Internasionale nuus Archives - Page 294 of 464

Sangster in rasseseksherrie

John Mayer, Amerikaanse sangster en voormalige vriend van ‘n aantal Hollywood glansmeisies waaronder die aktrise Jennifer Aniston, moes Woensdag om verskoning vra nadat hy onthul het dat hy nie by swart vroue sal slaap nie.

Dié detail het hy in ‘n onderhoud met die tydskrif Playboy bekendgemaak.

Sy afkeur oor swart vroue is as rassisties bestempel en hy is fel gekritiseer vir die opmerking dat hy “daaronder ‘n voorstander van wit supremasie is”.

Mayer (32) moes sy sowat drie miljoen aanhangers op Twitter vir sy blaps om verskoning vra.

бачок для Лобановский

Dodetal in Haïti onseker

Haïti se regering het verklaar dat die dodetal van verlede maande se aardbewing na 217 000 gestyg het.

“Daar was mense wat in Januarie berig het dat altesaam 230 000 mense op 12 Januarie in die aardbewing gesterf het,” het Paul Antoine Bien-Aime, minister van binnelandse sake, Woensdag gesê.

“Dit is egter ‘n bietjie minder en staan nou op 217 000.”

Jean-Max Bellerive, die premier, het vroeër gesê die dodetal staan op 212 000, en toe het die regering se syfers onverwags na 270 000 gestyg, voordat dit Woensdag reggestel is.

Die presiese getal sterftes van die aardbewing sal dalk nooit bekend wees nie, omdat baie mense in massagrafte begrawe is, en lyke steeds onder die puin vasgekeer is.

Die Verenigde Nasies het Woensdag in Port-Au-Prince gesê dat 1,2 miljoen in Haïti is haweloos gelaat terwyl 460 000 die hoofstad vir ander provinsies verlaat het.

Vlugtelinglyke spoel op strand uit

Die lyke van agt vlugtelinge, een van hulle ‘n jong meisie, het by ‘n strand op die Aegeaneiland van Samos uitgespoel.

Volgens beamptes neem hulle aan dat die mense probeer het om die kus van Turkye na Samos oor te steek, toe hul boot in rowwe seetoestande omgeslaan het. Die lykevan ‘n vrou en agtjarige meisie was van die wat gevind is.

Twaalf ander wat op dieselfde boot gereis het, was glo deur ‘n Maltese-vlagskip naby Turkye gesien.

Kuswagte asook ‘n helikopter het ‘n soektog geloods om die 12 vlugtelinge te probeer red.

Die Aegean-see is ‘n gewilde roete vir vlugtelinge wat probeer om toegang tot die Europese Unie te verkry.

как строит баня Лобановский

Google gaan hoëspoedinternet toets

Die Internetreus Google het aangekondig dat hulle gaan eksperimenteer met ultra-hoëspoed breëbandnetwerke wat aan sowat ‘n halfmiljoen Amerikaners internettoegang gaan verskaf wat “100 keer vinniger” is as die huidige spoed.

Google beoog ‘n spoed van een gigagreep per sekonde, wat verbruikers sal toelaat om ‘n hoë definisie, vollengte film in minder as vyf minute af te kan laai.

Hierdie projek gaan saam met pres. Barack Obama se plan om vir elke huishouding in Amerika toegang tot breeband-internet te gee.

Minnie Ingersoll en James Kelly, produkbestuurders by Google, het gesê daar word beplan om hierdie projek in ‘n paar plekke in Amerika te toets.

“Ons sal ‘n internetspoed verskaf wat 100 keer vinniger is as wat meeste Amerikaners tot toegang het tans,” het hulle in ‘n blog gesê.

Tussen 50 000 en 500 000 mense gaan hierdie diens-eksperiment ontvang.

Varklonge sal mense binnekort red

Volgens mediese navorsers in Australië sal varke se longe binne die volgende dekade in mense oorgeplant kan word.

Varkorgane is tot dusver as nie geskik beskou nie aangesien dit ophou funksioneer sodra dit met menslike bloed in aanraking kom.

Navorsers by die Alfred-hospitaal in Melbourne kon egter daarin slaag om dié probleem te oorkom met die hulp van ‘n tweede groep navorsers by die St. Vincent hospitaal.

Dié groep het genetiese manipulasie gebruik om die sleutel-versperrings wat verantwoordelik is vir die varkorgane se verwerping van menslike bloed, te verwyder.

“Dokters by die Alfred Hospitaal het dit reggekry dat dié varklonge vir ‘n bepaalde tydperk menslike bloedselle met suurstof verbind.

“Bloed het by die long ingegaan sonder suurstof, en aan die anderkant met suurstof uitgekom,” het Dr.Glenn Westall van die Alfred-hospitaal gesê.

“Dit is inderdaad die long se primêre funksie.”

Kliniese toetse sal egter nog vyf tot tien jaar neem voordat dié deurbraak mense met terminale longkwale se lewens kan red.

wanted dead or

Toegesneeude amptenare kos miljoene

Pas het iets die VSA weer getref wat in Suid-Afrika ondenkbaar is: Die staatsdiens op Capitol Hill het tot stilstand gekom omdat die amptenary weens sneeustorms nie by die werk kon kom nie. Die amptenare se snoesige “vakansiedag” in hul huise kos die VSA $100 miljoen per dag.

Dit het die vraag opnuut laat ontstaan: Behoort so iets so verlammend in te werk, veral in hierdie tyd waar mense met ongelooflik baie kommunikasiemiddele tuis tog nog “aan diens” kan wees?

Die Christian Science Monitor berig dat tot 9 %, of te wel 102 000 amptenare, reeds ooreenkomste met die staat het om van hul huise af te werk, en die regering wil hierdie persentasie nog verder opstoot.

Jare gelede, toe Robert (Taalbul) van Tonder met sy Boerestaat Party (sy spelling) die politieke toneel kleurvol gemaak het, het ‘n koerantredakteur opgemerk dit kos ook net iemand met ‘n tikmasjien en faksmasjien om ‘n politieke party heel sigbaar te kan maak. ‘n Mens kan jou bloot indink hoe sigbaar ‘n eenman-party met ‘n rekenaar, e-pos en die internet kan wees, met nog ‘n selfoon op die koop toe.

Kantoorhuur is duur – nie net in huurgeld nie, maar in skoonmaakkostes, kommunikasieinstrumente, meubels, water en ligte. ‘n Gedesentraliseerde opset waar elkeen, of so veel as moontlik van die personeel van hul huise af werk, klink aantreklik. Voeg hierby die voordele van fleksietyd, sodat kinders by die skole gehaal kan word, en vele meer.

Dit is vanselfsprekend dat nie alle tipes werk hulle tot hierdie soort desentralisasie leen nie. Sekere aanpassings is nodig, soos dat die fokus van werksure na werkslading verskuif. Uit ‘n arbeidsregtelike oogpunt sal die fokus waarskynlik verskuif van werknemers na kontrakteurs.

In Washington lyk dit of dié praktyk, ten spyte van die regering se aanmoediging, stadiger in die staatsdiens posvat as in die private sektor. ‘n Gevestigde gemaksone van veral senior personeel wat traag is om die nuwe kommunikasietegnologie baas te raak, en wat gevestigde werkspatrone soos om gereeld laat te kom, staan in die weg van behoorlike ontplooiing.

teplovoy

VSA verander Vigsbeleid

‘n Beleidsverandering in die VSA sal moontlik sommige dokters en aktiviste wat met MIV/Vigs-pasiënte in Afrika werk, sonder geld of medisyne laat.

President George W. Bush se PEPFAR-befondsingsbeleid vir MIV/Vigs op die kontinent het oorspronklik klem gelê op noodbehandeling en die verskaffing van medisyne aan pasiënte.

Onder dié beleid het Uganda byvoorbeeld tussen 2003 en 2008 ongeveer $929 miljoen (R7,2 miljard) ontvang. Die geld is gebruik om sowat 150 000 mense met anti-retrovirale middels te voorsien.

“George W. Bush is ‘n held in hierdie land,” het Peter Mugyenyi, die hoof van ‘n Vigs-behandelingskliniek in Uganda, gesê.

Maar, alhoewel die PEPFAR-beleid toegang tot medisyne vergemaklik het, het nuwe MIV-infeksies toegeneem.

Toe die PEPFAR-beleid moes hernu word, het president Barack Obama dus besluit om eerder meer hulpbronne te rig op die voorkoming van nuwe infeksies.

Maar, met meer geld wat aan voorkomende inisiatiewe spandeer word, sal minder geld aan die behandeling van pasiënte spandeer moet word.

Alhoewel pasiënte wat reeds medisyne van PEPFAR ontvang het nog steeds verniet behandeling sal ontvang, is meeste klinieke voorberei daarop om nuwe pasiënte te moet wegwys.

Dokters en aktiviste soos Mugyenyi is hoogs ontsteld oor die beleidsverandering, en sê die VSA het hul beloftes teenoor Uganda verbreek.

“Die belangrikste ding is die beskikbaarheid van behandeling. Enige ander program, maak nie saak wat hulle dit noem nie, sal misluk.”

Lynne McDermott, ‘n PEPFAR-woordvoerder wat in Kampala gebasseer is, sê die VSA kan eenvoudig nie aanhou om ‘n groeiende hoeveelheid pasiënte te behandel nie, en dat die land altyd ‘n medisyne-tekort in die gesig sal staar tensy die hoeveelheid nuwe infeksies begin afneem.

Mugyenyi het gesê hy is besig om “paniekerig” te raak.

“Ons is op pad na ‘n slagting. ‘n Slagting wat vantevore gestop is,” het hy gesê. “Daar is geen voorkomende program wat sonder behandeling suksesvol kan wees nie.”

miomare yachting

Toyota onttrek nog modelle

Die motorvervaardiger Toyota het aangekondig dat hulle die nuwe Prius in Japan herroep weens probleme met die motor se remme.

Die maatskappy het aangedui dat hulle die ministerie van vervoer later op Dinsdag in kennis sal stel of dit die elektriese model Prius ook gaan herroep. Hierdie model is verlede jaar bekendgestel.

Daar word verwag dat tot 300 000 van die Prius-modelle herroep gaan word. Dit volg nadat Toyota reeds sowat agt miljoen motors wêreldwyd moes herroep weens probleme.

Die jongste stap sal twee ander modelle insluit, naamlik die Lexus HS250h sedan en die Sai, wat slegs in Japan verkoop word.

Luidens berigte het Toyota Maandag van hul televisie-advertensies in Amerika van die lug onttrek.

Palme-moord gaan nie meer verjaar nie

Die moordenaar of moordenaars van die gewese Sweedse Premier, Olof Palme, sal nie meer binnekort kan asem skep wanneer dié moord verjaar nie.

Juis om te voorkom dat Palme se moordenaars binnekort nie meer vervolg kan word nie, het die Sweedse parlement pas ‘n wet goedgekeur wat op 1 Julie vanjaar werking tree.

Ingevolge hierdie wet verjaar die misdrywe moord, misdaad teen die mensdom, volksmoord en terreur wat tot die dood gelei het, dan nie meer na 25 jaar nie.

Palme is op 28 Februarie 1986 voor ‘n bioskoop doodgeskiet.

Weens Palme se heftige verset teen apartheid bestaan die vermoede dat sy dood met dié sentiment verband hou, maar meer en meer koerante wys daarop dat Palme net so uitgesproke teen Amerikaanse militêre operasies in Viëtnam was.

Hoewel aanvaar word dat die wetswysiging gemik is om te verseker dat Palme se moordenaars nie skotvry daarvan gaan afkom nie, is dit ook so dat Europese lande die rug begin styfmaak teen volksmoorde wat onder die mat ingevee word. In Europa handel dit nie net oor die Joodse volksmoord nie, maar oor Turkye se amptelike ontkenning van die volksmoord op die Armeniërs 95 jaar gelede.

online free casino games slots topcargo отзывы

Mediawoelinge in Biskaje

Die selfegeringstatus wat die Baske na Franco se dood van Spanje verkry het, het nie alle probleme opgelos nie. Dit word goed deur die lot van twee koeante in hierdie gebied gedemonstreer.

Aan die een kant het die aanklaers nou, na sewe jaar gevra dat die vyf Baskiese joernaliste wat tereg staan dat hul koerant, Egunkaria, die Baskiese terreurgroep, ETA, gesteun het, nou vrygelaat word. Die aanklaers voer aan dat daar ‘n gebrek aan bewyse bestaan. Die koerant is sedert 2003 nie meer toegelaat om te verskyn nie.

Pas het ‘n vermeende ETA-bom by nog ‘n dagblad afgegaan, ‘n meter dik muur – juis versterk teen moontlike bomaanvalle – verwoes en ‘n deel van die gebou se dak het ook in die slag gebly. Hierdie koerant, El Correo (Die Koerier) verskyn in Spaans.

Verslaggewers sonder Grense het op beide insidente gereageer. Dié organisasie vra dat die regter die vyf joernaliste vryspreek en dat die koerant toegelaat word om weer te verskyn. Die uitgerekte verhoor en verdagings jaar na jaar was as onwaardig van ‘n lidland van die Europese Unie beskryf. Die vermeende ETA-aanval op El Correo is ook veroordeel.

Die Baskiese gebied – dit wil sê waar die Baskiese owerheid oor ‘n mate van selfregering beskik, bestaan uit die provinsies Biskaje, Alava en Guiposcua. Pogings om Biskaje op staatkundige gelyke voet met die res van Spanje te plaas en die reg op afskeiding word veral in Spanje teengestaan. Intern is die Baske ook nie volkome eendragtig nie. Die talle dialekte van Baskies en die teenwoordigheid van verskeie klein minderheidsgroepe in Baskiese gebied het Spaans in sekere opsigte, veral hoër onderrig, ‘n voorkeurtaal gemaak. Eers teen die einde van die 20ste eeu is ‘n gestandaardiseerde Baskies, Batue, ingevoer wat die taal volwaardige wetenskaplike uitdrukkingsvermoë gee. Dit sal na verwagting die status van Baskies by sy eie sprekers baie bevorder.

happy town