Duisende Malema-ondersteuners sak op Johannesburg toe

Duisende ondersteuners van die ANC-jeugliga het Dinsdagoggend deur die Johannesburgse middestad gehardloop en motoriste is in chaotiese verkeer vasgekeer.

Motoriste is van die pad gedwing en talle het omgedraai om nie in die swart mensegolf vasgevang te wees nie.

ANC-jeugliga-ondersteuners is deur die polisie met traanrook bestook en die polisie moes rubberkoeëls gebruik om op opstandige protesgangers  te skiet en te keer dat hulle by geboue in die middestad inbreek.

Die polisie probeer tans die groeiende skare in bedwang hou met lemmetjiesdraadversperrings, maar oproerige Malema-ondersteuners beur vorentoe, en bestook die polisie en media met klippe en bottels.

Die situasie by Luthulihuis waar mnr. Julius Malema vanoggend om 10:00 verhoor word, is tans uiters gespanne.

“Die getalle groei aan,” het Wayne Minnaar, woordvoerder van die Johannesburgse metropolisie, gesê.

Minnaar het motoriste gewaarsku dat verskeie paaie in die stad gesluit is.

Sauerstraat is by Markstraat afgesper, Simmondsstraat is by Pritchardstraat afgesper en Harrisonstraat is by Pritchardstraat afgesper.

‘n Groep ondersteuners van die ANC-jeugliga het ‘n nagwaak buite Luthuli-huis gehou ter ondersteuning van Malema en sy medebeskuldigdes.

Malema word saam met Floyd Shivambu, Ronald Lamola, Sindiso Magaqa, Kenetswe Mosenogi en Pule Mabe aangekla. Hulle word daarvan beskuldig dat hulle die ANC in oneer bring en verdeeldheid saai in dié party.

Александр Фильчаков

Zuma oorsee vir Julius se verhoor

Pres. Jacob Zuma sal vandag na Oslo, Noorweë, reis vir ‘n staatsbesoek om bande tussen die twee lande te versterk.

Zuma is deur koning Harald V uitgenooi om Noorweë te besoek.

Die staatsbesoek sal vanaf 31 Augustus tot 1 September duur.

Suid-Afrika en Noorweë het ‘n spesiale en unieke verhouding weens die Europese land se ondersteuning van die Suid-Afrikaanse struggle.

Noorweë was ‘n belangrike bydraer – finansieel en prakties – in die stryd teen apartheid.

Zuma se besoek kom terwyl die Johannesburgse metropolisie voorbereidings tref vir Julius Malema, ANC-jeugleier, se dissiplinêre verhoor.

Die polisie het reeds strate begin sluit vir Malema se verhoor, wat Dinsdag afskop.

Lede van die ANC-Jeugliga het Maandagaand op Vuvuzelas geblaas en in die strate van Johannesburg gedans ter ondersteuning van die liga se president, Julius Malema.

“Die lafaards is bang, ons moet skiet… skiet met ‘n geweer,” het meer as 70 ANCYL-lede gesing soos hulle na die ANC se hoofkwartier, Luthuli-huis, gemarsjeer het.

Sommige het plakkate gedra wat teen alles van kapitalisme en Vodacom tot Botswana se president, Ian Khama, uitgevaar het.

“Ons sê nee vir ‘n militêre basis op ons kontinent wat onder Amerika se beheer is. Ian Khama – die pop – ‘n belediging vir Afrika. Viva Julius Malema,” het een plakkaat gelees.

Die groep het ‘n Vodacom-t-hemp gebrand en rondom dit gedans.

“Ons moet gedissiplineerd wees,” het een van die lede gesê toe die groep verkeer by ‘n verkeerslig geblokkeer het.

Die ANC het verlede week aangekondig Malema en Floyd Shivambu, woordvoerder van die liga, sal dissiplinêr verhoor word en daarvan aangekla word dat hulle onmin in die party gesaai het en die party se naam in oneer gebring het.

Malema het onlangs gesê die ANCYL sal ‘n span na Botswana stuur om opposisiepartye te konsolideer en te help om ‘n bewindverandering mee te bring, aangesien geglo is die regering in dié land is “in volle samewerking met imperialiste” en ondermyn die “Afrika-agenda”.

Meer as 200 polisiebeamptes was Maandagaand by Luthuli-huis ontplooi.

Paaie na die gebou is vir verkeer gesluit om plek te maak vir die ANCYL-ondersteuners.

Die verhoor sal Dinsdag en Woensdag plaasvind.

Die polisie buite Luthuli-huis het gesê paaie sal Maandagnag en moontlik die hele Dinsdag gesluit wees.

Данильченко Юрий отзывы

Gaddafi in Zim?

Sommige waarnemers het gesê dat kol Moeammar Gaddafi uit Libië gevlug het na Zimbabwe mbv ‘n straler wat deur Zimbabwe se president Robert Mugabe beskikbaar gestel is.

Dié nuus kom te midde van die begin van rebelle se opmars na sy tuisdorp Sirte.

President Mugabe se politieke teenstanders beweer dat hulle spioene Gaddafi in die land sien aankom het op ‘n Zimbabwe Air Force-straler in die vroeë oggendure van Woensdag.

Hulle sê die Libiese diktator is na ‘n herehuis in Harare se Gunninghill-voorstad geneem, waar agente van sy vroulike lyfwag blykbaar opgemerk is terwyl hulle die gebied gepatrolleer het.

“Daar is geen twyfel dat Gaddafi hier is as ‘n spesiale gas van Mugabe nie,” het ‘n woordvoerder vir Zimbabwe se opposisieparty, die Beweging vir Demokratiese Verandering , die MDC, aan die Britse Sun gesê.

Gaddafi het waarskynlik gevlug vanaf  ‘n vliegbasis in sy tuisdorp van Sirte, wat die afgelope paar dae deur NAVO-vegvliegtuie gebombardeer is.

Die kolonel se bunker in die kusdorp is die afgelope paar nagte deur die Britse Tornado -vegvliegtuie bebombardeer.

Een bron het gesê: “Libië is ‘n baie groot land en die Gaddafi-regime het baie tyd gehad om ‘n ontsnappingsplan voor te berei.”

Thabo Mbeki het intussen in Stellenbosch skerp kritiek uitgespreek teen NAVO se aanvalle in Libië en gesê die Weste gun Gadaffi geen ander kans as om te bly veg en ‘n burgeroorlog te ontketen nie, omdat hulle ‘n internasionale lasbrief vir sy inhegtenisname aangevra het.

Фильчаков прокурор

Malema sê hy is die produk van God

Dae voordat die ANC-jeugliga sy verskyning voor die regerende party se dissiplinêre komitee moet maak, het die Jeugliga se president, Julius Malema, en sy ondersteuners ‘n verenigde front gevorm.

Malema en sy tesourier-generaal, Pule Mabe, het vir God goddelike ingryping gebid en honderde van die liga-lede gemobiliseer in die land ter ondersteuning van hul leiers.

Busvragte ondersteuners van ten minste drie provinsies en sal na verwagting buite Luthuli-huis, die party se hoofkwartier in Johannesburg, vergader.

Terwyl die Jeugligaverteenwoordigers reeds provinsiale vergaderings in Johannesburg, Bloemfontein, Polokwane, Kimberley en Witbank georganiseer het, het Malema aan die African Methodist Episcopal Church in Soweto gesê die liga moet nie onderdruk word nie. Hy het homself met oud-president Nelson Mandela vergelyk, toe hy nog in die jeugvleuel gedien het tydens apartheid.

“Jy kan nie ‘n jeugliga hê wat nie praat nie; [ons] is waar ons vandag is as gevolg van die Jeugliga.

“President Mandela het [gedurende apartheid] na die oudstes gegaan en vir hulle gesê:” Hierdie strategie wat julle gebruik om briewe aan die koningin te stuur sal nooit ons mense bevry nie. Ons moet veg vir ons eie vryheid “.

“Die ouderlinge het op daardie tydstip hom van disrespek beskuldig. Hulle het gesê hy is beïnvloed deur die kommuniste. Sy gebrek aan respek en die invloed die kommuniste het hierdie vryheid van vandag aan ons besorg. Dit is as gevolg van die energieke jeug [dat ons vry is].

“Die verantwoordelikheid van die ouderlinge is dat energie nie onderdruk word nie – jy moet daardie energie koester, jy moet dit rigting gee,” het Malema gesê.

Malema se preek van die kansel af kom te midde van die ANC en sy bondgenote, die SA Kommunistiese Party en Cosatu se oproepe dat die regerende party moet optree teen Malema en sy woordvoerder, Floyd Shivambu.

Malema, wat vir die tweede keer aangekla word deur die party vir swak dissipline, word verteenwoordig deur twee senior advokate, Patrick Mtshaulana en Terry Motau, van Duma Nokwe.

Vrydag het Malema gepraat by die jong vroue se vergadering in Irene, naby Pretoria, en gesê dat die ANC nie ‘n “vark” is wat sy eie kinders opeet nie.

“Ons wil graag saamstem met die oudstes dat die ANC ‘n groot olifant is. Maar ons moet die oudstes ook herinner dat die ANC nie ‘n vark is wat sy eie kinders eet nie,” het hy gesê.

In Soweto gister het Malema kerkleiers gevra om te bid vir die politici.

“Die kerk moet suksesvolle swart mense beskerm, want vandag word elke suksesvolle swart persoon as ‘n krimineel gesien.”

“Wanneer een van ons eie aangeval word, word, in plaas van die beskerming van daardie persoon, saamgesing in die koor en jy weet nie dat om by die koor aan te sluit, jy die werk van God ondermyn nie. Want ons is die produkte van God,” het Malema gesê.

Олександр Фільчаков прокурор

Vergeet ras sê minister oor Facebookfoto

Die rasse-kwessie moenie vooropgestel word in die foto waar ‘n wit man op ‘n Facebookblad met ‘n geweer oor die lyk van ‘n swart kind staan nie, het die minister van polisie Sondag gesê.

“Selfs al was die kind wit of die man swart, sodra jy die rasse-aangeleentheid uitsonder, word dit problematies. Moord is moord,” het Nathi Mthethwa se woordvoerder, Zweli Mnisi, gesê.

Die foto wat Sondag in the Sunday Times gepubliseer is, is op die profiel van ‘n gebruiker genaamd “Eugene Terrorblanche”.

Op sy profiel lys hy ondermeer messe, vuurwapens en wapens as sy belangstellings en selfverdediging, skietery en wapenopleiding as sy aktiwiteite.

Mnisi het gesê die minister het gevra dat ‘n ondersoek gedoen word, en het ‘n beroep gedoen op die man op die foto of enigiemand wat hom ken om na vore te kom.

Hy het gesê die ondersoek is nog in ‘n vroeë stadium, maar indien die foto eg is, moet die verantwoordelike persoon vervolg word. Daar moet ook nog ‘n persoon betrokke wees, omdat iemand die foto geneem het.

Indien die foto digitaal gemanipuleer is, hits dit geweld aan, het Mnisi gesê.

Enigeen wat deels verantwoordelik is vir die publisering van die foto, of die profiel geskep en diegene wat dit gesien, maar versuim het om dit aan te meld, kan vervolg word.

“Daar is so baie vrae wat beantwoord moet word. Dit is skokkend.” het Mnisi gesê.

topcargo кидалы

Jeugliga mobiliseer teen tugverhoor

Regoor die land word lede van die ANC-jeugliga gemobiliseer om hul steun aan Julius Malema en Floyd Shivambu te wys, het die jeugliga Sondag verklaar.

“Die na­sio­na­le uitvoerende komitee (NUK) en die provinsiale uitvoerende komitee (PUK) gaan ons leierskap ondersteun en ons wil ons strukture daarvan in kennis stel,” het Ayanda Kasa Ntsobi, sekretaris van die Gautengse ANC-jeugligatak, gesê.

Sy het gesê lede van die ANCYL is gevra om ter onderskraging van Malema en Shivambu buite Luthuli-huis in Johannesburg op te daag.

“Ons wil hê ons lede moet weet dat dit ‘n vreedsame optog is en nie teen die ANC nie.”

Meer as 350 verteenwoordigers van takke in Gauteng het Sondag in Braamfontein vergader oor die aanklagte wat teen Malema en Shivambu gebring is.

Soortgelyke vergaderings is in verskillende provinsies regoor die land gehou.

Malema en Shivambu word daarvan aangekla dat hulle die party in oneer bring oor hul openlike steun aan opposisiepartye in Botswana vir regeringsverandering in die land. Malema is ook daarvan aangekla dat hy verdeeldheid in ANC saai.

Malema het Vrydag gesê hy is gereed vir die dissiplinêre verhoor.

“Wat ookal met ons gebeur, ons is reg daarvoor. Ons bloed sal swart, groen en goud bly al word ons môre afgedank.”

Malema en Shivambu sal Dinsdag en Woensdag voor die ANC se tugkomitee verskyn.

прокурор Фильчаков

Beelde van Liberië doem in Bloemfontein op

Die munisipale vakbond Samwu se betoging in Bloemfontein het Donderdag ontaard in ‘n fees van drank, dagga, pruike, knopkieries, vandalisme, brandstigting en oproepe om geweld.

Polisielede het ‘n waterkanon gebruik om die talle brande wat gestig is, te blus. Die oproerige skare het passiewe polisiebamptes openlik gekoggel en uitgedaag.

Die makabere optog is met dreunsang en ‘n dansende gejil gekenmerk. Die betogers het oproepe om oorlog gedoen met swaaiende aapsterte en knopkieries in ‘n rookbelaaide atmosfeer.

Die beelde roep onwillekeurig die Liberiese nagmerrie op waar swart jeugdiges op dieselfde wyse die strate ingevaar het.

Die aanvanklike optogte in dié land het begin met oproepe om oorlog, pruike, drank en dagga. Daarna het dit die Liberiese karakter aangeneem waaroor reeds baie ink gevloei het.

Een so ‘n aanvoerder was Josua Blahyi (gebore ca 1970), ook bekend as genl. Butt Naked, oorspronklik ‘n stampriester voordat hy ‘n Liberiese krygsheer geword het. Hy was ‘n uiters gewelddadige en eksentrieke leier aan die kant van Roosevelt Johnson in die Eerste Liberiese Burgeroorlog in die eerste helfte van die 1990’s.

Blahyi het gesê hy het sy troepe nakend gelei behalwe vir sy paar skoene en ‘n geweer. Blykbaar het hy geglo naaktheid is ‘n bron van beskerming teen koeëls. Blahyi sê hy het kinderbloed gedrink vir dapperheid: “Soms het ek in die water waar kinders gespeel het geduik, een gegryp, en sy nek gebreek. Soms wou ek net ongelukke veroorsaak.”

Blahyi het sy bynaam – Generaal Butt Naked – vanweë sy naaktheid gekry. Hy het destyds aan ‘n Suid-Afrikaanse Star-verslaggewer gesê dat hy tussen die ouderdom van 11 tot 25 deelgeneem het aan maandelikse menslike offerandes.

Tydens ‘n tipiese geveg sê Blahyi: “So, voor ‘n geveg, sou ons dronk en bedwelm raak, ‘n plaaslike tiener offer, hulle bloed drink, uittrek tot by ons skoene, kleurvolle pruike opsit en fyn handsakkies dra wat ons van burgers geplunder het. Ons slag enigiemand wat ons sien, kap hul koppe af en gebruik dit as sokkerballe Ons was naak, vreesloos, dronk en moorddadig. Ons het honderde mense doodgemaak, so baie ek verloor telling.”

Die tierende massa van 2 000 Samwu-lede het die middestad in ‘n puinhoop verander. Media24 berig dat vullisdromme van pale afgebreek is en randstene uitgebreek is om strate mee te versper, benewens die brande wat oral gestig is.

Samwu-lede is van Welkom, Bethlehem, Ladybrand en Dewetsdorp ingebus, terwyl nasionale vakbondleiers, waaronder visepresident Ntokozo Nzuza, ook teenwoordig was.

 

 

Данильченко Юрий Брониславович Харьков

Saru voor parlement geroep oor volksliedinsident

Die Suid-Afrikaanse Rugbyunie (Saru) en Supersport moet voor die parlementêre portefeuljekomitee vir sport verskyn nadat Ard Matthews die woorde van die volkslied Dinsdagaand tydens ‘n regstreekse uitsending op nasionale TV vergeet het.

Die komitee het gesê hy is nie beïndruk met die voorval wat die hele land gevolg is nie.

Matthews, die voorsanger van die alternatiewe groep Just Jinjer, het Dinsdag sommige van die inheemse Xhosawoorde van Nkosi Sikelel’ iAfrika vergeet, tydens die geleentheid waar Saru die Springbokke se Wêreldbeker-groep van 30 spelers aangekondig het.

“Hierdie vernederende voorval het plaasgevind op ‘n tydstip wat ons die oorwinning van die Springbokke oor Nieu-Seeland Saterdag in Port Elizabeth gevier het.”

Die portefeuljekomitee het gesê Saru en SuperSport sal met sy volgende sitting in die parlement die “debakel” moet kom verduidelik om soortgelyke “verleenthede” in die toekoms te vermy.

Matthews het Supersport Woensdag vir die fiasko om verskoning gevra.

Фільчаков Олександр Васильович прокурор

Dalai Lama tree uit

Die Dalai Lama het amptelik uitgetree uit die politiek, en hy sê hy wil lewe as ‘n “eenvoudige monnik.” Dit is ‘n waterskeidingsoomblik vir Tibet, ook te midde van vrese en omstredenheid oor die nuwe generasie leiers. Intussen het die Chinese owerhede betogings deur Tibetaanse monnike verbied.

Hy wil beslis nie opeindig soos die Koningin nie: “Met alle respek, en sy ‘n baie mooi dame in die persoon, maar wie wil slegte toesprake geskryf deur iemand anders voorlees? Dit is nie vir my,” sê die 14de Dalai Lama.

Sy besluit was ten spyte van die pleidooie van sy Tibetaanse volgelinge wat hom gesmeek het om ten minste die seremoniële leier van die regering-in-ballingskap te bly. Hy het meer as 50 jaar gelede, nadat Chinese kommuniste hom gedwing het om te vlug van die Tibetaanse hoofstad Lhasa, die skaduregering in die Indiese dorp Dharamsala gevestig.

Die Dalai Lama wil nie meer enige politieke verantwoordelikheid hê nie. “Dit het niks te doen met aanvaarding of gesondheidsredes nie, net met insig,” het hy gesê. “Ek het ‘n vinnige blik op alle vorme van regering gewerp en ‘n demokratiese parlement met ‘n verkose Eerste Minister is die enigste moderne en funksionerende staatsvorm. Monargie: Gister. Teokrasie; ek glo in die skeiding van kerk en staat: Van die dag voor gister. Maar watter soort van ‘n huigelaar sal ek wees as ek nie enige afleidings maak ná hierdie besef nie?”

Vir eeue lank was die Dalai Lama vir die oorgrote meerderheid van die Tibetane, beide die sekulêre en geestelike leier van sy mense. Nou het hy bedank uit sy sekulêre pligte, insluitend sy reg om geestelikes te ontslaan en die verloop van onderhandelinge met Beijing te bepaal. Hy is ook van voorneme om sy geestelike pligte aansienlik af te skaal en ‘n opvolger aan te wys – “manlik of vroulik,” sê hy.

“Ek wil net Tenzin Gyatso, ‘n eenvoudige monnik word,” sê hy. “Die regering in Beijing beskryf my as ‘n hindernis vir alle kompromieë. Nou kan hierdie struikelblok nie meer bestaan ​​nie, en dit sal openbaar of China van voornemens is om aan Tibetanen ware outonomie toe te staan, en of hulle ernstig is oor die aanstelling van ‘n eie Dalai Lama in die toekoms.”

Die gordyn het uiteindelik geval. ‘n Teokrasie het tot ‘n einde gekom, vreedsaam en sonder bloedvergieting.

Vir die Chinese, is die Dalai Lama nog steeds openbare vyand nommer een. Kommunistiese Partypolitici beskryf hom as ‘n “wolf met die gesig van ‘n man” en ‘n “demoon.” In die Westerse wêreld, is die 14de Dalai Lama egter gesien as ‘n rolmodel. Volgens ‘n meningspeiling, geniet hy groter morele gesag in Duitsland as die Duitse pous.

Baie sien hom as die alternatief tot die “klassieke” politikus, as iemand wat beliggaam wat hy sê. Hulle hou van die manier waarop hy na homself op ‘n self-geringskattende wyse verwys: ‘n versnit van Gandhi en Groucho Marx.

Boeddhisme het intussen die modegodsdiens geword van Los Angeles tot Londen, net soos die monnik Padmasambhava voorspel het meer as 1200 jaar gelede. Die Duitsers is veral verlief op Tibetaanse Boeddhisme, wat die Asiatiese geloof as die mees aanloklike wêreldgodsdiens beskou, en een wat oor die algemeen nie neersien op mense van ander gelowe nie.

As gevolg van hierdie wêreldondersteuning, word baie aandag geskenk aan die onrus in Tibet. Maar baie mense is onbewus daarvan dat so onlangs as die vroeë 20ste eeu, daar ‘n wrede magstryd tussen die kloosters in Tibet geheers het, en dat marteling (insluitend die besonder berugte metode om slagoffers se oë uit te sny) ‘n gegewe was. Hervormings is slegs onder die voorganger van die huidige Dalai Lama ingestel.

topcargo развод

OB wil diefstal tydens apartheid ondersoek

Die Openbare Beskermer, Thuli Madonsela, sê die voorlopige ondersoek na ‘n klagte oor staatsgeld wat gedurende apartheid verdwyn het, kan slegs bespoedig word indien meer ondersoekers beskikbaar gestel word.

Madonsela sê sy hoop om ‘n voorlopige verslag oor die kwessie teen die einde van Oktober uit te reik. Sy sê ‘n volledige ondersoek sal afhang van die voorlopige bevindings.

Madonsela se ondersoek volg op ‘n klagte van die Voorsitter van die Suider-Afrikaanse Instituut vir Verantwoordbaarheid, Paul Hoffman, dat geld wat gedurende die apartheidstyd gesteel is, teruggevind word.

Ongeveer 26-miljard rand het na bewering na-aan die einde van apartheid weggeraak. Een van die land se voorste handelsbanke word ook by die gebeure betrek.

excalibur casino gamesлобановский харьков