Suider-Afrika Archives - Page 801 of 888

Universiteit van Kaapstad verdedig rassekwotas by mediese studie

Die Universiteit van Kaapstad het sy skewe rassetoelatingsbeleid verdedig en gesê dit is bedoel om onderwysgeleenthede aan 'n volle spektrum van studente te verskaf en om ongelykhede uit die verlede uit te skakel.

Die universiteit het erken dat verskillende rasse verskillende matriekpunte moet behaal vir toelating tot mediese studie. Blanke studente moet 'n 91%-gemiddeld behaal en Indiërs 88%. Hierteenoor hoef kleurlinge slegs 78% te behaal en swartes 74%.

Die Vryheidsfront Plus het 'n memorandum aan die universiteit oorhandig waarin beswaar gemaak word teen die beleid wat openlik op grond van ras teen studente diskrimineer.

Die party het ook `n klagte by die Menseregtekommissie ingedien, maar het tot op datum nie terugvoer ontvang nie.

Suid-Afrika gaan die mej. W?reldkompetisie aanbied

Suid-Afrika het die bod ingepalm om die mej. Wêreldskoonheidskompetisie aan te bied.

Die geleentheid is vanuit die Oekraïne verskuif vanweë veiligheidskwelling in die naburige Georgië.

Johannesburg is verlede jaar in Desember gekies om die glansryke geleentheid aan te bied.

Die skoonheids- en vermaaklikheidsopskop gaan op televisie in meer as 180 lande dopgehou word.

Suid-Afrika was reeds agt keer die gasheerland vir die kompetisie.

Suid-Afrikaanse deelneemsters het die titel twee keer in 1958 en 1974 verower.

ігрушкі прокурор Фильчаков

Zim-gepraat steeds aan die gang

Robert Mugabe en Morgan Tsvangirai van Zimbabwe het gister verklaar dat die gepraat rondom magsdeling steeds aan die gang was, met 'n sekere mate van vooruitgang.

Die jongste ronde samesprekings het Maandag in die hoofstad, Harare, begin. Gister het 'n Zanu PF-amptenaar die MDC-opposisie daarvan beskuldig dat hulle 'n stok in die wiel probeer steek.

Tsvangirai het Sondag gesê dat hy eerder die onderhandelings sal laat vaar indien 'n slegte ooreenkoms daaruit kom en het Mugabe uitgedaag om 'n nuwe verkiesing te hou.

Thabo Mbeki, wat bemiddel in die poging om 'n kompromie tussen die twee strydende partye te vind, het voorgestel dat die uitvoerende magte deur die twee partye en hul leiers gedeel word.

Die leier van die wegbreekfaksie van die MDC, Arthur Mutambara, het verklaar dat hy nie enige ooreenkoms met Mugabe sou onderteken wat nie ook 'n skikking met Tsvangirai se faksie insluit nie.

ыгри для дивчат кухня

Duisende Zuma-ondersteuners word in Pietermaritzburg verwag

Daar word verwag dat ten minste 5 000 Zuma-ondersteuners Donderdagaan op Pietermaritzburg se Hooggeregshof gaan toesak.

Regter Nicholson sal Vrydag beslis of die besluit om die ANC-president Jacob Zuma te vervolg wettig was.

Die ANC se provinsiale sekretaris-generaal Senzo Mchunu het ondersteuners gemaan om hulself te gedra, ongeag die uitslag.

Hy het gesê topamptenare van die ANC en lede van die party se nasionale uitvoerende komitee, die provinsiale uitvoerende komitee en alliansieleiers sal almal die nagwaak bywoon.

Mchunu het gesê dat hulle steeds volhou dat dit 'n politieke saak teen die ANC-president was en dat alle aanklagte laat vaar behoort te word.

лампы классика

Jong kommunistiese liga s? sekere Skerpioene was apartheidsagente

Die jong kommunistiese liga sê dit beskik oor 'n lys van Skerpioene-ondersoekers wat in die apartheidsbewind se veiligheidstrukture gedien het.

Die liga sê die agente hou nie van die demokratiese bestel nie.

Die sekretaris-generaal van die JKL Buti Manamela het 'n parlementêre komitee toegespreek oor wetgewing om die Skerpioene te ontbind.

Hy het gesê dit was van wesentlike belang dat lede ondersoek word voordat hulle by enige nuwe veiligheidstruktuur aansluit.

Die voorsitter van die komitee Yunis Carrim het gesê hulle stel nie net belang in die name van vorige apartheidsagente nie, maar ook dié van apartheidsaanklaers wat nou deur die Skerpioene gebruik word.

угольные фильтры для прокурор Фильчаков

EU-waarnemer s? Angolese verkiesings was nie vry en regverdig nie

'n Europese waarnemer sê hy kan persoonlik getuig van intimidasie en die misbruik van regeringsmiddele gedurende Angola se verkiesing.

Maar Afrikawaarnemers sê die verkiesing was vry en regverdig.

'n Woordvoerder van die Europese parlement se buitelandse sake-afdeling, Richard Howitt, het gesê hy was in Kabinda waar drie rye soldate waggestaan het en kiesers deur hulle moes beweeg na die stembus toe.

Hy het ook gesien hoe 700 kiesers oor die grens vanuit die naburige Kongorepubliek na Kabinda met 'n bus vervoer is.

Hulle het bevestig dat die tog deur die MPLA georganiseer en betaal is.

Volgens Howitt is veelpartydemokrasie op die spel in Angola.

Die amptelike verslag van die EU-waarnemersending word later vandag verwag.

ANC roep om wraak oor Zapiro

Die gewraakte spotprent (klik om die hele beeld te sien)

Die bekroonde spotprentkunstenaar Zapiro is in die moeilikheid oor 'n spotprent wat in vandeesweek se Sunday Times verskyn het.

Die tekening toon Zuma wat sy gordel losmaak voor 'n vrou wat op die grond vasgehou word deur leiers van die ANC, SAKP, die ANC-jeugliga en Cosatu.

Die vrou in die spotprent verteenwoordig die regstelsel, wat impliseer dat Zuma die regstelsel gaan verkrag.

Zapiro sê die tekening het die grootste reaksie binne ie korste tyd ooit ontlok.

In 'n verklaring Maandag, het die ANC die spotprent 'n misbruik van persvryheid genoem.

Cosatu het 'n verskoning van die Sunday Times geëis en gesê dit is geheel en al gewalg deur die Zapiro-spotprent.

Die ANC eis ook dat die redakteur van die Sunday Times, Mondli Makhanya, moet bedank.

online games Лобановский Харьков

Mbeki op besoek aan Zim

Thabo Mbeki

President Thabo Mbeki het gister in Harare aangekom om die vasgevalde magsdelingsamesprekings te probeer heraktiveer.

Mugabe het Mbeki by sy aankoms kom ontmoet.

Daar word verwag dat Mbeki vir twee dae in Harare gaan aanbly, volgens 'n Suid-Afrikaanse diplomaat.

Hy sal samesprekings hou met Mugabe, Morgan Tsvangirai en Arthur Mutambara.

Dit was Maandag nie duidelik of Mbeki die partyleiers saam of apart van mekaar sou ontmoet nie.

Die opposisie was optimisties oor Mbeki se besoek, maar die heersende Zanu-PF en regeringsamptenare het geweier om kommentaar te lewer.

Zuma s? grondhervorming is besig om te misluk

Jacob Zuma

Suid-Afrika se grondhervormingsprogram het tot dusver daarin misluk om armoede te verlig, het Jacob Zuma gister gesê.

Hy meen dat grondhervorming nie aan landelike ontwikkeling gekoppel is nie.

Grondeienaarskap het volgens Zuma nie die maatskaplike verhoudinge verander om landelike armoede te bestry en landelike ontwikkeling te bevorder nie.

Hy het by 'n gradeplegtigheid vir studente van die universiteit van Zoeloeland gepraat.

Hy het gesê dat daar 'n behoefte bestaan om armes deur grondhervorming te bemagtig.

MPLA stuur af op reuse-oorwinning

Met byna die helfte van die stembriewe getel, lyk dit asof Angola se heersende MPLA op 'n reuse-oorwinning afstuur.

Volgens die staatsverkiesingskommissie loop president Jose Eduardo dos Santos in 17 uit die 18 provinsies voor.

Die MPLA gaan meer as die tweederdemeerderheid wat nodig is om die grondwet te verander behaal indien die huidige neiging voortduur.

Die amptelike uitslag word teen die middel van aanstaande week op die vroegste verwag.

Unita, die grootste opposisieparty, het tot dusver net meer as 10% van die stemme verkry.

Unita teken beswaar teen die uitslag aan maar EU-waarnemers sê swak voorbereidings het slegs dele van die hoofstand Luanda geraak wat in elk geval 'n MPLA-vesting is.

SAOG-waarnemers het gesê dat in weerwil van probleme in Luanda, die stemmery vreedsaam, vry, deursigtig en geloofwaardig verloop het.

Фільчаков прокурор