Kategorie: Internasionale nuus

Nuus oor die wêreld buite Suider-Afrika

Swart bendes plunder Florida terwyl orkaan Irma woed

Ten minste 32 plunderaars is regoor Florida, VSA, in hegtenis geneem terwyl die orkaan Irma aanhou om Amerika noord van Tampa te teister. Skokkende videos het na vore gekom waarin hoofsaaklik Afro-Amerikaanse jeugdiges getoon word wat probeer om by winkels in te breek en verlate eiendomme probeer uitbuit.

Die polisie van Miami-Dade het getwiet: “Tot dusver is 28 inhegtenisnames vir inbraak/plundery gemaak. Ons beamptes hou aan patrolleer en die aanklokreël is van toepassing tot 7 vm. #HurricaneIrma.”

Irma was ‘n kategorie-vier-storm toe dit die eerte maal land getref het in die Floriday-eilanda, maar is nou ‘n katorie een. Dit verloor krag en gaan na ‘n tropiese storm toe afgegradeer word.

Diewe het selfs ‘n wapenwinkel beroof terwyl ander op kamera gevang is waar hulle in ‘n sportwinkel inbreek. Sondag is twee groepe plunderaars trouens op kamera vasgevang waar hulle besig was om twee verskillende sportwinkels in Suid-Florida te stroop. Plaaslike media het verder berig dat ten minste een beweerde plunderaar geskiet is en ten minste 12 in hegtenis geneem is.

In die middestad van Miami het ‘n plaaslike televisieverslaggewer Sondag gesien hoe ‘n dosyn goed gekoördineerde plunderaars ‘n winkel beroof.

Twee tieners is in hegtenis geneem nadat hulle gepoog het om Saterdag by ‘n huis in te breek in die voorstad Weston in die welaf Fort Lauderdale-omgewing, het NBC 6 TV berig.

‘n Plaaslike nutsmaatskappy naby Orlando beweer dat ‘n aantal kliënte onstellende klagtes gelê het van rowers wat hulle as elektrisiteitswerkers voordoen en dan huiseinaars oor die loop van ‘n wapen beroof, volgens WOFL-TV.

“Ons wil hê almal moet veilig wees gedurende die orkaan. En ons sal nie diewe verdra wat diegene misbruik wat hul huise verlaat nie. Stropers moet bereid wees om tronk toe te gaan as hulle mense gedurende ‘n noodtoestand probeer uitbuit,” het die sheriff van Polk-graafskap, Grady Judd, in ‘n mediaverklaring gesê.

Die polisie van Fort Lauderdale het bevestig dat  nege mense in verband met plundery in hegtenis geneem is. Polisiehoof Rick Maglione sê: “Om tronk toe te gaan vir ‘n paar tekkies is ‘n taamlik swak loopbaankeuse. Bly tuis en kyk na u geliefdes en wees dankbaar dat hulle almal veilig is.”

Dog sommiges het die polisie vir hul pogings om plunderaars te vang, gekritiseer. Een persoon op Twitter het gesê: “Om eiendom te beskerm wat andersins tydens die orkaan vernietig sou word, is vir die polisie belangriker as om lewens te beskerm.”

‘n Ander het gesê: “Julle behoort julle oor mense te kwel en om hulle veilig te hou.”

Video’s het aanlyn verskyn wat toon hoe plunderaars winkels stroop wat verlede week deur Irma beskadig is. In St. Maarten het ten minste twintig mense na bewering reeds winkels gestroop wat deur die storm vernietig is.

Ten minste 28 mense is in die Karibbiese gebied geood, terwyl groot skade aan verskeie eilande aangerig is, waaronder die Britse Maagdeilande.

Irma het Florida getref nadat die orkaan oor Kuba getrek het met stormsterkte winde, reën en vloede. Dit mag blyk te wees die mees rampspoedige strom wat die deelstaat nog ooit getref het, waartydens sewe miljoen mense aangesê is om hul huise te verlaat.

Britse skool verbied rompe om transgender studente welkom te laat voel

‘n Sekondêre skool is East Sussex, Brittanje, het die idiotiese stap geneem om meisies te verbied om rompe aan te trek, die jongste voorbeeld van die bevordering van ‘n sogenaamde “gender neutrale” agenda.

Priory School in Lewes, het ‘n beleid ingestel om dieselfde uniform vir alle studente af te dwing om transgenders te laat welkom voel, het Skynews berig.

Die skoolhoof, Tony Smith het aan die plaaslike pers gesê: “Spesifiek, spreek dit die huidige kwessies van ongelykheid en fatsoenlikheid aan.

“‘n Ander probleem was dat ons ‘n klein maar toenemende aantal transgenderstudente het en daarom is dieselfde uniform vir hulle belangrik.”

Onderwysers hoop dit sal dinge “regverdiger vir transgender leerlinge” maak in reaksie op ‘n toename in die aantal sulke studente. Maar die media het nie berig oor die aantal transgenders by die skool nie. Vermoedelik kan die skool hulle op een hand tel.

Volgens die skool se webwerf is die nuwe uniform “spesifiek ontwerp om te reageer op die vele probleme en voorstelle wat deur ouers, studente en skoolpersoneel geopper word”, insluitend waarom seuns dasse moet dra terwyl meisies nie.

Seuns dra grys broek, ‘n wit hemp, vlootblou trui en ‘n blou-en-silwer das, terwyl meisies geen das hoef te dra nie.

‘n Plaaslike ma het egter aan die plaaslike koerant gesê: “My dogter het gesê sy het ‘n geslag en dit is vroulik. Om geslagsneutraal te wees wanneer sy ‘n geslag het, is ‘n groot probleem vir haar, want sy is trots om ‘n meisie te wees.”

Maar die nuwe reëls sal help “om klagtes uit te skakel oor die fatsoenlikheid van kort rompe” het die skoolhoof gesê.

In April vanjaar het die Nasionale Unie van Onderwysers [National Union of Teachers toepaslik afgekort as NUT] gesê kinders so jonk as twee moet geleer word oor transgenderprobleme.

Afgevaardigdes by die NUT se jaarlikse konferensie in Cardiff het sy lede aangemoedig om LGBT+ kwessies in die kleuterskool te bevorder, sodat seks en verhoudingsonderrig (SRE) “inklusief” kan word. NUT beweer lesbiese, gay, biseksuele en transgender studente “word uitdruklik in die wet vertel dat hul lewens ook belangrik is”.

Talle Britse skole het reeds geslagsneutrale uniforms aanvaar, insluitend Brighton College in die privaat sektor en ongeveer 80 staatskole, het The Telegraph vroeër berig.

Enkelgeslag privaatskole is ook vertel om die gebruik van terme soos “meisies”, “jong vroue” of “jong dames” te verwyder.

Hoofde en onderrigpersoneel by koshuise sal die nuwe voornaamwoord, “Zie”, moet gebruik, indien hulle nie enige transstudente aanstoot wil gee nie, in ooreenstemming met hul verpligtinge ingevolge die Gelykheidswet 2010, waarvolgens geslagsidentiteit en “heraanpassing” een van die so- genoem beskermde eienskappe is.

Oostenryk of Australië? Poetin sê VSA-leiers ken nie die verskil nie

Russiese president Vladimir Poetin het aan verslaggewers gesê ná sy besoek aan die BRICS-beraad wat in China gehou is dat die Amerikaanse leierskap ongekunsteld is. Hoewel hy die aantal Amerikaanse diplomate in Rusland kan beperk, sal hy dit nie doen nie, omdat Amerikaners probleme ondervind om tussen Oostenryk en Australië te onderskei, sê hy.

“Dit is moeilik om ‘n dialoog te hou met diegene wat Oostenryk met Australië verwar. Daar is niks wat hieraan gedoen kan word nie, dit is blykbaar die vlak van politieke kultuur van ‘n sekere deel van die Amerikaanse elite. Die Amerikaanse volk is eintlik ‘n wonderlike nasie as hulle soveel mense met so ‘n lae vlak van politieke kultuur verdra,” het Poetin gesê.

Poetin het verduidelik dat beide Moskou en Washington vroeër ingestem het om ‘n gelyke aantal diplomate in hul onderskeie lande te hê, wat nie die geval was omdat die VSA veel meer diplomate in Rusland het.

“Streng gesproke, as ons praat oor volle pariteit, behoort daar nie 455 Amerikaanse diplomate in Moskou te wees nie, maar minder as 155. Daarom behou ons ons die reg voor om ook ‘n besluit te neem oor die aantal Amerikaanse diplomate, maar ons sal dit nie nou doen nie. Ons sal ‘n oog hou oor hoe die situasie verder ontwikkel,” het die president beklemtoon.

Poetin het gesê Amerika het nie die reg om Russiese diplomatieke personeel so onbeskaafd te behandel nie, al mag hulle doen wat hulle wil. “Maar wat anders hier is, is dat dit op ‘n onbeskaafde wyse gedoen is, en dit stel ons Amerikaanse vennote nie in ‘n goeie lig nie.”

“Met betrekking tot die geboue en fasiliteite [van die Russiese diplomatieke missie in die VSA], is dit regtig ‘n ongekende voorval,” het Poetin gesê. “Die Amerikaanse kant het Rusland van die reg om ons eiendom te gebruik, ontneem. Dit is ‘n duidelike skending van Rusland se eiendomsreg. Daarom vra ek die Russiese ministerie van buitelandse sake om regstappe te neem. Kom ons kyk hoe die veelbeprese Amerikaanse regstelsel werk.”

Rusland se ministerie van buitelandse sake het versoeke gestuur aan kundiges om ‘n regsgeding teen die VSA op te stel oor die onwettige beslaglegging op diplomatieke eiendom, het Sergei Lavrof, minister van buitelandse sake, bevestig.

VK: Inset oor ‘progressiewe’ Moslem-vroue verwyder na gas se hatergeskiedenis opduik

Die Verenigde Koninkryk se openbare uitsaaier Channel4 News het ‘n program aangebied deur verslaggewer Assed Baig waarin Moslemvroue “terugveg deur stereotipes te verwerp”. Die inset het Nadia Chan geprys, wat ook ekstremistiese menings huldig.

Die verlinkse Channel4 het die kort dokumentêr aangebied waarin ‘n vrou met ‘n geskiedenis van gewelddadige, rassistiese en godsdienstige ekstremistiese retoriek aanlyn as voorbeeld van ‘n Moslem-rolmodel deelgeneem het. Die vrou het haarself in die verslag voorgestel deur te sê: “My naam is Nadia Chan en ek het ‘n meestersgraad in Regte. Ek beskryf myself as ‘n anti-koloniale Islamiet.”

Kykers wat na Chan se aanlyngeskiedenis gekyk het ná die uitsending verlede Donderdag, het ‘n Twitter-rekening gevul met rassistiese aanmerkings teen wittes en gemengde-rasse, en ondersteuning vir terrorisme ontdek.

Channel4 het intussen die verslag en video van sy webwerf verwyder asook twiets wat die program adverteer. ‘n Woordvoerder het gesê: “Verlede Donderdag, het Channel 4 News ‘n verslag uitgesaai kyk na die rol van Moslem vroue in die Britse samelewing. Na aanleiding van aanhitsende kommentaar wat aanlyn gemaak is deur een van die vroue wat in die vooraf-opgeneemde onderhoud verskyn het, het ons besluit om die stuk te verwyder terwyl ons verder ondersoek instel.”

Maar terwyl hulle nog “ondersoek instel” het sosiale media-gebruikers dit alreeds gedoen.

Chan beskryf die Iere as “parasiete” en vra vir gewelddadige militansie teen die Britse regering en blankes. Sy het ook Moslems aangemoedig om “gewapende verset van die Islamitiese Jihad” te ondersteun op die Islamitiese staats-TV.

Chan se tweets wissel van openlike vyandigheid jeens blankes, rassistiese aanhalings deur Robert Mugabe, en oproepe tot geweld teen die polisie. “Die enigste wit man wat jy kan vertrou, is ‘n dooie witman,” het sy geskryf, en Mugabe aangehaal.

“Ons benodig harde militantes, hulle [wittes] probeer ons doodmaak en hulle word dapperder. Hierdie stinkerds [“honkies” ‘n rassistiese term] sal meer doodmaak, tensy hulle gestop word,” het sy geskryf. Sy beskryf witmense as “parasiete” en “grotmense” in verskeie twiets, omdat sy blykbaar glo dat die Europeërs die uitvinding van seep van Moslems ontvang het. “Eintlik Moslems (90 persent Pakistan is Moslem) was hulself 5 keer per dag, in teenstelling met julle vieslike wit grot parasiete, het moslims vir jou seep gebring onthou.”

Sy het haar afkeer uitgespreek vir gemengde-ras-mense met een Europese ouer met opmerkings soos “[jou] mamma is wit ew [walglik] lol,” en “My meegevoel met julle witmense, maar hou altyd PAKISTANIS uit jou m*****f*****. ‘Moenie jou bek rek nie!'”

Channel4 het vinnig die twiet uitgevee na die 6-minute dokumentêr wat verontwaardiging van die publiek uitgelok het.

Die verslaggewer Assig Baig, wat Chan uitgenooi het, was vroeër berispe omdat hy Moslems as “Uncle Toms” uitgeskel het vir die bywoning van onthale wat deur die Britse regering gereël word. Die ondersoekende joernalis Baig het matige Moslems aangeval met rasse-beledigings, insluitend “huismoslems”, en selfs beweer dat Britse Moslems wat sulke Islamitiese geleenthede bygewoon het, te gehoorsaam is aan blankes.

Baig het ook Britse soldate aangeval. “Hulle is nie my seuns of ‘ons’ seuns nie … Sedert wanneer het ons begin om betaalde soldate te prys, met Kevlar-beskerming, lugondersteuning, swaar masjiengewere, gepantserde voertuie en tenks as helde?”

Die Britse regering het kommer uitgespreek oor “haatspraak” van konserwatiewes, maar die Britse openbarediens-uitsaaier was duidelik nie bekommerd oor Chan se uitnodiging nie. En nog belangriker, waarom word sy nie van haatmisdade aangekla nie?

Britse LP’s vra ondersoek na wit dogtertjie by Moslem-pleegouers beland

‘n Ondersoek na die plasing van pleegkinders is deur LP’s in Brittanje aangevra nadat ‘n wit Christen-kind na bewering in die sorg van ‘n nie-Engelssprekende Moslem-familie geplaas is.

Die klein telgie, vyf jaar oud, wat Engels as haar moedertaal praat, is die afgelope ses maande in twee verskillende Moslem-huishoudings geplaas. In een van die huise het die pleegmoeder ‘n nikab gedra, terwyl die ander in die ander ‘n boerka gedra het.

Die Moslems het haar gedwing om haar kruisie wat sy om haar nek dra, te verwyder en sy is nie toegelaat om haar gunsteling kos, carbonara, te eet nie omdat dit spek bevat. ‘n Vertroulike verslag van die plaaslike owerheid, is deur The Times gelek.

In een van die huishoudings is sy gedwing om Arabies te leer. Maatskaplike dienste is bewus gemaak van haar situasie nadat sy begin huil het en gepleit het om nie terug te gaan na die familie nie omdat “hulle nie Engels praat nie”. In die verslae het ‘n maatskaplike dienswerker is die dogterjie beskryf as “erg getraumatiseer”.

‘n Vriendin van die meisie se ma het aan The Sun gesê: “Dit is ‘n vyfjarige wit dogtertje. Sy is vasgevang in ‘n wêreld waar alles vreemd en onbekend voel. Dis onstellend vir ‘n jong kind.”

Sedert haar plasing in Tower Hamlets, Londen, het die dogtertjie glo aan haar ma gesê het: “Kersfees en Paasfees is dom” en dat “Europese vroue onnosel en alkoholiste” is, het The Telegraph berig.

Volgens The Times het ‘n regter beslis dat dit in die kind se beste belang sal wees om saam met ‘n familielid te woon wat na haar sal omsien met betrekking tot etnisiteit, kultuur en godsdiens.

Sy het die Tower Hamlets-munisipaliteit in Londen beveel om ‘n dringende ondersoek na die saak te doen, wat sy “diep verontrustend” genoem het en ‘n saak van dringende openbare belang.

Maar die munisipaliteit weier om te onthul waarom die die besluit geneem is. ‘n Woordvoerder vir die raad het gesê: “Ons kan nie kommentaar lewer op individuele sake of dié wat onderhewig is aan hofverrigtinge nie.” Die Londense munisipaliteit het egter gekla oor “onakkuraathede” in die beriggewing deur The Times.

Volgens hulle is die meisie tydelik geplaas by ‘n Engelssprekende gesin van “gemengde ras”.

Na die verhoor by die gesinshof het die dogtertjie se familie groot verligting uitgespreek om haar terug te hê. Sy is in die sorg van haar ouma geplaas.

Neil Carmichael, die voormalige Tory-voorsitter van die Education Select Committee, het ‘n ondersoek na plasings gelei, maar kort ná die algemene verkiesing, nadat hy op 8 Junie sy setel verloor het, is dit opgeskort.

Hy het gesê: “Dit is nie die soort ding wat ons nie wil sien nie, sou ek gedink het. Ek dink dit is baie belangrik dat jong kinders gemaak word om tuis te voel, gemaklik moet voel, as ‘n volwaardige familielid te voel.

“Dit moet die sleutelriglyne wees.”

‘n Departement van Onderwys-woordvoerder het ook gesê ‘n kind se agtergrond moet ‘n “belangrike oorweging” vir owerhede wees.

Plaaslike owerhede moet ‘n kind se godsdiens, rasse-oorsprong en kulturele en taalkundige agtergrond oorweeg wanneer hulle binne pleegsorg geplaas word.

Miqdaad Versi, die assistent-sekretaris-generaal van die Moslemraad van Brittanje, het sy verontwaardiging oor die Times-verslag te kenne gegee: “Demonisering van die vreemdeling, veral die Moslem-vreemdeling, is die duidelike onderstroom in hierdie hele stuk. Dit is verskriklik. ” Van die dogterjie se ellende het hy niks gesê nie.

Hou die Pentagon Trump gyselaar oor Afghanistan?

Die Amerikaanse president, Donald Trump, toon ‘n “slaafse onderdanigheid aan die militêre en sake-elite wat nou sy kabinet bestuur,” het The Economist in ‘n onderhoud met die afgedankte Withuis-strateeg Steve Bannon opgemerk. Dit beteken ook meer troepe in Afghanistan.

Maar “wat het die elite gedoen?” het Bannon in reaksie gevra. “Dit is dieselfde ouens wat ons mooi praatjies oor Irak gegee het.”

Die Washington Post is selfs meer bekommerd oor Trump omdat hy sy administrasie met konfliksaaiers gepak het. ‘n Militêre junta is nou in beheer van die Verenigde State, het die koerant gesuggereer.

“Binne-in die Withuis bestuur generaals Trump se uur-tot-uur-interaksies en fluister in sy oor – en dié gefluister, soos met die besluit om die Amerikaanse militêre operasies in Afghanistan uit te brei, word dikwels beleid.

“In die kern van Trump se binnesirkel is ‘n gesoute trio van generaals met ondervinding as slagveldbevelhebbers: die hoof van die Wit Huis, John F. Kelly, Verdedigingsekretaris Jim Mattis en die nasionale veiligheidsadviseur H. McMaster.”

Ongelukkig het Trump se plan om meer troepe na Afghanistan te stuur, geen kans op sukses nie, aangesien dit hoofsaaklik staatmaak op die gebruik van geweld, het die Russiese minister van buitelandse sake, Sergey Lavrov, droogweg opgemerk.

Kelly, Mattis en McMaster is nie die enigste militêre figure wat op hoë vlakke in die Trump-administrasie dien nie. CIA Direkteur Mike Pompeo, Prokureur-generaal Jeff Sessions, Energiesekretaris Rick Perry en Binnelanse Sake se topman Ryan Zinke het elk in takke van die weermag gedien.

Voormalige weermag-generaal Mark S. Inch sal glo eersdaag die Federale Buro vir Gevangenisse lei, terwyl die Nasionale Veiligheidsraad twee ander generaals in hul seniorpersoneel se geledere tel.

Die Pentagon het nou feitlik alle onafhanklike anti-oorlogstemme uit die Wit Huis verwyder, soos blyk uit Trump se aankondiging wat belowe dat Amerikaanse troepe “sal veg om te wen”, ten spyte daarvan dat hy vroeër gesê het hy is van plan om troepe uit Afghanistan te onttrek. Die beëindiging van die 16-jarige militêre betrokkenheid in die land met ‘n “haastige onttrekking” sou “terroriste” aanmoedig, het hy gesê.

Die Washington Post het daarop gewys dat: “Die nuwe stelsel, wat in twee memo’s uitgevaardig is deur outeurs Kelly en Porter, en in die afgelope dae aan kabinetslede en Withuis-personeel versprei is, is ontwerp om te verseker dat die president nie enige eksterne beleidsdokumente, interne beleidsnota’s, agentskapverslae, en selfs nuusberigte wat nie nagegaan is, mag sien nie.”

Die nuwe Amerikaanse strategie in Afghanistan, wat Maandag aangekondig is, was ‘n “flip-flop”, sê Bannon. Hy het die president aangemoedig om van Afghanistan te onttrek en voorgestel dat Trump se “nuwe” rigting eintlik net Barack Obama se ou ongewilde beleid is.

Bannon het aan The Economist gesê dat ‘n stryd tussen Westerse idees van vryheid van spraak, vryheid van godsdiens en selfbestuur, teenoor die “handelaars- en Confusiaanse stelsel” van ‘n opkomende China, onvermydelik is. Maar daar mag meer as ‘n botsing van idees op die spel wees.

Muhammad Maroof (Sarwan), vise-president van die Duniya Construction Company in Afghanistan, wat vir die Amerikaanse weermag gewerk het, het as tolk aan die Russiese joernalis, Andre Vitchek, gesê: “Die grootste mafia hier is direk gekoppel aan beide die VK en die VSA. Die Weste lieg dat hulle handel met dwelms in Afghanistan wil stop; Hulle sal nooit toelaat dat dit stop nie.

“My broer was ‘n skrywer en hy het beelde van die Amerikaanse leër wat waterpompe, gereedskap en ander basiese dinge gee vir die groei van papawers [wat verwerk word tot dwelms]. Die grootste ondersteuner van dwelmproduksie in Afghanistan, en die uitvoer, is die Britse regering. Hulle doen dit regstreeks met die plaaslike inwoners, en gee selfs vir hulle geld. Die VK is ook die belangrikste mark vir die uitvoer.

“Helmand, Kandahar, jy noem dit maar, van daar af, direk, vervoer vliegtuie dit en gaan reguit na Europa, selfs die VSA. Die Westerlinge is die mense wat fisies dwelms in die vliegtuig op ons lughawens laai. My familielid was ‘n tolk vir die Britte. Hy is deur hulle vermoor nadat hy op ‘n vergadering tussen die Britse amptenare en die plaaslike dwelmmafia getuienis en tolkdienste gebied het.”

Die Amerikaanse oorlog in Afghanistan is die langste en een van die duurste militêre operasies in die Verenigde State se geskiedenis, volgens die New York Times. Trump het geweier om aan te kondig hoeveel troepe hy van plan is om na die land te stuur. Dit volg op ‘n tendens om die amptelike getal Amerikaanse troepe in Irak en Sirië geheim te hou.

Amerikaanse verdedigingsamptenare erken egter dat die VSA reeds duisende meer troepe in Afghanistan het as die laaste amptelike Pentagon-syfer.

Amptenare het beraam dat dit iewers nader aan 11 000 of 12 000 troepe moet wees. Terwyl die VSA dikwels amptelik hul ontplooiing in lande waar hulle wedersyds ingestem het om troepgetalle te beperk, onderspeel, is daar nie so ‘n afspraak met Afghanistan nie. Dit maak dit onduidelik waarom hulle misleidende syfers aanbied, het Jason Ditz van AntiWar.com opgemerk.

Trump blameer sy 180 grade ommekeer op sy “instink”, maar sy verklaring het maar onoortuigend geklink. “My oorspronklike instink was om uit te trek – en histories hou ek daarvan om my instink te volg. Maar dis baie anders as jy agter die lessenaar in die Ovaalkantoor sit. Met ander woorde, as jy president van die Verenigde State is.”

Maar Trump se geheue is besonder kort. Voormalige president Obama het selfs Osama bin-Laden se kop op ‘n skinkbord aan Amerikaanse kiesers opgehou, wat die einde moes beteken het van Washington se nuttelose maar ongelooflike vernietigende inval.

Daar was immers geen Afghane by 9/11 betrokke nie. Bin Laden het net in ‘n “nederige grot” in Tora Bora in Afghanistan geskuil, het ‘n Britse joernalis berig. Trump het in 2011, 2012 en 2013 ‘n aantal twiets oor die oorlog in Afghanistan uitgestuur. Hy het gevra dat die VSA sy betrokkenheid moet beëindig in die land.

Migrante wil nie na Portugal toe gaan nie

Dit lyk asof die ware beeld van Portugal is dat migrante nie na die land wil gaan nie, terwyl ander EU-lede wag vir die naderende aankoms van miljoene Afrikane.

En die immigrante wat reeds in Portugal was, het aan die nasionale radio Antena 1 gesê hulle wens hulle het nie gekom nie.

Volgens ‘n verslag in die Franse dagblad Le Monde op 11 Augustus 2017 het selfs die Franse burgers die afwesigheid van migrante in die klein land op die Iberiese skiereiland opgemerk.

Onder die dekmantel van anonimiteit het hulle hul redes verstrek om na Portugal te verhuis: “Islam word op ons afgewding. In Frankryk is dit die noodtoestand. Hier het ons vrede. Net vrede. U het die indruk dat u in die Frankryk van die 1960’s of 1970’s met verskillende waardes woon. In Lissabon, selfs om 2 uur in die nag, voel jy nie in gevaar nie. Dit is die grootste luukse. Ek is ‘n burger van die wêreld, maar daar … Sodra jy ‘n debat oor bedekte vroue begin, die Belfégor [Belphégor is ‘n mitiese demoniese figuur, maar het ‘n Franse slêngterm vir die boerka geword] Hulle plak ‘n etiket op jou. Jy kan niks meer sê nie. Hier word jy nie beoordeel nie. Dit is die rede waarom ons Frankryk verlaat het.”

Marie-Claude voeg by: “Die mark in Carpentras [‘n Franse dorp], wat vroeër ‘n ambagsman se mark was, het ‘n soek [Arabiese mark] geword.” En hulle daar geen of baie min Arabiere in Portugal “want daar is geen welsynsvoordele nie”.

Luís Gouveia, die nasionale adjunk-direkteur van grense en immigrasiediens SEF, het aan Diário de Notícias gesê dat Portugal gereed was om 4 754 vlugtelinge (as deel van EU-kwotas) te ontvang, maar sal waarskynlik nie meer as 50 verwelkom nie, en selfs dié getal is nie seker nie.

Die probleem, het hy verduidelik, is nie net burokraties nie. Mense weier aktief om na sy land te kom, alhoewel Portugal se werkloosheidsyfer laer is as dié van ander Suid-Europese lande, waaronder Griekeland, Spanje en Italië.

“Die grootste meerderheid asielsoekers wat na Europa kom, wil na Duitsland en Swede kom, waar hulle familie het, of waar hulle weet hulle kan werk vind en ‘n goeie lewenstyl hê. Voorkeure is altyd vir noordelike lande,” het Gouveia gesê. “Die Iberiese Skiereiland is onbekend.”

Die min immigrante wat Portugal ontvang, kom hoofsaaklik uit Portugeessprekende lande soos Brasilië.

RTP se Antena 1-radiostasie het met verskeie “vlugtelinge” wat in Portugal woon, onderhoude gevoer en hulle waarsku dat migrante na ‘n ander land mot gaan.

Ali, Ayad en Mubarak het “drie verhale van ontnugtering” vertel, waarin hulle beklemtoon dat hulle deur die owerhede in Portugal “versaak” is en sonder waardigheid behandel is. “Minimum ondersteuning” is hoe Ayad die gebrek aan staatsvoordele in Portugal verklaar het.

Ayad het gesê hy wil so gou as moontlik uit Portugal kom en ander inkomende migrante gewaarsku dat hulle “Frankryk of Duitsland moet kies, waar die lewe lekker is. Maar hier, krisis, krisis, krisis. Laat die mense ‘n ander plek kies. Dit is beter vir hulle”.

Mubarak, van Somalië, het aan verslaggewers gesê dat drie weke gelede het drie gesinne die land met kinders vir Duitsland verlaat. Hoekom? As gevolg van alles wat hulle kry, sê hy.

Negatiewe kettingbriewe het ook die rondes op Portugese sosiale media gedoen en die wysheid van die uitnodiging van migrante “wat jihadiste in vermomming mag wees”, bevraagteken.

Menseregtegroepe kla dat hulle byna geen reaksie van Portugese owerhede, insluitend die Portugese Raad vir Vlugtelinge en die Rooi Kruis, kry nie.

“Sover ek weet, is nie een van ons aanbiedinge van hulp of verblyf aanvaar nie,” het Toin Adams gesê, van die Bem-Vindos Refugiados Algarve-inisiatief.

‘n Brief van ‘n werklose Duitse egpaar wat in die Beira Baixa woon, het ‘n “steenhuis wat amper leeg is” aan migrante aangebied. “Ons is op welsyn,” het Jan Feliz Krutsch geskryf. “Ons het dus nie veel geld nie, maar ons het kamer wat ons graag wil deel, veral met gesinne met kinders.”

Bem-Vindos Refugiados het die brief wyd gesirkuleer, en bly ‘n databasis van mense wat hulp en ondersteuning bied bywerk, ondanks die feit dat geen migrante dit wil gebruik nie.

Europol: 300 jihadistiese slagoffers en geen einde in sig

Robert Wainwright, hoof van Europol, het op Twitter gewaarsku dat terrorisme tans die “grootste bedreiging in Europa binne ‘n generasie is”.

En die jongste terreuraanvalle in Barcelona, ​​Finland en Rusland was nie dade van sogenaamde “regse” terrorisme nie.

Die kanse dat Charlottesville se “moorddadige” bestuurder, James Alex Fields, in die VSA aangekla sal word van terrorisme, is in elk geval feitlik nul, aangesien die Amerikaanse federale wet nie eksplisiet ‘n binnelandse terrorisme aanklag toelaat vir dade wat nie met Islam verband hou nie.

Dit blyk dat sy motor reeds beskadig was deur Antifa-aanvallers en hy waarskynlik vir sy lewe moes vlug. Bronne binne die Amerikaanse polisie sê Fields was beangs en het nie met voorbedagte rade opgetree nie. Tensy die linkse politici met die saak inmeng, is dit waarskynlik dat Fields sal loskom, sê hulle.

Die Barcelona-terreursel het beplan om ‘n dodelike dubbele voertuig-aanval te pleeg deur die voertuie met springstof te laai, maar ‘n ontploffing Woensdag by die huis waar hulle die bomme gebou het, het hulle gedwing om hul aanvanklike planne te laat vaar.

Volgens die Spaanse ministerie van binnelandse sake is meer as 180 “jihadistiese terroriste” sedert Junie 2015 gearresteer toe Spanje die terreurwaarskuwingsvlak tot vier van ‘n maksimum van vyf verhoog het, het Yahoo News berig.

Londen-aanvaller Khuram Butt is voorheen verfilm vir ‘n TV-dokumentêr waar hy ‘n Islamitiese vlag in ‘n park vertoon, maar Max Hill, die Onafhanklike Beoordelaar van Terrorisme Wetgewing in Brittanje, het aan die Independent gesê dat potensiële terroriste met bestaande “algemene” wette gestop kan word.

Brittanje moet oorweeg om alle anti-terreur wette af te skaf omdat hulle “onnodig” is in die stryd teen ekstremiste, het Hill gesê. Hy is getaak om Brittanje se terrorisme wetgewing te hersien.

Die afleweringswa wat in die Londen-aanvalle in Junie gebruik is, was kleiner, omdat die jihadiste onsuksesvol probeer het om ‘n 7,5-ton voertuig te huur. Die British Vehicle Rental and Leasing Association (BVRLA), wat sowat 75 persent van die voertuighuur in die Verenigde Koninkryk hanteer, is baie bewus van die risiko’s, sê hulle, maar wetlike pligte en privaatheidskwessies belemmer beter toesig.

Nadat verskeie terroriste aanvalle in die Verenigde Koninkryk en Europa geloods het, het dit aan die lig gekom dat die jihadiste in die Barcelona en Cambrils-aanvalle, weereens immigrante was wat skakels met kriminele bendes gehad het voordat hulle geradikaliseer is.

Net ná die waarskuwing van die Europol-hoof, het ‘n jihadis in Turku, Finland, twee mense vermoor.

“Die mees kommerwekkende ding is die radikale Islamitiese netwerke wat in onlangse jare in Finland gebore is en hulle word voortdurend versterk. Mens kan selfs praat oor die ‘jihadistiese onderwêreld’ wat in Finland gebore is. Hierdie netwerke het skakels na alle groot terroriste-organisasies,” sê Jyri Rantala, kommunikasiebestuurder by SUPO se risikobepaling.

Volgens ‘n amptelike risikobepaling deur SUPO, die sekuriteitsagentskap van Finland, het die bedreiging van individuele terroriste ook in Finland toegeneem. Dit kan enkelpersone of klein groepe insluit. Finland is nie meer veilig nie, sê hy.

Geen terroristiese organisasie het Finland as ‘n strategiese teiken geïdentifiseer nie, maar Finland se reputasie in die radikale Islamitiese kringe het toegeneem en daar is baie verwysings na Finland, byvoorbeeld, in die propaganda van ISIS. Dit is ook onlangs in Fins gepubliseer.

“Alles in ag genome, het die faktore wat Finland voorheen beskerm het, ineengeplof of is besig om ineen te plof,” sê Rantala, verwysende na etniese Finse gemeenskappe.

‘n Petisie aan die Withuis om Antifa as ‘n terreurorganisasie formeel te klassifiseer, het die vereiste 100 000 handtekeninge gehaal en die Amerikaanse regering word tans versoek om die linker-ekstremistiese beweging, Antifa, formeel as terroriste-organisasie te lys.

Barcelona: Paneelwa maai vakansiegangers af, polisie stuit tweede aanval

Die Islamitiese Staat het verantwoordelikheid aanvaar vir die aanval in Barcelona waartydens 13 mense gedood is en ‘n honderd voetgangers beseer is toe ‘n wit paneelwa in ‘n skare niksvermoedende vakansiegangers ingery het.

Van die 100 of meer wat beseer is, ten minste 20 nasionaliteite getref. Frankryk se ministerie van buitelandse sake het gesê dat 26 van sy burgers tussen die beseerdes verkeer, en Spanje se El Pais-dagblad het berig dat drie van die dooies Duitse burgers was.

Joaquim Forn, Katalonië se polisiehoof, het gewaarsku: “Ongelukkig gaan die aantal sterftes waarskynlik styg.” ‘n Driejarige kind is ook tussen die slagoffers en 15 mense verkeer in ‘n ernstige toestand, berig El Pais.

Dit is die agste terreuraanval binne drie jaar in Europa waartydens ‘n voertuig as wapen gebruik word, en volg na die Nice-aanval in Julie 2016 wat 86 gedood het, die aanval in Berlyn oor Kersfees waartydens 12 mense omgekom  en 56 beseer is, asook ‘n vragmotor wat in die skare op die Westminster- en Londenbrûe ingeploeg het en onderskeidelik vier en agt mense doodgemaak het. In Stockholm is ‘n vragmotor gekaap om burgerlikes mee dood te ry, ‘n voorval waartydens vyf mense gesterf het en 14 ernstig beseer is.

Grusame videomateriaal vertoon lyke wat verstrooi lê oor Las Ramblas, ‘n gewilde straat vir toeriste. Die polisie soek steeds na die bestuurder van die voertuig. Hulle het ‘n foto vrygestel van Driss Oukabir, ‘n Morokkaan wat na bewering die paneelwa gehuur het wat in die aanval gebruik is.

‘n Skamele agt uur ná die djihadistiese aanval in Barcelona het die polisie vyf verdagtes doodgeskiet wat gepoog het om ‘n soortgelyke voertuigaanval in die kusdorpie Cambrils, 120 kilometer suid van Barcelona, te loods.

Die Spaanse polisie sê die terreuraanvalle in Barcelona en Cambrils kan verbind word nadat ‘n motor in voetgangers in Cambrils ingeploeg het. Die Katalaanse polisie het vroeg Vrydag ‘n klopjag in Cambrils uitgevoer waarin vier verdagtes gedood is, terwyl die vyfde wat beseer en in hegtenis geneem is, in aanhouding dood is. Burgerlike beskermingsinstansies het berig dat ses burgerlikes en een polisiebeampte tydens die operasie gewond is.

Die polisie het aanvanklik gesê dat een terroris nog op vrye voet mag verkeer, en dat die aanvallers moontlik selfmoordgordels dra, maar die vyfde aanvaller is insgelyks gedood, is later berig.

“Die beweerde terroriste was in ‘n Audi A3 en het blykbaar verskeie mense omgery voordat hulle ‘n polisiepatrollie teëgekom het en ‘n skietgeveg gevolg het,” sê ‘n woordvoerder vir die streeksregering van Katalonië. Een van die verdagtes het ‘n mes probeer gebruik.

Twee ontploffings Woensdagnag in die dorp Alcanar Platja, suid van Barcelona, word ook met die aanval verbind. Ten minste een persoon is dood en meer as 16 is beseer in wat aanvanklik ‘n “gasontploffing” genoem is, maar polisiebronne sê dat plofstof by die huis in voorbereiding was, volgens El Periodio, ‘n oggendblad in Barcelona, Katalonië.

Die persoon wat in Woensdag se dodelike ontploffing in die huis gedood is, is na wat berig word insgelyks ‘n Marokkaan. Butaangassilinders is in die omgewing van die huis gevind, berig die Spaanse media.

Die Katalaanse polisiehoof van die Mossos d’Esquadra [die polisiemag van Katalonië wat Spanje se Policia Nacional en Guardia Civil binne die outonome gebied van Katalonië vervang het], Josep Lluís Trapero het bevestig dat die ontploffing met die terreuraanvalle verband hou. Die kragtige ontploffing het nie net die gebou wat op Calla Martineca B. geleë is platgevee nie, maar het ook ‘n verdere ses omliggende eiendomme beskadig.

Volgens plaaslike bronne is die ineengestorte huis deur twee Marokkaanse broers bewoon, maar uit die oorskot wat gevind is, kon daar drie mense in die huis gewees het, het Mossos gesê.

‘n Man is doodgeskiet nadat hy twee polisiemanne later die aand by ‘n kontrolepunt aan die buitewyke van Barcelone omgery het, maar die Spaanse polisie kon nie bevestig of die skietery met die terreuraanvalle verband gehou het nie.

Spanje het nog nie sedert 2004 ‘n terreuraanval beleef nie, toe djihadiste bomme op voorstedelike treine in Madrid gestel het, waardeur 191 mense gedood en meer as 1 800 beseer is.

Volgens El Periodico het die CIA die Spaanse polisie twee maande gelede gewaarsku dat Las Ramblas ‘n potensiële teiken was. “Die CIA het reeds die Mossos d’Esquadra gewaarsku dat Barcelona ‘n terroristeteiken mag word… Hulle het die fokus op die Ramblas geplaas,” het El Periodio verklaar.

Verder, op sosiale netwerke, het ‘n Twitterrekening wat met die Islamitiese Staat verbind word net twee weke gelede, op 30 Julie, aangekondig dat ‘n aanval op Al Ándalus binnekort gaan plaasvind. “Ons gaan die kalifaat in Spanje toepas en ons gaan ons grond terugneem. Aanval binnekort op Al Andalus.”

Rekeninge op Twitter wat met die Islamitiese Staat verbind word, het die Barcelona-aanval geloof deur vorige verklarings en dreigemente teen Spane te publiseer, asook boodskappe soos “aan alle Spanjaarde, nou is dit tyd om te betaal vir alles wat julle regerings ons lande aangedoen het”.

In April 2015 het die Mossos binne die raamwerk van operasie Caronte ‘n terroriste-sel van Spaanse bekeerlinge tot Islam ontbloot en ontdek dat een van hul planne was om die handelsentrum van die Arenas, asook die sentrale polisiestasie aan te val.

Die VS-regering het in 2009 besluit om ‘n konsulaat in Barcelona te open as ‘n “spioenasiepunt waarin verskeie agentskappe deel met die opdrag om as ‘n antidjihadistiese inligtingsbasis in die westelike Middellandse See te dien,” meen El Periodico. Soos wat die toenmalige Amerikaanse ambassadeur in Spanje, Eduardo Aguirre, in ‘n verslag in 2007 wat deur Wikileaks bekendgemaak is, gesê het: “Die Spaanse en Amerikaanse owerhede het Katalonië geëien as die grootste Middellandse sentrum vir radikale Islamitiese bedrywighede.”

Die diplomaat het gesê: “Hoë wettige en onwettige immigrasie vanuit Noord-Afrika (Marokko, Tunisië, Algerië), asook vanuit Pakistan en Bangladesj maak van die streek ‘n magneet vir die rekrutering van terroriste.”

Die ondersoek na die aanval sal op die lewenstrajekte van die daders fokus, het die dagblad gesê en “die eerste ding om uit te vind, sal wees of dié individue as potensiële terroriste in Sirië gewerf is”.

Wêreldleiers het die aanval veroordeel. Die Russiese buitelandse diens het via Twitter gesê: “Ons dra ons innige simpatie aan die mense van Spanje oor, ons treur saam met u.” President Wladimir Poetin was een van die eerstes om Donderdag se aanval in Barcelona te veroordeel.

Hoekom het die polisie nie in Charlottesville ingegryp nie?

Die polisie en die Nasionale Wag het die deelnemers in Charlottesville, Virgina, met 2:1 oordonder by Unite the Right (UTR) opmars, maar hulle kon steeds nie die situasie beheer nie, met een persoon wat dood is en verskeie beseerdes.

Dit het gelyk asof die polisie die beheer oor die stad heeltemal verloor het. Die noodtoestand het beteken dat enige openbare byeenkoms de facto onwettig was, maar Antifa was steeds toegelaat om vryelik wapens te dra en mense aan te val. Dié chaos het uiteindelik direk gelei tot die voertuigvoorval wat ‘n vrou gedood het en meer as ‘n dosyn ander sleg beseer het.

“My gevolgtrekkings is dat die polisie dit wou hê,” het Pax Dickinson in die Daily Caller, 14 Augustus 2017, geskryf. “Dit is duidelik dat VSP (Virginia State Police) spesifieke bevele gehad het om ons uit die park in die suide te dryf, in die tande van gewelddadige gewapende Antifa-betogers,” het Dickinson gesê.

As deelnemer van die Unite The Right byeenkoms en geskeduleerde spreker, glo hy die Virginia-polisie het Saterdag ‘n gevaarlike situasie geskep, een wat heeltemal vermybaar was.

“Ons ken reeds die Demokrate, die media, die polisie, en die Universiteite wat verenig is teen ons. Hierdie poging om die regses se vrye spraak te beëindig en die regses vir al die geweld te blameer is beplan. Die linkses het hierdie taktiek voorheen tydens die Trump-veldtog gebruik. Linkses is uitstekend om professionele slagoffer te speel. Dit is hul gunsteling taktiek,” het Dickinson gesê.

Meervoudige ooggetuie-verslae dui daarop dat die polisie eintlik konfrontasies tussen UTR en Antifa afgedwing het deur die afsluiting van potensiële uitkomsroetes. Dit maak dit baie moeilik om te glo dat ‘n gewelddadige konfrontasie nie die doel was nie. Die goewerneur en burgemeester wou UTR se permit op een ​​of ander manier in die wiele ry.

Beide Oath Keeper en Grondwetbeskermer groepe het gesê die polisie het die Unite The Right groep doelbewus na die linkse betogers gedryf. Daar was geen buffersone tussen die groepe nie, ten spyte van die groot polisieteenwoordigheid. Die Nasionale Wag was al die oggend reeds op die toneel.

Die stad se voormalige top-polisiebeampte sowel as wetstoepassingsdeskundiges was baie krities oor die manier waarop die polisie in Charlottesville gereageer het. Hulle het gesê dat hulle nie die geweld behoorlik beheer het nie.

Die voormalige Charlottesville-polisielid Timothy Longo het gesê hy is “geskok” dat die polisie nie die straat geblokkeer het waar ‘n motor Saterdag in ‘n groep betogers geploeg het nie. Die 32-jarige Heather Heyer is dood en verskeie ander beseer.

Joseph Giacalone, ‘n professor by die John Jay Kollege van Kriminele Geregtigheid en ‘n voormalige polisiesersant van New York City, het gesê daar moes ‘n buffersone tussen die twee groepe geskep gewees het. Longo het gesê dat hy van die polisie verwag het om buffers te skep.

“As jy ‘n groep aan die een kant het en ‘n ander groep wat teen hulle protesteer, moet jy jouself in die middel van hulle sit,” het Giacalone verduidelik.

Die huidige Virginia-polisiehoof het gister aan Associated Press gesê hy voel “heeltemal spyt” oor geweld wat die naweek uitgebreek het toe Antifa met wit nasionaliste gebots het.

“Soos die wêreld gekyk het na pandemonium in Charlottesville… het beamptes op die kantlyn gestaan,” het AP gesê. “Ek het absoluut spyt,” het die hoof van Al Thomas op ‘n nuuskonferensie gesê. “Dit was ‘n tragiese, tragiese naweek.”

“Ons het gehoop vir ‘n vreedsame betoging,” het Thomas gesê. “Geleidelik het die skaregrootte toegeneem met aggressiwiteit en vyandigheid van die deelnemers teenoor mekaar.”

Maar ooggetuies het gesê Thomas se weergawe dat sy amptenare “dun gesprei” was en “vinnige aanpassings aan hul strategieë gemaak het” is pure nonsens.

Konserwatiewe groepe het kalm geloop, maar hulle is doelbewus in klein groepe verdeel en uiteindelik reguit in die geweld gedryf terwyl die polisie gestaan ​​het en toekyk.

Die UTR-demonstrante is aangeval met kettings, stokke, rotse, verfbolletjies, vuiste en pepersproei, maar die Charlottesville-Demokratiese “leierskap” en media is blind vir Antifa se gewelddadige optrede.

Virginia goew. Terry McAuliffe het gesê dat hy sy administrasie sal vra om ‘n “uitgebreide oorsig” te doen van hoe die polisie voorberei het en gereageer het op saamtrekke, te midde van oproepe vir ‘n onafhanklike ondersoek om vas te stel of linkse politiek ‘n rol gespeel het.

Die voormalige Republikeinse goewerneur van Virginia, Jim Gilmore, het gister gesê die publiek moet “weet” as die staat en die stad die nodige voorsorgmaatreëls tref om die botsings te vermy en as die polisie aangesê is om nie op te tree nie.

In ‘n onderhoud met Secrets het Gilmore McAuliffe se oproep vir ‘n interne ondersoek afgemaak is ‘n oefening om sy verantwoordelikheid in die doofpot te steek. In plaas daarvan het hy gesê ‘n onafhanklike groep moet die ondersoek lei, omdat die goewerneur se kantoor nie betrokke behoort te wees nie.

“Dit moet ‘n onafhanklike oorsig wees. Ons moet weet wat die goewerneur gedoen het, hoe hy deelgeneem het, of hy deel was van die vergaderings, of hy of die sekretaris van openbare veiligheid in die vergadering was, waar dit gehou is, was dit in Richmond of Charlottesville, watter beplanning is gedoen, en watter beperkinge was daar op die polisie geplaas,” het Gilmore, ‘n voormalige prokureur-generaal van Virginia, gesê.

Gilmore het bygevoeg: “Terwyl ons die polisie ondersteun, ons weet hulle doen ‘n goeie werk, ons weet nie watter bevel hulle gedurende die Charlottesville-onluste gekry het nie.”

Gilmore het ook gesê daar is ‘n berig dat die polisie gevra is om opsy te staan ​​en passief te wees. Dit dui op ‘n duidelike politieke motief om die situasie te laat eskaleer. Hy het bygevoeg: “Hulle het nie ‘n plan gehad om hierdie groepe te skei nie.

In ‘n televisieverklaring het Saterdag McAuliffe “wit haatgroepe” vir die geweld blameer, maar hy het later van deuntjie verander en die ACLU blameer wat hof toe is sodat die protes in Charlottesville gehou mag word.