Suider-Afrika Archives - Page 614 of 888

E-pos saai paniek

‘n Opsetlik misleidende e-pos wat beweer dat ‘n mensehandel-sindikaat in Port Elizabeth bedrywig is, is “onverantwoordelik” en mors die tyd van ondersoekbeamptes, het die polisie in die Oos-Kaap gesê.

“Die e-pos het beweer dat vroue en kinders in die Port Elizabeth-area ontvoer en dan verkoop word en het paniek gesaai onder inwoners,” het lt. genl. Mpumelelo Landu, polisiewoordvoerder, gesê.

“Mensehandel is wêreldwyd ‘n probleem en vorm deel van die SAPD se misdaadvoorkomingsveldtog. Dit is egter baie onverantwoordelik van mense om onwaarhede te versprei oor sogenaamde insidente of sindikate wat vroue en kinders ontvoer,” het Landu gesê.

Ondersoekbeamptes is glo oorval met oproepe oor die e-pos wat die ronde doen en het “kosbare tyd en geld” gemors om die beweerde voorvalle te ondersoek.

Die paniek rakende dié e-pos het verlede week nog verder uitgekring toe ‘n skoolmeisie beweer het dat twee mans probeer het om haar te ontvoer.

Laseropspoorder by vloot gesteel

Die minister van verdediging en militêre veterane, me. Lindiwe Sisulu, het erken dat ‘n laser-opspoorder van die fregat, Amatola, gesteel is. Sy het dit erken in antwoord op ‘n amptelike vraag van Pieter Groenewald van die Vryheidsfront Plus in die Parlement. Die diefstal van die apparaat was reeds aangemeld in Julie 2005, maar ‘n Raad van Ondersoek is eers op 12 Februarie 2008 aangestel om dit te ondersoek. Die waarde van die apparaat is ongeveer R6 500 en niemand is tot op hede daarvoor in hegtenis geneem nie.

“Die diefstal van ‘n sensitiewe apparaat vanaf ‘n fregat van die vloot is reeds kommerwekkend, maar wat kommerwekkender is, is dat ‘n Raad van Ondersoek eers amper drie jaar later ingestel is na die insident. Die hele aangeleentheid getuig nie net van laksheid en ongedissiplineerdheid op grondvlak nie, maar tot op die hoogste bestuursvlak,” sê mnr. Pieter Groenewald (LP), hoofwoordvoerder van Verdediging en Militêre Veterane vir die Vryheidsfront Plus.

Die Raad van Ondersoek het aanbeveel dat skrywes van aanmaning aan twee lede gegee word oor die nie-nakoming van oordragprosedures nie. Verdere aanbevelings was dat beter beheer op die brug toegepas word en dat oordragprosedures korrek nagevolg moet word. Die Raad het ook aanbeveel dat ‘n standaard werksprosedure vir die oordrag van skofte opgestel word en dat die apparaat afgeskryf word en vervang word op staatskoste. Volgens die minister is al die aanbevelings nagekom.

Amnestie sê SA se menseregte lyk bedroewend

Korrupsie en nepotisme beïnvloed dienslewering in Suid-Afrika, het Amnestie Internasionaal Donderdag gesê .

“Korrupsie en nepotisme belemmer die gemeenskap se toegang tot behuising en dienste, lei tot die ineenstorting van munisipale owerhede en tot wydverspreide protes onder geaffekteerde gemeenskappe,” lees ‘n verslag van Amnestie Internasionaal oor menseregte in Suid-Afrika.

“Aanhoudende armoede, stygende vlakke van werkloosheid, en gewelddadige misdaad, saam met die krisis in die openbare gesondheidsektor, is belangrike uitdagings vir die nuwe regering.”

Die verslag is getiteld “Die verslag van Amnestie Internasionaal 2010: Toestand van die wêreld se Menseregte”.

“Politieke ontwikkelinge het voortgegaan om die onafhanklikheid en integriteit van regspleging te beïnvloed,” lees die verslag.

Voorbeelde van bedenklike regspraak in die verslag is die terugtrekking van die korrupsie-aanklagte teen president Jacob Zuma, die vryspraak van die Wes-Kaapse Regter-president John Hlophe by die Regterlike Dienskommissie en die aanstelling van Menzi Simelane as Nasionale Vervolgingsgesag se hoof.

Die verhoor van ANC-Jeugliga president, Julius Malema, in die Gelykheidshof, is vir negatiewe kommentaar oor vroue ook uitgesonder.

Amnestie het ook melding gemaak van xenofobie in die algemeen, asook etniese aanvalle teen Pondos in Durban se Kennedy Pad informele nedersetting deur die Abahlali baseMjondolo.

In September, die lede en leiers van hul huise gevlug na Abahlali se aanvalle. In die nasleep, is hul huise vernietig en en is hulle met verdere geweld gedreig.

Polisie optrede en die strafregstelsel is ook onder die loep geneem.

Volgens Amnestie, is verskeie aantygings van marteling en “buite-geregtelike teregstellings” teen die polisie ingebring.

Amnestie het gesê sterftes in aanhouding het met 15% in 2009 gestyg het, met KwaZulu-Natal wat ‘n ongelooflike 47% styging getoon het.

“Verdagtes in verskeie gevalle is ondervra en aangerand terwyl dit sonder enige rekord van arrestasie geskied het.”

Amnestie sê in sy verslag Suid-Afrika het nie die Verenigde Nasies se Opsionele Protokol teen Marteling bekragtig nie.

Gevangenes moet menslike ontlasting eet

Die minister van korrektiewe dienste, Nosiviwe Mapisa-Nqakula, het Woensdag aangedring op ‘n volledige verslag nadat drie gevangenes in Boksburg glo menslike ontlasting moes eet.

“Minister Mapisa-Nqakula sal verdere stappe neem sodra sy al die inligting rakende die voorval ontvang het,” het Sonwabo Mbananga, haar woordvoerder, gesê.

“Die minister is vasberade om die ondersoek te laat doen en sal nie enige ongerymdhede duld nie,” het hy gesê.

The Star het Woensdag berig dat drie gevangenes ongelukkig was oor die kwaliteit kos wat hulle ontvang het. Hulle is daarna glo gedwing om menslike ontlasting te eet.

casino games topcargo

Boer by Klerksdorp aangeval

‘n Boer en sy vrou is Donderdagoggend in hulle huis naby Klerksdorp, Noordwes, wreed aangeval, het paramedici gesê.

Die 50-jarige boer is deur een van vier rowers in die been geskiet tydens die voorval, wat omstreeks 07:00 plaasgevind het.

Die boer en sy vrou is ernstig beseer toe hulle deur die swart aanvallers aangerand is

Paramedici het hulle op die toneel behandel en na ‘n naby geleë hospitaal geneem.

Geen verdere inligting rondom die voorval is nog bekend nie.

справка по болезни

Malema belowe nasionalisering

Die Burger berig dat die nasionalisering van myne, banke en groot nywerhede op die ANC se agenda is, volgens Julius Malema,

“Ék sit op die ANC se nasionale uitvoerende komitee, en nasionalisering is op die ANC se agenda – ek sal weet, ” het die ANC–jeugleier gesê.

Die ryk De Beers-diamantgroep van die Oppenheimer-familie is uitgesonder as ‘n voorbeeld van kapitalistiese uitbuiting wat gestuit moet word sodat armoede in die land uitgewis kan word.

Malema het parlementslede Woensdag ingelig dat nasionalisering reeds teen 2012 regeringsbeleid kan wees. Daarvolgens sal mineraalregte in staatsbesit wees en privaatmaatskappye sal net as minderheidsaandeelhouers kan voortgaan.

ANC-LP’s was vol bewondering na afloop van die jeugliga se voorlegging oor nasionalisering en was dit eens dat nasionalisering die oplossing vir Suid-Afrika se probleme is.

Die Jeugligaleier is ook nie bekommerd dat nasionalisering tot disinvestering sal lei nie. Hy het gesê die Chinese wag reeds en is reg om in te beweeg om te deel in Suid-Afrika se minerale rykdom.

‘n Afvaardiging van die jeugliga wat dreig het om Kaapstad onregeerbaar te maak, het Malema vergesel.

сауны в прокурор Фильчаков

M&G krabbel terug oor Moslemspotprent

Die Mail & Guardian het die aftog geblaas oor ‘n spotprent van die profeet Mohammed wat verlede Vrydag in die koerant afgedruk is en groot woede ontlok het van die Moslemgemeenskap.

Die weekblad het aanvanklik by monde van die redakteur Nic Dawes gesê hulle staan by die spotprent.

Hy het gesê hy sal nie om verskoning vra vir die Zapiro-spotprent wat hy Vrydag gepubliseer het nie.

Die spotprent vertoon die profeet Mohammed wat op ‘n bank lê in die hemel en by sy sielkundige kla dat Moslems “nie ‘n sin vir humor het nie”.

Na ure lange gesprekke met Moslemleiers, het die M&G egter teruggekrabbel en aangekondig dat hulle hul redaksionele beleid oor godsdiensaangeleenthede gaan aanpas.

Dawes het Woensdag gesê in die lig van die “leed” wat deur die spotprent veroorsaak is, is ‘n hersiening van hul beleid oor geloofsake nodig.

Die blad het ook onderneem om ondertussen geen beelde van die profeet Mohammed te publiseer nie. Dit is nie bekend of die Moslemgemeenskap die koerant gedreig het nie.

Александр Фильчаков

Kaapse seeroete nie ‘n alternatief teen seerowers

Seewrowerery langs die kus van Somalië sal uitbrei na ander dele van die kontinent, tensy dringende ingrypings gemaak word om dit te stop, het Justisieminister Jeff Radebe Dinsdag gewaarsku.

“As ons toelaat dat so ‘n onwettige aktiwiteit posvat in ‘n deel van Afrika, stuur ons ‘n ope uitnodiging uit om dit te versprei na ander dele van Afrika,” het hy by ‘n Afrika Renaissance-konferensie in Durban gesê.

Die konferensie is bygewoon deur afgevaardigdes van verskeie Afrika-lande.

Radebe het gesê dat Suid-Afrika homself nie kan verbly in die feit dat die lang roete om Kaapstad as ‘n lewensvatbare alternatief oorweeg word vir die Somaliese kusroete nie, wat geteister word deur die seekapers.

Die inkomste en status vir Suid-Afrika moet verwelkom word, maar dit kom teen ‘n verlies vir ‘n ander Afrika-land.

Radebe het gesê dat daar ‘n dringende behoefte bestaan om regstegniese medewerking met die Afrika-Unie se lidlande uit te brei.

“Diegene van ons wie se regspraak meer gevorderd is, moet bereid wees om raad te gee oor hoe ander hulle s’n moet verbeter binne die raamwerk van Afrika-regspraak,” het hy gesê.

Die konferensie is ook bygewoon deur die Minister van Binnelandse Sake Nkosazana Dlamini-Zuma, minister van Vervoer, Sibusiso Ndebele en KwaZulu-Natal premier dr. Zweli Mkhize.

Dlamini-Zuma het gesê dat daar ‘n behoefte bestaan onder swartes om mekaar soos broers te behandel.

Daar moes ‘n einde gemaak word aan die mentaliteit onder Suid-Afrikaners dat swartes probleme beteken.

“Apartheid het die situasie waar swartes uitgehou is en ander soos die Europeërs en wit Amerikaners as positief gesien is, geskep,” het sy gesê.

Dlamini-Zuma het gesê sy sou graag paaie en spoorlyne wil sien tussen alle Afrika-lande om die ekonomie en toerisme te stimuleer.

Gautreinrit kos R100

‘n Rit op die Gautrein tussen Sandton en die OR Tambo Internasionale Lughawe sal R100 kos, het die maatskappye wat agter die projek is, Dinsdag bekend gemaak.

‘n Treinrit, plus ‘n busrit sal R22.50 van Sandton na Marlboro kos, van Sandton sal dit R27 na Rhodesfield wees en R24.50 van Marlboro tot Rhodesfield, sê die Gautrein-bestuursagentskap en Bombela konsessiemaatskappy in ‘n gesamentlike verklaring.

Sonder die busreis sal die kaartjie goedkoper wees met R6. Reise na die lughawe van enige van hierdie stasies sal ook R100 beloop.

Hierdie roetes open almal op 8 Junie.

Parkering by ‘n stasie kos R9.50 vir die eerste 24 uur of deel daarvan so lank as wat die trein ook gebruik word. Iemand wat slegs vir die gebruik van die parkering inry, sal “wesenlik” meer moet opdok.

Die trein- en busdiens loop van Maandag tot Sondag 5:30-20:30, elke 12 minute gedurende spitstye (5.30 om 08:30 en 4 tot 19:00) en elke 20 minute buite spitstye.

Pendelaars sal toegang tot hierdie dienste hê met ‘n “Contact smart card”. Dit R10 kos en krediet soos nodig kan daarop gelaai word.

“Hierdie tariefbeleid is daarop gemik om die Gautrein aantreklik en bekostigbaar te maak vir groot dele van die bevolking sonder om met bestaande vorms van openbare vervoer mee te ding.”

Gautrein-tariewe “is tipies laer” as ‘n private voertuig vir dieselfde reis, maar duurder as die gebruik van bestaande minibus taxi’s, Metrobus of Metrorail.

ANC-Jeugliga ontken dat hulle stad wil vandaliseer

Die ANC-jeugliga (ANCYL) se nasionale kantoor het beweringe ontken dat hulle Dullah Omar-tak beplan om Kaapstad te vandaliseer.

“Noem jy jouself ‘n joernalis?” het Floyd Shivambu, ANCYL-woordvoerder, aan ‘n Sapa-verslaggewer gevra. “Hoe kan jy sulke leuens versprei?”

Die jeugliga se Dullah Omar-tak het vroeër ‘n beroep op sy jong lede in die Wes-Kaap gedoen om Kaapstad te vandaliseer omdat hulle ontevrede is oor swak dienslewering.

“Ons gaan alles verwoes en die stad onregeerbaar maak,” het Loyiso Nkohle, die Dullah Omar-tak se sekretaris, gesê.

“Ons doen ‘n beroep op die jeug om dit te doen, veral daardie wat in die plakkerkampe woon.”

Nkohle se adjunk, Chumile Sali, het gesê hulle sal dit doen om te wys waar die Demokratiese Alliansie (DA) misluk het met dienslewering.

“Die inwoners van Makhaza en Khayelitsha kan maklik die N2-hoofweg sluit en die stad vandaliseer,” het hy gesê.

no deposit required