Kategorie: Suider-Afrika

Die Verenigde State en Suid-Afrika het Woensdag ‘n ooreenkoms  onderteken wat ‘n hupstoot sal verleen diplomatieke bande, ‘n nuwe teken van die belangrikheid waarmee die VSA-administrasie Pretoria se rol in die streek bejeën.

Die “strategiese dialoog” wat deur die Amerikaanse minister van buitelandse sake, Hillary Clinton en haar Suid-Afrikaanse eweknie Maite Nkoana-Mashabane in die vooruitsig gestel word, sal poog om die samewerking tussen die twee lande te versterk oor ‘n wye verskeidenheid van onderwerpe.

Onder die kwessies wat die twee partye sal aanspreek sal wees gesondheid, onderwys, voedselsekuriteit, openbare veiligheid, handel, beleggings, energie en non-proliferasie, het die Amerikaanse State Department gesê.

“Suid-Afrika se leierskap is van kritieke belang vir die welvaart en veiligheid van die Suid-Afrikaanse bevolking en Afrika en die wêreld, ” het Clinton gesê met die ondertekening van die ooreenkoms.

Suid-Afrika, ‘n lid van die Groep van 20 en die mees invloedryke land in die streek, word beskou as een van Washington se drie belangrikste spelers in Afrika, saam met olieprodusente Nigerië en Angola.

Die Verenigde State het reeds ‘n soortgelyke ooreenkoms met Nigerië en sal na verwagting ‘n soortgelyke ooreenkoms sluit met Angola.

Die eerste jaarlikse bilaterale forum tussen die Verenigde State en Suid-Afrika sal in Pretoria gehou word op 12-13 Mei het Amerikaanse diplomatieke bronne gesê.

Vier swart leerlinge sal Woensdag in Malmesbury in die landdroshof verskyn nadat hulle glo drie klaskamers by hul skool aan die brand gesteek het, omdat die skool oorvol was. 

Volgens Henry Durant, polisiewoordvoerder, patrolleer die  polisie die area rondom Hoërskool Naphakade om te verhoed dat soortgelyke voorvalle plaasvind. 

Verskeie leerlinge het glo Dinsdagaand die skool se geboue aan die brand gesteek omdat hulle na bewering klaskamers met laerskoolleerlinge moet deel.

“Die situasie is onder beheer en die skool het weer Woensdagoggend sy deure geopen. Die skoolkinders is op die perseel en klasse verloop soos normaal,” het Durant gesê.

Donald Grant, die Wes-Kaapse minister van onderwys,  het die voorval afgekeur en gesê daar is reeds planne om ‘n nuwe hoërskool in die omgewing te bou.

“Die aggressiewe optrede deur die leerlinge was nie net onwettig nie, maar heeltemal onnodig. Ons het lankal reeds besluit om ‘n nuwe skool in die area te bou,” het Grant gesê.

Die vier leerlinge, onderskeidelik 21, 20, 18 en 16 jaar oud, is aangekla van openbare geweld en brandstigting.

‘n Groot media- en  polisieteenwoordigheid word Woensdag by die Ventersdorp-landdroshof verwag waar twee plaaswerkers verskyn vir die moord op regse leier Eugene Terre’Blanche. 
  
Lede van die van die Afrikaner Weerstandsbeweging (AWB), sedert 1973 gelei deur Terre’Blanche, word ook verwag.
 
“Daar is niks beplan, geen protes of iets nie,” sê AWB-woordvoerder Pieter Steyn.
  
“As mense opdaag, sal dit baie min wees. Ek self twyfel of ek moet gaan, want ek sal my petrolgeld mors,” het hy gesê. 
  
By die eerste hofverskyning van die beskuldigde verlede Dinsdag het honderde boere, Ventersdorp se inwoners, die polisie en joernaliste byeengekom in die klein Noord-Wes dorpie. 
  
Polisie het moes hulself inwig tussen ‘n groep swartes en blankes deur hulle te skei met lemmetjiesdraad toe ‘n skermutseling uitgebreek het. Boere is openlik by die geleentheid deur swartes uitgetart.
  
Musa Zondi, die Valke se woordvoerder het gesê die polisie-eenhede is “goed voorberei” vir Woensdag. 
  
“Die polisie het die kapasiteit om skares te hanteer, veral rondom hoë-profiel sake, en hulle sal môre dienooreenkomstig ontplooi word om te verseker dat die hofprosedure nie versteur word nie.” 
  
“Ons sal die veiligheid van almal wat opdaag verseker.”
  
Polisie van naburige Potchefstroom en Rustenburg sal ook gestuur word om te help. 
  
Terre’Blanche, 69, is wreed vermoor op sy plaas buite Ventersdorp op 3 April. 

Die borgtogverhoor van die twee beskuldigdes, van 15 en 28, sal na verwagting om 10 uur begin.
  
Die saak word in camera gehou word omdat een van die beweerde oortreders 15 jaar oud is. Verskeie media-groepe het begin met regsprosedures vir toegang tot die hofsaak wat tans internasionale aandag geniet. 
  
Vertoeë wat die media toegang sal gee tot die hofverrigtinge, sal Woensdag gehoor word in dieselfde hof om 9 uur , vóór die moordsaak.
  
Die beskuldigdes staar aanklagte van moord, huisbraak en roof met verswarende omstandighede, crimen injuria en poging tot roof met verswarende omstandighede in die gesig.

Limpopo se onttroonde provinsiale voorsitter van die ANC Jeugliga, Lehlohonolo Masoga dring aan dat hy nog steeds die provinsiale leier van liga is, ten spyte van die verkiesing van ‘n nuwe voorsitter tydens die konferensie oor die naweek.
  
“Ek is die voorsitter van … die konferensie wat onderbreek is en dit sit hierdie naweek. Ek het nog nie vervang is,” het hy Dinsdag gesê.

“Die provinsiale uitvoerende komitee [PEC] het nagedink oor die konferensie wat verdaag het en eenparig besluit dat die konferensie weer bymekaar moet kom as ‘n saak van dringendheid en die kwessie moet afhandel net soos ons het met die Mangaung- en ander Nasreckonferensies gemaak het om die huidige NUK [nasionale uitvoerende komitee] saam te stel.” 
   
Hy het verduidelik dat die konferensie op Makhado naby Louis Trichardt verdaag het na ‘n paar afgevaardigdes geprotesteer en liedjies gesing het wat die konferensieproses in effek geraak het. 
  
Die afgevaardigdes het gekla dat die konferensie nie kon voortgaan terwyl ander afgevaardigdes geakkrediteer is nie.
  
“Toe hulle siening verwerp is op die basis dat geloofsbriewe nie aangebied is nie en dat die probleem op ‘n later stadium hanteer sal word, het die protes begin deur afgevaardigdes wat liedjies sing… ” het hy gesê. 

Hy het gesê voordat die provinsiale ANC-voorsitter Cassel Mathale kon praat, het ANC-Jeugligapresident Julius Malema, die podium bestyg en beveel dat die protesterende afgevaardigdes verwyder moet word uit die saal deur die polisie.

Verskeie media-groepe het regsprosesse begin vir toegang tot die verhoor van die twee jeugdiges wat beskuldig word van die moord op Eugene Terre’Blanche, het Media 24 Maandag gesê.

“Media 24 het inderdaad regsgedinge begin om toegang te verkry tot die hofverhoor,” het woordvoerder Lutfia Vayej gesê. 
  
“In hierdie verband het ons Dario Milo van Webber Wentzel [Prokureurs] in Johannesburg genader. Hulle is ook namens ‘n aantal partye, waaronder die Suid-Afrikaanse Nasionale Redakteursforum Forum en eTV genader wat vir soortgelyke toegang aansoek gedoen het.” 

Die Nasionale Vervolgingsgesag (NVG) het gesê die media het toegang tot die Ventersdorp-landdroshof. 
  
“In die finale instansie is dit die taak van die howe om te besluit,” het woordvoerder Mthunzi Mhaga gesê. Hy het gesê as die NVG enige versoeke ontvang, sal hulle na ‘n hof verwys word.

‘n Amptenaar het verduidelik dat die prosedure vir so ‘n versoek ingewikkeld is. “Hoe lank iets soos hierdie kan neem sal afhang van die voorsittende beampte in Ventersdorp. Die hof kan òf streng voorwaardes oplê aan die verslaggewing, òf weier om die media toe te laat.

Business Day se redakteur Peter Bruce het Maandag in sy rubriek voorgestel dat die proses oopgestel moet word aan die media op dieselfde wyse as president Jacob Zuma se verkragtingsverhoor. 

By die eerste hofverskyning van die twee beskuldigdes verlede  Dinsdag het Menzi Simelane, NVG-hoof, gesê dat die hele verhoor gehou sal word in kamera.

Hy het verduidelik dat omdat ‘n minderjarige betrokke is, die media geen toegang kan verkry nie.

Oor minder as ‘n maand kom die eerste van 450 000 toeriste op Suid-Afrikaanse lughawens na ‘n lang reis aan en soveel as 75 000 kan vind hulle bagasie het reeds verdwyn voordat dit die carrousel bereik. 
 
Dit is volgens syfers wat onlangs aan die parlement se portefeuljekomitee oor openbare ondernemings deur SAL en Transnet asook plaaslike lugdiens SA Express voorgelê is. Siza Mzimela, voorheen van SA Express wat by Chris Smyth van SAL oorgeneem het op 1 April, het aan die komitee verduidelik dat hulle sukkel om  bagasiediefstal onder beheer te bring. 

Smyth het aan parlementslede gesê die lugredery het te make diefstal van twee uit elke 1 000 sakke wat hanteer word. Hy het toegegee dit was “nogal baie hoër as internasionale gemiddeldes.” 

Die aantal is afgebring tot onder 1,5 per 1 000 sakke verlede jaar, maar hy het gesê dat dit hierdie weer jaar gestyg het. Smyth sê soveel as 25% van die bagasiepersoneel is oneerlik, 25% eerlik en die res is geredelik tot misdaad oorreedbaar.

Mzimela sê SA Express se bagasiehanteerders word elke ses maande vervang, want hulle wend hulle tot misdaad na ‘n kort tydperk in die pos. “Na vier, vyf maande, is hulle reeds deel van die probleem.”
 
WorldMate beveel aan dat reisigers basiese dinge saamneem op die vliegtuig. Goeie keuses sluit ‘n tandeborsel, deodorant, en ‘n vars stel klere in, ‘n paar van die dinge wat jy onmiddellik nodig sal kry as jou bagasie gesteel word of wegraak. 

Ongelukkig maak die Verenigde State se Land Security dit moeiliker vir mense om toiletware op die vliegtuig te neem; items soos tandepasta en bevogtiger kan dalk meer van ‘n probleem wees. En as jou juwele kosbare erfstukke is, los dit tuis.

Moet nooit enigiets wat jy van waarde beskou, inboek by jou bagasie as jy dit kan help nie, sê kenners.
 
Met doeanebeamptes en versekeringspersoneel stry ‘n mens nie. Onthou dit!

’n Gesin van Randfontein is erg geskok nadat hul drie honde oor die naweek vergiftig is, berig Beeld.

Die buurvrou het gesien hoedat drie swart jeugdiges die honde met gif wat in brood versteek is, voer.

Naby Parys op die plaas Tweespruit is 13 honde en ’n kat vergiftig. Daar was soveel gif in die vleis dat van die honde se bekke begin bloei het.

ANC-jeugligapresident Julius Malema, is steeds uitdagend nadat hy Sondag in die openbaar betig is deur president Jacob Zuma, het ETV gesê.
  
Hy het op ‘n perskonferensie by die Jeugliga se konferensie in Limpopo Sondag gesê hy neem nie persoonlike verantwoordelikheid vir sy opmerkings wat gemaak is oor Zimbabwe verlede week nie.
  
Hy het gesê hy “kan nie verstaan” hoekom is hy betig oor verklarings oor Zimbabwe nie, want die sienings was nie sy eie nie, maar dié van die ANC-Jeugliga.
  
Hy het ook gesê hy is geskok oor die manier waarop die betigtining in die openbaar oor die televisie deur Zuma, die ANC en Suid-Afrikaanse president (sic) gemaak is.
  
Zuma het op ‘n nuus-konferensie in Durban Saterdag gesê dat Malema se gedrag “vreemd is aan die ANC”.
  
Zuma het Malema betig oor die sing van die “skiet die boer”-lied, sy uitsprake oor die moord van Eugene Terre’Blanche, leier van die Afrikaner Weerstandsbeweging (AWB), en sy ingryping in die gesprekke oor Zimbabwe, sowel as sy aanvalle op joernaliste.
  
Malema het verlede week ingemeng in die Zimbabwiese vredesproces met ondersteuning aan Robert Mugabe se Zanu-PF en aanvalle teen die Zimbabwiese opposisie, die Beweging van Demokratiese Verandering (MDC).
  
Die ANC-jeugliga se konferensie is Sondag in felle omstredenheid gedompel. Afgevaardigdes
wat met geweld verwyder is van die konferensie, het beloof om nooit die nuutverkose voorsitter Frans Moswane, te erken nie, het die SAUK berig.

Die afgevaardigdes, wat Lehlogonolo Masonga ondersteun, het gesê dat die verkiesing van Moswane nie demokratiese was nie, nadat hulle Saterdag deur die polisie uit die konferensie geskop is.

Hulle beskuldig Jeugligapresident Julius Malema daarvan dat hy die verwydering georkestreer het om te verseker dat sy voorkeurkandidate verkies is. 

“Hy het die polisie opdrag gegee om ons te verwyder uit die konferensie gister. Ons is huis toe, want ons is moeg van die agendas van Malema,” het een afgevaardigde gesê aan die uitsaaier.

“Ons is moeg van die diktatorskap van Malema,” het ‘n ander woedende kongresganger gesê. “Ons sal nie, ons wil nie en ons gaan nie hierdie nuwe leier ooit erken nie”.

Moswane is Saterdag verkies tot die nuwe voorsitter van die jeugliga in die provinsie. Hy sal na verwagting sy eerste openbare toespraak maak by Sondag se  sluiting van die konferensie in Louis Trichardt.