Internasionale nuus Archives - Page 261 of 464

NAVO laat 61 swart vlugtelinge sterf

Swart vlugtelinge is blykbaar aan hul lot oorgelaat om te sterf in die Middellandse See nadat Europese en NAVO-militêre eenhede hulle krete om hulp geïgnoreer het.

‘n Boot met 72 passasiers aanboord, waaronder verskeie vroue, jong kinders en politieke vlugtelinge, het in Maart naby Tripoli in die moeilikheid geraak. Hulle was oppad na Europa om daar om politieke asiel aansoek te doen.

Die vaartuig het blykbaar rondgedryf in die oop water vir 16 dae lank. “Elke oggend het ons wakker geword en nog liggame ontdek,” het Abu Kurke, een van slegs nege oorlewendes, gesê. Hulle het oorleef, sê hy, deur hul eie urine te drink en tandepasta te eet.

Internasionale maritieme reg verplig alle skepe, insluitende militêre vaartuie, om gehoor te gee aan noodoproepe en hulp aan te bied waar moontlik. Vlugtelingorganisasies het ‘n ondersoek na die sterftes aangevra, terwyl die UNHCR, die VN se vlugteling-agentskap, gevra het vir strenger samewerking tussen kommersiële en militêre skepe in die Middellandse See in ‘n poging om menselewens te spaar.

Hierdie jaar se politieke onrus en militêre konflik in Noord-Afrika het ‘n skerp styging in die aantal mense wat probeer om Europa te bereik, veroorsaak. Soveel as 30 000 migrante het die reis oor die Middellandse See in die afgelope vier maande aangepak.

Groot getalle sterf en route; die afgelope maand is meer as 800 immigrante van verskillende nasionaliteite vermoedelik dood. Van die lyke spoel op die strande in Europa en Noord-Afrika uit.

Die pous het intussen, in ‘n toespraak aan meer as 300 000 aanbidders, ‘n beroep op Italianers gedoen om immigrante te verwelkom.

Op ‘n stadium op 29 Maart of 30, was die boot naby aan ‘n NAVO-vliegdekskip. Volgens oorlewendes, het twee stralers opgestyg van die skip en laag oor die vlugtelingvaartuig gevlieg terwyl die immigrante op die dek twee honger babas omhoog gehou het.

Die Guardian het na uitgebreide navrae vasgestel dit was waarskynlik die Franse skip Charles de Gaulle.

‘n Woordvoerder van NAVO, wat militêre optrede in Libië koördineer, het gesê hulle het geen rekords van die insident nie. “NAVO-eenhede is ten volle bewus van hul verantwoordelikhede met betrekking tot die internasionale maritieme reg, en sal antwoord op alle noodoproepe op see en altyd help wanneer dit nodig is om lewens te red.”

детски машины Лобановский

Moslems en Christene pak mekaar in Egipte

Die Egiptiese eerste minister, Essam Sharaf het ‘n noodveragdering van sy kabinet saamgeroep om bloedige gevegte wat tussen Moslems en Christene in Kaïro uitgebreek het, te bespreek.

Minstens sewe mense is dood en meer as ‘n honderd beseer in die gevegte.

Die Egiptiese weermag is ingeroep om die twee groepe uitmekaar te hou. Volgens berigte beskuldig die Moslem-groepe ‘n Christengroep daarvan dat hulle ‘n vrou wat die Islamitiese geloof wil aanneem, gevange hou.

Die twee groepe het mekaar onder klippe en petrolbomme gesteek.

CIA erken dat Obama en volgelinge nie hele aanval gevolg het nie

Leon Panetta, direkteur van die CIA, het erken dat daar ‘n 25-minute stilte tydens die aanval op Bin Laden se blyplek was waartydens die lewendige uitsending van die kameras wat op die helms van die Amerikaanse spesiale magte gemonteer was, afgesny is.

‘n Foto wat vrygestel is deur die Withuis wys die president en sy volgelinge in die situasie kamer wat gebeure soos dit ontvou, volg. In werklikheid is hulle het min kennis van wat daar gebeur het gelaat.

In ‘n onderhoud met PBS, het Panetta gesê:. “Ek kan jou vertel daar was ‘n tydperk van byna 20 of 25 minute waar ons regtig nie presies geweet het wat aangaan nie. En daar was ‘n paar baie gespanne oomblikke soos wat ons gewag het vir meer inligting.”

“Ons het nie’ n direkte vloei van inligting oor die werklike verloop van die operasie gehad nie.”

Die President het net geweet die sending was suksesvol nadat die spesmagsoldate se bevelvoerder die woord “Geronimo” op die radio gebruik het, ‘n kodewoord om te rapporteer dat hulle Osama doodgemaak het.

о беременности

Geen teken van Osama nie

Foto’s wat sowat ‘n uur na die Amerikaanse aanval op Osama bin Laden se tuiste in Abbottabad in Pakistan geneem is, toon drie dooie mense wat in poele van bloed lê, maar geen wapens nie. Nie een van die dooie mans is Osama nie.

Die foto’s, geneem deur ‘n Pakistani sekuriteitsbeampte, toon twee manne geklee in tradisionele gewade en een in ‘n t-hemp, met bloed wat uit hulle ore, neuse en monde stroom.

Die amptenaar, wat anoniem wou bly, het die foto’s aan Reuters verkoop. Dié nuusagentskap sê hulle meen die foto’s is eg.

Amerikaanse president Barack Obama het intussen besluit om nie foto’s van Bin Laden liggaam te laat vrystel nie, want dit kan volgens hom geweld aanhits en gebruik word as ‘n al-Kaida propaganda-instrument.

“Ek dink vanweë die grafiese aard van hierdie foto’s, kan dit ‘n nasionale veiligheidsrisiko skep,” het Obama gesê op die bekende CBS-program “60 Minutes.”

Reuters is vol vertroue oor die egtheid van die aangekoop beelde, want in die foto’s verskyn ‘n verwoeste helikopter wat ooreenstem met besonderhede van die foto’s wat Maandag uitgereik is.

Die foto’s is ook geneem in volgorde en is almal dieselfde grootte in pixels, wat aandui dat hulle nie mee gepeuter is nie. Die tyd en datum van die foto’s soos aangeteken in die digitale lêer se metadata stem ooreen met daglig en -stand in die gebied.

Een foto wys ‘n rekenaarkabel en wat lyk soos ‘n kind se plastiek groen-en-oranje waterpistool wat onder die regterskouer van een van die dooie mans lê. ‘n Groot plas bloed verskynonder sy kop.

fun gladiator games Фильчаков Харьков

Withuis sal nie foto’s van Bin Laden se lyk vrystel nie

President Barack Obama het amptelik besluit dat geen foto van die lyk van Osama bin Laden vrygestel sal word nie.

Jay Carney, woordvoerder van die Wit Huis, aan Woensdag aan die media gesê: “Die president het die besluit geneem om geen foto’s van die afgestorwe Osama bin Laden uit te reik nie.”

“Ons stuur nie dié soort goed uit as trofeë nie,” het Obama gesê. Hy het ook gesê dit sal nie wenslik wees om foto’s van Amerikaanse lyke uitgereik te sien nie.

In 2009 egter het Obama se administrasie besluit om ‘n 18-jaar oue verbod op die foto’s van afgestorwe Amerikaanse soldate op te hef. Die jongste uitlatings kom as ‘n 180-grade wending van vorige stellings deur die president.

Nog een van die redes wat aangevoer word is dat die vrystelling van só ‘n foto die veiligheid van Amerikaanse soldate in die buiteland kan bedreig.

Фільчаков прокурор

Frankryk, VSA wil uit Afghanistan

Die Franse minister van Buitelandse sake sê Frankryk en die VSA oorweeg die moontlikheid om hul onttrekking van troepe uit Afganistan te bespoedig ná die dood van Osama bin Laden.

Sowat 4 000 troepe van Frankryk is betrokke by Amerikaanse- en Navosendings in Afganistan. Minister Alain Juppe het gesê Frankryk en sy bondgenote sal ondersoek hoe hulle die kwessie gaan hanteer.

Juppe het Woensdag op die France 24-televisiekanaal gesê Navo se doel in Afganistan was nie om Bin Laden dood te maak nie, maar om die land se regering te help om heerskappy te wen en om vrede en demokrasie vir die land se mense te bring.

Noudat Bin Laden dood is, het Juppe gesê om die beplande onttrekking teen 2014 te bespoedig, is “een van die moontlikhede wat ons sal oorweeg. Die Amerikaners dink ook daaraan.”

Die Al-Kaïda-leier is gedood tydens ‘n aanval deur Amerikaanse spesiale magte in Pakistan.

Switserland bevries ongewilde leiers se bates

Switzerland het die ekwivalent van R6,3 miljard se fondse wat aan ongewilde Noord-Afrikaanse leiers behoort, bevries.

Micheline Calmy-Rey, die Switserse minister van buitelandse sake, het die syfer bekend gemaak tydens ‘n konferensie in Tunisië. Sy is op ‘n drie dae lange besoek aan dié land, het Lars Knuchel, ‘n woordvoerder vir die departement, gesê.

Die meeste van die geld behoort aan Hosni Mubarak, die voormalige president van Egipte, en sy vennote, het Knuchel gesê.

Verder behoort $360 miljoen aan Muammar Gaddafi, die Libiese leier, en $60 miljoen behoort aan Zine El Abidine Ben Ali, die voormalige president van Tunisië.

Switserland het Ben Ali en Mubarak se fondse bevries kort ná hulle regerings in Januarie en in Februarie onderskeidelik omvergewerp is.

VSA weet al lankal van Bin Laden: Wikileaks

Die Verenigde State het waarskynlik teen reeds 2008 geweet van Osama bin Laden se skuilplek in Abbottabad, het die webwerf Wikileaks Maandag op grond van ‘n aanhaling uit ‘n Amerikaanse dokument beweer.

Die dokument het notas bevat oor die ondervraging van ‘n Libiër, Abu al-Libi, wat by die Guantanamobaai-sentrum in Kuba aangehou is, waarin hy gesê het dat hy in 2003 as ‘n boodskapper van Bin Laden aangestel is, en dat hy vanuit Abbottabad sou werk.

“Die aangehoudene het in Julie 2003 ‘n brief van (Osama bin Laden’s) se koerier, Maulawi Abd al-Khaliq Jan, ontvang, waarin hy versoek word om verantwoordelikheid te neem vir die insameling van donasies, die tref van reisreëlings en die verspreiding van fondse vir families in Pakistan.

“(Osama bin Laden) het gesê die aangehoudene sal die amptelike boodskapper tussen (Osama bin Laden) en andere in Pakistan wees. In die helfte van 2003, het die aangehoudene met sy familie na Abbottabad (Pakistan) getrek en tussen Abbottabad en Peshawar gewerk.”

Wikileaks het die verwysing op Twitter uitgestuur. Wikileaks het onderneem om sowat 250 000 Amerikaanse diplomatiese boodskappe met verdrag te lek.

free games bonus депутат лобановский

Bin Laden is dood

Vreugde heers in die VSA oor Bin laden se dood

Die Al-Kaïda-leier Osama bin Laden is dood, het die Amerikaanse president, Barack Obama, Maandag aangekondig. Dit is ná byna 10 jaar van die terreuraanvalle op 11 September 2001 wat teen die VSA geloods is.

Bin Laden was in ‘n dubbelverdiepinghuis digby die Pakistanse militêre akademie in die dorpie Abbottabad, naby Islamabad, toe vier Amerikaanse helikopters vroeg Maandag toegeslaan het.

Een helikopter het neergestort nadat sy wagte losgebrand het op die aanvallers. Volgens Amerikaanse amptenare is geen Amerikaners in die aanval beseer nie.

In New York waar Bin Laden se makkers die World Trade Centre op 11 September 2001 aangeval het, het groot groepe mense na Ground Zero, soos dit sedertdien bekend staan, gestroom en feesgevier oor die nuus.

Familie van die meer as 2 700 mense wat dood is, brandweermanne en polisie wat met noodreddingswerk en opruiming na die 9/11-aanval gehelp het, het die strate ingevaar nadat die nuus bekend gemaak is.

Mense het ook na die Withuis, waar pres. Barack Obama die nuus ampelik aangekondig het, gestroom.

Oral het landsvlaggies gewapper en is die Amerikaanse landstem gesing.

“New Yorkers het amper tien jaar lank op die nuus gewag,” het New York se burgemeester, mnr. Michael Bloomberg, gesê en die polisiehoof Raymond Kelly het dit as ‘n “welkome mylpaal” beskryf.

Intussen is die foto van Bin Laden se lyk wat op die internet versprei word nadat dit blykbaar op ‘n Pakistanse TV-uitsending vertoon is, as ‘n vervalsing uitgewys. Die gesig van die dooie man is volgens kenners gedokter om soos Bin Laden te lyk.

Moslemkenners het die Amerikaanse weergawe van gebeure in twyfel getrek.

Volgens senior Pentagon-amptenare, het die VSA “verskeie metodes” gebruik om hulle teiken positief te identifiseer.

Hulle beweer dat die DNA wat hulle geneem het genoeg getuienis verskaf met 99,9 akkuraatheid, hoewel hulle nie onmiddellik wou sê waar of hoe die toets gedoen is nie.

President Barack Obama het geen besonderhede oor die identifikasieproses verskaf nie.

Amerikaanse amptenare het ook gesê Bin Laden is geïdentifiseer deur middel van “gesigsherkenning,” ‘n verwysing na tegnologie vir unieke gesigseienskappe, maar dit is nie duidelik presies hoe die SEAL-troepe dit aangewend het nie.

Bin Laden is aan boord van die USS Carl Vinson-vliegdekskip ter see begrawe, het Amerikaanse militêre en intelligensie-amptenare gesê.

Hy is gewas, toegedraai in ‘n wit laken, “in die see” gelaat, binne 24 uur van sy dood. Hy is begrawe in die Noord-Arabiese See.

Terwyl sommige beweer dat Bin Laden ‘n seebegrafnis gehad het sodat ondersteuners nie ‘n heiligdom vir hom kan skep nie, het Amerikaanse amptenare gesê daar is geen land wat bereid was om sy liggaam te neem nie.

Maar Moslem-geestelikes sê Bin Laden se begrafnis was ‘n skending van die Islamitiese tradisie wat wraakaanvalle teen Amerikaanse teikens kan uitlok.

Positiewe identifikasie van die oorblyfsels word tans beskou as ‘n krities belangrike deel van die Amerikaanse operasie, gegewe die simboliese belangrikheid van Bin Laden se leierskap.

Toe die al Kaida-leier in Irak, Abu Musab al-Zarqawi in Junie 2006 vermoor is, is DNA-toetse uitgevoer deur die FBI om die oorblyfsels positief te identifiseer. Die Pentagon het ook ‘n lykskouing uitgevoer, deels om bewerings uit die weg te ruim dat die terroriste-leier geslaan of geskiet is deur die Amerikaanse soldate, terwyl in aanhouding.

crystal tiaras

VSA belowe hulp aan Libiese rebelle

President Barack Obama beoog om nagenoeg R170 miljoen se toerusting aan die Libiese rebellemagte te skenk.

Die rebellegroepe gaan ‘n besending voertuie, ambulanse, mediese toerusting, koeëlvaste baadjies, verkykers en radio’s van die VSA-regering ontvang.

Geen wapens sal egter aan die rebellemagte verskaf word nie.

Intussen het Frankryk militêre adviseurs na Libië gestuur om die magte wat Gaddafi teenstaan, te ondersteun.

Moestafa Abdel Jalil, Libië se rebelse hoof van die Nasionale Oorgangsraad (NO), het die Franse pres. Nicolas Sarkozy ook uitgenooi om die rebellestad Benghazi te besoek.

Abdel Jalil se uitnodiging kom nadat hy besprekings met die Franse leier gevoer het.

“Ons het die Franse president uitgenooi om Benghazi te besoek. Ek dink dit sal baie belangrik wees vir die rewolusie se selfvertroue,” het die rebelleleier aan joernaliste gesê.

Sarkozy se kantoor sê hulle “neem kennis” van Abdel Jalil se uitnodiging.

Frankryk was die eerste land wat op 10 Maart die NO as ‘n “wettige verteenwoordiger” van die Libiese mense beskou het.

Gaddafi het egter gewaarsku dat enige buitelandse soldate die konflik bloot sal uitrek.