Internasionale nuus Archives - Page 316 of 464

Spioen in VSA vasgetrek

‘n Amerikaanse wetenskaplike is Maandag in hegtenis geneem en vir poging tot spioenasie aangekla nadat hy probeer het om geklassifiseerde dokumente aan ‘n geheime agent, wat hy geglo het is ‘n Israeliese spioen, te verkoop, het die Amerikaanse departement van Justisie gesê.

Stewart David Nozette, wat vir die Amerikaanse departemente van verdediging en energie en NASA gewerk het, is later in die dag in ‘n distrikshof in Washington aangekla.

Die 52-jarige van Maryland sal Dinsdag in die hof verskyn en kan ‘n lewenslange tronkstraf in die gesig staar indien hy skuldig bevind word.

“Diegene wat ons land se verdedigingsgeheime probeer verkoop kan verwag om ernstig gestraf te word,” het Channing Phillips, die waarnemende advokaat vir die distrik van Columbia gesê.

Volgens die klagstaat was Nozette verlede maand deur ‘n geheime agent gekontak wat voorgegee het dat hy van die Israeliese intelligensie agentskap Mossad is.

Nozette het ooreengekom om geheime inligting oor Amerikaanse satelliet sisteme in ruil vir geld te verskaf.

Hy het ‘n paar weke later die inligting in ‘n poskantoorboks gaan plaas wat deur die geheime amptenaar opgestel was.

Geen wenner in Afrika-leierskapprys van $5m nie

CNN berig dat ‘n prys vir goeie leierskap ter waarde van $5 miljoen op dramatiese wyse Maandag aan… niemand toegeken is nie.

Dit was die eerste keer in die drie jaar oue geskiedenis van die Mo Ibrahim-prys, dat die komitee nie ‘n wenner aangekondig het nie.

“Die pryskomitee het ‘n paar geloofwaardige kandidate in aanmerking geneem. Ná ‘n in-diepte-oorsig kon die pryskomitee egter nie ‘n wenner selekteer nie” het die komitee in ‘n verklaring gesê.

Demokraties verkose presidente en eerste ministers van Afrika wat hul amp in die afgelope drie jaar verlaat het, kom in aanmerking vir die prys. Voormalige presidente Thabo Mbeki van Suid-Afrika en John Kufuor van Ghana het vanjaar so vir die prys in aanmerking gekom.

Ibrahim, wat tydens Maandag se geleentheid gepraat het, het gesê dat die raad die onafhanklike pryskomitee se besluit aanvaar het. Hy het dit afgelag toe gevra is of die prys nie toegeken is nie weens ‘n gebrek aan prysgeld.

“Ongelukkig gee die pryskomitee geen aandag aan my banksaldo nie, om die waarheid te sê, hulle sien dit glad nie,” het Ibrahim verder gesê. “Die pryskomitee is ‘n geslote liggaam, en hulle neem die besluit in isolasie van die raad. Oms moet daardie besluit respekteer.”

Ibrahim, ‘n Soedanees-gebore sakeman wat ‘n fortuin in die selfoonbedryf gemaak het, het die stigting wat sy naam dra in 2006 in die lewe geroep. Volgens Ibrahim het hy, toe die stigting die prys begin toeken, op daardie stadium alreeds gesê het “dat daar jare mag wees waarin geen wenner verkies word nie, en vanjaar is so ‘n jaar”.

Die voormalige sekretarisgeneraal van die Verenigde Nasies, Kofi Annan, was die voorsitter van die pryskomitee, wat ook die volgende persone ingesluit het: verlede jaar se Nobelvredespryswenner, Martti Ahtisaari, Mohamed ElBaradei, die direkteurgeneraal van die Internasionale Atoomenergieagentskap en nog ‘n Nobelwenner, Graça Machel, kanselier van die Universiteit van Kaapstad, en voormalige minister van opvoeding en kultuur in Mosambiek, Mary Robinson, voormalige president van Ierland en voormalige V.N.-hoëkommissaris vir menseregte; asook Salim Ahmed Salim, ‘n voormalige eerste minister van Tanzanië.

Die prys is drie keer groter as die Nobelprys. Verlede jaar het dit aan Festus Gontebanye Mogae, die voormalige president van Botswana, gegaan. En die jaar voor dit, aan Joaquim Alberto Chissano, die voormalige president van Mosambiek.

wedding jewellery

Bendegeweld teister Brasilië

Brasilië se president het Maandag belowe om dwelmhandelaars die stryd aan te sê na ‘n naweek van chaos waarin 21 mense in Rio de Janeiro dood is, slegs twee weke nadat die stad die bod vir die 2016 Olimpiese Spele gewen het.

“Ons sal alles doen wat nodig is en alle nodige opofferings maak sodat ons die gemors kan skoonmaak wat hierdie mense in Brasilië aanvang,” het president Luiz Inacio Lula da Silva aan verslaggewers in Sao Paulo gesê.

Polisie in Rio het gesê dat die dodetal van die naweek se gevegte tussen mededingende bendes van 14 na 21 gestyg het nadat nog lyke in die Morro dos Macacos (“Monkey Hill”) krotbuurt, waar die skietery ook ‘n polisie-helikopter afgeskiet het, gevind is.

Twee van die ses amptenare het Saterdag gesterf nadat die helikopter ‘n rukkerige landing op ‘n sokkerveld gemaak het. ‘n Derde amptenaar, wat ernstige brandwonde opgedoen het, het Maandag gesterf.

Volgens Silva gaan die regering meer befondsing aan staatsowerhede gee om die dwelmbendes teen te werk wat baie van Rio se 1000 agterbuurtes beheer.

Hulle gaan ook aan die polisie ‘n koeëlvaste helikopter gee.

Hy het niks genoem oor sekuriteitsmaatreëls vir die Olimpiese Spele nie, maar het wel gesê dat Brasilië weet dat “hulle tyd nodig het om die probleme van die bendes, georganiseerde misdaad en die dwelmhandelaars in Rio de Janeiro op te los.”

Ander Brasiliaanse amptenare het gesê dat die gebeure hulle voornemens versterk het om Rio ‘n veiliger plek te maak voor die Olimpiese Spele en voor 2014, wanneer Brasilië die Wêreldbeker Sokkertoernooi gaan aanbied.

betting bonus no deposit

‘Onwettige immigrant’-kostuum maak opslae in VSA

Menseregtegroepe wat hulle vir immigrante in Amerika beywer is ontsteld oor ‘n Halloween-kostuum wat ‘n onwettige immigrant met ‘n masker van ‘n buiteaardse wese toon. Die kostuum is oranje met die woorde “illegal alien” daarop geskryf en ‘n Halloween-grapjas word ook van ‘n “groen kaart” wat verblyfreg in die VSA verleen daarby voorsien.

Volgens immigrantegroepe “gee die kostuum aanstoot”. Angelica Sala, die uitvoerende direkteur van die Koalisie vir Menslike Immigranteregte in Los Angeles, het e-posse aan die Target-winkelgroep in Minneapolis asook die BuySeasons-maatskappy in Wisconsin geskryf waarin sy die kostuum as “onsmaaklik, venynig en ongevoelig teenoor die sosiale stigmas en huidige debat oor immigrasiehervorming” beskryf.

Die groep het gesê dat hy ook beplan om briewe te skryf aan ander maatskappye wat die kostuum verkoop.

Lizette Olmos, die nasionale kommunikasiedirekteur van die Liga vir Verenigde Latyns-Amerikaanse Burgers, het die kostuum “regtig onstellend” genoem, het die Minnepolis Star Tribune berig.

Target gaan die kostuum van sy webwerf verwyder nadat verskeie klagtes ontvang is, het die maatskappy se woordvoerder Joshua Thomas Vrydag gesê. Die winkel het nooit bedoel om die kostuum te verkoop nie maar het dit per ongeluk by sy aanlynprodukte ingesluit, het hy gesê.

‘n E-pos aan BuySeasons is Vrydag nie onmiddellik beantwoord nie.

лобановский депутат

Vredesregter weier gemengde paar

‘n Wit vredesregter in die Amerikaanse deelstaat Louisiana sê hy het geweier om ‘n huwelikslisensie aan ‘n gemengde paartjie uit te reik omdat hy bekommerd was dat hulle kinders sou hê.

Keith Bardwell, vredesregter in die Tangipahoa Parish, sê uit sy ervaring weet hy huwelike tussen verskillende rasse hou nie baie lank nie.

“Ek is nie ‘n rassis nie. Ek glo net nie dat rasse op só ‘n manier moet meng nie,” het Bardwell Donderdag aan Associated Press gesê. “Ek het hope en hope swart vriende. Hulle kom na my huis, ek trou hulle, hulle gebruik my badkamer. Ek behandel hulle net soos enige ander mens.”

Bardwell sê hy vra almal wat skakel oor trou of hulle ‘n gemengde paartjie is. As hulle is, trou hy hulle nie, sê hy.

Hy sê hy gesels met wit en swart mense oor die onderwerp nadat hy al baie sulke gemengde huwelike gevolg het. Hy het tot die gevolgtrekking gekom dat mense in die swart gemeenskap nie geredelik bruin kinders van gemengde ouerpare aanvaar nie en wittes ook nie.

“Daar is ‘n probleem met albei groepe in die aanvaarding van ‘n kind uit só ‘n huwelik,” het hy gesê. “Ek dink daardie kinders ly daaronder en ek gaan nie help om hulle daardeur te sit nie.”

As hy dit vir een paartjie doen moet hy dit vir almal doen, glo hy. “Ek probeer om almal gelyk te behandel.”

Een so ‘n paartjie, Beth Humphrey, 30, Terence McKay, 32, sê hulle gaan die Amerikaanse departement van justisie nader om ‘n klag van diskriminasie aanhangig te maak. Humphrey is wit en McKay swart.

Humphrey het Bardwell in Oktober geskakel vir ‘n huwelikslisensie en Bardwell se vrou het haar meegedeel dat haar man nie lisensies vir gemengde paartjies teken nie.

Humphrey het gesê sy was geskok. Hulle sien uit daarna om kinders te hê, soos alle jong paartjies, het sy gesê.

‘n Regsadviseur vir die American Civil Liberties Union van Louisiana, Katie Schwartzmann, sê ‘n hoërhofuitspraak van 1967 “verbied die regering om mense te vertel wie om mee te trou en wie nie”.

Die ACLU het ‘n brief aan Louisiana Geregtelike komitee, die beheerligaam vir vredesregters, gestuur en hulle gevra “om die mees verreikende sanksies denkbaar” aan Bardwell op te lê, “want sulke openlike rassevooroordeel bedreig en skend die administrasie van die reg op die ernstigste manier”.

“Hy weet hy verontagsaam die wet,” het Schwartzmann gesê.

Die lisensie-aansoek moet drie dae voor die troue ingehandig word omdat daar ‘n wagtyd van 72-uur is. Die aansoekers moet bewys dat hulle nie reeds getroud is nie.

Bardwell sê in sy 34 jaar as vredesregter het hy nog nooit einige mens sleg behandel nie. “Ek het nie vir hierdie paartjie gesê hulle mag nie trou nie. Ek het net gesê ek sal hulle nie trou nie.”

барби ляльки

Detroitmarathon eis drie

Drie hardlopers het Sondag tydens die Detroitmarathon gesterf, het owerhede gesê.

Daniel Langdon, 36, van Laingsburg het omstreeks 09:02 inmekaargesak nadat hy sowat 17km van die marathon voltooi het.

Volgens Rich Harshbarger, Adjunk-president van die Detroit media-groep, het ‘n tweede deelnemer, Rick Brown, 65, omstreeks 09:17 inmekaargesak. ‘n Minuut later het Jon Fenlon, 26, ook skielik inmekaargesak.

Harshbarger het bevestig dat daar sowat ses verskillende punte oor die afstand van die marathon was waar nooddienspersoneel gestasioneer was. “Daar was binne sekondes paramedici op die tonele gewees.”

Die presiese oorsake van die verskeie sterftes is nog nie bekend nie.

“Hierdie is baie slegte nuus vir ons. Ons innige simpatie gaan uit aan die oorledenes se families, ” het Harshbarger gesê. Volgens hom word deelnemers aangeraai om eers met hulle dokters te praat voordat hulle aan die marathon deelneem.

Daar het laas in 1994 ‘n deelnemer aan die Detroitmarathon gesterf.

баня с хамамом

Rusie by boekeskou oor Googleprojek

“Gemors” en “histeriese propaganda” was een woedende reaksie by die wêreld se grootste boekeskou toe Google, die wêreld se grootste internetsoekdiens, planne verdedig het om miljoene boeke in aanlyn elektroniese literatuur te omskep.

Die rusie het by die 61ste internasionale Frankfurt-boekeskou, ‘n groot jaarlikse literêre gebeurtenis, ontstaan.

‘n Literatuurprofessor van Duitsland se Universiteit van Heidelberg het skerp gereageer op Google Books, ‘n massiewe projek deur die Amerikaanse groep, om die wêreld toegang te gee tot boeke wat andersins moeilik of onmoontlik is om te bekom.

Prof. Roland Reuss het gewaarsku dat dit ‘n bedreiging vir tradisionele uitgewerye is. “Julle vernuwe die mark, maar die verskaffers van goedere in hierdie mark gaan vernietig word.”

Google se hoof van Druk Inhoud Vennootskappe in Brittanje, Santiago de la Mora, het in reaksie gesê hulle los een van die groot probleme in die wêreld op, dat boeke omtrent dood is omdat hulle nie gevind word nie.

Die Google Book-projek staar regsprobleme oor die kwessie van kopiereg in Amerika, Europa en elders in die wêreld in die gesig.

Die soekdiens wil soveel as moontlik van die wêreld se kennis in een plek, naamlik die kuberruim, bewaar.

аппарат для мойки

Oproer in kettingwinkel

‘n Swart vrou, Linda Brown, is Dinsdag in die deelstaat Ohio, in die VSA, gearresteer ná ‘n inkopietog van drie ure lank. Dit het begin nadat sy ‘n Hummer-limousine gehuur het en gevra het om by die Burlington Coat Factory-kettingwinkel afgelaai te word.

Volgens die polisie het Brown na die naaste kasregister geloop en luidkeels aangekondig dat sy vir elke persoon in die winkel ‘n pasellatjie van $500 se aankope gee.

Mense in die winkel, hoofsaaklik swart, het na die kasregisters gestroom en begin om item na item te laat oplui.

Ten minste 500 mense was in die winkel ten tye van die aankondiging en nog ‘n duisend het probeer instorm nadat die goeie nuus rugbaar geraak het.

‘n Polisiewoordvoerder het bevestig dat Brown aan mense gesê het sy het die lotery van $1,5 miljoen gewen.

Dit het later geblyk dat Brown nie ‘n dooie sent gewen het nie en nie geld gehad het om vir die aankope te betaal nie.

“Sy het nie geld gehad om vir enige iets te betaal nie,” het die woordvoerder gesê.

‘n Uur nadat Brown die klante uitgenooi het om op haar rekening inkopies te doen, het sy die limousinebestuurder gevra om haar na die bank te neem sodat sy kan gaan geld trek. Sy het egter met leë hande na die winkel teruggekeer.

Teen daardie tyd was die winkel reeds in rep en roer en moes die bestuur twee dosyn polisiebeamptes se hulp inroep om die skare te beheer.

‘n Klant, Candace Jordan, met wie ‘n plaaslike TV-stasie WBNS-TV ‘n onderhoud gevoer het, het aan Brown gesê dat sy nie klere nodig het nie, maar haar huur moet betaal. Brown het dadelik ‘n tjek uitgeskryf vir die bedrag wat Jordan gevra het.

Toe die werknemers van die winkel uitvind Brown het nie geld om te betaal vir die inkopiestormloop nie, het sy reeds in die limo vertrek.

Dit is toe dat woedende klante, met die besef dat hulle nie gratis jasse gaan kry nie, begin het om voorraad op die vloer te gooi en klere te gryp sonder om daarvoor te betaal.

Volgens die polisie was dit die begin van die oproer. “Almal was soos, ‘Ek wil gratis goed hê’ en dit het die onlus begin. Dit het gelyk asof die orkaan Katrina deur die winkel was.”

Die polisie sê voorts hulle het geen idee wie almal met goedere gevlug het nie, maar hulle sal die sekuriteitsvideo-opnames nagaan.

Die limousinebestuurder het, nadat hy agtergekom het hy gaan nie die $900 invorder vir die huur van sy voertuig nie, vir Brown na die naaste polisiestasie geneem.

Brown, 44, is daarna in hegtenis geneem vir drie ander misdrywe. Sy is aangekla vir verswaarde teistering, misbruik van die 9/11-stelsel en vals alarms.

Sy is egter nog nie aangekla vir die herrie in die jaswinkel nie, aangesien sy tans psigologies geëvalueer word.

no deposit лобановский харьков

Vyf vas vir terreurkomplot

Vyf mans is daarvan skuldig bevind dat hulle instruksies oor hoe om bomme te maak bymekaar gemaak het en plofbare chemikalieë gekoop het as deel van ‘n komplot om ‘n terroriste-aanval op Australië uit te voer.

‘n Jurie het vir ‘n maand oor die saak nagedink voordat hulle die mans Vrydag skuldig bevind het vir sameswering om ‘n terroriste-aanval op Australiese grondgebied uit te voer.

Hulle staar tot vyf jaar se gevangenisstraf in die gesig.

Die mans is in hegtenis geneem nadat hul huise verskeie kere in 2005 deursoek is.

Volgens die aanklaer, Richard Maidment, is daar instruksies oor hoe om bomme te maak in die mans se huise gevind is, sowel as millitante Islamitiese materiaal – insluitende beeldmateriaal van die vliegtuie wat op 11 September 2001 in die Twin Towers ingevlieg het.

Die aanklaer het ook gesê dat die mans plofbare chemikalieë en gewere tussen Julie 2004 en November 2005 gekoop het.

search casino games

Drie uit vyf aanvanklik teen Obama gekant

Drie uit die vyf lede van die Nobelkomitee was aanvanklik daarteen gekant dat president Barack Obama die Nobelprys vir vrede ontvang, het die Noorse dagblad Verdens Gang, berig.

“VG het met ‘n aantal bronne gepraat wat bevestig het dat die meerderheid lede aanvanklik nie Obama wou benoem nie,” het die koerant gesê.

Die komitee, byeen geroep deur die parlement van Noorweë het Obama vereer vir sy “uitnemende pogings om internasionale diplomasie en samewerking tussen mense te bevorder”. Dít na slegs nege maande in sy amp.

Die komitee se besluit was eenparig, maar Inger-Marie Ytterhorn van die regsgesinde Proggressiewe Party, het egter Obama se vermoëns om sy beloftes te hou, in twyfel getrek.

Volgens die dagblad het Kaci Kullmann Five, die verteenwoordiger van die Konserwatiewe Party, sowel as Aagot Valle van die Sosialistiese Party, beswaar gemaak teen Obama se benoeming.

Five en Valle het egter agterna gesê dat hulle die komitee se besluit ondersteun.

детский хоккей игра топкарго