Suid-Afrikaanse nuus, d.w.s. sowel nuus uit Suid-Afrika én Suider-Afrika.
ANC president Jacob Zuma, het die sterkste aanduiding nog gegee dat hy president van Suid-Afrika wil wees. Zuma het dit duidelik gemaak dat die ANC ‘n resolusie aanvaar het by die Polokwanekonferensie dat die president van die ANC ook die president van die land sal wees, en “daardie resolusie het nog nie verander nie.”
Zuma het tydens ‘n ANC-noenmaalgeleentheid met redakteurs in Johannesburg gesê dat daar geen debat in die ANC is daaroor of Motlanthe in sy rol as president moet aanbly nie.
Zuma het gesê die ANC-leierskap het jeugligaleier Julius Malema ingeroep en met hom gepraat oor sy opruiende openbare stellings.
Zuma was vasberade dat hy nie direk met die DA -eier Helen Zille in ‘n debat sal tree nie, en ook nie met die wegbreekparty oor beleidsaangeleenthede nie.
Hulle behoort hulle beleidsbesluite eerder na die kiesers te neem soos wat die ANC dit doen, het hy gesê.
Zille het Zuma onlangs uitgedaag tot ‘n openbare debat oor beleidsake, nadat hy aan ‘n saamtrek gesê het dat hy reg is om met die Volkskongres (COPE) te gesels oor beleidsbesluite. Zille se uitdaging is deur Zuma verwerp.
Redakteurs wou weet of Zuma bereid sou wees om met Zille en die Volkskongres te debatteer.
Zuma het geantwoord dat dit eerder die vraag laat ontstaan het oor wat Zille wou bereik met haar uitdaging.
“Ons word gedwing om te spekuleer. Daar kan vermoedens wees dat hier ‘n sekere persoon is wat haarself probeer verhoog in statuur deur met die regerende party te debatteer.”
Die ANC glo dat partye direk na die kiesers toe moet gaan met beleidsvrae
Die ANC-president het bevestig dat hy nie gesê het dat hy reg is om oor beleid te debatteer met die Volkskongres nie. Wat hy gesê het is dat hy gereed is om hulle beleid aan te vat.
Na verwagting sal verskeie senior sosialeontwikkelingsdepartementbeamptes gearresteer word wanneer polisie toeslaan op verdagtes in ‘n multimiljardrand bedrogsaak wat sowat 10 jaar terugstrek.
LUR Meshack Radebe het op Dinsdag die eerste fase van ‘n ondersoek wat verlede jaar begin het, bekendgemaak. Hy het gesê dat die hoeveelheid “groot visse” wat betrokke is, daarop dui dat ‘n sindikaat met politieke bande verantwoordelik was vir die bedrog.
Die sindikaat, wat klaarblyklik deur drie mense bestuur word, het sewe maatskappye wat die departement vir miljoene gemelk het. Die sindikaat word daarvan beskuldig dat hulle multimiljoenrand kontrakte toeken aan die maatskappye nadat die kontrakte ontvang is.
Daarmee saam het die sindikaat se maatskappye die departement laat betaal vir dienste, terwyl hulle net die helfte van die personeel voorsien het.
Radebe het gesê dat die sindikaat weggegee is deurdat dieselfde faksnommer op al die diensverskaffers se dokumente verskyn.
‘n Dokument het getoon dat ‘n bedrag van R50 miljoen rand betrokke is, hoewel daar vermoed word dat die skade miljarde beloop. “Dit is die punt van die ysberg” het hy gesê. Meer onthullings sal volg sodra die ondersoek die tweede fase binnegaan.
Die bevindings van die ondersoek is verlede week bekendgemaak aan geskokte KZN-kabinetslede, wat vinnige aksie deur Radebe aanbeveel het.
Die volledige inhoud van die verslag, insluitende name, adresse en bedrae geld sal aan die provinsiale polisiekommissaris, Hamilton Ngidi, oorhandig word en arrestasies kan binnekort verwag word.
Radebe het gesê dat hy vol vertroue is dat die polisie vinnig sal optree.
Hy het gesê die ondersoek is begin nadat verskeie bewerings van korrupsieontvang is voordat hy beheer van die departement oorgeneem het in November 2006.
Hy het bygevoeg dat die ondersoek sy lewe in gevaar mag stel, maar dat hy bereid is om dit te aanvaar.
Hy het ook bygevoeg dat die departement moeite sal doen om die geld wat van die departement gesteel is terug te kry.
13:16:15 Meer as 2000 mynwerkers by Lonmin in Limpopo het op ‘n staking gegaan, het die Nasionale Unie van Mynwerkers (NUM) Woensdag gesê. NUM woordvoerder Lesiba Seshoka het gesê die staking van byna die hele werksmag is om die groot verskil in salaris uit te wys van Lonmin-werkers tussen Rustenburg en Limpopo.
“Die NUM het die CCMA genader om tussenbeide te tree en het uiteindelik ‘n sertifikaat gekry van nie-ooreenkoms vir die dispuut. In pleks daarvan om die probleme uit te sorteer, het Lonmin gedreig om meer as 16 000 werkers te ontslaan, en het hulle die huidige ekonomiese probleme as rede voorgehou,” het hy gesê.
Lonmin se woordvoerder, Alex Shorland-Ball, wat in Londen gebaseer is, en nie onmiddellik vir kommentaar beskikbaar was nie, het verlede week gesê dat sy nie die diensbeëindiging kon bevestig nie.
Seshoka het gesê ‘n Lonmin-werker in Limpopo verdien tussen R1800 en R2200 per maand, in teenstelling met Rustenburg se Lonmin-werkers op dieselfde vlak wat tussen R2800 en R3600 verdien.
“Die staking sal voortgaan tot ‘n oplossing gevind word,” het Seshoka gesê.
Produksie by Lonmin, die derde grootste platinumprodusent in die wêreld is geraak deur afskaling wat met veiligheid te make het, asook landwye elektrisiteitsvoorsieningsprobleme en ‘n daling in wêreldpryse vir die metaal.
09:57:21 Die grondwetlike hof het voormalige president Thabo Mbeki se dringende aansoek teen ‘n hofuitspraak wat hom sy werk laat verloor het van die hand gewys, het koerante Woensdag berig.
Agt grondwethofregters het sy aansoek Dinsdag van die hand gewys, het die Business Day en The Star berig.
Die regters het bevind dat “dit nie in die belang van geregtigheid is dat Mbeki se aansoek nou gehoor word nie".
Dit was omdat die nasionale vervolgingsgesag (NV) besig was om dieselfde saak in die Appèlhof aanhangig te maak.
Die NV se appèl sal op 28 November aangehoor word.
Mbeki wou hê dat die grondwetlike hof sekere dele van die uitspraak wat in die Pietermaritzburgse hof deur regter Chris Nicholson gemaak is, skrap.
In sy uitspraak het regter Nicholson gesê dat hy nie die moontlikheid van politieke inmenging kan uitsluit in die besluit om Mbeki se politieke teenstaander, Jacob Zuma, weer aan te kla van bedrog en korrupsie nie.
Die ANC se nasionale uitvoerende komitee het die uitspraak as die hoofrede gebruik om Mbeki sowat ses maande voor die verstryking van sy termyn uit die kussings te lig.
‘n Angolese regeringsamptenaar het gesê dat hulle soldate na die Kongo gaan stuur, waar ten minste 250 000 mense deur voortslepende gevegte ontwortel is.
Angola se adjunkminister van buitelandse sake, Georges Chocoty, het nie gesê hoeveel soldate hulle gaan stuur of wat hulle sending sal wees nie. Suider-Afrikaanse streeksleiers wat Sondag by ‘n beraad vergader het, het samesprekings gehou daaroor om soldate na die Kongo toe te stuur.
Die stad Boma word beleër deur rebelle wat lojaal is aan generaal Laurent Nkunda sedert hy die buitewyke van die stad bereik het.
Die rebelle het gedreig dat hulle nie sal skroom om gevegte aan te knoop met soldate wat die Kongo se regeringsmagte ondersteun nie.
Chicoty het die aankondiging gemaak oor Angola se nasionale radio ná ‘n vergadering met Europese ministers van buitelandse sake in Brussel.
15:39:07 Die ANC-minister van maatskaplike ontwikkeling, Zola Skweyiya het in 'n onderhoud met die Mail & Guardian erken dat die organisasie – en by implikasie Suid-Afrika – deur die Nguni-groepe vanaf die Indiese-oseaankus oorheers word.
Volgens Skweyiya het hy in 2006 aan Jacob Zuma gesê dat "ons versigtig moet wees dat ander etniese groepe ook moet voel dat hulle leiers kan oplewer".
Skweyiya, wat al sedert die sestigerjare 'n ANC-lid is en ook aan die ondergrondse terreurvleuel Umkhonto we Sizwe behoort het, sê: "My algemene siening is dat presidente nie net vanuit die provinsies wat aan die Indiese Oseaan grens (die Oos- en Weskaap en Kwazulu-Natal) kan kom nie. Ons moet ons sake so reël dat die Nguni's nie die enigste is wat die ANC lei nie."
Hy meen verder: "Ek voel sterk dat ons nie die nasionale vraagstuk opgelos het nie – nie net tussen wit en swart nie, maar ook onder onsself as Afrikane. Ek weet dis nie 'n gewilde mening nie, maar dis 'n feit."
Die ANC se gebruik van die term "nasionale vraagstuk" (national question) dui op die invloed van kommunistiese denke en veral idees vanuit die voormalige Sowjetunie op die party. In die vyftigerjare het sowel die ANC as die Suid-Afrikaanse Kommunisteparty egter die Sowjet-akademie se siening van Suid-Afrika as 'n veelvolkinge land gesien het terwille van die Britse "een nasie"-gedagte wat vandag steeds in die land toegepas word. Die Franse navorser Alfred Bosch het gewys op dié paradoks in SAKP-denke in die laat vygtigerjare toe Sowjetkommunisme omhels is maar Sowjetkultuurbeleid verwerp is.
Skweyiya het voorts gesê dat die ANC moet erken dat sy kommunikasiemetodes swak is, dat die Nguni-groep in sy leierskap oorheers, asook dat politieke opvoeding in die party swak is en dat die "ontplooiingsbeleid" veterane van die party vervreem het.
In weerwil van al dié gebreke, kan Skweyiya steeds nie begryp waarom Lekota en Shilowa dit nodig geag het om 'n nuwe party te begin nie.
Volgens Skweyiya het hy die Nguni-oorheersing aan Jacob Zuma uitgewys, wat hom verseker het dat dit nie 'n probleem sou wees nie aangesien hy net vir een termyn wou regeer. Blykbaar het Zuma met Kgalema Motlanthe gepraat en dié gaan ná hom weer as president oorneem. Zuma het dit ook só in die pers gestel.
Skweyiya is ewe bekommerd oor Nguni-oorheersing in die nuwe Shikota-party, waarin daar insgelyks Xhosa-oorheersing bestaan. Hy sê: "Die Xhosa-element bekommer my regtig. Ek kan dit sê want niemand sou my daarvan kon beskuldig dat ek nie van Xhosas hou nie." (Skweyiya is self 'n Xhosa.)
Volgens hom het die partyleierskap nie goed gekommunikeer ná die ANC-konferensie op Pietersburg nie.
"Ná Zuma se oproep om te verenig, het almal eenvoudig gepraat en elkeen op die nasionale uitvoerende komite het gevoel dat hy die reg had om te sê wat hy wil. Dit het mense die harnas in gejaag. Ek het gevoel die gesag van die sekretarisgeneraal en die woordvoerder is daardeur verswak.
"Daar was ook die verwarring tussen die ANC en sy bondgenote sodat dit gelyk het asof die leidende rol van die ANC en die laaste woord van die president bevraagteken word.
"Die afdanking van president Thabo Mbeki het ook olie op die vuur gegooi."
Skweyiya het voorts verklaar dat hy ook teleurgesteld is dat soveel mense die ANC verlaat, nie omdat hulle met die organisasie se ideologie verskil nie, maar omdat hulle nie van sekere persone hou nie.
"'n Mens hoef nie die ANC te verlaat omdat jy nie van iemand hou nie. Daar was al baie leiers van wie ons nie gehou het nie, maar ons kon nie padgee nie. Ons het gebly en ons standpunt ingeneem."
Die polisie op Porterville is blybaar nie so gesteld op misdaadbekamping nie.
Inwoners van die dorp beweer dat die polisie kla dat daar nie voertuie beskikbaar is om na misdaadtonele uit te ry nie.
Maar vir die polisie geniet die vervoer van braaivleishout blykbaar voorkeur. Onlangs is die polisievoertuig, 'n Nissan, opgemerk wat volgelaai was met wingerdstompe.
Dié stompe is daarna by 'n lid van die polisie se huis afgelaai.
Vier mans is Dinsdag gevang vir moord in Tembisa, het die Ekurhuleni metropolisie gesê.
Woordvoerder, inspekteur Mveli Nhlapo, het gesê die vier het na bewering ‘n vrou doodgesteek by haar huis in Edenvale op Sondag en daarna gevlug met R2 500 en ‘n rooi Toyota Cressida.
“Die Cressida is Maandag verlate gevind naby ‘n karwasplek naby ‘n taxistaanplek in Tembisa. Toe die kar se registrasienommer nagegaan is om die eienaar op te spoor, was daar gevind dat sy vermoor was.”
“Sy is verskeie keer met ‘n skroewedraaier gesteek” het Nhlapo gesê.
Die vier, tussen ouderdomme van 18 en 22 is Dinsdagoggend in verskillende huise in Phomolongseksie gearresteer.
Hulle sal op Dinsdag in die Edenvale landdroshof verskyn.
Sewe kleiner ongelukke het plasgevind in en om Johannesburg op Dinsdagoggend as gevolg van reënweer, het die Metropolisie gesê.
“Daar was reeds sewe kleinerige motorongelukke, maar met geen ernstige beserings of sterftes nie” het hoofsuperintendent Wayne Minnaar gesê.
Heelwat van die ongelukke was buffer teen buffer botsings gewees, het hy bygevoeg.
“Dit reën oor groot dele van Johannesburg vanoggend en motoriste moet hulle spoed verminder, hoofligte aangeskakel hou en veilige volgafstande handhaaf” het hy gewaarsku.
“Ons moet motoriste waarsku om versigtig te wees.”
