dateer uit haar dae as model. Sy het gevra vir 125 00 Euro aan skadevergoeding van die klerehandelaar Pardon, wat die sakke aan sy kliënte versprei het.

Pardon het gesê hulle gaan appelleer teen die uitspraak wat Donderdag gelewer is op die Franse Indiese-oseaaneiland Reunion, waar die maatskappy geleë is. Die firma het ook belowe om die 5 500 Bruni-sakke wat hulle oor het, te vernietig.

Die hof het bevind dat Pardon die Bruni-Sarkozi-eienaarskapsregte van haar beeld oortree het. Haar prokureurs het gesê dat sy enige geld wat sy uit die saak maak aan 'n welsynsorganisasie sal skenk.

Данильченко

China gaan die w?reld se grootste stede bou

Bouwerk in Sjensen, China

Die laaste 30 jaar van hervorming in China het saadjies geplant wat in die komende dekades groot megastede aan die kus met 'n bevolking van bykans een miljard mense en die wêreld se grootste ekonomie teweeg kan bring.

Presies wat die volgende 30 jaar se hervorming inhou, kan niemand sê nie, maar kenners is dit eens dat met wydverspreide besoedelingsprobleme en 'n vloedgolf van migrasie na China se stede, verstedeliking die nasie se grootste uitdaging gaan wees.

"Die volgende 30 jaar gaan kritiese tydsberekening verg om die behoeftes van die bevolking aan te spreek en ook hoe China die bevolking bestuur," het James Canton, skrywer van The Extreme Future gesê.

Teen 2025 gaan China se stedelike bevolking na verwagting toeneem tot 926 miljoen, 'n toename wat meer is as die huidige Amerikaanse bevolking, volgens bestuurskonsultante McKinsey en kie.

Teen 2030 sal die syfer tot 'n miljard toeneem.

Oor die volgende twee dekades sal China 20 000 tot 50 000 nuwe wolkekrabbers bou, die ekwivalent van 10 New York-stede, volgens McKinsey.

Meer as 170 stede sal massavervoerstelsels benodig teen 2025, meer as twee keer die hoeveelheid in Europa, in wat McKinsey die grootste bloeityd in massavervoer in die geskiedenis noem.

Chinese stede sal hulle vervaardigingsvoordele verskuif om sentrums van innovering te word in velde soos nano-tegnologie, "slim materiale" en die beste farmaseutiese middels, het Canton voorspel. Die stede sal ook die tuiste wees van die wêreld se grootste middelklasbevolking.

Om meer as 'n miljard mense te kan akkommodeer, moet nuwe vorme van infrastruktuur en veiligheidsraamwerke ontwikkel word.

"'n Mens gaan vir iemand moet 'nee' sê. 'n Mens gaan 'n groter verskyning sien van biometriese identifikasie; 'n mens sal nie in sommige stede kan ingaan nie," het hy gesê.

Soos wat stede groter raak, gaan grondherwinning minder water laat tussen Hong Kong en die vasteland, het Canton voorspel.

Demografiese, ekonomiese en ekologiese druk gaan China met geen alternatief laat as om innoverende oplossings te soek nie.

"Baie min kere in die geskiedenis van globale bevolking het mens die vermoë gesien om iets vars en nuuts te skep," het Canton gesê. "Hulle gaan iets ongeloofliks moet doen in terme van die stede van die toekoms."

De ekonoom en stadsbeplanner Stanley Jip werk reeds aan die volgende geslag Chinese stede.

Hy is aan die stuur van die Britse konsultante Arup se werk met verskeie stede regoor China met ekodorpe as deel van die veldtog van Beijing om deel te vorm van volhoubare oplossings.

Die toekoms van Chinese argitektuur en ontwerp kan deur nuwe wetgewing voorgeskryf word wat vereis dat nuwe geboue energiegebruik met die helfte moet verminder teen die einde van 2010, het hy gesê.

Om daardie vereistes te kan bereik, moet nuwe geboue meer natuurlike lig kan gebruik, en in noordelike stede beter geïsoleer word en in suidelike stede meer oop en geventileer wees. Sonpanele sal ook 'n meer algemene verskynsel wees.

"Al daardie eienskappe sal intree en begin om die voorkoms van geboue te verander," het Jip gesê.

China se ekonomie is tans die vierde grootste ter wêreld en teen 2025 word daar verwag dat dit Japan sal verbysteek vir die nommer twee posisie, volgens Amerikaanse intelligensiebronne.

Die grootste bedreigings vir China se kommunistiese leiers is stedelike uitdagings soos die groeiende gaping tussen die rykes en die armes, 'n uitgerafelde sosiale veiligheidsnet, korrupsie van beamptes en omgewingskade, het die raad gesê.

Buiten die "perfekte storm" waar verskeie van die probleme tegelyk drasties eskaleer, het die kommunistiese party steeds die leisels stewig in die hand.

Teen 2038 gaan China waarskynlik die grootste ekonomie ter wêreld hê, maar die meeste mense se inkomste sal steeds ver agter dié van die Weste wees, het Jao Sjoejie, hoof van die Nottinghamuniversiteit se skool vir eietydse Chinese studies gesê.

Die volgende geslag leiers se prioriteite sal wees om die land se sosiale en omgewingsmateriaal te herstel, het Jao gesê.

"Die laaste 30 jaar het nie so goed gegaan ten opsigte van gelykheid en sosiale geregtigheid nie en daar was baie stadige vooruitgang in terme van politieke hervorming," het Jao gesê. "Dít, tesame met omgewingsuitdagings, gaan die grootste uitdagings wees oor die volgende 30 jaar."

роботи прайм

Sri Lanka s? Tamiltiere-stellings is verower

Tamiltier met wapen

Soldate van Sri Lanka het verdedigingstellings van die Tamiltiere naby die rebelle se politieke hoofkwartier verower ná hewige gevegte, het die regering Donderdag gesê.

Soldate was besig met teen-terrorismeoperasies langs die noordelike en noordwestelike verdedigingslinies van Kilinochchi, die politieke hoofstad van die Bevrydingstiere van Tamil Eelam (BTTE), het die ministerie van verdediging gesê.

Die weermag het Woensdag ten minste 10 bomaanvalle teen die Tamiltiere se posisies gedoen toe voetsoldate erge teenstand van die rebelle ontvang het.

Die BTTE het gesê dat hulle die veelvoudige aanvalle Dinsdag en Woensdag deur die regeringstroepe weerstaan het, en 170 soldate gedood het en 420 gewond het.

Die weermag het die bewerings verwerp en gesê dat hulle net 25 soldate verloor het.

President Mahinda Rajapaksa se regering het die val van Kilinochchi al maande lank voorspel en die weermag het onlangs gesê hulle is binne "soenafstand" van die stad.

Kwaai teenstand van die rebelle en swaar monsoenreën het die weermagoffensief vertraag.

In Januarie het die regering van Sri Lanka onttrek uit 'n vredesooreenkoms wat deur Noorweë saamgestel is.

Die rebelle is al aan die veg sedert 1972 vir 'n staat vir die etniese minderheidsgroep, die Tamils, apart van die groot Sinhalese bevolkingsgroep.

Данильченко Харьков

Nog 420 tale oor in Latyns-Amerika

Suid- en Midde-Amerika staan ook bekend as Latyns-Amerika omdat die twee hooftale van dié wêrelddeel Spaans en Portugees is. Albei tale stam af van Latyn.

Volgens die Argentynse media blyk dit egter uit ’n jaarlange ondersoek van ’n kulturele en taalkundige instituut dat daar nog 522 stamme in dié lande is wat altesaam 420 tale praat.

Dit gaan om sowat veertig miljoen mense, wat sowat tien persent van die bevolking van Latyns-Amerika uitmaak.

Die meeste van die stamme, 247, woon in Brasilië, wat Portugees as amptelike taal het.

Verskeie tale, waarvan wetenskaplikes gedink het reeds uiutgestorwe is, word nog steeds gepraat.

Joernalis gooi skoene na George Bush

George W. Bush koes vir die skoen

George Bush is gister genoodsaak om te koes toe 'n woedende Irakese joernalis sy skoene na die president se kop gegooi het.

Mnr. Bush het die nuuspodium gedeel met die Irakese eerste minister Nuri al-Maliki gedurende 'n vaarwelbesoek aan Bagdad toe die insident plaasgevind het.

Muntadar al-Zeidi, 'n korrespondent vir die Kaïro-gebaseerde Al-Baghdadiya TV, het sy skoene uitgetrek en na mnr. Bush se kop geslinger terwyl hy geskree het: "Dit is 'n vaarwelkus van die Irakese mense, hond!"

Die skoen het die Amerikaanse president se kop gemis en die muur agter die president getref, terwyl Irakese veiligheidspersoneel en Amerikaanse geheimediensagente al-Zeidi platgetrek het en daar weggesleep het.

Toe die president later gevra is oor die insident het hy gespot daarmee, en opgemerk dat die skoene omtrent 'n nommer 10 was.

"Dit is nie iets wat my pla nie," het hy gesê. "Dit is net soos om na 'n politieke byeenkoms to te gaan, waar mense op jou skree. Dit is 'n manier vir mense om aandag te kry."

Bush het ongemaklik geglimlag, en Maliki het gespanne voorgekom in die oomblikke ná die aanval.

Ander Irakese joernaliste het namens hulle kollega om verskoning gevra.

By die perskonferensie het mnr. Bush verklaar: "Die oorlog is nog nie verby nie. Daar is steeds werk om te doen."

Логические

Bush meen w?reld moet ‘ferm en geduldig’ wees met Noord-Korea

George W. Bush

Die Amerikaanse president George W. Bush het Maandag gesê dat hy hoop Washington se vennote in die Noord-Korea-ontwapeningsonderhandelinge sal "ferm en geduldig" wees met die geheimsinnige regering.

Nuwe onderhandelinge verlede week het nie daarin geslaag om 'n formele meganisme op telwer om te verseker dat Noord-Korea die waarheid praat omtrent sy kernprogram nie, nadat die kommunistiese staat geweier het om 'n Sjinees opgestelde voorstel te teken.

"Die belangrikste is om ferm en geduldig te wees met 'n struktuur wat dalk kan toelaat dat die volgende president, of die een daarna die probleem diplomaties kan oplos," het Bush aan verslaggewers aan boord van sy "Airforce One"-vliegtuig gesê.

Hy het gepraat tussen verrassingsbesoeke aan Irak en Afghanistan, die laaste voordat hy volgende maand die Withuis verlaat.

море в хорватии

NAVO-patrollie dood drie Afghaanse burgerlikes

NAVO-soldate in Afghanistan

NAVO alliansietroepe het drie burgerlikes gedood en verskeie ander in die suidweste van Afghanistan gewond nadat die bus waarin hulle gery het, nie ag geslaan het op waarskuwingskote nie, sê die alliansie.

Die patrollie het gevuur toe die minibus aangehou het om in hulle rigting te snel na waarskuwingskote, aldus 'n persverklaring.

Amerikaanse en NAVO-geleide magte dra waarskuwingstekens op hulle voertuie om Afghaanse bestuurders te waarsku om hulle afstande te hou, in vrees vir selfmoordkarbomaanvalle.

“Drie Afghane is vandag dood in die Sajed Abad Distrik van Wardak provinsie tydens 'n ‘verhoging van magstoepassing,’” sê die verklaring.

Die patrollie het aanvanklik waarskuwingskote geskiet en het toe in die busenjin gevuur toe die bestuurder nie wou stop nie, sê dit voorts.

“Ten spyte hiervan het die bus aangehou in die rigting van die patrollie. Derhalwe was die patrollie gedwing om uit selfverdediging op die bus te vuur.”

Die patrollie het die gewondes op die toneel behandel en koalisievliegtuie het later die gewondes na internasionale militêre hospitale ontruim.

'n Segsman vir die magte sê hulle weet nie presies hoeveel burgerlikes in die voorval beseer is nie.