Suider-Afrika Archives - Page 650 of 888

Polisie verkrag glo vrou

Polisiebeamptes in Knysna gaan Dinsdag aan ‘n uitkenningsparade moet deelneem nadat ‘n vrou Saterdag glo deur ‘n polisieman verkrag is, het ‘n woordvoerder gesê.

Volgens Malcolm Pojie, polisiewoordvoerder in die Suid-Kaap , is die 32-jarige vrou glo deur twee polisiemanne wat aan diens was in ‘n polisievoertuig in Knysna se hoofstraat verkrag.

“Sy was in ‘n restaurant met vriende toe hulle ‘n argument gehad het. Sy het besluit om by die hoofstraat op te loop en het ‘n geparkeerde polisievoertuig gevind,” het Pojie gesê.

“Sy het hulle vir hulp gevra. Die bestuurder het haar in die voertuig ingetrek en die passasier het haar verkrag.”

Die saak is deur George se familiegeweld, kinderbeskerming en seksuele oortredingseenheid ondersoek.

“Hulle is ‘n gespesialiseerde eenheid en is onafhanklik van die Knysna-polisie,” het Pojie gesê.

Die saak is ook aangemeld by die Onafhanklike Klagtedirektoraat.

Niemand is nog in hegtenis geneem nie, maar lede is ingeroep vir ondervraging.

“Indien verdagtes na die uitkenningsparade geïdentifiseer word, sal hulle in hegtenis geneem word,” het Pojie gesê.

topcargo отзывы

Nasionale Waterforum fokus op waterkrisis

Die waterkrisis in die land word daagliks al hoe groter. Geen beter getuienis daaromtrent is seker beskikbaar as dié van me. Nobubele Ngele, waarnemende direkteur-generaal van waterwese en omgewingsake, wat teenoor die ad hoc-komitee oor dienslewering gesê net 30 van die land se 283 munisipaliteite het waterdienste wat tans behoorlik funksioneer, en dat ‘n verdere 23 munisipaliteite in waterkrisis in die gesig staan.

Ondertussen kom al meer getuienis van waterbesoedeling aan die lig. So loop daar tans ongeveer 2 miljoen liter rioolwater daagliks in die Hartebeespoortdam in, wat later natuurlik ook verder stroom-af gaan. Verlate myne aan die Wes-Rand laat duisende liter suur mynwater vry.

Verlede jaar het die Nasionale Waterforum (NWF) tot stand gekom, waarbinne talle belanghebbende organisasies hande vat om die omvang van die waterkrisis in die land te probeer vasstel, en daarvolgens aksieplanne op te stel ten einde die krisis in belang van die land en sy inwoners te beredder. Teen die huidige tempo gaan daar binne enkele jare geen water meer beskikbaar wees vir menslike gebruik of voedselproduksie nie.

NWF het sopas sy webblad bekend gestel, waarop alle beskikbare inligting rondom water geplaas gaan word. Lede van die publiek kan foto’s van waterprobleme daarop plaas, saam met ‘n beskrywing van plek, aard en omvang van die probleem. NWF het ook ‘n spesiale selfoonnommer vir die doel beskikbaar gestel, sodat mense met hulle selfone foto’s kan neem en dit dadelik na NWF se selfoon deurstuur, waarna dit op die webblad geplaas sal word.

Die webblad adres is www.nwf.za.net

и бани

Miljoene se juwele by universiteit gesteel

Die Kaapse Skiereiland Universiteit van Tegnologie (KSUT) is glo besig om hulle eie personeel te ondersoek nadat sowat R4 miljoen se juweliersware gesteel is, het die Saturday Star berig.

“Dit was ‘n interne misdaad gewees en dit is aaklig. Daar is geen tekens van ‘n inbraak nie. Iemand het ingekom, die plek geplunder en toe weer die deur gesluit,” het Vassiliki Konstandakellis, hoof vir die ontwerp en vervaardiging van juweliersware, gesê.

Die juweliersware, wat diamante en onverwerkte platinum ingesluit het, is glo op 27 Januarie uit die kluis gesteel. Die werkers by die universiteit moes leuenverklikkertoetse ondergaan en een persoon het dit nie geslaag nie.

“Die ondersoek is op ‘n baie sensitiewe stadium. Ons het ook na beeldmateriaal van die kringtelevisiekameras gekyk. Ons kan egter nog geen inligting bekendmaak nie,” het Angelo Echardt, hoof van sekuriteit, gesê.

Volgens die polisie in die Wes-Kaap is hulle bewus van die voorval via die media maar is geen kriminele aanklagte nog aanhangig gemaak nie.

кабины Данильченео

Zuma is MIV-negatief

Die ANC se vroueliga het by monde van Nosipho Ntwanambi, adjunkpresident, hulle steun aan pres. Zuma toegesê.

Volgens Ntwanambi is Zuma MIV-negatief en word hy gereeld getoets.

Sy het gesê hulle aanvaar Zuma se verskoning onvoorwaardelik omdat die ANC of sy beleidsrigtings nie enige skade berokken is nie.

Sy het gesê die president het reeds sy fout erken en skadevergoeding betaal.

Beeld berig dat Brian Sokuto, ANC-woordvoerder, gesê het die kwessie is afgehandel en dit verskyn nie op die sakelys vir Maandag se beplande vergadering van die nasionale werkkomitee nie.

Zuma sal inwoners van Guguletu Maandag ontmoet om Mandela se vrylating destyds te vier.

справка 86

Nog steeds plaasmoorde

Die ink in die Nederlandse koerant, Trouw, is nog nie eens droog waarin plaasmoorde in Suid-Afrika onder die loep geneem is nie, of nog ‘n bejaarde boer is doodgeskiet,” aldus ds. Theunis Botha, leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA).

Botha het gereageer oor die insident waartydens die 70-jarige Koos van Staden van Hoedspruit deur sy venster in die nek doodgeskiet is, terwyl hy en sy vrou in hul bed geslaap het. Die aanvaller of aanvallers het voet in die wind geslaan toe mev. Van Staden teruggeskiet het.

“Wat meer kan ons doen as om weer eens ‘n beroep op die regering te maak om die aanval te veroordeel en om ministers soos Tokyo Sexwale te repudieer wat die blaam vir regeringsmislukkings op die boere plaas.

“Ons spreek ook ons meegevoel uit met mev. Henriëtte van Staden en ander naasbestaandes.

справка освобождение

Harry Schwarz sterf

Een van die kleurrykste Suid-Afrikaanse politici het vandeesweek gesterf.

Schwarz is op 13 Mei 1924 in Duitsland gebore, en het as kind na Suid-Afrika gekom. Volgens ‘n huldeblyk deur die DA-leier, Helen Zille, was hy aktief in die stryd teen die Nazi’s betrokke.

Hy het hom in Suid-Afrika aan Wits en later in Londen as regsgeleerde bekwaam, en was by die verdediging in die Rivonia-verhoor betrokke.

Ná sy aanvanklike toetrede tot die politiek as SAP, het hy in 1975 die Reformisteparty gestig, en later dieselfde jaar smelt dit met Colin Eglin se Progressiewe Party saam om die Progressiewe-Reformisteparty te vorm.

Sy laaste openbare amp was as ambassadeur in Washington.

Weens sy kleurryke karakter het hy dikwels die politieke weerlig op hom getrek.

By geleentheid het ‘n NP-politikus met Colin Eglin se “linker- en regterhande” gekorswel en toe opgemerk: “En al waarmee hy nou sit is ‘n klein Schwarz-handjie.

By ‘n politieke vergadering was Harry aan die woord. By geleentheid hef hy aan: “One nation, one people, one land.”

‘n Lid van die publiek wat taamlik na-aan die verhoog gesit het, hef ewe hard aan: “Ein Volk, ein Land, ein Fuhrer!”

Schwarz was woedend, berig die verslaggewer.

Bollywood Story Данильченео

Uraan kan Potch se drinkwater vergiftig

Prof. Kobus van der Walt, van die skool vir geografie en omgewingsbestuur aan die Universiteit van Noordwes (NWU), het dië week by ’n seminaar van die Suid-Afrikaanse Kankervereniging (Kansa) gesê uraan is besig om vanaf die goudmyne langs die Wonderfonteinspruit in die Mooirivier in te sypel.

Volgens ‘n berig in Beeld los die suur mynwater die swaar metale op, ook die uraan wat in die modder van die Wonderfonteinspruit en die Tweelopiespruit aanwesig is. Dit spoel dan stroom-af.

Die hoofnavorser van Kansa, Dr. Carl Albrecht, sê Potchefstroom se drinkwater is in gevaar omdat 800kg uraan jaarliks in die Boskopdam, die enigste waterbron van die inwoners, vloei.

Navorsers van Kansa het reeds uraan in die stof van die stofsuiers in Carletonville aangetref.

Danksy goudmynbedrywighede lê daar 600 000 ton uraan op die mynhope van die Wes-Rand. Die mynhope stel glo radongas vry.

Bron: Beeld

римская баня

Zille praat nie oor haar eie gedrag nie

Pres. Jacob Zuma se kinders is “tevrede” om hul pa met “20 of meer” broers en susters te deel, het sy seun, Duduzane, Vrydag gesê.

“Ons as gesin is tevrede met die poligamiese aard van ons huishouding,” het hy in ‘n verklaring gesê.

“Ons is tevrede dat ons 20 of meer broers en susters het.”

Duduzane het gesê sy pa het sy kinders se seën as hy nog toevoegings tot die kroos wil maak.

“Dit is my pa se reg binne die konteks van sy kultuur om soveel kinders te hê as wat hy wil.”

Hy het gesê as ‘n “burger” het sy pa die reg om “sy geloof te beoefen”.

“As ‘n Suid-Afrikaanse burger het my pa dieselfde reg op privaatheid en om sy geloof te beoefen nes enige ander landsburger.”

Duduzane het gesê baie van die Zuma-kinders is volwassenes wat kan help om na die jonger kinders om te sien.

Intussen het Helen Zille, DA-leier, se veldtog teen Zuma se jongste buite-egtelike kind groot aanklank in die buiteland gevind en is die kwessie nuus in die VSA sowel as Europa.

Die New York Times het die Vigspandemie in Suid-Afrika direk aan Zuma se onbeheerste seksuele gedrag gekoppel. Dit is egter nie duidelik of die president wel met die virus besmet is agv sy keuse van vroue nie.

Zille se eie verlede – sy het ‘n onbeskermde seksuele verhouding met ‘n getroude man wat ‘n gesin gehad het, begin – is nie onder die loep geneem nie en die buitelandse media het eensydig op die DA se verklarings gereageer.

Sexwale vra Zuma om verskoning oor Facebook-uitlating

‘n Familielid van Tokyo Sexwale het president Jacob Zuma om verskoning gevra nadat sy negatiewe kommentaar oor hom op Facebook geskryf het.

Kananelo Sexwale het glo uitgevaar op Facebook nadat dit bekendgemaak is dat Jacob Zuma pa van sy twintigste kind geword het.

“Ek wil graag om verskoning vra vir enigiets wat ek in private gesprekke oor Jacob Zuma en sy familie kwytgeraak het,” het Sexwale Woensdag in ‘n verklaring gesê.

“Ek het nie bedoel om oneerbiedigheid teenoor enige ouer persoon te wees nie. Een van opportunistiese kennisse het privaat gesprekke op Facebook geneem en dit in die media versprei.”

Sexwale het glo op Facebook gesê dat Zuma stereotipies optree met sy swak gedrag. Sy het glo ook geskryf dat sy skaam kry daaroor.

games no лобановский харьков

Polisie skiet op betogende studente

Die polisie het glo Woensdag met rubberkoeëls op ‘n groep studente losgetrek wat by die Mangosuthu Universiteit van Tegnologie (MUT) in KwaZulu-Natal betoog het.

“Die studente het die polisie met klippe bestook. Daarna het die polisie met rubberkoeëls teruggeskiet,” het supt. Jay Naicker, polisiewoordvoerder, gesê.

Volgens Naicker was die studente glo onder die invloed van alkohol gewees.

“Die 15 studente wat Dinsdag in hegtenis geneem is vir openbare geweld is later weer vrygelaat en sal op 8 April in die hof verskyn,” het hy gesê.

Na bewering het die betrokke studente teruggekeer na die universiteit en sowat 300 ander studente toegespreek. Dit is gedurende hierdie gesprekke dat hulle die polisie bestook het.

“Niemand is in die voorval beseer nie en die polisie het nog niemand in hegtenis geneem nie.”

new online casino