Kategorie: Afrikaanse nuus

Misdadigers het op 15 Mei Anton en Maria Hattingh van Secunda se pekinees vergiftig en hul kat op die pallisades opgehang. Hulle babaseun se klere is ook vergiftig.

“Dit was vir ons baie traumaties,” het me. Hattingh gesê.

Sy het omstreeks 3.30vm opgestaan om vir haar vyf-maande oue baba ‘n bottel te gee, toe sy die honde hoor blaf.

“Ek het by die venster uitgekyk en gesien ons pekineesteef, Tinki, staan by die reun Snuffels.

“Snuffels het op die gras gelê en ek het my man wakker gemaak en vir hom gesê ek dink Snuffels is dood,” het me. Hattingh gesê.

Die egpaar het uitgegaan om ondersoek in te stel en gesien bloed kom by Tinki se mond uitkom.

“Ons het om die huis geloop en gekyk of ons nog gif sien rondlê, want ons was bang die ander hond kry dit in.

“Ons het toe gesien ons kat is op die pallisade gehang,” het mnr. Du Plessis gesê.

Hulle het die polisie geskakel wat later opgedaag het en gesê het hulle moet ‘n verklaring maak en toe weer gery het.

“Hulle het nie eers in die erf ingekyk nie,” het mnr. Du Plessis gesê.

Hy het self die kat en hond verwyder.

Die egpaar het met ‘n flits om die huis geloop om seker te maak daar lê nie nog gif in hul erf rond nie

Hulle het ‘n paar stukkies gif in die erf gekry, asook op hul babatjie se klere wat op die wasgoeddraad gehang het.

“Dit lyk of hulle die gif geneem en op sy klere gesmeer het,” het mnr.Du Plessis gesê.

“Ons het nie geweet wat om met die dooie diere te maak nie, want nie die polisie of die brandweer wou hulle verwyder nie.

“Ek het die veearts geskakel wat gesê het ek kon hulle daarheen neem.

“Ons wou hulle nie begrawe of op die ashoop gaan gooi nie omdat die gif gevaarlik vir mens en dier is,” het mnr. Du Plessis gesê.

Die egpaar het die volgende dag na die polisiestasie gegaan om ‘n verklaring af te lê, waarna die polisieman in die aanklagkantoor hulle meegedeel het dat dit nie sou help om ‘n saak te maak nie en blykbaar traag was om hulle te help.

“Ons het egter daarop aangedring om ‘n saak te maak.

“Die polisieman het kwaad geword, op ons geskree en geweier om sy naam vir ons te gee,” het mnr. Du Plessis gesê.

Hy die week voor die vergiftiging gereeld merkers soos sigaretboksies, 500ml-koeldrankbotteltjies en leë skyfie-pakkies op die sypaadjie buite hul erf gekry.

Me. Du Plessis het na die voorval twee keer misdadigers in hul erf gesien.

“Ek het twee mans by ons voertuig gesien en ons het die sektorpolisie geskakel om ons te kom help.

“Hulle was vinnig op die toneel en het gesoek, maar niks gekry nie,” het me. Du Plessis gesê.

Die egpaar gaan nou ‘n alarmsisteem laat insit.

“Ons is te bang om met vakansie te gaan, want dan kan hulle by ons huis inbreek,” het mnr. Du Plessis gesê.

Die DA-jeug is van plan om vandag by Kleinfontein te kom betoog omdat Kleinfontein kwansuis rassisties is. In haar nuusvrystelling op die DA se webwerf sê die Jeugleier Mbali Ntuli onder meer: “We cannot allow racial nationalists on the extreme fringes of South African politics to try and bring apartheid back. The DA fought against apartheid in the past; we will not tolerate it coming back in any shape or form.”

Honderde DA-lede word teen 11:30 verwag. Daar is heelwat mediabelangstelling. Die DA-jeug het laat gisteraand ook die uitnodiging op internet uitgebrei na enigeen wat wil kom saam betoog.

“KBK se Direksie sal die situasie en die gesindheid van die betogers lees en hulle dan moontlik innooi na die rugbyveld of as daar min genoeg van hulle is, die gemeenskapsaal. Ons sal die leier van die DA-groep nader om ‘n vrywaringsvorm te teken dat die DA verantwoordelikheid vir enige moontlike skade, asook lewensverlies, op Kleinfontein, wat privaat-eiendom is, wat spruit uit hulle optrede, sal aanvaar.

“Die een ding wat ons moontlik met hierdie aksie van die DA sal kan aantoon, is dat die DA-leiding nie Afrikaner-vriendelik is nie,” het hy bygevoeg.

Met hierdie optrede verbreek die DA minstens drie van hulle eie party se beginsels:

1. Die fundamentele regte en vryheid van elke persoon – insluitende die reg van vryheid van gewete, spraak, assosiasie, en beweging.

2. Die taal-, kulturele en godsdienstige regte van indiwidue en die gemeenskappe wat hulle skep deur vrye assosiasie.

3. Die verwerping van geweld en intimidasie as ‘n politieke instrument.

DA optrede volg na mediabelangstelling

Dié beplande optrede van die DA-jeug volg nadat die berig van Kleinfontein in The Times verskyn het en News24 dit oorgeneem het. Kleinfontein is die afgelope paar weke deur minstens drie koerante besoek. In al die onderhoude met hierdie koerante is die feit dat Kleinfontein ‘n kultuurgemeenskap is wat ingevolge artikel 235 van die SA Grondwet die reg het om te bestaan, deurgaans beklemtoon, maar die joernaliste het telkens verkies om die klem op ras te laat val.

Die berigte in Sunday World, ‘n susterskoerant van die Sowetan, was veral baie eensydig. Kyk hier om Sunday World se redaksionele artikel te lees. Pretoria News se berig was meer positief, maar die berig in The Times was weer eens baie eensydig, maar het tog positiewe aspekte na vore gebring.

Die positiewe aspekte

‘n Mens skep egter moed vir Kleinfontein se saak as die kommentaar van die lesers by al hierdie berigte deurgegaan word en jy agterkom dat baie Afrikaners en ook ander mense keelvol is vir die dubbele standaarde in die nuwe Suid-Afrika. Wat ook verblydend is, is dat sedert hierdie berigte verskyn het, daar ‘n toeloop van mense is wat aansluit by Vriende van Kleinfontein. Dit het ook Kleinfontein se solidariteit met Orania versterk.

Die Vryheidsfront Plus het na die Pretoria News berig ‘n nuusvrystelling uitgestuur en hom opnuut verbind tot die idee van selfbeskikking.

“Daar word telkens in die media negatief berig oor Afrikaner kultuurgemeenskappe wat daarna streef om ‘n groter mate van selfstandigheid te behaal terwyl Xhosa, Zoeloe en ander gemeenskappe die roede gespaar word.

“Die bestaan van ‘n ‘black lawyers forum” en BBBEE wat ‘n suiwer ras-assosiasie is, word verdra terwyl ‘n kultuurassosiasie van ‘n groep as rassisties beskou word.

“Die VF Plus bevorder die beginsel dat enige groep selfstandigheid kan nastreef en besonder die Afrikaner wat toenemend deur middel van rasgebaseerde regstellende aksie wetgewing van deelname aan die ekonomie ontneem word,” het Jaco Mulder, leier van die VF Plus in die Gauteng Wetgewer onder meer gesê.

Het wit Suid-Afrikaners ‘n toekoms?

“Look below the surface and you will find poverty and a sense of growing vulnerability,” sê ‘n berig van die BBC oor blanke armoede wat op 19 Mei gepubliseer is. Die berig insinueer dat wit mense hulle ellende oor hulleself gebring het deur apartheid en haal die politieke aktivis, Mandla Nyaqela aan: “This is the after-effect of the huge degree of selfishness and brutality which was shown towards the black population under apartheid.”

Dit kontrasteer sterk met die uitspraak deur nuwegeskiedenis.co.za dat in 1964 Harry Oppenheimer, die hoof van Anglo American, verreweg die grootste nywerheidsreus in Suid-Afrika, opgemerk dat die gemiddelde lone van ”nie-blanke” werkers in die sekondêre nywerhede in die vorige vyf jaar met 5,4% per jaar gestyg het (teenoor 3,7% vir wittes). Vir hom het dit verduidelik waarom die land ”soveel bestendiger is as wat baie mense graag wil glo”.

Die webwerf voeg by: “Mense dink dat die ekonomiese groei onder apartheid vir swartes min beteken het. Dit is nie waar nie . . . In die twee dekades nadat Verwoerd aan die bewind gekom het, het die besteebare persoonlike inkomste van al die polities ondergeskikte groepe gemiddeld egter vinniger as wittes s’n verbeter (al was dit van ‘n baie lae basis).”

Nuwe Geskiedenis van Suid-Afrika is geredigeer deur Hermann Giliomee en Bernard Mbenga. Dit bevat die insigte en nuwe benaderings van 31 voorste geskiedkundiges tot die storie van hierdie land.

Die ANC het in twintig jaar se tyd nie daarin geslaag op hul eie mense op te hef nie en het blankes boonop laat verarm het. In die BBC berig is ‘n grafiek oor die styging in inkomste in Suid-Afrika en is dit net die Indiërbevolking wat sedert 1993 gebaat het.

Dis teen dié agtergrond wat Kleinfonteiners vandag vir die DA Jeugleier gaan vra hoe sy gaan “demonstrate that diversity and non-racialism can make everyone’s lives better.” Veral die inwoners van Kleinfontein wat net vra om toegelaat te word om rustig as ‘n kultuurgroep te kan bestaan ingevolge die Grondwet van Suid-Afrika en wat niemand bedreig of intimideer nie.

Kleinfonteiners verenig in gebed

‘n Groepie Kleinfonteiners het vanoggend vroeg in die Gemeenskapsaal byeengekom en die Here se leiding en beskerming vandag oor Kleinfontein en sy mense van Hom afgebid. Die tema van die gebede was deurgaans vir vrede en kalmte by almal.

Die mense van Kleinfontein, naby Pretoria, het besluit dat slegs Afrikaners toegelaat sal word om in dié plaasgemeenskap te woon, het The Times Woensdag berig.

Almal wat tans in dié gemeenskap woon – van die veiligheidswagte by die hekke tot die tuinwerkers – is Afrikaans, het die koerant berig.

Beamptes van die Gautengse wetgewer se portefeuljekomitee vir gemeenskapsveiligheid is volgens die berig ook verlede jaar meegedeel dat swart polisiebeamptes nie in die gemeenskap toegelaat word nie.

Jan Groenewald, voorsitter van die gemeenskap se beheerliggaam, het aan The Times verduidelik elke inwoner moet ‘n “Afrikaner van ‘n Voortrekker-herkoms en ‘n Protestantse Christen wees, en moet by die Bloedrivier-gelofte hou”.

“Ons dink nie in terme van ras nie, ons dink in terme van kultuur… [maar] jy kan nie die feit ignoreer dat ons verskillende rasse het nie. Dit is die realiteit,” het hy volgens die koerant gesê.

“Ons gebruik nie die Suid-Afrikaanse vlag nie want [Suid-Afrika] is ‘n unitêre staat – dis die rede waarom ons ons in hierdie situasie bevind.”

Groenewald het gesê die gemeenskap sal die Tshwane-munisipaliteit vra om onafhanklik verklaar te word.

“Die ANC-regering sal in een of ander stadium moet goedkeur wat ons hier doen.”

Die DA-jeug gaan protesteer teen die “rassistiese beleid” van die Kleinfontein-nedersetting buite Pretoria.

Kleinfontein laat slegs wit, Afrikaanse Protestante toe wat hou by die Bloedrivier-gelofte om daar te woon en werk. Volgens die DA het “hierdie soort van rasse-eksklusiwiteit geen plek in ‘n demokratiese Suid-Afrika nie”.

“Ons kan nie kan toelaat dat rasse-nasionaliste op die uithoeke van die Suid-Afrikaanse politiek probeer en apartheid terug te bring nie,” het die DA-jeug in ‘n verklaring gesê.

“Die DA het geveg teen apartheid in die verlede, ons sal dit nie duld nie,  om in enige vorm terug te keer nie. More, sal ons toon dat diversiteit en nie-rassigheid almal se lewens verbeter. Ons moet mense uit hul apartheid ingesteldheid bevry.”

Meer as 200 mense het in Pretoria hul laaste eer betoon aan die Afrikaanse musikant en boeremusieklegende, Nico van Rensburg, berig RSG.

Afrikaanse kultuurorganisasies en lede van die Afrikaanse musiekgemeenskap, waaronder Steve Hofmeyr het hul medelye aan Van Rensburg se familie betuig. Dit is hardop tydens sy gedenkdiens gelees.

Van Rensburg is Sondag aan ‘n hartaanval oorlede. Hy was bekend as die “Rooi Konsertina”.

Een van sy vriende, die akteur Lieb Bester, sê Van Rensburg was nie slegs ‘n ikoon in die Afrikaanse gemeenskap nie, maar ook in Suid-Afrikaanse musiekkringe.

Geagte leser, ons het die Disqus-stelsel op die PRAAG-wewerf weer aangeskakel, ná vele versoeke van ons lesers. Die afgelope tyd het ons hoofsaaklik op Facebook en Twitter gesprek gevoer, maar onlangse berigte dui daarop dat Facebook al hoe meer sensuur oor alternatiewe media wil toepas.

Daarom is die Disqus-gespreksforum van wesentlike belang om die gesprek in Afrikaans warm te hou. Anders as in die verlede, gaan ons egter baie streng waak teen die misbruik van die forum. Ons sal later meer breedvoerige riglyne plaas, maar die volgende soort gedrag en kommentaar is nie op Disqus toelaatbaar nie:

• persone wat as agents provocateurs of “trolle” optree bloot om beledigend en twissoekerig te wees;
• blatante rassisme en kwetsende aanmerkings oor ander etniese groepe wat PRAAG aan vervolging mag blootstel;
• laster teen individue wat PRAAG insgelyks aan eise mag blootstel.

As ‘n reël moet u van u regte naam gebruik maak op Disqus, tesame met ‘n werklike eposadres. Indien daar ‘n rede mag wees waarom u ‘n skuilnaam wil gebruik, moet u goeie redes aan ons moderators verstrek (viktimisering by die werk, u openbare profiel, ens.), wat agterna sal besluit of u onder ‘n skuilnaam mag deelneem, aldan nie.

Voel vry om hier onder ook kommentaar te lewer of vrae oor die nuwe beleid te vra.

Die Afrikaanse sanger Bobby van Jaarsveld het groot reaksie ontlok na hy ‘n foto van ‘n reuse-luislang langs ‘n dooie vlakvark op sy Facebook-blad gepubliseer het.

“My vrou se ouers het dit op hulle plaas buite Brits op Sandrif gekry! Hy het dood geskok teen die hek… toe hulle hom oop sny toe kry hulle die vark in hom!” het Van Jaarsveld by die foto geskryf.

Meer as 2 500 mense het die foto al op Facebook gedeel, en honderde mense het kommentaar op die foto gelewer.

Party mense het selfs die foto se egtheid in twyfel getrek.

Die sanger het Maandag op die herrie oor sy inskrywing reageer.

“Hoekom sal ek nou my tyd wil gaan mors om n foto te edit en te jok daaroor? Dit was ‘n 4,1m luislang wat dood geskok het teen die heining en toe hulle hom oopsny was daar ‘n groot vlakvark in sy lyf. So dis die storie. Glo dit of nie. Dit bly erg! Lekker dag!”

Hy het erken dat die slang op sy skoonouers se buurplaas gevind is.

Die kaptein van die Sharks, Keegan Daniel, hou nie van die feit dat daar so baie Afrikaners in sy span is nie.

Sport24 het Dinsdag berig dat Daniel glo gekla het dat daar te veel Afrikaners in die Sharks-span is. Volgens bronne voel Daniel glo “geïsoleerd”.

Die Afrikaners in die span is natuurlik ontstoke oor sy etniese bekrompenheid en dit het tot verdere verdeeldheid in die span gelei.

Die Sharks het die laaste vyf agtereenvolgende wedstryde verloor. Die span sukkel tans met die elfde plek op die Superrugby-punteleer.

Net ses spelers in die groep van 22 wat teen die Reds in Brisbane verloor het, is nie Afrikaans nie. Hulle is Daniel, Lwazi Mvovo, Patrick Lambie, Kyle Cooper, Odwa Ndungane en Monde Hadebe.

Operasie Skoonmaak gaan ook eersdaags maai onder die Sharks se bestuur. Brian van Zyl, uitvoerende hoof van die Sharks, was glo die eerste slagoffer. Van Zyl word op 1 Julie vervang deur die voormalige Springbokkaptein, John Smit.

Die volgende wat gaan waai is blykbaar die afrigter, John Plumtree, en die kommersiële bestuurder, Rudolf Straeuli.