Internasionale nuus Archives - Page 379 of 464

Taalkundige s? Amerika het op Blair gespioeneer

Die Amerikaanse regering het Tony Blair afgeluister terwyl hy die Britse eerste minister was, volgens 'n voormalige werknemer by die Nasionale Sekuriteitsagentskap (NSA).

ABC News het Maandag gesê dat die NSA gesprekke van Mnr. Blair en Ghazi al-Yawer, die eerste Irakse president na die 2003 inval, afgeluister het. Die Withuis het nie op navrae gereageer nie.

David Faulk, 'n taalkundige in Arabiese tale wat voorheen by die NSA gewerk het, het die bewerings aan ABC gemaak. Hy het verder ook beweer dat hy in 2006 by Fort Gordon in Georgia toegang gehad het tot 'n hoogsgeheime databasis genaamd "Anchory", wat persoonlike besonderhede van mnr. Blair bevat het.

Terwyl die Amerikaanse regering gewoonlik op buitelandse regerings en hulle leiers spioeneer, is dit 'n bekende feit dat Amerika en Brittanje lank reeds 'n verhouding het waarin daar meer wedersydse vertroue is. Dié onthullings kan die "spesiale verhouding" met Washington waarop Londen hom roem, ernstig skaad. Mnr. Blair was een van president George W. Bush se naaste bondgenote in die oorlog met Irak en Afghanistan.

Mnr. Faulk het ook beweer dat hy geheime verslae van die NSA gelees het oor mnr. Ghazr, insluitend slaapkamergesprektelefoonoproepe tussen 2006 en 2007. Bob Woodward, die veteraan Washington Post verslaggewer, het hierdie jaar verslag gedoen in "The war within" dat Amerika ook afgeluister het op Nouri al-Maliki, die Irakse eerste minister.

Verlede maand het mnr. Faulk en nog 'n voormalige NSA werknemer nuwe insigte gewerp op die versluierde wêreld van die NSA, deur te onthul dat die agentskap gespioeneer het op verslaggewers, soldate, en nie-regeringsorganisasies, insluitend die Internasionale Rooikruis. Hulle het aan ABC gesê dat die NSA gereeld op Amerikaners gespioeneer het, deur af te luister op private gesprekke, insluitend slaapkamergesprekke en selfs telefoonseks.

Michael Hayden, die voormalige NSA direkteur, wat nou aan die hoof van die Sentrale inligtingsagentskap staan, het volgehou dat die programme nie teen die regte van gewone Amerikaners ingedruis het nie.

осушитель воздуха топкарго отзывы

Motorbom ontplof by Amerikaanse ambassade in Afghanistan

'n Selfmoordmotorbomaanvaller het Donderdag 'n Amerikaanse konvooi as teiken uitgesoek en sowat 200 meter van die Amerikaanse ambassade in Kaboel homself opgeblaas. Ten minste 4 mense is dood terwyl Amerikaanse burgerlike personeel die ambassade binnegegaan het vir 'n Dankseggingsdagwedloop.

Ten minste nog 18 is gewond in die aanval wat om 8:30 voormiddag plaasgevind het, het die openbare ministerie van gesondheid gesê.

Abdul Manan, 'n polisiebeampte, het gesê die ontploffing is deur 'n persoon in 'n Toyota Corolla veroorsaak.

Die Amerikaanse ambassade het 'n Dankseggingsdagpretloop vir 9:00 beplan. Dus was Amerikaners en ander Westerse personeel besig om die ambassadekompleks binne te gaan toe die bom afgegaan het, wat sommige deelnemers laat vlug het vir die ambassade se hekke.

tops online com

Minstens 100 gedood in Indiese stad

Spanne gewapende mans het luukse hotelle, 'n gewilde restaurant, hospitale en 'n treinstasie aangeval in gekoördineerde aanvalle regoor Indië se finansiële hoofstad. Ten minste 101 mense is dood in die aanvalle, waarin westerlinge as gyselaars geneem is, en dele van die stad Donderdag onder beleg is, het die polisie gesê. 'n Groep vermoedelike Moslem militante het verantwoordelikheid vir die aksie aanvaar.

Polisie en gewapende mans het sporadiese op mekaar geskiet by twee luukse hotelle, en 'n onbekende hoeveelheid mense word as gyselaars aangehou, het A. N. Roy, 'n top polisiebeampte gesê.

Pradeep Indulkar, 'n senior beampte by die Maharashtrastaat se Departement van binnelandse sake, het gesê 101 mense is dood en 287 is gewond.

Amptenare het gesê dat ten minste 6 militante ook doodgeskiet is sedert die aanvalle omstreeks 9:30 voormiddag begin het.

Teen die middel van Donderdagoggend, het polisieluidsprekers 'n verbod op beweging ingestel rondom die Taj Mahal hotel, 'n bekende landmerk in Moembaai. Kommandolede in swart het die gebou ingestorm en skote het weer geklap in die omgewing, klaarblyklik die begin van 'n nuwe aanval op die militante wat gyselaars in die hotel geneem het.

Ambulanse is gesien waar hulle tot teenaan die hotel se ingang opgetrek het, en joernaliste is versoek om verder weg te beweeg van die gebied.

'n Reeks ontploffings het die Taj Mahal geskud net na middernag. Gille is daarna gehoor en swart rook het by vensters van die eeu-oue gebou op die Moembaaise waterfront uitgeborrel. Brandweermanne het die brand probeer blus en mense met lere van balkonne afgehaal. Teen sonsopkoms was die brand steeds nie geblus nie.

Die aanvallers het spesifiek Britte en Amerikaners uitgesoek by die hotelle en restaurante, het ooggetuies gesê. Amptenare het gesê ten minste 120 mense is gewond.

Alex Chaimberlain, 'n Britse burger wat by die Oberoi hotel geëet het, het aan Sky News vertel dat 'n gewapende man wat Hindi of Oerdoe gepraat het, het tussen 30 en 40 mense uit die restaurant na die trappe weggelei.

"Hulle het spesifiek oor Amerikaners en Britte gepraat. Daar was 'n Italianer vir wie hulle gevra het van waar hy afkomstig is, en toe hy geantwoord het dat hy van Italië kom het hulle gesê dit is reg, en hom gelos. Ek het gedink 'reg, as hulle my enige iets moet vra sal hulle my seker skiet, maar Goddank het hulle nie,' het hy gesê."

Chamberlain het vertel dat hy weggeglip het toe die gaste teen die trappe op geforseer is, maar hy het gedink dat 'n groot deel van die groep as gyselaars gehou word.

Die motief vir die aanval is nog onbekend, maar Moembaai was gereeld in die verlede die teiken van terroristeaanvalle wat op Islamitiese ekstremiste geblameer is, insluitend die bomaanvalle in Julie 2006, waarin 187 mense dood is.

Westerlinge aangeval in Moembaai

Brand n? ontploffing in die Taj Mahalhotel

06:10:10 'n Groep Moslems wat hulself die "Dekkanse moedjahedien" noem, het Westerlinge in Moembaai aangeval en ongeveer 80 mense gedood. Beelde van luukse hotelle waarin skote gehoor word, word tans wêreldwyd deur televisiekanale uitgesaai.

Die Verenigde State en Brittanje het die aanvalle op veral die toeristehotelle Taj Mahal en Oberoi in die Indiese finansiële hoofstad veroordeel.

Die VSA het die aanvalle, waarin honderde mense beseer is, as "grusaam" beskryf, terwyl die verkose president Barack Obama belowe het om saam met Indië te werk om "terreurnetwerke met wortel en tak uit te roei".

Die hoof van die VN, Ban Ki-moen, het gesê dat sulke geweld "geheel en al onaanvaarbaar" is, terwyl Brittanje die aanvalle op sy voormalige kolonie as "verregaande" beskryf het en die Europese Unie sy "skok en verontwaardiging" uitgespreek het.

Volgens amptenare het 78 mense gesterf in gekoördineerde aanvalle by twee van Moembaai se mees luukse hotelle en die Chhatrapati Shivaji-spoorwegstasie laat Woensdag, berig die nuusagentskap Perstrust van Indië.

обработка

Amerikaanse huispryse daal met ‘n rekord 18%

Die daling in Amerikaanse huispryse het tot 'n rekordvlak gesak die somer, volgens 'n gids van eiendomsmarkte wat Dinsdag vrygestel is.

Die S&P Case-Shiller nasionalehuisprysindeks het 'n 16,6% daling in huispryse aangetoon vir die derde kwartaal, gemeet teenoor dieselfde tydperk verlede jaar. Dit is selfs laer as die 15,1% rekorddaling van die tweede kwartaal.

Pryse in Case-Shiller se aparte indeks van 10 groot stede het gedaal met 'n rekord 18,6% terwyl die indeks vir 20 stede met 17,4% gedaal het.

Met die terugneem van huise wat op rekordhoogtes verkeer, die ekonomiese toneel wat al hoe swakker lyk en werksverliese wat styg, is al die elemente in plek om die pryse selfs verder te laat daal.

"Die onstuimigheid in die finansiële markte plaas verdere afwaartse druk op die huismark, wat reeds verswak is deur sy eie grondreëls," het Dawid Blitzer, Standard & Poor's se woordvoerder vir die indekse in 'n persverklaring gesê.

"Al drie die kumulatiewe indekse en 13 van die 20 metroareas toon nuwe rekord vlakke van dalings. …Pryse is weer terug op die vlakke waar hulle in 2004 was," het hy gesê.

Die 10-stad indeks het nou 23,4% verloor van sy hoogste waarde af, wat dit in Junie 2006 bereik het. Die 20 -tad indeks het 21,8% verloor van die Julie 2006 vlak en die nasionale indeks het 21% gedaal sedert die derde kwartaal in 2006.

teplovoy лобановский депутат

Russiese professor s? Amerika sal opbreek na ekonomiese krisis

'n Professor by die diplomatiese akademie van Rusland se ministerie van buitelandse sake het gesê dat Amerika sal opbreek in ses dele as gevolg van die land se ekonomiese krisis.

Igor Panarin – wat in 'n onderhoud gepraat het wat deur Izvestia getranskribeer is – het in die onderhou gesê dat die finansiële krisis sal vererger, werkloosheid sal toeneem en mense sal hulle spaargeld verloor, alles faktore wat die land se opbreek sal veroorsaak.

"Ontevredenheid neem toe, en dit word op die oomblik net teruggehou deur die hoop dat verkose president, Barack Obama, wonderwerke kan verrig," het hy gesê. "Wanneer lente kom sal dit duidelik wees dat daar geen wonderwerke is nie"

Amerika sal in 6 dele opbreek; Stille Oseaankus; die Suide; Texas; die Atlantiese oseaan kus; Sentrale state en die Noordelike state.

Siekte te rassisties vir Kanada

'n Kanadese Universiteitstudentevereniging het besluit om nie geld te skenk aan 'n liefdadigheid wat sistiese fibrose bestry nie. Die rede? Dié siekte tref hoofsaaklik blankes en is daarom nie "inklusief" genoeg om vir 'n skenking oorweeg te word nie. Boonop is dit 'n seksistiese siekte, volgens die studente, want dit tref omtrent uitsluitlik mans.

Carleton Universiteit het gedurende hulle inlywingsweek meer as R200,000 vir liefdadigheid ingesamel. Maar volgens 'n mosie wat ingedien en aanvaar is, sal die geld net gaan om nie-rassige siektes te bestry.

Die uitvoerende hoof van die stigting wat sistiese fibrose bestry, Cathleen Morrison, sê die studente het die kat aan die stert beet. Sy sê die siekte raak net soveel vrouens as mans. Boonop is dit 'n siekte wat Kaukasiërs in 'n geheel tref, en dit sluit mense in van die Midde-Ooste, Suid-Amerika, Noord-Afrika en die Indiese subkontinent.

насосы для Фільчаков прокурор

Niks meer Indiese troepe nie asseblief vra Kongo die VN

Die Kongolese regering het aan die VN-sekretaris geneaal Ban ki-Moon in 'n brief gevra om nie meer Indiese troepe te stuur as deel van die vredesmagte nie, volgens 'n brief wat Dinsdag aan AFP gelees is.

Indië word nie by name genoem nie, maar diplomatieke bronne het aan AFP gesê dat die DRK sonder twyfel na die Indiese komponent van MONUC, die VN se vredesmag verwys.

"In ag genome die groot misbruike van mag van sekere troepe in MONUC, sal die Kongolese mense nie verstaan indien soldate van dieselfde lande af kom om getalle in MONUC te versterk nie," het die brief gelui wat aan AFP voorgelees is deur diplomatieke bronne.

Indiese vredesmaglede is daarvan beskuldig dat hulle seksuele misdrywe begaan het en in Augustus het MONUC erken dat sommige Indiërs daarby betrokke kon wees.

Dié brief kan 'n groot diplomatieke vernedering wees vir die VN.

Sowat 90% van die vredesmaglede wat die noord-Kivu distrik patrolleer is van Indië afkomstig, en New Delhi het ook aanvalshelikopters vir die sending voorsien.

lego киев

Asiese immigrante in Brittanje verdubbel in ‘n jaar

Syfers wat deur die Europese Kommissie bekend gemaak is, toon 'n merkbare afname in immigrasie van Oos Europa, 'n daling van 205 000 na Brittanje in 2006 tot 185 000 in 2007.

Ter selfde tyd het die syfers van immigrante wat Brittanje binnekom vanuit nie-Europese gebiede soos Asië skerp gestyg. Dié syfer het amper verdubbel, van 90 000 in 2006 tot 176 000 in 2007.

Die Konserwatiewe Party het dié onlangse syfers gebruik om hulle versoeke dat daar 'n jaarlike perk op die hoeveelheid immigrante geplaas word wat Brittanje binnekom uit nie-EU lande, te rugsteun.

Die EU syfers wat vandag bekend gemaak word, sal na verwagting wys dat die bevolking met 1,8 miljoen mense gegroei het sedert die Arbeidersparty aan bewind gekom het.

модули подготовки прокурор Фильчаков

Iran hang veroordeelde Israeli spioen

Iran het 'n man wat van spioenasie vir Israel beskuldig was tereggestel in die eskalerende intelligensieoorlog tussen die twee lande, het 'n hooggeplaasde Iranse sekuriteitsbeampte Saterdag op 'n perskonferensie gesê.

Ali Ashtary, 'n besigheidsman wat kommunikasie- en sekuriteitstoerusting verkoop het aan Iranse sekuriteitsorganisasies, is in 2007 gearresteer en skuldig bevind daaraan dat hy vir die Mossad, die Israeliese intelligensie agentskap, gespioeneer het, het die semi-amptelike nuusagentskap Mehr die beampte aangehaal.

Die beampte, wat die hoof is van die teenspioenasie eenheid van die inligtingsministerie, en wat nie by name geïdentifiseer was nie, het gesê dat Ashtary Maandagoggend tereggestel is. Associated Press het berig dat die man gehang is.

Die teenspioenasie-eenheidbeampte het gesê dat die Mossad satelliettelevisie advertensies en kletskamers gebruik om Iranse burgers te werf om inligting omtrent Iran in te win.

Iranse beamptes het Israel en Amerika beskuldig daarvan dat hulle verskeie separatistiese militante groepe binne en buite die land ondersteun.

Dinsdag, met die aanvang van 'n hofsaak in Tehran, het drie mans hulle aandeel in 'n bomontploffing erken by 'n aanbiddingsplek in Shiraz, in sentraal-Iran, in April. Iranse beamptes het gesê Amerika en Israel was betrokke by die ontploffing wat 14 mense dood gelaat het.

Tehran se prokureur-generaal het gevra vir die doodstraf vir die mense wat by die aanval betrokke was, wat ook 200 mense beseer het, het die amptelike IRNA nuus agentskap gesê.

Данильченко